Monday 31 May 2010

“ရှပ်နီကြာက မြန်မာရွှေပြောင်း အလုပ်သမားများ”

“ငါသူဌေး သြစီကို ပြန်သွားပြီး၊ ငါအလုပ်ပြုတ်သွားပြီး၊ အလုပ်တစ်ခုလောက်ရှာပေးပါလာ’’ ဖုန်းထဲက နေ ကျွန်တော်မိတ်ဆွေ မိန်းကလေးတစ်ယောက် ပြောလိုက်တဲ့စကားပါ။ သူ့သူဌေးက ရှပ်နီတွေ ဆန္ဒပြနေ့တဲ့ လုံပနီပန်ခြံနားမှာ နေကြတာပါ။ ညညဆို အနီတွေရဲ့ သီချင်းဆိုသံ၊ အော်သံ၊ ဟစ်သံတွေကြောင် အဲဒီပတ်ဝန်ကျင်းက လူတွေ ကောင်းကောင်းအိပ်လိုမရကြပါဘူး။ သူဌေးအများစုကတော့ ညဆိုရင် ဟော်တယ်မှာ သွားပြီးအိပ်ကြပါတယ်။ ကြာလာတော့ အဲဒီနေရာမှာ အခြေအနေတွေ ပိုပြီးဆိုးလာပါတယ်။ ဈေးဆိုင်တွေ၊ ထမင်းဆိုင်တွေ၊အလုပ်ရုံတွေ ပိတ်လာကြသလို့၊ တိုက်ခန်းတွေမှာ လူတွေလည်း တစ်ဖြည်းဖြည်းနဲ့ စွန်ခွာပြီး တစ်ခြာတိုက်တွေမှာ ပြောင်ရွှေ့ နေထိုင် ကြကုန် ပါတယ်။ နောက်ပိုင် နိုင်ငံခြားသားတွေ တောတော်များများက ဘန်ကောက်မြို့ကိုတောင် စွန်ခွာပြီး သူတို့မိခင်နိုင်ငံကို ပြန်ကြကုန်တယ်။ သူတို့မှာ အလုပ်လုပ်နေကြတဲ့ မြန်မာအလုပ်သမား တွေကို လုပ်အားလခပေးပြီး အလုပ်ထုတ်လိုက်ကြကုန်ပါတယ်။ နိုင်ငံခြားသားအိမ်တွေမှာ လုပ်နေကြ တဲ့ ကျွမ်းကျင်အလုပ်သမားတွေရတဲ့ လခက တစ်ခကို ဘတ် ၁၀၀၀၀ ကျော်ပါတယ်။
သူတို့တွေလိုပါပဲ ရှပ်နီတွေ ဆန္ဒပြတဲ့ လုံမနီပန်းခြံကို ကျွန်တော်ရောက်သွားတော့ အဲဒီမှာ ဈေးရောင်းနေကြတဲ့ ကျွန်တော်မိတ်ဆွေတွေကို မတွေ့တော့ပါဘူး။ သူတို့လည်း ဈေးရောင်း မကောင်းလို နားနေကြတာ ၂ လကျော်ကြာနေပါပြီး၊၊ ဒီနှစ်လအတွင်မှာ အလုပ်ရှင်က သူတို့ကို အလုပ်မဖြုတ်ပေးမယ် လခတော့မပေးတော့ပါဘူး၊ အဲ မကျေနပ်ရင်တော့ တစ်ခြားအလုပ်ကို သူတို့ပြောင်းရွှေ့နိုင်ပါတယ်။ ဒါပေမယ့် သူတို့တွေ တစ်ခြားအလုပ်သစ်ကို မရှာကြပါဘူး၊ ဘာကြောင့်လဲဆိုတော့ လက်ရှိသူတို့လက်နေတဲ့ အလုပ်က တစ်ခြားအလုပ်ထက်ရှာရင် ၀င်ငွေကောင်းနေလိုပါပဲ။
အဲဒီဝန်ကျင်းက စားသောက်ဆိုင်တွေက မိတ်ဆွေတွေကို သွားတွေ့ကြည့်တော့ သူတို့လည်း ဆိုင်ပိတ်ထားကြပါတယ်။ အလုပ်မပြုတ်ပေးမယ် လခတော့ မရကြတော့ပါဘူး၊ သူတို့အလုပ်မပြုတ် ပေးမယ် တစ်ခြားအလုပ်သမားတွေကိုတော့ အလုပ်ရှင်က ပွင်းပွင်းလင်းလင်းပဲ အလုပ်ဖြုတ်ပစ် လိုက်ပါတယ်။ ဘာကြောင့်လဲဆိုတော့ သူတို့က ကျွမ်းကျင်းလုပ်သားမလုပ်သလို၊ဆိုင်ပြန်ဖွင့်ဖြစ်ရင် အရင်လို ရောင်းအားကောင်းသေးမှာ မဟုတ်သေးတဲ့အတွက် အပြီးအလုပ်ဖြုတ်လိုက် တာပါ။ အလုပ်ပြုတ်တဲ့ အလုပ်သမားတွေအတွက် အရေးတကြီးလိုအပ်နေတာကတော့ သူတို့စိတ်ကြိုက် အလုပ်သစ်ပြန်ရရေးပါပဲ၊၊
ယောကျာ်းလေးတွေက မိန်ကလေးထက်စာရင် အလုပ်ရှာရခက်ပါတယ်။ စာသောက်ဆိုင်တွေ အားလုံးက မိန်ကလေးတွေကိုပဲ အလုပ်ခန့်ကြတာ များကြတာပါ။ ယောကျာင်္လေးတွေဆိုရင် အချက်အပြုတ်ကျွမ်းကျင်၊ ဘာကျွမ်းကျင်းမှညာကျွမ်းမှ အလုပ်ခန့် ကျတာများပါတယ်။
ဒါပေမယ့် လက်ရှိအခြေအနေမှာ အနီတွေဆန္ဒပြတဲ့ ပတ်ဝန်ကျင်းမဟုတ်တဲ့ အခြားပတ်ဝန်ကျင်းက စာသောက်ဆိုင်၊ ဈေးဆိုင်တွေအားလုံး ရောင်းအားမကောင်းတဲ့ အတွက် အလုပ်သမားအသစ်ဆိုတာ လက်မခံကြပါဘူး၊ သူတို့မှာရှိတဲ့ အလုပ်သမားတွေကို တောင် အလုပ်ဖြုတ်ပစ်နေကြတာပါ။
အဲအလုပ်မပြုတ်တဲ့ အလုပ်သမားဆိုလို ထိုင်းအိမ်တွေမှာလုပ်တဲ့ အိမ်ဖော်အလုပ်သမား တွေပဲ ရှိပါတယ်။ သူတို့ကို သွားတွေ့တော့ အေးဆေးပါပဲတဲ့၊၊ သူတို့တွေ ဘယ်သူမှ အလုပ်ပြုတ်တာ မကြားပါဘူးတဲ့။ သူတို့မှာ အလုပ်တောင်ပိုပြီးများလာပါတယ်။ ဘာကြောင့်လဲဆိုတော့ သူဌေးတွေက အနီတွေ ဆန္ဒပြနေတဲ့ အတွက် အပြင်ကို သွားသွားလာလာ မလုပ်တော့တဲ့ အတွက် သူတို့မှာ ယားလိုတောင်း မကုတ်အားဘူး ဖြစ်နေတဲ့ဆိုပဲ။
တစ်ခြားလုပ်ငန်းခွင်က အလုပ်သမားတွေက အားလုံးနီးပါ အလုပ်ပြုတ်ကျပါတယ်။ သူဌေတွေက လစာရှင်းပေးတာရှိသလို၊ တစ်ချို့သူဌေတွေက ရှေ့လလာယူပါ၊ နောက်လလာယူပါ ဆိုပြီး ဟိုချိန်း၊ဒီချိန်းနဲ့ သူတို့ခများ ချီးဌားပြီး စားနေကြပါတယ်။ သူတို့ကတော့ တွေ့တဲ့အလုပ်ကို ပြန်ပြီးဝင်လုပ်ပါကြပါတယ်။ ဂျီးမများကြပါဘူး။
ဆန္ဒပြတဲ့လ ကြာလာတာနဲ့အမျှ စာသောက်ဆိုင်၊ ဈေးဆိုင်က အလုပ်ပြုတ်နေတဲ့ လူတွေလည်း သူတို့အလုပ်ကို မစောင့်နေနိုင်တော့ပါဘူး။ တွေ့တဲ့အလုပ်ကို ရှာပြီး ခဏတာ ၀င်လုပ်ကြဖို့ အလုပ်သစ်ကို အပူတစ်ပြင်းလိုက်ရှာကြကုန်ပါတယ်။ သူတို့လက်ထဲမှာ သုံးဖို့စွဲဖို ၀င်ငွေမှ မရှိတော့တာ။
ဒါပေမယ့် အများစုက သူဌေအပြောင်းအလွှဲလုပ်ပြီးမှ ၀င်ရမယ့် အလုပ်ဆိုရှောင်ကြပါတယ်။ ၀င်မလုပ်ကြပါဘူး။ (အလုပ်သမားလက်မှတ်) ဘတ်လေရှိတဲ့ဆိုတာပြပြီး ၀င်လုပ်လို့ရတဲ့ အလုပ်ကိုပဲ ရှာဖွေကြပါတယ်။ သူတို့တွေအများစုက ဘတ်ကို(အလုပ်သမားလက်မှတ်) အပြင်ပွဲစားနဲ့ လုပ်တဲ့ လူတွေများကြပါတယ်။ နောက်ပြီးသူတို့လုပ်တဲ့ အလုပ်ရှင်ကို မကြိုက်ရင် အချိန်မပြောင်းလိုရဖို့ အတွက်ရယ်ပါ။ သူဌေးအပြောင်းအလွှဲလုပ်ရတာ ပိုက်ဆံကုန်သလို၊ စိတ်လည်းညစ်ဖို့ကောင်းတဲ့ အတွက် ဒါမျိုးတွေ သူတို့ရင်မဆိုင်ချင်ပါဘူး။
အလုပ်ပြုတ်တဲ့ လူတွေအများစုနဲ့ စကားပြောကြည်တော့ “အစ်ကိုက ဘာကူညီပေးနိုင်မှာမို့လိုလဲတဲ့”
“ဟုတ်ကဲ့၊ ကျွန်တော်အများကြီးတော့ မကူညီနိုင်ပါဘူး၊ အလုပ်တွေတော့ရှာဖွေပေးနိုင်ပါတယ်။ ဒါပေမယ့် ဂျီးတော့မများနဲ့ဗျာ” လို ပြောထားရတယ်။ နောက်မဟုတ်ရင် မလွယ်ဘူး။
အမှန်တော့ ဘန်ကောက်မှာ အလုပ်တွေက ပေါပါတယ်။ လမ်းပေါ်တစ်ချက်ထွတ်လိုက်ရင် လမ်းဘေးတွေ၊ဆိုင်တွေ၊ဈေးတွေ၊အလုပ်ရုံရှေ့တွေမှာထိုင်းဘာသာနဲ့ လတ်စမတ်ငန် (အလုပ်သမား အလိုရှိသည်) ဆိုတာတွေ့နေကြ။ဒါပေမယ့် မြန်မာအလုပ်သမားတစ် ယောက်အနေ့နဲ့ တန်ရာတန်ကြေးရတဲ့ အလုပ်ဆိုတာခပ်ရှားရှား၊ နောက်ပြီးကိုယ်ရှာပေးတဲ့ အလုပ်နဲ့ သူတို့လုပ်ချင်တဲ့ အလုပ်လည်း တူညီချင်မှ တူညီမှာ။ ဒါပေမယ့် ဘာပဲပြောပြော သူတို့ကို နိုင်သလောက် အလုပ်ရှာပေးခဲ့ပါတယ်။
ခုတော့ ဆန္ဒပြပွဲတွေ ပြီးဆုံးကုန်ပါပြီး။ ဒါပေမယ့် အရေးပေါ်အခြေအနေ ပြဌာန်ထားတုန်းပဲပါ။ ညမထွတ်ရအမိန့်။ ညမထွတ်ရအမိန့်ဆိုတော ဘန်ကောက်တစ်မြို့လုံးက ညအလုပ်သမားတွေ အားလုံးနီးပါး အလုပ်ရုံတွေ စားသောက်ဆိုင်တွေ ပိတ်လိုက်ကြတယ်။ခုတော့ ည ၁၂ မှ မနက် ၄ နာရီထိမထွတ်ရ အမိန့်။ညအလုပ်သမားတွေ ထိခိုက်ကြကုန်ရော။ ၁၁ နာရီလောက်မှာ စာသောက်ဆိုင်တွေ ပိတ်လိုက်ရတယ်။ မနက် ၄ နာရီထိုးရင် ပြန်ပြီးအလုပ်ပြန်လုပ်ကြရတယ်။ အဲဒီထဲမှာ ညဌက်တွေလည်း ပါတယ်။ သူတို့ကတော့ ဆင်ပိန်ရင် ကျွဲလောက်ကျန်သေ တယ်လို့ပြောရမယ်။ ဒါပေမယ့် အရင်ကလောက် ဖောက်သည်တွေ များများစားစားမရတော့ဘူး။ ည ၁၂နောက်ပိုင်း မထွတ်ရဆိုတော့ အဲဒီမတိုင်းခန့် ကထဲက ဖောက်သည်ရှာထားရတယ်။ ဒါလည်းသိပ်မကြာပါဘူး၊ နောက်တော့ ပုံမှန်ပြန်ဖြစ်သွားမှာပါ။ ဒါပေမယ့် အလုပ်ပြုတ်နေကြတဲ့ မြန်မာရွှေ့ပြောင်းအလုပ်သမားတွေကတော့ ခုချိန်မှာ အကူအညီတွေ လိုအပ်နေတာကတော့ အမှန်ပါပဲ။
သူတို့လိုချင်တာကတော့ သူတို့စိတ်ကြိုက် အလုပ်သစ်ပြန်ရရေးပါပဲ။
အယ်ကဟော
၂၅၊၅၊၂၀၁၀

အပြည့်အစုံသို့ >>

ယာယီပတ်စပို့များ ထိုင်းဘက်တွင် ထုတ်ပေးရန် ညှိနှိုင်း


.မြတ်ခိုင်ဦး / ၃၁ မေ ၂၀၁၀၊ခေတ်ပြိုင်


ယာယီပတ်စပို့ ထုတ်ပေးရေးရုံးများကို ထိုင်းနိုင်ငံဘက်ခြမ်းတွင် ပြောင်းရွှေ့ဖွင့်လှစ်ရန် အလားအလာကောင်းများ ရှိနေပြီဟု ရနောင်းခရိုင်ဝန်က ပြောကြားလိုက်သည်။

နိုင်ငံသားစိစစ်ရေးပြုမှု လုပ်ငန်းစဉ်များ၏ ရှိခဲ့သော အခက်အခဲနှင့် နောင်လာမည့်ကာလအတွင်း ဖြစ်ပေါ်တိုးတက်လာနိုင်မှု အခြေအနေများအား ရနောင်းခရိုင်ဝန် မစ္စတာ ဝမ်ချတ်ဝေါင်ချိုင်းချနာက သတင်းမီဒီယာများအား ရှင်းလင်းတင်ပြရာတွင် ပြောကြားခဲ့ကြောင်း ပြီးခဲ့သည့် မေ (၂၈) Nation Channel တွင် သတင်းဖော်ပြပါရှိသည်။

