ထိုင်းရှိ မြန်မာ ရွှေ့ပြောင်း အလုပ်သမားများ နိုင်ငံသား စိစစ်ရေးလျှောက်လွှာ ပိတ်ရက် တလတိုး

24 February 2010 VOA

ထိုင်းနိုင်ငံမှာ ရောက်နေကြတဲ့ မြန်မာ ရွှေ့ပြောင်းအလုပ်သမားတွေ အလုပ်သမား မှတ်ပုံတင်ရမယ့် သတ်မှတ်ရက် ကုန်ဆုံးခါနီးတဲ့ အချိန်မှာ ဘယ်လို မှတ်ပုံတင်ကြရမယ် ဆိုတာတွေကို ထိုင်းအာဏာပိုင်တွေဘက်က အလုပ်သမားတွေ နားလည် သဘောပေါက်အောင် အချိန်မီ ရှင်းပြနိုင်ခြင်း မရှိတဲ့အတွက် ရွှေ့ပြောင်းအလုပ်သမားတွေ အကြား စိုးရိမ်မှုတွေ ဖြစ်ပေါ်နေပါတယ်။ ထိုင်းအစိုးရရဲ့ တရားဝင် သတ်မှတ်ထားတဲ့ရက် နီးကပ်လာတာနဲ့အမျှ လိုအပ်တဲ့ သတင်းအချက်အလက်တွေ မရနိုင်ဘဲ ဖြစ်နေတဲ့ အခြေအနေတွေကို ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားပါတယ်။

အစောပိုင်းတုန်းကတော့ ရွှေ့ပြောင်းအလုပ်သမားတွေ အနေနဲ့ အလုပ်သမား မှတ်ပုံတင် သက်တမ်းတိုးရမယ့် ရက်ကို ဖေဖော်ဝါရီလ ၂၈ ရက်နေ့ နောက်ဆုံးထား ပြုလုပ်ကြရမယ်ဆိုပြီး ကြေညာချက် ထုတ်ပြန်ထားခဲ့တာပါ။ ဒါပေမဲ့ အဲဒီ အလုပ်သမား မှတ်ပုံတင်အပြင် မိမိ ဘယ်နိုင်ငံသားဖြစ်တယ် ဆိုတာကို ဖော်ပြမယ့် နိုင်ငံသား စိစစ်ရေးကတ်ပြား အတွက်လည်း မတ်လ ၃၁ ရက်နေ့ နောက်ဆုံးထားပြီး မှတ်ပုံ တပါတည်း တင်ရမယ်ဆိုတဲ့ သတင်း ထွက်လာတာကြောင့် အလုပ်သမားတွေအကြား နားလည်မှုလွဲစရာ၊ နားရှုပ်စရာ ဖြစ်သွားစေခဲ့တာပါ။

နောက် တဘက်မှာလည်း ထိုင်းအစိုးရက ထိပ်ပိုင်းမှာ အခုလို ချမှတ်လုပ်ဆောင်နေတဲ့ ပေါ်လစီ အသစ်တွေကို အလုပ်သမားတွေကြား အချိန်မီရောက်အောင် မဖြန့်ပေးနိုင်တာတို့၊ ကန့်သတ်ရက်က အရမ်းကို တိုလွန်းနေတာ တို့ကြောင့်လည်း အလုပ်သမားတွေ အနေနဲ့ ဒါကို အချိန်မီ ဆောင်ရွက်နိုင်ဖို့ အခက်အခဲ တွေ့နေကြတာပါ။

အခုလို ရှုပ်ထွေးမှုတွေ ဖြစ်ပေါ်နေတာကို အတတ်နိုင်ဆုံး သဘောပေါက်နိုင်အောင်လို့ အလုပ်သမားတွေအရေး ဆောင်ရွက်ပေးနေတဲ့ Migrant Justice Programme ရွှေ့ပြောင်းအလုပ်သမားများအတွက် တရားမျှတရေး စီမံကိန်းက စမွတ်စာခွန် နယ်မြေတာဝန်ခံ ကိုစိန်ဋ္ဌေးကို မေးကြည့်ခဲ့ပါတယ်။

“မှတ်ပုံတင် သက်တမ်းတိုးတဲ့ ကိစ္စကတော့ ၂၈ ရက်နေ့ နောက်ဆုံး၊ အဲဒါတော့ ဟုတ်တယ်။ ခုနပြောတဲ့ တလတိုးပေးတယ် ဆိုတာက မှတ်ပုံတင်တဲ့ အခါကျရင် နိုင်ငံသား စိစစ်ရေး လုပ်တဲ့ဖောင်၊ အဲဒီဖောင်ကိုလည်း တွဲပြီး ဖြည့်ရမယ်။ အဲဒါမှ မှတ်ပုံတင် ပေးမယ်။ ဆိုတော့ အခု တိုးပေးတယ်ဆိုတာ အဲဒီ ဖောင်ဖြည့်တဲ့ ကာလကိုပဲ တိုးပေးတာ။ မှတ်ပုံတင်တဲ့ ကာလကတော့ ၂၈ ရက်နေ့ နောက်ဆုံးပါပဲ။

“ဥပမာ အလုပ်သမားတယောက် မှတ်ပုံတင် သက်တမ်းသွားတိုးမယ် ဆိုရင် သူက နိုင်ငံသား စိစစ်ရေးဖောင်ပါ တခါတည်း တွဲပြီး တင်ရတယ်။ ဖောင်မပါရင် သူက သက်တမ်း တိုးမပေးဘူး။ အခု ဖောင်မပါလည်း တိုးလို့ရတယ်။ ဒါပေမဲ့ ၃ လပိုင်း ၃၁ ရက်နေ့ အတောအတွင်းမှာတော့ အဲဒီဖောင်ကို သွားပို့ပေးရမယ်။ တကယ်လို့ ဖောင် သွားမပို့ရင် ခုန သက်တမ်းတိုးထားတဲ့ဟာကို ပြန်ပြီး ပယ်ဖျက်မယ်၊ အဲဒီလိုပြောတာပါ။”

