Monday 30 August 2010

နိုင်ငံသားစိစစ်မှု အစီအစဉ်သစ် ဖွင့်လှစ်ရန် တောင်းဆို

.မြတ်ခိုင်ဦး / ၂၇ သြဂုတ် ၂၀၁၀(ခေတ်ပြိုင်)

ထိုင်းအစိုးရ ပြုလုပ်နေသော နိုင်ငံတွင်းရှိ ရွှေ့ပြောင်း အလုပ်သမားများ၏ နိုင်ငံသားစိစစ်ရေးပြုမှု လုပ်ငန်းစဉ်အား အချိန်ကာလတိုးမြှင့် သတ်မှတ်ပေးရန် ထိုင်းနိုင်ငံရှိ အလုပ်သမားရေး ဆောင်ရွက်နေသော အဖွဲ့အစည်းများက တောင်းဆိုလိုက်သည်။
.မြန်မာ၊ ကမ္ဘောဒီးယား၊ လာအိုနိုင်ငံတို့မှ ရွှေ့ပြောင်းအလုပ်သမားများ၏ နိုင်ငံသားစိစစ်မှုပြုရေး လုပ်ငန်းစဉ်အတွက် လျှောက်လွှာတင်သွင်းရမည့်ရက်ကို ထိုင်းအစိုးရက ယခုနှစ် ဖေဖော်ဝါရီ (၂၈) ရက်နေ့ နောက်ဆုံးထား သတ်မှတ်ခဲ့သည်။

သို့သော် အခက်အခဲအမျိုးမျိုးကြောင့် လျှောက်လွှာတင်သွင်းမှု မလုပ်နိုင်သေးသည့် ရွှေ့ပြောင်း အလုပ်သမားဦးရေ (၁) သန်းကျော် ရှိနေသေးသည့်အတွက် ထိုသူများလည်း နိုင်ငံသားစိစစ်မှု လုပ်ငန်းစဉ်အတွင်း ပါဝင်လာနိုင်ရေး အချိန်တိုးမြှင့်ပေးရန် ဘန်ကောက်မြို့ အစိုးရဌာနရုံးတွင် ပြီးခဲ့သည့်ဗုဒ္ဓဟူးနေ့၌ ကျင်းပသောအစည်းအဝေးတွင် တင်ပြတောင်းဆိုလိုက်ခြင်းဖြစ်သည်။

အဆိုပါအစည်းအဝေးသို့ ထိုင်းနိုင်ငံ လူ့အခွင့်အရေးကော်မတီ၊ ထိုင်းအစိုးရ အလုပ်သမားရေးရာ ဌာနအသီးသီးမှ တာဝန်ရှိပုဂ္ဂိုလ်များ၊ ထိုင်းနိုင်ငံအတွင်း အလုပ်သမားအရေး လုပ်ဆောင်နေသော NGOs အဖွဲ့အစည်းများ၊ အလုပ်သမား သမဂ္ဂများအပါအဝင် လူပေါင်း (၁၀၀) ကျော်တက်ရောက်ခဲ့သည်။

အဆိုပါအစည်းအဝေးမှ သတင်းထုတ်ပြန်ချက်တွင် ပထမအချက်အနေဖြင့် နိုင်ငံသားစိစစ်မှု ပြုလုပ်ရေး (ဘတ်လက်မှတ်အသစ် ဖွင့်လှစ်ပေးရေး) အချိန်ကာလကို ပိုမိုတိုးမြှင့်သတ်မှတ်ပေးရန်၊ ထို့အတွက် ရွှေ့ပြောင်းအလုပ်သမားများသည် မိမိနိုင်ငံအတွင်း ပြန်၍ နိုင်ငံသားစိစစ်မှု ခံယူခြင်း မပြုလုပ်ရန်၊ အဘယ်ကြောင့်ဆိုသော် ထိုအလုပ်သမားများ၏ ဘဝလုံခြုံရေးနှင့် ၎င်းတို့၏ လုပ်အားကို အားကိုးအားထား ပြုနေရသော စီးပွားရေးလုပ်ငန်းများ ကမောက်ကမ မဖြစ်စေရေးတို့အတွက်ဖြစ်ကြောင်း တောင်းဆိုထားသည်။

ဒုတိယအချက်တွင် နိုင်ငံသားစိစစ်ရေးလုပ်ငန်း လုပ်ဆောင်နေသော ပွဲစားကုမ္ပဏီများအား ထိန်းချုပ်ပေးသွားရန် တောင်းဆိုထားသည်။ ထို့အတွက် ရွှေ့ပြောင်း အလုပ်သမားများထံမှ အကျိုးအမြတ် ရယူနေသူများကို တားမြစ်ပေးသွားရန်၊ သတ်မှတ်နှုန်းထားထက် ပိုမိုယူ၍ လုပ်ဆောင်နေသော ပွဲစားကုမ္ပဏီများအား တရားဝင်အရေးယူရန်၊ ရွှေ့ပြောင်းအလုပ်သမားများ တိုင်တန်းနိုင်မည့် နေရာသတ်မှတ်ပေးရန်နှင့် စာရင်းမှတ်တမ်းများကို အလုပ်သမားဝန်ကြီးဌာန လက်အောက်တွင်သာ ထားရှိရန် ပါဝင်သည်။

တတိယအချက်တွင် ထိုင်းအစိုးရအနေဖြင့် မြန်မာအစိုးရနှင့် ပိုမိုထိရောက်သည့် ဆက်ဆံရေး အကောင်အထည်ဖော်ဆောင်ရန် တောင်းဆိုထားသည်။ ထို့အတွက် လွယ်ကူသော နိုင်ငံသားစိစစ်မှု လုပ်ငန်းဖြစ်လာစေရေးအတွက် အချိန်နှင့် ငွေကုန်ကြေးကျ သက်သာပြီး ဘေးကင်းလုံခြုံမှုရှိလာမည် ဖြစ်သည့်အတွက် ရွှေ့ပြောင်းအလုပ်သမားများအနေဖြင့် ပိုမိုပါဝင် လုပ်ဆောင်လာမည်ဟု တင်ပြထားသည်။

