ရွှေပြည်သာစက်မှုဇုံ (၂) မှ 'OK' ကြာဆံစက်ရုံတွင် ဆန္ဒပြမှုဖြစ်ပွား

Tuesday, 16 March 2010 18:46 ကောင်းမြတ်ကျော်

ရန်ကုန်းတိုင်းအတွင်းရှိ ရွှေပြည်သာစက်မှုဇုံ (၂) မှ 'OK' ကြာဆံစက်ရုံတွင် အလုပ်သမား (၁၀၀) ကျော် ယမန်နေ့ မွန်းတည့် (၁၂) နာရီမှစ၍ အလုပ်မဆင်းဘဲ ဆန္ဒပြနေကြသည်။ အလုပ်အားခ နည်းပါးသည့်အတွက် အရေးဆိုပေးရန် ရွှေပြည်သာအလုပ်သမားရုံးသို့ အလုပ်သမ (၁၀) ဦး သွားရောက်တိုင်တန်းရာမှ ယခုကဲ့သို့ ဆန္ဒပြနေခြင်းဖြစ်သည်။  "ပထမတော့ ၁၀ ယောက်၊ နောက်တခါကျတော့ လေးငါးဆယ်ယောက်။ ရွှေပြည်သာ အလုပ်သမားရုံးကို ချီတက်ပြီး သွားတိုင်တာ။ တနေ့ (၁၇၀၀) ရတာကို (၂၅၀၀) တိုးပေးဖို့ သူတို့ကို လာပြောပေးဖို့။ အဲလိုမျိုးမှ တိုးမပေးလို့ရှိရင် သူတို့ အလုပ်မဆင်းတော့ဘူးပေါ့။ အဲဒါ အခု ဒီမနက် (၉) နာရီထိတော့ အလုပ်ရှင်ဘက်က ဘာမှ လိုက်လျောတာ မရှိသေးဘူး" ဟု ဆန္ဒပြအလုပ်သမားများနှင့် နီးစပ်သူ အမျိုးသမီးတဦးက ပြောသည်။

အဆိုပါ ဆန္ဒပြအလုပ်သမား (၁၀၀) ကျော်တွင် အများစုမှာ အမျိုးသမီးများဖြစ်ကြောင်းနှင့် စက်ရုံရှိ အလုပ်သမားများသည် နယ်မှ လာရောက် လုပ်ကိုင်ကြသူ အများစုဖြစ်ကြောင်း အဆိုပါ ဆန္ဒပြအလုပ်သမားများနှင့် နီးစပ်သူ အမျိုးသမီးက ဆက်ပြောသည်။

"နယ်က အလုပ်သမားတွေများတော့ အလုပ်ရှင်က လိုင်းခန်းလေးတွေ ပေးထားတာပေါ့နော်။ အခု မပေးတော့ဘူးဆိုတဲ့ အခြေအနေမှာ ရှိနေတယ်။ ပြီးတော့ အလုပ်က နေ့ရောညရော ဆင်းရတယ်။ မနက် (၈) ရှစ်နာရီကနေ ညနေ (၆) နာရီ။ (၆) နာရီနောက်ပိုင်း မီးလာရင် လာသလို ဆက်လုပ်ရတာပဲ။ သူတို့မှာ ဘိုးနပ်စ်ကြေးတွေ ဘာတွေလည်း မရှိဘူး" ဟု သူမက ဆက်လက်ပြောဆိုသည်။

အဆိုပါ ဆန္ဒပြအလုပ်သမားများသည် အလုပ်ရှင်ဘက်မှ တစုံတရာ လိုက်လျောမှုမရှိသေးသဖြင့် အလုပ်မဆင်းဘဲ စက်ရုံရှေ့တွင် ငြိမ်းချမ်းစွာ ဆန္ဒပြနေကြပြီး တောင်းဆိုချက်အနေဖြင့် အခမဲ့ ဆေးကုသခံယူခွင့်နှင့် တနေ့လုပ်ခ (၁၇၀၀) မှ (၂၅၀၀) သို့ တိုးမြှင့်ပေးရန် တောင်းဆိုထားကြောင်း သိရသည်။

မြန်မာအလုပ်သမား (၁၀၀ ) ကျော် ဘတ် (၆) သိန်းခန့် ငွေလိမ်ခံရ

စိုးမိုး/ ၂၅ မတ် ၂ဝ၁ဝ ခေတ်ပြိုင်


ထိုင်းနိုင်ငံ ရနောင်းမြို့တွင် မြန်မာရွှေ့ပြောင်းအလုပ်သမားများကို ယာယီနိုင်ငံကူးလက်မှတ် ပြုလုပ်ပေးမည်ဆိုကာ APHAI PHANOK ကုမ္ပဏီတာဝန်ခံက ဘတ် (၆) သိန်းခန့် ငွေကြေး လိမ်လည်တောင်းယူပြီး တိမ်းရှောင်သွားကြောင်း အလုပ်သမားများက ပြောသည်။
“ကျနော် ဒီမနက် ကုမ္ပဏီကို သွားမေးတော့ ကုမ္ပဏီက သူနဲ့အတူလုပ်တဲ့ လူတွေကလည်း သူ့ကို တွေ့ချင်နေတယ်။ သူနဲ့ အလုပ်အပ်ထားတဲ့ အလုပ်သမားက (၁၀၀) ကျော်လောက်ရှိတယ် ပြောတယ်။ ဒီကိစ္စ တိုင်မယ်ဆိုရင် ကုမ္ပဏီ ၀န်ထမ်းတွေကလည်း ကျနော်တို့နဲ့ အတူတူတိုင်မယ်လို့ ပြောလိုက်တယ်” ဟု ငွေကြေးလိမ်လည်ခံလိုက်ရသူ မြန်မာအလုပ်သမား ကိုဝင်းက ပြောသည်။

မြန်မာရွှေ့ပြောင်းအလုပ်သမားများကို ထိုင်းအစိုးရထုတ်ပေးထားသည့် အလုပ်သမားကတ်မရှိဘဲ ယာယီနိုင်ငံကူးလက်မှတ် (၃) ရက်အတွင်း ထုတ်ပေးမည်ဆိုကာ တဦးလျှင် ဘတ် (၄,၈၀၀) မှ (၅,၈၀၀) အထိ လိမ်လည်တောင်းခံသွားပြီး အလုပ်သမားများကို ယာယီနိုင်ငံကူးလက်မှတ် လုပ်ကိုင်နေကြောင်း အသိအမှတ်ပြုထားသည့် ကတ်ပြားများပေးကာ တိမ်းရှောင်သွားခြင်းဖြစ်သည်။
“အဲဒီ ဘတ် (၅,၀၀၀) ပေးတော့ သူက ဒီကတ်ပြား အစိမ်းလေးပေးတယ်။ အဲဒီကတ်ပြားက ရနောင်းမှာ နေလို့ရတယ်၊ အလုပ်လုပ်လို့ မရဘူးလို့ ရဲက ပြောတယ်။ အခု အလုပ်သမားတွေက အလုပ်လုပ်လို့မရဘဲ ဒီတိုင်းနေနေရတယ်” ဟု ကိုဝင်းက ဆက်ပြောသည်။
ယင်းကုမ္ပဏီက မြန်မာအလုပ်သမားများကိုသာမက ကုမ္ပဏီဝန်ထမ်း မြန်မာ (၃) ဦးကိုပါ လစာမပေးဘဲ ကုမ္ပဏီရုံးတွင် ထားခဲ့ပြီး တိမ်းရှောင်သွားခြင်းဖြစ်သည်။
“အခုဟာက ကျမတို့ကိုလည်း လစာမပေးဘူး။ အလုပ်သမားတွေကိုလည်း နိုင်ငံကူးလက်မှတ်ဖောင်တင်မပေးဘူး။ အလုပ်သမားတွေက ရုံးကို လာမေးတော့ ကျမတို့က ရှင်းနေရတယ်။ ကျမတို့ကို လစာပေးမယ်ပြောပြီး မပေးဘဲ ရှောင်သွားတာ။ တကယ်လို့ လစာလည်း မပေးဘူး၊ အလုပ်သမားတွေကိုလည်း ဘာမှလုပ်မပေးဘူးဆိုရင် ရနောင်းတရားရုံးကို တိုက်ရိုက်တိုင်မယ်” ဟု ယင်းကုမ္ပဏီဝန်ထမ်း ဒေါ်ပိုပိုက ပြောကြားသည်။
မြန်မာအလုပ်သမားများက အလုပ်သမားအရေး ဆောင်ရွက်နေသည့် အလုပ်သမားအဖွဲ့များနှင့် ဆက်သွယ်နေပြီး မနက်ဖြန်တွင် တရားစွဲဆိုရန် ပြင်ဆင်နေကြောင်း သိရသည်။
“ထိုင်းအစိုးရကို တိုင်မယ်။ ထိုင်းလူ့အခွင့်အရေးကောင်စီကို ကြားဝင်ဆောင်ရွက်ဖို့ပြောမယ်။ အိုင်အယ်လ်အိုကလည်း လိုအပ်သလို လုပ်ဖို့တင်ပြမယ်” ဟု ပြည်ထောင်စုမြန်မာနိုင်ငံအမျိုးသားညွန့်ပေါင်းအစိုးရ (အန်စီဂျီယူဘီ) ဒုက္ခသည်နှင့် ရွှေ့ပြောင်းအလုပ်သမားရေးရာ တာဝန်ခံ ဦးသက်ခိုင်က ပြောကြားသည်။

ရွှေ့ပြောင်းအလုပ်သမားတွေနဲ့ မြန်မာ့စီးပွားရေး

08 March 2010 VOA

မြန်မာနိုင်ငံသားတွေ အပါအ၀င် သန်းနဲ့ချီတဲ့ ထိုင်းနိုင်ငံရောက် ရွှေ့ပြောင်းအလုပ်သမားတွေ တရားဝင်မှတ်ပုံတင်ဖို့ သတ်မှတ် ထားတဲ့ရက် ကုန်ဆုံးသွားပေမဲ့ စာရင်းသွင်း လာကြသူတွေကတော့ မျှော်လင့်သလောက် ပါဝင်မလာကြပါဘူး။
ဒီအထဲက အများစု ဖြစ်တဲ့ မြန်မာနိုင်ငံသားတွေ အနေနဲ့၊ သူတို့ရောက်နေတဲ့ ထိုင်းနိုင်ငံ အတွက်သာမက စီးပွားရေး နိမ့်ကျနေတဲ့ ကိုယ့်တိုင်းပြည်က မိသားစုတွေအတွက်လည်း တဖက်တလမ်းက ၀င်ငွေရှာပေးနေကြတာမို့ အခုနောက်ဆုံး အခြေအနေတွေက စီးပွားရေးအပေါ် သက်ရောက်မှုတွေ ရှိလာမှာကိုလည်း လူ့အခွင့်အရေး၊ အလုပ်သမားအရေး ဆောင်ရွက်နေသူတွေက စိုးရိမ်မကင်း ဖြစ်နေ ကြပါတယ်။ ဒီအကြောင်းတွေကိုတော့ ဒီတပတ်ရဲ့ စီးပွားရေး ကဏ္ဍမှာ ကိုအောင်လွင်ဦး က စုစည်းတင်ပြပေးမှာ ဖြစ်ပါတယ်။

