မြန်မာနိုင်ငံသား စိစစ်ရေးကဒ်မရှိလည်း ယာယီနိုင်ငံကူးလက်မှတ်လုပ်ရန်လွယ်ကူ

Thursday, 24 June 2010 08:11 သျှမ်းသံတော်ဆင့်

ရွှေ့ပြောင်းအလုပ်သမားများ နအဖ ထုတ်ပေးသည့် နိုင်ငံသားစိစစ်ရေးကဒ်ပြားမရှိသော်လည်း မြန်မာ နှင့် ထိုင်းအစိုးရ ပူးပေါင်းအကောင်အထည်ဖေါ်သည့် ယာယီနိုင်ငံကူးလက်မှတ် လုပ်ရန်အခက်အခဲမရှိကြောင်း သျှမ်းရွှေ့ပြောင်းအလုပ် သမားတဦးက ပြောပါသည်။

“မနေ့က တာချီလိတ်မှာ ကျနော်တို့ ယာယီနိုင်ငံကူးလက်မှတ်သွားလုပ်ကြတယ်၊ မှတ်ပုံတင်မရှိလဲ ရတယ်၊ အကုန် အကျ တော့များတယ်၊ အားလုံးအပြီးအစီး ၆၅၃၅ ဘတ်။ ကျနော်တို့လို ကျဘမ်းအလုပ်သမားအတွက် မနည်းဘူးလေဗျာ။ ” - ယမန်နေ့က တာချီလိတ်သို့ ယာယီနိုင်ငံကူးလက်မှတ်ပြန်လုပ်သူတဦးက ပြောပါသည်။
ယာယီနိုင်ငံကူးလက်မှတ်စီမံကိန်းတွင် နိုင်ငံသားစိစစ်ရေးကဒ်ပြားမရှိသူများ၏ အနာဂတ်အတွက် စိုးရိမ်ရသော်လည်း ထိုင်းနိုင်ငံ ချင်းမိုင်မှ နေ့ချင်းပြန် သွားလုပ်နိုင်ကြောင်း ပြောပြပါသည်။

“ကျနော်တို့ကို ထိုင်းကပွဲစားတွေကခေါ်သွားတာလေ။ သူတို့အကျိုးဆောင်မလုပ်ပေးရင်ဘယ်လွယ်မလဲ။ ဗမာ ဘက်ခြမ်းက ပွဲစားတွေနဲ့ ထိုင်းဘက်ခြမ်းက ပွဲစားတွေ ပူးပေါင်းပြီးလုပ်တာ။ ကုန်ကျစရိတ်တော့များတယ်။ ယာ ယီနိုင်ငံကူးလက်မှတ်လုပ်ပြီးခြင်း ၂၄ နာရီအတွင်း ထိုင်းလူဝင်မှုကြီးကြပ်ရေးကိုအကြောင်းကြားရတယ်။ ထိုင်း အလုပ်သမားဌာနကိုတော့ အလုပ်ရှင်နဲ့အတူသွားရင် ပိုလွယ်တယ်။” - ဟု ဆက်ပြော၏။

ယာယီနိုင်ငံကူးလက်မှတ်လုပ်ရန် မှတ်ပုံတင်မရှိသူများအတွက် မိဘဘိုးဘွားနာမည် ခုနှစ်ဆက်ပြောပြရကြောင်း၊ ဘီ၊ ဘင်တို့၏ နာမည်မသိသူများအတွက် စိတ်အနှောင့်အယှက်ဖြစ်မိကြောင်း၊ သို့သော်တရက်တည်းဖြင့် အပြီး လုပ်နိုင်သဖြင့် ထင်သလောက်ပင်ပန်းခြင်းမရှိကြောင်းပြောပါသည်။
တရားဝင်အလုပ်သမားဖြစ်ရေးအတွက် ထိုင်း-မြန်မာ နှစ်နိုင်ငံပူးပေါင်းသည့်စီမံကိန်းတွင် (လက်ရှိပေါက်ဈေးအရ) ယာယီနိုင်ငံကူးလက်မှတ် (ထိုင်းအကျိုးဆောင်ကုမ္ပဏီထံပေးရသည့်ငွေ) ဘတ်ငွေ ၄၆၅၀၊ ထိုင်းအလုပ်သမား ရေးရာဌန ဘတ်ငွေ ၁၄၅၀၊ မှတ်ပုံတင်ကြေး (မြန်မာမှတ်ပုံတင်မရှိသည့်သူ) ဘတ် ၃၇၀၊ စာအုပ် (ယာယီနိုင်ငံ ကူးလက်မှတ်) ကြေး ၆၅ ဘတ်၊ စုစုပေါင်း ၆၅၃၅ ဘတ် ကုန်ကျ ကြောင်းသိရပါသည်။

“အနာဂတ် ဘယ်လိုဖြစ်လာမလဲတော့မသိဘူး၊ မြန်မာဘက်က အလုပ်သမားတွေရဲ့ ၀င်ငွေခွန် ထပ်ကောက်ဦး မလား မသိဘူး၊ ဒါပေမယ့် ယာဉ်မောင်းလိုင်စင်တွေ၊ မော်တော်ယာဉ်ပိုင်ဆိုင်တဲ့အခွင့်အရေးတွေရတယ်ဆိုတော့ မဆိုးဘူးပေါ့၊”- ဟု ယာယီနိုင်ငံကူးလက်မှတ်ကိုင်ဆောင်ထားသူ ဆောက်လုပ်ရေးအလုပ်သမား ကျိုင်းတုံသား စိုင်းလုံကျောက် ကပြောပါသည်။

“အရင်က ကျနော်တို့ ထိုင်းထဲကို ခိုးဝင်အလုပ်လုပ်တဲ့သူခိုးတွေ၊ အခုတော့ကိုယ်ပိုင်နံပါတ်တွေနဲ့ တရားဝင်နယ် စပ်ဂိတ်ကို ခေါင်းမော့ရင်ကော့ပြီးဖြတ်သန်းတယ်။ ထိုင်းထဲမှာလည်း ဘယ်သူကိုကြောက်စရာမလိုတော့ဘူး၊ ဥပဒေနဲ့ လွတ်ကင်းရင်ပြောတာနော်” - ဟု သျှမ်းပြည်သား ကရင်အမျိုးသားတဦးကလည်း သျှမ်းသံတော်ဆင့် သို့ပြောပြပါသည်။ ထိုင်း - မြန်မာပူးပေါင်းအကောင်အထည်ဖေါ်သည့် စီမံကိန်း၌ ယာယီနိုင်ငံကူးလက်မှတ်ကိုင်ဆောင်ထားသူတိုင်း ထိုင်းနိုင်ငံအတွင်း အလုပ်လုပ်ခွင့်သုံးနှစ်ဆက်တိုက်ရရှိမည်ဖြစ်ပြီး၊ သတ်မှတ်ချိန်ပြည့်လွန်ပါက မိမိနေရပ်/ တိုင်းပြည် သို့ သုံးနှစ်ပြန်နေရမည်ဖြစ်သည်။

ယာယီနိုင်ငံကူးလက်မှတ်လုပ်ရန်အတွက် နအဖက တာချီလိတ်၊ မြ၀တီ၊ ကော့သောင်းမြို့တို့တွင် ရုံးဖွင့်လှစ် ပေးထားပြီး တရက်လျှင် အလုပ်သမား ၂၀၀ ခန့် ယာယီနိုင်ငံကူးလက်မှတ်ထုတ်ပေးလျက်ရှိသည်။ ထိုင်းနိုင်ငံ အတွင်း မြန်မာအလုပ် သမား ၁.၁ သန်း တရားဝင်အလုပ်လုပ်နိုင်ရေးအတွက် - ၂၀၁၂ ခုနှစ်အထိ စီမံကိန်းချလုပ်ဆောင်ပေးသွားမည် ဟု သိရသည်။

မတရား စေခိုင်းခံရသည့် မြန်မာ အလုပ်သမားများကို ကယ်ထုတ်

ဘစောတင် Wednesday,June 23, 2010

ထိုင်းနိုင်ငံ ဘန်ကောက် မြို့လယ်ရှိ ဒဲန်းဒဲအရပ်မှ စက်ချုပ်ရုံငယ် တခုအတွင်း မတရား အလုပ်စေခိုင်း ခံရပြီး လှောင်ပိတ် ခံထားရသည့် မြန်မာ အလုပ်သမားများ ထဲမှ ၆ ဦးကို ရောင်ခြည်ဦး အလုပ်သမား အဖွဲ့ (ဘန်ကောက်) က ကူညီ ကယ်ထုတ် နိုင်သောကြောင့် ထွက်ပြေး လွတ်မြောက် ခဲ့ကြောင်း သတင်းရရှိသည်။

စက်ရုံမှ လွတ်မြောက် ခဲ့သူများ၏ ဆွေမျိုးများက ရောင်ခြည်ဦးကို ဖုန်းဆက် အကြောင်းကြား လာသောကြောင့် သွားရောက် ကယ်ထုတ် ပေးခဲ့ရကြောင်း၊ ပထမ အကြိမ်တွင် အဆင်မပြေဘဲ ယခုလ ၁၁ ရက်နေ့ကမှ ကယ်ထုတ် ပေးနိုင်ခဲ့ကြောင်း အလုပ်သမားများ လွတ်မြောက်ရန် ကိုယ်တိုင်ပါဝင် ကူညီခဲ့သူ ရောင်ခြည်ဦး အဖွဲ့သား တဦးက ပြောပြသည်။
“ပထမ တခေါက်မှာ ကျနော်တို့ တက္ကစီနဲ့ သွားတော့ သူဌေးလူယုံတွေ မလစ်တာနဲ့ သူတို့ ထွက်လာလို့ မရဘူး။ သူဌေးက သူတို့ကို အမြဲတမ်း စောင့်ကြည့် ခိုင်းထားတာ။ ဒုတိယအကြိမ် သွားခိုးထုတ်မှပဲ ရလာတယ်” ဟု ရောင်ခြည်ဦး (ဘန်ကောက်) ရုံးတာဝန်ခံ ကိုစောဂျက်က ဧရာဝတီသို့ ပြောသည်။

အဆိုပါ စက်ရုံတွင် အလုပ် လုပ်နေသူများမှာ ပြင်ပသို့ သွားခွင့်မရှိဘဲ ပစ္စည်းဝယ်ချင်ပါက စက်ရုံ အလုပ်သမား ခေါင်းမှ တဆင့် ၀ယ်ယူရပြီး မလွှဲမရှောင်သာ အပြင်သို့ ထွက်ရလျှင်လည်း သူဌေး လူယုံနှင့်သာ သွားခွင့်ရကြောင်း သိရသည်။

ရောင်ခြည်ဦး အဖွဲ့သားများသည် အဆိုပါ စက်ရုံမှ မချမ်းမြေ့ (လွိုင်ကော်)၊ မလဲ့လဲ့ (ရန်ကုန်)၊ ကိုစံလင်းအောင်၊ မဇင်မာ၊ မဖြူထွန်းနှင့် ကိုတိမ်တိုက် တို့ကို ခိုးထုတ် ကယ်တင် နိုင်ခဲ့သည်။

လွတ်မြောက် လာသူထဲမှ မချမ်းမြေ့၏ ပြောပြချက်အရ အဆိုပါ စက်ရုံတွင် အလုပ် လုပ်နေသော သူငယ်ချင်း တဦး ခေါ်သောကြောင့် မဲဆောက်မှနေ၍ သူဌေး စားရိတ်ဖြင့် တက်လာခြင်း ဖြစ်ကြောင်း၊ တရက်လျှင် ဘတ် ၇၅၀ (ကျပ် ၂၂၀၀ ခန့်) ရမည်ဟု သူငယ်ချင်းက ပြောခဲ့ကြောင်း သိရသည်။

သို့ရာတွင် ၎င်း အလုပ်စဝင်စဉ် တနေ့ ဘတ် ၆၀၊ ၇၀ (ကျပ် ၂၁၀၀ ခန့်) သာ ရကြောင်း၊ နေ့စဉ် ည ၂ နာရီ၊ ၃ နာရီခန့် အထိ အလုပ် လုပ်ရကြောင်း။ နံနက် ၉ နာရီ အလုပ် ပြန်ဝင်ရ ကြောင်းလည်း မချမ်းမြေ့က ပြောပြသည်။

“ဟင်းဝယ် စားတာက တနေ့ကို ၄၀ လောက်ကုန်တယ်။ ညဥ့်လည်း အရမ်းနက်တယ်။ ကျမ အဲဒီမှာ ၃၅ ရက် ကြာခဲ့တယ်။ တနေ့ကို ၇၅၀ မပေးနဲ့ဦး၊ ၂၀၀ လောက် ရရင်တောင် ကျမတို့ ထွက်မပြေးပါဘူး” ဟု သူက ဆိုသည်။

ယခုကဲ့သို့ မချမ်းမြေ့ ထွက်ပြေး လာခဲ့သည့် အတွက် ၎င်းကို ခေါ်ယူခဲ့သည့် အဆိုပါ စက်ရုံတွင် အလုပ် လုပ်နေဆဲ ဖြစ်သော သူငယ်ချင်း ဖြစ်သူက အလျော် ပေးရမည် ဖြစ်ကြောင်း မချမ်းမြေ့က ပြောသည်။

အဆိုပါ စက်ရုံ ပိုင်ရှင်သည် အလုပ်သမား ၆ ဦး ထွက်ပြေး ခဲ့ပြီးနောက် ကျန်ရှိသူများကို ပိုမို တင်းကျပ်ကာ သော့ခတ် ပိတ်လှောင် ထားသည်ဟု လွတ်မြောက် လာသူထဲမှ မလဲ့လဲ့က ရှင်းပြသည်။

ယင်းအမှုနှင့် စပ်လျဉ်း၍ ရောင်ခြည်ဦး (ဘန်ကောက်) မှတ်တမ်းတွင် “အလုပ်သမား များအား နံနက် ၉း၀၀ မှ စတင် ခိုင်းစေပြီး နောက်တနေ့ နံနက် ၃း၀၀ နာရီ အထိ အလုပ် လုပ်ခိုင်းသည်။ အလုပ်များအား ပုတ်ပြတ် လုပ်ကိုင်ခိုင်းပြီး စုစုပေါင်း တနေ့ အလုပ်ချိန် ၁၈ နာရီ ခိုင်းစေ သော်လည်း တနေ့လျှင် ဘတ် ၆၀ မှ ၈၀ (ကျပ် ၁၈၀၀ မှ ကျပ် ၂၄၀၀) အတွင်းသာ ရရှိကြသည်။ ၁၅ ရက် တခါ ဘတ်ငွေ ၇၅၀ ထုတ်ပေးပြီး တခြား လုပ်အားခ ငွေများ ထုတ်ပေးခြင်း မရှိ။ ကယ်ရီစရိတ် မကြေသေး သူများကို ကယ်ရီစရိတ် ဖြတ်နေခြင်း ဖြစ်ကြောင်း ပြောဆိုပြီး ကယ်ရီ စရိတ်ကြေ (အကြွေး ကြေသူများ) သူများထံမှ အာမခံကြေး ဘတ် ၄၀၀၀ (ကျပ် ၁၂၀၀၀၀ ခန့်) အထိ ဖြတ်ယူမည် ဖြစ်ကြောင်း ပြောဆိုသည်” ဟု ရေးသား ထားသည်။

ဇွန်လ ၁၁ ရက်နေ့တွင် အလုပ်ရှင်၏ မတရား ခေါင်းပုံဖြတ်မှုကို မခံနိုင်သော အလုပ်သမား ၆ ဦး ထွတ်ပြေး လွတ်မြောက်ခဲ့ရာ ၎င်း အလုပ်သမားတို့၏ ဓာတ်ပုံများကို ပတ်ဝန်းကျင်တွင် ဖြန့်ဝေပြီး ရှာဖွေ သတင်းပေး နိုင်သူများအား ဘတ် ၁၀၀၀၀ (ကျပ် ၃ သိန်းခန့်)၊ လာရောက် ခိုးထုတ်သူကို ရှာဖွေ သတင်းပေး နိုင်သူအား ဘတ် ၁၀၀၀၀ (ကျပ် ၃ သိန်းခန့်) ပေးမည့်ဟု ဆုငွေ ထုတ်ထားကြောင်း၊ ဆိုင်ကယ် ကယ်ရီသမားများ၊ တက္ကစီ ယာဉ်မောင်းများ အပြင် ဘန်ကောက် နယ်မြေ ကျွမ်းကျင်သော မြန်မာ အလုပ်သမားများ ကိုလည်း ၀ိုင်းဝန်း ရှာဖွေပေးရန် အကူအညီ တောင်းထားကြောင်း ရောင်ခြည်ဦး၏ မှတ်တမ်းဖိုင်တွင် ရေးသားထားသည်။

ယင်းသို့ ကူညီကာ ခိုးထုတ် ကယ်တင်ခဲ့သော ရောင်ခြည်ဦး (ဘန်ကောက်) အဖွဲ့ မှ တာဝန်ရှိသူ များကို တွေ့လိုကြောင်းကို အဆိုပါ စက်ရုံမှ စကားပြန် ကိုကောင်းမြတ်က အကြောင်းကြားလာ သဖြင့် ရောင်ခြည်ဦး (ဘန်ကောက်) နှင့်အတူ ဘန်ကောက် အခြေစိုက် မြန်မာ့အရေး ဆောင်ရွက်သော အဖွဲ့များ ပူးပေါင်းကာ သွားရောက် တွေ့ဆုံရန် စီစဉ်နေ ကြကြောင်း သိရသည်။

စက်ရုံပိုင်ရှင်မှာ မြန်မာနိုင်ငံသား ရှမ်းတရုတ် လူမျိုး ဖြစ်ပြီး မြန်မာခရီးသွား လက်မှတ် ကိုင်ဆောင်သူဟု သိရသည်။ သူ၏ ဇနီးမှာ ချင်းမိုင်မြို့သူ ထိုင်းနိုင်ငံသား ဖြစ်သည်။ အလုပ်သမား အားလုံးက ၎င်းတို့ကို အစ်ကိုနှင့် အစ်မ ဟူ၍ ခေါ်ဝေါ်ကြသဖြင့် ၎င်းတို့ အမည်များကို မသိကြပေ။

အဆိုပါ စက်ရုံသည် ဘန်ကောက် မြို့လယ် ဒင်းဒဲအရပ်မှ PM tower နှင့် ဟွေ့ ခွန် ဈေးအနီးတွင် ရှိသည်။

မလေးရှားက တရားမ၀င် မြန်မာအလုပ်သမားများကို ပြန်ပို့ ၊ မြန်မာ့ရွှေဈေးတက်

ရွှေအောင် ၂၃ ဇွန် ၂၀၁၀

မလေးရှားက မြန်မာအလုပ်သမားတွေ အဲအေးရှား အထူးလေ ယာဉ်နဲ့ မြန်မာပြည်ကို ပြန်ပို့ဖို့လုပ်နေပြီး မြန်မာ့ရွှေဈေးတွေလည်း ဆက်တက်နေ တုန်း ဖြစ်ပါတယ်။ မလေးရှားမှာ (Over Stay)အိုဗာစတေးနဲ့ နေထိုင်လုပ်ကိုင်နေတဲ့ မြန်မာ အလုပ်သမားတွေကို အခုရက်ပိုင်းအတွင်းမှာ ဖမ်းပြီး အဲအေးရှားအထူးလေယာဉ်နဲ့ ပြန်လွှတ်ဖို့ လုပ်နေတယ်လို့ မလေးရှား အန်အယ်လ်ဒီအယ်လ်အေဥက္ကဋ္ဌ ကိုကျော်ကျော်က ပြောပါတယ်။

  “ဒီလထဲမှာ နောက်ထပ် စီမံချက် တခုလုပ်လိုက်တာက အဲအေးရှား ကနေ ပြီးတော့ သူ့ရဲ့ အရောင်းမြှင့်တင်ဖို့အတွက် မလေးရှားအစိုးရရယ်၊ ကမ္ဘာ့လွတ်ငြိမ်း ချမ်းသာအဖွဲ့ကြီးကနေပြီးတော့ ဒါကို တောင်းဆို လိုက်တာပေါ့နော်။ ဒီမှာ ဒုက္ခ ရောက်နေတဲ့ နိုင်ငံခြားသား အလုပ်သမားတွေကို ဘာကြောင့် ပြန်လို့ မရတာလဲ ဆိုတော့ လေယာဉ်စရိတ် ဈေးကြီးတာရယ်၊ တရားဝင် ပြန်ခွင့် မရှိတာရယ်ပေါ့။”

“ဒါကြောင့် ဈေးနှုန်းချိုချိုသာသာနဲ့ ပြန်ခွင့်ပေးမယ်ဆိုရင် သူတို့အတွက် သက်သာမယ် ဆိုပြီး အဲဒီလိုတောင်းဆိုလိုက်တော့ ဒီနိုင်ငံအစိုးရကလည်း ဟိုးအရင် ကတည်းက သူတို့ချထားတဲ့ စီမံချက်က နိုင်ငံခြားသားလျှော့ချရေးဆိုတဲ့ စီမံချက်နဲ့ လုပ်ဆောင်တဲ့အခါမှာ ဒီမှာ ရှိတဲ့ နိုင်ငံခြားသား နှိမ်နင်းရေးအဖွဲ့ရယ်၊ ရဲဌာနရယ်၊ လ၀ကရယ်၊ သုံးယောက်ပေါင်းပြီးတော့ ဒီမှာ တရားမ၀င် အိုဗာစတေး ဖြစ်နေတဲ့ နိုင်ငံခြားသား အလုပ်သမားတွေကို ဖမ်းဆီးပြီး အခုအချိန်ကစပြီးတော့ အပေါ်လမ်းက နေ ပြန်ပို့နေတာပေါ့နော်။”

အထူးသဖြင့် စနေ၊ တနင်္ဂနွေနေ့တွေမှာ မြန်မာအလုပ်သမားတွေ ထိုင်လေ့ ရှိတဲ့ စားသောက်ဆိုင်တွေမှာ ၀င်ဖမ်းတယ်လို့လည်း ဆိုပါတယ်။ ပတ်စပို့နဲ့ တရားဝင်လာပြီး အလုပ်လုပ်နေသူတွေကတော့ သူတို့ကိုခေါ်တဲ့ အေးဂျင့်နဲ့ အလုပ်လုပ်တဲ့ နေရာမှန်ရင် အရေးမယူပါဘူး၊ အလုပ်နေရာ ပြတာက တနေရာ အလုပ်လုပ်တာက တနေရာဆိုရင်တော့ ဖမ်းတယ်လို့လည်း ဆိုပါတယ်။ မြန်မာပြည်ကနေ အလုပ်သမား စေလွှတ်တဲ့ အေဂျင်စီတခုရဲ့ အဆိုအရ နိုင်ငံခြားထွက် အလုပ်လုပ်တဲ့ မြန်မာအလုပ်သမား ၇၀ ရာခိုင်နှုန်းက မလေးရှား သွားကြတယ်လို့ ပြောပါတယ်။

အခုစီမံချက်မှာ မြန်မာတွေတင် ဖမ်းတာ မဟုတ်ပါဘူး။ အင်ဒိုနီးရှား စတဲ့ နိုင်ငံခြားသား အလုပ်သမားတွေအားလုံးကို ဖမ်းနေတာပါ၊ အဲအေးရှားလေကြောင်း လိုင်းရဲ့ ၀က်ဘ်ဆိုဒ်မှာ ထုတ်ပြန်ထားချက်အရ ရန်ကုန်-ကွာလမ်လာပူ တကြောင်း သွားကို မလေးရင်းဂစ် ၂၉ ကျပ်တသောင်းလောက်နဲ့ ပြေးဆွဲမယ်၊ ခရီးစဉ်ကို ဇူလိုင် လ ၂၀ ကနေ ၂၀၁၁ ခုနှစ် မေလ ၈ ရက်အထိ ပြေးပေးမယ်လို့ သိရပါတယ်။