နိုင်ငံသား စိစစ်ရေးလုပ်ငန်းစဉ်သည် ထိုင်းနှင့်မြန်မာ နှစ်နိုင်ငံကြား အပြန်အလှန် ဆောင်ရွက်ရသည့် အဆင့်ပေါင်း (၂၅) ဆင့်ရှိပြီး ရှုပ်ထွေးပွေလီသည့်အပြင် မြန်မာအာဏာပိုင်များဘက်မှလည်း လုပ်ဆောင်မှု နှေးကွေးခဲ့ကြောင်း၊ ထို့အတွက် ကြိမ်ဖန်များစွာ ညှိနှိုင်းမှုများ ပြုလုပ်ခဲ့ပြီးသည့်နောက် ယခုကဲ့သို့ ထိုင်းနိုင်ငံဘက်တွင် ရုံးဖွင့်လှစ်နိုင်မည့် အနေအထားများ ရှိလာခြင်းဖြစ်ကြောင်း၊ ယင်းသို့ဖွင့်လှစ်နိုင်ပါက စိစစ်ရေးလုပ်ငန်း ပိုမိုလျင်မြန်စွာ လုပ်ဆောင်နိုင်လိမ့်မည်ဖြစ်ကြောင်း မစ္စတာ ဝမ်ချတ်ဝေါင်ချိုင်းချနာက သတင်းမီဒီယာများနှင့် ဆွေးနွေးပွဲတွင် ပြောကြားခဲ့သည်။
.၎င်းက “ယခင်ကာလက အဓိကအခက်အခဲကတော့ ထိုင်း၊ မြန်မာ နှစ်နိုင်ငံစလုံးမှာ လုပ်ဆောင်ရတဲ့ ရှုပ်ထွေးပွေလီပြီး အဆင့်များစွာပါဝင်တဲ့ နိုင်ငံသားစိစစ်ရေးပြုမှု စနစ်ကြောင့်ပါ။ ဒါပေမယ့်လို့ အဓိကကျတဲ့အချက်က မြန်မာအာဏာပိုင်တွေသာ ထိုင်းနိုင်ငံဘက်အခြမ်းမှာ အခြေစိုက်ရုံးတွေ ဖွင့်လှစ်နိုင်မယ်ဆိုရင် ဒီအခက်အခဲတွေ အများကြီး လျှော့ဆင်းသွားမှာပါ။ နောက်ထပ်အဓိက ကျတာတခုကတော့ ဒီဟာကို ဆုံးဖြတ်လုပ်ကိုင်ပိုင်ခွင့်ကို ဗဟိုအစိုးရတွေကနေ တိုက်ရိုက်မချုပ်ကိုင်ဘဲ ခရိုင်ဒေသ အာဏာပိုင်တွေကို လုပ်ပိုင်ခွင့်ပေးရင် ပိုကောင်းလာမှာပါ။ အရင်တုန်းကဆိုရင် ဒီလုပ်ငန်းစဉ်ဟာ ဗဟိုအာဏာ ပိုင်တွေကို တင်ပြရတာဖြစ်တဲ့အတွက် အလွန်ကိုနှေးကွေးစေပြီး တနေ့မှ (၄၀၀) ခန့်သာ ပြီးစီးနိုင်ပါတယ်။ ဒါကြောင့် (၁.၅) သန်းရှိတဲ့ ရွှေ့ပြောင်းအလုပ်သမားတွေဟာ စောင့်ဆိုင်းနေရဆဲရှိပါတယ်” ဟုဆိုသည်။

ပြီးခဲ့သည့်မေ (၂၇) ရက်တွင် မြန်မာပြည်တွင်း၌ပြုလုပ်သော ထိုင်းနိုင်ငံရှိ မြန်မာရွှေ့ပြောင်း အလုပ်သမားများ၏ နိုင်ငံသားစိစစ်ရေးပြုမှု လုပ်ငန်းစဉ်အခြေအနေ ရှင်းလင်းပွဲ၌လည်း မေ (၂၆) ရက်နေ့အထိ စင်တာ (၃) ခုမှ ယာယီနိုင်ငံကူးလက်မှတ် (၉၀,၉၁၈) ဦးသာ ထုတ်ပေးရသေးကြောင်း သိရပြီး မကြာခင်ကာလအတွင်း ထိုင်းနိုင်ငံတဘက်ကမ်း ရနောင်းမြို့တွင် ယာယီပတ်စပို့ ထုတ်ပေးရေးစင်တာကို ပြောင်းရွှေ့ဖွင့်လှစ်တော့မည်ဖြစ်ကြောင်း နိုင်ငံခြားရေးဝန်ကြီးဌာန ဒုတိယဝန်ကြီး ဦးမောင်မြင့်က အစီရင်ခံသည်။

ရနောင်းမြို့၌ ယာယီပတ်စပို့ ထုတ်ပေးရေးရုံးကို လာမည့်ဇွန် (၆) ရက်တွင် စတင်ဖွင့်လှစ်မည်ဟု သိရှိရပြီး ရုံးအဆောက်အဦကို ဘန်ကလင်းဘက်တွင် တည်ဆောက်နေသည်မှာ ပြီးစီးသွားပြီဖြစ်ကြောင်း ရနောင်းမြို့ခံတဦးက ပြောသည်။

ရွှေ့ပြောင်းနေထိုင်သူများဆိုင်ရာ နိုင်ငံတကာအဖွဲ့ (IOM) ၏ ဧပြီ (၂၇) ရက် အစီရင်ခံစာအရ နိုင်ငံသားစိစစ်ရေးလျှောက်လွှာ တင်သွင်းထားသူပေါင်း (၈၂၂,၀၉၃) ဦးရှိပြီး ယာယီနိုင်ငံကူးလက်မှတ် ကိုင်ဆောင်ခွင့် ရရှိထားသူ အရေအတွက်မှာ (၇၁,၃၉၀) ဦး ရှိပြီဖြစ်ကြောင်း သိရှိရသည်။


ယမန်နှစ်က နောက်ဆုံးအကြိမ် ဖွင့်လှစ်ပေးသော ထိုင်းနိုင်ငံအတွင်း ရွှေ့ပြောင်းအလုပ်သမားများ မှတ်ပုံတင်ခွင့် စာရင်းတွင် မြန်မာနိုင်ငံသား အလုပ်သမားဦးရေမှာ (၁.၁) သန်းရှိခဲ့ပြီး ယခုနှစ် ဖေဖော်ဝါရီလကုန်အထိ လက်မှတ်သက်တမ်း ပြန်လည် တိုးခွင့်ပြုခဲ့ရာတွင် မြန်မာအလုပ်သမား (၈) သိန်းကျော်သာ သက်တမ်းဆက်ခဲ့ပြီး (၃) သိန်းခန့်မှာ တရားမဝင် အလုပ်သမားများအဖြစ်သို့ ထပ်မံကူးပြောင်းသွားခဲ့ပြီးဖြစ်သည်။

ထိုသို့ တရားမဝင် အလုပ်သမားများအား ဖမ်းဆီးပြန်ပို့မည်ဟု ထိုင်းအစိုးရက တရားဝင်ကြေညာထားသော်လည်း ထိုင်းနိုင်ငံအတွင်းသို့ တရားမဝင် ဝင်ရောက်လာမှုများ ဆက်လက်ရှိနေဆဲဖြစ်သည်။

ထိုင်းနိုင်ငံအတွင်း မြန်မာရွှေ့ပြောင်း အလုပ်သမားဦးရေ စုစုပေါင်း (၂) သန်းခန့်ရှိမည်ဟု အလုပ်သမားအရေး လုပ်ဆောင်နေသူများမှ ခန့်မှန်းထားကြသည်။
အပြည့်အစုံသို့ >>

Saturday 29 May 2010

သက်တမ်းတိုးရန် ဆေးမစစ်ရသေးသည့် မြန်မာအလုပ်သမားများ စိုးရိမ်

မြတ်ခိုင်ဦး / ၂၈ မေ ၂၀၁၀

အလုပ်သမားလက်မှတ် သက်တမ်းတိုးခြင်း လုပ်ငန်းစဉ်အား ထိုင်းအစိုးရက ပြီးခဲ့သည့် ဖေဖော်ဝါရီ (၂၈) ရက် နောက်ဆုံးထား သတ်မှတ်ခဲ့သော်လည်း အချို့အလုပ်ရုံများရှိ မြန်မာရွှေ့ပြောင်း အလုပ်သမားများသည် ဆေးစစ်မှတ်တမ်းပင် မပြုလုပ်ရသေး၍ စိုးရိမ်ပူပန်နေကြောင်း သိရသည်။
မြန်မာ၊ ကမ္ဘောဒီးယား၊ လာအို စသော အိမ်နီးချင်း (၃) နိုင်ငံမှ ထိုင်းနိုင်ငံသို့ လာရောက် အလုပ်လုပ်ကိုင်ကြသည့် ရွှေ့ပြောင်းအလုပ်သမားများသည် ၎င်းတို့၏ အလုပ်သမားလက်မှတ်ကို တနှစ်တခါ သက်တမ်းတိုးကြရသည်။ ထိုသို့ သက်တမ်းတိုးခြင်းကို ၂၀၁၂ အထိ ခွင့်ပြုမည်ဟု ပြီးခဲ့သည့် ဇန်နဝါရီ (၁၉) ရက်တွင် တရားဝင်ကြေညာခဲ့သည်။

သို့သော် ယခုအချိန်အထိ အလယ်အဆင့်ဖြစ်သော ဆေးမှတ်တမ်းလက်မှတ်အတွက် ဆေးစစ်ခြင်းအဆင့် မပြုလုပ်ရသေးသည့် မြန်မာရွှေ့ပြောင်းအလုပ်သမား အများအပြား ကျန်ရှိနေကြသေးသည်။

နခွန်ပသွန်ခရိုင်၊ စံဖန်မြို့နယ်အတွင်းရှိ၊ ရပ်ကွက်အမှတ် (၉)၊ လမ်းအမှတ် (၅) တွင် တည်ရှိသော leam Thong Co.Ltd ကြက်သားစက်ရုံတွင် အလုပ်လုပ်ကိုင်နေသော မြန်မာရွှေ့ပြောင်း အလုပ်သမား (၁,၀၀၀) ကျော်အနက် အတော်များများသည် ဆေးစစ်ခြင်းအဆင့်ကိုပင် မပြုလုပ်ရသေးကြောင်း၊ သို့သော် အလုပ်သမားလက်မှတ်လုပ်ရန် ကျသင့်ငွေ (၃,၈၅၀) ဘတ်ကို ဇန်နဝါရီနှင့် ဖေဖော်ဝါရီလများအတွင်းကပင် လုပ်အားခထဲမှ ဖြတ်ယူထားပြီးဖြစ်ကြောင်း အလုပ်သမားတဦးက ပြောသည်။

စက်ရုံတွင် အလုပ်လုပ်ကိုင်နေသော ကိုမိုးဦးက “ကျနော်မနှစ်က ဇွန်၊ ဇူလိုင် အလုပ်သမား လက်မှတ်အသစ် စလုပ်ပေးကတည်းက ဒီမှာ လုပ်နေတာပါ။ အရင် ဘတ်ပန်းရောင် အဟောင်းကတော့ အခုထိရှိပါတယ်။ ကျနော်တို့ တနေ့ကို (၂၀၅) ဘတ် ရပါတယ်။ အိုဗာတိုင်ကတော့ ဆင်းရရင် တနာရီ (၃၈) ဘတ်ပေးပါတယ်။ ဒီနှစ် ဘတ်သော် (သက်တမ်းဆက်ခြင်း) ဖို့အတွက် (၂) လပိုင်းကုန်ကတည်းက အကုန်ပေးပြီးပါပြီ။ အခုက ကျနော်တို့ကို ငွေသွင်းပြေစာနဲ့ ထော်ရော် ၃၈ (ယာယီနေထိုင်ခွင့် ထော်ရော် ၃၈/၁) ပဲ ပေးထားပါတယ်။ သွေးစစ်ဖို့မေးတော့ (၆) လပိုင်း (၂၀) ရက်နေ့မှ စစ်ရမယ်လို့ပြောပါတယ်။ အဲဒါနဲ့ ကျနော်တို့က ဒါဆို ဘတ် (၁,၈၀၀) သွင်းထားတဲ့ ချလန်ပေးပါဆိုတော့ မပေးနိုင်ဘူးလို့ ပြောတယ်။ တကယ်လို့ ကျနော်တို့က သူတို့ သွင်းမထားပေးရင် နောက်ထပ် (၁,၈၀၀) ထပ်သွင်းရမယ်ဆိုရင် အရမ်းနစ်နာပါတယ်။ အလုပ်ကထွက်ရင် သွေးပေးမစစ်တော့ဘူးလို့ပြောတယ်” ဟု ဆိုသည်။

ယမန်နှစ် သြဂုတ်လမှစ၍ ယာယီနေထိုင်ခွင့်နှင့် အလုပ်လုပ်ခွင့်လက်မှတ် မရှိသေးသော တရားမဝင်ရွှေ့ပြောင်း အလုပ်သမားများအား တရားဝင်စေရန် မှတ်ပုံတင်ခွင့်ကို ထိုင်းအစိုးရက အသစ်တဖန် ခွင့်ပြုခဲ့ပြီးဖြစ်သည်။

ထိုသို့ အလုပ်သမားများ မှတ်ပုံတင်ရာတွင် ယာယီနေထိုင်ခွင့် လျှောက်ထားခြင်း၊ ကျန်းမာရေးကောင်းမွန်ကြောင်း ဆေးစစ်မှတ်တမ်းယူခြင်း၊ ထို့နောက် ယာယီအလုပ်လုပ်ခွင့် လျှောက်ထားခြင်း စသော အဓိကအဆင့်များကို ပြုလုပ်ရပြီးနောက် ထိုင်းနိုင်ငံရှိ မှတ်ပုံတင်ထားရာ ခရိုင်အတွင်း နေထိုင်အလုပ်လုပ်ကိုင်ခွင့် ရရှိမည်ဖြစ်သည်။

သို့သော် အချို့လုပ်ငန်းရှင်များသည် ဘတ်ငွေ (၁၀၀) ခန့်သာကုန်ကျသော ယာယီနေထိုင်ခွင့်ကိုသာ လျှောက်ထားပေးကြပြီး အလုပ်လုပ်ကိုင်ခွင့် လျှောက်သည့်အဆင့်ကို မလုပ်ပေးကြပေ။ သို့အတွက် အာဏာပိုင်များက ဝင်ရောက်စစ်ဆေးလျှင် ယာယီနေထိုင်ခွင့်သာရှိပြီး ယာယီအလုပ်လုပ်ကိုင်ခွင့် မရှိသဖြင့် ဖမ်းဆီးအရေးယူခြင်းခံရမည်ဖြစ်သည်။

အဆိုပါကိစ္စနှင့်ပတ်သက်၍ ရွှေ့ပြောင်းအလုပ်သမားအရေး လုပ်ဆောင်နေသော နိုင်ငံတကာအဖွဲ့အစည်းတခုမှ တာဝန်ခံတဦးက “ကျနော်တို့ သိရသလောက် ဒီအဆင့်တွေက အခုဆိုပြီးနေရမှာ။ ဘာလို့ အဲဒီလို ဖြစ်သလဲဆိုတာ တနင်္လာနေ့ရုံးဖွင့်ရင် အဲဒီဒေသက အလုပ်သမားရုံးကို လှမ်းမေးရမယ်” ဟု ဆိုသည်။

အချို့သော လုပ်ငန်းများရှိ မန်နေဂျာ (ဖူးချွေကမ်း) နှင့် အလုပ်သမားခေါင်းများသည် အလုပ်သမား လက်မှတ်လုပ်ရန်ဟုဆိုကာ ကြိုတင်ငွေ ကောက်ခံလေ့ရှိပြီး အမှန်တကယ် မလုပ်ပေးချင်၍ အလုပ်သမားများအား အလုပ်မှစိတ်ပျက်ကာ ထွက်ခွာသွားစေရန် ပြုမူလေ့ရှိကြသည်။

သို့အတွက် အလုပ်သမားများအနေဖြင့် လုပ်ငန်းခွင်မှ ထွက်ခွာပြီးနောက်ပိုင်း မိမိတို့အခွင့်အရေး တောင်းဆိုရန် ကြိုးပမ်းသောအခါ မအောင်မြင်မှုများ ကြုံတွေ့ရသည့်အတွက် အလုပ်သမားတိုင်း မိမိလုပ်ဆောင်ရမည့် လက်ဝယ်ကိုင်ဆောင် ထားရှိရမည့် အချက်အလက်များ အထောက်အထားများကို နားလည်အောင် ကြိုးပမ်းရန်လိုကြောင်း အလုပ်သမားရေး လုပ်ဆောင်နေသူများမှ တိုက်တွန်းထားသည်။
အပြည့်အစုံသို့ >>

ထိုင်းလုပ်သားများ လျော်ကြေးရ၊ ရွှေ့ပြောင်းအလုပ်သမားများ မသေချာသေး

မြတ်ခိုင်ဦး /၂၇ မေ ၂၀၁၀

ဆန္ဒပြကာလအတွင်း နစ်နာခဲ့မှုများအတွက် အခြေခံအလုပ်သမားများအား လျော်ကြေးပေးရန် ပြီးခဲ့သည့် အင်္ဂါနေ့တွင် ပြုလုပ်သည့် ထိုင်းအစိုးရဝန်ကြီးများအဖွဲ့ ကတ်ဘိနက်အစည်းအဝေးမှ သဘောတူညီလိုက်သည်။ ယင်းအစည်းအဝေးတွင် အခြေခံအလုပ်သမားများအား ဆန္ဒပြကာလအတွင်း နစ်နာခဲ့မှုများအတွက် တဦးလျှင် ဘတ် (၇,၅၀၀) စီ လျော်ကြေးအဖြစ် ပေးရန် သဘောတူခဲ့ကြောင်း သိရသည်။ သို့သော် ထိုလျော်ကြေး သတ်မှတ်ပေးရာတွင် ရွှေ့ပြောင်းအလုပ်သမားများ ပါဝင်မည် မပါဝင်မည်ကို တိတိကျကျ မသိရသေးပေ။ ထိုင်းနိုင်ငံအတွင်းရှိ လူမှုဖူလုံရေး ရန်ပုံငွေ ပေးသွင်းထားသော အခြေခံအလုပ်သမားအားလုံး ယင်းလျော်ကြေးအစီအစဉ်တွင် အကျုံးဝင်မည်ဖြစ်သည်။