စတုတ္ထအချက်တွင် အစိုးရ၊ အစိုးရမဟုတ်သောအဖွဲ့အစည်းများ၊ အလုပ်သမားရေး လုပ်ဆောင်နေသော အဖွဲ့အစည်းများ စုပေါင်းပြီး ရွှေ့ပြောင်းအလုပ်သမားများ နားလည်လွယ်သော ဘာသာစကားဖြင့် သတင်းအချက်အလက်များကို အလုပ်သမားထုအတွင်း ဖြန့်ဝေပေးသွားရန် ပါဝင်သည်။

ပဉ္စမအချက်တွင် အစိုးရအနေဖြင့် လူ့အခွင့်အရေး ချိုးဖောက်မှုများ မဖြစ်ပေါ်စေရန် ရည်ရွယ်၍ ဤနိုင်ငံသားစိစစ်မှုပြုရေး လုပ်ငန်းစဉ်တွင် သက်ဆိုင်သူ အားလုံးပါဝင်ကာ ငြိမ်းချမ်းသောနည်းဖြင့် ပြဿနာအားလုံးကို ဖြေရှင်းသွားရန်လိုကြောင်း တောင်းဆိုထားသည်။

ထို့အပြင် တရားဝင် ခွင့်ပြုချက်ရရှိထားသော ရွှေ့ပြောင်းအလုပ်သမားများသည် အလုပ်ရှင်အပြောင်းအလဲ အပါအဝင် မသမာသူတို့၏ ခေါင်းပုံဖြတ်မှုမှ အကာအကွယ်ရရှိစေရန် တရားဥပဒေ၏ ပံ့ပိုးကူညီမှုအတိုင်း ဘေးကင်းလုံခြုံမှုရှိရန် လိုအပ်ကြောင်း တိုက်တွန်းထားသည်။

မြန်မာ၊ လာအို၊ ကမ္ဘောဒီးယား (၃) နိုင်ငံမှ ယနေ့အထိ နိုင်ငံသားစိစစ်မှု ပြုလုပ်၍ တရားဝင် ယာယီနိုင်ငံကူးလက်မှတ် ကိုင်ဆောင်ထားသော ရွှေ့ပြောင်းအလုပ်သမား အရေအတွက်သည် (၂) သိန်းခွဲရှိပြီး ၎င်းတို့အနက် မြန်မာနိုင်ငံသား (၁၄၀,၀၀၀) ကျော် ပါဝင်သည်။

ထိုင်းနိုင်ငံတွင် မြန်မာရွှေ့ပြောင်းအလုပ်သမား (၂) သန်းခန့် ရှိမည်ဟု အလုပ်သမားရေး ဆောင်ရွက်နေသော အဖွဲ့အစည်းများစာရင်းများအရ သိရပြီး ယခုနှစ် ဖေဖော်ဝါရီ (၂၈) ရက် နောက်ဆုံးထား၍ အလုပ်လုပ်ခွင့်လက်မှတ် သက်တမ်းဆက်ရာတွင် မြန်မာရွှေ့ပြောင်းအလုပ်သမား (၃) သိန်းခန့်က တရားမဝင် အလုပ်သမားများအဖြစ်သို့ ကူးပြောင်းသွားခဲ့သည့်အတွက် (၈) သိန်းခန့်သာ ပြန်လည်မှတ်ပုံတင်ကြသည်။ ထို့အပြင် တရားဝင် အလုပ်လုပ်ခွင့်လက်မှတ် ကိုင်ဆောင်ခြင်းမရှိသူ အရေအတွက်မှာ (၁) သန်းခန့် ရှိနေသေးသည့်အတွက် ဤသို့တောင်းဆိုရခြင်းဖြစ်ကြောင်း အလုပ်သမားရေး လုပ်ဆောင်နေသူတဦးက ပြောကြားသည်။

အပြည့်အစုံသို့ >>

ကလေးမြို့နယ်ရှိ ရေနံမြေတွင် အလုပ်သမားများ ဆန္ဒပြ

.ခင်နှင်းထက်
၁၆ သြဂုတ် ၂၀၁၀ - (www.burmese.dvb.no)