တရိပ်ရိပ်တက်နေတဲ့မြန်မာ့ရွှေဈေးက ဒီနေ့လဲ အမြင့်ဈေးမှာရှိနေတုန်းပါ။ ရန်ကုန်အခေါက်ရွှေဈေးက တကျပ်သား ခြောက်သိန်းငါးသောင်းလေးထောင်ပါ၊ ကမ္ဘာ့ရွှေဈေးတက်လို့ မြန်မာ့ရွှေဈေးလည်း လိုက်တက်တာလို့ ရွှေဆိုင်ပိုင်ရှင်တဦး က ပြောပါတယ်၊ ပြီးခဲ့တဲ့ မေလလယ်ပိုင်းကစပြီး ရွှေဈေးက ခြောက်သိန်းလေးသောင်း အထိ တက်ခဲ့ပြီး၊ ရွှေဈေးသမိုင်းတလျှောက် အမြင့်ဆုံးစံချိန် ရောက်ခဲ့ပါတယ်၊ အခုဇွန်လ နှောင်းပိုင်း အရောက်မှာလည်း ခြောက်သိန်းငါးသောင်းအထက်မှာပဲ စံချိန်တင် ရှိနေ တာ ဖြစ်ပါတယ်။

မတရားစေခိုင်းခံရသူ အလုပ်သမားများ လွတ်မြောက်

မြတ်ခိုင်ဦး/၂၃ ဇွန် ၂၀၁၀ ခေတ်ပြိုင်

ဘန်ကောက်မြို့ရှိ ပုဂ္ဂလိကအပ်ချုပ်စက်ရုံတခုတွင် မတရား လှောင်ပိတ်စေခိုင်းခံနေရသော မြန်မာအလုပ်သမား (၆) ဦးသည် ရောင်ခြည်ဦး အလုပ်သမားအဖွဲ့၏ ကယ်တင်မှုကြောင့် ယခုအခါ ဘ၀သစ်ထူထောင်နေကြပြီဖြစ်သည်။

“(၂) ယောက်က ဆူကွန်ဗစ်မှာ အလုပ်ဝင်နေပြီ။ ကျန်တဲ့ (၂) ယောက်ကတော့ သူတို့ဆွေမျိုးတွေဆီရောက်ပြီး မဆက်သွယ်ဖြစ်တော့ဘူး။ ကျန်တဲ့ (၁) ယောက်က ဒါအိုခနွန်မှာ၊ နောက်တယောက်ကတော့ မဲဆောက်ပြန်သွားပြီ” ဟု ရောင်ခြည်ဦးအလုပ်သမားများအဖွဲ့ (ဘန်ကောက်) မှ တာဝန်ခံ ကိုစောဂျက်က ပြောသည်။


ထိုသို့ ရောင်ခြည်ဦးက ပို့ဆောင်ပေးခဲ့သည့်အလုပ်သမားများမှာ မချမ်းမြေ့၊ မလဲ့လဲ့၊ ကိုစံလင်းအောင်၊ မဇင်မာ၊ မဖြူထွန်းနှင့် ကိုတိမ်တိုက်တို့ဖြစ်သည်။

ဘန်ကောက်မြို့၊ ဟွေ့ကွမ်၊ PM တာဝါအနီးရှိ၊ ပုဂ္ဂလိကအပ်ချုပ်စက်ရုံတွင် မတရား ဈေးနှိမ် လှောင်ပိတ်စေခိုင်းခံနေရသူ မြန်မာရွှေ့ပြောင်းအလုပ်သမား (၆) ဦးကို ဘန်ကောက် ရောင်ခြည်ဦးအလုပ်သမားအဖွဲ့က ယခုလ (၁၁) ရက်တွင် ကယ်တင်နိုင်ခဲ့ပြီးနောက် မိဘဆွေမျိုးများ၊ လုပ်ငန်းသစ်များနှင့် မိတ်ဆွေအပေါင်းအသင်းများရှိရာ ၎င်းတို့သွားလိုရာ အရပ်ဒေသများသို့ ပို့ဆောင်ပေးခဲ့ခြင်းဖြစ်သည်။

အဆိုပါစက်ရုံကို တရုတ်နိုင်ငံကူးလက်မှတ် ကိုင်ဆောင်ထားသော မြန်မာလိုကျွမ်းကျင်စွာ ပြောတတ်သည့် ရှမ်းတရုတ်ဟု ယူဆရသူက ပိုင်ဆိုင်ပြီး ယင်းစက်ရုံတွင် အလုပ်သမား (၁၅) ဦးခန့် ရှိသည်ဟု ရောင်ခြည်ဦးအလုပ်သမားအဖွဲ့ထံမှ သိရသည်။

ယင်းအလုပ်ရှင်ဖြစ်သူက မဲဆောက်စက်ရုံများတွင် အလုပ်လုပ်ကိုင်နေသော မြန်မာရွှေ့ပြောင်း အလုပ်သမားများအား မိမိထံ ရောက်ရှိပြီးသော အလုပ်သမားများမှတဆင့် ဖြားယောင်းပြီး လူကယ်ရီဖြင့် တယောက်လျှင် (၁၅,၀၀၀) ဘတ်နှုန်းထား ခေါ်ယူလျက်ရှိကာ မတရားနည်းလမ်းဖြင့် အလုပ်သမားများကို ခေါင်းပုံဖြတ် အနိုင်ကျင့်နေကြောင်း ကိုယ်တွေ့ခံစားရသူများက ပြောသည်။

အဆိုပါ လူကယ်ရီခ ကျေသွားသော်လည်း အာမခံစရိတ်ဟုဆိုကာ နောက်ထပ် ဘတ်ငွေ (၄,၀၀၀) ကို အလုပ်သမားများထံမှ နုတ်ယူနေကြောင်း မတရားစေခိုင်းခံရခြင်းမှ လွတ်မြောက်လာသူတဦးဖြစ်သည့် မချမ်းမြေ့က ပြောသည်။

၎င်းက “ကျမရောက်တာ တလလောက် ရှိပါပြီ။ အရင်က မဲဆောက် ပေါင်မုန့်စက်ချုပ်ရုံမှာ လုပ်ပါတယ်။ တနေ့ကို ဘတ် (၇၀၀)၊ (၂) ရက်ဆိုရင် (၁,၅၀၀) လောက် ရမယ်ဆိုပြီး သူငယ်ချင်းကပြောလို့ လာခဲ့တာပါ။ ဒီရောက်တော့ မနက် (၉) နာရီကနေ မနက် (၂) နာရီ၊ (၃) နာရီလောက်အထိ ချုပ်ရတယ်။ ဒါပေမယ့် ရတော့ တရက်မှ ဘတ် (၆၀) ပဲ ရပါတယ်။ ထမင်းချက် စားပြီးတာနဲ့ ပြန်လုပ်ရပါတယ်။ တပတ်မှာ (၂) ရက်လောက်က မိုးလင်းချုပ်ရတယ်” ဟု ပြောဆိုသည်။

အဆိုပါ အပ်ချုပ်ရုံပိုင်ရှင်သည် အလားတူ စက်ချုပ်ရုံ သဘောမျိုး အိမ် (၄၊ ၅) အိမ်ထက် မနည်းရှိပြီး အလုပ်သမားများကို ပြောင်းရွှေ့ထားလေ့ရှိကာ အလုပ်သမားများအား ခြံတံခါး ပိတ်ထား၍ မဖြစ်မနေ သွားလာရမည်ဆိုပါက ၎င်းတို့၏လူယုံများနှင့်သာ ရှားရှားပါးပါး သွားလာစေသည်ဟု ကိုစောဂျက်က ပြောသည်။

၎င်းက “ဒီလူက စက်ရုံခွဲ တော်တော်များများရှိတယ်။ သူက အဓိက စက်ရုံ (၃) ရုံကို ကိုင်ထားတယ်။ ဟိုတလောကမှ အလုပ်သွားလျှောက်တဲ့ (၂) ယောက်ကိုလည်း အခုလှောင်ပိတ်ထားတယ်။ အလုပ်သမားတွေကို (၂) ပတ်စာ တဝိခ် (one week) မှ ဘတ် (၇၅၀) ပဲပေးတယ်။ သူ့စက်ရုံဆို ထိုင်းအတော်များများလည်း သိတယ်။ နေ့ရောညရော ခိုင်းခိုင်းနေလို့” ဟု ဆိုသည်။

ပုံမှန်အားဖြင့် အဝတ်တထည်လျှင် ဘတ်ငွေ (၂၀) ထက်မနည်း ရနိုင်သော အထည်များအား (၆) ဘတ်နှုန်းဖြင့် မတရားခေါင်းပုံဖြတ် ခိုင်းစေနေသည့်အပြင် အလုပ်သမားအသစ် ထွက်ပြေးလွတ်မြောက်သွားပါက အဆိုပါသူ၏ ကယ်ရီခနှင့် အာမခံကြေးကို ယခင်ရောက်ရှိပြီး ထပ်မံ၍လူဆွယ်ခေါ်ပေးရသော သူများက ပေးချေနေရသည်ဟု သိရသည်။

ထို့ကြောင့် အဆိုပါစက်ရုံတွင် အလုပ်လုပ်ကိုင်နေသူများသည် ယနေ့ထက်တိုင် ပိုက်ဆံရရှိသူ နည်းပါးပြီး ယင်းအလုပ်မှ မလွတ်မြောက်နိုင်သေးသူများ စက်ရုံ (၃) ခုလုံးတွင် ရှိနေသေးကြောင်း၊ ၎င်းတို့ လွတ်မြောက်ရေးအတွက် အကောင်းဆုံးဖြစ်စေရန် အဖြေရှာလုပ်ဆောင်သွားမည်ဖြစ်ကြောင်း ကိုစောဂျက်က ပြောသည်။

ထိုင်းနိုင်ငံတွင် ခရိုင်ဒေသခွဲ အမျိုးမျိုးအပေါ်မူတည်၍ တနေ့ အနိမ့်ဆုံးလုပ်အားခကို သတ်မှတ်ထားသည်။ ဘန်ကောက်နှင့် စမုတ်ပရာကန်ခရိုင်တို့တွင် အမြင့်ဆုံး နေ့တွက်လုပ်အားခ (၂၀၆) ဘတ် သတ်မှတ်ထားသော်လည်း လုပ်ငန်းရှင်အချို့က ရွှေ့ပြောင်းအလုပ်သမားများအား နည်းလမ်းပေါင်းစုံဖြင့် ခေါင်းပုံဖြတ် အနိုင်ကျင့်မှုများ ရှိနေဆဲဖြစ်သည်။

အလုပ်သမားသမဂ္ဂကိစ္စနှင့်ပတ်သက်၍ အာဏာပိုင်များ ခေါ်ယူတွေ့ဆုံ

ရိုးမ ၃။ ဇွန်လ ၂၃၊ ၂၀၁၀

မြန်မာအမျိုးသား အလုပ်သမားသမဂ္ဂ တရားဝင်ဖွဲ့စည်းခွင့် လျှောက်ထားခဲ့သည့်ကိစ္စနှင့် ပတ်သက်၍ ရန်ကုန်တိုင်း အာဏာပိုင်များက သမဂ္ဂဖွဲ့စည်းရေး ဦးဆောင်သူများဖြစ်သည့် ရှေ့နေ ဦးဖိုးဖြူအပါအဝင် သမဂ္ဂဖွဲ့စည်းရာတွင် ပါဝင်သူ (၆) ဦးကို ယနေ့ နံနက်ပိုင်းက ခေါ်ယူဆွေးနွေးမှု ပြုလုပ်ခဲ့သည်။

မြန်မာအမျိုးသား အလုပ်သမားသမဂ္ဂ တရားဝင်ဖွဲ့စည်းခွင့် လျှောက်ထားခဲ့ခြင်းနှင့် ပတ်သက်ပြီး ရှေ့နေဦးဖိုးဖြူနှင့် အဖွဲ့ဝင်များကို ရန်ကုန်တိုင်း ရဲမှူးနှင့်အဖွဲ့က ရန်ကုန်ကမ်းနားလမ်းက အလုပ်သမားရုံးတွင် ခေါ်ယူတွေ့ဆုံခဲ့ပြီး ဥပဒေအရ သမဂ္ဂဖွဲ့စည်းလို့ မရသေးကြောင်းနှင့် ဥပဒေအရ အရေးယူနိုင်ကြောင်း ဆင့်ခေါ်ပြောဆိုခဲ့ခြင်း ဖြစ်သည်။

“သူတို့ ဆင့်ခေါ်တာက မနေ့ကတည်းက စာထဲမှာက အလုပ်သမားသမဂ္ဂ ဖွဲ့စည်းထားရှိသော သတင်းနှင့်ပက်သက်၍ ရှင်းလင်းညှိနှိုင်းဆွေးနွေးဆောင်ရွက်မည် ဖြစ်ပါ၍ အောက်ပါအစီအစဉ်အတိုင်း မပျက်မကွက် လာရောက်ပါရန် ပြစ်မှုဆိုင်ရာ ကျင်ထုံးဥပဒေ ပုဒ်မ၊ ၁၆၀/၁၆၁ အရ ဆင့်ဆိုအကြောင်းကြားအပ်ပါသည် ဆိုပြီး ရေးထားတယ်” ဟု အမည်မဖော်လိုသူ တဦးက ပြောသည်။

ယင်းကဲ့သို့ တိုင်းအာဏာပိုင်များဆင့်ဆိုရာတွင် ဦးဖိုးဖြူအပါအဝင် သမဂ္ဂဖွဲ့စည်းရေးတွင် ပါဝင်သည့် ဦးပါလေး၊ ဦးကြည်လင်း၊ ဦးဝင်းနိုင်၊ မနွဲ့ရီဝင်း၊ မခိုင်သဇင်၊ မအေးချမ်းပြည့်တို့ ပါဝင်ပြီး ၎င်းတို့အား အာဏာပိုင်များက စာအမှတ် (၁၀၁၂ (ဂ) ၁၁၀ ဦး (၁) ) ဖြင့် ဆင့်ခေါ်ခြင်းဖြစ်ကြောင်း ၎င်းက ဆက်ပြောသည်။

ရှေ့နေဦးဖိုးဖြူတို့အနေဖြင့် မြန်မာ့အလုပ်သမားများသမဂ္ဂကို ဥပဒေနှင့်အညီ ဖွဲ့စည်းကြောင်းကို ယခုလ (၁) ရက် နေ့ရက်စွဲဖြင့် ဗိုလ်ချုပ်မှူးကြီးသန်းရွှေနှင့် မှတ်ပုံတင်ရအရာရှိ (၁၉၂၆ ခုနှစ်၊ အလုပ် သမားများ အက်ဥပဒေ ပုဒ်မ (၃) ရ ခန့်အပ်ရမည့် အရာရှိ) အလုပ်သမားဝန်ကြီးဌာန နေပြည်တော်သို့ လိပ်မူကာ တရားဝင် တင်ပြထားခဲ့သည်။

ရှေ့နေဦးဖိုးဖြူ (ခ) ဦးရန်နိုင်အောင်သည် အောင်လံမြို့နယ်အတွင်းမှ လယ်သမားများ မြေယာသိမ်းဆည်းခံရသည့်အမှုကို လိုက်လံဆောင်ရွက်ပေးနေစဉ် ၂၀၀၉ ခုနှစ်တွင် အာဏာပိုင်များက ဖမ်းဆီး၍ ထောင်ဒဏ်ချမှတ်ခံရသူဖြစ်ပြီး ယခုနှစ် ဇန်နဝါရီလက ကမ္ဘာ့အလုပ်သမားအဖွဲ့ချုပ် ညွှန်ကြားရေးမှူး လာရောက်စဉ် အယူခံနိုင်သည့်အတွက် ပြန်လည်လွတ်မြောက်လာသူ ဖြစ်သည်။

ရွှေ့ပြောင်း အလုပ်သမား ဖမ်းပွဲ ဘန်ကောက်တွင် စပြီ

သန်းထိုက်ဦး Monday, June 21, 2010 ဧရာဝတီ

ထိုင်းဝန်ကြီးချုပ် အဖိဆစ် ဝေ့ချာချီဝက တရားမ၀င် ရွှေ့ပြောင်း အလုပ်သမားများကို ဖမ်းဆီး နှိမ်နင်းရန် ညွှန်ကြားချက် ထွက်ပေါ် ပြီးနောက် ဘန်ကောက်မြို့တွင် ဇွန်လ ၁၆ ရက်မှ ၁၉ ရက်နေ့ အတွင်း၌ လူဦးရေ ၈၃၀ ကို ဖမ်းဆီးခဲ့ကြောင်း သိရသည်။ ဖမ်းဆီး ခံရသူ လူဦးရေ ၈၃၀ တွင် မြန်မာ နိုင်ငံသား ၃၄၆ ဦး ပါဝင်ပြီး တခြား နိုင်ငံသားများမှာ လာအိုနှင့် ကမ္ဘောဒီးယား တို့ဖြစ်ပြီး လတ်တလောတွင် ထိုင်းလူဝင်မှု ကြီးကြပ်ရေးတွင် ထိန်းသိမ်း ထားကာ မူရင်း နိုင်ငံသို့ ပြန်ပို့ဖွယ် ရှိကြောင်း ထိုင်းဘာသာဖြင့် ရေးသား ထားသော Manager Online အင်တာနက် သတင်းတွင် ဖော်ပြထားသည်။

ထိုင်းနိုင်ငံသို့ နည်းမျိုးစုံဖြင့် တရားမ၀င် လာရောက် လုပ်ကိုင်နေသော ရွှေ့ပြောင်း အလုပ်သမား အရေးနှင့် ပတ်သက်၍ “နှိမ်နင်းရေး၊ ဖမ်းဆီးရေးနှင့် တရားစွဲဆိုရေး အထူးဌာန” ဖွင့်လှစ်ရန် ညွှန်ကြားချက်ကို ထိုင်းဝန်ကြီးချုပ် အဖိဆစ် ဝေ့ချာချီဝက ပြီးခဲ့သည့် ဇွန်လ ၂ ရက်နေ့က လက်မှတ် ရေးထိုးခဲ့ခြင်း ဖြစ်သည်။

နှိမ်နင်းရေး၊ ဖမ်းဆီးရေးနှင့် တရားစွဲဆိုရေး အထူးဌာန၏ ဗဟို စီမံခန့်ခွဲရေး ကော်မတီကို ထိုင်း ဒုတိယ ဝန်ကြီးချုပ်က ဦးဆောင်၍ အလုပ်သမား ရေးရာဌာနမှ ဒုတိယ အထွေထွေ ညွှန်ကြားရေးမှူးက ညွှန်ကြားရေးမှူးအဖြစ် ဆောင်ရွက်ကြောင်း သိရသည်။

အဆိုပါ ဌာနက တရားမ၀င် အလုပ်သမားများကို လက်ခံထားသော အလုပ်ရှင်ကိုပါ ထိရောက်စွာ အရေးယူ ဆောင်ရွက်သွားမည်ဟု ထိုင်းသတင်းများတွင် ဖော်ပြထားသည်။

ထိုင်းတွင် နှစ်ပေါင်းများစွာ လာရောက် အလုပ်လုပ်နေသူများအတွက် အခွင့်အလမ်း ရှိစေရန် သီးခြား အစီအစဉ် တရပ်ကို ထိုင်း အစိုးရ အနေဖြင့် ဖန်တီးပေးသင့်ကြောင်း အလုပ်သမား အရေး ဆောင်ရွက်နေသူများက ဆိုသည်။

ထိုင်းနိုင်ငံအတွင်း တရားမဝင် ရောက်ရှိ နေထိုင်နေသည့် ပြည်ပအလုပ်သမားများအား မှတ်ပုံတင်ပြီး အလုပ်လုပ်ခွင့် ပေးသည့် အစီအစဉ်ကို ၁၉၉၂ ခုနှစ် တွင် စတင်ခဲ့သည်။

ထိုင်းနိုင်ငံအတွင်းတွင် မြန်မာရွှေ့ ပြောင်းအလုပ်သမား ၂ သန်းခွဲနှင့် အထက်ရှိသည်ဟု အလုပ်သမားအရေး လေ့လာသူများက ခန့်မှန်းကြသည်။

ရွှေ့ပြောင်းအလုပ်သမားများ ဘ၀တိုးတက်ရေး အထောက်အကူပြု သင်တန်းကျောင်းဖွင့်

မြတ်ခိုင်ဦး/၂၁ ဇွန် ၂၀၁၀ ခေတ်ပြိုင်

ထိုင်းနိုင်ငံတွင် ပညာသင်ကြားနေသော မြန်မာကျောင်းသားကျောင်းသူများနှင့် ရွှေ့ပြောင်းအလုပ်သမားများ ဦးစီးသည့် မြန်မာဖွံ့ဖြိုးတိုးတက်ရေး ဖောင်ဒေးရှင်း (MDF) က ရွှေ့ပြောင်းအလုပ်သမားများအတွက် ထိုင်းနိုင်ငံ၊ ပဒုံဌာနီခရိုင်၊ လန်စစ်ရှိ တလဆူချဈေးအနီးတွင် ယမန်နေ့က ကျောင်းတကျောင်း ဖွင့်လှစ်လိုက်သည်။

အဆိုပါကျောင်းတွင် အင်္ဂလိပ်စာ၊ ထိုင်းစာနှင့် ကွန်ပျူတာ သင်တန်းများ သင်ကြားပို့ချပေးမည်ဖြစ်ပြီး ထိုင်းတက္ကသိုလ်များဖြစ်သော ချုလာလောင်ကွန်း၊ တမ္မာဆတ်၊ မဟီဒေါ၊ ကဆတ်ဆ၊ ABAC၊ ဘန်ကောက်၊ ရမ်ကန်ဟမ်၊ ရန်စစ်၊ စိန့်ဂျွန်တက္ကသိုလ်တို့မှ မြန်မာကျောင်းသားကျောင်းသူများ ဦးဆောင်ဖွဲ့စည်းထားသော မြန်မာဖွံ့ဖြိုးတိုးတက်ရေး ဖောင်ဒေးရှင်း (MDF) က ကျောင်းကို ဖွင့်လှစ်လိုက်ခြင်းဖြစ်သည်။

ထိုသင်တန်းကျောင်း၌ စနေ၊ တနင်္ဂနွေ (၂) ရက်တွင် ပညာရေးအတွက် ဖွင့်လှစ်မည်ဖြစ်ပြီး တနင်္လာမှ သောကြာနေ့အတွင်း ကျန်းမာရေး ပညာပေးအစီအစဉ်နှင့် ကျန်းမာရေးအတိုင်ပင်ခံ ဌာနအဖြစ် ဖွင့်လှစ်ဆောင်ရွက်သွားမည်ဖြစ်သည်။ ကျောင်းသားကျောင်းသူများ၏ သွားလာမှုလုံခြုံရေးအတွက် သင်တန်းသားလက်မှတ်များ ထုတ်ပေးထားကာ သက်ဆိုင်ရာ ရဲစခန်းအား အသိပေးထားသည်ဟု သိရသည်။

ကျောင်းဖွင့်လှစ်ခြင်းနှင့်ပတ်သက်၍ MDF ၏ ဒါရိုက်တာ မသူဇာက “ကျမတို့အဖွဲ့အစည်းကို ၂၀၀၈ ခုနှစ်ကတည်းက စတင်ဖွဲ့စည်းခဲ့တာပါ။ ပထမပိုင်းနှစ်တွေမှာတော့ ကျန်းမာရေး အကူအညီပေးမှုတွေကို ရန်စစ်တို့ စမုတ်ပရာကန် ပါ့က်နမ်းတို့မှာ လုပ်ခဲ့ပါတယ်။ အခုကတော့ ပညာရေးအစီအစဉ်ရဲ့ ပထမခြေလှမ်းပါ။ (၃) လသင်တန်းအတွက် ကျောင်းသားတယောက်ကို ဘတ် (၃၀၀) ကျောင်းဝင်ကြေး ထည့်ဝင်ခိုင်းပါတယ်။ ကွန်ပျူတာအတွက်ကျတော့ ဘတ် (၅၀၀) ပါ။ ကျောင်းစဖွင့်တယ် ဆိုပေမယ့် နောက်ထပ် (၂) ပတ် ကျောင်းလက်ခံပါဦးမယ်” ဟု ဆိုသည်။