တကယ်တော့ ထိုင်းအစိုးရ ထိပ်တန်း အရာရှိတွေ ကြားမှာကိုက ဒီကိစ္စကို အမျိုးမျိုး ပြောဆိုနေကြတာ ဖြစ်ပါတယ်။

“ထိုင်းအလုပ်သမား ၀န်ကြီးက မီဒီယာတွေနဲ့ အင်တာဗျူးလုပ်တဲ့ အခါကျတော့ သူက ၂၈ ရက်နေ့ကို နောက်ဆုံးဆိုပြီး ပြောတယ်။ ဒါပေမဲ့ ကျနော်တို့ ဒီနေ့ထပ်ပြီးရတဲ့ သတင်းအချက်အလက်က သူတို့က လွန်ခဲ့တဲ့ ဖေဖော်ဝါရီ ၁၉ ရက်နေ့ ကတည်းက ဌာနတွင်းဆိုင်ရာ ညွှန်ကြားချက် ပုံစံမျိုး ထုတ်ထားတာပေါ့။

“အဲဒီထဲမှာ ဘယ်လိုပါလဲဆိုတော့ နိုင်ငံသား စိစစ်တဲ့ ဖောင်တွေကို အလုပ်သမားတွေက ဖေဖော်ဝါရီ ၂၈ ရက်နေ့ အပြီးတင်ရမယ် ဆိုတဲ့ဟာကို သူက ထပ်ပြီး တလ တိုးလိုက်တယ်။ မတ်လ ၃၁ ရက်နေ့ထိ တိုးလိုက်တယ် ဆိုပြီးတော့ ဌာနတွင်း ညွှန်ကြားလွှာ ထုတ်ထားတာ တွေ့ရတယ်။ အလုပ်သမား ၀န်ကြီးဌာနက အရာရှိတယောက်ကတော့ ၃၁ ရက်နေ့အထိ တိုးထားပေးတယ်ဆိုတာ ပြောသွားပါတယ်။”

အခု ထိုင်းအစိုးရက သတ်မှတ်လိုက်တဲ့ အလုပ်သမား မှတ်ပုံတင် သက်တမ်းဟာ အရမ်းကပ်လွန်းတာကြောင့် ထိုင်းအစိုးရ အနေနဲ့ ဒီကန့်သတ်ရက်ကို သက်တမ်း ထပ်တိုးပေးသင့်တယ်လို့ ရွှေ့ပြောင်းအလုပ်သမားများအတွက် တရားမျှတရေး စီမံကိန်း ညွှန်ကြားရေးမှူး အန်ဒီ ဟောလ် (Andy Hall) က ပြောပါတယ်။

“ဒီကိစ္စကို သက်တမ်းတိုးပေးဖို့ လိုနေတယ် ဆိုတာကတော့ သေချာပါတယ်။ သက်တမ်းတိုးပေးဖို့က အရမ်း အရေးကြီးပါတယ်။ အလုပ်သမား ၀န်ကြီးဌာနက တလ သက်တမ်းတိုးပေးမယ်ဆိုလည်း ကျနော်တို့ ၀မ်းသာပါတယ်။ ဒါပေမဲ့ တလဆိုတာကတော့ အလုပ်သမားတွေ နားလည်လာအောင် လုပ်ပေးဖို့အတွက် အချိန်က တိုလွန်းပါသေးတယ်။ ဒါကြောင့် ထိုင်းအစိုးရ အနေနဲ့ တိကျပြတ်သားတဲ့ သတင်းအချက်အလက်တွေ ထုတ်ပြန်ပေးဖို့ လိုပါတယ်။ အဲဒီ သတင်းအချက်အလက်တွေ အလုပ်သမားတွေထံ အချိန်မီရောက်အောင် လုပ်ပေးဖို့ လိုပါတယ်။”

ထိုင်းအစိုးရ အနေနဲ့ အလုပ်သမား မှတ်ပုံတင်ရက် သက်တမ်းတိုးပေးဖို့နဲ့ အလုပ်သမားတွေရဲ့ အခွင့်အရေးတွေကို အတတ်နိုင်ဆုံး ကာကွယ် စောင့်ရှောက်ပေးဖို့ နယူးယောက် အခြေစိုက် HRW လူ့အခွင့်အရေး လေ့လာစောင့်ကြည့်ရေး အဖွဲ့က မနေ့ အင်္ဂါနေ့တုန်းကပဲ တောင်းဆိုထားပါသေးတယ်။

ထိုင်းအစိုးရက အခုချမှတ်ထားတဲ့ ပေါ်လစီအသစ် အရကတော့ အလုပ်သမားသက်တမ်း တိုးဖို့အတွက် ဖောင်တခုနဲ့ နိုင်ငံသား စိစစ်ရေးကတ်ပြားအတွက် ဖောင်တခု၊ စုစုပေါင်း ၂ ခု ဖြည့်ကြရမှာဖြစ်ပြီး ဖောင်တွေကို မြန်မာ၊ ထိုင်း၊ အင်္ဂလိပ် ဘာသာတွေနဲ့ ထုတ်ဝေထားတာ တွေ့ရပါတယ်။ ဒီဖောင်တွေဖြည့်ဖို့ အခက်အခဲ ရှိတယ်၊ အကူအညီ လိုအပ်တယ် ဆိုရင်တော့ မိမိတို့ သက်ဆိုင်ရာ ဒေသတွေမှာရှိတဲ့ NGO အဖွဲ့အစည်းတွေ၊ နီးစပ်ရာ ဘာသာစကား တတ်ကျွမ်းသူတွေထံ အကူအညီ တောင်းသင့်ကြတယ်လို့ ကူညီလုပ်ဆောင် ပေးနေသူတွေက ပြောပါတယ်။ ဒီဖောင်တွေ ဖြည့်ဖို့အတွက်တော့ ထိုင်းဘတ်ငွေ ၃,၈၀၀ ကုန်ကျမယ်လို့ ဆိုပါတယ်။