ထိုင်းရဲဖမ်းသဖြင့် ထွက်ပြေးသည့် မိန်းကလေး ၂ ဦး ရေနစ်သေဆုံး

Tuesday, 09 March 2010 19:32 ဘစောတင် ဧရာဝတီ

ထိုင်းနိုင်ငံတောင်ပိုင်း ဖူးခက်မြို့ ဆောက်လုပ်ရေးလုပ်ငန်းခွင် တခုတွင် ထိုင်းရဲများက ၀င်ရောက် ဖမ်းဆီးသဖြင့် ထွက်ပြေးကြရင်း မြန်မာမိန်းကလေး ၂ ဦး ရေနစ်သေဆုံးခဲ့ရသည်ဟု သတင်းရရှိသည်။ ဖူးခက်မြို့ ပါတောင်ကမ်းခြေမှ ၁၃ ထပ် အမည်ရှိ ဆောက်လုပ်ရေး လုပ်ငန်းခွင်ကို ယမန်နေ့ ညနေ ၆ နာရီခန့်၌ ထိုင်းရဲများ ဝင်ရောက် စီးနင်းသောကြောင့် မြန်မာအလုပ်သမားများ ထွက်ပြေးကြရင်း အဆိုပါ ဖြစ်ရပ် ဖြစ်ပွားခဲ့သည်။

“ကျနော့် ညီမလေးတွေ အခုလို သေရတာ အရမ်းခံပြင်းတယ်ဗျာ။ သူများဒေသမှာဆိုတော့ ဘာမှလည်း လုပ်လို့မရဘူး။ အမေဆို အရူးမကြီးလိုဖြစ်နေပြီ။ အဖေလည်း သူ့သမီးလေးတွေ အခုလို ရုတ်တရက် ရေနစ်သေရတော့ ခံစားရလွန်းလို့ စကားတောင် မပြောနိုင်ဘူး” ဟု သေဆုံးသူ မိန်းကလေးများ၏ အစ်ကို ကိုနောင်က ပြောသည်။

ရေနစ်သေဆုံးသူများမှာ တနင်္သာရီတိုင်း ထားဝယ်ခရိုင် လောင်းလုံမြို့နယ် အံ့ဇော်ရွာမှ ဦးမြင့်သိန်း၊ ဒေါ်တင့်ဝေတို့၏ သမီး မမြင့်မြင့်စန်း (၁၂ နှစ်) နှင့် မညိုညိုစမ်း (၂၀ နှစ်) တို့ဖြစ်ကြသည်။ 

ထိုင်းရဲ ၀င်ဖမ်းသည်ဆိုသည်နှင့် အလုပ်သမားလက်မှတ် မရှိသူအားလုံး ကြောက်လန့်ကာ နီးရာ တောထဲ တောင်ထဲသို့ ထွက်ပြေး တိမ်းရှောင်ကြလေ့ ရှိကြောင်း သိရသည်။

မမြင့်မြင့်စန်းမှာ အသက်မပြည့်သေးသဖြင့် အလုပ်သမားလက်မှတ် လုပ်၍ မရသေးသကဲ့သို့ ဆောက်လုပ် ရေး လုပ်ငန်းခွင်တွင် အလုပ်လုပ်နေသူ မဟုတ်ဘဲ မိဘများ အလုပ်သွားနေချိန် အိမ်မှုကိစ္စများကို လုပ်ကိုင် ပေးနေသူသာ ဖြစ်သည်။ မညိုညိုစမ်းမှာမူ ကျပန်း အလုပ်သမားဖြစ်သည်။

အဆိုပါ ဆောက်လုပ်ရေး လုပ်ငန်းခွင်တွင် အလုပ်လုပ်နေသူ ဘကြီးအောင်က “တန်းလျားကို ရဲဝင်တယ် ဆိုတော့ ပြေးကြတာ။ မြင့်မြင့်စန်းကလည်း ကြောက်ကြောက်နဲ့ လိုက်ပြေးရင်း ရေထဲကိုပြုတ်ကျပြီး နစ်သွားတာ။ ညီမနစ်နေတော့ အစ်မက လိုက်ဆယ်ရင်း အစ်မပါ သေသွားတယ်။ ရဲတွေက ကလေးတွေ ရေနစ်တာကို မြင်နေရက်သားနဲ့ မကူညီဘဲ ဒီအတိုင်းကြည့်နေကြတယ်” ဟုဆိုသည်။

ရေနစ်နေစဉ် ကယ်ဆယ်ရန်ကြိုးစားသူကို ထိုင်းရဲများက သေနတ်ဖြင့်ထောက်ကာ ကယ်ဆယ်ခြင်း မပြုရန် တားမြစ်သည်ဟု သိရသည်။

“ကိုမိုးသီးဇွန်ဆိုတဲ့ ထားဝယ်သားတယောက်က ဒီညီအစ်မနှစ်ယောက် ရေနစ်နေတာကို ကယ်ဖို့ ရေထဲ ဆင်းမလို့ လုပ်တာကို ရဲက ကယ်မလား၊ အဖမ်းခံမလားဆိုပြီး သေနတ်နဲ့ ကြောကို ထောက်ထားတယ်။ သူက ကယ်မယ်ဆိုတော့ ရဲတွေက သူ့ကို ပုလင်းနဲ့ ပေါက်ပြီး မောင်းထုတ်လို့ မကယ် လိုက်ရဘူး” ဟု မျက်မြင်ဖြစ်သူ ကိုဉာဏ်လင်းက ပြောသည်။

ထို ၁၃ ထပ် ဆောက်လုပ်ရေး လုပ်ငန်းခွင်တွင် မြန်မာရွှေ့ပြောင်းအလုပ်သမား ၄၀၀ နီးပါးခန့် ရှိပြီး အများစုမှာ အလုပ်သမား လက်မှတ် လုပ်ထားကြသော်လည်း လက်ဝယ်မရှိကြပေ။ တချို့မှာ လက်ရှိ လုပ်ငန်းခွင် သူဌေး၏ နာမည်ဖြင့် လက်မှတ်လုပ်ထားသူများ မဟုတ်ကြသောကြောင့် ရဲဖမ်းလျှင် ကြောက်လန့်တကြား ပြေးကြရာမှ ယခုကဲ့သို့ အဖြစ်ဆိုးနှင့် ကြုံရခြင်းဖြစ်သည်။

ယမန်နေ့က အလုပ်သမား ၁၅ ဦးခန့် ဖမ်းဆီး ခံရသည်ဟု သိရသည်။

ဖူခက်မြို့ရှိ ပါတောင်ကမ်းခြေသည် နာမည်ကြီး ပင်လယ်အပန်းဖြေ စခန်းဖြစ်ရာ ပင်လယ်ထဲသို့  လူနေရပ်ကွက်အတွင်းမှ ချောင်းငယ်၊ မြောင်းငယ်များက စီးဝင်လျှက်ရှိသည်။ ယခု မိန်းကလေး ၂ ဦး ရေနစ်သေဆုံးသော နေရာမှာ ပင်လယ်ထဲသို့ စီးဝင်နေသော ချောင်းတခုတွင် ဖြစ်သည်။

ထိုင်းနိုင်ငံ ဖန်င အခြေစိုက် အလုပ်သမားအရေး ဆောင်ရွက်နေသော GHRE ၏ ဒါရိုက်တာဦးထူးချစ်က “ထိုင်းနိုင်ငံအတွင်းက မြန်မာအလုပ်သမားတွေကြားမှာ ဒီလိုမျိုး အဖြစ်အပျက်တွေကတော့ မကြာခဏ ကြုံနေရတာပါ။ ဖမ်းမှာကြောက်လို့၊ တချို့ကျတော့ လက်မှတ် ရှိတာတောင် ငွေပေးရမှာ ကြောက်လို့ ပြေးတတ်ကြတယ်” ဟု ဆိုသည်။

ယခုကဲ့သို့သော ဖြစ်ရပ်များ၏ အဓိက အကြောင်းအရင်းမှာ ထိုင်း အစိုးရက ရွှေ့ပြောင်း အလုပ်သမားများ တွက် အလုပ်သမာျးဥပဒေနှင့်အညီ အခွင့်အရေးများ တိတိကျကျ မလုပ်ဆောင် ပေးနိုင်သောကြောင့် ဖြစ်သည်ဟု ဦးထူးချစ်က ဆက်ပြောသည်။

ဖူးခက်မြို့ရှိ ဆောက်လုပ်ရေးလုပ်ငန်းများတွင် မြန်မာအများအပြား အလုပ်လုပ်ကိုင်လျှက်ရှိကြသည်။ အလုပ်သမားအရေး ဆောင်ရွက်သူများ၏ အဆိုအရ ထိုင်းနိုင်ငံတဝန်းတွင် မြန်မာရွှေ့ ပြောင်းအလုပ်သမား ၂ သန်းမှ ၄ သန်းအထိ ရှိသည်ဟု သိရသည်။

နိုင်ငံကူးလက်မှတ် သက်တမ်းတိုး တလ ဆိုင်းငံ့မည်

Friday, 05 March 2010 17:17 ဧရာဝတီ 
မြန်မာနိုင်ငံကူး လက်မှတ် သက်တမ်း တိုးခြင်း၊ အသစ် လဲလှယ်ခြင်း ကိစ္စများကို ကမ္ဘာတဝန်းရှိ မြန်မာသံရုံး များတွင် ဧပြီလ ၁ ရက်နေ့မှ ၃၀ ရက်နေ့အထိ တလ ဆိုင်းငံ့ထားရန် ပြည်ထဲရေး ဝန်ကြီးဌာနမှ ညွှန်ကြား ထားကြောင်း ထိုင်းနိုင်ငံ ဘန်ကောက်ရှိ မြန်မာသံရုံးက ဧရာဝတီသို့ ပြောသည်။
“ပတ်စ်ပို့ သက်တမ်း တိုးတဲ့ ကိစ္စတွေကို ယာယီ ရပ်ဆိုင်းထားဖို့ ပြည်ထဲရေး ဝန်ကြီးဌာနက ညွှန်ကြား ထားပါတယ်၊ ဧပြီလ အတွင်းမှာ သက်တမ်း ကုန်မယ့် ပတ်စ်ပို့တွေဟာ ဧပြီ မတိုင်ခင်မှာ သက်တမ်း တိုးကြရပါမယ်၊ ဘားကုဒ် စနစ်သုံး ပတ်စ်ပို့နဲ့ ပတ်သက်လို့ ဝန်ကြီး ဌာနက ဘာမှ ရှင်းမပြ သေးပါဘူး”ဟု မြန်မာသံရုံး ဝန်ထမ်းတဦးက ပြောသည်။
မြန်မာနိုင်ငံကူး လက်မှတ် ကိုင်ဆောင်ထားသူ တဦးကလည်း “မနေ့က ကျမ သံရုံးကို အခွန်ဆောင်ဖို့ သွားပါတယ်၊ ကျမ ပတ်စ်ပို့က ၂၀၁၀ ဧပြီလ ထဲမှာ သက်တမ်း ကုန်မှာပါ၊ ဒါကြောင့် တခါတည်း ပတ်စ်ပို့ကို သက်တမ်း တိုးဖို့ပါ သူတို့ ပြောပါတယ်” ဟု ဆိုသည်။