ကလေးမြို့နယ်အတွင်းရှိ ချယ်ရီ ရိုးမ ရေနံမြေမှာ ပြီးခဲ့တဲ့ ရက်ပိုင်က အလုပ်သမားဆန္ဒပြမူဖြစ်ခဲ့ပြီး လုံထိန်းရဲတွေရဲ့ ရိုက်နှက်နှိမ်နင်းမူကြောင့် အလုပ်သမား ၂ ဦး ဒဏ်ရာ အပြင်းအထန် ရသွားတယ်လို့ ဒေသခံတဦးက ပြောပါတယ်။
ရေနံကုမ္ပဏီပိုင်ရှင်က ရေနံတွေကို ဈေးနှိပ်ဝယ်နေတဲ့အတွက် ရေနံဈေးတိုးပေးဖို့ အလုပ်သမားတွေက ဆန္ဒပြတောင်းဆိုခဲ့ကြတာလို့ သိရပါတယ်၊ အခုလ ၁၄ ရက်နေ့က စတင်ခဲ့တဲ့ ဆန္ဒပြပွဲဟာ နောက်ပိုင်း အလုပ်သမား တထောင်လောက်အထိ ဖြစ်လာတဲ့အတွက် ကုမ္ပဏီပိုင်ရှင်က ကလေးမြို့က ရဲတွေကို အကူအညီတောင်း ဖြေရှင်းခဲ့တာလို့ ဆိုပါတယ်။
.အခုလ ၁၅ ရက်နေ့မှာ ရဲတွေက ဆန္ဒပြ အလုပ်သမားတွေကို ဖမ်းဆီးရိုက်နှက်ခဲ့တာလို့ အလုပ်သမားတွေနဲ့ နီးစပ်တဲ့ ဒေသခံတဦးက ပြောပြပါတယ်။
" ကုမ္ပဏီရဲ့ လုံခြုံရေးတာဝန်ရှိတဲ့ လူတွေက လာပြီး ထိန်းသိမ်းဖမ်းဆီး အဲလိုတွေ လုပ်တာ၊ အားလုံး နောက်လူတွေ မလုပ်ရဲအောင်ပေါ့၊ ထိုးကြိတ်၊ ရိုက်နှက်၊ ကန်ကြောက်၊ အဲလိုတွေလုပ်တာ၊ အဲဒီမှာ နားရင်းအုပ်တာ၊ ပစ်ထိုးတာတွေ လုပ်တယ်၊ ဒုတ်တွေနဲ့ ရိုက်တယ်၊ နားတွေဘာတွေ ထိခိုက်ကန်ုတယ်၊ နှစ်ယောက်ကတော့ မျက်စိတော်တော် ပျက်သွားတယ်။ နောက်ပြီးတော့ နားလည်း မကြားရအောင် ဖြစ်သွားတယ်၊ ကျန်တဲ့ ခေါင်းဆောင်းပိုင်းကတော့ ထွတ်ပြေးကြတယ်၊ ထွတ်ပြေးတဲ့ လူတွေရဲ့ ပစ္စည်းတွေ၊ တဲ့တွေတော့ ဖျက်ဆီးပစ်လိုက်တယ်။ "
ဒီကုမ္ပဏီဟာ ရေနံဝယ်ယူရာမှာ နည်းအမျိုးမျိုးနဲ့ ခေါင်းပုံဖြတ်ယူနေတာကို မကျေနပ်တဲ့ အတွက် အလုပ်သမားတွေက ဆန္ဒပြခဲ့ကြတာလို့လည်း ကလေးမြို့ခံက အခုလို ဆက်ပြောပြပါတယ်၊၊
" ရေနံတပေပါကို သူတို့က ပေပါကြီးကိုလည်း အသားကုန် ဖောင်းထည့်ပေါ့၊ ပေပါအောက်ပိုင်းကော အပေါ်ပိုင်းကော၊ ပေပါနဲ့ မတူတော့ဘဲနဲ့ အလုံးကြီး ဖြစ်နေတယ်၊ ထပ်ရော အောက်ေ၇ာ ဖောင်းဖောင်းကြီး ဖြစ်ပြီးတော့ ပေပါကို ဝင်ဆံ့အောင် ဖန်းတီးထားတာပေါ့။ အဲလို ဖန်တီးထားတဲ့ ပေပါကြီးနဲ့ လက်ခံပြီးတဲ့ အပြင် တပေပါရောင်းလို့ရှိရင် ၈ ဂါလံ တပုန်း နောက်က အပိုပေးရသေးတယ်၊၊ ရေနံတူးတဲ့သူတွေက နောက် ၈ ဂါလံပုန်းကြီးတပုန်း သွားရောင်းမယ်ဆိုရင် ရေသန့်ဗူး ၂ ဗူး၊ အဲလို ပုံစံအမျိုးမျိုးနဲ့ သူက အပိုတောင်းယူတယ်။ အဲလိုပေးရတာ အပြင်ဈေးက ငါးသောင်း ကျော်ကျော်ပဲ ပေးတယ်၊ တပေပါကို "
ဆန္ဒပြ ဖြစ်ပြီးတဲ့နောက် ကုမ္ပဏီက ရေနံဈေး အနည်းငယ် တိုးပေးလိုက်ပေမယ့် အလုပ်သမားတွေနဲ့ ကုမ္ပဏီပိုင်ရှင်တွေ အကြား မကျေနပ်မူတွေ ဆက်ဖြစ်နေဆဲ လိုလည်း သူက ပြောပါတယ်။ ချယ်ရီ ရိုးမရေနံမြေဟာ ကလေးမြို့ အရှေ့မြောက်ဘက် မိုင် ၂၀ လောက် အကွာမှာ ရှိပြီး ရေနံအထွက်ကောင်းတဲ့ ရေနံမြေတခု ဖြစ်တယ်လို့လည်း ဒေသခံတွေ အပြောအရ သိရပါတယ်။
အပြည့်အစုံသို့ >>

Sunday 22 August 2010

မဟာချိုင် ပုစွန်စက်ရုံအလုပ်သမားများ သပိတ်မှောက်

မြတ်ခိုင်ဦး / ၂၀ သြဂုတ် ၂၀၁၀

ယနေ့နံနက်တွင် မဟာချိုင်ရှိ Asian Seafood Co.Ltd (တိမ်ပြာ) ပုစွန်စက်ရုံမှ အလုပ်သမားများ အလုပ်မဆင်းဘဲ ဆက်လက်ဆန္ဒပြမှု ဖြစ်ပွားနေသည်။

အလုပ်သမားအရေအတွက် (၃,၀၀၀) ခန့်ရှိသော မဟာချိုင်ရှိ Asian Seafood Co.Ltd ပုစွန်စက်ရုံမှ အလုပ်သမားများအား ယခင်ပေးနေကြ အချိန်ပိုကြေး တနာရီ (၃၈) ဘတ်အစား ကီလိုချိန်ဖြင့် ပေးအပ်မည်ဟု ပြောဆိုသဖြင့် အလုပ်သမားများက မကျေနပ်ဘဲ ယမန်နေ့ နံနက်ကတည်းက ဆန္ဒပြနေကြခြင်းဖြစ်သည်။ ထိုသို့အလုပ်မဆင်းဘဲ ဆန္ဒပြနေမှုကြောင့် ခေါင်းဆောင်ဟု ယူဆရသူ (၁၀) ဦးခန့်အား စက်ရုံရှိ လုံခြုံရေးများ၊ အလုပ်ကြပ်များက စက်ရုံ ရုံခန်းအတွင်းသို့ ခေါ်ဆောင်သွားကြပြီး ထိုးနှက်ကန်ကျောက်ကြကြောင်း၊ နံနက်ခင်းတွင် ရဲ (၆) ဦးလည်း ရောက်နေကြောင်း မျက်မြင်တဦးက ပြောကြားသည်။