ယခုစဖွင့်သည့် ပထမအပတ်တွင် ကျောင်းသား ကျောင်းသူပေါင်း (၅၀) ကျော် လာရောက် စာရင်းသွင်း သင်ကြား နေပြီဖြစ်သည်။ ဆရာဆရာမများအဖြစ် တက္ကသိုလ်များတွင် ပညာသင်ကြားနေသော၊ ဘွဲ့ရပြီးသော သူများက တာဝန်ယူ သင်ကြားပေးမည်ဖြစ်ပြီး ထိုင်းဘာသာရပ်အတွက် ထိုင်းဘာသာစကား တတ်ကျွမ်းသော ထိုင်းကရင်၊ ထိုင်းရှမ်းများက သင်ကြားပေးမည်ဖြစ်သည်။

“ပညာမတတ်သေးတဲ့သူတွေကို၊ ပညာတတ်ပြီးသားသူတွေက ဖြန့်ဖြူးပေးနိုင်အောင်၊ တတ်ပြီးသားသူတွေအတွက်လည်း ပိုမိုကျယ်ကျယ်ပြန့်ပြန့် လေ့လာခွင့်ရအောင်ပါ” ဟု MDF ကျောင်းဖွင့်ရသည့် ရည်ရွယ်ချက်ကို မသူဇာက ရှင်းပြသည်။

ထိုင်းနိုင်ငံ ဘန်ကောက်မြို့တော် အနီးတဝိုက်တွင် မြန်မာရွှေ့ပြောင်းအလုပ်သမား (၂) သိန်းကျော်ရှိသည်ဟု ထိုင်းအစိုးရ အလုပ်သမားဝန်ကြီးဌာန၏ စာရင်းဇယားများအရ သိရှိရပြီး ယခုကဲ့သို့ တနိုင်တပိုင်စာသင်ကျောင်းများ ဖွင့်လှစ်လာခြင်းကြောင့် ရွှေ့ပြောင်းအလုပ်သမားများ၏ ဘဝတိုးတက်မှုအတွက် တစုံတရာ အထောက်အကူပြုကြောင်း ရွှေ့ပြောင်းအလုပ်သမားများက ပြောကြားသည်။

လုပ်သားများအပေါ် အနိုင်ကျင့်မှု ကာကွယ်နိုင်ရန် တောင်းဆို

မြတ်ခိုင်ဦး/၁၈ ဇွန် ၂၀၁၀ ခေတ်ပြိုင်

လုပ်သားထုအပေါ် အနိုင်ကျင့် ခေါင်းပုံဖြတ်နေမှုများကို ရွှေ့ပြောင်းအလုပ်သမားများအရေး ဆောင်ရွက်နေသော လူထုအခြေပြု အဖွဲ့အစည်းများက ကန့်ကွက်လိုက်သည်။

အဆိုပါအဖွဲ့အစည်းများက မဲဆောက်မြို့၌ ဇွန် (၁၆) ရက်တွင် အစည်းအဝေးကျင်းပပြီး ကြေညာချက် ထုတ်ပြန်ကန့်ကွက်လိုက်ခြင်းဖြစ်သည်။

ထိုင်းနိုင်ငံ၏ လုပ်သားကာကွယ်ရေးဥပဒေအရ ရွှေ့ပြောင်း အလုပ်သမားများသည် ၎င်းတို့၏ တရားဝင်မှု၊ မဝင်မှုတို့ကို ပလပ်၍ တရားဥပဒေလုပ်ထုံးလုပ်နည်းများအရ တရားနည်းလမ်းတကျ တောင်းဆိုပိုင်ခွင့်ရှိသည် ဆိုသော်လည်း အမှန်လက်တွေ့တွင်မူ များစွာကွဲလဲနေသည်ဟု အစည်းအဝေး တက်ရောက်လာသော စက်ရုံအလုပ်သမားများ၊ စိုက်ပျိုးရေးလုပ်သားများနှင့် ဆောက်လုပ်ရေး လုပ်သားများ ကိုယ်စား လူထုအခြေပြု အဖွဲ့အစည်းများက တင်ပြကြသည်။


အလုပ်သမားအများစုသည် မိမိတို့အခွင့်အရေးအတွက် အလုပ်သမား ကာကွယ်ရေးရုံးသို့ အလွယ်တကူ သွားရောက် တိုင်တန်းနိုင်ကြသော်လည်း ထိုသို့တိုင်တန်းပြီး အပြန်လမ်းတွင် လူဝင်မှုကြီးကြပ်ရေးရဲများ၏ ဖမ်းဆီးခြင်းသော်လည်းကောင်း၊ လုပ်ငန်းရှင်၏ ရုတ်တရက် အလုပ်ထုတ်ပစ်ခြင်းကိုသော်လည်းကောင်း ရင်ဆိုင်ကြုံတွေ့နေကြရသည်ဟုလည်း အဖွဲ့အစည်းများက ပြောကြားသည်။

ရွှေ့ပြောင်းအလုပ်သမားများသည် လုပ်ငန်းခွင်အတွင်းမှာသာ နေထိုင်ရသည်ဖြစ်၍ အလုပ်ပြုတ်ပါက နေရာထိုင်ခင်းပါ မရှိတော့သည့်အတွက် ရာပေါင်းများစွာသော အလုပ်လက်မဲ့များသည် လမ်းများပေါ်၌ သွားလာရ၍ အန္တရာယ်ကြီးပြီး ပြန်လည်ဖမ်းဆီးပို့ဆောင်မှုများလည်း ကြုံတွေ့နေရသည်ဟု ယင်းအဖွဲ့များက ကြေညာချက်တွင် ထည့်သွင်းပြောဆိုထားသည်။

အဆိုပါအဖွဲ့များကို MAP ဖောင်ဒေးရှင်းမှဦးဆောင်ကာ ရောင်ခြည်ဦး၊ မြန်မာပြည်သားများအရေး ပူးပေါင်းဆောင်ရွက်မှုကော်မတီ၊ မြန်မာနိုင်ငံရှေ့နေများကောင်စီ၊ လူ့ဘောင်သစ်ဒီမိုကရက်တစ်ပါတီ၊ ပန်းကံ့ကော်၊ ရခိုင်အလုပ်သမားများအဖွဲ့ စသည့် အဖွဲ့များမှ စုပေါင်းကြေညာချက် ထုတ်ပြန်ခြင်းဖြစ်သည်။

ရွှေ့ပြောင်းအလုပ်သမားများ တရားရင်ဆိုင်ရမှုကာလသည် အလွန်ကြာမြင့်ပြီး အချို့သော ပြဿနာများတွင် အလုပ်လုပ်ခွင့်လက်မှတ် သက်တမ်းထက် ကျော်လွန်နေသည်ကို တွေ့ရှိရကြောင်း၊ ထိုကာလအတွင်း ဖြစ်စေ၊ အမှုစတင်သည့်ကာလတွင် ဖြစ်စေ လုပ်ငန်းရှင်က လုပ်ငန်းပြောင်းလွှဲခွင့်စာ ထုတ်မပေးအဖြင့် ဒုက္ခရောက်ရကြောင်း၊ နာမည်ပျက်စာရင်းအသွင်းခံရသဖြင့် အလုပ်ရှာဖွေလုပ်ကိုင်ခွင့်မရတော့ကြောင်း စသည့်အချက်များကိုလည်း ဖော်ပြထားသည်။

ထိုကိစ္စနှင့် ပတ်သက်၍ အစည်းအဝေး ဖြစ်မြောက်ရေး ပူးပေါင်းဆောင်ရွက်ခဲ့သူ လူ့ဘောင်သစ်ဒီမိုကရက်တစ်ပါတီမှ ဦးဇော်ဇော်ထွန်းက “အဓိကကတော့ အလုပ်သမားတွေ ကြောက်တာ သူတို့ကိုရဲမဖမ်းရေးဘဲ။ ရဲဖမ်းမှာကို ကြောက်မှန်းသိတော့ အလုပ်ရှင်ကလည်း ရဲနဲ့ခြိမ်းခြောက်ပြီး ဂုတ်သွေးစုပ်နေတော့တာပဲ၊ အဲဒီတော့ ဒီလိုဖိနှိပ်ခံရမှုတွေ လျှော့ပါးလာပြီး ထိုင်းအစိုးရကိုယ်တိုင်က သူတို့ရဲ့ မူဝါဒတွေကို ပြန်လည်ပြင်ဆင်လာအောင် တွန်းအားပေးဖို့ လုပ်ဆောင်တာပါ” ဟုဆိုသည်။

အဆိုပါကြေညာချက်တွင် တော်ဝင်ထိုင်းအစိုးရအား ပိုမိုကျယ်ပြန့်သော တောင်းဆိုချက် (၅) ချက်ကို တောင်းဆိုလိုက်သည်။

အဆိုပါအချက်များမှာ တရားရုံးရင်ဆိုင်မှုကာလကို အချိန်တိုကာလအတွင်း ပြီးမြောက်စေရန်နှင့် တရားရုံးများ ပိုမိုတိုးချဲ့ပေးရန်၊ လုပ်ငန်းရှင်သစ် အပြောင်းအလွှဲကာလကို လက်တွေ့ကျကျ ပိုမိုတိုးမြှင့်ပေးရန်၊ အလုပ်ရှင်ပြောင်းလဲရေးနှင့် လုပ်ငန်းအမျိုးအစား ပြောင်းလဲရေးတို့ကို ကန့်သတ်ထားမှုများ လျှော့ပေါ့ပေးရန်၊ တရားရင်ဆိုင်စဉ်ကာလအတွင်း ရွှေ့ပြောင်းအလုပ်သမားများ၏ ထိုင်းနိုင်ငံအတွင်း တရားဝင်တည်ရှိမှုကို သေချာစေရန်နှင့် မတရားမှုကို တရားနည်းလမ်းကျကျ ရင်ဆိုင်နေသော ရွှေ့ပြောင်း အလုပ်သမားများအား ယခုပြုလုပ်နေသော နိုင်ငံသားစိစစ်ရေးပြုမှုနှင့် ယာယီပတ်စပို့စ် လျှောက်ထားခွင့်တို့ကို ခွင့်ပြုရန်တို့ ပါဝင်သည်။

မဲဆောက်ဒေသတွင် မြန်မာရွှေ့ပြောင်း အလုပ်သမား (၂) သိန်းမှ (၃) သိန်းခန့်ရှိမည်ဟု အလုပ်သမားအရေး လုပ်နေသူများက ခန့်မှန်းထားကြပြီး ထိုင်းတနိုင်ငံလုံးတွင် ရွှေ့ပြောင်းအလုပ်သမား (၂) သန်းခန့်ရှိမည်ဟု သိရသည်။

တရားမဝင်ရွှေ့ပြောင်းအလုပ်သမားများအား ဖမ်းဆီးရန် ထိုင်းအစိုးရ အမိန့်ထုတ်ပြန်

မြတ်ခိုင်ဦး/၁၆ ဇွန် ၂၀၁၀ ခေတ်ပြိုင်

ထိုင်းနိုင်ငံအတွင်း အလုပ်လုပ်ကိုင်နေသော တရားမဝင် ရွှေ့ပြောင်းအလုပ်သမားများအား ရှာဖွေ၊ ဖမ်းဆီး၊ တရားရုံးတင်ရန် အမိန့်ကို ထိုင်းဝန်ကြီးချုပ် အဘီဆစ်ဝိချာချီဝက ဇွန် (၂) ရက် ရက်စွဲဖြင့် လက်မှတ်ရေးထိုး ထုတ်ပြန်လိုက်သည်။

ထိုထုတ်ပြန်သောအမိန့်၌ ထိုင်းနိုင်ငံအတွင်း တရားမဝင် ဝင်ရောက် အလုပ်လုပ်ကိုင်နေသော ရွှေ့ပြောင်းအလုပ်သမားများအား သက်ညှာမှုပေးသောအားဖြင့် ၎င်းတို့၏ နိုင်ငံသားစိစစ်ရေးပြုမှု လုပ်ငန်းစဉ်အား ထိုင်းအစိုးရက ဇန်နဝါရီ (၁၉) ရက်၌ ကျင်းပသောအစည်းအဝေးတွင် သက်တမ်းကာလ (၂) နှစ် တိုးပေးပြီးဖြစ်သည်ဟု ဖော်ပြထားသည်။
ထို့ကြောင့် အဆိုပါအလုပ်သမားများသည် နိုင်ငံသားစိစစ်ရေး လုပ်ငန်းစဉ် ပြီးမြောက်ရေးအတွက် ၂၀၁၂ ခုနှစ် ဖေဖော်ဝါရီလအထိ ထိုင်းနိုင်ငံအတွင်း နေထိုင်ခွင့်ရှိပြီး ယင်းသို့ နေထိုင်အလုပ်လုပ်ကိုင် သက်တမ်းတိုးခွင့်ကို ၂၀၁၀ ခု ဖေဖော်ဝါရီလအထိ ခွင့်ပြုခဲ့ပြီးဖြစ်သည်ဟု ဆိုသည်။

အဆိုပါကာလ ကျော်လွန်ပါက နိုင်ငံအတွင်း တရားမဝင် ဝင်ရောက်လာမှုကို အာဏာပိုင်များအနေဖြင့် တရားဥပဒေအရ တိတိကျကျ ဟန့်တားကာကွယ်သွားရမည်ဟု အတိအလင်း ဖော်ပြခဲ့ကြောင်း၊ အာဏာပိုင်များသည် နိုင်ငံသားစိစစ်ရေးလုပ်ငန်းစဉ်အတွင်း မရှိသည့် တရားမ၀င်အလုပ်သမားများအား ဖမ်းဆီးတရားရုံးတင်ခြင်း၊ တရားမ၀င်အလုပ်သမားများအား နိုင်ငံတွင်းသို့ တရားမ၀င်သယ်ဆောင်လာသူများနှင့် တရားမ၀င်နိုင်ငံခြားသား အလုပ်သမားများအား လက်ခံသည့်လုပ်ငန်းရှင်များအား ဖမ်းဆီးအရေးယူခြင်းတို့ကို လုပ်ပိုင်ခွင့်ရှိကြောင်း ဖော်ပြပါရှိသည်။

အစိုးရအဖွဲ့၏ ဆုံးဖြတ်ချက် အသက်ဝင်မှုရှိစေရန်အတွက် နိုင်ငံတော်စီမံခန့်ခွဲရေး ဥပဒေ ၁၉၉၁၊ အခန်း (၁၁/၃)၊ (၁၁/၆) နှင့် (၁၁/၉) တို့အရ တရားမဝင် ဝင်ရောက် အလုပ်လုပ်ကိုင်နေသူများအား ရှာဖွေ၊ ဖမ်းဆီး၊ တရားရုံးတင်ရေး အထူးစင်တာတခု ဖွင့်လှစ်အကောင်အထည်ဖော်ရေးအတွက် အလုပ်သမားဝန်ကြီးဌာန၊ ပြည်ထဲရေးဝန်ကြီးဌာန၊ တော်ဝင်ရဲဌာနရုံး၊ စစ်တပ်နှင့် ရေတပ်တို့မှ ပူးပေါင်းဆောင်ရွက်ရမည်ဖြစ်သည်။

အဆိုပါစင်တာအား ကွပ်ကဲရန် အဖွဲ့ဝင် (၁၅) ဦးပါဝင်သော ဗဟိုစီမံခန့်ခွဲရေးကော်မတီတခု ထားရှိမည်ဖြစ်ပြီး အဆိုပါကော်မတီတွင် ဒု-ဝန်ကြီးချုပ်နှင့် အလုပ်သမားဝန်ကြီးတို့က ဥက္ကဋ္ဌနှင့် ဒု-ဥက္ကဋ္ဌတို့အဖြစ် ဆောင်ရွက်ကာ လိုအပ်သော လုပ်ငန်းစဉ် အသီးသီးအား ဦးဆောင် အကောင်အထည်ဖော်သွားမည်ဖြစ်သည်။

အဆိုပါကော်မတီအောက်တွင် လုပ်ငန်းအကောင်အထည်ဖော်ဆောင်ရေး ကော်မတီခွဲ (၅) ခု ရှိမည်ဖြစ်သည်။

လုပ်ငန်းအကောင်အထည်ဖော်ဆောင်ရေးကော်မတီမှ တရားမဝင် ရွှေ့ပြောင်းအလုပ်သမားများအား ရှာဖွေ၊ ထောက်လှမ်း၊ ဖမ်းဆီးမှုများ ပြုလုပ်ခြင်း၊ ဗဟိုစီမံခန့်ခွဲရေးကော်မတီသို့ လုပ်ငန်းစဉ်တိုးတက်မှု အစီရင်ခံခြင်း၊ ဗဟိုမှချမှတ်သော လုပ်ငန်းစဉ်များ အကောင်အထည်ဖော်ခြင်းတို့ကို လုပ်ဆောင်မည်ဖြစ်သည်။

ထိုလုပ်ငန်းစဉ် အသီးသီးအတွက်ငွေကို တရားမဝင်နိုင်ငံခြားသား အလုပ်သမားများ ပြန်လည်ပို့ဆောင်ရေး ရန်ပုံငွေမှ ပေးအပ်သွားမည်ဟုဆိုသည်။ တရားမဝင်အလုပ်သမားများ လက်ခံထားသည့် လုပ်ငန်းရှင်များသည် အလုပ်သမားတဦးလျှင် (၂,၄၀၀) ဘတ်နှုန်းဖြင့် ငွေပေးဆောင်ရမည်ဖြစ်ပြီး ယင်းငွေများကို လုပ်ငန်းစဉ် ရန်ပုံငွေအဖြစ် အသုံးပြုသွားမည်ဖြစ်သည်။

အလုပ်အကိုင်ခန့်ထားရေး ညွှန်ချုပ်၏ ပြောကြားချက်အရ အထက်ပါ လုပ်ငန်းစဉ်များအား ဝန်ကြီးချုပ်က လာမည့် အောက်တိုဘာလတွင် အပြီးသတ်ဆောင်ရွက်စေလိုကြောင်း ရဲချုပ်အား အမိန့်ပေးထားသည်ဟု သိရသည်။

အဆိုပါသတင်းနှင့်ပတ်သက်၍ အမျိုးသားညွန့်ပေါင်းအစိုးရ၊ ရွှေ့ပြောင်းအလုပ်သမားရေးရာ တာဝန်ခံ ကိုသက်ခိုင်က “အခုလည်း တဂျိန်းဂျိန်းဖမ်းနေတာပဲ။ ဆိုးတာက လက်မှတ်ရှိတဲ့သူကော၊ အီကစံရှိတဲ့သူကော ဖမ်းနေတာ။ တရားဝင်ဖမ်းမရတဲ့သူ လက်မှတ်ရှိတဲ့သူတွေကြတော့ ငွေညှစ်ပြီး ပြန်လွှတ်တယ်။ ဒီကိစ္စ ကျနော်တို့ နေ့တိုင်းလိုလို ကြားနေရတာပဲ။ အထူးသဖြင့် မဟာချိုင်ဘက်မှာ။ အခု တရားဝင်လုပ်မယ်ဆိုတော့ ဒေသခံအာဏာပိုင်တွေက ထင်သလိုပြုမူကုန်ရင် အလုပ်ရှင်ကော အလုပ်သမားကော နစ်နာမယ်” ဟု ဆိုသည်။

သို့အတွက် လူကုန်ကူးမှုပပျောက်ရေးဟုဆိုဆို၊ တရားမဝင် ဝင်ရောက်မှုကို ကာကွယ်ရန်ပြောပြော အလုပ်သမားကို နားလည်သော အလုပ်သမားအရေး လုပ်ဆောင်နေသည့် အဖွဲ့အစည်းများကို ပူးပေါင်း လက်တွဲမှုမရှိပါက အသေအပျောက်ဖြစ်မှုများ၊ သတင်းဆိုးများ ဆက်လက်ဖြစ်ပေါ်နေဦးမည်ဖြစ်ပြီး ဤလူကုန်ကူးများတွင် ပါဝင်ပတ်သက်နေသည့် ထိုင်းအာဏာပိုင်များ၊ ထိုသူများနှင့်နီးစပ်သူများကိုလည်း ထိထိရောက်ရောက် အရေးယူမှသာလျှင် အလားအလာကောင်းမည်ဟု ၎င်းက ပြောသည်။

၂၀၀၉ ခုနှစ် ဘတ်လက်မှတ်အသစ်ဖွင့်ပေးစဉ်တွင် (၁.၃) သန်းရှိ ရွှေ့ပြောင်းအလုပ်သမားများအနက် မြန်မာရွှေ့ပြောင်းအလုပ်သမား (၃) သိန်းခန့်သည် လက်မှတ်သက်တမ်း ဆက်မတိုးတော့သည့်အတွက် တရားမဝင်အလုပ်သမားများအဖြစ် ထိုင်းအစိုးရက သတ်မှတ်ထားခဲ့သည်။

ထို့ကြောင့် စာရင်းဇယားအတိုင်း ပြည့်မှီစေရန် အဆိုပါ (၃) သိန်းခန့်အလုပ်သမားများကို ဖမ်းဆီးမည်ဆိုပါက မလိုလားအပ်သော ဆိုးကျိုးများ ဖြစ်ပေါ်စေမည်သာဖြစ်ကြောင်း၊ ဤအလုပ်သမားအရေအတွက်ထဲမှ အလုပ်သမားအတော် များများမှာလည်း နိုင်ငံသားစိစစ်ရေး လုပ်ငန်းစဉ်ကို ပူးပေါင်းဆောင်ရွက်ရန် ဆန္ဒမရှိသဖြင့် မိခင်နိုင်ငံရင်းသို့ ပြန်သွားခဲ့ကြပြီးဖြစ်သည် ဆိုသည်ကို သတိမူသင့်ကြောင်း အလုပ်သမားအရေး ဆောင်ရွက်နေသူများက အကြံပြုသည်။

အလုပ်သမားအခွင့်အရေး ချိုးဖောက်မှု အရေးယူပေးရန် (၆၅) ဖွဲ့က တောင်းဆို

မြတ်ခိုင်ဦး/၁၅ ဇွန် ၂၀၁၀ ခေတ်ပြိုင်

မလေးရှားနှင့် နိုင်ငံတကာရှိ လူ့အခွင့်အရေး၊ အလုပ်သမားအရေး လုပ်ဆောင်နေသော အဖွဲ့အစည်း (၆၅) ဖွဲ့တို့က ပူးပေါင်း၍ အလုပ်သမားအခွင့်အရေးချိုးဖောက်မှုများကို အရေးယူပေးရန် တောင်းဆိုလိုက်သည်။

အဆိုပါ အဖွဲ့အစည်းများ ပူးပေါင်း၍ Klang, Selangor တွင်ရှိသော Maxter Glove Manufacturing Co.Ltd က အလုပ်သမားများအပေါ် မတရားခေါင်းပုံဖြတ်၊ အနိုင်ကျင့်ခြိမ်းခြောက်မှုများကို အရေးယူပေးရန် မလေးရှားအစိုးရအား တောင်းဆိုလိုက်ခြင်းဖြစ်သည်။

မလေးရှားရှိ Supermax Corporation ကုမ္ပဏီကြီး၏ လက်အောက်ခံတခုဖြစ်သည့် ဆေးဘက်ဆိုင်ရာသုံး လက်အိတ်များ ထုတ်လုပ်သည့် Maxter Glove Manufacturing ကုမ္ပဏီက ၎င်းတို့စက်ရုံရှိ ရွှေ့ပြောင်းအလုပ်သမားများအပေါ် ငွေကြေးအရ ခေါင်းပုံဖြတ်မှုများ ရှိနေသည့်အတွက် ယင်းသို့ တောင်းဆိုရခြင်းဖြစ်သည်။