လူမှုဖူလုံရေးရန်ပုံငွေသည် လုပ်ငန်းအသေးစားနှင့် ဈေးအရောင်းအဝယ် လုပ်ငန်းတို့တွင် အလုပ်သမား လစာပမာဏကို မူတည်၍ အလုပ်သမားက (၃.၅) ရာခိုင်နှုန်းနှင့် အလုပ်ရှင်က (၅) ရာခိုင်နှုန်း အစိုးရသို့ ထည့်ဝင်ပေးသွင်းကြရခြင်းဖြစ်သည်။ ထိုသို့ထည့်ဝင်ထားမှုကြောင့် အစိုးရမှ အကျပ်အတည်းကာလတွင် ပြန်လည်ထောက်ပံ့ပေးခြင်းဖြစ်သည်။

အဆိုပါကိစ္စနှင့်ပတ်သက်၍ ရွှေ့ပြောင်းအလုပ်သမားအရေး လုပ်ဆောင်နေသော နိုင်ငံတကာအဖွဲ့အစည်းတခုမှ တာဝန်ရှိသူတဦးက လာမည့်တနင်္ဂနွေနေ့တွင် ရွှေ့ပြောင်းအလုပ်သမားများ မည်မျှထိနစ်နာခဲ့ကြောင်း တွေ့ဆုံမေးမြန်းပြီး မှတ်တမ်းယူမည်ဖြစ်ကြောင်း၊ ထိုမှတ်တမ်းအရ လုပ်ဆောင်စရာရှိသည်တို့ကို ဆက်လက်ဆောင်ရွက်နိုင်မည်ဖြစ်ကြောင်း ပြောသည်။

မြန်မာပြည်ဒီမိုကရေစီရရှိရေး လုပ်ငန်းကော်မတီမှ တွဲဖက်ဒါရိုက်တာ ဦးမြင့်ဝေက “အခုဟာက ရွှေ့ပြောင်းအလုပ်သမားတွေက နေ့စားတွေများတယ်။ (၂) လလောက်က အလုပ်လုပ်မရတော့၊ အိမ်လခပေးဖို့တို့၊ ထမင်းစားဖို့တို့ တော်တော် အခက်အခဲဖြစ်တယ်။ လူမှုဖူလုံရေး ရန်ပုံငွေ မထည့်ထားပေမယ့်လည်း ရွှေ့ပြောင်းအလုပ်သမားတွေကိုလည်း ပေးဖို့သင့်တယ်။ ဘာလို့လဲဆိုတော့ ဒီ (၂) လအတွင်း အလုပ်ရှင်ကလည်း ပေးမှမပေးနိုင်တာ” ဟု ဆိုသည်။

ဆန္ဒပြကာလအတွင်း နစ်နာမှုနှင့်ပတ်သက်၍ ဆန္ဒပြရာနေရာအနီး ဈေးရောင်းဈေးဝယ် လုပ်ကိုင်နေသော ကိုအောင်ထူးက “ကျနော်ဆို (၈) ရက်လုံးလုံး အိမ်ထဲမှာ နေလိုက်ရတယ်။ ဘယ်မှထွက်လို့ မဖြစ်ဘူး။ ဒီ (၂) လအတွင်း ဈေးမရောင်းရတာတွေ များတော့ သူဌေးတွေကလည်း မပေးနိုင်တော့ဘူး။ အစပိုင်းတုန်းက တဝက်လောက် ပေးတဲ့သူတွေ ရှိသေးတယ်။ အခုဆို အလုပ်လက်မဲ့ ဖြစ်နေကြတာ အများကြီးပဲ။ နောက် သုံးလေးရက်ဆို ကျနော်တို့က အိမ်လခပေးရတော့မယ်၊ ဘယ်လို လုပ်ရမှန်းတောင် မသိတော့ဘူး” ဟု ပြောသည်။

မြန်မာရွှေ့ပြောင်း အလုပ်သမား (၈၀) ရာခိုင်နှုန်းခန့်သည် အလုပ်လုပ်ခွင့်လက်မှတ် လုပ်ကိုင်စဉ်ကတည်းကပင် ပွဲစားများနှင့် လုပ်ကိုင်ခဲ့သဖြင့် ၎င်းတို့အလုပ်ရှင်နှင့် အလုပ်သမားတို့မှာ ကိုက်ညီမှု မရှိကြသည့်အတွက် ပွဲစားနှင့် လက်မှတ်လုပ်ကိုင်ခြင်း ရှောင်ရှားပြီး လုပ်ငန်းရှင်နှင့် တိုက်ရိုက်လုပ်ကိုင်သင့်ကြောင်း အလုပ်သမားရေး လုပ်ကိုင်နေသူများက သတိပေးထားသည်။
အပြည့်အစုံသို့ >>

မြန်မာရွှေ့ပြောင်းကျောင်းဆရာများ စွမ်းရည်မြှင့် သင်တန်းတက်

ရဲရင့် / ၂၆ မေ ၂၀၁၀

ထိုင်း-မြန်မာနယ်စပ် တာ့ခ်ခရိုင်အတွင်း ပညာသင်ကြားနေသည့် မြန်မာရွှေ့ပြောင်းကလေးငယ်များ၏ ပညာရည်မြင့်မားစေရန် ရည်ရွယ်၍ မြန်မာရွှေ့ပြောင်း ကျောင်းဆရာများအတွက် မဲဆောက်မြို့တွင် စွမ်းရေမြင့်တင်ရေး မွန်းမံသင်တန်း ဖွင့်လှစ်ပေးခဲ့သည်။

အဆိုပါသင်တန်းကို မြန်မာရွှေ့ပြောင်းအလုပ်သမားများ ပညာရေးကော်မတီ (BMWEC) က ဦးဆောင်ဖွင့်လှစ်ခြင်းဖြစ်ပြီး ရှေ့လတွင်စတင်မည့် ပညာသင်နှစ်၌ တပ်ခရိုင်အတွင်းရှိ မြန်မာရွှေ့ပြောင်း ကလေးငယ်များအတွက် ဆရာများ၏ ပညာသင်ကြားမှု စွမ်းရည်ပိုမို မြှင့်တင်ပေးခြင်းဖြစ်သည်ဟု အဖွဲ့၏ဒါရိုက်တာ ဆရာမ နော်ဖောရေက ခေတ်ပြိုင်သို့ ပြောသည်။



၎င်းက “ဒီသင်တန်းက ကလေးတွေအတွက် ပညာရေးအထောက်အကူဖြစ်စေတဲ့အပြင် ကျောင်းဆရာတွေကိုလည်း ပညာရေးပိုင်းဆိုင်ရာ ပို့ချရေး နည်းစနစ် အထောက်အကူတွေ အများကြီးရရှိစေတယ်။ နောက်ပြီး အရည်အချင်းရှိတဲ့ ကျောင်းဆရာတွေ အရည်အသွေး တိုးတက်ဖို့အတွက်နဲ့ ကျောင်းတိုင်း သင်ရိုးတွေကို တပြေးညီသင်ကြားနိုင်ဖို့ အတွက်ဖြစ်တယ်” ဟု ပြောသည်။

မေ (၂၄) ရက်မှ စသည့် (၅) ရက်ကြာ မွန်းမံသင်တန်းကို BMWEC အဖွဲ့မှ နည်းပြများနှင့် အစိုးရမဟုတ်သည့် နိုင်ငံတကာပညာရေးအဖွဲ့အစည်း (၂) ဖွဲ့တို့က ပူးပေါင်းဖွင့်လှစ်ခဲ့ခြင်းဖြစ်သည်။

သင်တန်းတွင် ဘာသာရပ်ဆိုင်ရာ အရည်အသွေးမြှင့်တင်ရေး၊ မူကြိုကျောင်းဆရာများ သင်တန်း၊ ကျောင်းအုပ်သင်တန်း၊ ကျောင်းဒါရိုက်တာသင်တန်း၊ ဆရာဆရာမအသစ် သင်တန်းများ ပါဝင်သည်။

ပြည်တွင်းရွှေ့ပြောင်းကျောင်း (၁၂) ကျောင်းအပါအ၀င် တာ့ခ်ခရိုင်အတွင်းရှိ မဲဆောက်၊ မဲလမ၊ ဖို့ဖ၊ ထာ့ဆောင်ရမ်း စသည့် (၄) မြို့နယ်မှ ရွှေ့ပြောင်းကျောင်းဆရာ (၄၀၀) ခန့် သင်တန်း တက်ရောက်ခဲ့ကြသည်။

ရိုးစင်းသည့် နည်းစနစ်ပိုင်းဆိုင်ရာများကို ပြည်ပနည်းပြများထံမှ ရရှိခဲ့သဖြင့် သင်ကြားမှုအထောက်အကူ ပိုမိုရခဲ့သည်ဟု ပြည်တွင်းရွှေ့ပြောင်းကျောင်းမှ ဆရာမ နော်ခူးက ပြောသည်။

မူကြိုဆရာမတဦးဖြစ်သူ မရီရီက “ကလေးတွေကို ဗဟိုပြုသင်ကြားရေး ကဏ္ဍကတော့ မူကြိုကျောင်းဆရာတွေအတွက် ထိရောက်တန်ဖိုးရှိတဲ့ နည်းစနစ်တွေဖြစ်တော့ ကျမတို့အတွက် တကယ့်ကို အထောက်အပံ့ဖြစ်စေတယ်” ဟု ပြောသည်။

ထိုင်း-မြန်မာနယ်စပ် တာ့ခ်ခရိုင်အတွင်း (၄) မြို့နယ်တွင် မြန်မာရွှေ့ပြောင်းကျောင်း (၆၁) ကျောင်းရှိပြီး ကလေးငယ် (၁၂,၀၀၀) ခန့်ပညာသင်ကြားလျက်ရှိကာ အခြေအနေအရပ်ရပ်ကြောင့် စာသင်ကြားခွင့်မရသည့် ကလေးငယ်ပေါင်း (၂၀,၀၀၀) ခန့် ရှိသည်ဟု BMWEC အဖွဲ့၏ စစ်တမ်းတွင် ဖော်ပြထားသည်။
အပြည့်အစုံသို့ >>

Tuesday 25 May 2010

နေထိုင်ခွင့်လွန် အလုပ်သမားများအား မလေးရှားက သက်ညှာခွင့်ပေးမည်

 မြတ်ခိုင်ဦး   /   ၂၄ မေ ၂၀၁၀


မလေးရှားအစိုးရမှ နိုင်ငံတွင်းရှိ အလုပ်လုပ်ခွင့်သက်တမ်း ကျော်လွန်ပြီး နေထိုင်ခွင့်သက်တမ်း ကျော်လွန်နေသူများ၊ တရားမဝင်လာရောက် အလုပ်လုပ်ကိုင်နေသူ နိုင်ငံခြားသား အလုပ်သမားများအား အရေးယူခြင်းမရှိဘဲ မိမိနိုင်ငံသို့ ပြန်ခွင့်ပြုတော့မည်ဖြစ်သည်။

မလေးရှားအစိုးရက နိုင်ငံခြားသား အလုပ်သမားများအား ဖမ်းဆီးအရေးယူမှုများ မလုပ်ဘဲ သက်ညှာခွင့်ပြုသည့်အနေဖြင့် မကြာခင်ကာလအတွင်း မိမိနိုင်ငံရင်းသို့ ပြန်လည်ထွက်ခွာခွင့်ပြုတော့မည်ဟု မလေးရှားနိုင်ငံထုတ် The Star သတင်းစာတွင် သောကြာနေ့က ဖော်ပြသည်။
အစိုးရကတ်ဘိနက်အဖွဲ့ဝင် ဝန်ကြီး (၁၇) ဦးအပါအ၀င် အစိုးရအေဂျင်စီများပါ တက်ရောက်သည့် နိုင်ငံခြားသားနှင့် တရားမဝင်အလုပ်သမားများအရေး ဆွေးနွေးသည့် အစည်းအဝေးတွင် ဒု-ဝန်ကြီးချုပ် တန်စရီမူဟစ်ဒင်ယာဆင်က ယင်းသို့ ပြောကြားလိုက်ခြင်းဖြစ်သည်။

ယခု မလေးရှားအစိုးရက ထုတ်ပြန်သည့် သက်ညှာခွင့်သည် တတိယအကြိမ်မြောက်ဖြစ်ပြီး စိုက်ပျိုးရေး၊ ဆောက်လုပ်ရေး၊ စက်ရုံနှင့် အိမ်အကူ အလုပ်သမားများ ခံစားခွင့်ရှိမည်ဖြစ်သည်။ ပထမနှင့် ဒုတိယအကြိမ် သက်ညှာခွင့်ပြုခဲ့သော ၂၀၀၂ ခု နှင့် ၂၀၀၄ ခုနှစ်တို့တွင်လည်း ရာထောင်ချီသော အလုပ်သမားအများအပြား အိမ်ပြန်ခဲ့ကြသည်။

ထိုသတင်းနှင့်ပတ်သက်၍ အလုပ်လုပ်ခွင့်သက်တမ်းကျော်လွန်ပြီး နေထိုင်ခွင့်ပါလွန်နေသူ မလေးရှားရောက် မြန်မာရွှေ့ပြောင်း အလုပ်သမားတဦးက “ကျနော်က မြန်မာနိုင်ငံ ဧရာဝတီတိုင်း လပွတ္တာမြို့ကပါ။ ဒီမှာ သံပန်း သံတခါးလုပ်ငန်းမှာ ဆေးမှုတ်ပါတယ်။ နာဂစ်ဖြစ်ပြီးကတည်းက ပြန်ချင်နေတာ အိုနေတော့ ပြန်ဖို့မလွယ်ကူတာနဲ့ မပြန်ဖြစ်တာ။ အခုတော့ ပြန်ဖို့ အဆင်ပြေသွားတယ်။ ဟိုမှာ မိသားစု အဆင်ပြေလို့ ပြန်တာမဟုတ်ပါဘူး။ ရောက်နေတာလည်း (၆) နှစ်ကျော်သွားပြီ။ နာဂစ်တုံးက ဖရိုဖရဲ ဖြစ်သွားတဲ့ မိသားစုဘ၀လေးကို ကိုယ်ဖိရင်ဖိ ကူညီချင်လို့ ပြန်တာပါ။ ကျနော့်မှာ ပါတ်စပို့ရှိတယ်၊ သက်တမ်းကတော့ အင်တုံးထုထားတယ်။ မင်္ဂလာဒုံလေဆိပ်ကြမှပဲ အင်တုံးကိစ္စကို ငွေပေးပြီးရှင်းရမှာပေါ့” ဟု ဆိုသည်။

မပြန်တော့ဟု ဆုံးဖြတ်ထားသည့် အလုပ်သမားတဦးကမူ “ကျနော် ဒီကိုရောက်တုန်းကတော့ တရားဝင်ပါ။ နောက်ပိုင်းစက်ရုံမှာ လစာမကောင်းလို့ အခုလုပ်နေတဲ့ တွင်ခုံလုပ်ငန်းမှာ ၀င်ခုပ်နေပါတယ်။ ဘယ်လိုပဲ လွတ်ငြိမ်းချမ်းသာခွင့် ပေးပေး ကျနော်ကတော့ မပြန်ဘူး။ ဒီနိုင်ငံမှာ ဘာပဲဖြစ်ဖြစ် တလကို (၁) သိန်းလောက် အိမ်ကို ငွေပြန်ပို့ပေးနိုင်သေးတယ်။ ဟိုကိုပြန်သွားရင် အလုပ်မရှိဘဲ မိဘဆီက ငွေပြန်တောင်းနေရမယ်။ အဖမ်းအဆီးတွေကြမ်းလို့ အဖမ်းခံရတော့မှပဲ ပြန်တော့မယ်။ ကျနော်တို့ အရင်ရောက်တဲ့သူတွေ ပြောသလို မလေးရှား မိုးကုန်မှ ပြန်မယ်ဗျာ။ မလေးရှားက အမြဲတမ်း မိုးရွာနေတော့ မိုးမကုန်ဘူးလေ” ဟု ဆိုသည်။

နိုင်ငံခြားသား အလုပ်သမားများအား သက်ညှာခွင့်ပေးမည်ဟု မလေးရှားအစိုးရက ထုတ်ပြန်ပြောဆိုနေသကဲ့သို့ နိုင်ငံခြားသား အလုပ်သမားများ ဝင်ရောက်လာနေမှုကို ထိန်းချုပ်သောအားဖြင့် အလုပ်သမားခွန်ကိုလည်း နောက်နှစ်မှစ၍ လုပ်ငန်းပိုင်း ကဏ္ဍအလိုက် သော်လည်းကောင်း၊ အလုပ်သမားအရည်အသွေးအရ သော်လည်းကောင်း တိုးမြှင့်ကောက်ခံသွားမည်ဟုလည်း ထုတ်ပြန်ထားသည်။

သို့သော် အလုပ်သမားအခွန်(လဲဗီး) တိုးမည်ဆိုသည့်အစီအစဉ်ကို ကုန်သည်ကြီးများအဖွဲ့အချို့မှ ကန့်ကွက်ကြောင်း ကြေညာသည်။