ယင်းသို့ တလ ရပ်ဆိုင်းခြင်းကိစ္စကို ဘန်ကောက် မြန်မာသံရုံးတွင် ကြေညာချက်ကပ်ထားသည်မှတပါး ကျယ်ကျယ်ပြန့်ပြန့် သိရှိရန် ကြေညာခြင်းမရှိဟု မကြာသေးမီက နိုင်ငံကူးလက်မှတ် သက်တမ်းတိုးရန် သံရုံးသို့ ရောက်ရှိခဲ့သော အမျိုးသမီးတဦး က ဆိုသည်။

“သံရုံးနဲ့ လှမ်းတဲ့ နေရာက လူတွေ ဧပြီ မတိုင်ခင် သက်တမ်းလာပြီး တိုးရမယ်ဆိုတာ သိမှာ မဟုတ်ပါဘူး”ဟု သူက ဆိုသည်။

မိမိနိုင်ငံသားများအား လက်ရေးစနစ်သုံး နိုင်ငံကူးလက်မှတ်အစား နိုင်ငံတကာ ဘားကုဒ် စနစ်သုံး နိုင်ငံကူးလက်မှတ် များဖြင့် စတင် အစားထိုး လဲလှယ်ပေးရန် နိုင်ငံတကာ မြို့ပြလေကြောင်းပျံသန်းမှုဆိုင်ရာ အဖွဲ့အစည်း (International Civil Aviation Organization) က မြန်မာစစ်အစိုးရကို တောင်းဆိုထားသည်။

မြန်မာနိုင်ငံသည် ကမ္ဘာတဝန်း နိုင်ငံပေါင်း ၃၀ တွင် သံရုံးများ ဖွင့်လှစ်ထား ကြောင်း သိရသည်။

ရွှေ့ပြောင်းများအရေး ထိုင်းအလုပ်သမားဝန်ကြီး ဆွေးနွေး

စိုးမိုး/ ၅ မတ် ၂ဝ၁ဝ ခေတ်ပြိုင်


ထိုင်းနိုင်ငံရောက် ရွှေ့ပြောင်းအလုပ်သမား (၅) သိန်းခန့် အလုပ်လုပ်ခွင့် သက်တမ်းတိုးရန် ပျက်ကွက်သည့်အကြောင်းရင်းကို ထိုင်းအလုပ်သမားဝန်ကြီးဌာန ၀န်ကြီးက အလုပ်သမားရေးရာအဖွဲ့များနှင့် ယနေ့ဆွေးနွေးကြောင်း သိရသည်။
ယခုလ (၂) ရက်နေ့ နောက်ဆုံးထားပြီး ထိုင်းနိုင်ငံတွင်းရှိ တရားဝင် နိုင်ငံခြားသား ရွှေ့ပြောင်းအလုပ်သမား (၁၃) သိန်းကျော်ကို အလုပ်လုပ်ခွင့်လက်မှတ် သက်တမ်းတိုးရန်နှင့် ယခုလကုန်တွင် နိုင်ငံသားစိစစ်ရေး လုပ်ဆောင်ရန် ထိုင်းအစိုးရက ညွှန်ကြားထားသော်လည်း အလုပ်သမား (၅) သိန်းကျော်က လုပ်ဆောင်ရန် ပျက်ကွက်နေခြင်းဖြစ်သည်။

“ထိုင်းအလုပ်သမားဝန်ကြီးက ရွှေ့ပြောင်းအလုပ်သမား (၅) သိန်းကျော်တောင် ဘာကြောင့် အလုပ်လုပ်ခွင့် သက်တမ်းမတိုးလဲ ဆိုတာကို အလုပ်သမားရေးရာဌာနတွေနဲ့ ဆွေးနွေးမေးမြန်းတယ်လို့ ပြောတယ်။ သက်တမ်း မတိုးသေးတဲ့သူတွေအတွက် အဖြေတခုခုတော့ ရလာမယ်လို့ မျှော်လင့်ရတာပဲ” ဟု ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရအဖွဲ့ ရွှေ့ပြောင်းလုပ်သားရေးရာ တာဝန်ခံ ကိုသက်ခိုင်က ပြောကြားသည်။
ထိုင်းအလုပ်သမားဝန်ကြီးဌာနမှ အလုပ်အကိုင်ခန့်ထားရေးဌာန ဒုတိယညွှန်ကြားရေးမှူးချုပ် မစ္စတာ ဆူပတ် ဂူခွန်က အလုပ်သမားလက်မှတ် သက်တမ်းမတိုးသူ ရွှေ့ပြောင်းအလုပ်သမား (၅) သိန်းခန့်ကို ဖမ်းဆီးပြီး နေရပ်ပြန်ပို့မည်ဟု ပြောကြားခဲ့သည်။
ယင်းနောက် ထိုင်းအစိုးရ အလုပ်သမားဝန်ကြီးဌာနက အလုပ်သမားသက်တမ်း တိုးပြီးသူများကို မဖမ်းဆီးရန် ထိုင်းရဲနှင့် လူဝင်မှုကြီးကြပ်ရေးသို့ ညွှန်ကြားစာ ထုတ်ပြန်လိုက်သည်။
ရွှေ့ပြောင်းအလုပ်သမားများအနေဖြင့် ၀န်ဆောင်ခပေးပြီး နိုင်ငံသားစိစစ်မှုကို အလွယ်တကူ လုပ်ကိုင်နိုင်ကြောင်း၊ တရားဝင် အလုပ်သမားအဖြစ် သက်တမ်းတိုးခွင့် ပေးထားခြင်းကို မလုပ်ကိုင်ကြသည့် အကြောင်းရင်းကို ရှာဖွေရန်လိုကြောင်း ၀န်ကြီးက ပြောကြားသည်ဟု ထိုင်းအစိုးရသတင်းဌာန NTT က ဖော်ပြသည်။
ရွှေ့ပြောင်းအလုပ်သမားများအနေဖြင့် အလုပ်လုပ်ကိုင်ခွင့် သက်တမ်းတိုးရေးနှင့် နိုင်ငံသားစိစစ်မှု လုပ်ဆောင်ရန် ငွေကြေး အခက်အခဲအပါအ၀င် မိမိတို့ ကိုယ်ရေးအချက်အလက်မှန်များကို မြန်မာစစ်အစိုးရသို့ မပေးလိုကြခြင်းလည်း ပါဝင်ကြောင်း သိရသည်။
“ဒီအလုပ်သမားတွေရဲ့  သမိုင်းနောက်ခံမှာ ဘ၀ရပ်တည်လို့မရအောင် အခြေအနေဆိုးတွေကြောင့် ဒီမှာလာပြီး ရုန်းကန်နေရတာပါ။ လူတိုင်း ကိုယ့်မြေ ကိုယ့်ရေမှာပဲ နေထိုင်လုပ်ကိုင် စားသောက်ချင်ကြတာပါ။ အခု ရွှေ့ပြောင်းကိစ္စလည်း အချိန်ပေးညှိနိုင်းဖို့ လိုပါတယ်” ဟု ကိုသက်ခိုင်က ပြောကြားသည်။

အလုပ်သမားဆန္ဒပြမှုများကို ပြည်သူများအားပေး

မျိုးချစ်သူ/ ၄ မတ် ၂ဝ၁ဝ ခေတ်ပြိုင်

ရန်ကုန်ရှိ စက်ရုံလုပ်သားများသာမက အခြားအလုပ်သမားများပါ အလုပ်ရှင်အပေါ် မကျေနပ်သည်များကို ဆန္ဒပြလာနိုင်ကြောင်း နေပြည်တော်အလုပ်သမားရေးဝန်ကြီးဌာနမှ အရာရှိကြီးတဦးက ပြောသည်။
“ဒီနှစ်ထဲမှာ ဆန္ဒပြတာတွေက (၁၀) ကြိမ်အထက်မှာ ရှိနေပြီ။ ဘယ်သူ့ကိုမှလည်း မဖမ်းပါဘူး။ အစိုးရအနေနဲ့လည်း ဒီကိစ္စကို ဖမ်းဆီးလောက်သည်ထိ မလုပ်ပါဘူး။ ပြောချင်တာက ဒီနှစ်ထဲမှာ ပြောင်းလဲလာမယ့် နိုင်ငံရေးအခြေအနေတွေကြောင့် အဲဒီဖမ်းဆီးတဲ့ကိစ္စကို မလုပ်တာလို့လည်း အကြမ်းပြောနိုင်ပါတယ်” ဟု ၎င်းက ပြောသည်။