အဆိုပါ Maxter Glove ကုမ္ပဏီက အလုပ်ရှင်ပေးသွင်းရမည့် လုပ်သားငှားရမ်းခ အခွန်အား အလုပ်သမားလစာမှ ဖြတ်ယူခြင်း၊ ရင်းဂစ် (၁၈၀) သာကုန်ကျသော ကျန်းမာရေးဆေးစစ်ခကို အလုပ်သမားထံမှ ရင်းဂစ် (၁,၀၀၀) နုတ်ယူခြင်း၊ အလုပ်သမားများအား (၂) လစာ လခမပေးဘဲ နေရာထိုင်ခင်းမပေးခြင်း၊ နားရက်မရှိ တနေ့ အလုပ်ချိန် (၁၃) နာရီအထိ ခိုင်းစေခြင်း၊ မလေးရှားဥပဒေအရ ပြဋ္ဌာန်းထားသည့် အိုဗာတိုင်ကြေး မပေးခြင်း စသည်တုိ့အပြင် အလုပ်သမားအခွင့်အရေး တင်ပြတောင်းဆိုသူ မြန်မာရွှေ့ပြောင်းအလုပ်သမားတဦးအား အလုပ်မှ ထုတ်ပစ်ခဲ့သည်ဟု သိရသည်။

အဆိုပါ ခေါင်းပုံဖြတ် မတရားမှုများအား အလုပ်မှ အထုတ်ခံရသူ ကိုသုမောင်က Subang Jaya အလုပ်သမားဌာနသို့ တရားဝင်တိုင်တန်းခဲ့ပြီးသည့်နောက် Port Kalang မြို့ရှိ အလုပ်သမားဌာနသို့ ထပ်မံတိုင်တန်းခဲ့ရာမှ ဌာနက အရေးယူ မှတ်တမ်းတင်ခဲ့ခြင်းဖြစ်သည်။

ထိုကိစ္စအား ကူညီဆောင်ရွက်ပေးနေသည့် Burma Campaign Malaysia မှ ကိုထွန်းထွန်းက “စက်ရုံရဲ့ ၀ယ်လက်အားလုံးဟာ အမေရိကနဲ့ ဥရောပကဖြစ်တယ်။ ဒါကြောင့် အဲဒီဘက်အဖွဲ့တွေ ပူးပေါင်းလာကာ စားသုံးသူအခွင့်အရေး လှုပ်ရှားသူတွေပါ ပါဝင်လာပြီး စက်ရုံကို ဖိအားပေးနိုင်ဖို့ အခုလို (၆၅) ဖွဲ့ ပူးပေါင်းပြီးထုတ်လိုက်ရတာ။ နောင်မှာ မလေးရှားက စက်ရုံတွေအနေနဲ့ အလုပ်သမားအခွင့်အရေးကို လေးစားလိုက်နာလာလိမ့်မယ်၊ အထူးသဖြင့် ဒီကိစ္စ အောင်မြင်သွားရင်ပေါ့” ဟု ခေတ်ပြိုင်သို့ ပြောသည်။

မလေးရှားနိုင်ငံတွင် အလုပ်သမားအခွင့်အရေးအတွက် ၁၉၆၇ ခုနှစ်ကတည်းက ဥပဒေများပြဋ္ဌာန်းပြီးဖြစ်သော်လည်း အချို့သော အလုပ်ရှင်ဆိုးများက မတရားမှုများအား ဆက်လက် ကျူးလွန်နေဆဲဖြစ်ပြီး ယခုကဲ့သို့ အင်အားစု (၆၅) ဖွဲ့မှ ပူးပေါင်းအရေးဆို တောင်းဆိုမှုမျိုးသည် မလေးရှားနိုင်ငံတွင် ပထမဦးဆုံးဖြစ်သည်။

အဆိုပါ တိုင်ကြားမှုနှင့် ပတ်သက်၍ မလေးရှားအစိုးရ တာဝန်ရှိသူများက လိုအပ်သည့်အရေးယူမှုများ ဆက်လက်ဆောင်ရွက်သွားမည်ဟု ပြောဆိုသည်။

မလေးရှားနိုင်ငံရှိ ရွှေ့ပြောင်းအလုပ်သမားများတွင် မြန်မာပြည်သား အများဆုံးပါဝင်ပြီး (၆၀) ရာခိုင်နှုန်းသည် တရားဝင်နိုင်ငံကူး လက်မှတ်ဖြင့် လာရောက်သူများဖြစ်ကြသည်။ မလေးရှားတွင် မြန်မာရွှေ့ပြောင်းအလုပ်သမား (၅) သိန်းခန့်နှင့် ဒုက္ခသည် (၂) သိန်းခန့်ရှိသည်ဟု အလုပ်သမားအရေး ဆောင်ရွက်နေသူများထံမှ သိရသည်။

ယမန်နေ့ထုတ် မလေးရှား မာဒေးကားရီဗျူး သတင်းစာကြီးမှ အဆိုပါကိစ္စနှင့်ပတ်သက်၍ စက်ရုံတာဝန်ရှိသူများကို မေးမြန်းသော်လည်း မည်သို့မှ ပြန်လည်ဖြေကြားခြင်းမပြုဟု သိရသည်။

မလေးရှားတွင် ယာဉ်တိုက်မှု မြန်မာ ၂ ဦး သေဆုံး

မဇ္ဈိမသတင်းဌာန | အင်္ဂါနေ့၊ ဇွန်လ ၁၅ ရက် ၂၀၁၀ ခုနှစ်

နယူးဒေလီ (မဇ္ဈိမ) ။ ။ မလေးရှားနိုင်ငံ ဆီလန်ဂေါမြို့၌ မြန်မာရွှေ့ပြောင်းလုပ်သား ၂ ဦး စီးနင်းလာသော ဆိုင်ကယ်က ရှေ့တွင်မောင်းနှင်နေသော ကားတစီးကို ဝင်တိုက်မိပြီး နောက်ထပ်ကားတစီးက ကြိတ်မိသဖြင့် နှစ်ဦးစလုံးသေဆုံးမှုဖြစ်သွားသည်။

မြို့တော်ကွာလာလမ်ပူ၏ အနောက်မြောက်ဘက် ၃၃ မိုင်အကွာရှိ ဆီလန်ဂေါမြို့တွင် သစ်စက်လုပ်သား မောင်သန်းဝင်းလှိုင် (၂၅ နှစ်) နှင့် မောင်ရှမ်းလျံမန်း Saiang Lian Mang (၁၈ နှစ်) သည် ဇွန် ၁၂ ရက်နေ့က ဆိုင်ကယ် စီးနင်းလာစဉ် ရှေ့မှ မောင်းနှင်နေသောကားကို ဝင်တိုက်မိပြီး ယာဉ်ကြောပြောင်းပြန် တဖက်လမ်းသို့ လွှင့်စင်သွားရာမှ အိမ်စီးကားတစီးက ဝင်တိုက်မိခြင်း ဖြစ်သည်။

“ သူငယ်ချင်းဆိုင်ကယ်နဲ့ ဖုန်းကဒ်ဝယ်ဖို့ နှစ်ယောက်သွားတယ်။ အရှေ့က ကားကို ဝင်တိုက်မိတယ်။ ဆိုင်ကယ်ရော လူရော တဖက်လမ်းမပေါ် လဲကျသွားတယ်။ အနောက်ကားက ခေါင်းကနေ ကြိတ်တယ်” ဟု သေဆုံးသူ မောင်ရှမ်းလျံမန်း၏ အကို သော့ခ်နိုင်လျံ Tawk Nei Lian က ပြောသည်။

မောင်ရှမ်းလျံမန်းသည် ယာဉ်တိုက်မှုတွင် ပွဲချင်းပြီး သေဆုံးသွားသည်။ မောင်သန်းဝင်းလှိုင်လည်း ဆေးရုံရောက်ပြီး ၁ နာရီအကြာတွင် သေဆုံးသွားသည်။

မောင်သန်းဝင်းလှိုင်သည် ပဲခူးတိုင်း လက်ပံတန်းမြို့နယ် လိန်ကုန်းကျေးရွာမှ ဦးလှရွှေနှင့် ဒေါ်ခင်ဝင်းတို့၏ သားဖြစ်ပြီး၊ မောင်ရှမ်းလျံမန်းမှာ စစ်ကိုင်းတိုင်း ကလေးမြို့နယ် Varpi ကျေးရွာမှ ဦးဘိုလ်လှဲထန်း Bual Hlei Thang နှင့် ဒေါ်ခွင်နိုတလွဲ Khuang Nawn Thluai တို့၏ သားဖြစ်သည်။

မောင်သန်းဝင်းနိုင်သည် လွန်ခဲ့သည့် ၄ နှစ်ခန့်ကတည်းက မလေးရှားတွင် လုပ်ကိုင်နေပြီး၊ မောင်ရှမ်းလျံမန်းသည် ယခုနှစ် ဖေဖော်ဝါရီလထဲတွင် ရောက်ရှိလာသူဖြစ်သည်။

သေဆုံးသူ ၂ ဦး၏ ရုပ်အလောင်းများကို ဆေးရုံရှိ အအေးခန်းတွင် ထားရှိဆဲဖြစ်သည်။

(ဆလိုင်းထွန်း သတင်းပေးပို့သည်။)

မြန်မာရွှေ့ပြောင်းလုပ်သားများအတွက် နိုင်ငံသား စီစစ်ရေးဌာန ဖွင့်လှစ်

ဥဆာ ဖိချိုင်း|သောကြာနေ့၊ ဇွန်လ ၁၁ ရက် ၂၀၁၀ ခုနှစ်

ချင်းမိုင် (မဇ္ဈိမ)။ ။ ထိုင်းနိုင်ငံရောက် မြန်မာရွှေ့ပြောင်း လုပ်သားများနှင့် အလုပ်သမား အခွင့်အရေး လှုပ်ရှားသူများသည် မြန်မာရွှေ့ပြောင်း လုပ်သားများအတွက် ထိုင်းနိုင်ငံတောင်ပိုင်း ရနောင်းမြို့တွင် နိုင်ငံသား စီစစ်ရေးဌာနတခု ထားရှိပေးမည့် ထိုင်းအစိုးရ၏ ဆုံးဖြတ်ချက်ကို ကြိုဆိုလိုက်ကြသည်။

သို့သော် ထိုအစီအစဉ်သည် ပြဿနာ ဇစ်မြစ်ကို ဖြေရှင်းပေးနိုင်ခြင်းမျိုး မဟုတ်သေးကြောင်း သတိပေးပြောကြားခဲ့သည်။

မြို့တော်ဘန်ကောက်တောင်ဘက် ပင်လယ်ကမ်းခြေတခုဖြစ်သော စမတ်ဆခွန်ဒေသတွင် အလုပ်လုပ်သည့် မွန်လူမျိုး ဝမ်ချိုင်းက ထိုင်းနှင့် မြန်မာ အစိုးရတို့ ပူးပေါင်း၍ မြန်မာရွှေ့ပြောင်း အလုပ်သမားများအတွက် ပထမဆုံးသော နိုင်ငံသားစီစစ်ရေးဌာနအား ရနောင်းတွင် ထားရှိမည့် အစီအစဉ်ကြောင့် ဝမ်းသာကျေနပ်မိကြောင်း မဇ္ဈိမကို ပြောခဲ့သည်။

သူသည် နိုင်ငံသား စီစစ်ရေး လုပ်ငန်းစဉ်အတွက် ရနောင်းမြို့သို့ လာမည့်လတွင် သွားရောက်ရန် စီစဉ်ထားသော်လည်း ခရီးစဉ်အတွက် ကုန်ကျစရိတ်နှင့် ခရီးစဉ်တလျှောက် ကြုံတွေ့နိုင်သည့် အခက်အခဲများအတွက် စိုးရိမ်ပူပန်မှု ရှိကြောင်း ပြောသည်။

“မြစ်ကိုဖြတ်ပြီး ကော့သောင်းအထိ သွားစရာတော့ မလိုတော့ဘူး” ဟု ဝမ်ချိုင်းက လှေဖြင့် ကျန်းမြစ် (Kyan River) ကို ဖြတ်၍ ရနောင်းမြို့မှ မြန်မာနိုင်ငံဘက် ကော့သောင်းမြို့ကို သွားရမည့် ခရီးစဉ်ကို ရည်ညွှန်း၍ ပြောကြားခဲ့သည်။

သူက “ဒါပေမဲ့ ရနောင်းကို သွားဖို့အတွက်က ကုန်ကျစရိတ်တွေ ရှိမယ်။ နောက်ပြီး လမ်းမှာ ထိုင်းအရာရှိတွေရဲ့ ဖမ်းဆီးမှု ခံရနိုင်တာတွေ ရှိတယ်။ အဲလို အဖမ်းခံရရင်လည်း ပိုက်ဆံကုန်ဦးမှာဆိုတော့ ပိုက်ဆံကုန်မှာချင်းအတူတူ လမ်းမှာ အဖမ်းမခံရအောင် လုပ်ပေးမယ့် ပွဲစားတွေကို ပိုက်ဆံပေးပြီးတော့ပဲ သွားတော့မယ်” ဟု ပြောသည်။

စမတ်ဆခွန်တွင် အခြေစိုက်သည့် အလုပ်သမား အခွင့်အရေး မြှင့်တင်ရေး ကွန်ယက်မှ ဒါရိုက်တာ Sampong Sakaew ကမူ ထိုပြဿနာများ ဖြေရှင်းရန် အကောင်းဆုံးနည်းလမ်းမှာ ရွှေ့ပြောင်းလုပ်သား အများအပြားနေထိုင်သော ဘန်ကောက်၊ စမတ်ဆခွန်၊ ချင်းမိုင်နှင့် မဲဆောက်မြို့များ၌ပါ နိုင်ငံသားစီစစ်ရေးဌာနများ ထားရှိခြင်းသည် အကောင်းဆုံး ဖြစ်ကြောင်း ပြောသည်။

“ရနောင်းမှာ စီစစ်ရေးဌာန ထားပေးမယ့် အစီအစဉ်ကတော့ ကောင်းပါတယ်။ ဒါပေမဲ့ အလုပ်သမားတွေဟာ ရနောင်းကို ပို့ဆောင်ပေးမယ့် ပွဲစားတွေရဲ့ လိမ်လည်လှည့်ဖျားမှုကို ခံရနိုင်တာမျိုးတွေ ရှိနေသေးတယ်။ တကယ်လို့ စီစစ်ရေးဌာနတွေကို သူတို့နေတဲ့ နေရာနဲ့ အနီးတဝိုက်မှာ ထားပေးနိုင်မယ် ဆိုရင်တော့ ပွဲစားမပါဘဲ သူတို့ကိုယ်တိုင် သွားရောက်လုပ်ဆောင်နိုင်မှာပါ။ ပြီးတော့ လုပ်ရကိုင်ရတာ ပိုအဆင်ပြေပါလိမ့်မယ်” ဟု သူက ပြောသည်။

ထိုင်းနှင့် မြန်မာက မြန်မာရွှေ့ပြောင်းလုပ်သားများအတွက် ထိုင်းတွင် ပထမဆုံးသော နိုင်ငံသားစီစစ်ရေးဌာနကို ရနောင်းဆိပ်ကမ်းမြို့ရှိ စပန်ပလာရွာတွင် ထားရှိရန် ဆုံးဖြတ်ခဲ့ပြီးနောက် ရွှေ့ပြောင်းလုပ်သားများနှင့် အလုပ်သမား အခွင့်အရေး လှုပ်ရှားသူများက ထိုကဲ့သို့ ထင်မြင်ချက်များ ပေးခဲ့ကြခြင်း ဖြစ်သည်။

ထိုင်းနိုင်ငံ အလုပ်သမားရေးရာဌာနမှ လက်ထောက် ဒါရိုက်တာ စူဖတ်ကူခွန်က ထိုင်းအစိုးရသည် လက်ရှိ မုတ်သုန်ရာသီအတွင်း နိုင်ငံသားစီစစ်ရေးအတွက် မြစ်ကိုဖြတ်၍ မြန်မာနိုင်ငံသို့ သွားရောက်ကာ ပြုလုပ်ကြရမည့် အလုပ်သမားများ၏ လုံခြုံမှုကို စိုးရိမ်သဖြင့် ရနောင်းမြို့တွင် ယခုကဲ့သို့ စီစစ်ရေးဌာန ဖွင့်လှစ်ပေးရန် မြန်မာအစိုးရနှင့် ပူးပေါင်း၍ စီစဉ်ခဲ့ကြောင်း ပြောခဲ့သည်။

“မြန်မာအစိုးရဘက်ကလည်း ထိုင်းနိုင်ငံရဲ့ အဆိုပြုချက်ကို တရားဝင် သဘောတူလိုက်တဲ့အတွက် ဒီနှစ် ဇူလိုင်လကနေ အောက်တိုဘာလအတွင်း စီစစ်ရေးအရာရှိ အယောက် ၂ဝ ကို ထိုင်းနိုင်ငံကို စေလွှတ်ပေးပါလိမ့်မယ်။ အဲဒီအရာရှိတွေဟာ တနေ့ကို အလုပ်သမား ၈ဝဝ အတွက် နိုင်ငံသားစီစစ်ရေး ကိစ္စတွေ ဆောင်ရွက်ပေးနိုင်လိမ့်မယ်လို့ မျှော်လင့်ပါတယ်” ဟု စူဖတ်ကူခွန်က ပြောကြားခဲ့ပြီး နိုင်ငံသားစီစစ်ရေးကိစ္စ ဆောက်ရွက်ရမည့်သက်တမ်း တိုးပေးရန်လည်း ဆွေးနွေးကြဖွယ်ရာ ရှိသည်ဟု ပြောကြားခဲ့သည်။

ရနောင်းတွင် ထားရှိပေးမည့် စီစစ်ရေးဌာနသည် အနာဂတ်ကာလတွင် အခြား နယ်စပ်ဒေသများအတွက် စံနမူနာ ဖြစ်လာဖွယ်ရှိသည်ဟု စူဖတ်ကူခွန်က ပြောခဲ့ကြောင်း ထိုင်းနိုင်ငံ ပြည်သူ့ဆက်ဆံရေးဌာန၏ ဝဘ်ဆိုဒ်ရှိ သတင်းတပုဒ်တွင် ဖော်ပြထားသည်။

ရနောင်းပြည်နယ် ဒုတိယ အုပ်ချုပ်ရေးမှူး နီရီဝပ် ဖွန်နဂန် က ထိုစီစစ်ရေးဌာနသည် ထိုင်းနှင့် မြန်မာ နှစ်နိုင်ငံလုံးအတွက် အကျိုးရှိစေမည်ဖြစ်ပြီး ထိုစီစဉ်ဆောင်ရွက်မှုသည် နှစ်နိုင်ငံ ဆက်ဆံရေး ချောမွေ့အဆင်ပြေမှု၏ ရောင်ပြန်ထင်ဟပ်မှုပင်ဖြစ်ကြောင်း ပြောသည်။

ထိုင်းနိုင်ငံ အလုပ်သမားရေးရာ ဝန်ကြီးဌာန၏ မကြာခင်က စာရင်းဇယားအရ ထိုင်းနိုင်ငံတွင် မြန်မာရွှေ့ပြောင်းလုပ်သား ခန့်မှန်းခြေ ၂ သန်းခန့် ရှိသည့်အနက် ယခုနှစ် အစောပိုင်း နိုင်ငံသားစီစစ်ရေး အစီအစဉ်များ စတင်သည့်အချိန်မှစ၍ ၈၂၇၆၇ ဦးသည် စီစစ်ရေးလုပ်ငန်း ကိစ္စများအတွက် ခရီးသွားခဲ့ကြပြီး ယာယီ ပတ်စ်ပို့ လက်မှတ်များ ထုတ်ယူခဲ့ကြသည်။

အလုပ်သမားဝန်ကြီးဌာန လက်အောက်ရှိ အလုပ်သမား ခန့်ထားရေးဌာနက ထုတ်ပြန်ရာတွင် နိုင်ငံသား စီစစ်ရေး လုပ်ငန်းစဉ်အတွက် ပြင်ဆင်မှုများသည် အတော်အသင့် ခရီးရောက်နေပြီး တရားမဝင် အလုပ်လုပ်ကိုင်မှုများ အဆုံးသတ်စေရန်အတွက် ကော်မတီတရပ် ဖွဲ့စည်းကာ ယခုနှစ်ကုန်တွင် ပြဋ္ဌာန်းဖွယ်ရှိသည့် ဥပဒေနှင့် အရေးယူ ဆောင်ရွက်သွားမည်ဖြစ်ကြောင်းနှင့် တရားမဝင် အလုပ်သမားများအား အသစ်ရောက်ရှိလာမည့် တရားဝင် အလုပ်သမားများနှင့် အစားထိုးတော့မည်ဖြစ်ကြောင်း သတင်းထုတ်ပြန်ခဲ့သည်။

ပြီးခဲ့သည့်နှစ်က တရားမဝင် အလုပ်သမား ၁၁၄၃၆ ဦး အကျဉ်းကျခံခဲ့ရပြီး တရားမဝင် အလုပ်ခန့်ထားသူ အလုပ်ရှင်ပေါင်း ၁၅၁၈ ဦး ဖမ်းဆီးခံခဲ့ရသည်။

သို့ရာတွင် လေ့လာသုံးသပ်သူများက ထိုကိန်းဂဏန်းသည် အမှန်တကယ် အဖမ်းခံခဲ့ရသည့် တရားမဝင် အလုပ်သမား အရေအတွက်ထက် များစွာ လျော့နည်းနေသည်ဟု သုံးသပ်ပြောဆိုခဲ့ကြသည်။

အမေရိကန်ပြည်ထောင်စု နယူးယောက်အခြေစိုက် လူ့အခွင့်အရေးစောင့်ကြည့်ရေးအဖွဲ့ (HRW) နှင့် ထိုင်းနိုင်ငံ လူ့အခွင့်အရေး ဖွံ့ဖြိုးရေး ဖောင်ဒေးရှင်း (HRDF) တို့ ယခုလ အစောပိုင်းက ဂျနီဗာမြို့ ကုလသမဂ္ဂ လူ့အခွင့်အရေး ကောင်စီတွင် ပူးတွဲထုတ်ပြန်ခဲ့သည့် ကြေညာချက်ထဲတွင်လည်း ထိုင်းနိုင်ငံရှိ ရွှေ့ပြောင်းအလုပ်သမားများအရေးကို ဖော်ပြထားသည်။

ထိုကြေညာချက်ကို ကုလသမဂ္ဂက ၁၄ ပိုင်းခွဲကာ ကျင်းပခဲ့သည့် လူ့အခွင့်အရေး အစည်းအဝေး၏ ရွှေ့ပြောင်းနေထိုင်သူများ၏ လူ့အခွင့်အရေးနှင့် ပတ်သက်သည့် အစီရင်ခံစာ ထွက်ပေါ်လာပြီး နောက်ပိုင်းတွင် HRW နှင့် HRDF တို့က ပူးတွဲထုတ်ပြန်ခဲ့ခြင်း ဖြစ်သည်။

ကုလသမ္မဂ္ဂမှ ရွှေ့ပြောင်းနေထိုင်သူများ၏ လူ့အခွင့်အရေးဆိုင်ရာ အထူးသတင်းထုတ်ပြန်ရေးဌာနက ထိုင်းအစိုးရထံသို့ ယမန်နှစ်နှင့် ယခုနှစ်တွင် ဖြစ်ပွားခဲ့သည့် ကိစ္စများနှင့် ပတ်သက်၍ အရေးတကြီး အသိပေးစာ ၄ စောင် ထုတ်ပြန်ခဲ့သည်။