ရွှေ့ပြောင်းအလုပ်သမားများ၏ အန္တရာယ်အကြောင်း အစီရင်ခံစာထုတ်ပြန်

ဝီရ/ ၂၄ ဖေဖော်ဝါရီ ၂ဝ၁ဝ ခေတ်ပြိုင်

ထိုင်းနိုင်ငံတွင်း လာရောက်အလုပ်လုပ်နေကြသော ရွှေ့ပြောင်းအလုပ်သမားများအပေါ် ထိုင်းအာဏာပိုင်တို့၏ အကြမ်းဖက်ဖိနှိပ် ကန့်သတ်မှုလုပ်ရပ်များကို တင်ပြထားသည့် အစီရင်ခံစာတစောင်ကို အမေရိကန်အခြေစိုက် လူ့အခွင့်အရေး စောင့်ကြည့်ရေးအဖွဲ့ (Human Rights Watch) က ထုတ်ပြန်လိုက်သည်။ “ကျားလွတ်ရာမှ မိကျောင်းအန္တရာယ်တွင်းသို့” ဟု အမည်ပေးထားသော အဆိုပါအစီရင်ခံစာကို မြန်မာ၊ ကမ္ဘောဒီးယား၊ လာအိုနိုင်ငံသား (၈၂) ဦး၏ အဖြစ်အပျက်ကို အခြေခံရေးသားထားပြီး ဖေဖော်ဝါရီ (၂၂) ရက်တွင် ထုတ်ပြန်ခဲ့ခြင်းဖြစ်သည်။

ရွှေ့ပြောင်းအလုပ်သမားများသည် သတ်ဖြတ်ခံရခြင်း၊ ထိန်းသိမ်းရေးစခန်းများ၌ လိင်ပိုင်းဆိုင်ရာ အကြမ်းဖက်ခံရခြင်း၊ ရိုက်နှက်ညှဉ်းဆဲခံရခြင်း၊ လူကုန်ကူးခံရခြင်း၊ အဓမ္မလုပ်အားခိုင်းစေခံရခြင်း၊ ကန့်သတ်တားမြစ်ခံရခြင်း စသည့် လူ့အခွင့်အရေး ချိုးဖောက်မှုများကို ခံစားနေရကြောင်း အစီရင်ခံစာတွင် ဖော်ပြထားသည်။
အလုပ်သမားများအပေါ် လူ့အခွင့်အရေးနှင့် ကျိုးကြောင်းမညီညွတ်သည့် ဥပဒေများကို ထိုင်းအစိုးရအနေဖြင့် ယခုအချိန်တွင် ဖျက်သိမ်းသင့်ပြီဖြစ်ကြောင်း HRW ၏ အာရှရေးရာ ဒါရိုက်တာ ဘရက် အာဒမ်စ်က ပြောကြားထားသည်။
ယာယီနိုင်ငံကူးလက်မှတ်ပြုလုပ်ရန် လျှောက်ထားခြင်းမရှိသည့် ရွှေ့ပြောင်းအလုပ်သမားများကို ယခုလကုန်တွင် ဖမ်းဆီးကာ နေရပ်ပြန်ပို့မည်ဟု ထိုင်းအစိုးရ၏ကြေညာချက်ကြောင့် အလုပ်သမားများအနေဖြင့် ရပ်တည်ရန် ပိုမိုခက်ခဲကြလိမ့်မည်ဟုလည်း ၎င်းက ပြောဆိုသည်။
ထို့ကြောင့် ရွှေ့ပြောင်းအလုပ်သမားများ၏ အခွင့်အရေးများကို တရားမျှတစွာ အကာအကွယ်ပေးနိုင်သည့်အချိန်မှသာ ထိုင်းအစိုးရက ယာယီနိုင်ငံကူးလက်မှတ်ကိစ္စကို ဆက်လက်လုပ်ဆောင်သင့်သည်ဟု ဘရက် အာဒမ်စ်က အစီရင်ခံစာတွင် တင်ြပထားသည်။
ထိုင်းနိုင်ငံတွင် ရွှေ့ပြောင်းအလုပ်သမား (၂) သန်းမှ (၄) သန်းအထိ ရှိရာ၌ (၈၀) ရာခိုင်နှုန်းသည် မြန်မာနိုင်ငံမှဖြစ်ကြောင်း၊ ယာယီနိုင်ငံကူးလက်မှတ် ပြုလုပ်ရန် စရိတ်မှာ ထိုအလုပ်သမားတို့၏ လုပ်ခ (၂) လစာ၊ (၃) လစာအထိ ရှိနေသည့်အတွက် ပြုလုပ်ကြရန် ခက်ခဲကြခြင်းဖြစ်ကြောင်းလည်း ဖော်ပြပါရှိသည်။
တရားဝင်မှတ်ပုံတင်ထားသည့် မြန်မာအလုပ်သမား (၁) သန်းကျော်ကို ထိုင်းအစိုးရက နေရပ်ပြန်ပို့ပါက လုပ်ငန်းအချို့ ရပ်ဆိုင်းသွားနိုင်ပြီး ထိုင်းနိုင်ငံ၏ စီးပွားရေး ကျဆင်းသွားနိုင်သောကြောင့် ပြန်ပို့ရန် မဖြစ်နိုင်ကြောင်း မြန်မာအလုပ်သမားအရေး ဆောင်ရွက်နေသည့်အဖွဲ့တို့က ခန့်မှန်းကြသည်။
“ထိုင်းနိုင်ငံရဲ့ စီးပွားရေးဟာ ရွှေ့ပြောင်းအလုပ်သမားတွေအပေါ်မှာ အများကြီး မှီတည်နေရပါတယ်။ ဒါပေမယ့် အကြမ်းဖက်မှု အန္တရာယ်ကနေ သူတို့အတွက် ကာကွယ်ပေးနေတာက တကယ့်ကို အနည်းအကျဉ်းသာ လုပ်ပေးပါတယ်” ဟု HRW အဖွဲ့မှ အာရှဒေသဆိုင်ရာ ဒါရိုက်တာ ဘရက် အာဒမ်စ်က ပြောကြားသည်။
ထို့ကြောင့် ရွှေ့ပြောင်းအလုပ်သမားများအပေါ် ထိုင်းအာဏာပိုင်များ၊ ဝန်ထမ်းများ၊ စီးပွားရေးသမားများက ရာဇဝတ်မှုဆိုင်ရာ အကြမ်းဖက်မှု၊ ဖိနှိပ်မှုများ လုပ်နေသည်ကို အဆုံးသတ်နိုင်စေရန် ထိုင်းအစိုးရအနေဖြင့် ကြိုးပမ်းသင့်ကြောင်း အစီရင်ခံစာတွင် ထောက်ပြထားသည်။