မြန်မာရွှေ့ပြောင်း အလုပ်သမားအရေး လုပ်ကိုင်နေသော Burma Campaign Malaysia မှ ဒါရိုက်တာ ကိုထွန်းထွန်းက “ဒီလွတ်ငြိမ်းချမ်းသာခွင့် ပေးပြီးနောက်ပိုင်းမှာ အလုပ်သမားခွန် (လဲဗီး) ကို ထပ်မံတိုးမြှင့်မယ်လို့ ကြေညာတာကို ကြည့်ခြင်းအားဖြင့် မလေးရှားအစိုးရအနေနဲ့ နိုင်ငံခြားသားတွေကို ထပ်မံခေါ်ယူဖို့ ကန့်သတ်မှုတွေ လုပ်တော့မယ်ဆိုတာကို ပြသလိုက်တာဖြစ်တယ်။ ၂၀၀၄ ခုနှစ်တုန်းက မြန်မာတွေ တော်တော် ပြန်ကြတယ်။ ဒီတခေါက်မှာ ပြန်မယ့်သူနည်းနိုင်တယ်။ ဘာကြောင့်လဲဆိုတော့ အဲဒီတုန်းကပြန်တဲ့သူတွေရဲ့ (၈၀) ရာခိုင်နှုန်းဟာ မလေးကို ပြန်ရောက်လာကြတယ် ” ဟု ပြောသည်။

၂၀၀၄ ခုတွင် သက်ညှာမှုပေးစဉ်က နိုင်ငံပေါင်းစုံမှ အလုပ်သမား (၂၃၀,၀၀၀) ပြန်သွားခဲ့ကြပြီး၊ မြန်မာအလုပ်သမားများ အနေဖြင့် မြန်မာသံရုံးမှထုတ်ပေးသည့် CI ဆိုသည့် မည်သူမည်ဝါဖြစ်ကြောင်း ထောက်ခံချက် တနည်းအားဖြင့် နေရပ်ရင်းပြန်ရန် ထုတ်ပေးသော ယာယီနိုင်ငံကူးလက်မှတ်ကြေးကို မပေးချင်သောကြောင့် လူကုန်ကူးသူများကို အားကိုးခဲ့ကြသည့်အတွက် ရင်းဂစ် (၉၅၀) ကုန်ကျခဲ့ကြကြောင်း၊ လူကုန်ကူးသူများအတွက် အကျိုးအမြတ်ဖြစ်စေခဲ့ကြောင်း ၎င်းက ဆက်လက်ပြောကြားသည်။

ယခု သက်ညှာခွင့်အစီအစဉ်သည် မြန်မာရွှေ့ပြောင်း အလုပ်သမားများအတွက် မည်သို့မှ ထူးခြားမည်မဟုတ်ကြောင်း၊ အကြောင်းမှာ မြန်မာနိုင်ငံတွင် လုပ်ကိုင်စားသောက်ရသည်မှာ မလွယ်ကူသဖြင့် မလေးရှားမှာပင် ဖြစ်သလိုရှာဖွေ ရပ်တည်ရခြင်းက ပိုမိုအဆင်ပြေနေသဖြင့် ပြန်ပါဆိုသော်လည်း မပြန်ဘဲ ဆက်လက် အလုပ်လုပ်ကိုင်နေကြဦးမည် ဖြစ်သည်ဟု အလုပ်သမားတဦးက သုံးသပ်သည်။

မလေးရှားနိုင်ငံရှိ ရိုဟင်ဂျာအုပ်စုကမူ ထိုသက်ညှာခွင့်အစီအစဉ်တွင် ၎င်းတို့အား မထည့်သွင်းဘဲ ပလပ်ပေးပါရန်၊ အဘယ်ကြောင့်ဆိုသော် ၎င်းတို့သည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးမှ ဒုက္ခသည်အဖြစ် အသိအမှတ်ပြုခံထားရသူများ ဖြစ်သော်လည်း ယခင် ၂၀၀၂၊ ၂၀၀၄ ခုနှစ် သက်ညှာခွင့်တို့တွင် ရိုဟင်ဂျာများအား အစုလိုက် အပြုံလိုက် ပြန်ပို့ခြင်းခံခဲ့ရသည့်အတွက် ထိုသို့မဖြစ်ပွားစေရန် တောင်းဆိုရခြင်းဖြစ်ကြောင်း ယနေ့ထုတ် ဘနားမားသတင်းစာတွင် ဖော်ပြထားသည်။

ထိုသက်ညှာခွင့်သည် အစိုးရ၏သဘောတူညီချက် အဆင့်သာဖြစ်ပြီး မည်သည့်အချိန် စတင်၍ မည်သည့်အချိန်တွင် အဆုံးသတ်မည် ဆိုသည်တို့ကို တိတိကျကျ ထုတ်ပြန်ခြင်း မရှိသေးပေ။
အပြည့်အစုံသို့ >>

လူမှောင်ခိုတင်ဆောင်လာသည့်ကား တိမ်းမှောက် (၁၃) ဦးသေ၊ (၁၅) ဦး ဒဏ်ရာရ



ရနောင်းမြို့မှ ဘန်ကောက်သို့ လူမှောင်ခိုကူး တင်ဆောင်လာသော ကားတစီးတိမ်းမှောက်သဖြင့် မြန်မာပြည်သား (၁၃) ဦး သေဆုံးသွားသည်။ ယမန်နေ့ ညနေ (၆) နာရီ အချိန်ခန့်တွင် မြန်မာပြည်သားများအား တင်ဆောင်လာသော လူမှောင်ခိုကူးကားသည် ထိုင်းနိုင်ငံတောင်ပိုင်း ပတ်ဘူရီခရိုင်ရှိ ချာအမ်မြို့အနီး၊ ပရန်ပူရီလမ်း တောင်တက်တောင်ဆင်းနေရာတွင် လုံခြုံရေးအဖွဲ့ဝင်များက စစ်ဆေးရန် တားဆီးရာ၌ မောင်းပြေးသဖြင့် လမ်းဘေးချော်ကျကာ သစ်ပင်နှင့်ဝင်တိုက်မိပြီး ကားပေါ်ပါ (၈) ဦး အခင်းဖြစ်ပွားရာတွင် သေဆုံးခဲ့ပြီး နောက်ထပ် (၅) ဦးမှာ ချာအမ်ဆေးရုံတွင် သေဆုံးကာ စုစုပေါင်း (၁၃) ဦး သေဆုံးခဲ့ကြောင်း ချာအမ်ဆေးရုံမှ အတည်ပြုပြောကြားသည်။

အဆိုပါ အခင်းဖြစ်ပွားသည့်ကားမှာ တိုယိုတာ ဟိုင်းလက်ကားဖြစ်ပြီး မူလကားနံပါတ်သည် ရနောင်းမြို့တွင် မှတ်ပုံတင်ထားသော บง 6701 ဖြစ်ကာ အခင်းဖြစ်စဉ် ဘန်ကောက်၌ မှတ်ပုံတင်ထားသည့် ကားနံပါတ် บข 8683 ကို အသုံးပြုခြင်းဖြစ်သည်။

ထိုကားတွင် တံခါးလေးပေါက်ပါရှိကာ ရှေ့ခန်း မောင်းသူနေရာတန်းတွင် ထိုင်ခုံတပ်ဆင်ပြီး နောက်ခန်းထိုင်ခုံကို ဖြုတ်ထားကာ မြန်မာပြည်သားများအား တင်ဆောင်လာခြင်းဖြစ်သည်။ ကားပေါ်တွင် စုစုပေါင်း လူ (၂၈) ဦးပါရှိသည်။

စုံစမ်းစစ်ဆေးမှုများအရ မူလကားကို မောင်းနှင်သူမှာ အိမ်နံပါတ် ၆၈/၂၇ ထမိန်လမ်း ခေါင်န၀င်းမြို့၊ ရနောင်းခရိုင်တွင် နေထိုင်သူ ချင်ဖုန်း ဆာတရူပရာဝင်းဖြစ်ပြီး၊ ယခုကားကို မောင်းနှင်လာခဲ့သူမှာ နေရပ်လိပ်စာ ၄၄/၃ အမှတ် (၃)၊ မွန်းကလန့်၊ ကရပေမြို့၊ ရနောင်းခရိုင်တွင် နေထိုင်သူ ချွန်ဖော်ဘန်စွပ်ဖြစ်သည်။

ထိုသူ၏ အမျိုးသမီးဖြစ်သူ ချန်ထရာပန်စွပ်သည် ရနောင်းခရိုင်မှ မြန်မာအလုပ်သမားကို လက်ခံခဲ့သူဖြစ်ပြီး အခင်းဖြစ်ရာတွင် သူမလည်း ယခု ကားနှင့် ပါဝင်လာကာ ကားမောင်းသူ ချွန်ဖော်မှာ အဆိုပါ အလုပ်သမားများအား မဟာချိုင်သို့ ပို့ဆောင်ပေးရန် ဖြစ်သည်။

ထိုဖြစ်စဉ်နှင့် ပတ်သက်၍ ထိုင်းအစိုးရ အာဏာပိုင်များနှင့်နီးစပ်သူတဦးက “ပြောတာက ရဲတွေကို လှည့်စားမှုအနေနဲ့လို့ ပြောတယ်” ဟု ဆိုသည်။

၂၀၀၈ ခုနှစ် ဧပြီလအတွင်းကလည်း အလုံပိတ်ငါးတင် ရေခဲကားအတွင်း မြန်မာပြည်သားများအား ခိုးယူသယ်ဆောင်မှုကြောင့် အသက်ရှူမွန်းကျပ်ကာ (၅၄) ဦး သေဆုံးမှု ဖြစ်ပေါ်ခဲ့သည်။

ယခုအခါတွင် မြန်မာပြည်သားများအား တရားဝင် အလုပ်လုပ်ကိုင်ခွင့်ပြုရန် ယာယီပတ်စပို့ ပြုလုပ်ပေးနေသော်လည်း ထိုင်းနိုင်ငံအတွင်း၌ တရားမဝင် မြန်မာအလုပ်သမား (၁) သန်းခန့် ရှိနေသေးပြီး ယခုကဲ့သို့ တရားမဝင် ဝင်ရောက်နေမှုများ ဆက်လက် ဖြစ်ပေါ်နေသေးသည်ဟု အလုပ်သမားအရေး လုပ်ဆောင်နေသူများက ပြောသည်။
အပြည့်အစုံသို့ >>

ကော့သောင်းတွင် သံဃာအတုဟု ယူဆရသူများ ဖမ်းမိ

သန်းထိုက်ဦး Monday, May 24, 2010 

တနင်္သာရီတိုင်း ကော့သောင်း မြို့တွင် ဗုဒ္ဓဘာသာ ရဟန်းသံဃာ အယောင်ဆောင်၍ ရောက်ရှိ လာသော မြန်မာ နိုင်ငံသား ၂၄ ဦး ခန့်ကို လွန်ခဲ့သည့် တပတ် အတွင်း၌ အဏာပိုင်များက ဖမ်းဆီး ခဲ့ကြောင်း ဒေသခံများက ပြောသည်။ အဆိုပါ မြန်မာ နိုင်ငံသား များသည် ထိုင်းနိုင်ငံ ရနောင်းမြို့သို့ အလုပ် အကိုင် ရှာဖွေရန် လာကြသူများ ဖြစ်ပြီး ကော့သောင်း လေဆိပ်နှင့် သင်္ဘောဆိပ် တို့တွင် အာဏာပိုင်များ၏ စစ်ဆေး ဖမ်းဆီးခြင်းကို ခံခဲ့ရခြင်း ဖြစ်သည်ဟု ကော့သောင်းမြို့တွင် နေထိုင်သူ တဦးက ဧရာဝတီသို့ ပြောဆိုသည်။  

“ကော့သောင်းက နေပြီးတော့ ထိုင်းနိုင်ငံကို အလုပ် သွားလုပ်ဖို့ကို လာဖို့သွားဖို့ ခက်ခဲတော့ ဘုန်းကြီး ၀တ်နဲ့ဆို လွယ်မှာပဲ ဆိုပြီးတော့ ဘုန်းကြီး ၀တ်ပြီးတော့ လာကြတာ”ဟု ၎င်းက ပြောသည်။

ဘုန်းကြီး ၀တ်များဖြင့် လာကြသူများကို ကော့သောင်းမြို့ရှိ ဆရာတော် တချို့နှင့် အမေးအဖြေ လုပ်ခဲ့ရာမှ သံဃာ အတုများ ဖြစ်သည်ကို ဒေသခံ အာဏာပိုင်များက သိရှိသဖြင့် အဖမ်းခံရခြင်း ဖြစ်ကြောင်းလည်း ၎င်းက ဆိုသည်။

ယင်း ဖမ်းဆီးထား သူများကို ကော့သောင်းမြို့ရှိ မြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီ (မယက) ရုံးများတွင် နေရာခွဲ၍ ထိန်းသိမ်း ထားကြောင်း ဒေသခံများက ပြောသည်။

ကော့သောင်းမြို့တွင် ခရီးသည် တဦး အနေဖြင့် ဆွေမျိုး၊ အသိမိတ်ဆွေ မရှိပါက သွားလာနေထိုင်ရန် အခက်အခဲရှိကြောင်း သိရသည်။

ယင်းသို့ ရောက်ရှိ လာသော ခရီးသည် များကိုလည်း အာဏာပိုင်များက နယ်မြေခံများ၏ အာမခံချက်နှင့် နိုင်ငံသား စိစစ်ရေး ကတ်ပြားများကို သိမ်းထားကာ မိမိနေထိုင်ရာ အရပ်သို့ ပြန်မှသာလျှင် နိုင်ငံသား ကတ်များကို ပြန်ပေးကြောင်း သိရသည်။

ဒေသခံများ၏ ပြောပြချက်အရ မွန်ပြည်နယ်နှင့် တခြားမြို့များမှ မြန်မာနိုင်ငံ သားများသည် အလုပ်အကိုင် ရှာဖွေရန် အတွက် ကော့သောင်းမြို့မှ တဆင့် နယ်စပ် ဖြတ်ကျော်၍ ထိုင်းနိုင်ငံနှင့် မလေးရှား နိုင်ငံများသို့ သွားရောက်လျှက် ရှိကြောင်း သိရသည်။ 

တချိန်တည်းမှာပင် ထိုင်းနိုင်ငံတောင်ပိုင်း ချအမ်း မြို့နယ်တွင် ယမန်နေ့က မြန်မာ ရွှေ့ပြောင်း အလုပ် သမားများကို တင်ဆောင် လာသော ကားတစီး မတော်တဆ တိမ်းမှောက် သွားသောကြောင့် အလုပ်သမား ၉ ဦး သေဆုံး သွားကြောင်း ထိုင်းသတင်းများက ဖော်ပြသည်။

သေဆုံး သူများသည် အမျိုးသား ၅ ဦး၊ အမျိုးသမီး ၂ ဦး နှင့် ကလေးငယ် ၂ ဦးတို့ ဖြစ်ကြောင်း သိရသည်။
အပြည့်အစုံသို့ >>

Saturday 22 May 2010

ဘန်ကောက် ဆန္ဒပြပွဲကြောင့် မြန်မာတို့လည်း ထိခိုက်

ဘစောတင် Friday, May 21, 2010  ဧရာဝတီ

ရှပ်နီတို့၏ ၂ လကျော်ကြာ ဆန္ဒပြမှုကြောင့် ထိုင်းနိုင်ငံရောက် မြန်မာပြည်သား အများအပြား အခက်အခဲနှင့် ကြုံတွေ့ နေကြသည်။

ဘန်ကောက်ရှိ မီးရှို့ ဖျက်ဆီးခံရသော ကုန်တိုက်များ၊ ရက်ပေါင်းများစွာ ပိတ်ထားသော အဆောက် အအုံများ၊ ဆိုင်များတွင် လုပ်ကိုင်သူ မြန်မာတို့မှာ နေ့စားသမားများ ဖြစ်သောကြောင့် ၀င်ငွေမဲ့နေ ကြသည်ဟု အလုပ်သမား အရေး လုပ်ကိုင်နေသူ တဦးက ပြောသည်။ “သေချာတာ တခုကတော့ အလုပ် သမားတွေ လက်ထဲမှာ ပိုက်ဆံ ပြတ်နေကြလို့  စားဝတ် နေရေး ခက်ခဲ နေတယ်” ဟု မြန်မာနိုင်ငံ ဒီမိုကရေစီ ရရှိရေး ထိုင်း လှုပ်ရှားမှု ကော်မတီ (TACDB) ၏ ဒါရိုက်တာ ဦးမြင့်ဝေက ဧရာဝတီသို့  ရှင်းပြသည်။ ဆန္ဒပြပွဲ များကြောင့် မြန်မာ ပြည်သား များစွာ အလုပ် လက်မဲ့ ဖြစ်သွား သည်ဟု သူက ဆိုသည်။ ပတူနမ်း အရပ်တွင် အလုပ် လုပ်နေသူ ကိုဝေဖြိုး ကလည်း ထိုနည်းတူ ပြောပြသည်။

“နေ့စား ဆိုတော့ အလုပ် မရှိရင် ၀င်ငွေမရှိတော့ဘူး၊ အားလုံး အခက်အခဲ ကြုံနေကြတယ်” ဟု ဆိုသည်။