အဆိုပါ ၄ စောင်မှာ (၁) လာအိုများကို နှင်ထုတ်ခြင်းနှင့် ပတ်သက်၍ (၂) ရွှေ့ပြောင်းအလုပ်သမားများ၏ နိုင်ငံသား စီစစ်ရေး လုပ်ငန်းစဉ်များနှင့် ပတ်သတ်၍ (၃) ရိုဟင်ဂျာများအပေါ် ဆိုးရွားစွာ ဆက်ဆံမှုနှင့် ပတ်သက်၍ (၄) ရွှေ့ပြောင်းအလုပ်သမားများ လုပ်ငန်းခွင်တွင် ဒဏ်ရာ ရရှိသည့်အခါ ရည်ရွယ်ချက်ရှိရှိဖြင့် ခွဲခြားဆက်ဆံမှုနှင့် ပတ်သက်၍ သတိပေးခဲ့ခြင်း ဖြစ်သည်။ ထိုကဲ့သို့ သတိပေးချက်များအပေါ် ဘန်ကောက်အစိုးရက ပထမကိစ္စနှင့် တတိယကိစ္စ အပေါ်တွင်သာ ပြန်ကြားခဲ့သည်။

၂ဝဝ၃ ခုနှစ်ကတည်းက ထိုင်းနှင့် မြန်မာ သဘောတူညီခဲ့ပြီး ပြီးခဲ့သည့်နှစ်မှ စတင်အကောင်အထည်ဖော်ခဲ့သည့် နိုင်ငံသား စီစစ်ရေး မူဝါဒသည် တရားမဝင်သော ရွှေ့ပြောင်းနေထိုင်မှုများကို ကိုင်တွယ်ရန်အတွက်ဆိုသည့် ရည်မှန်းချက်ဖြင့် လုပ်ဆောင်သော်လည်း လူ့အခွင့်အရေးဆိုင်ရာ ကိစ္စရပ်များကို ထည့်သွင်းစဉ်းစားထားခြင်း မရှိဟု HRW နှင့် HRDF ပူးတွဲကြေညာချက်တွင် ဖော်ပြထားသည်။

“လူ့အခွင့်အရေးဆိုင်ရာ ကိစ္စရပ်များကို ထည့်သွင်းစဉ်းစားရမည့်အစား အစုလိုက်အပြုံလိုက် နှင်ထုတ်မည့် အရိပ်အယောင်များမှာ သိသာစွာ ပေါ်လွင်နေပြီး မှတ်ပုံတင်နိုင်မည့် အလုပ်သမားများအတွက်သာ အစီအစဉ်များက အဆင်ပြေပေလိမ့်မည်။ တရားဥပဒေနှင့် မညီညွတ်သော ပွဲစားများအတွက်လည်း ပွဲခ မတန်တဆရမည့် အခွင့်အလမ်းများ ဖြစ်ပေါ်လာနိုင်သည်။ လူ့အခွင့်အရေး စောင့်ကြည့်ရေးအဖွဲ့သည် လူ့အခွင့်အရေးဆိုင်ရာ အထူးသတင်းထုတ်ပြန်ရေး ကိုယ်စားလှယ်၏ ဆောင်ရွက်ချက်များကို ထောက်ခံပြီး ထိုင်းနိုင်ငံမှ နိုင်ငံသားစီစစ်ရေးမူဝါဒ အကောင်အထည် ဖော်နေခြင်းအပေါ် ဆက်လက်စောင့်ကြည့်ရန် တောင်းဆိုပါသည်” ဟု ပူးတွဲကြေညာချက်တွင် ပါရှိသည်။

HRW က ထိုင်းနိုင်ငံတွင် ရွှေ့ပြောင်းအလုပ်သမားများ၏ လူ့အခွင့်အရေးကို မြှင့်တင်ကာ နိုင်ငံတကာ လူ့အခွင့်အရေး စံချိန်စံညွှန်းနှင့်ညီသော ကတိကဝတ်များကို လိုက်နာစောင့်ထိန်းလာစေရန် အပြုသဘောဆောင်သော အကူအညီများ ပေးနိုင်ရေးအတွက် ထိုင်းနိုင်ငံသို့ သွားရောက်လေ့လာ အကူအညီပေးမှုကို လေးနက်စွာ ထောက်ခံပြီး ကုလသမဂ္ဂ လူ့အခွင့်အရေးကောင်စီ၏ ဆောင်ရွက်မှုကိုလည်း ထောက်ခံထားသည်။

မြန်မာလုပ်သားများအတွက် ဂျပန်အလုပ်သင် ခံစားခွင့်စနစ်များ ပြောင်းလဲသတ်မှတ်

ရဲလင်းထွဋ် အတွဲအမှတ် (၂၄ ၊ အမှတ် ၄၆၉)

ဂျပန်နိုင်ငံသို့ လက်တွေ့လေ့ကျင့်ရေး သင်တန်းသားနှင့် နည်းပညာလေ့ကျင့် ရေးသင်တန်းသား လုပ်သားဖြင့် သွားရောက် အလုပ် လုပ်ကိုင်မည့် မြန်မာ လုပ်သားများအတွက် ခံစားခွင့်စနစ်များကို Japan International Training Corporation Organization (JITCO) က ပြောင်းလဲသတ်မှတ်လိုက်ကြောင်း ပြည်ပအလုပ်အကိုင်ရှာဖွေရေးအသိုင်းအ၀ိုင်းမှ သိရသည်။

အဆိုပါပြောင်းလဲမှုအရ ယခင်က သင်တန်းသားအဖြစ် ခေါ်ယူသော လုပ်သားများမှာ ပထမနှစ်အတွင်း တစ်လလျှင် ယန်းငွေ ၇၀,၀၀၀ ခံစား ခွင့်အဖြစ်ရရှိသော်လည်း ယခုအခါ နှစ်လသာ သင်တန်းကာလအဖြစ် နေထိုင်ရမည်ဖြစ်ပြီး အဆိုပါကာလနောက် ပိုင်းတွင် ယန်းတစ်သိန်းထက်ကျော်လွန်သော ငွေကြေးကို အရည်အသွေးပေါ်မူတည်ကာ ခံစားရရှိနိုင်တော့မည် ဖြစ်ကြောင်း မိုးယံ ပြည်ပအလုပ်အကိုင် ရှာဖွေရေးလုပ်ငန်းမှ အုပ်ချုပ်မှုဒါရိုက်တာ ဦးကျော်ထင်ကျော်က မြန်မာတိုင်း(မ်)ကို ပြောသည်။ ယခု ပြောင်းလဲသတ်မှတ်လိုက်သော ခံစားခွင့် နည်းစနစ်အသစ်များကို လာမည့် ဇူလိုင်လ ၁ ရက်နေ့မှ စတင် အကောင်အထည် ဖော်မည်ဖြစ်ပြီး မြန်မာလုပ်သားများကို ထုတ်လုပ်မှု လုပ်ငန်းများ၊ စိုက်ပျိုးရေးလုပ်ငန်းများနှင့် ဆောက်လုပ်ရေးလုပ်ငန်းများအတွက် လက်ခံခေါ်ယူမည်ဖြစ်ကြောင်း JITCO အစည်းအဝေးထုတ်ပြန်ချက်အရ သိရသည်။

SHWE ZABU DEIK SERVICES မှ အုပ်ချုပ်မှုဒါရိုက်တာ ဦးသန်း နိုင်ကလည်း "ဂျပန်မှာ လုပ်အားခတွေကို နယ်မြေဒေသအလိုက် သတ်မှတ်ထားတာတွေ ရှိတယ်။ ဘယ်မှာဆို အနိမ့်ဆုံး လစာဘယ်လောက်ပေးရ မယ်ဆိုပြီးတော့ပေါ့။ ဒါကြောင့် နောက်ကို မြန်မာ လုပ်သားတွေက သုံးလ နောက်ပိုင်းကစပြီး အရင်ကထက် လစာ ပိုရရှိခံစားရမှာပါ"ဟု ပြောသည်။

ယခင်နှစ်များက သင်တန်းသား လုပ်သားအဖြစ် လုပ်ကိုင်ခွင့်ရသူများသည် ပထမနှစ်တွင် စာတွေ့လက်တွေ့ လေ့လာမှုများပြုလုပ် ရပြီး အလုပ်သမားဥပဒေအရ လစာခံစားခွင့်မရှိသဖြင့် ထောက်ပံ့ကြေးသာ ခံစားခွင့်ရရှိ ခဲ့ခြင်းဖြစ်သည်။

သို့ရာတွင် ဒုတိယနှစ်နှင့် တတိယ နှစ်များတွင် ဂျပန်အစိုးရ၏ ဥပဒေ သတ်မှတ်ချက်များအတိုင်း လစာနှင့်ခံစားခွင့်များ ပြောင်းလဲ သွားသည့်အတွက် လုပ်ခများ တိုးမြှင့်ရရှိခဲ့သော်လည်း ယခုအခါ ပထမနှစ်တွင်ပင် ရရှိတော့မည်ဖြစ်သည်။

မြန်မာအလုပ်သင် သင်တန်းသားလုပ်သားများသည် ဒုတိယနှစ်နှင့် တတိယနှစ်များသို့ ရောက်သောအခါတွင် ဂျပန်အလုပ်သမား ၀န်ကြီးဌာန အောက်သို့ လွှဲပြောင်းရောက်ရှိသွား ခြင်းဖြစ်ကြောင်း သိရသည်။

"ဒုတိယနှစ်မှာ ခုနကစာမေးပွဲ ဖြေပြီး အောင်တဲ့အခါ လက်တွေ့ကျောင်းသား ဖြစ်သွားတဲ့အခါကျတော့ ၀င်ငွေက သက်ဆိုင်ရာ ဒေသ မှာ ရှိတဲ့ ဥပမာ ဟီရိုရှီးမားခရိုင်မှာ လူတစ်ယောက်ရဲ့ တစ်နှစ်လုံးလစာဟာ တစ်နာရီ ယန်း ၆၄၀ ရှိရမယ်ဆိုရင် အဲဒီ ၆၄၀ ပေးရ တယ်။ ၆၄၀ ကို ရှစ်နဲ့မြှောက်ပြီးရင် ၂၆ နဲ့ မြှောက်ကြည့်လိုက်၊ နောက်ပြီးတော့ အိုဗာတိုင်တွေရှိမယ်။ များသောအားဖြင့် ယန်း ၁၂,၀၀၀၊ ၁၃,၀၀၀ လောက်ရှိ မယ်"ဟု Brilliant Crusader Business Group မှ အုပ်ချုပ်မှုဒါရိုက်တာ ဦးမျိုးဆွေက မြန်မာတိုင်း(မ်) ကို ပြောကြားသည်။

ဂျပန်နိုင်ငံသို့ လာရောက်လုပ်ကိုင်သော နိုင်ငံခြားသား လက်တွေ့လေ့ကျင့်ရေးသင်တန်းသားနှင့် နည်းပညာ လေ့ကျင့်ရေး သင်တန်း သားများအတွက် လေ့ကျင့်ရေးစနစ်သည် ဂျပန်နိုင်ငံ နည်းပညာများကို တိုးတက်ကောင်းမွန်စေရန် သင်ကြားပေးခြင်းဖြစ်ပြီး နည်း ပညာ၊ အတတ်ပညာများကို ဖွံ့ဖြိုးဆဲ နိုင်ငံများအတွက် နည်းပညာပြန့်ပွားရန် ရည်ရွယ်ချက်ဖြင့် သင်ကြားပို့ချပေးခြင်းဖြစ်သည်။

ယာယီနိုင်ငံကူးလက်မှတ်ရုံး ဖွင့်လှစ်ရေး ထိုင်းနှင့် မြန်မာဆွေးနွေး

မြတ်ခိုင်ဦး/၁၀ ဇွန် ၂၀၁၀ ခေတ်ပြိုင်

မြန်မာရွှေ့ပြောင်း အလုပ်သမားများအား ထိုင်းဘက်ခြမ်းတွင် ရုံးခန်းဖွင့်၍ ယာယီနိုင်ငံကူးလက်မှတ် ထုတ်ပေးရေးအတွက် ထိုင်း-မြန်မာအာဏာပိုင်များ ယနေ့တွေ့ဆုံဆွေးနွေးသည်။

ထိုင်းအစိုးရဘက်မှ တောင်းဆိုထားသော မြန်မာရွှေ့ပြောင်းအလုပ်သမားများအား ယာယီနိုင်ငံကူးလက်မှတ် ထုတ်ပေးရေး အစီအစဉ်ကို ထိုင်းဘက်ခြမ်းတွင် ရုံးခန်းဖွင့်လှစ်ဆောင်ရွက်ရေးအတွက် ထိုင်းနှင့်မြန်မာ အာဏာပိုင်တို့ ယနေ့နေ့လယ် (၁၁) နာရီက ရနောင်းခရိုင်၊ ရနောင်းမြို့၊ ရနောင်းဌာနီရပ်ကွက်ရှိ ထိနိဒီးဟိုတယ်တွင် ပြုလုပ်သည်။


အစည်းအဝေးသို့ ထိုင်းအလုပ်အကိုင် ခန့်ထားရေးဌာနညွှန်ချုပ် ဂျီယာဆတ်ဆူကွန်သာချတ်၊ ဒုညွှန်ချုပ် ဆူပတ်ဂူအမ်၊ ရနောင်းခရိုင်ဒုခရိုင်မှူး ခွန်နီရီဝတ်ဖွန်နာခန်၊ ရနောင်းမြို့တော်ဝန်တို့မှ ထိုင်းကိုယ်စားလှယ်အဖွဲ့ကို ဦးဆောင်ပြီး မြန်မာကိုယ်စားလှယ်အဖွဲ့အား ထိုင်းနိုင်ငံဆိုင်ရာ မြန်မာသံအမတ်ကြီး ဦးအောင်သိန်း၊ အထူးရဲတပ်ဖွဲ့လက်ထောက်ဒါရိုက်တာ ဦးမြင့်သိန်းနှင့် ကော့သောင်းခရိုင်မှူး ဦးအံ့မောင်တို့မှ ဦးဆောင်သည်။

ဆွေးနွေးပွဲတွင် ယာယီပတ်စပို့စ် ထုတ်ပေးရေးရုံးနေရာကိစ္စ၊ ဝန်ထမ်းများ၏လုံခြုံရေး တာဝန်ယူပေးနိုင်မှု အနေအထားများကို အဓိကထားဆွေးနွေးသွားကြပြီး ယာယီရွေးချယ်ထားသော နေရာ (၃) နေရာကို ဆက်လက် ကြည့်ရှုသုံးသပ်ကြသည်ဟု သိရသည်။ မနက်ဖြန်တွင် ဖန်ငမြို့၌ အစည်းအဝေးပွဲကို ဆက်လက်ကျင်းပမည်ဖြစ်သည်။

ယာယီရွေးချယ်ထားသော နေရာများမှာ နိပွန်မော်တာ ကုမ္ပဏီလီမိတက်၊ ကိုမော့ အဆောက်အဦ၊ ရနောင်း ငါးဖမ်းဆိပ်ကမ်းအနီး ဖယ်ပလာတို့ဖြစ်ကြသည်။

ယာယီနိုင်ငံကူးလက်မှတ် ထုတ်ပေးရေး အစီအစဉ်ကို ထိုင်းဘက်ခြမ်းတွင် ရုံးခန်းဖွင့်လှစ်ဆောင်ရွက်ရန် ပြီးခဲ့သည့်လ (၂၇) ရက်က မြန်မာနိုင်ငံ နေပြည်တော်တွင် အာဏာပိုင်များက အစည်းအဝေးပြုလုပ်ကာ တရားဝင်ထုတ်ဖော် ပြောကြားပြီးဖြစ်သည်။

ထိုင်းအစိုးရ ရနောင်းခရိုင်ဝန်ကလည်း သတင်းမီဒီယာများနှင့်တွေ့ဆုံရာတွင် မိမိတို့၏ တိုက်တွန်းချက်အရ ထိုင်းဘက်အခြမ်းတွင် ရုံးခန်းများဖွင့်လှစ်ရန် အခွင့်အလန်းများ လမ်းပွင့်လာပြီဟု ဆိုသည်။

မြန်မာအာဏာပိုင်များက ပြောင်းရွှေ့ဖွင့်လှစ်မည့် အကြောင်းရင်းကို ဖော်ထုတ်ပြောကြားရာ၌ မြန်မာနိုင်ငံသားများ မိုးတွင်းကာလ ရေကြောင်းမှဖြတ်သန်းသွားလာရေး အခက်အခဲကို ဖြေရှင်းရန်ဟု ဆိုသည်။

သို့သော် မြန်မာရွှေ့ပြောင်း အလုပ်သမားများက ဤသို့ ရုံးပြောင်းရွှေ့ဖွင့်လှစ်ခြင်းအားဖြင့် ကြားခံပွဲစား ကုမ္ပဏီများ၏ မတန်တဆတောင်းခံနေမှုများ လျှော့ပါးကာ မိမိတို့အတွက် အချိန်ကုန်သက်သာပြီး အလုပ်ပျက်ရက် သက်သာမည်ဟု မျှော်လင့်ကြသည်။

အလုပ်ဗန်းပြပြီး ပြည့်တန်ဆာအဖြစ် သွတ်သွင်းမှုများရှိ

မျိုးဝင်းဇော် / ၁၀ ဇွန် ၂၀၁ ခေတ်ပြိုင်

သီရိမင်္ဂလာဈေး၊ သိမ်ကြီးဈေး၊ ယုဇန ပလာဇာ စသည့် ဈေးတို့တွင် ဆိုင်အကူ အလုပ်ပေးမည်ဟု လိမ်လည်ခေါ်ယူကာ ပြည့်တန်ဆာလုပ်ငန်း၌ သွတ်သွင်းမှုများ ရှိနေကြောင်း ကာယကံရှင်များထံမှ စုံစမ်းသိရသည်။

မကြာသေးခင်ကမှ ရန်ကုန် သိမ်ကြီးဈေး ဒီရုံ အပေါ်ထပ် အင်ပါယာ နိုက်ကလပ်တွင် ပြည့်တန်ဆာအဖြစ် သွတ်သွင်း လုပ်ကိုင်ခံရသူ အသက် (၂ဝ) ကျော်အရွယ် မိန်းကလေးတဦးက “ကျမက အိမ်ထောင်ပျက်ထားတဲ့ ကလေးတယောက် အမေပါ။ မြောက်ဥက္ကလာမှာ နေပါတယ်။ အရင်က အထည်ချုပ်စက်ရုံတခုမှာ လုပ်ဖူးပေမယ့် နောက်ပိုင်း အလုပ်က အဖြုတ်ခံရတယ်။ ပြီးခဲ့တဲ့ ရက်ပိုင်းက ပွဲစားတယောက်ကတဆင့် အိမ်ကို အမျိုးသမီးကြီးတယောက်လာတယ်။ သီရိမင်္ဂလာဈေးမှာ အလုပ်ရမယ်၊ ဆိုင်အကူ၊ ညအိပ်ညနေ သူ့အိမ်မှာ လိုက်နေရမယ်၊ အိမ်ကို ကြိုတင်ငွေလည်း ပေးခဲ့မယ် ဆိုတာနဲ့ လုပ်ဖို့ လက်ခံလိုက်တာ။ အိမ်ကို သူက ကြိုတင်ငွေ (၂) သောင်းပေးခဲ့တယ်။ နောက် စမ်းချောင်းက သူငှားထားတဲ့ တိုက်ခန်းရောက်မှ ကျမလို မိန်းကလေးတွေ ပြည့်တန်ဆာ လုပ်နေကြတာ တွေ့ရတယ်။ သူတို့ အဓိက အလုပ်ဆင်းတာ သိမ်ကြီးဈေး ဒီရုံ အပေါ်ထပ်က အင်ပါယာ နိုက်ကလပ်မှာ၊ ပြည့်တန်ဆာထိန်း အဲဒီ အမျိုးသမီးကတော့ ပြောပါတယ်။ မလုပ်ချင်ရင် ပြန်သွားလို့ရတယ်တဲ့။ ဒါပေမယ့် သူပေးခဲ့တဲ့ ငွေ (၂) သောင်း၊ လူရှာပေးတဲ့ ပွဲစား (၂) ယောက်ကို ပေးခဲ့တဲ့ ငွေ (၃) သောင်း စုစုပေါင်း (၅) သောင်းတော့ ပြန်ဆပ်ပေးရမယ်လို့ ပြောတယ်။ ဒါနဲ့ ကျမလည်း ငွေပြန်ဆပ်ရ ခက်ခဲတာနဲ့ သူပြောသလိုပဲ လုပ်လိုက်တော့တယ်” ဟု ပြောသည်။

အဆိုပါ နိုက်ကလပ်တွင် အလုပ်လုပ်နေသူ ပြည့်တန်ဆာ အများစုသည် ဈေးရောင်း၊ ဆိုင်အကူ အလုပ်ရမည်ဆိုပြီး သိမ်းသွင်းခံခဲ့ရသူများဖြစ်ပြီး ဆင်းရဲလွန်းသဖြင့် မငြင်းသာတော့ဘဲ ပြည့်တန်ဆာများ ဖြစ်သွားကြကြောင်း၊ မလုပ်နိုင်သဖြင့် ပြန်သွားသူမှာ အလွန်နည်းကြောင်း အဆိုပါ မိန်းကလေးက ပြောသည်။

အဆိုပါ နိုက်ကလပ်မှ ပြည့်တန်ဆာ မိန်းကလေး အများစုသည် အသက် (၂ဝ) အောက်နှင့် (၂ဝ) အထက် ဆင်းရဲသည့် မိန်းကလေးများ ဖြစ်ကြပြီး ၎င်းတို့အနေဖြင့် အဖော်များနှင့် လိုက်ပါရန် အုပ်ထိန်းသူ အမျိုးသမီးကြီးနှင့် နိုက်ကလပ် ဝန်ထမ်းများက ဆောင်ရွက်ပေးကြသည်။

မိန်းကလေးတဦးလျှင် တည ခေါ်သွားခ ကျပ် (၁ဝ,ဝဝဝ) မှ (၃ဝ,ဝဝဝ) အထိ ဈေးအမျိုးမျိုးရှိပြီး ငွေကို အဆိုပါ အမျိုးသမီးကြီးက တခါတည်း လက်ခံရယူကြောင်း၊ ပြည့်တန်ဆာ မိန်းကလေးတဦးသည် ဖောက်သည်တဦးထံမှ ငွေကျပ် (၁ဝ,ဝဝဝ) ရရှိပါက (၅,ဝဝဝ) ကို အထိန်းအမျိုးသမီးကြီးကယူပြီး နိုက်ကလပ်ဝန်ထမ်းကို ကျပ် (၁,ဝဝဝ) ခန့် ပေးရကြောင်း သိရသည်။

အဆိုပါ နိုက်ကလပ်နည်းတူ သိမ်ကြီးဈေး စီရုံအပေါ်ထပ်မှ နိုက်ကလပ်၊ မင်္ဂလာဈေးဝင်း မင်္ဂလာမွန်ဈေး အပေါ်ထပ်မှ ဂျေဂျေနှင့် နိုက်ကလပ်များ၊ ကာရာအိုကေ ခန်းများ၊ တာမွေ မှ ဒီဂျေ ကလပ်များသည်လည်း ပြည့်တန်ဆာများဖြင့် စည်ကားရာ ဈေးတန်းသဖွယ် ဖြစ်နေသည့်အပြင် အနော်ရထာလမ်းနှင့် ရွှေတိဂုံဘုရားလမ်းထောင့်၊ အနော်ရထာလမ်းပေါ်မှ လသာ ကုန်ဈေးတန်းလမ်းထိပ် ညလုံးပေါက်ဖွင့် လက်ဖက်ရည်ဆိုင်တို့သည်လည်း ပြည့်တန်ဆာ ဈေးကွက်များ ဖြစ်ကြကြောင်း သိရသည်။

မြန်မာနိုင်ငံတွင် အောက်ခြေ လူတန်းစား ပြည်သူများ ဆင်းရဲတွင်း ပိုနက်လာခြင်း၊ ရဲနှင့် အာဏာပိုင် အဖွဲ့အစည်းများ အကျင့်ပျက် လာဘ်စားခြင်း၊ စစ်အစိုးရနှင့် နီးစပ်သည့် စီးပွားရေးသမားများ အာဏာပိုင်တို့၏ အကာအကွယ်ယူပြီး နိုက်ကလပ်နှင့် ကာရာအိုကေ ဘားများကို စီးပွားဖြစ် ပိုမို ဖွင့်လှစ်လာကြခြင်းတို့သည် ပြည့်တန်ဆာ ပေါများလာစေခြင်း၏ အကြောင်းရင်း ဖြစ်ကြောင်း ရန်ကုန်မြို့ခံများက ပြောသည်။