---

ယာယီနိုင်ငံကူးလက်မှတ် ထုတ်ပေးရန် နယ်စပ်မြို့တမြို့ ထပ်တိုး

ဝီရ/ ၂၄ ဖေဖော်ဝါရီ ၂ဝ၁ဝ ခေတ်ပြိုင်

လုပ်ငန်းစဉ် ပိုမိုမြန်ဆန်လာစေရန် ရည်ရွယ်၍ ထိုင်း-မြန်မာနယ်စပ် ဘုရားသုံးဆူမြို့တွင်လည်း ယာယီနိုင်ငံကူးလက်မှတ် ထုတ်ပေးသွားရန် နှစ်ဖက်နိုင်ငံမှ အာဏာပိုင်တို့က စီစဉ်နေကြောင်း မြန်မာဘက်ရှိ လူဝင်မှုကြီးကြပ်ရေးဌာန (လဝက) မှ ဝန်ထမ်းတဦးက ပြောသည်။ ၎င်းက “မနက်ဖြန် (၂၅) ရက်နေ့ကနေ (၂၈) ရက်နေ့ လကုန်တဲ့အထိ ရှေ့ဆက်မယ့်လုပ်ငန်းအတွက် ဆွေးနွေးကြတယ်။ အဲဒါမှာ ဘန်ကောက်မြို့နဲ့ အနီးဆုံးနယ်စပ်မြို့ဖြစ်တဲ့ ဘုရားသုံးဆူမှာလည်း ယာယီနိုင်ငံကူးလက်မှတ် လုပ်ပေးဖို့ အခု စီစဉ်နေပါတယ်။ နောက်လမှာ စဖို့ရှိပါတယ်” ဟု ခေတ်ပြိုင်သို့ ပြောကြားသည်။

ဘန်ကောက်မြို့မှ ကီလိုမီတာ (၃၀၀) နီးပါးသာ ကွာဝေးသော ဘုရားသုံးဆူမြို့တွင် ယာယီနိုင်ငံကူးလက်မှတ် ထုတ်ပေးရန် ရုံးဖွင့်လှစ်ပေးပါက အလုပ်သမားများအတွက် ခရီးကြန့်ကြာမှု လျော့ကျသွားကာ လုပ်ငန်းစဉ်ကိုလည်း ပိုမို မြန်ဆန်လာစေကြောင်း လဝက ဝန်ထမ်းက ဆက်လက်ပြောကြားသည်။
နှစ်ဖက်နိုင်ငံမှ တရားဝင် အသိအမှတ်ပြုထားခြင်း မရှိသော်လည်း ဘုရားသုံးဆူမြို့တွင် မြန်မာရဲ၊ စစ်တပ်၊ စရဖနှင့် အပစ်ရပ် တိုင်းရင်းသားအဖွဲ့တို့၏ ဂိတ်ပေါက်ငယ်များမှတဆင့် ဖြတ်သန်းသွားလာနိုင်သည်။
ဘုရားသုံးဆူမြို့၌ ယာယီနိုင်ငံကူးလက်မှတ် ထုတ်ပေးရန် စီစဉ်နေကြောင်း နယ်စပ်မှ မွန်ပြည်သစ်ပါတီ အရာရှိတဦးကလည်း အတည်ပြုပြောကြားခဲ့ပြီး ဘန်ကောက်မြို့ ပတ်ဝန်းကျင်ရှိ သိန်းချီသော မြန်မာအလုပ်သမားများအတွက် ရည်ရွယ်ထားကြောင်း သိရသည်။
“ရေလုပ်ငန်းနဲ့ ရေထွက်ပစ္စည်း ထုတ်လုပ်တဲ့ မဟာချိုင်နဲ့ ဘန်ကောက်တဝိုက်က မြန်မာအလုပ်သမားတွေအတွက် မြဝတီနဲ့ ကော့သောင်းထက်စာရင် ဒီဘုရားသုံးဆူမှာ လာလုပ်လို့ရရင် ခရီးသိပ်မကြာဘူး၊ ပိုမြန်လာမယ်ဆိုပြီး ဘုရားသုံးဆူနယ်စပ် ထိုင်း-မြန်မာ ချစ်ကြည်ရေးအဖွဲ့နဲ့ နှစ်ဖက် အာဏာပိုင်တွေက ဆွေးနွေးပြီးတော့ ဒီနယ်စပ်မြို့မှာလည်း ဖွင့်ဖို့ဖြစ်လာတာ” ဟု ပြောသည်။
ထိုင်း-မြန်မာနှစ်နိုင်ငံ နယ်နိမိတ်မျဉ်းသည် ထိုင်းနိုင်ငံ စံခရဘူရီမြို့နယ်ရှိ ဘုရားသုံးဆူမြို့ကို ထက်ဝက်ပိုင်းခြားထားကာ တဖက်တွင် မြန်မာနိုင်ငံပိုင်နက်ဖြစ်ပြီး တဖက်တွင် ထိုင်းနိုင်ငံပိုင်နက်ဖြစ်သည်။
လက်ရှိတွင် ယာယီနိုင်ငံကူးလက်မှတ် လုပ်ပေးရာ ရုံးများကို ကော့သောင်းမြို့၊ မြဝတီမြို့နှင့် တာချီလိတ်မြို့တို့တွင် မြန်မာဘက်က ဖွင့်လှစ်ထားသည်။
ထိုင်းနိုင်ငံတွင် အလုပ်သမားလက်မှတ်ရှိသူ မြန်မာနိုင်ငံသား (၁) သန်းကျော်တွင် ယာယီနိုင်ငံကူးလက်မှတ် လျှောက်လွှာ တင်ထားသူပေါင်း (၄) သောင်းကျော်သာ ရှိသေးပြီး ၎င်းတို့အနက် အုပ်စု (၂) စုခွဲကာ ၂၀၁၀ ခုနှစ်အတွင်း ပထမ (၆) သိန်း၊ နောက်နှစ်တွင် ဒုတိယ (၆) သိန်းကို ယာယီနိုင်ငံကူးလက်မှတ် လုပ်ပေးသွားရန် လွန်ခဲ့သည့် သီတင်းပတ်က ပုဂံမြို့တွင် နှစ်ဖက် အလုပ်သမားဝန်ကြီး ကိုယ်စားလှယ်တို့က ဆွေးနွေးပွဲတွင် သဘောတူညီခဲ့ကြသည်။
၂၀၀၉ ခု ဇူလိုင် (၁၅) ရက်နေ့က စတင်ထုတ်ပေးခဲ့သည့် ယာယီ နိုင်ငံကူးလက်မှတ်သည် မြန်မာဘက်၌ ကျပ်ငွေ (၃) ထောင်၊ ထိုင်းဘက်၌ ဘတ်ငွေ (၅၀၀) ကုန်ကျကာ စာအုပ်သက်တမ်း (၃) နှစ်ရှိသည်ဟု မြန်မာအာဏာပိုင်တို့က ကြေညာထား သော်လည်း နယ်စပ်သို့သွားရောက်ရန် လမ်းခရီးစရိတ်သည် ထိုင်းဘတ်ငွေ (၈,၀၀၀) မှ (၁၀,၀၀၀) အထိ ထပ်မံကုန်ကျမည် ဖြစ်သည်။
ယာယီနိုင်ငံကူးလက်မှတ်ပြုလုပ်ရန် မြန်မာအလုပ်သမားများ တွန့်ဆုတ်ရခြင်း အကြောင်းအရင်းများအနက် စစ်အစိုးရ အာဏာပိုင်တို့ကို ယုံကြည်မှုမရှိခြင်း၊ မိမိ၏ ကိုယ်ရေးအချက်အလက်များကို တိကျစွာ ပေးထားရခြင်း၊ လုံခြုံရေးအတွက် စိုးရိမ်ရခြင်း၊ နောက်ဆက်တွဲ အခွန်ကောက်ခံမည်ကို စိုးရိမ်နေခြင်းနှင့် တရားဥပဒေပိုင်းဆိုင်ရာ နားလည်မှု မရှိခြင်းတို့က အဓိကကျနေကြောင်း အလုပ်သမားအရေး ဆောင်ရွက်သူများက ပြောဆိုကြသည်။