၂၀၁၀ ပြည့်နှစ်အတွင်း အလုပ်သမားများ ဆန္ဒပြမှုစိပ်လာသည်ကို ရန်ကုန်လူထု အလွန်စိတ်ဝင်စားလာကာ ဆန္ဒပြအလုပ်သမားများဘက်မှ အားပေးလာကြောင်း ရန်ကုန်မြို့ခံများက ပြောသည်။
“ပြသင့်တာပေါ့။ အလုပ်သမားတွေရတဲ့ လစာက ဘယ်လောက်မှမရှိဘူး။ အလုပ်ရှင်တွေက လူပါးဝတယ်။ အစိုးရ ရုံးပိတ်ရက်တွေဆိုရင်လည်း မပိတ်ပေးဘူး၊ အဲဒီနေ့ အလုပ်ဆင်းတဲ့သူတွေကိုလည်း အချိန်ပိုကြေးမပေးဘူး၊ မသိလိုက်မသိဘာသာ နေကြတာလေ။ ကျမတို့လည်း ကုမ္ပဏီဝန်ထမ်းပါ၊ ဒါ့ကြောင့် သိတယ်။ အခုလိုဆန္ဒပြတာကို အားပေးတယ်” ဟု ရန်ကုန်မြို့ နာမည်ကြီး ကွန်ပျူတာကုမ္ပဏီတခုမှ ၀န်ထမ်းတဦးက ပြောသည်။
မကြာသေးခင်က အစိုးရ၀န်ထမ်းများအား ပေါကြွယ်စရိတ်ဟု နာမည်တပ်ကာ အစိုးရက လစာ (၂၀,၀၀၀) ကျပ် အပိုပေးခဲ့သော်လည်း ပြင်ပ ပုဂ္ဂလိက ကုမ္ပဏီအချို့တွင်သာ လစာတိုးမြှင့်ပေးပြီး အများစုမှာ အလုပ်ရှင်သူဌေးများက မသိကျိုးကျွံပြုနေကြကြောင်း ရန်ကုန်မြို့မှ ကုမ္ပဏီဝန်ထမ်းအများစု၏ ပြောပြချက်အရ သိရသည်။
ရန်ကုန်အခြေစိုက် ဂျာနယ်တစောင်မှ ၀န်ထမ်းတဦးက “ကျနော်တို့ မိတ်ဆွေတယောက်လုပ်တဲ့ ဂျာနယ်တိုက်မှာ လစာအရမ်းနည်းတယ်။ နည်းရတဲ့အထဲ လစာကိုခွဲပေးတယ်။ စာမူခတပုဒ်ကို (၂၀၀) ကျပ်ရတယ်။ တလကို သတင်း (၄၅) ပုဒ် ပေးရတယ်လို့ သိရတယ်။ ပြီးတော့ သတင်းထောက်ကို ဟိုခိုင်းဒီခိုင်းလုပ်တယ်။ အဲဒီသူဌေးကို စာနယ်ဇင်းအသိုင်းအ၀ိုင်းက လူတိုင်းသိပါတယ်။ အဲဒီဂျာနယ်တိုက်ရှိတဲ့ မြို့နယ်အလုပ်သမားရုံးမှာလည်း သူ့ကိုတိုင်တဲ့တိုင်စာတွေက ပွစာတက်နေပြီ။ ဒါပေမယ့် ဘာမှမထူးလာပါဘူး။ အလုပ်သမားဆန္ဒပြမှုက ဂျာနယ်တိုက်တွေမှာလည်း ဖြစ်လာနိုင်ပါတယ်” ဟု ပြောသည်။
ပြီးခဲ့သည့် မတ်လ (၃) ရက်နေ့ကလည်း ရန်ကုန်မြို့ ရွှေပြည်သာ စက်မှုဇုန် (၃) ဖန်ချက်ဝန်၊ ဦးရွှေအိုးလမ်း အမှတ် (၆၄) ရှိ Grand Royal ဝီစကီစက်ရုံတွင် အလုပ်သမား (၁) ထောင်ကျော်ခန့်က လုပ်အားခတိုးမြှင့်တောင်းဆိုကာ ဆန္ဒပြခဲ့သည်။
တောင်းဆိုမှုများမှာ လုပ်အားခ တိုးမြှင့်မှုအပြင် အလုပ်ချိန်လျှော့ချရန်နှင့် သတ်မှတ်ထားသောလ၊ နှစ်များပြည့်ပါက နေ့စားအဖြစ်မှ တရားဝင် permanent ၀န်ထမ်းဖြစ်ရန်နှင့် အစိုးရရုံးပိတ်ရက်များကို ပိတ်ပေးရန်၊ အလုပ်ဆင်းရလျှင်လည်း အချိန်ပိုရရှိစေရန်တို့ကို တောင်းဆိုကြောင်း သိရသည်။

ရွှေ့ပြောင်းအလုပ်သမား (၅) သိန်းခန့်ကို နေရပ်ပြန်ပို့မည်ဟု ထိုင်းအစိုးရ ပြောကြား

စိုးမိုး/ ၃ မတ် ၂ဝ၁ဝ ခေတ်ပြိုင်


သတ်မှတ်ရက်အတွင်း နိုင်ငံသားစိစစ်ရေးလုပ်ငန်းစဉ် မလုပ်သည့် တရားဝင်ရွှေ့ပြောင်း အလုပ်သမား (၅) သိန်းခန့်ကို နေရပ်ပြန်ပို့ရန် ရဲတပ်ဖွဲ့၊ လူဝင်မှုကြီးကြပ်ရေးတို့ဖြင့် ကြပ်မတ်လုပ်ဆောင်တော့မည်ဖြစ်ကြောင်း ထိုင်းအလုပ်သမား ၀န်ကြီးဌာနမှ အလုပ်အကိုင်ခန့်ထားရေးဌာန ဒုတိယညွှန်ကြားရေးမှူးချုပ် မစ္စတာ ဆူပတ် ဂူခွန်က ယမန်နေ့က ပြောကြားသည်။ မြန်မာ၊ လာအိုနှင့် ကမ္ဘောဒီးယား ရွှေ့ပြောင်းအလုပ်သမားများကို ဖေဖော်ဝါရီလကုန် နောက်ဆုံးထားပြီး နိုင်ငံသားစိစစ်ရေး လုပ်ဆောင်ရန် ရက်သတ်မှတ်ပေးခဲ့ပြီးနောက် သတ်မှတ်ချိန်အတွင်း နိုင်ငံသားစိစစ်ရေး မလုပ်သည့်၊ အလုပ်လုပ်ခွင့်လက်မှတ် သက်တမ်းလာမတိုးသည့် ရွှေ့ပြောင်းအလုပ်သမားများကို နေရပ်ပြန်ပို့မည်ဟု ထိုင်းအစိုးရက ပြောဆိုလိုက်ခြင်းဖြစ်သည်။

“သတ်မှတ်ချိန်အတွင်း နိုင်ငံသားစိစစ်ရေး မလုပ်ဆောင်တဲ့ အလုပ်သမားတွေကို ပြန်ပို့မယ့် ကိစ္စအတွက်တော့ သက်ညှာစဉ်းစားပေးမှာ မဟုတ်ဘူး” ဟု မစ္စတာ ဆူပတ် ဂူခွန်က ပြောကြားကြောင်း The Nation သတင်းစာတွင် ပါရှိသည်။
ထိုင်းနိုင်ငံတွင်း တရားဝင် အလုပ်သမားလက်မှတ်ရှိ မြန်မာ၊ လာအိုနှင့် ကမ္ဘောဒီးယား အလုပ်သမား (၁၃) သိန်းကျော်တွင် ပြီးခဲ့သည့် ဖေဖော်ဝါရီ လကုန်အထိ (၇) သိန်းကျော်သာ အလုပ်လုပ်ခွင့် သက်တမ်းတိုးခြင်းနှင့် နိုင်ငံသားစိစစ်ရေး လုပ်ငန်းများကို လုပ်ဆောင်ခဲ့ပြီး (၅) သိန်းခန့်မှာ လုပ်ဆောင်ခဲ့ခြင်းမရှိကြောင်း ထိုင်းနိုင်ငံ၊ နိုင်ငံခြားသားအလုပ်သမား စီမံခန့်ခွဲရေးဌာနမှ အစီရင်ခံစာထုတ်ပြန်သည်။
“နိုင်ငံသား စိစစ်ရေးလုပ်ဖို့ကလည်း သိပ်ခက်ခဲတာ မဟုတ်ဘူး။ လုပ်ပေးတဲ့ ကုမ္ပဏီ (၁၂) ခု ရှိတယ်။ ၀န်ဆောင်ခက ဘတ် (၅) ထောင်ထက် မပိုဘူး” ဟု အလုပ်အကိုင်ခန့်ထားရေးဌာန ဒု-ညွှန်ချုပ်က ထပ်လောင်းပြောကြားသည်။
ထိုင်းအစိုးရက မြန်မာ၊ လာအိုနှင့် ကမ္ဘောဒီးယား နိုင်ငံသား ရွှေ့ပြောင်းအလုပ်သမားများကို ယခုနှစ် ဇန်န၀ါရီလအတွင်း နိုင်ငံသားစိစစ်ရေး လုပ်ဆောင်ရန်နှင့် နိုင်ငံကူးလက်မှတ်ရရှိရေး ဆောင်ရွက်ရန် မူဝါဒ ချမှတ်ဆောင်ရွက်နေသော်လည်း အလုပ်သမားများအနေဖြင့် အပြည့်အ၀ လုပ်ဆောင်ခြင်း မရှိကြသေးပေ။
အလုပ်သမားအရေး ဆောင်ရွက်နေသူများကမူ နိုင်ငံသားစိစစ်ရေး မလုပ်ဆောင်သည့် ရွှေ့ပြောင်းအလုပ်သမားများကို ထိုင်းအစိုးရက နေရပ်ပြန်ပို့ပါက ထိုင်းနိုင်ငံ၏ ကုန်ထုတ်လုပ်ငန်းကိုပါ ထိခိုက်နိုင်ကြောင်း သုံးသပ်ကြသည်။

အလုပ်သမား ၅ သိန်းကျော်ကို ဖမ်းဆီး ပြန်ပို့တော့မည်

Wednesday, 03 March 2010 17:49 ဘစောတင် ဧရာဝတီ

ယနေ့မှ စတင်၍ ယာယီနိုင်ငံကူး လက်မှတ် ပြုလုပ်ရန် အမည်စာရင်း တင်သွင်းခြင်း မရှိသူ နိုင်ငံခြားသား ရွှေ့ပြောင်း အလုပ်သမား ၅ သိန်း ကျော်ကို ဖမ်းဆီးပြီး နေရင်းနိုင်ငံသို့ ပြန်ပို့တော့မည် ဖြစ်ကြောင်း ထိုင်းအစိုးရ အလုပ်ခန့်ထားရေး ဌာနမှ ဒုတိယ ညွှန်ကြားရေးမှူးချုပ် Mr. Supat Gukhun က ပြောသည်။ “ကျနော်တိုရဲ့ စိတ်ရှည် သည်းခံမှုက ကုန်ဆုံးသွားခဲ့ပြီ။ ယာယီနိုင်ငံကူး လက်မှတ်လုပ်ဖို့ လျှောက်လွှာ မတင်တဲ့သူတွေ၊ အလုပ်သမား လက်မှတ် သက်တမ်း မတိုးသူတွေ အားလုံးကို ဖမ်းပြီးပြန်ပို့မှာပါ” ဟု သူက ပြောကြားကြောင်း ထိုင်းနိုင်ငံ အခြေစိုက် ယနေ့ထုတ် The Nation သတင်းစာတွင် ဖော်ပြထားသည်။
ထိုင်းအစိုးရသည် ဖေဖော်ဝါရီလ ၂၈ ရက်နေ့ နောက်ဆုံးထားပြီး ယာယီနိုင်ငံကူး လက်မှတ် လျှောက်ရန် ကြေညာထား ခဲ့သော်လည်း မတ်လ ၂ ရက်နေ့အထိ ၂ ရက် နောက်ဆုတ် ပေးခဲ့သည်။