ကမာရွတ်စက်ရုံ ပေါက်ကွဲ၊ ၄ ဦးသေ

ကြာသပတေး, 10 ဇွန် 2010 VOA

ရန်ကုန် ကမာရွတ်မြို့နယ်ထဲက အင်းစိန်လမ်းမကြီးပေါ်မှာ ရှိတဲ့ ငါး ပုစွန်နဲ့ ရေခဲစက် လုပ်ငန်းမှာ ဒီကနေ့ ညနေ ၆ နာရီလောက်က အမိုးနီးယားဓာတ်ငွေ့ ပေါက်ကွဲမှု ဖြစ်ပွားခဲ့ပါတယ်။
ပေါက်ကွဲမှုကြောင့် စက်ရုံအလုပ်သမားတွေ အပါအ၀င် လူ ၄ ဦး သေဆုံးပြီး ၄၀ လောက် ဒဏ်ရာ အပြင်းအထန် ရသွားတယ်လို့ မျက်မြင်တွေ့သူတွေက ပြောပါတယ်။ ထိခိုက်သေဆုံးသူ အရေအတွက်နဲ့ ပတ်သက်လို့ သီးခြားတော့ အတည်မပြုနိုင်သေးပါဘူး။

ဒဏ်ရာရသူတွေနဲ့ အဆိပ်သင့်ပြီး မေ့မျောနေသူတွေလည်း ရှိနေသလို ပတ်ဝန်းကျင်မှာလည်း ဓာတ်ငွေ့တွေ ဖုံးလွှမ်းနေတယ်လို့ အဲဒီနေရာမှာ ရောက်နေသူ တယောက်က ဗွီအိုအေကို အခုလို ပြောပြပါတယ်။
“ဒီနားမှာ ကမ္ဘာပျက်သလို၊ တိုင်းပြည်ပျက်သလို ဖြစ်သွားတာ။ အငွေ့က ဒီဘက်တွေထိ ရောက်တယ်။ လေက တောင်ပိုင်းက တိုက်တယ်ဆိုတော့ အနောက်ဘက်တွေကြတော့ လွတ်သွားတယ်။ ဒီလမ်းတလျှောက် အကုန်လုံး၊ တိုက်ပေါ်တွေရော အကုန်လုံး၊ ဟိုဘက်တိုက်ပေါ်က အဘွားကြီးတယောက်ဆိုရင် ကယ်ပါဦး၊ ကယ်ပါဦးနဲ့၊ အဲဒီမှာ ကျနော်က ဘေးက ဆံပင်ညှပ်ဆိုင်ထဲက မျက်နှာသုတ်ပုဝါလေးယူ၊ ရေဆွတ်ပြီး အဲဒီအဘွားကြီးကို မျက်စိတွေ ဘာတွေ အုပ်ပြီးတော့ တွဲခေါ်သွားတယ်။”
ပေါက်ကွဲမှုဖြစ်ပွားတဲ့ နေရာမှာ ရောက်နေတဲ့ ရန်ကုန်မြို့ခံတယောက် ပြောသွားတာ ဖြစ်ပါတယ်။
ဒဏ်ရာရသူတွေထဲက တချို့ကိုတော့ အနီးအနားမှာရှိတဲ့ ဘုန်းတော်ကြီးကျောင်း တခုကို ယာယီပို့ထားတယ်လို့လည်း ဆိုပါတယ်။
လတ်တလော ပေါက်ကွဲမှု ဖြစ်ရတဲ့ အကြောင်းရင်းနဲ့ ပတ်သက်လို့တော့ မသိရသေးဘဲ အအေးခန်း စက်ရုံတွေမှာ ဘေးကင်းလုံခြုံမှု အစီအမံတွေ အားနည်းတာမို့ မတော်တဆ ဖြစ်ပွားတာ ဖြစ်နိုင်တယ်လို့လည်း ယူဆနေကြပါတယ်။
ပေါက်ကွဲမှု ဖြစ်ပြီးတဲ့ နောက်မှာတော့ လုံခြုံရေးတွေ တင်းကျပ်ထားပြီး သတင်းမီဒီယာတွေကအစ သတင်းယူခွင့်၊ ဓာတ်ပုံမှတ်တမ်း ရိုက်ခွင့် မပေးဘူးလို့ ဆိုပါတယ်။

စစ်အစိုးရ အလုပ်သမား ကိုယ်စားလှယ် ILO လက်မခံ

ကြာသပတေး, 10 ဇွန် 2010 VOA

ဆွစ်ဇာလန်နိုင်ငံ ဂျနီဗာမြို့မှာ ကျင်းပနေတဲ့ ၉၉ ကြိမ်မြောက် ILO အပြည်ပြည်ဆိုင်ရာ အလုပ်သမား အဖွဲ့ချုပ် ညီလာခံမှာ ဒီနှစ် မြန်မာနိုင်ငံဘက်က အလုပ်သမား ကိုယ်စားပြု အစုအဖွဲ့ တက်ရောက်ခွင့် မရခဲ့ပါဘူး။ ဒါကြောင့် အလုပ်သမားအစု ကိုယ်စားပြုမှု မရှိတာကြောင့် ILO ညီလာခံအတွင်း အစည်းအဝေး အတော်များများမှာ မြန်မာဘက်က မဲပေးခွင့် မရခဲ့ပါဘူး။ အပြည့်အစုံကို စုံစမ်းမေးမြန်းပြီး ကိုသားညွန့်ဦးက တင်ပြပေးထားပါတယ်။

ILO ညီလာခံဟာ နှစ်စဉ် အစိုးရ၊ အလုပ်ရှင်၊ အလုပ်သမား သုံးဦးသုံးဖလှယ် ဆွေးနွေးညှိနှိုင်းကြတဲ့နေရာ ဖြစ်ပါတယ်။ ဒါပေမဲ့ မြန်မာနိုင်ငံဘက်က အလုပ်သမား ကိုယ်စားလှယ်အဖွဲ့ဟာ အလုပ်သမားထုကို ကိုယ်စားမပြုဘူးဆိုပြီး ILO ဘက်က ညီလာခံ မတိုင်ခင်မှာ တက်ရောက်ခွင့် မပေးတာကြောင့် မြန်မာနိုင်ငံဘက်က အစိုးရနဲ့ အလုပ်ရှင် ကိုယ်စားလှယ်တွေပဲ တက်ရောက်နိုင်ခဲ့ပါတယ်။
မြန်မာအစိုးရ အနေနဲ့ အလုပ်သမား ကိုယ်စားလှယ်ကို နှစ်ပေါင်းများစွာ ကတည်းက ဒီ ILO ညီလာခံအတွက် ရွေးချယ် စေလွှတ်ခဲ့တာပါ။

ဒါပေမဲ့ မနှစ်ကစပြီး FTUB ပါဝင်တဲ့ ITUC နိုင်ငံတကာ အလုပ်သမား သမဂ္ဂများ အဖွဲ့ချုပ်က မြန်မာနိုင်ငံဘက်က အလုပ်သမား ကိုယ်စားလှယ်တွေဟာ အလုပ်သမား ကိုယ်စားလှယ် မစစ်ဘူးဆိုပြီး ကန့်ကွက်မှု ရှိတာကြောင့် ဒီနှစ်မှာ အဲဒီကိုယ်စားလှယ်တွေ တက်ရောက်ခွင့် မရတော့တာပါ။ ဒါကြောင့်လည်း သုံးဦးသုံးဖလှယ်ရှိတဲ့ ညီလာခံကာလ အစည်းအဝေး အတော်များများမှာ မြန်မာဘက်က မဲပေးခွင့် မရခဲ့ဘူးလို့ ILO ညီလာခံကို တက်ရောက်နေတဲ့ FTUB မြန်မာနိုင်ငံ အလုပ်သမား သမဂ္ဂများ အဖွဲ့ချုပ် အထွေထွေ အတွင်းရေးမှူး ဦးမောင်မောင်က ပြောပါတယ်။

“ကုလသမဂ္ဂ အဖွဲ့အစည်းကိုလာရင် အားလုံးလာတဲ့အတိုင်း နှစ်စဉ်နှစ်တိုင်း မှတ်ပုံတင်ရတယ်။ မှတ်ပုံတင်တဲ့အခါမှာ Credential ဆိုတာရှိတယ်။ သူ့ရဲ့ အရည်အချင်း ပြည့်မီလား၊ မပြည့်မီလားဆိုတာ ဆန်းစစ်တာ ရှိတာပေါ့။ ဒီနှစ်က Report of Credential Committee ရဲ့ Report ထဲမှာ ဘာရေးထားလဲဆိုတော့ နိုင်ငံပေါင်း ၁၈၂ နိုင်ငံ ရှိတဲ့အထဲမှာ ၂ နိုင်ငံက အစည်းအဝေးတွေမှာ ၀င်ထိုင်လို့ရတယ်၊ မဲထည့်ခွင့်မရဘူး။ အဲဒီထဲမှာ ဗမာနဲ့ အီရတ်ပဲ ဖြစ်တယ်။
“ဗမာပြည်ကလာတဲ့ Delegation က အလုပ်ရှင်၊ အလုပ်သမား၊ အစိုးရဆိုတဲ့ ၃ ခု အင်္ဂါမပြည့်ဘူး။ ILO ရဲ့ Constitution အပိုဒ် ၄၊ Article ၄၊ Paragraph ၂ အရကိုက မဲထည့်ခွင့်မရဘူး။”
ဒါ ဒီနှစ်မှ စဖြစ်တာလား။

“ဒီနှစ်မှာ စဖြစ်တာ။ ဘာဖြစ်လို့လဲဆိုတော့ ခါတိုင်းနှစ်တွေက အလုပ်သမား ကိုယ်စားလှယ်ဆိုပြီး သူတို့ အတုတွေ ခေါ်ခေါ်လာတယ်။ ခေါ်လာတော့ ဒီမှာ Credential မှာ Challenge လုပ်တော့ ခင်ဗျား ဘယ်ကလဲလို့ သေချာမေးလိုက်တော့ ဒီလူတွေက အုပ်ချုပ်ရေးပိုင်းဆိုင်ရာ ပုဂ္ဂိုလ်တွေ ဖြစ်နေတာများတယ်။”
အခုလို မဲပေးခွင့် မရလိုက်တဲ့ အခါကြတော့ မြန်မာနိုင်ငံ အနေနဲ့ ဘယ်အပိုင်းတွေမှာ နစ်နာမှုရှိလဲ။
“နစ်နာတာပေါ့။ ဗမာကိစ္စ တခုတည်း မဟုတ်ဘူး။ တကမ္ဘာလုံး ကိစ္စ။ ဥပမာ ကမ္ဘောဒီးယားကိစ္စ ဆွေးနွေးတယ်ဆိုရင် ဘယ်လိုဖြစ်သင့်လဲဆိုတဲ့ ကိုယ့်ရဲ့ Voice ကို Opinion ပေးရုံပဲ ပေးလို့ရတယ်။ ကိုယ့် Opinion ကို ဘယ်သူမှ အလေးမထားတော့ဘူးပေါ့။ ဥပမာ ကျနော်တို့က သဘာဝ ထိန်းသိမ်းရေးနဲ့ ပတ်သက်လို့ ဆွေးနွေးတာတွေ ရှိတယ်။ ဒီမှာ ရွှေ့ပြောင်းအလုပ်သမားနဲ့ ပတ်သက်လို့ ဆွေးနွေးတာ ရှိတယ်။ အဲဒီမှာဆိုရင် မဲပေးလို့ မရတော့ဘူး။”

ဦးမောင်မောင်တို့ FTUB အနေနဲ့ကရော ILO ညီလာခံမှာ ဘယ်လိုပုံစံနဲ့ တက်နေတာလဲခင်ဗျ။
“ကျနော်တို့ကတော့ ITUC International Trade Union Confederation အပြည်ပြည်ဆိုင်ရာ လွတ်လပ်တဲ့ အလုပ်သမား သမဂ္ဂ အဖွဲ့ချုပ်ရဲ့ အဖွဲ့ဝင်တခု အနေနဲ့ တက်နေတာပါ။”
မြန်မာစစ်အစိုးရဘက်က ကန့်ကွက်တာတွေရော ရှိလားခင်ဗျ။
“ရှိပါတယ်ခင်ဗျ။ ဟိုတနေ့ကဆိုရင် ကျနော်တို့ အဓမ္မ လုပ်အားပေးကိစ္စကို ဆွေးနွေးတဲ့အခါမှာ ကျနော်တို့ဘက်က အလုပ်သမား သမဂ္ဂက နေပြီးတော့ နိုင်ငံပေါင်း ၇ နိုင်ငံလောက်က ဆွေးနွေးတယ်။ နောက်တခါ အလုပ်ရှင်ဘက်က ဆွေးနွေးတယ်၊ နောက်တခါ တခြား အစိုးရတွေက ဆွေးနွေးတယ်။ ထောက်ခံတာရှိတယ်၊ ကန့်ကွက်တာ ရှိတယ်။

“ဒီကြားထဲမှာ နအဖက နောက်ဆုံး သုံးချက်ပြောသွားတယ်။ တစ်အချက်က သူတို့ကို မြန်မာလို့ခေါ်ပါ၊ ဗမာလို့ မခေါ်ပါနဲ့တဲ့၊ အရေးကြီးပါတယ်တဲ့။ နောက်တခုက သူတို့ မကြာခင် ရွေးကောက်ပွဲ လုပ်တော့မယ်ဆိုတာ ပြောတယ်။ နောက်ဆုံးတခုက ကျနော်တို့ အဖွဲ့အစည်းကို သူတို့က အကြမ်းဖက်သမားလို့ သတ်မှတ်ထားပြီး ဖြစ်တယ်။ ဒါကြောင့် အပြည်ပြည်ဆိုင်ရာကို တိုင်ကြားထားတယ်ဆိုတာ။ အကြောင်းအရာအားဖြင့်တော့ တိုက်ခိုက်သွားတာပဲ ရှိပါတယ်။”
အခု FTUB ကို မြန်မာစစ်အစိုးရကတော့ အကြမ်းဖက် အဖွဲ့အစည်း ဆိုပြီးတော့ မတရားအသင်း ကြေညာထားတာ ရှိပါတယ်။ မနေ့က ITUC Report မှာတော့ ITUC ရော ILO အနေနဲ့ရော FTUB ကို မြန်မာနိုင်ငံရဲ့ တရားဝင် အလုပ်သမား သမဂ္ဂ အနေနဲ့ သတ်မှတ်တယ်ဆိုပြီး ဖော်ပြတယ်။ အဲတော့ ဒီအခြေအနေနဲ့ ပတ်သက်ပြီးတော့ရော ညီလာခံအတွင်းမှာ ဆွေးနွေး ငြင်းခုံမှုမျိုးတွေ ရှိသေးလားခင်ဗျ။

“ပြင်းပြင်းထန်ထန် ဆွေးနွေးပါတယ်။ ITUC ကတော့ ကျနော်တို့ကို ဒီလို နအဖက မတရား စွပ်စွဲတာကို လက်မခံဘူး။ သူတို့အနေနဲ့ ကျနော်တို့ FTUB နဲ့ တွဲပြီးတော့ ကွင်းထဲမှာ နေခဲ့တယ်။ ကျနော်တို့အလုပ်တွေကို သူတို့ ဆန်းစစ်တယ်။ ကျနော်တို့ လုပ်ငန်းတွေကို သူတို့ ကြည့်တဲ့အခါမှာ အလုပ်သမား သမဂ္ဂ တခုရဲ့ လုပ်ငန်းတွေနဲ့ ပြည့်စုံတယ်လို့ သတ်မှတ်တဲ့အတွက် ရှိသင့်ရှိထိုက်တယ်။ မြန်မာပြည်အတွင်းမှာကို ရှိသင့်တဲ့ အနေအထား ရှိတယ်ဆိုတာကို ပြောတယ်။ ILO ကလည်း အခု ဒီနေ့မှာ ထပ်ပြီး ပြောပါလိမ့်မယ်လို့ ကျနော် ယူဆတယ်။”

မြန်မာအစိုးရအနေနဲ့ အခုလို သုံးဦးသုံးဖလှယ် ကိုယ်စားပြုမှု မဲ့တာကြောင့် အစည်းအဝေး အတော်များများမှာ မဲပေးခွင့် မရှိပေမဲ့ အခြား အစိုးရကိုယ်စားပြု အစည်းအဝေးတွေ၊ အလုပ်ရှင် ကိုယ်စားပြု အစည်းအဝေးတွေမှာတော့ မဲပေးခွင့် ပေးထားတယ်လို့ ILO အမှုဆောင် ညွှန်ကြားရေးမှူး ကယ်ရီ တပ်ပီယိုလာ (Kari Tapiola) က ဗွီအိုအေ မြန်မာပိုင်းကို ပြောခဲ့ပါတယ်။
ILO မှာ ဂျနီဗာစံချိန် အခု ညနေပိုင်းမှာတော့ လွတ်လပ်စွာ အသင်းအပင်း ဖွဲ့စည်းခွင့်ကိစ္စ မြန်မာ့အရေး သီးခြားဆွေးနွေးဖို့ ရှိတယ်လို့လည်း သိရပါတယ်။

လူကုန်ကူးသူများ ထိုင်းအမှုခင်းရဲများမှ လိုက်လံဖမ်းဆီး

မိပကောင်းချမ်း ၊ ကောင်းဝါ - ဇွန် ၉၊၂၀၁၀။

ထိုင်းနိုင်ငံ၊ရနောင်းမြို့နယ်၊ ခနွမ်ဒေသနေ လူကုန်ကူးသူပွဲစားများကို ထိုင်းအမှုခင်းရဲတပ်ဖွဲ့ များမှ လိုက်လံဖမ်းးဆီးနေသည်ဟု လူကုန်ကူးသူနှင့်ပတ်သက်နေသူတစ်ဦးမှ ပြောပြခဲ့ပါသည်။ ဇွန်လ(၅)ရက်နေ့တွင်  မြန်မာရွှေ့ပြောင်းအလုပ်သမားများကို လူကုန်ကူးပွဲစားမှတဆင့် ပြည်တွင်းမှခေါ်ဆောင်လာပြီး ထိုင်းနယ်စပ်တောထဲတွင်ပစ်ထားခဲ့ပါသည်။ ထို့အပြင် လုပ်ငန်းခွင်နေရာ မရောက်ဘဲ အခကြေးငွေတောင်းခံသည့်အပေါ် လူကုန်ကူးခံရသူတွေက မခံမရပ်နိုင်ဖြစ်ပြီး ပိုက်ဆံ မပေးသည့်အတွက်ကြောင့် လူကုန်ကူးပွဲစားများနှင့် ခိုက်ရန်ဖြစ်ပွါးခဲ့ကြောင်း ရေးမြို့နယ် ဟံဂံရွာသား တစ်ဦးက ကောင်းဝါသတင်းဌါနကို ပြောပြသွားပါသည်။ 

“ယခု လူနှစ်ဦးပျောက်နေတယ်၊ တစ်ဦးကလက်ကျိုးပြီးဘယ်နေရာရောက်နေလဲဆိုတာ မသိ ရသေးဘူး၊ ထိုင်းပုလိပ်တွေကစုံစမ်းနေတုန်းပဲ၊ ဒါပေမယ့်ရှာလို့မတွေ့သေးဘူး၊ ကျွန်တော်တို့လည်း  ကိုယ်လွတ်ရုန်း ပြေးနေ ရတဲ့အတွက်ကြောင့် နေရာအတိအကျ မသိဘူး။”

ရန်ဖြစ်ပြီးထွက်ပြေးနေသော အလုပ်သမားများမှာ တောထဲတွင်လမ်းပျောက်ပြီး ဒုက္ခရောက် နေသူများရှိသလို ထိခိုက်ဒါဏ်ရာရသူများလဲ ရှိခဲ့သည်ဟုဆိုသည်။ ပျောက်ဆုံးနေသော ကော့သောင်းမြို့သားတစ်ဦး၏ မိဘတွေက ထိုင်းပုလိပ်များကိုတိုင်ကြားခဲ့ပြီး ထိုင်းပုလိပ်တွေက လူကုန်ကူး  သူများကို လိုက်လံဖမ်းဆီးနေသည်ဟု ခနွမ်ဒေသနေ မောင်လင်းမိုကပြောပြသွားပါသည်။

“ဒီခနွမ်ဒေသဘက်မှာဆိုရင် ပုလိပ်တွေက လူကုန်ကူးတွေကို အရမ်းဖမ်းလာကြတယ်၊ အခုကျွန်တော်သိသလောက်တော့ သူတို့ကလူသုံးဦးလောက်ဖမ်းမိထားတယ်၊ လူအတော်များများ ဖမ်းထားတယ်၊ ဒါပေမယ့်သေသေချာချာ စစ်ဆေးမေးမြန်းပြီးမှ လူကုန်ကူးမဟုတ်တဲ့သူတွေကို သူတို့ပြန်လွှတ် လိုက်တယ်၊ လူကုန်ကူးမဟုတ်တဲ့သူတွေကို တရားဝင်လက်မှတ် မရှိလည်း သူတို့မဖမ်းဘဲ ပြန်လွှတ်ပေးတယ်၊ လူကုန်ကူးတဲ့သူတွေဆိုရင် တံဆိပ်နီကပ်ပြီး ထောင်ထဲပို့တယ်၊ ငွေဘယ်လောက်ပေးပေးမလွှတ်ဘူး”

မြန်မာနိုင်ငံတွင်အသက်မွေးဝမ်းကြောင်းအခက်အခဲကြောင့် ကိုယ့်ဘဝတိုးတက်ဖို့အတွက်ရည်ရွယ်ပြီးထိုင်းနိုင်ငံသို့အလုပ်လာလုပ်ကြတဲ့သူများလာသော်လည်းဘဝအာမခံချက် မရှိသည့် အတွက်ကြောင့်လူကုန်ကူးပွဲစားများ၏ အနိုင်ကျင့်ခံရောင်းစားခြင်းခံရသည့်ဘဝရောက်ခဲ့ကြရသည်။
ထိုင်းနိုင်ငံတွင်မြန်မာပြောင်းရွှေ့အလုပ်သမားနှစ်သန်းနီးပါးရှိသည်ဟုထိုင်းအလုပ်သမားဝန်ကြီးဌါနကထုတ်ပြန်ထားပါသည်။

မလေးရှားတွင် တရားမဝင်ရွှေ့ပြောင်းအလုပ်သမားများ အခက်ခဲများနှင့်ရင်ဆိုင်နေရ

မိပကောင်းကျဲ ၊ ကောင်းဝါ - ဇွန် ၆၊၂၀၁၀

တရားမဝင်မြန်မာအလုပ်သမားများအနေနှင့် မလေးရှားနိုင်ငံတွင် ပုလိပ်များဖမ်းဆီးမှု များပြားလာသဖြင့် အလုပ်လုပ်အချိန်ထိခိုက်သည့်အပြင် လုံခြုံရေးအတွက် ပုန်အောင်းအိပ်စက်နေရသည်ဟု မလေးရှားရှိ အလုပ် သမားရေးလှုပ်ရှားသူတစ်ဦးမှပြောပါသည်။

မလေးရှားပုလိပ်များဖမ်းဆီးမှုကြောင့် ရော်ဘာခြံအလုပ်သမားများသည်လည်း အလုပ်မလုပ်ရဲတော့ပဲ တောအတွင်း၌တဲအိမ်များတွင် ပုန်အောင်းနေရသည်ဟု ဖာလင်းဒေသရှိရော်ဘာခြံအလုပ်သမားတစ်ဦးဖြစ်သူ မင်းချမ်းလွန်မှ ယခုလိုပြောပါသည်။