ထိုင်းအလုပ်သမားတွေ အခွင့်အရေးဆုံးရှုံး

နောက်ဆုံး ရေးသားချိန် 23 ဖေဖေါ်ဝါရီလ 2010 - 16:35 GMT  BBC
ထိုင်းနိုင်ငံရောက် ရွှေ့ပြောင်းအလုပ်သမားတွေ လူ့အခွင့်အရေး၊ အလုပ်သမားအခွင့်အရေးတွေဆုံးရှုံးနေတယ်လို့ လူ့အခွင့်အရေး လေ့လာစောင့်ကြည့်သူအဖွဲ HRW ကထုတ်ပြန်တဲ့ အစီရင်ခံစာမှာ ဖော်ပြထားပါတယ်။ ထိုင်းနိုင်ငံမှာ မြန်မာ၊ ကမ်ဘောဒီးယား၊ လာအို နိုင်ငံတို့ကနေ လာရောက်တဲ့ ရွှေပြောင်းအလုပ်သမား ဆယ့်နှစ်သိန်းကျော်ရှိရာမှာ ဆယ်သိန်းလောက်က မြန်မာ ရွှေ့ပြောင်းအလုပ်သမားတွေဖြစ်ပါတယ်။
မြန်မာအပါအ၀င်ရွှေ့ပြောင်းအလုပ်သမားတွေဟာ ရဲနဲ့ ထိုင်းနိုင်ငံသားတွေရဲ့ ဖမ်းဆီးနှိပ်စက်တာတွေ၊ အမျိုးသမီးတွေကို အဓမ္မပြုကျင့်တာတွေ၊ ခြိမ်းခြောက်တာတွေ၊ လူသတ်တာတွေစတဲ့ နည်းမျိုးစုံနဲ့ မတရားပြုမူတာတွေကို ခံနေရတယ်လို့ HRW ရဲ့အစီရင်ခံစာမှာ ဖော်ပြထားပါတယ်။

ဥပဒေမဲ့ မတရားပြုမူတာတွေကို ဖော်ထုတ်ဖို့အတွက် လွတ်လပ်တဲ့ စုံစမ်းစစ်ဆေးရေး ကော်မရှင်တခု ဖွဲ့စည်းသင့်တယ်လို့လည်း အစီရင်ခံစာမှာ ဖော်ပြ ထားပါတယ်။

ထိုင်းနိုင်ငံ ဖန်းင၊ ဖူးခက်၊ ရနောင်း၊ ရီရောင်း၊ ဆူရတ်သနီ ခရိုင်တွေက ထုတ်ပြန်ထားတဲ့ အမိန့်တချို့ဟာလည်း အလုပ်သမားအခွှင့်အရေး တွေကို ချိုးဖောက်နေတယ်လို့ ဆိုပါတယ်။

အလုပ်သမားတွေ မိုဘိုင်းတယ်လီဖုန်းမကိုင်ရ၊ မော်တော်ဆိုင်ကယ်မစီးရ၊ ကားမမောင်းရ၊ ငါးယောက်ထက်ပိုမစုဝေးရ ဆိုတဲ့ အမိန့်တွေဟာ အလုပ်သမား အခွင့်အရေးသာမက လူ့အခွင့်အရေးကိုပါ ချိုးဖောက်နေတယ်လို့ရေးသားထားပါတယ်။