ထိုင်းအစိုးရ နိုင်ငံခြားသား အလုပ်သမား စီမံခန့်ခွဲရေးဌာန၏ ထုတ်ပြန်ချက်အရ ရွှေ့ပြောင်း အလုပ်သမား ၁၆၈၆၈၈ ဦးမှာ ယာယီနိုင်ငံကူး လက်မှတ် ပြုလုပ်ပြီးကြောင်း သိရသည်။

အဆိုပါ အစီရင်ခံစာအရ အလုပ်သမား မှတ်ပုံတင်ထားသော ရွှေ့ပြောင်း အလုပ်သမား ၁၃ သိန်းကျော် အနက် ၇ သိန်းကျော် လျှောက်လွှာတင်သွင်းပြီး ဖြစ်သည်။

ထိုင်းအာဏာပိုင်များက ကျန်ရှိသည့် အလုပ်သမား ၅ သိန်းကျော်ကို ယာယီနိုင်ငံကူးလက်မှတ် လုပ်ငန်းစဉ် သို့ ၀င်ရောက်လာတော့မည် မဟုတ်ဟု အခိုင်အမာ ယူဆနေကြပြီး ယနေ့မှ စတင်ကာ အဖမ်းအဆီး လုပ်ငန်းများ ပြုလုပ်တော့မည်ဟု ကြေညာလိုက်ခြင်း ဖြစ်ကြောင်း သိရသည်။

ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရအဖွဲ့မှ ရွှေ့ ပြောင်းအလုပ်သမားရေးရာ တာဝန်ခံ ကိုသက်ခိုင်က “ပွင့်လင်းမြင်သာမှုရှိတဲ့ ပူးပေါင်းဆောင်ရွက်မှုတွေသာ လုပ်ခဲ့ရင် အခုလို စိတ်မချမ်းမြေ့ စရာတွေ ဖြစ်လာစရာ အကြောင်းမရှိဘူးလို့ အလုပ်သမားရေးလုပ်နေတဲ့ အဖွဲ့တွေကို အစကတည်းက ကျနော်တို့ ပြောခဲ့ပါတယ်။ အခုတော့ မမျှော်လင့်တဲ့ လူ့အခွင့်အရေး ချိုးဖောက်မှုတွေ မြင်ရတော့မယ်” ဟု ဆိုသည်။

ဆက်လက်၍ ၎င်းက ယခုကဲ့သို့ အတင်းအကျပ် ပြန်ပို့မည် ဆိုသည့်ကိစ္စမှာ အလွယ်တကူနှင့် မဖြစ်နိုင် သေးကြောင်း၊ ဖမ်းဆီး ပြန်ပို့မည်ဆိုလျှင် စည်းစနစ်ကျနမှု ရှိရမည်ဖြစ်ကြောင်းနှင့် အချိန်လည်း ယူရမည် ဖြစ်ကြောင်းပြောသည်။

“ဒီ ရွှေ့ပြောင်း အလုပ်သမားတွေက နှစ်ပေါင်းများစွာ ၂ နိုင်ငံအကျိုးစီးပွားအတွက် အပင်ပန်း အဆင်းရဲ ခံခဲ့ရတာ။ ကြက်ကလေး၊ ငှက်ကလေးတွေ ဖမ်းသလို အလွယ်တကူလုပ်ဖို့ မဖြစ်နိုင်ပါဘူး” ဟု ကိုသက်ခိုင်က ပြောသည်။

ရွှေ့ပြောင်း အလုပ်သမားများကို ယခုကဲ့သို့ အတင်းအကျပ် ဖမ်းဆီးကာ ပြန်ပို့မည် ဆိုပါက ထိုင်းနိုင်ငံတွင်း လူမှောင်ခိုကူးမှုများ၊ လူ့အခွင့်အရေး ချိုးဖောက်မှုများ ပိုမိုများပြားလာနိုင်သည်ဟု ထိုင်းနိုင်ငံအခြေစိုက် အလုပ်သမားအရေး ဆောင်ရွက်နေသည့် MAP ဖောင်ဒေးရှင်းမှ တာဝန်ရှိသူ ကိုနစ်ကပြောသည်။

“ထိုင်းက ဘယ်လောက်ပဲ ဖမ်းပို့ ဖမ်းပို့ မြန်မာတွေကတော့ ထိုင်းကိုခိုးဝင်လာကြ မှာပဲ။ ဒီတော့ ပွဲစားကို အားကိုးကြရမှာပဲ။ ဟိုတလောကတောင် လူပွဲစား ကားတစီးကို ထိုင်းရဲက ပစ်ခတ်လို့် မြန်မာ ၃ ယောက် သေသွားတဲ့ ဖြစ်ရပ်မျိုးတွေ ရှိတယ်။ ဒါမျိုးတွေအတွက် ကျနော်တို့ အထူးစိုးရိမ်မကင်း ဖြစ်မိပါတယ်” ဟု ၎င်းက ဆိုသည်။

ဘန်ကောက်အခြေစိုက် ရောင်ခြည်ဦး အလုပ်သမားအဖွဲ့မှ တာဝန်ခံ ကိုအောင်မြင့်သိန်းကလည်း “အခု အချိန် ထိတော့ ဖမ်းတာ ဆီးတာ မကြားမိသေးပါဘူး။ ဒါပေမယ့် နောက်ရက်တွေမှာ ဘာဖြစ်လာမလဲ ဆိုတာကိုတော့ စောင့်ကြည့်ရမယ်” ဟုဆိုသည်။

ထိုင်းမြန်မာ နယ်စပ် မဲဆောက်မြို့တွင် ဖေဖော်ဝါရီ ၂၆ ရက်၊ ၂၇ ရက် နေ့များက ရပ်ကွက်များထဲအထိ ဝင်ရောက် ဖမ်းဆီးမှုများရှိခဲ့သော်လည်း ယနေ့တွင်မူ လမ်းပေါ်ထွက်လာသူများအား စစ်ဆေးမှုများသာ ရှိသေးသည်ဟု သိရသည်။

ထိုင်းနိုင်ငံအနှံ့အပြားတွင် အလုပ်လုပ်နေကြသော ရွှေ့ပြောင်း အလုပ်သမားများအနေနှင့် ငွေကြေး အခက် အခဲကြောင့် ယာယီနိုင်ငံကူး လက်မှတ် မလုပ်နိုင်သူများရှိသကဲ့သို့ တချို့မှာမူ နိုင်ငံရေးအရ ၎င်းတို့၏ ကိုယ်ရေး အချက်အလက်များကို မြန်မာ စစ်အစိုးရအား မပေးလိုသူများလည်း ရှိသည်။

ထို့ပြင် နယ်စပ်ဒေသမှ တိုင်းရင်းသားအများစုတွင် မှတ်ပုံတင်၊ သန်းခေါင်စာရင်း မရှိကြ သကဲ့သို့ တချို့မှာ စစ်ဘေး စစ်ဒဏ်ကြောင့် ပြေးလွှားရင်း ထိုင်းနိုင်ငံသို့ ရောက်ရှိလာကြသူများလည်း ပါဝင်သည်။

ထိုင်းနိုင်ငံတွင် ရွှေ့ပြောင်း အလုပ်သမား ၂ သန်းမှ ၄ သန်းခန့် ရှိသည်ဟု ခန့်မှန်းကြရာ ၈၀ ရာခိုင်နှုန်းမှာ မြန်မာများ ဖြစ်ကြောင်း သိရသည်။

လာမည့် ရက်များအတွင်း အလုပ်သမားလက်မှတ် မရှိသူ ရွှေ့ပြောင်းအလုပ်သမားများကို ထိုင်းအစိုးရက ဖမ်းဆီး ပြန်ပို့မည့်အရေးသည် များစွာ စိုးရိမ်စရာကောင်းသော အနေအထားဖြစ်သည်ဟု လေ့လာသူ တို့က သုံးသပ်ကြသည်။

ရွှေ့ပြောင်း လုပ်သား ၅ သိန်း မိခင်နိုင်ငံ ပြန်ပို့မည်

ကျော်ခ | ဗုဒ္ဓဟူးနေ့၊ မတ်လ ၀၃ ရက် ၂၀၁၀ ခုနှစ် ၁၈ နာရီ ၄၄ မိနစ် 

ချင်းမိုင် (မဇ္ဈိမ) ။     ။ အလုပ်သမားလက်မှတ် သက်တမ်းတိုးရန် ပျက်ကွက်ခဲ့သည့် နိုင်ငံခြားသား ရွှေ့ပြောင်းအလုပ်သမား ၅ သိန်းခန့်ကို  ဖမ်းဆီး၍ နေရပ်ရင်းသို့ ပြန်ပို့မည်ဟု ထိုင်းအလုပ်သမား ဝန်ကြီးဌာနက ပြောသည်။ “သဘောတူညီချက်အတိုင်း လုပ်ဆောင်ဖို့ ပျက်ကွက်တဲ့ တရားမဝင်အလုပ်သမားတွေကို ကျနော်တို့ အနေနဲ့ ဖမ်းပြီးတော့ ပြန်ပို့ရမှာဘဲ” ဟု ထိုင်း အလုပ်ရှာဖွေခန့်ထားရေးဌာန လက်ထောက်ဒါရိုက်တာ Supat Gukun က ယင်းသို့ ပြောကြောင်း ယနေ့ထုတ် THE NATION သတင်းစာ၌ ဖော်ပြထားသည်။
ယနေ့တွင် စတင်အသက်ဝင်မည့် ပြန်ပို့ရေးအစီအစဉ်ကို ရဲနှင့် လူဝင်မှုကြီးကြပ်ရေးဌာနများနှင့် ပူးတွဲ၍ ပြန်ပို့ရေး အစီအစဉ်ကို အကောင်ထည် ဖော် မည်ဟုလည်းဆိုသည်။ 

အမှန်တကယ်သာ အကောင်အထည်ဖော်ဖြစ်လျှင် ထိုင်းနိုင်ငံ၌ အလုပ်လုပ်ခွင့်လက်မှတ် သက်တမ်းတိုးရန် ပျက်ကွက်ခဲ့သည့် မြန်မာ၊ လာအို၊ ကမ္ဘာဒီးယား နိုင်ငံသား ၅ သိန်းခန့်မှာ ပြန်ပို့ခံရမှာဖြစ်သည်။