ရှပ်နီတို့ စခန်းချခဲ့သည့် ဘန်ကောက် မြို့လယ်ရှိ စီးပွားရေး အချက်အချာ ကျသော နေရာသည် ထောင်နှင့်ချီ မြန်မာ ပြည်သားများ အလုပ် လုပ်ကိုင်ခဲ့သည့် နေရာ ဖြစ်သည်။

ပင်လယ် ကမ်းခြေ ဖူးကက် မြို့ တွင်လည်း နိုင်ငံခြားသား ဧည့်သည် အ၀င်နည်းသဖြင့် မြန်မာ အလုပ်သမားတို့ အလုပ်အကိုင် ထိခိုက် ကြသည်ဟု ဖူးကက်တွင် နေထိုင်သူ ဘလော့ဂါ ဦးမင်းဒင်က ဆိုသည်။

“မြန်မာ ထမင်းဆိုင် ပိုင်ရှင် တယောက်က ခါတိုင်း မနက်ပိုင်း ဘတ် ၃၀၀၀ ဖိုးလောက် ရောင်းရတာ ဒီနေ့  ငါးရာ ဖိုးတောင် မရောင်းရဘူးတဲ့။ တချို့ ဆောက်လုပ်ရေး လုပ်ငန်းခွင် တွေမှာလည်း သူတို့ ရုံးချုပ်က ဘန်ကောက်မှာ ဆိုတော့ ငွေထုတ်ရက်မှာ ငွေထုတ် ပေးနိုင်ပါ့မလား ပူပင် နေကြတယ်” ဟု သူက ပြောသည်။

ဘန်ကောက်မြို့ နှင့် အနီးဆုံးဖြစ်ပြီး မြန်မာ အလုပ်သမား အများဆုံး ရှိသော မဟာချိုင် ဘက်တွင်မူ ထူးထူး ခြားခြား သက်ရောက်မှု မရှိကြောင်း ပင်လယ်ပျော် သမဂ္ဂမှ ကိုတင်ကိုက ပြောသည်။

ဤအတော အတွင်း ရှပ်နီတို့ ဆန္ဒပြမှု ဖြစ်ပွားခဲ့သည့် ခရိုင် ၂၄ ခု တွင် ညမထွက်ရ အမိန့် ထုတ်ထားသည်။ ၂ လကျော်ကြာ ဆန္ဒပြမှု အတွင်း အနည်းဆုံး ၇၀ ကျော် သေဆုံးခဲ့သည်။ သေဆုံးသူ များထဲတွင် ဆန္ဒပြသူများ၊ သတင်းထောက်များ၊ လုံခြုံရေး တပ်ဖွဲ့ဝင်များ ပါဝင်သည်။

ဗုဒ္ဓဟူးနေ့မှ သောကြာနေ့ အထိ အစိုးရ ရုံးပိတ်ရက်များ အဖြစ် ကြေညာ ထားသဖြင့် ဘဏ်များမှာ တနင်္လာနေ့မှ ပြန်ဖွင့်ဖွယ် ရှိကြောင်း အများက မျှော်လင့်နေ ကြသည်။ ဆန္ဒပြပွဲ အတွင်း ဘဏ်တချို့ မီးလောင်ပုံ၊  ATM ငွေထုတ်စက် အများအပြား ဖျက်ဆီးခံရပုံ တို့ကိုလည်း ရုပ်မြင်သံကြား သတင်းများတွင် တွေ့ရသည်။

ဘဏ်များ ပိတ်ထား သောကြောင့် ငွေလွှဲရန် အခက်အခဲ ရှိကြောင်း ဘန်ကောက်မြို့ မှ ငွေလွှဲသမား ကိုမောင်မောင်က ပြောသည်။

“ဒီရက်ပိုင်း အတွင်း အဆင်မပြေဘူး။ ဘဏ်တွေ ပြန်ဖွင့်တဲ့နေ့ မှ အဆင်ပြေမယ်” ဟု ပြောသည်။

ဆန္ဒပြမှုကြောင့် နယ်စပ်မှ ကုန်သည် များလည်း ထိခိုက်ကြ သည်ဟု မဲဆောက်မှ ကုန်သည် တဦးဖြစ်သူ ဦးတင်မြင့်က ရှင်းပြသည်။

“အရောင်း အ၀ယ်က လုံးဝ အေးသွားတယ်။ ဘန်ကောက်က ပစ္စည်းတွေ မှာလို့ မရသလို သွားပို့ ဖို့ ကလည်း မဖြစ်ဘူးလေ။ အစစ် အဆေးက အရမ်းများတယ်” ဟု သူက ဆိုသည်။

မတ်လ ၁၂ ရက်နေ့ မှ စတင်ခဲ့သော အနီရောင် ဆန္ဒပြပွဲများ ယခုတပတ် ဗုဒ္ဓဟူးနေ့တွင် အဆုံးသတ် သွားသော်လည်း ထိုင်းနိုင်ငံရောက် မြန်မာ ပြည်သားတို့ အလုပ်အကိုင် အခွင့်အလမ်းများ ခက်ခဲလာ နိုင်သည်ဟု အလုပ်သမား အရေး ဆောင်ရွက်သူ တဦးက သုံးသပ်သည်။

“ထိုင်းတွေ ကိုယ်တိုင် အလုပ်ပြုတ်။ အလုပ်ရှင်တွေ ကိုယ်တိုင် ပြန်တည် ဆောက်ရမှာ ဆိုတော့ သူတို့ ကိုမှီခို လုပ်ကိုင် စားသောက်ရမယ့် အလုပ် သမားတွေ အတွက်တော့ အတော့်ကို စိုးရိမ်စရာပါ။ ကျနော် ထင်တယ် လေးငါးလ လောက်မှ ပြန်အသားကျလာ နိုင်မှာပါ” ဟု ပြည်ထောင်စု မြန်မာနိုင်ငံ အမျိုးသား ညွန့်ပေါင်း အစိုးရ အဖွဲ့ မှ ရွှေ့ ပြောင်း အလုပ်သမားရေးရာ တာဝန်ခံ ကိုသက်ခိုင်က ပြောဆိုသည်။

ဆန္ဒပြပွဲကြောင့် စီးပွားရေး အကြီးအကျယ် ထိခိုက်သွားသည့် ထိုင်းနိုင်ငံတွင် မြန်မာပြည်သား ၂ သန်းခန့် ရှိမည်ဟု အလုပ်သမားအရေး ဆောင်ရွက်နေသူများက ခန့်မှန်းကြသည်။
အပြည့်အစုံသို့ >>

နစ်နာကြေးအတွက် တောင်ကုတ်တွင် အလုပ်သမားများ ဆန္ဒပြ


မင်းဆက်ခိုင်(နိရဉ္စရာ) ရခိုင်ပြည်နယ် တောင်ကုတ်မြို့တွင် အလုပ်သမားများက သူတို့ အလုပ်ရုံ အပိတ်ခံသဖြင့် နစ်နာကြေး ရရှိရန် ဆန္ဒပြ တောင်းဆိုခဲ့သည်။ တောင်ကုတ်တွင် တည်ရှိသော တရုတ် အမျိုးသားပိုင် “လင်းရောင်” ငါး၊ ပုစွန် လုပ်ငန်း ကုမ္ပဏီ သည် အရှုံးပေါ်သောကြောင့် ကုမ္ပဏီ၏ လုပ်ငန်းကို ရပ်ဆိုင်းတော့မည် ဖြစ်ကြောင်း ကျေညာရာ အလုပ်သမားများက နစ်နာကြေး တောင်းခံခဲ့ကြောင်း ၊ မေလ ၁၆ ရက်နေ့တွင် စက်ရုံမှူးက နစ်နာကြေး အပြည့်ပေးရန် ငြင်းဆိုရာမှ အလုပ်သမားများက ဆန္ဒပြ တောင်းဆို ခဲ့ကြခြင်းဖြစ်ကြောင်း တောင်ကုတ် မြို့ခံ တဦးက ပြောသည်။

“စက်ရုံမှူး ဦးတိုးအောင်ဌေးက ဒီလ ၁၈ရက်နေ့က စပီး စက်ရုံကို လုံးဝ ပိတ်လိုက် တော့မယ်။ ဒီအတွက် လစာ လ၀က်စာကို ယူပြီးတော့ ပြန်ကြတော့လို့ အလုပ်သမားတွေကို ပြောပါတယ်။ အလုပ်သမားတွေက နစ်နာ ကြေး ၃လစာ တောင်းပါတယ်။ ဒါကို စက်ရုံတာဝန်ရှိသူတွေက ငြင်းတယ်။ ဒီတော့ အလုပ်သမား ၂၀၀ လောက် က အော်ဟစ်ပြီး ဆန္ဒပြတောင်းဆိုကြပါတယ်။ ဒေသ အာဏာပိုင်တွေက ရောက်လာပြီး ဖြေရှင်းပေးတဲ့ အတွက် နောက်ပိုင်းမှာ ပြေလည် သွားခဲ့ပါတယ်။” ဟုပြောသည်။

အလုပ်သမားများက အော်ဟစ် ဆန္ဒပြတောင်းဆိုသောကြောင့် တောင်ကုတ် မယက ဥက္ကဌ နှင့် ဒေသ တာဝန်ရှိ သူများက စက်ရုံသို့လာရောက်ပြီး အလုပ်ရှင်နှင့် အလုပ်သမားများ အကြား ညှိနှိုင်း ပေးသဖြင့် မေ ၁၆ရက်နေ့ ညနေပိုင်းတွင် ပြေလည် သွားပြီး ပိုင်ရှင်များက စက်ရုံမှ အလုပ်သမားများ တောင်းဆို ချက်ကို လိုက်လျော့ပေးခဲ့သည်။

“အလုပ်သမားတွေကို နစ်နာကြေးပေးတာက လုပ်သက် ၃ လ အောက် လုပ်သားတွေဆိုရင် ၂ လစာ၊ လုပ်သက် ၃လ အထက်ရှိသူတွေကို ကျရင် ၄လစာပေးပြီး လုပ်သက် ၁ နှစ် အထက် ရှိသူတွေကို ၅ လစာပေးတယ်လို့ သိရပါတယ်” ဟု သူကဆက်ပြောသည်။

၎င်း ကုမ္ပဏီ စက်ရုံတွင် အလုပ် လုပ်သူ အများစုမှာ နယ်ကျေးရွာများမှ လာရောက် အလုပ် လုပ်ကိုင်သူများ ဖြစ်ကြောင်း သိရသည်။
အပြည့်အစုံသို့ >>

Wednesday 19 May 2010

ဘန်ကောက်တွင် ညမထွက်ရအမိန့်ထုတ်ပြန် ရွှေ့ပြောင်းအလုပ်သမားများ သတိထားရန်လို

.မြတ်ခိုင်ဦး / ၁၉ မေလ ၂၀၁၀

ဘန်ကောက်မြို့တော်တွင် မီးရှို့မှုများ နေရာတိုင်း၌ ဖြစ်ပေါ်နေကာ အစိုးရမှ ည (၈) နာရီမှ မနက် (၆) နာရီ အထိ ညမထွက်ရ အမိန့် ထုတ်ပြန်လိုက်သည်။


ယနေ့နေ့လယ် (၁) နာရီခွဲတွင် အင်္ကျီအနီဝတ် ဆန္ဒပြခေါင်းဆောင်များ အဖမ်းခံ လိုက်သော်လည်း ဆန္ဒပြသူ အချို့သည် ဘန်ကောက်မြို့တော် နေရာတဝိုက်တွင် ပြန့်ကျဲ ရောက်ရှိသွားကာ အထင်ကရ အဆောက်အဦ များကို မီးတင်ရှို့မှုများ ဖြစ်ပွားနေပြီး ဘန်ကောက် မြို့တော် ကောင်းကင်ယံတွင် (၅) စီးထက်မနည်းသော ရဟတ်ယာဉ် များ ပျံဝဲလျက်ရှိသည်။

.ထိုသို့ အရေးပေါ် အခြေအနေ ကြေညာခြင်းနှင့် ပတ်သက်၍ ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရ ရွှေ့ပြောင်းအလုပ်သမား ရေးရာတာဝန်ခံ ကိုသက်ခိုင်က “ညမထွက်ရအမိန့်ဆိုတာ ရှင်းရှင်းပြောရရင် သတ်မှတ်ချိန်ကျော်လို့ မိမိနားနေရာမှာ မရှိဘဲ၊ လမ်းပေါ်မှာတွေ့ရင် လုံခြုံရေးအဖွဲ့ဝင်တွေက ပစ်ဖမ်းလို့ရတယ်။ မသိနားမလည်တာ တခုတည်းနဲ့ အသက်ပျောက်သွားနိုင်တယ်။ အဲဒီအတွက် အလုပ်သမား တွေ အခုညနေကစပြီး ကိုယ့်အိမ်ကိုယ်ပြန်ကြပါ။ အချင်းချင်းဖုန်းနဲ့ ဆက်သွယ်သတိပေးကြပါ။ လိုအပ်ရင် အလုပ်သမား ရေးအဖွဲ့တွေကို သတင်းမေး သတင်းပို့ကြပါ။ ဖြစ်နိုင်ရင် တယ်လီဗီးရှင်းသတင်းတွေကို အမြဲဖွင့်ထားပါ” ဟု သတိပေးပြောကြားသည်။

ရွှေ့ပြောင်းအလုပ်သမားအများစုသည် လုပ်ငန်းရှိရာ၊ နားနေရာများမှ မလိုအပ်ဘဲထွက်မည် မဟုတ်သည်ကို နားလည်သော်လည်း အများစုသည် နယ်စပ်ဒေသမှလာသော အလုပ်သမားများဖြစ်သည့်အတွက် ပါးရေနပ်ရေ အားနည်းသည်ဟု ၎င်းက ပြောသည်။

ဘန်ကောက်မြို့တော်တွင် အနီခေါင်းဆောင်များက ယနေ့နေ့လယ် (၁) နာရီခွဲတွင် အဖမ်းခံခဲ့သော်လည်း ယခင်က အနီဝတ်များကို လုံခြုံရေး ယူပေးခဲ့သော ဆန္ဒပြသူများက ဘန်ကောက်မြို့ပေါ်သို့ ပြန့်ကျဲထွက် သွားကာ အထင်ကရ နေရာများကို မီးတင်ရှို့ရန် ကြိုးပမ်းနေကြသည်။

အစိုးရပြောရေးဆိုခွင့်ရှိသူ မစ္စတာပန်တိနန်က ယနေ့ညနေ (၅) နာရီတွင် ရုပ်မြင်သံကြားလိုင်း အသီးသီးမှ ပြောကြားရာ၌ လူတိုင်းသည် မိမိ၏သက်သေခံ ကတ်ပြားများကို တပါတည်း ကိုင်ဆောင်ထားရမည်ဖြစ်ပြီး လိုအပ်၍ လုံခြုံရေးဝန်ထမ်းများမှ စစ်ဆေးလျှင် ပြသနိုင်ရမည်ဟုဆိုသည်။

ဘန်ကောက်မြို့တော်တွင် ရွှေ့ပြောင်းအလုပ်သမား (၂) သိန်းခန့်သည် အလုပ်လုပ်ကိုင်နေကြပြီး အများစုမှာ သွားလာလှုပ်ရှား နေရသည့် ဈေးရောင်း၊ စားသောက်ဆိုင်၊ ပန်းရန်လုပ်ငန်းများတွင် လုပ်ကိုင်နေကြသူများ ဖြစ်သည့်အတွက် အချိန်မီ မိမိနားနေရာသို့ ပြန်ရောက်ရန်လိုကြောင်း၊ အရေးကြုံပါက ဆက်သွယ်ရန် အရေးပေါ် နံပါတ်မှာ ၀၂-၅၁၁၁၅၁၅ ဖြစ်ကြောင်း အလုပ်သမားအရေး လုပ်နေသူများက ပြောကြားသည်။
အပြည့်အစုံသို့ >>

ဆန္ဒပြပွဲကာလအတွင်း ရွှေ့ပြောင်း အလုပ်သမားများ အခက်အခဲ ဖြစ်ကြရ

.မြတ်ခိုင်ဦး / ၁၉ မေလ ၂၀၁၀၊ခေတ်ပြိုင်

ခေါင်းဆောင်များ အဖမ်းခံလိုက်ခြင်းဖြင့် ယနေ့အဆုံးသတ်သွားသည့် အင်္ကျီနီဝတ် ထိုင်းအစိုးရဆန့်ကျင်သူများ၏ ဆန္ဒပြမှု (၃) လကြာ ကာလအတွင်း ဒုက္ခမျိုးစုံ ကြုံတွေ့ခံစားကြရသူများအနက် မြန်မာရွှေ့ပြောင်းအလုပ်သမားများလည်း အပါအ၀င်ဖြစ်သည်။