ဆန္ဒပြသူများအနက်မှ လုပ်သက် (၁၀) နှစ်ကျော်သူ မအေးအေးသန်းက “ကျမတို့က ကီလိုစားနဲ့ဆိုရင် တကီလို ဘယ်လောက်ရမယ် မှန်းလည်း မပြောဘူး၊ ပေးချင်သလိုပေးရင် ကျမတို့နစ်နာတယ်။ ဒါကြောင့် မကျေနပ်လို့ ဆန္ဒပြကြတာ။ အခုမနက် ကျမတို့ ဆန္ဒပြကြတော့ ခေါင်းဆောင်လို့ထင်ရတဲ့ ယောက်ျားလေး (၁၀) ယောက်ကို ရုံးခန်းထဲ ခေါ်သွားတယ်။ စကားထပြောတဲ့ မိန်းကလေး (၃) ယောက်ကိုလည်း ကားနဲ့ ဘယ်ခေါ်သွားမှန်းမသိဘူး” ဟု ဆိုသည်။

ထို့နောက် သူဌေးနှင့် ကားသမားများရောက်လာ၍ အဆိုပါယောက်ျားလေးများအား ရိုက်နှက်ကာ ခုံများဖြင့် ပစ်ပေါက်ခြင်းတို့ကြောင့် အချို့မှာ ထွက်ပြေးလာနိုင်ပြီး အချို့မှာ ရုံးခန်းတွင် ကျန်ရစ်ခဲ့သည်ဟု ၎င်းက ပြောသည်။

ဆန္ဒပြအလုပ်သမားများ၏ အလုပ်သမားလက်မှတ်များကို အလုပ်ကြပ်များက သိမ်းဆည်းထားပြီး ကျန်အလုပ်သမားများအား ကီလိုစားဖြင့် လုပ်မည့်သူများ လက်မှတ်ထိုး လက်ဗွေနှိပ်၊ မလုပ်လိုသူများ ကားပေါ်တက်ဟု ဆို၍ အလုပ်သမားများက ကြောက်လန့်၍ လက်မှတ်ထိုး လက်ဗွေနှိပ်ပေးလိုက်ရကြောင်း သိရသည်။

အဆိုပါစက်ရုံသည် ယခင်က ကီလိုစားဖြင့်သာ ခိုင်းစေလာခဲ့ပြီး လွန်ခဲ့သည့်တနှစ်ခန့်မှစ၍ ပုံမှန်လုပ်အားခအဖြစ် စမုတ်ဆာခွန်ခရိုင် သတ်မှတ်ချက် (၂၀၅) ဘတ်ကို ပေးအပ်ပြီး အလုပ်ချိန် (၈) နာရီကျော်လျှင် အချိန်ပိုကြေး တနာရီ (၃၈) ဘတ် ပေးခဲ့သည်။

သို့သော် ယမန်နေ့မှ စတင်၍ အလုပ်သမားများအား ကီလိုဈေးဖြင့် ပုတ်ပြတ်ပြန်ခိုင်းစေရန် ကြိုးပမ်းလာခဲ့ခြင်းဖြစ်သည်။

ထိုသို့ပြုလုပ်လျှင် လကုန်ကျသင့်ငွေရှင်းရာတွင် လုပ်အားခရှင်းတမ်း (ဘိုင်စနယ်) အတိအကျကို ထုတ်ပြန်မပေးသဖြင့် အလုပ်သမားများမှာ ကျေနပ်မှုမရှိခဲ့ကြောင်း ယခင်နှစ်များက အတွေ့အကြုံရှိခဲ့သူ အလုပ်သမား ကိုစိုးဝင်းက ပြောသည်။

“အရင်က သူများစက်ရုံတွေ (၁၇၀) ဆိုရင် ကျနော်တို့က (၁၅၀) အဲဒီလို သူတို့က လုပ်ခဲ့တာ” ဟု ၎င်းက ဆိုသည်။

ထိုကိစ္စအတွက် အလုပ်သမားရေးအဖွဲ့များမှ မဟာချိုင်ရှိ အလုပ်သမားအခွင့်အရေး ကာကွယ်ရေးရုံး (ဆဝါဒီကမ်) သို့ သွားရောက်တင်ပြခဲ့ရာ အဆိုပါရုံးမှ တာဝန်ရှိသူ (၃) ဦးက Asian Seafood Co.Ltd ပုစွန်စက်ရုံသို့ သွားရောက်ညှိနှိုင်းပေးခဲ့ကြောင်း သိရသည်။

အလုပ်သမားအခွင့်အရေး ကာကွယ်ရေးရုံးမှ တာဝန်ရှိသူများ ပြန်သွားပြီးနောက် ရုံးခန်းထဲ ခေါ်ယူထားသူများဖြစ်သည့် ကိုတင်နိုင်၊ ကိုကွမ်းသီးခြောက်အပါအဝင် (၈) ဦးအား အချုပ်ကားဖြင့် ခေါ်ဆောင်သွားကြောင်း သိရှိရသည်။

“တနာရီ (၃၈) ဘတ်တော့ မပေးနိုင်ဘူး၊ သူ့စက်ရုံကို ပိတ်ချင်ပိတ်၊ စက်ရုံတွေ အများကြီးရှိတယ်” ဟု သူဌေးလုပ်သူမှ ပြောကြောင်း ရုံးခန်းမှထွက်လာသူ အလုပ်သမတဦးက ပြောဆိုသည်။