ထိုင်းနိုင်ငံတွင်းအလုပ်လုပ်ခွင့် သက်တမ်းတိုးရန်နှင့် ယာယီနိုင်ငံကူး လက်မှတ်အတွက် နိုင်ငံသား စီစစ်မှု ခံယူရန် ပုံစံဖြည့်စွပ်ချိန် နောက်ဆုံးရက်အဖြစ် ထိုင်းအလုပ်သမားဝန်ကြီးဌာနက ယခင်လ ၂၈ ရက်နေ့ကို သတ်မှတ်ပေးခဲ့သည်။ သို့သော် ရုံးပိတ်ရက်များနှင့် တိုက်နေသဖြင့် ၂ ရက် ထပ်တိုးပေးခဲ့ရာ ယမန်နေ့က နောက်ဆုံးဖြစ်သည်။

သက်ဆိုင်ရာ ထိုင်းအလုပ်သမားရုံးများက လက်မှတ်သက်တမ်းလာတိုးသူများအား နိုင်ငံသားစီစစ်ရေး ပုံစံကိုပါ ဖြည့်စွပ်စေကြောင်း မဖြည့်စွပ်ပါက သက်တမ်းမတိုးပေးကြောင်း သိရသည်။ စီစစ်ရေးပုံစံ တင်ပါမည်ဟု အလုပ်ရှင်နှင့် အလုပ်သမားက ဝန်ခံချက် လက်မှတ်ထိုးလျင်မှု သက်တမ်းတိုးပေးပြီး ပုံစံဖြည့်တင်ရန် ယခုလကုန်အထိ အချိန်ရမည်ဖြစ်သည်။ ယခု ဖမ်းဆီးပြန်ပို့ ခံရမည့်သူများသည် လက်မှတ်သက်တမ်းလည်းမတိုး၊ ပုံစံလည်း မဖြည့်သူများဖြစ် သည်ဟု ဆိုသည်။

ရွှေ့ပြောင်းအလုပ်သမားအချို့မှာ ခရီးကွာဝေးသည့် ပင်လယ်ပြင်ငါးဖမ်းလုပ်ငန်း၊ လယ်လုပ်ငန်း၊ ရော်ဘာ လုပ်ငန်း၊ သစ်သီးခြံလုပ်ငန်းများတွင် လုပ်ကိုင်နေကြသဖြင့် အချိန်တိုအတွင်း ဆောင်ရွက်ရန်ကိစ္စများကို အမြန်ဆုံးရန် မလွယ်ကူကြောင်း အဝေးရောက်ညွှန့်ပေါင်းအစိုးရ NCGUB မှ ရွှေ့ပြောင်းအလုပ်သမား ရေးရာဌာန တာဝန်ခံ ကိုသက်ခိုင်က မဇ္ဈိမကို ပြောသည်။

နောက်ဆုံးနေ့ဖြစ်သော ယမန်နေ့က အလုပ်လုပ်ကိုင်ခွင့်သက်တမ်း တိုးမြှင်ခဲ့သည့် မြန်မာ၊ ကမ္ဘောဒီးယား၊ လာအို တို့မှ ရွှေ့ပြောင်းအလုပ်သမား စုစုပေါင်း ၇ဝ၇၂၄၆ ဦး ရှိသည်ဟု ထိုင်းနိုင်ငံ နိုင်ငံခြားသား အလုပ်သမားစီမံခန့်ခွဲရေးဌာနမှ အစီရင်ခံစာ ထုတ်ပြန်ထားသည်။

ထိုအရေအတွက်သည် တရားဝင်မှတ်ပုံတင်ထားသည့် စာရင်းရှိ ၁၃၁၅၉၃၂ ဦး မှဖြစ်သည်။ ၅၃၆ဝ၇၄ ဦးသည် ၎င်းတို့၏ နိုင်ငံသားစီစစ်မှုပြုရေး လျှောက်လွှာကို တင်သွင်းခဲ့ကြပြီး၊ ၁၆၈၆၈၈ ဦးသည် ယာယီ နိုင်ငံကူးလက်မှတ် လက်ခံရရှိပြီး ဖြစ်ကြောင်း သိရသည်။

အလုပ်သမားများကို ဖမ်းဆီးပို့ဆောင်မည်ဆိုလျင် လူအခွင့်အရေးချိုးဖောက်မှုများ၊ အနိုင်ကျင့်ခံရမှုများ ခံရဖွယ်ရှိကြောင်းနှင့် ရွှေ့ပြောင်းအလုပ်သမားများသည် ထိုင်းနိုင်ငံစီးပွားရေးကဏ္ဍအတွက် အရေးပါ သောကြောင့် ထိုင်းအစိုးရအနေနဲ့ ငဲ့ညှာသင့်ကြောင်း နိုင်ငံတကာနှင့် ထိုင်း အလုပ်သမားအဖွဲ့အစည်းများ နှင့် ကျွမ်းကျင်သူများက ထောက်ပြနေကြသည်။

(ကိုဝိုင်းတည်းဖြတ်သည်)

ရွှေ့ပြောင်းအလုပ်သမား (၅) သိန်းခန့်ကို နေရပ်ပြန်ပို့မည်ဟု ထိုင်းအစိုးရ ပြောကြား

စိုးမိုး/ ၃ မတ် ၂ဝ၁ဝ ခေတ်ပြိုင်

သတ်မှတ်ရက်အတွင်း နိုင်ငံသားစိစစ်ရေးလုပ်ငန်းစဉ် မလုပ်သည့် တရားဝင်ရွှေ့ပြောင်း အလုပ်သမား (၅) သိန်းခန့်ကို နေရပ်ပြန်ပို့ရန် ရဲတပ်ဖွဲ့၊ လူဝင်မှုကြီးကြပ်ရေးတို့ဖြင့် ကြပ်မတ်လုပ်ဆောင်တော့မည်ဖြစ်ကြောင်း ထိုင်းအလုပ်သမား ၀န်ကြီးဌာနမှ အလုပ်အကိုင်ခန့်ထားရေးဌာန ဒုတိယညွှန်ကြားရေးမှူးချုပ် မစ္စတာ ဆူပတ် ဂူခွန်က ယမန်နေ့က ပြောကြားသည်။ မြန်မာ၊ လာအိုနှင့် ကမ္ဘောဒီးယား ရွှေ့ပြောင်းအလုပ်သမားများကို ဖေဖော်ဝါရီလကုန် နောက်ဆုံးထားပြီး နိုင်ငံသားစိစစ်ရေး လုပ်ဆောင်ရန် ရက်သတ်မှတ်ပေးခဲ့ပြီးနောက် သတ်မှတ်ချိန်အတွင်း နိုင်ငံသားစိစစ်ရေး မလုပ်သည့်၊ အလုပ်လုပ်ခွင့်လက်မှတ် သက်တမ်းလာမတိုးသည့် ရွှေ့ပြောင်းအလုပ်သမားများကို နေရပ်ပြန်ပို့မည်ဟု ထိုင်းအစိုးရက ပြောဆိုလိုက်ခြင်းဖြစ်သည်။

“သတ်မှတ်ချိန်အတွင်း နိုင်ငံသားစိစစ်ရေး မလုပ်ဆောင်တဲ့ အလုပ်သမားတွေကို ပြန်ပို့မယ့် ကိစ္စအတွက်တော့ သက်ညှာစဉ်းစားပေးမှာ မဟုတ်ဘူး” ဟု မစ္စတာ ဆူပတ် ဂူခွန်က ပြောကြားကြောင်း The Nation သတင်းစာတွင် ပါရှိသည်။
ထိုင်းနိုင်ငံတွင်း တရားဝင် အလုပ်သမားလက်မှတ်ရှိ မြန်မာ၊ လာအိုနှင့် ကမ္ဘောဒီးယား အလုပ်သမား (၁၃) သိန်းကျော်တွင် ပြီးခဲ့သည့် ဖေဖော်ဝါရီ လကုန်အထိ (၇) သိန်းကျော်သာ အလုပ်လုပ်ခွင့် သက်တမ်းတိုးခြင်းနှင့် နိုင်ငံသားစိစစ်ရေး လုပ်ငန်းများကို လုပ်ဆောင်ခဲ့ပြီး (၅) သိန်းခန့်မှာ လုပ်ဆောင်ခဲ့ခြင်းမရှိကြောင်း ထိုင်းနိုင်ငံ၊ နိုင်ငံခြားသားအလုပ်သမား စီမံခန့်ခွဲရေးဌာနမှ အစီရင်ခံစာထုတ်ပြန်သည်။
“နိုင်ငံသား စိစစ်ရေးလုပ်ဖို့ကလည်း သိပ်ခက်ခဲတာ မဟုတ်ဘူး။ လုပ်ပေးတဲ့ ကုမ္ပဏီ (၁၂) ခု ရှိတယ်။ ၀န်ဆောင်ခက ဘတ် (၅) ထောင်ထက် မပိုဘူး” ဟု အလုပ်အကိုင်ခန့်ထားရေးဌာန ဒု-ညွှန်ချုပ်က ထပ်လောင်းပြောကြားသည်။
ထိုင်းအစိုးရက မြန်မာ၊ လာအိုနှင့် ကမ္ဘောဒီးယား နိုင်ငံသား ရွှေ့ပြောင်းအလုပ်သမားများကို ယခုနှစ် ဇန်န၀ါရီလအတွင်း နိုင်ငံသားစိစစ်ရေး လုပ်ဆောင်ရန်နှင့် နိုင်ငံကူးလက်မှတ်ရရှိရေး ဆောင်ရွက်ရန် မူဝါဒ ချမှတ်ဆောင်ရွက်နေသော်လည်း အလုပ်သမားများအနေဖြင့် အပြည့်အ၀ လုပ်ဆောင်ခြင်း မရှိကြသေးပေ။
အလုပ်သမားအရေး ဆောင်ရွက်နေသူများကမူ နိုင်ငံသားစိစစ်ရေး မလုပ်ဆောင်သည့် ရွှေ့ပြောင်းအလုပ်သမားများကို ထိုင်းအစိုးရက နေရပ်ပြန်ပို့ပါက ထိုင်းနိုင်ငံ၏ ကုန်ထုတ်လုပ်ငန်းကိုပါ ထိခိုက်နိုင်ကြောင်း သုံးသပ်ကြသည်။

ထိုင်းအစိုးရက ရွှေ့ပြောင်းအလုပ်သမားများအပေါ်တွင် ခွဲခြားဆက်ဆံသည်ဟု ILO ပြော

သတင်းနှင့်မီဒီယာ ကွန်ယက်။ ဇော်ကြီး။ မတ်လ ၃ ၊ ၂၀၁၀

 