အိမ်အကူအလုပ်သမားများ၊ ဈေးရောင်းဝယ်သမားများ၊ ဧည့်ကြိုလုပ်ငန်း လုပ်သူများနှင့် စားသောက်ဆိုင်ဝန်ထမ်းများ အစရှိသည့် မြန်မာရွှေ့ပြောင်းအလုပ်သမားများသည် ၎င်းတို့အလုပ်လုပ်ကိုင်ရာ နေရာဒေသများတွင် အင်္ကျီနီဝတ် ဆန္ဒပြသူများနှင့် နှိမ်နင်းသည့် အစိုးရစစ်တပ်တို့အကြား ဖြစ်ပေါ်နေသည့် ပစ်ခတ်မှုများ၊ မီးရှို့မှုများကြောင့် အလုပ်အကိုင်ပျက်ကာ ၀င်ငွေထိခိုက်မှုများ ရှိခဲ့သည်ဟု သိရသည်။

.ဘန်ကောက် ပတူနမ်းတွင် ဧည့်ကြိုလုပ်ငန်းလုပ်ကိုင်နေသူ ကိုအောင်ဆန်းက “ကျနော့်ဆီ မြန်မာပြည်က အဖွဲ့တွေ သင်္ကြန်တွင်းတုန်းက လာမယ်ပြောတယ်၊ နောက်ပိုင်းမငြိမ်လို့ မလာတော့ဘူး။ အလုပ်မရှိတော့ ဝင်ငွေမရှိ၊ ဝင်ငွေမရှိတော့ ရှိတဲ့ဟာလေး စားနေတာ အခု ဘတ် (၅၀၀) ပဲကျန်တော့တယ်။ အစားအသောက်ဆိုင်တွေကလည်း ညနေ ( ၅) နာရီဆို ပိတ်တော့ စားရေးလည်း ဒုက္ခရောက်တယ်” ဟုဆိုသည်။

ပတူနမ်းနေရာသည် အင်္ကျီနီဝတ်များက ထိုင်းအစိုးရပြုတ်ကျရေး ဆန္ဒပြမှုများလုပ်ဆောင်နေသည့် ဘန်ကောက်မြို့လယ်ကောင်ရှိ ရတ်ချာပရာချွန် သပိတ်စခန်းအနီးတွင် တည်ရှိသည်။

ယင်းသပိတ်စခန်းချရာ နေရာဖြစ်သည့် စီလုံဆာလာဒါန်းတွင် အိမ်အကူအလုပ်လုပ်သော မလှဌေးက “ကျမက ဆာလာဒါန်းမှာ လုပ်တယ်လေ။ ဗုံးတွေဘာတွေ ကွဲတော့ သူဌေးလည်း မနေရဲတော့ဘူးပြန်ရော။ မဟုတ်ရင် သူဌေးအသစ် ရှာပေးခဲ့မှာလေ၊ သူမပြန်ခင် မေလကုန်ပေါ့။ အခုတော့ အလုပ်သစ်ရှာနေရတယ်” ဟု ပြောသည်။

စီလုံဒေသတွင် အဝတ်အထည်ရောင်းသော ကိုဘိုဘိုကမူ နိုင်ငံခြားသားဧည့်သည်များဖြင့် ပြန်လည်စည်ကားရန်ဆိုသည်မှာ အနည်းဆုံး (၅) လခန့် စောင့်ရလိမ့်မည်ဟုထင်ကြောင်း၊ ဈေးရောင်းကောင်းရန် အချိန်ကြာလိမ့်ဦးမည်ဖြစ်ကြောင်း ပြောကြားသည်။

၎င်းက “ကျနော့်ဆိုင်က သူဌေးက ဈေးရောင်းရတဲ့အပေါ် ပါဆန်းတိတ်ခ်ျ ပေးတာက တနေ့ကို အနည်းဆုံး ဘတ် (၄၀၀) လောက်ရတယ်၊ လခမပါသေးဘူး။ လခကတော့ သောင်းကျော်ပါတယ်” ဟု ဆိုကာ သူ့အဝတ်အထည်ဆိုင်သည် ပုံမှန်အားဖြင့် နေ့စဉ် ဘတ် (၃) သောင်းကျော် ရောင်းရသည်ဟု ပြောသည်။

ဘန်ကောက်တွင် ရွှေ့ပြောင်းအလုပ်သမား (၂) သိန်းခန့် အလုပ်လုပ်ကိုင်နေကြပြီး ဆန္ဒပြကာလအတွင်း လုံခြုံရေးစိုးရိမ်မှုကြောင့် ပြင်ပသို့ မသွားလာရဲသူများလည်း ရှိကြသည်။ ထိုင်းအစိုးရ၏ စာရင်းဇယားများအရ ဘန်ကောက်ဆန္ဒပြမှု ကာလအတွင်း ဆုံးရှုံးခဲ့ရမှုများသည် ထိုင်းဘတ်ငွေ ဘီလီယံ (၇၀) ကျော်သွားပြီဖြစ်ကြောင်း ပြီးခဲ့သည့် သီတင်းနှစ်ပတ်က သတင်းထုတ်ပြန်ခဲ့သည်။

ရွှေ့ပြောင်းအလုပ်သမားများ၏ ဆုံးရှုံးမှုပမာဏကိုမူ တွက်ချက်ရန် ခဲယဉ်းကြောင်း၊ အလုပ်သမားရေး ဆောင်ရွက်နေသော အဖွဲ့အစည်းများက ပြောသည်။
အပြည့်အစုံသို့ >>

Tuesday 18 May 2010

ဘန်ကောက်တွင် ရွှေ့ပြောင်းအလုပ်သမားများအား သတိပေး

ထိုင်းနိုင်ငံရေးအခြေအနေ မတည်ငြိမ်မှုကြောင့် ရွှေ့ပြောင်း အလုပ်သမားများ အနေဖြင့် အထူးသတိထား၍ အသွားအလာ အနေအထိုင် ဆင်ခြင်ရန်လိုကြောင်း အလုပ်သမားအရေး ဆောင်ရွက်နေသူများက ပြောကြား လိုက်သည်။ ပြီးခဲ့သည့် မတ်လ (၁၂) ရက်မှစတင်ကာ ထိုင်းနိုင်ငံ ဘန်ကောက်မြို့တော်တွင် ဖြစ်ပွား နေသော ရာထူးမှအဖြုတ်ချ ခံထားရသည့် ဝန်ကြီးချုပ်ဟောင်း သက်ဆင်ရှင်နာဝပ်တရာကို ထောက်ခံသော အင်္ကျီအနီ ရောင်ဝတ် ဆန္ဒပြသူများနှင့် ထိုင်းအစိုးရတို့အကြား တင်းမာမှုအခြေအနေသည် စိုးရိမ်ရသည့် အနေအထားသို့ ယနေ့ရောက်ရှိလာသည့်အတွက် ရွှေ့ပြောင်းအလုပ်သမားများအား အလုပ်သမားရေး လုပ်ကိုင်နေသော အဖွဲ့ အစည်းအသီးသီးရှိ ခေါင်းဆောင်များက သတိပေး ပြောကြားလိုက်ခြင်းဖြစ်သည်။

ရွှေ့ပြောင်းလုပ်သားတရားမျှတမှုရရှိရေး အစီအစဉ်မှ ဒါရိုက်တာ အန်ဒီဟောက “ရောထွေးမှုတခုခု မဖြစ်လာစေဖို့အတွက် ရွှေ့ပြောင်းအလုပ်သမားတွေဟာ ဒီလိုအန္တရာယ်ရှိတဲ့ နေရာကို မသွားသင့်ပါဘူး။ အနီကော အစိုးရပိုင်းကပါ နှစ်ဘက်လုံး အခြေအနေက အလွန်တင်းမာနေပါတယ်။ အလွန်အလေးအနက် ထားရမှာဖြစ်ပြီး မရည်ရွယ်ဘဲ နားလည်မှုလွဲမှားစရာတွေ အလွယ်တကူ ဖြစ်ပေါ်စေနိုင်ပါတယ်။ ကျနော်တို့ဟာ ထိုင်းမဟုတ်တဲ့အတွက် အထူးသဖြင့် ဘာသာစကားမတူတဲ့အတွက်ပါ” ဟု ဆိုသည်။

ရွှေ့ပြောင်းအလုပ်သမားအားလုံးသည် ယခုလောလောဆယ်အခြေအနေတွင် မိမိ၏သက်သေခံကတ်ပြားကို တပါတည်းဆောင်ထားရန် လိုအပ်ပြီး လိုအပ်သောမိတ္တူများကိုလည်း မိမိအိမ်သို့မဟုတ် သူငယ်ချင်းတဦးဦးထံ ထားရှိသင့်ကြောင်း၊ အလုပ်သမားများအနေဖြင့် လုပ်ငန်းခွင်သို့သွားရာတွင် လတ်တလောဖြစ်ပေါ်နေသော သတင်းများကို ထိုင်းဘာသာဖြင့် ဖြစ်စေ၊ အင်္ဂလိပ်ဘာသာဖြင့် ဖြစ်စေ အသေအချာ လေ့လာပြီးမှ သွားသင့်ကြောင်း ၎င်းက ဆက်လက် ပြောကြားသည်။

(၂) လကြာ ဖြစ်ပွားနေသော ဆန္ဒပြပွဲအတွင်း ရွှေ့ပြောင်းအလုပ်သမားများကို ပိုက်ဆံပေး၍ အားဖြည့် ခေါ်ဆောင်လာသည်ဟူသော အတည်မပြုနိုင်သော သတင်းများလည်း ထွက်ပေါ်နေသည်။ ယင်းကဲ့သို့ သတင်းမျိုး ယခင်က အင်္ကျီအ၀ါဝတ် ဆန္ဒပြသူများ လက်ထက်တွင်လည်း ထွက်ပေါ်ခဲ့ဖူးပြီး မှန်သည်မှားသည်ကို မည်သူမှ အတည်မပြုနိုင်ခဲ့ပေ။

ထိုင်းအလုပ်သမားဥပဒေအရ ရွှေ့ပြောင်းအလုပ်သမားများသည် မိမိစာရင်းသွင်းထားသော ခရိုင်ဒေသများတွင်သာ နေထိုင်လုပ်ကိုင်ကြရပြီး လုပ်ငန်းရှင်မပါဘဲ ခရိုင်ကျော် ဖြတ်သန်းသွားလာခွင့် မရှိပေ။ သို့ရာတွင် ယခုပြုလုပ်နေသော နိုင်ငံသားစိစစ်မှု ပြုလုပ်ရေး အစီအစဉ်အရ ယာယီပတ်စပို့စ် ကိုင်ဆောင်ခွင့် ရထားပြီးသော ရွှေ့ပြောင်း အလုပ်သမားများအနေဖြင့် ထိုင်းနိုင်ငံအတွင်း လွတ်လပ်စွာသွားလာခွင့်ရှိသည်။

မြန်မာပြည်ဒီမိုကရေစီရရှိရေး ထိုင်းလုပ်ငန်းကော်မတီ (TACDB) မှ တွဲဖက်ဒါရိုက်တာ ဦးမြင့်ဝေက “လောလောဆယ်မှာ ကိုယ်ပိုင်ဆိုင်တဲ့ငွေကြေး၊ ပစ္စည်းပစ္စယာတွေကို အဆင်သင့်ဖြစ်အောင် လုပ်ထားကြပါ။ တချို့နေရာတွေမှာ ရုတ်တရက် မီးထလောင်တာတို့ ဘာတို့တွေလည်း ရှိနေကြတယ်။ ထိုင်းကတော့ ပြဿနာမရှိဘူး။ ကယ်ဆယ်ရေးစခန်းတွေမှာ နေလို့ရတယ်။ အလုပ်သမား (၂၀) လောက်က ပါဝင်ပတ်သက်ရင် အလုပ်သမား (၂) သန်းအတွက် ဒုက္ခရောက်သွားနိုင်တယ်” ဟု ဆိုသည်။

မတ်လ (၁၂) ရက်နေ့မှစတင်ကာ ဖန်ဖတံတား၌ အခြေချခဲ့သော အနီရောင်ဝတ်ဆန္ဒပြသူများသည် ဧပြီ (၃) ရက်တွင် မြို့လယ်ကောင် ရတ်ချာပရာချွန်တွင် စတင်နေရာယူခဲ့ပြီး သပိတ်စခန်းဖွင့်ကာ ယနေ့ထိ ထိုင်းအစိုးရပြုတ်ကျရေး ဆန္ဒပြမှုများကို လုပ်ဆောင်နေခြင်းဖြစ်သည်။ ဧပြီ (၁၀) ရက်နေ့ လူစုခွဲမှုအပါအဝင် ဆန္ဒပြသူများနှင့် အစိုးရလုံခြုံရေး တပ်ဖွဲ့တို့အကြား ဖြစ်ပွားခဲ့သည့် ပစ်ခတ်မှုများကြောင့် ယနေ့ နံနက်ပိုင်းအထိ (၆၅) ဦးသေဆုံးခဲ့ပြီး (၁,၆၀၀) ကျော် ဒဏ်ရာရခဲ့သည်ဟု ထိုင်းသတင်းများတွင် ဖော်ပြသည်။

၎င်းတို့အနက် မြန်မာရွှေ့ပြောင်းအလုပ်သမား ရဝမ်လူမျိုး (၁) ဦးအပါအဝင် နိုင်ငံခြားသား စုစုပေါင်း (၆) ဦး ဒဏ်ရာရရှိခဲ့သည်။ ပြီးခဲ့သည့်လက ထိုင်းအလုပ်သမားဝန်ကြီးက ဆန္ဒပြသူများနှင့် ပတ်သက်ဆက်နွှယ်သည့် ရွှေ့ပြောင်းအလုပ်သမား တွေ့ရှိပါက ဖမ်းဆီးအရေးယူ ထောင်ချမည်ဟု ပြောဆိုခဲ့သည်။ ပြီးခဲ့သည့် ဧပြီလအတွင်း အနီရောင် ဆန္ဒပြအင်္ကျီဝတ်၍ ဈေးရောင်းနေသော မြန်မာ (၂) ဦး နှင့် ကမ္ဘောဒီးယား (၁) ဦးတို့ ခေတ္တယာယီ ထိန်းသိမ်းခံခဲ့ရသည်။

ပြီးခဲ့သည့် ကြာသပတေးနေ့တွင် သေနတ်ဖြင့် ပစ်ခတ်ခံခဲ့ရသော အနီဝတ်သူများဘက်မှ ထောက်ခံအားပေးသူ ထိုင်းစစ်တပ်အကြံပေး ဗိုလ်ချုပ် ခတ်တိယ (အသက်၅၉နှစ်) သည် ယနေ့နံနက် ၉နာရီ၂၀မိနစ်တွင် ကွယ်လွန်ခဲ့သည့်အတွက် ယင်းဖြစ်ရပ်သည် အခြေအနေကို ပိုမိုတင်းမာလာစေနိုင်သည်ဟု ထိုင်းနိုင်ငံရေး အကဲခတ်များက ဆိုသည်။

ထိုင်းအစိုးရက ယနေ့ မွန်းလွဲ (၃)နာရီကို နောက်ဆုံးထား၍ မြို့လယ်ကောင်မှ ဖယ်ပေးရမည်ဟု ဆန္ဒပြသူများကို ကြေညာထားပြီး ဆန္ဒပြလူအုပ်ကို စစ်တပ်၊ ရဲ ရာပေါင်းများစွာဖြင့် ဝိုင်းရံထားသည်။
အပြည့်အစုံသို့ >>

မလေးရှားရောက် မြန်မာလုပ်သား ၁၀၀၀ ကျော် ဖမ်းဆီးခံရ

မဇ္ဈိမသတင်းဌာန သောကြာနေ့၊ မေလ ၁၄ ရက် ၂၀၁၀ ခုနှစ် ၂၀ နာရီ ၀၅ မိနစ် 


 နယူးဒေလီ (မဇ္ဈိမ) ။     ။ လုပ်သက် ၅ နှစ်ပြည့် မြန်မာရွှေ့ပြောင်း လုပ်သားများအား မလေးရှားအစိုးရက အလုပ်လုပ်ခွင့် သက်တမ်း တိုးမပေးတော့သဖြင့် တရားမဝင် အလုပ်သမားများ ဖြစ်သွားရာမှ ဖမ်းဆီးမှုများပါ ရှိလာသောကြောင့် လွန်ခဲ့သည့် ၃ ပတ်အတွင်း မြန်မာဦးရေ ၁၀၀၀ ကျော် အဖမ်းခံရပြီ ဖြစ်ကြောင်း သိရသည်။ လတ်တလောတွင် မြန်မာလုပ်သား ၂၀၀ ခန့် တရားမဝင် အလုပ်သမားများ ဖြစ်သွားကာ ယခင်ကတည်းက တရားမဝင် နေထိုင်သူများကိုပါ ရဲနှင့် လူဝင်မှုကြီးကြပ်ရေး အာဏာပိုင်များက ရောပြွန်းဖမ်းဆီးနေခြင်း ဖြစ်သည်။ “၅ နှစ်ပြည့်သွားရင် လုံးဝ မပေးတော့ဘူး။
 မြန်မာနိုင်ငံ နိုင်ငံရေး မငြိမ်သက်တာရယ်၊ တကယ်လို့ ပြန်ရင်လည်း အစိုးရကို အခွန်ဆောင်ရတာတွေ၊ လမ်းစရိတ်တွေ အများကြီး ကုန်တဲ့အတွက် မပြန်ချင်ကြဘူး။ အလုပ်ပါမစ် မရှိတော့ မလေးအစိုးရက ဖမ်းတယ်” ဟု မလေးရှားအခြေစိုက် ရခိုင် ဒုက္ခသည် ကယ်ဆယ်ရေး ကော်မတီ ARRC ဒုဥက္ကဋ္ဌ ကိုသန်းဦးက ပြောသည်။
ရဲနှင့် လဝက အာဏာပိုင်များက တရက်လျှင် တရားမဝင် နိုင်ငံခြားသား ဦးရေ ၁၀၀ ခန့် ဖမ်းဆီးခဲ့ရာ ထိုအထဲတွင် မြန်မာအမျိုးသား၊ အမျိုးသမီးများက ၅၀ ရာခိုင်နှုန်းခန့် ပါဝင်နေသည်။