ယခုနောက်ဆုံးအခြေအနေမှာ အလုပ်ရှင်နှင့်အလုပ်သမားများကြား ပြေလည်မှု မရရှိသေးဘဲ ထိုင်းအလုပ်သမားအခွင့်အရေးရုံးမှ သူများကိုလည်း ဆက်သွယ်၍ မရသေးပေ။
အပြည့်အစုံသို့ >>

မြန်မာလုပ်သား ခေါ်ယူမှု ကိုရီးယား ရပ်ဆိုင်းထား

ဝီရ / ၂၀ သြဂုတ် ၂၀၁၀

လုပ်သားများအပေါ် ချိုးဖောက်ထားသည့်အမှုများ စုံစမ်းစစ်ဆေး မပြီးသေးသရွေ့ မြန်မာအလုပ်သမား ခေါ်ယူမှုကို တောင်ကိုရီးယားနိုင်ငံက အကန့်အသတ်မရှိ ရပ်ဆိုင်းလိုက်ကြောင်း သိရသည်။
မြန်မာနိုင်ငံမှ ကိုရီးယားသို့ လုပ်သားပို့ဆောင်ရာတွင် နှစ်နိုင်ငံ အစိုးရမှ (၂) နှစ်သက်တမ်း စာချုပ်ဖြင့် လုပ်ကိုင်နေပြီး ယင်းစာချုပ်သက်တမ်း ကုန်ဆုံးပြီးနောက် စာချုပ်အသစ် ချုပ်ဆိုရန် ကိုရီးယားအစိုးရဘက်မှ ရပ်ဆိုင်းလိုက်ခြင်းဖြစ်သည်။

ရန်ကုန်မြို့ရှိ အလုပ်သမားရှာဖွေရေး အေဂျင်စီတခုမှ မန်နေဂျာတဦးက “အီးပီ (Employment Permit) လုပ်သားတွေရဲ့ အာမခံငွေတွေကို မြန်မာပွဲစားတွေက လက်မှတ်တုတွေနဲ့ ပို့တဲ့ကုမ္ပဏီနဲ့ ပေါင်းပြီး ထုတ်သွားတာတွေ ရှိတယ်။ ပြီးတော့ အီးပီ အလုပ်သမားတွေဆီက အကျိုးဆောင်ခတွေ အဆမတန်တောင်းပြီး လိမ်ထားတဲ့အမှုတွေ ရှိတယ်။ အဲလို မတရား ဖြတ်တောက်ခံရတာတွေကို တိုင်ကြားလာတဲ့အတွက် စစ်ဆေးဖို့ မြန်မာအာဏာပိုင်တွေဘက်က ပူးပေါင်းမှု မရှိတော့ အမှုက မပြီးသေးဘူး။ အဲဒါကြောင့် လုပ်သားတွေ ထပ်လက်ခံဖို့ ကိုရီးယားဘက်က ဆိုင်းငံထားတယ်” ဟု ခေတ်ပြိုင်သို့ ပြောကြားသည်။
ကိုရီးယားသို့ လုပ်သားပို့နေသည့် ကုမ္ပဏီက လုပ်သားများအပေါ် ချိုးဖောက်ထားသည့် အမှုများ မြန်မာဘက်က ကူညီဖြေရှင်းပေးခြင်း မရှိသရွေ့ ကိုရီးယားသို့ မြန်မာလုပ်သားပို့ဆောင်မှု ပြေလည်မည်မထင်ကြောင်း ၎င်းက ပြောသည်။

ကိုရီးယားသို့ တဦးတည်းကိုယ်စားလှယ်အဖြစ် လုပ်သားပို့ဆောင်ခွင့်ရထားသော ကုမ္ပဏီမှာ မြန်မာနိုင်ငံ စစ်မှုထမ်းဟောင်းအဖွဲ့မှ ဖွင့်လှစ်ထားသည့် ရွှေအင်းဝ ကုမ္ပဏီဖြစ်ကြောင်း ပြည်တွင်းအလုပ်သမားရှာဖွေရေး အေဂျင်စီအသိုင်းအဝိုင်းမှ သိရသည်။

ရွှေအင်းဝကုမ္ပဏီရုံးသို့ မေးမြန်းရာတွင် ကိုရီးယားအစိုးရ၏ တရားစွဲဆိုခြင်းခံရသူ မြန်မာအမျိုးသမီး ပွဲစားတဦးမှာ ၎င်းတို့ကုမ္ပဏီ ဝန်ထမ်းမဟုတ်သကဲ့သို့ သက်ဆိုင်မှုလည်း မရှိကြောင်း တာဝန်ရှိသူတဦးက ဖြေကြားခဲ့သော်လည်း အသေးစိတ် ပြောဆိုရန် ငြင်းပယ်သည်။

တောင်ကိုရီးယား ဆောအူးမြို့ရောက် ကိုမော်ဇင်က “အလုပ်သမားတွေ ရသင့်တဲ့အခွင့်အရေးတွေအတွက် စာချုပ်ချုပ်တဲ့နေရာမှာ ပွဲစားတွေဘက်က မလိမ့်တပတ် လုပ်ထားတာတွေ ရှိတယ်။ ဥပမာ Bonus (အပိုဆုငွေ) ရသင့်ပေမယ့် စာချုပ်ချုပ်တော့ လုပ်သားက မရဘဲ ပွဲစားက ဖြတ်ယူတာရှိတယ်။ အခု ကိုရီးယားမှာ လုပ်နေတဲ့ မြန်မာအများစုက ဒါတွေ မတရားခံနေတာရှိသလို တချို့က တိုင်ကြားလာတဲ့အဆင့်အထိ ရောက်လာတော့ ကိုရီးယားဘက်က အခုလို ညစ်လိုက်တာ ဖြစ်နိုင်တယ်” ဟု ပြောသည်။