ထိုင်းနိုင်ငံအတွင်းရှိ နိုင်ငံခြားသားရွှေ့ပြောင်းအလုပ်သမားများအပေါ်တွင် ထိုင်းအစိုးရက ခွဲခြားဆက်ဆံမှုများရှိ သည်ဟု ကမ္ဘာ့အလုပ်သမားအဖွဲ့ချုပ် ILO က ယမန်နေ့က ကြေငြာချက် ထုတ်ပြန်လိုက်သည်။

မြန်မာအပါအ၀င် လောနှင့် ကမ္ဘာဒီးယား အလုပ်သမားများ လုပ်ငန်းခွင်အတွင်း ထိခိုက်နစ်နာမှု ဖြစ်ပေါ်ပါက အ လုပ်သမားအခွင့်အရေးအရ လျော်ကြေးပေးဆောင်ရာတွင် ထိုင်းနိုင်ငံသားနှင့် နိုင်ငံခြားသားများကို ခွဲခြားမှုများရှိ သည့်အတွက် ကြေငြာချက်ထုတ်ပြန်ရခြင်းဖြစ်သည်ဟု လူ့အခွင့်အရေးနှင့် ဖွံ့ဖြိုးတိုးတက်ရေးဖောင်ဒေးရှင်း HRDF မှ ဦးစိန်ဌေးက ယခုလိုပြောသည်။

“အခု ILO က ဝေဖန်ရှုံ့ချတဲ့ဟာကို ထုတ်ပြီးသွားပြီ။ ထိုင်းအစိုးရကနေပြီးတော့ ရွှေ့ပြောင်း အလုပ် သမားတွေကိုခွဲခြားဆက်ဆံတယ်ပေ့ါ ဆိုတဲ့ဟာကိုသူတို့ထုတ်လိုက်ပြီ။ ပုဒ်မ ၁၉ ကို ချိုးဖောက်တယ် ပေ့ါနော်။ လုပ်ငန်းခွင်ထိခိုက်နစ်နာခြင်းဆိုင်ရာ လျော်ကြေးပေးဆောင်ရေး ကိစ္စမှာပေ့ါ။ အဲဒီအတွက် ပြင်းပြင်းထန်ထန်ဝေဖန်ရှုံ့ချတယ်ပေ့ါ။”

ကမ္ဘာ့အလုပ်သမားအဖွဲ့ချုပ် ILO ၏ ဂျနီဗာတွင်ကျင်းပသော ၉၉ ကြိမ်မြောက် အစည်းအဝေး ၌ ထိုင်းနိုင်ငံအနေ နှင့် အလုပ်သမားအခွင့်အရေးများအား ကာကွယ်ပေးမှုမရှိကြောင်း ပြောဆိုခဲ့သည်။

အလုပ်သမားများအနေနှင့် အစိုးရ၏ သတ်မှတ်ချက်အရ နှစ်စဉ်အလုပ်သမားရန်ပုံငွေ ထည့်ဝင်ထားရပြီး လုပ်ငန်း ခွင်အတွင်း တစ်စုံတစ်ရာထိခိုက်မိပါက ထိုရန်ပုံငွေထဲမှ  နစ်နာ ကြေးပြန်ပေးခြင်းဖြစ်သည်။

သို့သော် နိုင်ငံခြားသားရွှေ့ပြောင်းအလုပ်သမားများအနေနှင့် တရားဝင်ပတ်စ်ပို့နှင့် အလုပ်သမား လက်မှတ်ကိုင် ဆောင်ထားသူများသာ ထိုရန်ပုံငွေထည့်ခွင့်ရှိပြီး အကျိုးခံစားခွင့် ရနိုင်သည်။

မြန်မာအလုပ်သမားများ အနေနှင့် တရားဝင်ပတ်စ်ပို့ မရှိသည့်အတွက် ထည့်ခွင့်မရှိဘဲ အလုပ်ရှင်မှတဆင့်ပေးခိုင်းသည့်အတွက် နစ်နာမှုများရှိသည်ဟု ကိုစိန်ဌေးက ပြောသည်။

“ဘယ်လိုလည်းဆိုတော့ တကယ်လို့ လုပ်ငန်းခွင်ထဲမှာ ထိခိုက်ဒဏ်ရာရမယ်ဆိုလို့ရှိရင် ထိုင်းအလုပ် သမားဆိုရင် အစိုးရရဲ့ရံပုံငွေထဲကနေပေးတယ်။ နစ်နာကြေးဆိုင်ရာရံပုံငွေပေ့ါ။ အဲဒီကနေပေးတယ်။ ဒါပေမယ့် မြန်မာအလုပ်သမားတွေဆိုလို့ရှိရင် အဲဒီရန်ပုံငွေထဲကနေမပေး ဘူး။ အလုပ်ရှင် ကိုပဲပေး ခိုင်းတယ်သူတို့က။ အလုပ်ရှင်ကိုပဲပေးခိုင်းတဲ့အခါကျတော့ အလုပ်ရှင် တွေက မပေးကြတာ တွေများ တယ်။”

အလုပ်ရှင်မှတဆင့်နစ်နာကြေးပေးခိုင်းခြင်းသည် ထိုင်းနိုင်ငံ၏ တည်ဆဲဥပဒေအရ တရားဝင် ထုတ်ပြန်ထားခြင်းမ ဟုတ်ဘဲ အလုပ်သမားရေးဝန်ကြီးဌာနအောက်ရှိ လူမှုဖူလုံရေးဌာနက ထုတ်ပြန်ထားခြင်းဖြစ်သည်။

ထိုထုတ်ပြန်ချက်အားပယ်ဖျက်ပေးရန်တောင်းဆိုထားသော်လည်း မဖျက်ပေးသည့်အတွက် ၎င်းတို့အဖွဲ့မှ လူမှုဖူ လုံရေးဌာနအား လွန်ခဲ့သည့်နှစ်က တရားစွဲဆိုခဲ့သည်။ 

မည်သို့ပင်ဆိုစေ အလုပ်သမားတိုင်းသည် အလုပ်သမားအခွင့်အရေး အပြည့်အ၀ ခံစားပိုင်ခွင့် ရှိသည်ဟု ကိုစိန် ဌေးက သုံးသပ်ပြောဆိုသည်။

မဲဆောက်ဒေသမှ မြန်မာအလုပ်သမားများ နိုင်ငံသားစိစစ်မှုခံယူရန် စိတ်မ၀င်စား

ရဲရင့်/ ၂ မတ် ၂ဝ၁ဝ ခေတ်ပြိုင်

ထိုင်း-မြန်မာနယ်စပ် မဲဆောက်အပါအ၀င် တာ့ခ်ခရိုင်အတွင်း ယာယီနိုင်ငံကူးလက်မှတ် ပြုလုပ်ရန်အတွက် နိုင်ငံသားစိစစ်မှုကို ထိုင်းဘက်မှ အချိန် (၁) လ တိုးမြှင့်ပေးသော်လည်း ဒေသတွင်း သိန်းချီရှိသည့် မြန်မာအလုပ်သမားများက စိတ်ဝင်စားမှု အလွန်နည်းပါးကြသည်ဟု မြန်မာအလုပ်သမားအရေး ဆောင်ရွက်နေသူများက ပြောသည်။

တာ့ခရိုင်တွင် မြန်မာရွှေ့ပြောင်းအလုပ်သမား (၄) သိန်းခန့် ရှိသည့်အနက် နိုင်ငံသားစိစစ်မှုခံယူရန် လျှောက်လွှာတင်ထားသူ (၂) သောင်းကျော်သာ ရှိသည်ဟု မဲဆောက်အခြေစိုက် အလုပ်သမားအကျိုးဆောင် ကုမ္ပဏီများနှင့် အလုပ်သမားအရေး ဆောင်ရွက်နေသည့်အဖွဲ့များက သုံးသပ်ပြောဆိုခြင်းဖြစ်သည်။
မဲဆောက်မြို့ရှိ အလုပ်သမားရုံးမှ ၀န်ထမ်းတဦးက “မဲဆောက်မှာ နိုင်ငံသားစိစစ်ဖို့ လျှောက်တဲ့လူ (၁) သောင်းခွဲ လောက်ပဲ ရှိတယ်။ ဒီအချိုးက တာ့ခ်ခရိုင်အနေနဲ့ဆို နည်းပါတယ်။ ဒါက အလုပ်ရှင်နဲ့ အလုပ်သမားရဲ့အပိုင်းပါ။ သူတို့မလုပ်ရင်တော့ အကျိုးဆက်က သူတို့နဲ့ပဲ သက်ဆိုင်မှာပါ” ဟု ပြောသည်။
ထိုင်းနိုင်ငံအစိုးရ အလုပ်သမား ရှာဖွေရေးဌာန၏ နောက်ဆုံးထုတ်ပြန်ချက်အရ နိုင်ငံသားစိစစ်ရေး လျှောက်လွှာတင်ရန် နောက်ဆုံးသတ်မှတ်ရက်ကို ယခင်လကုန်မှ ယခုလကုန်သို့ တလထပ်မံ တိုးမြှင့်လိုက်သော်လည်း ယခုလကုန်ထက် နောက်ကျ၍ လာရောက်လျှောက်ထားသူများကို သက်တမ်းတိုးပေးတော့မည်မဟုတ်ကြောင်း တရားဝင်ကြေညာထားသည်။
မဲဆောက်အခြေစိုက် အလုပ်သမားအရေး ကူညီဆောင်ရွက်ပေးနေသည့် (JACBA) အဖွဲ့ ဥက္ကဋ္ဌ ဦးမိုးကြိုးက “အလုပ်သမားတွေမှာ စာရွက်စာတမ်းမပြည့်စုံဘူး၊ လိုအပ်တဲ့ငွေကြေးမရှိဘူး။ ဒါလုပ်ရင် ဘယ်လို အကျိုးကျေးဇူးရှိမှာလဲ ဆိုတဲ့ သတင်းအချက်အလက် တွေကို မရရှိတဲ့အတွက် ငွေကုန်ပြီး ဘာကာကွယ်မှုမှလည်း မပေးဘူးဆိုပြီး အများစုက အစိုးရကို အယုံအကြည်မရှိတာ ဖြစ်တယ်” ဟု ပြောသည်။
မြန်မာကျောင်းဆရာတဦးက “ကျနော်ဆိုရင် (၈၈) က လူပါ။ ထိုင်းအလုပ်သမား လက်မှတ်နဲ့နေတာပါ။ ကျနော်တို့လိုလူတွေ အများကြီးပဲ။ ဒီလမကုန်ခင် နိုင်ငံသားစိစစ်မှု လျှောက်လွှာ တင်ထားတဲ့အတွက် အခုကိုင်နေတဲ့ အလုပ်သမားလက်မှတ် နောက်ထပ် (၁) နှစ် သက်တမ်းတိုးလို့ရတယ်။ ဒါကြောင့် လျှောက်လိုက်တာပါ။ အဓိက နောက်တနှစ် ထိုင်းမှာ နေလို့ရဖို့အတွက် ဖြစ်တယ်။ ဒီလက်မှတ်က ထိုင်းတွေလိုပဲ တစုံတရာ အခွင့်အရေးတွေရှိလို့ လာလုပ်ကြတာပါ။ ဒီကြားထဲ ထိုင်းအစိုးရ မူဝါဒပြောင်းရင်ဆိုတဲ့ မျှော်လင့်ချက်နဲ့ပါ။ ထိုင်းအလုပ်သမားရုံးမှာက နိုင်ငံသားစိစစ်မှုမလျှောက်ရင် လက်မှတ်သက်တမ်းတိုးခွင့် မရှိပါဘူး” ဟု ပြောသည်။
မဲဆောက်တွင် နိုင်ငံသားစိစစ်မှု လျှောက်လွှာတင်သူ အများစုမှာ နောက်ထပ် (၁) နှစ်သက်တမ်း ရရှိရန်အတွက် လာရောက် လျှောက်ထားခြင်းသာဖြစ်သည်ဟု ကာယကံရှင်များက ပြောကြားသည်။