“အခုအလုပ်လုပ်ရတာအဆင်မပြေတော့ဘူး အလုပ်ပြောင်းမယ်လိုချိန်ထားတယ်။ ဟိုတုန်းက ဒီလောက်မှမဖမ်းဘူး အခုဖမ်းဆီးမှုကအရမ်းများလာတယ်။ ညတစ်နာရီမှာတစ်ကြိမ် မနက်(၄) နာရီမှာတစ်ကြိမ် သူတို့လာဖမ်းတယ်။ ကျွန်တော်တို့အလုပ်သမား( ၅ဝ) ကျော်ကျော်ဟာတောတွင်းမှာ ပုန်ပြီးတော့အိပ်နေရတယ်”

မလေးရှားနိုင်ငံအတွင်းသို့ တရားမဝင်အလုပ်လုပ်နေကြသော အလုပ်သမားများကိုသာ အဓိကထားပြီး ဖမ်းဆီးမှုများနေသည်ဟု မင်းချမ်းလွန်ကဆက်ပြောပါသည်။

“တကယ်လို့ပုလိပ်ကဖမ်းမိရင် သူတို့ကရုံးကြီးကိုခေါ်သွားတယ်။  စစ်ဆေးမေးမြန်းပြီးတဲ့အခါ အလုပ်ရုင်သူဌေး က အာမမခံရင်မြန်မာနိုင်ငံကိုပြန်ပို့တယ်။ အလုပ်လုပ်ခွင့်ပါမစ်ရှိတဲ့လူကြတော့ ထွက်ပြေးစရာမလိုဘူးပေါ့။ ကျွန်တော်တို့တရားမဝင်အလုပ်သမားနေကြတော့ ဒုက္ခတွေ့တယ်ပေါ့။ အခုလို့မိုးရာသီအချိန်မှာ ရော်ဘာလည်းခြစ်မရ တခြားအလုပ်ကိုလည်း မလုပ်ရဆိုတော့ အခက်အခဲတွေတော်တော်များတယ်။”

မလေးရှားနိုင်ငံ ဖာလင်းဒေသရှိ တရားမဝင်အလုပ်သမားအများစုမှာ အလုပ်လုပ်အချိ်န်မမှန်သည့် အပြင် တောတွင်း၌ပုန်းအောင်းနေရသဖြင့် ခြင်ကိုက်သည့်ဒါဏ်ကိုလည်း ခံနေရသည်ဟု ရော်ဘာခြံ အလုပ်သမားတစ်ဖြစ်သူ မိချိုမှပြောပါသည်။ ဤအခြေအနေအတိုင်း ထပ်ရှိသွားမယ်ဆိုလျှင် အလုပ်သမား များ၏ကျန်းမာရေးအခြေအနေပါ ဆိုးရွားစွာထိခိုက်နိုင်မည်ဟု ရေးမြို့ဇာတိ မိချိုမှပြောပါသည်။

ရွှေ့ပြောင်းအလုပ်သမားများအတွက် အာမခံကော်ပိုရေးရှင်း ဖွဲ့ပေးမည်

မြတ်ခိုင်ဦး / ၀၃ ဇွန် ၂၀၁၀

ထိုင်းအလုပ်သမားဝန်ကြီးဌာနက ရွှေ့ပြောင်းအလုပ်သမားများအတွက် အသက်အာမခံ လျော်ကြေးငွေ ပေးအပ်ရန် တသီးပုဂ္ဂလ ကော်ပိုရေးရှင်းတခု တည်ထောင်ခွင့်ပြုတော့မည်ဖြစ်သည်။

ယမန်နေ့က ပြုလုပ်သော နိုင်ငံခြားသားအလုပ်သမား စီမံခန့်ခွဲရေးကော်မတီ အစည်းအဝေးတွင် ထိုင်းအလုပ် သမားဝန်ကြီးဌာနက ယင်းသို့ ချမှတ်လိုက်ခြင်းဖြစ်ကြောင်း အစိုးရ သတင်းအေဂျင်စီတွင် ဖော်ပြသည်။

အလုပ်သမားလစာ၏ (၀.၂) ရာခိုင်နှုန်းမှ (၁) ရာခိုင်နှုန်းအထိ အလုပ်ရှင်က ပေးအပ်ရမည်ဖြစ်သော အသက်အာမခံ ငွေကြေးဖြင့် ရွှေ့ပြောင်းအလုပ်သမားများအတွက် အာမခံလျော်ကြေးငွေ ပေးအပ်နိုင်ရန် တသီးပုဂ္ဂလ ကော်ပိုရေးရှင်းတခုကို မကြာခင် ခွင့်ပြု ဖွင့်လှစ်ပေးသွားတော့မည်ဖြစ်သည်။
အစီအစဉ်အရ ကော်မတီခွဲများသည် တပတ်အတွင်း အာမခံကုမ္ပဏီတခုခုကို ရှာဖွေ၍ လိုအပ်သော အချက်အလက် မှတ်တမ်းများကို နိုင်ငံခြားသားအလုပ်သမား စီမံခန့်ခွဲရေးကော်မတီ၏ နောက်အပတ် အစည်းအဝေးတွင် တင်ပြရမည် ဖြစ်သည်။

ဤအာမခံလျော်ကြေးငွေသည် ထိုင်းအလုပ်သမားများ ရရှိခံစားရသော လူမှုဖူလုံရေး ရန်ပုံငွေနှင့် သက်ဆိုင်ခြင်းမရှိဘဲ ရွှေ့ပြောင်းအလုပ်သမားများအတွက် တသီးပုဂ္ဂလ ကော်ပိုရေးရှင်းတခုမှ သီးခြားတာဝန်ယူ လုပ်ကိုင်ရမည်ဖြစ်ကာ လျော်ကြေးပေးအပ်မည် မပေးအပ်မည် ဆိုသည်ကို အဆိုပါကော်ပိုရေးရှင်းမှ ဆုံးဖြတ်ပိုင်ခွင့်ရှိမည်ဖြစ်သည်။

အလုပ်သမားမှတောင်းခံလာလျှင် ပေးအပ်မည့် စံချိန်စံညွှန်း ကိုက်မကိုက် ဆိုသည့်ကိစ္စအတွက်မူ ရှင်းရှင်းလင်းလင်း မသိရသေးပေ။

အဆိုပါကိစ္စနှင့်ပတ်သက်၍ အလုပ်သမားအရေး ဆောင်ရွက်နေသူတဦးက “ပြီးခဲ့တဲ့ ဆန္ဒပြမှုတွေကြောင့် ရွှေ့ပြောင်းအလုပ်သမားတွေလည်း ထိခိုက်နစ်နာတယ်ဆိုတာကို မီဒီယာတွေက တော်တော်ကျယ်ကျယ်ပြန့်ပြန့် တင်ပြတာတွေရှိတော့ ဒါကို အရေးတယူ စဉ်းစားလာရတာဖြစ်မယ်” ဟု ဆိုသည်။

တရားဝင်ရွှေ့ပြောင်းအလုပ်သမားများအတွက် အာမခံလျော်ကြေးငွေ ပေးအပ်ရေး ကော်ပိုရေးရှင်းတခု ထူထောင်ပေးမည်ဟု ထိုင်းအစိုးရက ဆုံးဖြတ်လိုက်သည့် တချိန်တည်းတွင်ပင် ထိုင်းနိုင်ငံအတွင်း တရားမဝင် ဝင်ရောက်အလုပ် လုပ်ကိုင်နေသော ရွှေ့ပြောင်းအလုပ်သမားများကို တိုင်းပြည်အတွင်းမှ ဖမ်းဆီးပြန်ပို့ရေး အစီအစဉ်ကိုလည်း ၂၀၁၀ ခုနှစ် အောက်တိုဘာလ နောက်ဆုံးထား လုပ်ဆောင်သွားမည်ဟု သိရသည်။

တရားမ၀င် ရွှေ့ပြောင်းအလုပ်သမားများအား ဖမ်းဆီးပြန်ပို့ရေးအတွက် ထိုင်း ဒု-၀န်ကြီးချုပ်က အထူးတပ်ဖွဲ့များ ဖွဲ့စည်းရန် သဘောတူခဲ့ပြီးဖြစ်ကာ အဆိုပါ ဖမ်းဆီးရေးလုပ်ငန်းစဉ်အတွက် သုံးစွဲရန် အလုပ်ရှင်ထံမှ အလုပ်သမားခွန်အဖြစ် တရားဝင်အလုပ်သမားတဦးလျှင် ဘတ်ငွေ (၂,၄၀၀) ကောက်ခံသွားမည်ဖြစ်သည်။

စာရင်းဇယားများအရ ၂၀၀၉ ခုနှစ်အတွင်း တရားမဝင်အလုပ်သမား ခန့်ထားမှုအတွက် အလုပ်ရှင်ပေါင်း (၁,၅၁၈) ဦးကို ဖမ်းဆီးခဲ့ပြီး တရားမဝင် ဝင်ရောက်လာမှုဖြင့် ဖမ်းဆီးခံရသူပေါင်းမှာ (၁၁,၄၃၆) ဦးရှိသည်။

ယခုနှစ် ဖေဖော်ဝါရီလကုန် နောက်ဆုံးထား၍ အလုပ်လုပ်ခွင့် ဘတ်သက်တမ်း ဆက်ရမည်ဖြစ်သော ရွှေ့ပြောင်းအလုပ်သမားများအနက် ဦးရေ (၃၀၀,၀၀၀) ကျော်သည် တရားမဝင် အလုပ်သမားများအဖြစ်သို့ ကူးပြောင်းရောက်ရှိ သွားကြသည်။

ထိုသို့ဖြစ်ရခြင်းမှာ နိုင်ငံသားစိစစ်ရေးလုပ်ငန်းစဉ်၏ ကုန်ကျငွေစရိတ်ကို မတတ်နိုင်ခြင်းနှင့် အဆိုပါလုပ်ငန်းစဉ်အား ပူးပေါင်းဆောင်ရွက်လိုစိတ် မရှိမှုများကြောင့် ဖြစ်သည်ဟု အလုပ်သမားရေးအဖွဲ့များမှ ထုတ်ဖော်ပြောဆိုသည်။

အထူးသဖြင့် မြန်မာရွှေ့ပြောင်း အလုပ်သမားများအား နိုင်ငံသားစိစစ်မှုခံယူပြီး ယာယီနိုင်ငံကူးလက်မှတ်ဖြင့် တရားဝင် အလုပ်လုပ်ကိုင်ခွင့် ရမည်ဟု ဆိုသော်လည်း ၎င်းတို့အများစုသည် အကြောင်းအမျိုးမျိုးကြောင့် ထိုင်းနိုင်ငံတွင်းသို့ တရားမဝင် ဆက်လက် ၀င်ရောက်နေကြဆဲဖြစ်ကာ ယမန်နေ့ကပင် မြန်မာအမျိုးသမီး (၄၆) ဦးအား ရနောင်းမြို့အနီး ထိုင်းရေပိုင်နက် ပင်လယ်ပြင်တွင် ထပ်မံဖမ်းဆီးရမိခဲ့သည်။

ထိုင်းသို့ ခိုးဝင်သည့် မြန်မာ အမျိုးသမီးများ ဖမ်းဆီးခံရ

သန်းထိုက်ဦး Wednesday, June 02, 2010 ဧရာဝတီ

ထိုင်းနိုင်ငံ တောင်ပိုင်း ရနောင်းခရိုင် ရေပိုင်နက် အတွင်း လှေဖြင့် တရားမ၀င် ရောက်ရှိ လာသော မြန်မာနိုင်ငံသား အမျိုးသမီး ၄၆ ဦးကို အာဏာပိုင်များက ယနေ့ ဖမ်းဆီး လိုက်သည်။

အဖမ်းခံရသူ အမျိုးသမီးများသည် အသက် ၂၀ မှ ၂၅ နှစ် အရွယ်ရှိကြပြီး ရနောင်းမြို့သို့ လှေဖြင့် ဦးတည် သွားနေရာမှ ယခုကဲ့သို့ အဖမ်းခံရခြင်း ဖြစ်သည်။

ယခု ဖမ်းဆီးမှုနှင့် ပတ်သက်ပြီး နယ်မြေခံ ရဲစခန်းသို့ စုံစမ်း မေးမြန်းခဲ့ရာ တာဝန်ကျ ရဲတဦးက “ဖမ်းဆီးထားတဲ့ အမျိုးသမီးတွေကို တရားစွဲဖို့ တရားရုံးကို ခေါ်သွားပြီ”ဟု ၎င်းက ဆိုသည်။

ယင်း အမျိုးသမီး များကိုလည်း တရားဥပဒေ အရ အရေးယူ ဆောင်ရွက် သွားမည် ဖြစ်ကြောင်း သိရသည်။ လှေမောင်းသူ မြန်မာ နိုင်ငံသား ဟု ယူဆရသူ ၂ ဦးကိုလည်း လူကုန်ကူးမှုဖြင့် အရေးယူ သွားမည် ဖြစ်ကြောင်း ထိုင်းသတင်း ဖော်ပြချက်များအရ သိရှိရသည်။

ယနေ့ တနေ့တည်းမှာပင် ထိုင်း အာဏာပိုင်များက ချင်းရိုင်ခရိုင် ချင်းစန်မြို့နယ်တွင် မြန်မာနိုင်ငံသားများ အပါအ၀င် လာအိုနှင့် ကိုရီးယား လူမျိုး ၈၂ ဦးတို့ကို ဖမ်းဆီးခဲ့ကြောင်းထိုင်းဘာသာဖြင့် ရေးသား ထားသော မန်နေဂျာ အွန်လိုင်း (Manager Online) အင်တာနက် စာမျက်နှာ တွင်လည်း ဖော်ပြထားသည်။

အဖမ်းခံရသူများကို တယ်ခိုခန်း၊ စားသောက်ဆိုင်၊ ကာရာအိုကေဆိုင်များကို စီမံချက်ဖြင့် လိုက်လံ စစ်ဆေးမှု ပြုလုပ်ခဲ့ပြီး လာအို လူမျိုး ၄၇ ဦး၊ မြန်မာပြည်သား ၃၀ နှင့် ကိုရီးယား လူမျိုး ၅ ဦးတို့ကို ဖမ်းမိခဲ့သည်ဟု အဆိုပါ မန်နေဂျာ သတင်း၌ ရေးသားထား သည်။

ထို့အပြင် အဖမ်းခံရသူများကို ထိုင်းအာဏာပိုင်များက စစ်ဆေးမေးမြန်း၍ မယ်ဆိုင်မြို့ လူဝင်မှု ကြီးကြပ်ရေး(လ၀က)မှ တဆင့် ၎င်းတို့၏ မူယင်းနိုင်ငံသို့ ပြန်ပို့မည်ဖြစ်ကြောင်း သိရသည်။

လွန်ခဲ့သည့် ၂၀၀၉ ခုနှစ် ဧပြီလလယ်တွင် ထိုင်းနှင့် မြန်မာ လူကုန်ကူးမှု ပူးပေါင်း တိုက်ဖျက်ရေး နားလည်မှု စာချွန်လွှာကို
နှစ်နိုင်ငံ တာဝန်ရှိသူများက လက်မှတ် ရေးထိုး ခဲ့သည်။

ယင်း လက်မှတ် ရေးထိုးပွဲသို့ မြန်မာ ဘက်က လူကုန်ကူးမှု တားဆီး ကာကွယ်ရေး ဗဟိုအဖွဲ့ ဥက္ကဌ ပြည်ထဲရေး ၀န်ကြီးဌာန ၀န်ကြီး ဗိုလ်ချုပ် မောင်ဦး တက်ရောက်၍ ထိုင်းနိုင်ငံ လူမှု ဝန်ထမ်းနှင့် လူမှုဖွံ့ဖြိုးရေး ဝန်ကြီးဌာန ဝန်ကြီး Mr. Issara Somchai တို့ တက်ရောက် ခဲ့ကြောင်း သိရသည်။

ထိုင်းနိုင်ငံ တောင်ပိုင်းရှိ ဖန်ငခရိုင် နှင့် တခြားခရိုင်များတွင် မြန်မာပြည်သား အလုပ်သမား တသန်းခန့် အလုပ် လုပ်ကိုင်လျက်ရှိ သည်ဟု အလုပ်သမား အရေး ဆောင်ရွက် နေသော အဖွဲ့များက ပြောသည်။

အလုပ်သမားဥပဒေ မထိရောက်သဖြင့် အလုပ်သမားများ နစ်နာ

မြတ်ခိုင်ဦး / ၀၂ ဇွန် ၂၀၁၀ ခေတ်ပြိုင်

ထိုင်းနိုင်ငံ၏ ရွှေ့ပြောင်းအလုပ်သမားများနှင့် ပတ်သက်၍ ဥပဒေများ ပြဋ္ဌာန်းထားသော်လည်း အလုပ်သမားများမှာ ဆုံးရှုံးနစ်နာမှုများနှင့် ဆက်လက်ရင်ဆိုင်နေကြရဆဲဖြစ်သည်။

ဘန်ကောက်မြို့၊ ဘန်ခေ အရပ်ရှိ၊ ဖုတုမနွန်လမ်း၊ လမ်းသွယ် ၂/၁ တွင်ရှိသော Aistment Garment Co.Ltd စက်ချုပ်ရုံတွင် လုပ်သက်အနည်းဆုံး (၁) နှစ်ကျော်ရှိသော စက်ချုပ်သမ (၅) ဦးက လုပ်ငန်းပြောင်းရွှေ့လိုသည့်အတွက် အလုပ်ရှင်ထံမှ တဝိစ်စာ (ရက်သတ္တပတ် ၂ ပတ်ကို ဆိုလိုသည်) လုပ်အားခနှင့် အလုပ်ထွက်စာ တောင်းခံရာတွင် အလုပ်ရှင်က လုပ်အားခရော ထွက်စာပါ မပေးသဖြင့် အခက်တွေ့နေကြသည်။


ယင်းကိစ္စနှင့်ပတ်သက်၍ စက်ချုပ်သမ မဝေက “မနေ့က ညနေ လုပ်ခရှင်းပေးတော့ ကျမတို့ကို နောက်အပတ်လာခဲ့ အဲဒီကျမှ ရှင်းပေးမယ်လို့ပြောတယ်။ ကျမတို့က တနေ့ကို (၁၈၀) ကနေ (၁၉၅) ဘတ်အထိပဲရတော့ ပိုရတဲ့ဆီ ပြောင်းလုပ်ချင်တာပေါ့။ အခုက ထွက်စာလည်း မပေးဘူးလို့ ဒီမနက် ဖုန်းဆက်တောင်းတော့ အဲဒီလို ပြောတယ်” ဟု ဆိုသည်။

အဆိုပါစက်ရုံသည် အလုပ်သမားများ အလုပ်မှထွက်မည်ဆိုလျှင် လုပ်အားခရှင်းမပေးဘဲ နေလေ့ရှိသည့်အတွက် ကိုယ်စီကိုယ်စီ အလုပ်မှ နည်းမျိုးစုံဖြင့် ထွက်ကြသောကြောင့် ယခုအခါ မြန်မာရွှေ့ပြောင်း အလုပ်သမား (၆၀) ကျော်ခန့်သာ ကျန်ရှိတော့သည်။

အလားတူ ဘန်ကောက်မြို့ ဘန်ဘော်ဒေသရှိ အီကချိုင်း ၈၉/၂ လမ်းတွင်ရှိသော ဖိနပ်စက်ရုံမှ အလုပ်ရှင်သူဌေးက အလုပ်သမားများအား အစိုးရသတ်မှန်နှုန်းထားအတိုင်း လုပ်အားခမပေးသည့်အပြင် လုပ်အားခတောင်းဆိုသော အလုပ်သမားများအား ခြိမ်းခြောက်၍ အလုပ်မှထုတ်ပယ်မှုများ ရှိကြောင်းလည်း သိရသည်။

အဆိုပါစက်ရုံမှ လုပ်အားခတောင်း၍ အလုပ်ထုတ်ခံရသော ကိုဖြိုးဖြိုးကလည်း ၎င်းအား အလုပ်ဝင်ကာစက ပေးမည်ဟု သဘောတူထားသည့် လုပ်အားခနှင့် အိုဗာတိုင်ကြေးများ သတ်မှတ်ရက်အတွင်း မရရှိသည့်အပြင် ကျန်းမာရေးအရ အိုဗာတိုင်မဆင်းနိုင်သည်ကို အတင်းအလုပ်ဆင်းခိုင်းသဖြင့် အလုပ်ရှင်နှင့် ပြဿနာဖြစ်ရာမှ ၎င်းအား အလုပ်ရှင်က လုပ်အားခ မပေးတော့ဘဲ အလုပ်ထုတ်လိုက်ကြောင်း ရှင်းလင်းပြောဆိုသည်။

၎င်းက “သူဌေးက ပြောတယ် အိုဗာတိုင်ဆင်းရမယ်၊ အိုဗာတိုင် မဆင်းရင် မယူတော့ဘူးလို့ ပြောပါတယ်။ ကျနော်က နေမကောင်းလို့ အိုဗာတိုင် မဆင်းသေးဘူးလို့ ပြောတယ်။ အဲဒါကို အလုပ်လာမဆင်းနဲ့တော့လို့ ပြောတာနဲ့ ကျနော်က လုပ်ထားတဲ့ လုပ်အားခတောင်းတာ သူကမပေးဘူးလို့ပြောတယ်။ အခုဆို ကျနော့်မှာ ဖိနပ်တောင် စီးစရာမရှိဘူး” ဟု ဆိုသည်။

ထိုသို့ အလုပ်သမားနှင့်အလုပ်ရှင်တို့ကြား ဖြစ်ပေါ်နေသည့် ပြဿနာသည် အလုပ်ရှင်များအပေါ် တွန်းအားပေးမှု နည်းပါးသည့်အတွက်ဖြစ်ကြောင်း ရွှေ့ပြောင်းအလုပ်သမား တရားမျှတမှုရရှိရေး အစီအစဉ်မှ ဒါရိုက်တာ အန်ဒီဟောလ်က ထောက်ပြပြောဆိုသည်။

၎င်းက “ထိုင်းအလုပ်သမားဥပဒေဟာ မှတ်ပုံတင်ထားသည်ဖြစ်စေ၊ မတင်ထားသည်ဖြစ်စေ ရွှေ့ပြောင်းအလုပ်သမားတွေ အားလုံးလည်း အကျုံးဝင်ပါတယ်။ အနိမ့်ဆုံး လုပ်ခခံစားခွင့်၊ အိုဗာတိုင်ကြေး၊ အမြင့်ဆုံး အလုပ်လုပ်ချိန် သတ်မှတ်ချက်၊ လုပ်ငန်းခွင်လုံခြုံမှုနဲ့ ကျန်းမာရေး၊ လုပ်ငန်းခွင်တွင်း မတော်တဆ ထိခိုက်မှု လျော်ကြေးခံစားပိုင်ခွင့် စတဲ့ အခွင့်အရေးတွေ ခံစားခွင့်ရှိပါတယ်။ ကျနော်တို့ တွေ့ရှိချက်တွေ အရတော့ ရွှေ့ပြောင်းအလုပ်သမားတွေဟာ ဒီအခွင့်အရေးတွေကို မရရှိကြပါဘူး။ ဘာလို့လဲဆိုတော့ သူတို့ကို ဒီအခွင့်အရေးတွေပေးဖို့ လုပ်ငန်းရှင်တွေကို တွန်းအားပေးမှုတွေက အနည်းငယ်သာရှိသေးလို့ပါ” ဟု ပြောဆိုသည်။

အထူးသဖြင့် အလုပ်သမားကာကွယ်ရေးနှင့် လူမှုဖူလုံရေး ဌာနများမှ စုံစမ်းစစ်ဆေးသူများက ၎င်းတို့စိတ်ကြိုက် လုပ်ချင်သလို လုပ်နေကြသည့် အလုပ်ရှင်များကို အလုပ်သမားဥပဒေများနှင့်ပတ်သက်၍ မဖြစ်စလောက် တွန်းအားပေးမှုလောက်သာ ရှိနေသည်ဟု ၎င်းက ဆက်လက်ပြောဆိုသည်။