အလုပ်သမားအေဂျင်စီ (သို့မဟုတ်) ပွဲစားက မတရားသဖြင့် အကျိုးဆောင်ခ ရယူခြင်း၊ အာမခံငွေများကို မသမာသည့်နည်းဖြင့် ထုတ်ယူခြင်း၊ လုပ်သားအခွင့်အရေး ဆုံးရှုံးခြင်းတို့အား နှစ်နိုင်ငံ သဘောတူညီချက်အရ တိုင်ကြားနိုင်ကြောင်း သိရသည်။

ကိုရီးယားသို့ ရောက်လာသည့် မြန်မာလုပ်သမားများ၏ အဓိက ပြဿနာများမှာ ကုမ္ပဏီ၊ အခြေခံလစာနှင့်ခံစားခွင့်၊ အလုပ်ချိန်၊ နားခွင့်၊ နေထိုင်စားသောက်ရေး၊ အချိန်ပိုလုပ်အားခ စသည့် ခံစားပိုင်ခွင့်များ ဆုံးရှုံးခြင်း၊ အန္တရာယ်ရှိ အလုပ်များ လုပ်ကိုင်ရခြင်းတို့ ဖြစ်သည်။

“နောက်ပြဿနာက ကိုရီးယားမှာ အီးပီနဲ့ လာပြီး အဆင်မပြေလို့ မြန်မာပြည်မပြန်ဘဲ နေနေတဲ့ မြန်မာ (၁,၀၀၀) ကျော်ရှိတယ်။ အဲဒီ Overstay (ရက်လွန်) တွေအတွက် ဖြေရှင်းနည်းလမ်းရှာဖို့ ကိုရီးယားက တောင်းဆိုထားတယ်။ မြန်မာသံရုံးတွေက အခွန်ကောက်တာက လွဲရင် ဘာမှ ဖြေရှင်းပေးဖူးတာ မရှိတော့ ပြေလည်ဖို့ မလွယ်ဘူးလေ” ဟု အေဂျင်စီတခုမှ အဆိုပါ မန်နေဂျာဖြစ်သူက ပြောသည်။

ကိုရီးယားအစိုးရ၏ တရားဝင် ထုတ်ပြန်ချက်အရ မြန်မာအလုပ်သမား (၃,၀၀၀) ခန့်ရှိပြီး အသေးစား ကုန်ထုတ်စက်ရုံ၊ အလုပ်ရုံများတွင် အများစုလုပ်ကိုင်ကြပြီး ဆောက်လုပ်ရေးလုပ်ငန်း၊ စိုက်ပျိုးရေးလုပ်ငန်း၊ ငါးလုပ်ငန်း အချို့တွင်လည်း လုပ်ကိုင်နေကြသည်။
အပြည့်အစုံသို့ >>

ထိုင်းနိုင်ငံအတွင်း ဆယ်စုနှစ်ကျော် နေထိုင်ခဲ့သူများ တရားဝင်နေထိုင်ခွင့် ရမည်

မြတ်ခိုင်ဦး / ၁၉ သြဂုတ် ၂၀၁၀

ဆယ်စုနှစ်နှင့်ချီ၍ ထိုင်းနိုင်ငံအတွင်း နေထိုင်နေသော တရားမဝင် ရွှေ့ပြောင်းနေထိုင်သူများအား အမြဲတမ်း နေထိုင်ခွင့်ပေးအပ်ရန် ထိုင်းအမျိုးသား လုံခြုံရေးကောင်စီမှ စဉ်းစားနေပြီဖြစ်ကြောင်း ယနေ့ထုတ် ဘန်ကောက်ပို့စ် သတင်းစာတွင် ဖော်ပြပါရှိသည်။

ထိုင်းနိုင်ငံအတွင်း တရားမဝင်အဖြစ် နှစ်ပေါင်း (၂၀၊ ၃၀) နေထိုင်လာခဲ့သည့် ရွှေ့ပြောင်းနေထိုင်သူများအား အမြဲတမ်းနေထိုင်ခွင့် အဆင့်အတန်းနှင့်ညီမျှသော အဆင့်အတန်းတခု ပေးအပ်ရန် ထိုင်းအမျိုးသား လုံခြုံရေးကောင်စီက စဉ်းစားနေပြီဖြစ်ကြောင်း ကော်မတီအထွေထွေအတွင်းရေးမှူး ခွန်သဝီ ပလီယန်စရီက ပြောကြားသည်။ ထိုင်းနိုင်ငံအတွင်း ဝင်ရောက်နေထိုင် အလုပ်လုပ်ကိုင်နေသော လူဦးရေ (၃) သန်းနှင့် ပတ်သက်၍ ယမန်နေ့က ကျင်းပသော အစည်းအဝေးတွင် အမျိုးအစား (၄) မျိုး ခွဲခြားသတ်မှတ်ခဲ့ပြီး (၈၀) ရာခိုင်နှုန်းသည် ရွှေ့ပြောင်းအလုပ်သမားများဖြစ်ကြသည်ဟု သိရသည်။

ထိုင်းနိုင်ငံတွင် လာရောက် နေထိုင်နေသောသူများအား သက်ဆိုင်ရာနံပါတ်ဖြင့် အမျိုးအစားခွဲခြားထားပြီး ထိုင်းနိုင်ငံသား အပါအဝင် အထောက်အထားလက်မှတ် ကိုင်ဆောင်ထားသူများသည် ဂဏန်း (၁၃) လုံးပါသော ကိုယ်ပိုင်သက်သေခံအမှတ် ရှိကြကာ ရွှေပြောင်းအလုပ်သမားများ၏ အမှတ်စဉ်မှာ (၀၀) ဖြင့် စတင်သည်။