အလုပ်သမားတွေ အနေနဲ့ ကိုယ့်အခွှင့်အရေးကိုယ်ကာကွယ်ဖို့အတွက် အလုပ်သမားသမဂ္ဂတွေ လွှတ်လွှတ်လပ်လပ် ဖွဲ့စည်းခွင့်ပေးဖို့လည်း အစီရင်ခံစာမှာ အကြံပြုတင်ပြထားပါတယ်။

မဲဆောက့် မြန်မာအလုပ်သမားများ ယာယီနိုင်ငံကူးလက်မှတ်လုပ်ရန် စာရင်းပေး

သူရိန်စိုး ၂၃ ဖေဖော်ဝါရီ ၂၀၁၀ DVB

ထိုင်း-မြန်မာနယ်စပ် မဲဆောက်မြို့မှာ ရွှေ့ပြောင်းမြန်မာ အလုပ်သမား အများအပြား ယာယီနိုင်ငံကူးလက်မှတ်လုပ်ဖို့ စာရင်းပေးနေကြပါ တယ်။ မဲဆောက်ဈေးထဲနဲ့ မြန်မာတွေအနေများတဲ့ ရပ်ကွက်တွေက နေထိုင်ခွင့် လက်မှတ်မရှိတဲ့ အလုပ်သမားတွေကို ထိုင်းအာဏာပိုင်တွေ မနေ့က ၀င်ရောက်ဖမ်း ဆီးလိုက်ပြီးနောက် ဒီနေ့မနက် ထိုင်း-မြန်မာချစ်ကြည်ရေးတံတားထိပ်မှာ ယာယီ နိုင်ငံကူးလက်မှတ်လုပ်ဖို့ စာရင်းပေးတဲ့ အလုပ်သမားတွေနဲ့ ပြည့်ကျပ်သွားတယ်လို့ တွေ့ခဲ့သူတဦးက ပြောပါတယ်။
“တံတားထိပ်မှာ စာရင်းလာပေးတဲ့လူတွေအများကြီး ပြည့်ကျပ်နေတာပဲ၊ အဖွဲ့လိုက်အဖွဲ့လိုက်။ တဖွဲ့ကို ၅၀။ ၆၀။ ရင်ဘတ်မှာ ဆေးရုံကတ်ပြားလေးတွေ ဆွဲ ထားပြီးတော့ နောက်ထပ် အလုပ်ရုံတွေကနေ လာတဲ့လူတွေကလာ သွားတဲ့လူတွေ ကသွားနဲ့ အများကြီးပဲ” လာမယ့် ၂၈ ရက်နေ့ကို မြန်မာအလုပ်သမားတွေအတွက် ယာယီနိုင်ငံကူး လက်မှတ်လုပ်ဖို့ နောက်ဆုံးရက်သတ်မှတ်ထားပြီး တဖက်မှာလည်း ဖမ်းဆီးမှုတွေ များလာတာကြောင့် ယာယီနိုင်ငံကူး လက်မှတ်လုပ်ဖို့ စာရင်းပေးသူတွေ များလာ တာပါ။ မဲဆောက်အခြေစိုက် မြန်မာနိုင်ငံအလုပ်သမားသွေးစည်းညွီတ်ရေးအဖွဲ့ တာဝန်ခံ ဦးသံဒုတ်ကတော့ အစက အလုပ်သမားတွေ နိုင်ငံကူးလက်မှတ်မလုပ်ကြတာဟာ ပိုက်ဆံအခက်အခဲနဲ့ အလုပ်ရှင်တွေကိုယ်တိုင်က နိုင်ငံကူးလက်မှတ်လုပ် ရမယ့် ကိစ္စမှာ တက်တက်ကြွကြွမရှိတာကြောင့်လို့ သုံးသပ်ပါတယ်၊ “ထိုင်းအစိုးရအနေနဲ့ ခုထိတော့ ပေါ်လစီပြောင်းမပေးတဲ့ အနေအထားမှာ ရှိတယ်။ အဲဒီတော့ ၂၈ ရက်နောက်ပိုင်းမှာ အလုပ်သမားအားလုံးက ယာယီပတ်စ်ပို့ လုပ်ရမယ်ဆိုတော့ တော်တော်များများမှာက ငွေကြေးမရှိတဲ့အတွက် လုပ်ဖို့ ခက်ခဲ တာရယ်၊ “နောက်တခုက လုပ်ငန်းရှင်တွေကိုယ်တိုင်က အလုပ်သမားတွေကို ပတ်စ်ပို့ လုပ်ပေးဖို့ တက်တက်ကြွကြွနဲ့ တိုက်တွန်းခြင်း မရှိတာပဲ၊ လုပ်ငန်းရှင်တွေက ဦး ဆောင်ပြီး လုပ်ပြရမှာ၊ “ ဒီ ၂၈ ရက်နောက်ပိုင်းမှာဆို အလုပ်သမားတွေ ပိုပြီးအခက် အခဲတွေ့မယ်၊ ဖမ်းတာဆီးတာတွေကို ရင်ဆိုင်ရမယ်။ လူ့အခွင့်အရေးချိုးဖောက်တာတွေ ပိုကြုံတွေ့ လာရမယ်၊ မြန်မာအလုပ်သမားတွေ ယာယီနိုင်ငံကူးလက်မှတ်လုပ်တဲ့အရေးမှာ ကြန့်ကြာနေတဲ့ နောက်တချက်ကတော့ အလုပ်သမားတွေရဲ့ ကိုယ်ရေးအချက်အလက် တွေကို မြန်မာအာဏာပိုင်တွေဆီကို ပေးရတဲ့ကိစ္စပါ။ လုပ်ငန်းရှင်က ဦးဆောင်ပြီး အလုပ်သမားတွေအတွက် ပတ်စ်ပို့လုပ်မယ့် လျှောက်လွှာပုံစံဖြည့်ပြီး အလုပ်သမားရှာဖွေရေးရုံးကို သွားပြီးဆောင်ရွက်ပေး အောင် အလုပ်ရှင်တွေကို အလုပ်သမားတွေက တိုက်တွန်းသင့်တယ်လို့ ဦးသံဒုတ် က အကြံပြုတိုက်တွန်းပါတယ်၊ “ အဲဒီလိုမှ ဖောင်မဖြည့်ဘူးဆိုရင် အလုပ်သမားတွေအနေနဲ့ သက်တမ်းကုန် ဆုံးသွားပြီး တရားမ၀င်အလုပ်သမားတွေ ဖြစ်သွားနိုင်တယ်ဆိုတဲ့သဘောတွေ ကျနော်တို့သိရှိရတယ်။ ဘယ်လိုပဲဖြစ်ဖြစ် လုပ်ငန်းရှင်တွေကိုတိုက်တွန်းပါ၊ လုပ်ငန်း ရှင်တွေက လုပ်မပေးဘူးဆိုရင် အလုပ်သမားရှာဖွေရေးဌာနကို သွားပြီးတော့ လုပ်ငန်းရှင်က လုပ်မပေးတဲ့အကြောင်းကို တရားဝင် အသိပေးအကြောင်း ကြားသင့်တယ်၊ ထိုင်းအစိုးရအနေနဲ့လည်း မြန်မာရွှေ့ပြောင်းအလုပ်သမားအရေး ပြေလည် စေချင်တယ်ဆိုရင် အလုပ်သမားရေးရာကျွမ်းကျင်သူတွေ။ လူ့အခွင့်အရေးအဖွဲ့အစည်းတွေ။ မြန်မာအလုပ်သမားအရေးဆောင်ရွက်နေတဲ့ အဖွဲ့အစည်းတွေနဲ့ တိုင်ပင်ညှိနှိုင်းသင့်တယ်လို့လည်း ဦးသံဒုတ်က ပြောပါတယ်။