ထိုင်းရောက် ရွှေ့ပြောင်းအလုပ်သမား ယာယီနိုင်ငံကူး လက်မှတ် လျှောက်လွှာတင်ရက် ပိတ်

02 March 2010 VOA

ထိုင်းနိုင်ငံရောက် မြန်မာအလုပ်သမားတွေ တရားဝင် အလုပ်လုပ်ကိုင်ခွင့် လက်မှတ် သက်တမ်းတိုးရမယ့်ရက် ဒီကနေ့ အဆုံးသတ်သွားခဲ့ပေမဲ့ မျှော်လင့်ထားသလောက်တော့ အလုပ်သမားတွေ မှတ်ပုံတင်တာမျိုး မရှိခဲ့ပါဘူး။ တရားဝင် မှတ်ပုံတင်ဖို့ ပျက်ကွက်သူတွေကိုတော့ ထိုင်းအစိုးရက နိုင်ငံကနေ မောင်းထုတ်မယ် ဆိုပြီး သတိပေးထားတာမို့ မြန်မာနိုင်ငံသားတွေ အပါအ၀င် သန်းချီရှိနေတဲ့ အလုပ်သမားတွေရဲ့ အခြေအနေတွေ ဘယ်လို ဖြစ်လာနိုင်မလဲ ဆိုတာတွေကိုတော့ ကိုအောင်လွင်ဦးက တင်ပြပေးထားပါတယ်။
ထိုင်းနိုင်ငံမှာ ရောက်နေကြတဲ့ ရွှေ့ပြောင်း အလုပ်သမားတွေ တရားဝင် အလုပ်လုပ်ကိုင်ဖို့ နိုင်ငံသားစိစစ်တဲ့ လုပ်ငန်းတွေကို ထိုင်းအာဏာပိုင်တွေက လက်ခံဆောင်ရွက်ပေးဖို့ သတ်မှတ်ရက် ကုန်ဆုံးသွားပေမဲ့ လျှောက်ထားခွင့်ရှိသူ အရေအတွက်ထက် အများကြီး လျော့နည်းပြီး မှတ်ပုံတင်ခဲ့ကြတာပါ။ အရင်က မှတ်ပုံတင်ခဲ့ဖူးသူတွေသာ အလုပ်လုပ်ကိုင်ခွင့် ယာယီ နိုင်ငံကူးလက်မှတ် လျှောက်ထားခွင့် ရကြတာဖြစ်ပြီး ဒီအထဲကမှ တ၀က်လောက်ကသာ သတ်မှတ်ရက် ကုန်ဆုံးချိန်အထိ လျှောက်ထားခဲ့တာလို့ ရွှေ့ပြောင်း အလုပ်သမားများ တရားမျှတမှု ရရှိရေး အစီအစဉ် (Migrant Justice Program) က ညွှန်ကြားရေးမှူး အန်ဒီ ဟောလ် (Andy Hall) က ပြောပါတယ်။

“ကျနော်တို့ နားလည်ထားသလောက်ကတော့ ၆၀၀,၀၀၀၊ ၇၀၀,၀၀၀ လောက် ရှိနိုင်ပါတယ်။ မှတ်ပုံတင်ထားတဲ့ အလုပ်သမားတွေသာ အခု နိုင်ငံသား စိစစ်တဲ့ အစီအစဉ်မှာ လျှောက်ထားခွင့် ရှိတာပါ။ ဒီလို လျှောက်ထားခွင့်ရှိတဲ့ သူတွေကတော့ ၁,၄၀၀,၀၀၀ လောက် ရှိပါတယ်။”

သတ်မှတ်ရက် ကုန်ဆုံးချိန်အထိ လျှောက်လွှာ တင်ခဲ့သူတွေထဲက လိုအပ်တဲ့ စာရွက်စာတမ်း၊ အချက်အလက် မပြည့်စုံသူတွေ အနေနဲ့တော့ ဒီလကုန် နောက်ဆုံးထားပြီး ကျန်တဲ့ အချက်အလက်တွေကို ပေးသွားဖို့လည်း ရက်ထပ်တိုး သတ်မှတ်ခဲ့တာပါ။ တကယ်တော့ ထိုင်းနိုင်ငံမှာ မြန်မာနိုင်ငံသားတွေ အပါအ၀င် အလုပ် လုပ်ကိုင်နေကြတဲ့ ရွှေ့ပြောင်းအလုပ်သမားပေါင်း သန်းချီ ရှိနေတဲ့အထဲက ထိုင်းအစိုးရရဲ့ အစီအစဉ်အရ အရင်နှစ်တွေမှာ မှတ်ပုံတင်ပြီးသား လူဟောင်းတွေသာ အခု နိုင်ငံကူးလက်မှတ် လျှောက်ထားတဲ့ လုပ်ငန်းစဉ်မှာ ပါဝင်ခွင့်ရှိပေမဲ့ ဒီအထဲကလည်း မျှော်လင့်ထားသလောက် အပြည့်အ၀ ပါမလာကြတာပါ။ ထိုင်းအစိုးရကတော့ မှတ်ပုံတင်မထားတဲ့ ကျန် သန်းချီရှိတဲ့ အလုပ်သမားတွေကို နေရပ်ရင်း ပြန်ပို့မှာ ဖြစ်တယ်လို့ ကြေညာထားတာပါ။

ဒါပေမဲ့လို့ ဒီလို ထိုင်းအစိုးရရဲ့ ဆုံးဖြတ်ချက်ဟာ လက်တွေ့မကျလှသလို လိုအပ်ချက်တွေ ရှိနေတဲ့ ထိုင်းနိုင်ငံ စီးပွားရေးအတွက် အထောက်အကူလည်း မဖြစ်ဘူးလို့ ရွှေ့ပြောင်း အလုပ်သမားများ တရားမျှတမှု ရရှိရေး အစီအစဉ် ညွှန်ကြားရေးမှူး အန်ဒီ ဟောလ်က ပြောပါတယ်။

“သိတဲ့အတိုင်းပါပဲ၊ ဒီလောက်များတဲ့ လူတွေ၊ ထောင်သောင်းချီ ရှိနေတဲ့ လူတွေကို နေရပ်ရင်း ပြန်ပို့ဖို့ဆိုတာ အင်မတန် ခက်ခဲလှတဲ့ ကိစ္စပါ။ လက်တွေ့လည်း မကျပါဘူး။ ဒီလိုပဲ စီးပွားရေးစနစ်မှာလည်း အလုပ်သမားတွေ လိုပါတယ်။ ထိုင်းလူမှုအသိုင်းအ၀န်းနဲ့ လုပ်ငန်းရှင်တွေလည်း အလုပ်သမားတွေ လိုအပ်နေတာပါ။ ဒါကြောင့် ပြန်ပို့မယ်ဆိုတဲ့ ခြိမ်းခြောက်မှုဟာ လက်တွေ့မကျပါဘူး။ ဒီလို ခြိမ်းခြောက်ရတဲ့ ရည်ရွယ်ချက်ဟာလည်း အလုပ်သမားတွေ ဒီလုပ်ငန်းစဉ်မှာ ပါလာအောင် တွန်းအားပေးတာသာ ဖြစ်တယ်လို့ ကျနော်ကတော့ ယူဆပါတယ်။”

ဒါ့အပြင် ထိုင်းနိုင်ငံမှာ လက်တလော ကြုံနေရတဲ့ နိုင်ငံရေး တင်းမာမှု ပြဿနာတွေဟာလည်း အလုပ်သမားတွေကို ပြန်ပို့ရေး အစီအစဉ်တွေ လုပ်ဆောင်ဖို့ ခက်ခဲနိုင်စရာ အကြောင်းတခု ဖြစ်နိုင်တယ်လို့လည်း ရွှေ့ပြောင်း အလုပ်သမားရေး လှုပ်ရှားနေတဲ့ အန်ဒီ ဟောလ်က ဆိုပါတယ်။

ထိုင်းအစိုးရက နိုင်ငံမှာ ရောက်နေတဲ့ ရွှေ့ပြောင်း အလုပ်သမားတွေကို တရားဝင် မှတ်ပုံတင် အလုပ်လုပ်ကိုင်ခွင့် ပေးပြီး တရားမ၀င် နေထိုင်သူတွေကိုတော့ ပြန်ပို့မယ်လို့ ကြေညာခဲ့တဲ့နောက် လူ့အခွင့်အရေး လှုပ်ရှားသူတွေ၊ စောင့်ကြည့်သူတွေရဲ့ ဝေဖန်မှုတွေလည်း နောက်ဆက်တွဲ ထွက်ပေါ်လာခဲ့တာပါ။ ဒါဟာ အလုပ်သမားတွေရဲ့ အခွင့်အရေးနဲ့ လုံခြုံရေးကို ထိခိုက်စေနိုင်တယ် ဆိုပြီး ပြောခဲ့ကြတာ ဖြစ်ပါတယ်။

ထိုင်းအစိုးရရဲ့ ရွှေ့ပြောင်း အလုပ်သမားတွေနဲ့ ပတ်သက်တဲ့ မူဝါဒတွေအပေါ် ကမ္ဘာ့အလုပ်သမားအဖွဲ့ချုပ် (ILO) ရဲ့ ဂျနီဗာမှာ ကျင်းပနေတဲ့ ၉၉ ကြိမ်မြောက် အစည်းအဝေးမှာလည်း ထိုင်းနိုင်ငံအနေနဲ့ အလုပ်သမားတွေရဲ့ အခွင့်အရေးတွေကို အကာအကွယ် ပေးတာမျိုး မရှိဘူးဆိုပြီး ပြောဆိုခဲ့တာ ဖြစ်ပါတယ်။