ထိုင်းနိုင်ငံအတွင်း အမြဲတမ်းနေထိုင်ခွင့်ရမည့်သူများသည် ပထမအဆင့် အုပ်စုတွင်ပါဝင်ပြီး လူဦးရေ (၂) သိန်းခန့် ရှိကာ ၎င်းတို့ကို ထုတ်ပေးထားသော ယာယီနေထိုင်ခွင့် မှတ်ပုံတင်တွင် နံပါတ် (၆) ဖြင့် စတင်သည်။ ထိုသူတို့၏ ရင်သွေးများမှာ နံပါတ် (၇) ဖြင့် စတင်ပြီး ယင်းကလေးသူငယ်များသည် ထိုင်းနိုင်ငံသားအဖြစ် ခံယူခွင့်ရရှိမည်ဖြစ်သည်။

ဒုတိယအမျိုးအစားမှာ နေထိုင်ခွင့် (၁၀) နှစ်ကတ်ဟု လူသိများပြီး (၀) ဖြင့်စတင်၍ လူဦးရေ (၅) သိန်းခန့် ရှိနေပြီး တရားဝင်အထောက်အထား ထုတ်ပေးထားသူများမှာ (၁) သိန်းခန့်သာ ရှိသေးကာ ကျန်သူများကို ဆက်လက်စာရင်း ကောက်ယူရန် စဉ်းစားမည်ဖြစ်သည်။

တတိယအမျိုးအစားမှာ အထူးသဖြင့် ဒုက္ခသည်များကို ဆိုလိုပြီး ထိုင်းခရိုင် (၄) ခုတွင်ရှိသော စခန်း (၉) ခုတွင် နေထိုင်သူများဖြစ်ကာ အချို့မှာ ရိုဟင်ဂျာနှင့် မြောက်ကိုးရီးယား လူမျိုးများ ပါဝင်မည်ဖြစ်သည်။ ထိုသူများအား လူသားချင်းစာနာမှုအဖြစ် ယာယီနေထိုင်ခွင့် ပေးထားမည် ဖြစ်သော်လည်း အမြဲတမ်းနေထိုင်ခွင့် ရဦးမည်မဟုတ်ပေ။

စတုတ္ထအမျိုးအစားမှာ ထိုင်းနိုင်ငံသို့ တရားဝင်ဗီဇာဖြင့် လာရောက်ပြီး နေထိုင်ခွင့်လွန်သွားသူများဟု သတ်မှတ်သည်။

ထို့အပြင် ၁၉၉၅ ခုနှစ် ဇန်နဝါရီလ (၁၈) ရက်နောက်ပိုင်းတွင် ထိုင်းနိုင်ငံအတွင်း မွေးဖွားလာသော ကလေးသူငယ်များအား နိုင်ငံသားဖြစ်ခွင့်ကိုလည်း စဉ်းစားသွားမည်ဖြစ်သည်။ အဆိုပါကလေးများအကြားတွင် မိဘမဲ့ကလေးဦးရေ (၂,၉၀၀) ခန့် ရှိနေသည်ဟု သိရသည်။

ထိုသို့အမြဲတမ်း နေထိုင်ခွင့်ရရှိမည့်သူများသည် အစိုးရထံ အခွန်ဆောင်ရမည်ဖြစ်ပြီး နေထိုင်စဉ်ကာလအတွင်း နေထိုင်ရာဒေသ၏ လုပ်သားလိုအပ်ချက်အပေါ် မူတည်၍ အလုပ်ရရှိမည်ဖြစ်သည်။

မဲဆောက်မြို့နေ မြန်မာနိုင်ငံသားတဦးက သူမကိုင်ဆောင်ထားသော လက်မှတ်သည် နံပါတ် (၆) ဖြင့် စတင်ပြီး ရင်သွေးငယ်မှာလည်း အလားတူဖြစ်သည်ဟု ဆိုသည်။ သို့ရာတွင် အဆိုပါကလေးသည် ၁၉၉၅ နောက်ပိုင်း မွေးဖွားလာသူဖြစ်၍ နိုင်ငံသား ဖြစ်ခွင့်ရှိမည်ဖြစ်သည်။
အပြည့်အစုံသို့ >>

Thursday 5 August 2010

နိုင်ငံကူးလက်မှတ်အသစ်များ စတင်ထုတ်ပေး

မြတ်ခိုင်ဦး / ၀၄ သြဂုတ် ၂၀၁၀  

ယခုနှစ်အစောပိုင်းကတည်းက ကြေညာထားခဲ့သော bar code စနစ်သုံး မြန်မာနိုင်ငံကူးလက်မှတ်အသစ်များကို ယခုရက်ပိုင်းမှစ၍ ဘန်ကောက်ရှိ မြန်မာသံရုံးမှ စတင်ထုတ်ပေးနေပြီဖြစ်ကြောင်း သိရသည်။

ယခုရက်ပိုင်းအတွင်းမှစတင်၍ ဘန်ကောက်ရှိ မြန်မာသံရုံးသို့ မိမိကိုင်ဆောင်ထားသော နိုင်ငံကူးလက်မှတ်၏ သက်တမ်းတိုးခြင်း၊ စာအုပ်စာမျက်နှာကုန်၍ အသစ်လဲလှယ်လို၍ သွားရောက်သူများအား အဆိုပါနိုင်ငံကူး လက်မှတ်အသစ်ကို ပြုလုပ်ပေးနေခြင်းဖြစ်သည်။ အဆိုပါ စာအုပ်အသစ် ပြုလုပ်ခြင်းကာလသည် (၁၄) ရက် ကြာမြင့်မည်ဖြစ်ကြောင်း သိရှိရသည်။
ပြီးခဲ့သည့် ဧပြီလမှစတင်၍ နိုင်ငံကူးလက်မှတ်အသစ်များအား သံရုံးအသီးသီးမှ ပြောင်းလဲထုတ်ပေးမည်ဟု ကြေညာထားခဲ့သော်လည်း မပြုလုပ်နိုင်ခဲ့သေးဘဲ ယခုရက်ပိုင်းအတွင်းမှ စတင်၍ ထုတ်ပေးနေခြင်းဖြစ်သည်။