ထိုင်းနိုင်ငံရောက် ရွှေ့ပြောင်း အလုပ်သမားများအရေး လူ့အခွင့်အရေးအဖွဲ့ စိုးရိမ်

23 February 2010 VOA

ထိုင်းနိုင်ငံရောက် ရွှေ့ပြောင်း အလုပ်သမားတွေအတွက် နိုင်ငံသား စိစစ်ရေး လုပ်ဆောင်ဖို့ ကန့်သတ်ရက် နီးလာနေတဲ့ အချိန်မှာပဲ အမေရိကန်ပြည်ထောင်စု နယူးယောက်မြို့ အခြေစိုက် Human Rights Watch ခေါ် လူ့အခွင့်အရေး စောင့်ကြည့်ရေးအဖွဲ့က သတ်မှတ်ရက် တိုးမြှင့်ပေးဖို့ ထိုင်းအစိုးရကို တောင်းဆိုလိုက်တဲ့အပြင် ဒီရွှေ့ပြောင်းအလုပ်သမားတွေ လူ့အခွင့်အရေး ချိုးဖောက်ခံနေရတဲ့ အပေါ်မှာလည်း မီးမောင်းထိုး ပြသခဲ့ပါတယ်။
  ဒီအကြောင်းနဲ့ ပတ်သက်လို့ Human Rights Watch အဖွဲ့က တာဝန်ရှိသူနဲ့ ဆက်သွယ်မေးမြန်းထားတဲ့ ဒေါ်ခင်မျိုးသက်က တင်ပြပေးထားပါတယ်။

Human Rights Watch လူ့အခွင့်အရေး အဖွဲ့ကြီးက ထိုင်းနိုင်ငံရောက် ရွှေ့ပြောင်းအလုပ်သမားတွေရဲ့ အခြေအနေတွေနဲ့ ပတ်သက်ပြီး ကျားရဲတွင်းဆီက မိကျောင်းတွင်းဆီသို့ (From the Tiger to the Crocodile) လို့ နာမည်ပေးထားတဲ့ အစီရင်ခံစာ တစောင်ကို အင်္ဂါနေ့မှာ ထုတ်ပြန်ခဲ့တာ ဖြစ်ပါတယ်။

ထိုင်းနိုင်ငံရဲ့ စီးပွားရေးအတွက် ဒီအလုပ်သမားတွေက တွင်တွင်ကျယ်ကျယ် ပံ့ပိုးပေးနေပေမဲ့ ဒီအလုပ်သမားတွေကို ကန့်သတ်မှုတွေ ပါဝင်တဲ့ နိုင်ငံသား စိစစ်ရေး လုပ်ခိုင်းပြီး ဒီစိစစ်ရေးလုပ်ငန်းမှာ မပါဝင်သူတွေကို ဒီလကုန်မှာ နောက်ဆုံးထားပြီး ပြန်ပို့ဖို့အတွက် ထိုင်းအစိုးရက စီစဉ်နေတာမို့ ဒါဟာ ဆိုးသထက်ဆိုးအောင် လုပ်နေတဲ့ အနေအထားမျိုး ဖြစ်နေတယ်လို့ အစီရင်ခံစာ ရေးသားတင်သွင်းတဲ့ Human Rights Watch အဖွဲ့ရဲ့ အာရှဆိုင်ရာ လက်ထောက် ညွှန်ကြားရေးမှူး ဖိလစ် ရောဘတ်ဆန် (Philip Robertson) က ပြောပါတယ်။

“ထိုင်းစကားပုံတခု ရှိပါတယ်။ သေဘေးရင်ဆိုင်နေရသူ သေဘေးက လွတ်အောင် ပြေးကာမှ ပိုဆိုးတဲ့ အနေအထားကို ရောက်သွားတာပါ။ ကျားကြောက်လို့ ရှင်ကြီးကိုး၊ ရှင်ကြီး ကျားထက်ဆိုးတဲ့ အဖြစ်ပါ။ ထိုင်းနိုင်ငံက ရွှေ့ပြောင်း အလုပ်သမားတွေရဲ့ အခြေအနေက ဒီလိုအဖြစ်မျိုးလို့ ကျနော်တို့ ယုံကြည်ပါတယ်။”