နိုင်ငံတဝှန်းရှိ မြို့ဒေသများတွင် ကားဂိတ်၊ ရထားဘူတာနှင့် လူသူထူထပ်ရာ နေရာများတွင် ဖမ်းဆီးနေသကဲ့သို့၊ ရဲနှင့် လဝက က မလေးရှား အရပ်သားများကိုပင် ဖမ်းဆီးပိုင်ခွင့် ပေးထားကြောင်း သိရသည်။

မလေးရှားအခြေစိုက် အမျိုးသား ဒီမိုကရေစီ အဖွဲ့ချုပ် (လွတ်မြောက်နယ်မြေ၊ မလေးရှားဌာနခွဲ) နိုင်ငံခြားရေးရာ တာဝန်ခံ ဦးကျော်မိုးက “သက်တမ်း မတိုးပေးတာက  အများကြီး ဒုက္ခရောက်နိုင်ပါတယ်။ မလေးရှားနိုင်ငံလည်း ပြဿနာ အများကြီး ရှိနိုင်မယ်။ တရားမဝင် အလုပ်သမားတွေ ဖမ်းတယ်။ ကျနော်တို့ မြန်မာနိုင်ငံသားတွေက မလေးရှားအနှံ့ အသေးစား ကုမ္ပဏီကအစ မရှိတာ မရှိသလောက်ပဲ။ သူတို့နိုင်ငံသားတွေ မလုပ်ချင်တာ၊ မလုပ်နိုင်တာကို လုပ်တယ်။ ဒါကြောင့် သူတို့နိုင်ငံလည်း ပြဿနာ တက်နိုင်တယ်” ဟု ပြောသည်။

၅ နှစ်သက်တမ်းပြည့် နိုင်ငံခြားသား အလုပ်သမားများအား သက်တမ်းထပ်မတိုးရန် အလုပ်သမားဝန်ကြီးဌာနနှင့် ပြည်ထဲရေးဝန်ကြီးဌာနက ယခုနှစ်ဆန်းပိုင်းတွင် ညွှန်ကြားခဲ့သော်လည်း ပြီးခဲ့သည့်မတ်လ တတိယအပတ်တွင် စတင် အကောင်အထည် ဖော်ကာ ပြီးခဲ့သည့်လ နောက်ဆုံးပတ်တွင် စတင်လိုက်သည့် အဖမ်းအဆီးသည် ယခုတပတ်အတွင်း ပိုမိုကြမ်းတမ်းလာသည်။

အဖမ်းအဆီး အသေးစိတ်ကို ပိုမိုသိရှိရန်အတွက် မြို့နယ် ၃ မြို့နယ်ရှိ လဝက နှင့် အလုပ်သမား ဌာနများသို့ ဆက်သွယ်မေးမြန်းသော်လည်း ၎င်းတို့က ဖြေကြားရန် ငြင်းဆိုကြသည်။

အလုပ်သက်တမ်းတိုးရာ၌ ရိုးရိုး အလုပ်သမားများသည် မလေးရှား ရင်းဂစ် ၁၃၀၀ နှင့် ကုမ္ပဏီက ကျွမ်းကျင်သူအဖြစ် သတ်မှတ်ခံရသူများသည် ရင်းဂစ် ၂၈၀၀ ပေးဆောင်ကြရပြီး၊ အလုပ်သမားဌာနများနှင့် လူဝင်မှုကြီးကြပ်ရေးဌာနများက တရက်အတွင်း သက်တမ်းတိုးပေးသည်။ သက်တမ်းတကြိမ်တိုးလျှင် ၂ နှစ်မှ ၅ နှစ်အထိ ရရှိကြသည်။

သက်တမ်းတိုးမရသဖြင့် မြန်မာပြည်သို့ ပြန်ရန်နှင့် မလေးရှားတွင် ဆက်လက်နေထိုင်ရန် ခက်ခဲသောကြောင့် UNHCR ခေါ် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး၏ ဒုက္ခသည်အဖြစ် အစောင့်အရှောက် ရရှိရန်အတွက် လာရောက်လျှောက်ထားသူဦးရေ များပြားလာကြောင်း သိရသည်။

ယခင်က တရက်လျှင် ဒုက္ခသည်အဖြစ် လျှောက်ထားသူ အရေအတွက်မှာ တရက်လျှင် ၁၅ ဦးမှ ၂၀ ဦးအထိ ရှိခဲ့သော်လည်း အလုပ်သမားကဒ် သက်တမ်းတိုးမပေးသည့်နောက် တနေ့လျှင် ဦးရေ ၃၀ မှ ၄၀ အထိ လာရောက်လျှောက်ထားကြောင်း မလေးရှားနိုင်ငံ ကွာလာလမ်ပူမြို့ရှိ UNHCR ရုံး မြန်မာစကားပြန် ဦးဗျက်လျန်က ပြောသည်။

သို့သော် UNHCR က ဒုက္ခသည်အဖြစ် အလွယ်တကူ သတ်မှတ်ပေးခြင်း မရှိကြောင်း သိရသည်။

ဦးဗျက်လျန်က “UNHCR က အရင်လို ဖြစ်သလို မလုပ်ဘူး။ အတော်လေး ကျပ်လာတယ်။ work permit ကုန်လို့ လာလျှောက်သူတွေတော့ UNHCR က လုံးဝ လက်မခံဘူး။ တကယ် မြန်မာနိုင်ငံမှာ နေလို့မရသူတွေနဲ့ မြန်မာပြည်မှာနေရင် အသက်စိုးရိမ်ရသူတွေကို လက်ခံတယ်” ဟု ပြောသည်။

မြို့နယ်ဒေသအသီးသီးတွင် ဖွဲ့စည်းထားသည့် မြန်မာတိုင်းရင်းသား လူမျိုးစုများ အသိုင်းအဝိုင်း တွေ့ဆုံပွဲများတွင် သတ်မှတ်ခဲ့သည့် စာရင်းများအရ မလေးရှားတွင် မြန်မာရွှေ့ပြောင်းလုပ်သား ၅ သိန်းကျော်နှင့် နိုင်ငံခြားသား အလုပ်သမားပေါင်း ၂ သန်းကျော် ရှိနေသည်။

မလေးရှား အကျဉ်းထောင်း၊ ရဲစခန်း၊ ဒုက္ခသည်စခန်းများတွင် အဖမ်းခံရသူ မြန်မာများမှာ ၉၀၀၀ ကျော် ရှိသည့်အနက် UNHCR လက်မှတ်ကိုင်ဆောင်သူ ၄ဝဝဝ ခန့် ရှိကြောင်းနှင့် UNHCR မှ တာဝန်ရှိသူများက ၁-၂ ခြားဆိုသလို ဦးရေ ၁၀၀ မှ ၂၀၀ ကြားအား ပြန်လည်ထုတ်ပေးနေကြောင်း မြန်မာဒုက္ခသည် အသိုင်းအဝိုင်းက ပြောဆိုသည်။

ဒုက္ခသည်အဖြစ် အသိအမှတ်ပြုထားသူ ၂ သိန်းနီးပါးရှိသည့်အနက် မြန်မာနိုင်ငံသားများမှာမူ တသိန်းနီးပါး ရှိကြောင်းနှင့် မလေးရှားရှိ နိုင်ငံခြားသား ဒုက္ခသည်များထဲတွင် မြန်မာများမှာ အများဆုံးဖြစ်ကြောင်း ပြီးခဲ့သည့်လက ထုတ်ပြန်ခဲ့သည့် မလေးရှားရှိ UNHCR ရုံး၏ စာရင်းတွင် ဖော်ပြထားသည်။

(ဆလိုင်းထွန်း သတင်းပေးပို့သည်။)
အပြည့်အစုံသို့ >>

မလေးရှိ မြန်မာအလုပ်သမား (၅) ဦး ပြန်လည်လွတ်မြောက်

 မြတ်ခိုင်ဦး / ၁၄ မေလ ၂၀၁၀  


 အလုပ်သမားခွန် ဖြတ်တောက်သည်ကို သဘောမတူသဖြင့် မလေးရှားအလုပ်ရှင်နှင့်ရဲ ပူးပေါင်းကာ ဖမ်းဆီးခံထားရသည့် မြန်မာအလုပ်သမား ခေါင်းဆောင် (၅) ဦးသည် ယမန်နေ့က ပြန်လည်လွတ်မြောက်လာသည်။ အဆိုပါ မြန်မာအလုပ်သမားများအား မေလ (၁၂) ရက် ည (၇) နာရီခန့်တွင် မလေးရှားရဲက လာရောက်ဖမ်းဆီးခဲ့ခြင်းဖြစ်ပြီး မလေးရှားနိုင်ငံရှိ Malaysia Trade Union Congress (MTUC) ၏ ကြားဝင်ဆောင်ရွက်ပေးမှုကြောင့် ယမန်နေ့ ညနေပိုင်းတွင် ပြန်လည်လွှတ်ပေးလိုက်ခြင်းဖြစ်သည်။
MTUC နှင့် ပူးတွဲ ကူညီဆောင်ရွက်ခဲ့သော Burma Campaign Malaysia မှ ကိုထွန်းထွန်းက “သက်ဆိုင်ရာရဲစခန်းကို MTUC က ဖုန်းဆက်ပြီး အကျိုးအကြောင်းမေးတော့ ရဲက သေသေချာချာ မဖြေနိုင်ဘဲ နောက်ဆုံး ညနေကြရင်လွှတ်ပေးမယ်ပြောပြီး လွှတ်ပေးတာ” ဟု ဆိုသည်။

ယခုအဖမ်းခံရပြီး ပြန်လည်လွတ်မြောက်လာကြသည့် အလုပ်သမားများမှာ Selangor ပြည်နယ်၊ Kelanajaya Quarter, Kuala Lumpur ဆင်ခြေဖုံးရှိ စားသောက်ဆိုင်တွင် အလုပ်လုပ်ကိုင်နေသော မြန်မာရွှေ့ပြောင်း အလုပ်သမားများဖြစ်ကြပြီး အလုပ်ရှင်မှာ တရုတ်လူမျိုးသူဌေးဖြစ်ကာ ရဲအရာရှိတဦး ရှယ်ယာဝင် ပေါင်းစပ်ဖွင့်လှစ်ထားသော ဆိုင်ဖြစ်သည်။

ယင်းဆိုင်တွင် မြန်မာရွှေ့ပြောင်းအလုပ်သမား (၂၆) ဦးရှိပြီး အလုပ်သမားအခွန်မဖြတ်ရန် ဦးဆောင်တောင်းဆိုခဲ့သူ (၅) ဦးကို ပိုင်ရှင်က ရဲခေါ်ဖမ်းခိုင်းခြင်းဖြစ်သည်။

ယခုပြန်လည်လွတ်မြောက်လာသူ (၅) ဦးအနက် တဦးဖြစ်သည့် ကိုအောင်လင်းဌေးက “ကျနော်တို့ အရင်က ဘာမှမသိပါဘူး။ တရက်မြို့ထဲရောက်တုန်း သူရိယဂျာနယ် ၀ယ်ဖတ်လိုက်မှ လဲဗီးဖြတ်လို့မရဘူးဆိုတာ သိလိုက်ရတယ်။ ဘာပဲဖြစ်ဖြစ်ဗျာ ဒီလဲဗီးငွေ တလကို ရင်းဂစ် (၁၂၀) မဖြတ်ရင် ကျနော်တို့ ငွေပိုစုဆောင်းနိုင်မယ် ဆိုတာတွေးမိပြီး လုပ်ဖော်ကိုင်ဖက်တွေကို ဂျာနယ်ပေးဖတ်ပြီးတော့ အားလုံးတိုင်ပင်ပြီး သူဌေးကို မဖြတ်ဖို့ သွားပြောဖြစ်သွားတယ်။ ကိုထွန်းထွန်းတို၊ ကိုရန်နိုင်ထွန်း တို့ကလည်း သူတို့လုပ်ပေးနိုင်သလောက် အစွမ်းကုန်ကူညီလို့ ကျနော်တို့ ဒီနေ့ အဆင်ပြေသွားပါတယ်။ ကူညီခဲ့သူအားလုံးကို ကျေးဇူးတင်ပါတယ်” ဟု ဆိုသည်။

အလုပ်သမားခွန် (Levy) သည် နိုင်ငံခြားသားအလုပ်သမားများအား ခေါ်ယူငှားရမ်းသည့် လုပ်ငန်းပိုင်ရှင်များက မလေးရှားအစိုးရအား ပေးဆောင်ရသော အခွန်ငွေဖြစ်သည်။

လုပ်ငန်းအမျိုးအစားအပေါ် မူတည်၍ အခွန်သတ်မှတ်ခြင်းဖြစ်ပြီး အလုပ်သမားတဦးလျှင် ကုန်ထုတ်အတွက် ရင်းဂစ် (၁,၂၀၀)၊ စိုက်ပျိုးရေးအတွက် ရင်းဂစ် (၄၅၀)၊ ဆောက်လုပ်ရေးအတွက် ရင်းဂစ် (၁,၂၀၀)၊ စားသောက်ဆိုင်လုပ်ငန်းအတွက် ရင်းဂစ် (၁,၈၀၀) စသည်ဖြင့် တနှစ်အတွက် သတ်မှတ်ထားရှိသည်။

မလေးရှားအလုပ်သမားဥပဒေ ၁၉၅၅ အရ ယင်းအခွန်ကို အလုပ်ရှင်က ပေးဆောင်ရသော်လည်း ၁၉၈၀ ခုနှစ်ဝန်းကျင် နိုင်ငံခြားသားအလုပ်သမားများ စတင်ခေါ်ယူစဉ်မှစ၍ သက်ဆိုင်ရာနိုင်ငံများနှင့် နားလည်မှုစာချွန်လွှာ ချုပ်ဆိုရာတွင်
အလုပ်သမားမှ ပေးရမည်ဟု စာချုပ်တွင်ထည့်သွင်းခဲ့သည်။

သို့သော် ယခုအခါ မလေးရှားအစိုးရက နိုင်ငံခြားသားအလုပ်သမားနည်းသွားစေရန် ရည်ရွယ်၍ ယမန်နှစ် ဧပြီ (၁) ရက်မှစတင်ကာ အလုပ်သမားခွန်ကို အလုပ်သမားများထံမှ ဖြတ်တောက်ခွင့်မရှိဘဲ အလုပ်ရှင်ကသာ ပေးဆောင်ရန် တရားဝင် ကြေညာထားသော်လည်း အလုပ်ရှင်များက ဆက်လက်ဖြတ်နေကြဆဲဖြစ်ကြောင်း ကိုထွန်းထွန်းက ပြောသည်။

၎င်းက “ကျနော်ပြောချင်တာကတော့ ဒီမှာရှိတဲ့ မြန်မာအလုပ်သမားများ ညီညွတ်ကြပါ။ မိမိတို့အခွင့်အရေးအတွက် တောင်းဆိုကြပါ။ လိုအပ်ရင် ကျနော်တို့ ကူညီပါ့မယ်။ များသောအားဖြင့် မြန်မာအလုပ်သမားများဟာ မညီညွတ်ကြဘူး။ သူဌေးတွေက ခွဲရင် အလွယ်ပဲကွဲကြတယ်” ဟု ဆိုသည်။

MTUC သည် မလေးရှားနိုင်ငံရှိ တခုတည်းသော အစိုးရအသိအမှတ်ပြု ယူနီယံဖြစ်ပြီး၊ အလုပ်သမားများ၏ ရပိုင်ခွင့်အတွက် မားမားရပ်ပြီး လုပ်ကိုင်ပေးနေသော အဖွဲ့အစည်းဖြစ်သည်။ ထိုအဖွဲ့အစည်း၏ ပူးပေါင်းဆောင်ရွက်မှုအကူအညီများ ရရှိရေးအတွက် မြန်မာအဖွဲ့အစည်းများအနေဖြင့် အချိန်ယူကြိုးစားခဲ့ကြရသည်ဟု အလုပ်သမားအရေး ဆောင်ရွက်နေသူများက ဆိုသည်။