တခါတရံတွင် အလုပ်သမားများသည် ကိုယ့်အခွင့်အရေးကို ကိုယ်တိုင် နားလည်ခြင်းမရှိသဖြင့် အခွင့်အရေးအတွက် တိုက်ပွဲဝင်ရန် စတင်ရမည်ဟုလည်း အန်ဒီဟောလ်က သုံးသပ်သည်။

ထိုင်းရှေ့နေများကောင်စီမှ ခွန်နတ်ဆား အက်ရှနဝါဟင်ကလည်း “အလုပ်သမားဥပဒေဟာ ရာဇဝတ်ပြစ်မှုဥပဒေမဟုတ်ပါဘူး။ လုပ်ငန်းရှင်က အမှားအယွင်းလုပ်တဲ့အခါ ထောင်ချခံရတာမရှိဘဲ ဒဏ်ကြေးပဲ ပေးဆောင်ရပါတယ်။ ဒါကြောင့် သူတို့မကြောက်တာပါ။ ရွှေ့ပြောင်း အလုပ်သမားဖြစ်ခဲ့မယ်ဆိုရင် အလုပ်ရှင်ဆိုးတွေက ဒီအလုပ်သမားဟာ ဘယ်သူတဦးတယောက်ကိုမှ တိုင်ကြားလို့ မရဘူးလို့ ထင်နေကြတာပါ” ဟု ဆိုသည်။

ထိုင်းနိုင်ငံ အလုပ်သမားဝန်ကြီးဌာန၏ သတ်မှတ်ချက်အရ ဒေသခရိုင်အသီးသီးတွင် အမျိုးမျိုးသော အနိမ့်ဆုံး နေ့တွက်လုပ်အားခ သတ်မှတ်ထားချက်ရှိသည်။

အဆိုပါသက်မှတ်ချက်အရ ဘန်ကောက်သည် အမြင့်ဆုံး သတ်မှတ်ချက် နေရာတွင်ရှိပြီး အလုပ်သမားတိုင်း နေ့တွက်လုပ်အားခ (၂၀၆) ဘတ် ရရှိရမည်ဖြစ်သည်။ အနိမ့်ဆုံး နေ့တွက်ခမှာ (၁၅၁) ဘတ်ဖြစ်ပြီး ဖရာအို၊ ပီချစ်၊ ဖရေးနှင့် မဲ့ဟောင်ဆောင် ခရိုင်တို့ပါဝင်သည်။ သို့သော် လုပ်ငန်းရှင် အတော်များများက သတ်မှတ်ထားသည့် နှုန်းအတိုင်း မပေးဘဲ ရသလောက် ဖြတ်စားလာဘ်စား လုပ်နေကြသည်ဟု အလုပ်သမားရေးအဖွဲ့များမှ ဝေဖန်ပြောဆိုကြသည်။

ဝေဟင်မှာ ၀ဲလိုက်ချင်သည်

.နဒီထူး
- ဓနိတောစပ်၊ ပင်လယ်ကပ်လျက်
ဖျပ်ဖျပ်မြူးခုန်၊ လိူင်းအိတုံနှင့်
ရင်ခုန်စရာ၊ ချိန်ဆည်းဆာ၌
ပြာလွင်ကောင်းကင်၊ သန့်ကြည်စင်စွ
ငြင်သာရွေ့ဟန်၊ အိပ်တန်းပြန်ငှက်
ဖြည့်စွက်ပန်းချီး၊ နရီစည်းမှန်
ဘုတ်အီးသံနှင့်
တရံရောခါ ကျွန်တော့်ရွှာ။ ။
.- အလုပ်စမတ်၊ မစုတ်ပြတ်မီ
ခုတ်ဖြတ်ငွေတိုး၊ ပွဲစားဆိုးနှင့်
မျိုးမစစ်ဟန်၊ စကားပြန်တို့
ကြံဖန်စားကျက်၊ သိလျက်နှင့်တိုး
လူမျိုးတရာ၊ ဂါထာတစ်ထောင်
မသိယောင်နေ၊ ငွေ ငွေ ငွေ တွက်
အိပ်ရေးပျက်ည၊ အိပ်မရနေ့
ရေခဲငွေ့လို၊ ကယ်လူသူမဲ့
တကယ့်ဘ၀၊ မနွဲ့မလျ
မလှအိနြွေ၊ စိန်ရွှေငွေအိမ်
စိတ်ကူးတိမ်ထဲ၊ စည်းစိမ်အပြည့်
မာန်မ၀င့်သာ၊ ပြန်ခွင့်မကြုံ
ငရဲဘုံလား၊ ယန္တယားဆန်
မနက်ဖြန်များ
ဆက်ရန်များဘိ ရင်မချိ။ ။
- ဘန်ကောက် ဘန်ကောက်
အကြံမြောက်ခဲ၊့ ခုန်ပေါက်မြူးတူး
ပျော်ရဦးအံ့၊ ကြည်နူးပုံ၇ိပ်
တွေးနိမိတ်တို့၊ မှေးမှိတ်ခုချိန်
ဇာတာမှိတ်ပေါ့၊ အိမ်ခန်း-အလုပ်
လူလာရူပ်ရင်း၊ အိတ်ရှုံ့မတင်း
စားခြင်းသွားခြင်း၊ ငွေစာရင်းလည်း
ဟိုဆင်းဒီဆင်း၊ အင်း-အင်း အမေ
သေချာပါတယ်၊ လာမဲ့နောက်လ
နောက်နောက်လနော်၊ ဖုန်းခေါ်သံကြား
စိတ်ချောက်ခြားခဲ့၊ မုသားလင်္ကာ
မရေရာနဲ့
ရွှာကအမေ၊ လည်ပင်းရှည် ။ ။
- မလာမီမှာ၊ သည်နေရာသည်
သာယာဆန်းသစ်၊ ဘာဖြစ်ဖြစ်နောင်
ရောက်အောင်သာသွား၊ ကြီးပွါးဆတိုး
အကျိုးထူးအံ့၊ အရူးပါးစပ်
နတ်စကားပင်၊ မှတ်မှားကြံမိ
ခုမှသိလည်း၊ တွယ်ငြိရစ်လိမ်
ပင့်ကူအိမ်တွင်
ယင်တကောင်ဖြစ် ဘ၀ညစ် ။ ။
- မျှော်လင့်ခရီး၊ အားမာန်ကြီးသူ
ဖီစီးခံစား၊ စိတ်ဒါဏ်များခဲ့
သနားရူမြင်၊ အဆင်ခြင်ကင်း
သိမ်ညံ့ဖျင်းနွ၊ ဆဲရင်းမာန်ငေါက်
ဂျီလှောင်ဟောက်သို့၊ မြောက်ကြွဝဏ္က
အာကာပြ၏၊ ပူရှအိုက်စပ်
ဟွန်းကြပ်ပိတ်လှောင်၊ ငွေရအောင်ပဲ
စိတ်ထဲကဖြေ၊ နာရီရှည်ပေါ့
ဝေးတစ်မြေသွား၊ နိုင်ငံခြာလူ
ချော်ရည်ပူကြား၊ ရေဆူငါး ။ ။
- ကြာခဲ့ပါပြီး၊ တခါဆီက
နေရည်ညချမ်း၊ ဆည်းဆာလမ်းမှ
အိပ်တန်းပြန်ငှက်၊ တောင်ပံယှက်ဆည်
ကိုယ်တွက်ဖူလုံ၊ တောင်ပံစုံနဲ့
လေဟုန်စီးလိုက်ချင်ပါရဲ့ကွယ်။ ။

နီဒီထူး

ရွှေ့ပြောင်းအလုပ်သမားများလည်း လျော်ကြေးခံစားခွင့်ရှိ

မြတ်ခိုင်ဦး ၊ ၀၁ ဇွန် ၂၀၁၀ ခေတ်ပြိုင်

ထိုင်းနိုင်ငံတွင် ဆန္ဒပြပွဲများကြောင့် နစ်နာခဲ့သူများအား ထိုင်းအစိုးရက အကူအညီပေးရာတွင် မြန်မာရွှေ့ပြောင်း အလုပ်သမားများလည်း ပါဝင်ကြောင်း သိရှိရသည်။

ပြီးခဲ့သည့် မတ်လမှ မေလအတွင်း ထိုင်းနိုင်ငံ ဘန်ကောက်မြို့တော်တွင် ဖြစ်ပွားခဲ့သော ရာထူးမှအဖယ်ရှားခံခဲ့ရသည့် ထိုင်းဝန်ကြီးချုပ်ဟောင်း သက်ဆင်ရှင်နာဝပ်တရာကို ထောက်ခံသည့် အင်္ကျီအနီဝတ် ဆန္ဒပြသမားများကြောင့် ဝင်ငွေနှင့်စီးပွားရေး ထိခိုက်နစ်နာခဲ့ရသော အသေးစားလုပ်ငန်းရှင်များနှင့် အလုပ်သမားများအား ထိုင်းအစိုးရက လျော်ကြေးပေးရာတွင် မြန်မာရွှေ့ပြောင်း အလုပ်သမားများလည်း ပါဝင်လျှောက်ထားခွင့် ရရှိခဲ့ကြောင်း ခေတ်ပြိုင်မှ စုံစမ်းသိရှိရသည်။

လျော်ကြေးတောင်းလျှောက်လွှာ သွားရောက်တင်ခဲ့သူ ကိုဘိုဘိုဇော်က “ကျနော့်ကို သူဌေးကပြောတယ်။ သူများတွေ (၂) လစာ လျော်ကြေးဖောင် သွားတင်နေကြတယ်။ မနေ့က နောက်ဆုံးဆိုတာနဲ့ လိုအပ်တဲ့ ပတ်စပို့ကော်ပီ၊ သူဌေးဆိုင်လိပ်စာ၊ မှတ်ပုံတင်ကော်ပီတွေနဲ့ မနေ့က သွားတင်လိုက်တယ်။ လခကတော့ တလ (၁၂,၅၀၀) ဆိုတော့ နှစ်လစာ (၂၅,၀၀၀) တင်ထားတယ်။ သူတို့ပြောတာက (၂) ရက် (၃) ရက်နေရင် တီဗွီကနေ ဘယ်သူလျော်ကြေးရတယ်ဆိုတာ ကြေညာပေးမယ်တဲ့။ အလုပ်ရှင်တွေကတော့ (၄) ရက်နေ့လား၊ (၅) ရက်နေ့လားမသိဘူး နောက်ဆုံးတင်ရမယ်တဲ့” ဟု ပြောသည်။

အဆိုပါအစီအစဉ်သည် ဧပြီ (၂၇) ရက်၌ ကျင်းပသော ဝန်ကြီးများအစည်းအဝေး ဆုံးဖြတ်ချက်အရ အင်္ကျီနီဝတ်များ၏ ဆန္ဒပြပွဲများကြောင့် ရာချပရာဆောင်လမ်းဆုံနှင့် အနီးပတ်ဝန်းကျင်တွင် ရောင်းဝယ်ဖောက်ကားနေကြသည့် ထိခိုက်နစ်နာခဲ့သူ အလုပ်ရှင်နှင့် အလုပ်သမားများကို အကူအညီပေးခြင်းဖြစ်သည်။

ထိုအစီအစဉ်အရ ထိုင်းနိုင်ငံရှိ အသေးစားနှင့်အလတ်စား စီးပွားရေးလုပ်ငန်း ဖွံ့ဖြိုးတိုးတက်ရေးဘဏ်မှ ဘတ်ငွေ (၅) ဘီလီယံကို အသေးစားနှင့်အလတ်စား စီးပွားရေးလုပ်ငန်းရှင် (၂,၀၀၀) ခန့်အား ဘတ်ငွေ (၃) သန်းအထိ ငွေချေးပေးသွားမည်ဖြစ်သည်။

ငွေချေး အတိုးနှုန်းထားမှာလည်း အလွန်သက်သာမည်ဖြစ်ပြီး တနှစ်အတွင်း ငွေပြန်ဆပ်ရန် မလိုဘဲ ချေးငွေကာလမှာ သက်တမ်း (၅) နှစ်ရှိမည်ဖြစ်သည်။ အခွန်ကင်းလွတ်ခွင့်ကို ၂၀၁၀ စက်တင်ဘာလအထိ (၆) လတိတိ ခွင့်ပြုမည်ဖြစ်သည်။

အလယ်အလတ်နှင့် ဝင်ငွေနည်းပါးသူများအတွက် အစိုးရအိမ်ရာဆိုင်ရာဘဏ်မှ ကိုယ်ပိုင်အိမ်ရာ ပိုင်ဆိုင်မှုအတွက် ကူညီမည်ဖြစ်ကာ ဆန္ဒပြပွဲကြောင့် အကြွေးတင်နေသည့် တသီးပုဂ္ဂလများအား အချက် (၃) ချက်အပေါ် မူတည်၍ ကူညီသွားမည်ဟု ဆိုသည်။

အဆိုပါအချက်များမှာ လစဉ်အတိုးကို အရစ်ကျပေးသွင်းစေပြီး (၁၀၀) ဘတ်ထက်မနည်း ပေးသွင်းရမည်။ ပထမနှစ်နှင့် ဒုတိယနှစ်များတွင် အတိုးနှုန်းထားသည် (၂) ရာခိုင်နှုန်းရှိမည်ဖြစ်ပြီး တတိယနှစ်မှ ကန်ထရိုက်သက်တမ်း ကုန်ဆုံးသည်အထိ (၁) ရာခိုင်နှုန်း ပေးသွင်းရမည်ဖြစ်သည်။

ရေရှည်အကြွေးပေးစနစ်ကို တည်ဆောက်သွားမည် ဖြစ်သည့်အတွက် ဈေးနှုန်းသက်သာစွာ အရစ်ကျ ပြန်လည်ပေးဆပ်ရမည်ဖြစ်ပြီး လိုအပ်သည့် စာရွက်စာတမ်းများကို ဇွန် (၃၀) ရက် နောက်ဆုံးထား၍ တင်သွင်းရမည်ဖြစ်သည်။

လိုအပ်သော အသေးစိတ် သတင်းအချက်အလက်များကို သိလိုပါက ဖောက်သည်ဆက်ဆံရေးဌာန၊ အစိုးရအိမ်ရာဆိုင်ရာဘဏ်၊ ဖုန်းနံပါတ် (၀၂-၆၄၅၉၀၀၀) သို့ ဆက်သွယ်စုံစမ်းနိုင်ကြောင်း သိရသည်။

အလုပ်သမားများသည် လူမှုဖူလုံရေးရန်ပုံငွေ လုပ်သား (၃.၅) ရာခိုင်နှုန်းနှင့် အလုပ်ရှင် (၅) ရာခိုင်နှုန်း ထည့်ဝင်ထားပါက ဘတ်ငွေ (၁၅,၀၀၀) ရရှိမည်ဖြစ်ပြီး ထည့်ဝင်ထားခြင်းမရှိသော သာမန်အလုပ်သမားများသည် ဘတ်ငွေ (၇,၅၀၀) ကို (၂) လစာ ရရှိခံစားရမည်ဖြစ်သည်။

အချို့သော လုပ်ငန်းများ (အထူးသဖြင့် အနှိပ်ခန်း အလုပ်သမများ) တွင် အလုပ်လုပ်ကိုင်နေကြသော အလုပ်သမားများ၏ ခံစားခွင့်အတွက်လည်း အလုပ်သမားအရေး လုပ်ဆောင်နေသော အဖွဲ့အစည်းအချို့က ဆောင်ရွက်မှုများ ရှိနေကြသည်။

မင်္ဂလာဈေး မီးလောင်မှုကြောင့် နေ့စားအလုပ်သမားများ ၀မ်းရေးခက်

တက်လူ / ၀၁ ဇွန် ၂၀၁၀ ခေတ်ပြိုင်

မင်္ဂလာဈေး မီးလောင်မှုအပြီးတွင် ဈေးကို မှီခိုလုပ်ကိုင်စားသောက်နေရသည့် နေ့စားအလုပ်သမားများ၊ တက္ကစီမောင်းသူများ အလုပ်အကိုင်ရှားပါးကာ အခက်အခဲတွေ့နေကြသည်။ မင်္ဂလာဈေးတွင် ယခင်က တက္ကစီဆွဲနေသည့် ကိုမင်းခန့်က “အခု ကျနော် တက္ကစီမမောင်းတော့ဘူး။ ဘာလို့လဲဆိုတော့ ကျနော့်လုပ်ကွက်က မင်္ဂလာဈေးကို ဈေးလာဝယ်တဲ့ မှော်ဘီ၊ တိုက်ကြီး၊ ပဲခူး စတဲ့ နယ်က ဈေးလာဝယ်သူတွေကို လိုက်ပို့တာ။ ရန်ကုန်မှာ မမောင်းဘူး။ တခေါက်ကို (၂,၅၀၀၀၊ ၃,၀၀၀၀) ကျပ်လောက်ရတယ်ဆိုရင် အုံနာကြေး ကျပ် (၁၅,၀၀၀) ကြေတယ်လေ။ ကျနော့်လိုပဲ ဆွဲတဲ့ တက္ကစီသမား (၅၀) လောက်ရှိတယ်။ အခုတော့ ဘာလုပ်ရမှန်းမသိဖြစ်ပြီး မြို့ထဲမှာ အဆင်မပြေဘူး။ ကိုယ်ဆွဲနေကျ မဟုတ်တော့လေ” ဟု ပြောသည်။

မင်္ဂလာဈေးတွင် နေ့စားအလုပ်သမားပေါင်း (၁၅,၀၀၀) ခန့်ရှိရာ ယခုအခါ ထိုအလုပ်သမားများလည်း အလုပ်လက်မဲ့ ဖြစ်နေကြသည်။

တနေ့လျှင် ကျပ် (၄,၀၀၀) မှ (၅,၀၀၀) ကြားရသည့်ငွေဖြင့် မိသားစုစားဝတ်နေရေးကို ဖြေရှင်းပေးနေရသော အသက် (၄၀) အရွယ် ဦးတင်ထွန်းက မေလ (၂၄) ရက်နေ့ နောက်ပိုင်းကပင် မင်္ဂလာဈေးသို့ အလုပ်ရလိုရငြား ခရီးစရိတ် အကုန်ခံပြီး လာနေရကြောင်း ပြောသည်။

၎င်းက “အရင်ကဆိုရင်တော့ နေသားတကျပဲလေ။ အခုမီးလောင်တော့ ကိုယ်ထမ်းရမယ့် ကုန်တွေက မလာတော့ဘူးလေ။ အခု မင်္ဂလာဈေးက ဈေးဆိုင်သမားတွေ ပစ္စည်းပြောင်းရွှေ့ကြလို့ အဲဒီအပြောင်းအရွှေ့မှာ အလုပ်လေးရနိုင်မလားလို့ လာကြည့်ရတာ” ဟု ပြောသည်။

မင်္ဂလာဈေးတွင် ဦးတင်ထွန်းကဲ့သို့ နေ့စားအလုပ်သမားများ အခက်အခဲ ဖြစ်နေကြရာ ယင်းပြဿနာကို ဖြေရှင်းနိုင်ရန်မှာ မင်္ဂလာဈေးသူဈေးသားများ၏ အတည်တကျနှင့်တစုတဝေးတည်း ဈေးအမြန်ပြန်လည်ရောင်းချနိုင်ရေးအပေါ် မူတည်သည်ဟု မင်္ဂလာဈေးမှ ဈေးဆိုင်ပိုင်ရှင်တဦးက ပြောသည်။

ဈေးတတိယထပ်မှ အိမ်သုံးပစ္စည်းအရောင်းဆိုင်ပိုင်ရှင်တဦးက “ကျနော်တို့မှာ အရင်က နေ့စားအလုပ်သမား (၃) ယောက် ငှားထားတယ်။ အခုတော့ အခြေအနေအရပေါ့။ နေ့စားဆိုတာကတော့ နေစဉ်ပုံမှန်ငွေ ရမှ သူတို့ အဆင်ပြေမှာလေ။ ကျနော်တို့ကလည်း ဈေးရောင်းရမှာ ဘယ်လိုမှန်းမသိသေးတော့ သူတို့ကို ဘယ်လိုနေရာပေးရမလဲ။ လတ်တလော အဲဒါပြဿနာပဲ” ဟု ရှင်းပြသည်။

မင်္ဂလာဈေးကို ယာယီဈေး ပြန်လည်လုပ်ပေးသည့်တိုင် အဆိုပါပြဿနာမှာ ဖြေရှင်း၍မရနိုင်သေးကြောင်း ဈေးသူဈေးသားများက ခန့်မှန်းကြသည်။

“ယာယီဈေးက အပြင်မှာဖွင့်မှာဆိုတော့ ဆိုင်နေရာက ကျဉ်းတယ်ဆိုရင် ကျနော်တို့ပစ္စည်းကို တင်ပြီး အရောင်းပြတာ နည်းနည်းပဲ လုပ်လို့ရမှာလေ။ ကိုယ့်ရဲ့ နယ်ဖောက်သည်တွေကိုတော့ မှာတဲ့ပစ္စည်းကို ဂိုထောင်က ထုတ်ပေးလိုက်ရုံပဲ။ အဲဒီတော့ နောက်ထပ် ဒီဈေးကို ထပ်ဆောက်ပြီး အတည်တကျဖြစ်မှ ဒီအလုပ်သမားတွေ ပြဿနာက ဖြေရှင်းနိုင်မှာ” ဟု မြေညီထပ်အထည်ဆိုင်ပိုင်ရှင်တဦးက ပြောသည်။

မင်္ဂလာဈေးတွင်ရှိသော ဆိုင်ခန်းများမှ ငှားရမ်းထားသည့် နေ့စားအလုပ်သမားများနှင့် ကြုံရာကျပန်း ကုန်ထမ်းသော ဘောက်ကုန်ထမ်းသူများမှာ ယခုဈေးကြီး ပြန်လည်တည်ဆောက်ပြီးမှသာ အဆင်ပြေလာမည်ဟု ခန့်မှန်းနေကြသည်။

“ကျနော်က တနေ့ရှာ တနေ့စားပါ၊ လက်လှုပ်မှ ပါးစပ်လှုပ်ရတဲ့ဘ၀ပါ။ အခုလောလောဆယ် ဒီဈေး ဘယ်တော့ ပြန်ဆောက်ပြီးမလဲပဲ တွေးနေမိတယ်” ဟု မြောက်ဒဂုံတွင် နေသည့် နေစားအလုပ်သမား ကိုဇော်က ပြောသည်။

ပြီးခဲ့သည့် မေ (၂၄) ရက် နံနက် (၈) နာရီ ဝန်းကျင်တွင် မင်္ဂလာဈေး မီးလောင်မှုဖြစ်ခဲ့ရာ (၂၅) ရက် ညနေ (၆) နာရီကျော်မှသာ မီးငြိမ်းသွားခဲ့သည်။

မီးလောင်မှုကြောင့် ဈေးဆိုင်ခန်းများကို ရန်ကုန်စည်ပင်က မင်္ဂလာဈေး အနောက်ဘက်ရှိ မြေကွက်လပ်တွင် ယာယီဈေးတည်ဆောက်ပေးမည်ဟု ကြေညာထားသော်လည်း အချို့ ဈေးဆိုင်ပိုင်ရှင်များက တော်ဝင် ပလာဇာ၊ ယုဇန ပလာဇာ၊ တာမွေ ပလာဇာတို့တွင် ဆိုင်ခန်း ငှားရမ်း ဖွင့်လှစ်နေကြပြီ ဖြစ်သည်။

အဆိုပါ မီးလောင်မှုကြောင့် ငွေကျပ် သိန်းပေါင်း (၂) သိန်းကျော်ဖိုး ဆုံးရှုံးကာ မြန်မာနိုင်ငံတွင် ဆုံးရှုံးမှုအများဆုံး မီးလောင်မှုဖြစ်ကြောင်း ရန်ကုန်တိုင်း မီးသတ်ဦးစီးဌာနမှ ဝါရင့်မီးသတ်ဝန်ထမ်းတဦးက မှတ်ချက်ပေးသည်။