ဒီရွှေ့ပြောင်းအလုပ်သမားတွေဟာ လူ့အခွင့်အရေး ချိုးဖောက်မှု မျိုးစုံကို ခံနေကြရပေမဲ့ ဒီပြစ်မှု ကျူးလွန်နေသူတွေကိုတော့ အရေးယူတာမျိုး သိပ်ကိုရှားပါးတယ်လို့လည်း ပြောပါတယ်။

“ထိုင်းနိုင်ငံရောက်နေတဲ့ ရွှေ့ပြောင်း အလုပ်သမားတွေအပေါ် ကျူးလွန်တဲ့ ပြစ်မှုတွေအတွက် ဘေးမဲ့ပေးထားတာတွေ၊ အရေးမယူတာတွေ တွေ့ရပါတယ်။ မြန်မာ၊ လောနဲ့ ကမ္ဘောဒီးယား နိုင်ငံတွေက လာပြီး အလုပ်လုပ်နေသူတွေရဲ့ အမှုတွေကို လေ့လာကြည့်တဲ့အခါမှာ အရပ်ထဲမှာ သူတို့ နေထိုင်နိုင်ရေးက သိပ်မလွယ်တာကို တွေ့ရပါတယ်။ သူတို့ကို ခြောက်လှန့်မှုတွေ၊ အကြမ်းဖက်မှုတွေနဲ့ ငွေညှစ်တာတွေ တော်တော်များများ ခံနေကြရပေမဲ့ ဒီလိုကျူးလွန်တဲ့ သူတွေကို အရေးယူတာမျိုးကလည်း သိပ်မရှိပါဘူး။”

ထိုင်းနိုင်ငံမှာ လာရောက် အလုပ်လုပ်ကိုင်နေသူတွေထဲက လောနဲ့ ကမ္ဘောဒီးယား နိုင်ငံသားတွေအတွက် သူတို့နိုင်ငံက တာဝန်ရှိသူတွေ လာရောက် စိစစ် ဆောင်ရွက်ပေးပေမဲ့ မြန်မာနိုင်ငံသားတွေ အတွက်တော့ နိုင်ငံသား စိစစ်ရေး လုပ်ဆောင်နိုင်ဖို့ မြန်မာနိုင်ငံကို ပြန်ရတာမို့ သူတို့အတွက် အန္တရာယ်ရှိတယ်လို့လည်း ဆိုပါတယ်။ ဒါ့အပြင် ဒီလို ပြန်ပြီးပို့ခဲ့ရင် လူ့အခွင့်အရေး ချိုးဖောက်မှု မျိုးစုံနဲ့ ကြုံရနိုင်တယ်လို့လည်း ဆိုပါတယ်။

“ဒီနိုင်ငံသား စိစစ်ရေးနဲ့ ပတ်သက်ပြီး သူတို့ကို နားလည်အောင် ရှင်းပြပေးတာမျိုး သိပ်မရှိပါဘူး။ သူတို့ဘက်ကကြည့်ရင် ထိုင်းအစိုးရရဲ့ အစီအစဉ်က သိပ်ရှုပ်ထွေးပြီး စရိတ်စက သိပ်ကြီးပါတယ်။ မြန်မာနိုင်ငံသားတွေအတွက် ဆိုရင် နိုင်ငံသား စိစစ်ရေးက မြန်မာနိုင်ငံကို ပြန်လုပ်ဖို့ စီစဉ်ထားတာပါ။ ဒါဟာ ကောင်းတဲ့အစီအစဉ် မဟုတ်ပါဘူး။ ထိုင်းအစိုးရ အနေနဲ့ ဒီ့ထက်ကောင်းအောင် လုပ်နိုင်ပါတယ်။ ဒီ နိုင်ငံသား စိစစ်ရေး လုပ်ငန်းစဉ်ကို ရက်ပိုတိုးပေးဖို့ ထိုင်းအစိုးရကို အကြံပေးပါတယ်။ ဒါ့အပြင် နေရပ်ရင်းကို ပြန်မပို့ဖို့လည်း လိုပါတယ်။”

အာဆီယံအနေနဲ့ ထိုင်းအစိုးရဘက်က ရွှေ့ပြောင်း အလုပ်သမားတွေရဲ့ အခွင့်အရေး ရပိုင်ခွင့်တွေကို အပြည့်အ၀ အကာအကွယ်ပေးဖို့ အဓိက တာဝန်ယူသင့်တယ်လို့လည်း မစ္စတာ ရောဘတ်ဆန်က ပြောပါတယ်။

“အာဆီယံဟာ ရွှေ့ပြောင်း အလုပ်သမားတွေရဲ့ ရပိုင်ခွင့်တွေကို ကာကွယ်ပေးဖို့နဲ့ အခြေအနေတွေကို မြှင့်တင်ပေးဖို့ ကတိပြုပေးထားတာမို့ ဒီကိစ္စမှာ အာဆီယံက ပါဝင်ပတ်သက်ဖို့ ကျနော်တို့က တောင်းဆိုပါတယ်။ ထိုင်းနိုင်ငံက အာဆီယံ ပဋိညာဉ်စာတမ်းကို လိုက်နာစေဖို့ ရွှေ့ပြောင်း အလုပ်သမားတွေရဲ့ ရပိုင်ခွင့်တွေကို ထိုင်းအစိုးရက အကာအကွယ် ပေးလာအောင် အာဆီယံ လူ့အခွင့်အရေး ကော်မရှင်က တာဝန်ယူ ဆောင်ရွက်ရမှာပါ။”

Human Rights Watch အဖွဲ့ရဲ့ အာရှဒေသဆိုင်ရာ လက်ထောက် ညွှန်ကြားရေးမှူး မစ္စတာ ဖိလစ် ရောဘတ်ဆန် ပြောပြသွားတာ ဖြစ်ပါတယ်။