မေလအတွင်းက သွားရောက်သက်တမ်းတိုးသူတဦးက “ကျနော်တို့သွားလုပ်တုန်းက မရသေးဘူး။ ကျနော်တို့ကို ဘာညွှန်ကြားချက်မှ မလာသေးပါဘူးဆိုပြီး back date နဲ့ လုပ်ပေးလိုက်တယ်” ဟု ဆိုသည်။

ထိုသို့သွားရောက်လဲလှယ်ရာတွင် (က) နိုင်ငံကူးလက်မှတ်မူရင်းနှင့် စာမျက်နှာအားလုံး၏မိတ္တူများ၊ (ခ) (၁.၅ × ၂.၀) လက်မအရွယ်အစား ဓာတ်ပုံ (၃) ပုံ၊ (ဂ) လက်ရှိလအထိ အခွန်ဆောင်ထားသောပြေစာ မိတ္တူ၊ (ဃ) ကျောင်းသားဖြစ်လျှင် ကျောင်းသားဖြစ်ကြောင်း ထောက်ခံစာနှင့် ကျောင်းသားကတ်မိတ္တူ (သို့) မှီခိုသူဖြစ်ပါက ၎င်းအမှီခိုခံရသူ၏ အခွန်ပြေစာလက်မှတ် (သို့) အလုပ်လုပ်ကိုင်နေပါက အလုပ်လုပ်ကြောင်း ထောက်ခံစာ (အလုပ်ခန့်စာ)၊ (င) ဘတ်ငွေ (၄,၀၀၀) တို့ ပေးဆောင်ရမည်ဖြစ်သည်။ ယခင်က (၃) နှစ်ကာလအတွက် စာအုပ်သက်တမ်း တိုးမည်ဆိုပါက ဘတ်ငွေ (၄,၀၀၀)၊ (၁၀) နှစ်ပြည့် (သို့) စာမျက်နှာကုန်ဆုံး၍ စာအုပ်အသစ်လုပ်မည်ဆိုပါက ဘတ်ငွေ (၁၂,၀၀၀) ပေးဆောင်ရသည်။

အဆိုပါ စာအုပ်အပြောင်းအလဲကို မဖြစ်မနေ လုပ်ရမည်ဖြစ်ကြောင်း သံရုံးတွင် စာကပ်ထားသည်ဟု သိရသည်။ သင်္ဘောသားများမှလွဲ၍ ကျန်သည့်မြန်မာနိုင်ငံကူးလက်မှတ် ကိုင်ဆောင်သူများ၏ စာအုပ်သက်တမ်းသည် (၃) နှစ် (၁) ကြိမ် တိုးမြှင့်ရမည်ဖြစ်ပြီး၊ သင်္ဘောသားများမှာ သက်တမ်း (၅) နှစ်ရရှိမည် ဖြစ်သည်။

ကိုယ်တိုင်သွားရောက် လုပ်ဆောင်ခဲ့သူတဦးက “ဘာလဲမသိဘူး၊ ထပ်ထည့်ထားတာပဲ ဆိုတော့ စက်နဲ့ဖတ်လို့ ရတယ်ပေါ့၊ ကျန်တာ အရင်အတိုင်းပဲ၊ ဘယ်ညာ လက်မလက်ဗွေကို သူတို့စက်ကလေးမှာ နှိပ်ရတယ်” ဟု ဆိုသည်။

အဆိုပါ လက်ဗွေများကို စက်ဖြင့်ဖတ်၍ရရန် ထည့်သွင်းသွားမည်ဖြစ်ပြီး ကိုင်ဆောင်သူလက်မှတ်လည်း မှတ်တမ်းသွင်းပါရှိမည်ဖြစ်သည်။ အဆိုပါ အမှတ်အသားအားလုံးသည် Digital စနစ်အဖြစ် လက်ခံစစ်ဆေး၍ ရနိုင်မည်ဖြစ်သည်။ အဆိုပါ အပြောင်းအလဲကာလအတွင်း ယခင်နိုင်ငံကူးလက်မှတ်အဟောင်းအား ကာယယကံရှင်မှ ကိုင်ဆောင်ထားခွင့်ရှိကာ ဗီဇာသက်တမ်း မကုန်ဆုံးသေးသည်အထိ ဆက်လက် အသုံးပြုနိုင်မည်ဖြစ်သည်။
အပြည့်အစုံသို့ >>
Related Posts with Thumbnails
ဘဝတူ အလုပ်သမားအချင်းချင်း ယိုင်းပင်းကူညီကြ.... မိမိအခွင့်အရေးအတွက် မိမိကိုယ်တိုင် ရုန်းထတိုက်ပွဲဝင်ကြ...

ထိုင်းနိုင်ငံရောက် ရွှေပြောင်းမြန်မာ အလုပ်သမား တွေရဲ့ ဘဝကို ပေါ်လွှင်စေတဲ့ ကဗျာဆရာ ကောင်းကင်ကို ရဲ့ "ကျွန်" ကဗျာ ရွက်သံ

Get this widget | Track details | eSnips Social DNA

လာလည်ကြသည့် ဧည့်သည်တော်များ
widgeo.net

မြန်မာပြက္ခဒိန်

ဖိတ်ခေါ်အပ်ပါသည်

ရောင်ခြည်ဦး ဘလော်အတွက် အလုပ်သမားများနှင့် ပတ်သတ်သော သတင်း၊ ဓာတ်ပုံ၊ ဆောင်ပါး၊ ကဗျာ၊ ဝတ္တုတိုများ နှင့် ရင်ဖွင့်စာများ ပေးပို့ပါရန် ဖိတ်ခေါ်အပ်ပါသည်။
Email:; sawjack007@;gmail,com

  © Blogger templates ProBlogger Template by Ourblogtemplates.com 2008

Back to TOP