မြန်မာပြည်တွင်း၌ စီးပွားရေးကျပ်တည်းသဖြင့် မြန်မာအလုပ်သမားများသည် ထိုင်း၊ မလေးရှား၊ တရုတ် စသည့် နိုင်ငံများသို့ အလုပ်သွားရောက် လုပ်ကိုင်ရာတွင် လုပ်ငန်းရှင်များ၏ မတရားဖိနှိပ်ချုပ်ချယ်မှုများ ခံကြရပြီး အချို့အသက်ဆုံးရှုံးမှုများပင် ရှိသည်ကို တွေ့ရှိရသည်။
အပြည့်အစုံသို့ >>

စောင်စက်လုပ်သားများနှင့် အလုပ်ရှင် ပြေလည်မှု ရရှိ

 မြင့်မောင် ဗုဒ္ဓဟူးနေ့၊ မေလ ၁၂ ရက် ၂၀၁၀ ခုနှစ် ၁၄ နာရီ ၃၂ မိနစ်
 
နယူးဒေလီ (မဇ္ဈိမ)။       ။ လှိုင်သာယာမြို့နယ်ရှိ ရွှေလင်ပန်း စက်မှုဇုန်ရှိ ထာဝရ စောင်စက်ရုံရှိ အလုပ်သမား ၁၄ ဦးက အလုပ်ရှင်သည် အလုပ်သမားများအပေါ် ခွဲခြားဆက်ဆံသည်ဟုဆိုသော အငြင်းပွားမှုမှာ  နှစ်ဖက်ပြေလည်မှု ရရှိခဲ့ကြောင်း သိရသည်။ ရွှေလင်ပန်းစက်ရုံမှ လုပ်သား ၈ဝ က ယခုလ ၆ ရက်နေ့တွင် လုပ်အားခများ တိုးမြှင့်ပေးရေး၊ သာယာသော လုပ်ငန်းခွင် ဖန်တီးရေးနှင့် ကျန်းမာရေးဆိုင်ရာ အခွင့်အလမ်းများပေးရန် တောင်းဆိုခဲ့ရာ အာဏာပိုင်များက ကြားဝင်ဖြေရှင်းပေးခဲ့၍ ပြေလည်သွားသော်လည်း အလုပ်ရှင်က ဦးဆောင်တိုင်တန်းခဲ့သူများကို  အငြိုးထားကာ အချိန်ပိုဆင်းခွင့်မပြုခြင်းနှင့် အနီးကပ်စောင့်ကြည့်နေခဲ့သည်ဟူသော အငြင်းပွားမှုထပ်ဖြစ်ပြန်သည်။
မအေးအေးမြင့်နှင့် မဆွေလှိုင်ဦးအပါအဝင် ခေါင်းဆောင် ၁၄ ဦးက ၎င်းတို့ကို ခွဲခြားဆက်ဆံခဲ့သည်ဟုဆိုကာ ယခုလ ၁ဝ ရက်နေ့တွင် အလုပ်သမားရုံးထံ ထပ်မံတိုင်ကြားခဲ့ရာ မြို့နယ်အေးချမ်းသာယာရေးနှင့် ဖွံ့ဖြိုးရေးရုံးကပင် ထပ်မံ ကြားဝင် ညှိနှိုင်းပေးလိုက်ခြင်းဖြစ်သည်။

“အလုပ်ရှင်နဲ့ ညှိပေးလိုက်တာ အလုပ်ရှင်ဘက်က တချို့တဝက် လိုက်လျောတဲ့အတွက် ပြေလည်သွားပါတယ်။ သူတို့ဘက်က မရှင်းလင်းတဲ့ကိစ္စတွေကို သူတို့အချင်းချင်း မေးမြန်းကြပါတယ်။ ” ဟု လှိုင်သာယာမြို့နယ် အလုပ်သမား ကြီးကြပ်ရေး ကော်မတီရုံးမှ တာဝန်ရှိသူတဦးက မဇ္ဈိမကို ပြောသည်။

ထာဝရ စောင်စက်ရုံသည် လှိုင်သာယာမြို့နယ် ရွှေလင်ပန်း စက်မှုဇုန်ရှိ ဗန်းမော်အတွင်းဝန်လမ်း အိမ်အမှတ် ၄၁-၄၂ တွင် ဖွင့်လှစ်ထားသည်။

ပြီးခဲ့သည့်နှစ် ဒီဇင်ဘာလမှစတင်၍ ရန်ကုန်တိုင်း လှိုင်သာယာနှင့် ရွှေပြည်သာမြို့နယ် စက်မှုဇုန်များရှိ အထည်ချုပ်၊ သကြားလုံး၊ သားရေ၊ ဖိနပ်စက်ရုံများနှင့် အင်းစိန်မြို့နယ် Lion City အထည်ချုပ်စက်ရုံတို့တွင် အလုပ်သမားများ၏ လုပ်ခလစာ တိုးမြှင့်ရေး အပါအဝင် ရပိုင်ခွင့်များအတွက် ၁ဝ ကြိမ်ထက်မနည်း ဆန္ဒပြခဲ့ရာ၊ အလုပ်သမားပေါင်း တသောင်းကျော် ပါဝင်ဆန္ဒပြခဲ့သည်။
အပြည့်အစုံသို့ >>

ထိုင်းတွင် နိုင်ငံခြားသား ရွှေ့ပြောင်းလုပ်သားများ ထပ်မံခေါ်ယူမည်

မြတ်ခိုင်ဦး   /   ၁၂ မေလ ၂၀၁၀

ထိုင်းနိုင်ငံတွင် လုပ်သားပြတ်လပ်မှုကို ဖြေရှင်းရန်အတွက် နိုင်ငံခြားသားအလုပ်သမားများကို ငှားရမ်းခေါ်ယူရန် နိုင်ငံတော်ရင်းနှီးမြှုပ်နှံမှု အမှုဆောင်ကော်မတီမှ ပြီးခဲ့သည့် သောကြာနေ့က သဘောတူညီလိုက်ကြောင်း သိရသည်။ ရင်းနှီးမြှုပ်နှံမှု ဘုတ်အဖွဲ့၏ အတွင်းရေးမှူးချုပ် အတ်ချာကာ စီဘူရူယန်က အမှုဆောင်ဒါရိုက်တာများအဖွဲ့ အစည်းအဝေးတွင် ရင်းနှီးမြှုပ်နှံမှု မြှင့်တင်ရေး စီမံကိန်း လိုအပ်ချက်များအရ ဒေသတွင်း လိုအပ်နေသော အလုပ်သမားအရေအတွက် (၃) သိန်းမှ (၅) သိန်းကို ဖြည့်ဆည်းရန်အတွက် နိုင်ငံခြားသား အလုပ်သမားများအား ငှားရမ်း အသုံးပြုခွင့် ရရှိရေးကို ပြန်လည်သုံးသပ်ရန် တောင်းဆိုသွားမည်ဟု ပြောဆိုခဲ့ပြီးနောက် ယင်းသဘောတူညီမှု ထွက်ပေါ်လာခြင်းဖြစ်ကြောင်း ထိုင်းနိုင်ငံထုတ် The Nation သတင်းစာတွင် ပါရှိသည်။ 


ပုံမှန်အားဖြင့် ရင်းနှီးမြှုပ်နှံမှုကော်မတီ စီမံကိန်းများတွင် ကျွမ်းကျင်သူများနှင့် ထိုင်းလူမျိုးဝန်ထမ်းများကိုသာ ငှားရမ်းအသုံးပြုလေ့ရှိသော်လည်း ယခုအခါတွင် စွမ်းရည်နိမ့်နှင့်စွမ်းရည်မြင့် လုပ်သားပြတ်လပ်မှုကို ကုစားရန်အတွက် နိုင်ငံခြားသား အလုပ်သမားများကို ခေါ်ယူမည်ဟု သိရသည်။

အဆိုပါခွင့်ပြုချက်အရ နိုင်ငံခြားသားလုပ်သား ငှားရမ်းခွင့်ရသော အကြီးစား စက်မှုလုပ်ငန်းများမှာ လျှပ်စစ်နှင့်လျှပ်စစ်ပစ္စည်း ထုတ်လုပ်မှုလုပ်ငန်း၊ ကားနှင့်ကားပစ္စည်း ထုတ်လုပ်မှုလုပ်ငန်း၊ အထည်အလိပ် ချုပ်လုပ်မှုလုပ်ငန်းနှင့် ဖိနပ်ခြေအိတ် ထုတ်လုပ်ရေးလုပ်ငန်းများ ပါဝင်မည်ဖြစ်သည်။

လုံလောက်သော လုပ်သားအင်အားမရှိပါက ထိုင်းအစိုးရ၏အရှိန်အဟုန်မြင့် စီမံကိန်းများသည် အခြားတိုင်းပြည်များသို့ ရွှေ့ပြောင်းသွားလိမ့်မည် ဖြစ်သည့်အတွက် ဤအခြေအနေကို ထိန်းသိန်းရန်အတွက် အစိုးရမှ သဘောတူခဲ့ခြင်းဖြစ်သည်ဟု စက်မှုလုပ်ငန်း သတင်းရင်းမြစ်တခုကို ကိုးကားပြီး သတင်းတွင် ဆက်လက်ဖော်ပြထားသည်။

အဆိုပါသတင်းနှင့်ပတ်သက်၍ ရွှေ့ပြောင်းအလုပ်သမားအရေး လုပ်ကိုင်နေသော နိုင်ငံတကာအဖွဲ့အစည်းတခုမှ ခွန်မိုင်က “အခုသူတို့ခေါ်မယ်ဆိုတာက Board of Investment (BoI) က ခေါ်တာလေ။ သူတို့က နိုင်ငံခြားသား ရင်းနှီးမြှုပ်နှံသူတွေလေ၊ အဲဒီတော့ သူတို့ ဘယ်လိုခေါ်မလဲဆိုတဲ့အပေါ် မူတည်တယ်။ ယာယီပတ်စပို့စ် ကိုင်တဲ့သူလား၊ ပတ်စပို့စ် အကြီးကိုင်တဲ့ အလုပ်သမားလားပေါ့၊ အရင်က နားလည်မှု စာချွန်လွှာတွေကတော့ ယာယီပတ်စပို့စ် လုပ်သားတွေအတွက်ပါ” ဟု ဆိုသည်။

မြန်မာစစ်အစိုးရနှင့် ထိုင်းအစိုးရတို့သည် ၂၀၀၃ ခုနှစ်က ရွှေ့ပြောင်းအလုပ်သမား ငှားယူရေးစာချုပ်ကို ချုပ်ဆိုခဲ့ပြီးဖြစ်သည်။

ထိုသို့ခေါ်ယူရာတွင် အလုပ်သမားများ ရရှိနိုင်မည့် အခွင့်အရေးနှင့်ပတ်သက်၍ “သူတို့က နိုင်ငံခြားသား ရင်းနှီးမြှုပ်နှံသူတွေဆိုတော့ နိုင်ငံတကာက ချမှတ်ထားတဲ့ စည်းမျဉ်းစည်းကမ်းတွေကို လိုက်နာပါတယ်။ အလုပ်သမားတွေအတွက် အခွင့်အရေးလည်း အပြည့်အဝရမယ်၊ လုပ်ခလည်း နိုင်ငံတကာ စံချိန်စံညွှန်းအတိုင်းရမယ်” ဟု ၎င်းက ဆက်ပြောသည်။

စွမ်းရည်နိမ့်လုပ်သားဆိုသည်မှာ 3D ဟုခေါ်သည့် Dirty, Dangerous, Difficult သန့်ရှင်းမှုနည်းခြင်း၊ အန္တရယ်များခြင်း၊ ခက်ခဲပင်ပန်းခြင်း စသည့်အလုပ်မျိုးကို လုပ်ဆောင်သူများဖြစ်ပြီး စွမ်းရည်မြင့်လုပ်သားသည် အဆင့်မြင့် အတတ်ပညာ၊ နည်းပညာများ တတ်ကျွမ်းသူများကို ဆိုလိုသည်။

ထိုင်းနိုင်ငံတွင် လုပ်သားလိုအပ်ချက် မြင့်မားနေပြီး ယခုတရားဝင်တည်ရှိနေသော (၁.၃) သန်းရှိ ရွှေ့ပြောင်းအလုပ်သမားထု၏ အလုပ်အကိုင်နှင့်ပတ်သက်၍ ထိခိုက်စရာ အကြောင်းမရှိသည့်အပြင်၊ ရွှေ့ပြောင်းအလုပ်သမားများသည်လည်း ဤလုပ်ငန်းများသို့ ပြောင်းရွှေ့လုပ်ကိုင်နိုင်ခွင့် ရရှိနိုင်မည်ဖြစ်သည်ဟု သိရသည်။
အပြည့်အစုံသို့ >>

Friday 14 May 2010

ထိုင်းနိုင်ငံ မဲဆောက်ရှိ မြန်မာအလုပ်သမားများ ထွက်ပြေး တိမ်းရှောင်နေရ

ညီညီ။ မေ ၁၁ရက်၊ ၂၀၁၀

ထိုင်းနိုင်ငံ မဲဆောက်ဒေသရှိ မြန်မာရွှေပြောင်းအလုပ်သမားများဟာ ဖမ်းဆီးခံရမှာ စိုးရိမ်တဲ့အတွက် ထွက်ပြေး တိမ်းရှောင်နေရကြောင်း၊
အချို့မှာ လယ်ကွင်းများကို ဖြတ်ပြေးခဲ့ကြရသလို အချို့ကလည်း တောတောင်ထဲထဲမှာ ချုအောင်းနေကြရကြောင်း၊ အချို့ကတော့ မြန်မာပြည်ဘက်ခြမ်း မြဝတီမြီု့ဘက်သို့ ထွက်ပြေး တိမ်းရှောင်နေကြောင်း သိရှိရပါတယ်။
ထိုသို့ ထွက်ပြေး တိမ်းရှောင်နေရခြင်းမှာ တာ့ခ်ခရိုင် ရဲတပ်ဖွဲ့အနေနဲ့ စီမံချက်နဲ့ တရားမဝင် ရွှေ့ပြောင်းအလုပ်သမားများကို ဖမ်းဆီးနေတဲ့အတွက်ဖြစ်ကြောင်း မြန်မာအလုပ်သမား သွေးစည်းညီညွတ်ရေးဖွဲ့မှ ကိုသံဒုတ်က ယမနေ့မြန်မာသတင်းဌာနကို ပြောကြားခဲ့ပါတယ်။
မဲဆောက်ရှိ အလုပ်သမားများရဲ့ အခြေအနေနဲ့ ပတ်သက်ပြီး ကိုသံဒုတ်က “ဒီနေ့လည်း တနေကုန် ပုန်းကြ ရှောင်ကြ ပြေးကြ လွှားကြပေါ့ခင်ဗျာ။ ပြီးခဲ့တဲ့ နှစ်ရက်သုံးရက်လောက်တတည်းက စဖြစ်နေတာ။ ကျွန်တော်တို့ ပိုက်ဆံကွင်းလို့ ခေါ်တာပေါ့ဗျာ။
အိုမီဂါစက်ရုံတို့၊ နွားခြံဘက်တို့မှာ ဖမ်းသွားတယ်လို့ ပြောတယ်၊ လွန်ခဲ့တဲ့ နှစ်ရက်လောက်က။ ထို့အထူပဲ စက်ရုံတော်တော်များများကို ထိုင်းအာဏာပိုင်တွေကနေပြီး အလုပ်သမားလက်မှတ် မရှိတဲ့သူတွေကို လက်မခံဘို့၊ စက်ရုံအကြီးတွေ၊ စက်ရုံအကြီးရော အသေးရော အလုပ်သမားလက်မှတ် မရှိတဲ့သူအားလုံး ရှောင်ရတိမ်းရပုန်းကြရတော့တာပေါ့” လို့ မေလ ၁၀ ရက်နေ့ညပိုင်းက ပြောပြပါတယ်။


ထိုသို့ ရှောင်တိမ်းနေကြရသူများမှာ ဘုန်းတော်ကြီးကျောင်းများ၊ နီးစပ်ရာ နေရာများ၊ လယ်ကွင်းများအတွင်း အဆင်သင့်သလို နေထိုင်နေကြရတယ်လို့ မဲဆောက် ရွှေ့ပြောင်းအလုပ်သမားများ၊ သတင်းရပ်ကွက်က ပြောပြပါတယ်။ မေလ ၁၀ ရက်နေ့တွင် ဖြစ်ပျက်ခဲ့ပုံနဲ့ ပတ်သက်ပြီး ကိုသံဒုတ်က “ဒီနေ့ဆိုရင် ကျွန်တော်တို့ရုံနားက ချစ်ထွန်းစက်ရုံ ခေါ်တာပေါ့။ နေ့ခင်း အလုပ်လုပ်နေရင်း တန်းလန်းနဲ့ မနက် ၁၀ နာရီလောက်ကို သတင်းဝင်လာတယ်၊ အလုပ်သမားလက်မှတ် မရှိတဲ့သူတွေ စက်ရုံက ချက်ခြင်း ပုန်းကြရတော့တာပေါ့။ တခု ပြဿနာက ဒီ အလုပ်သမားတွေက စက်ရုံမှာပဲ နေ၊ စက်ရုံမှာပဲ ထမင်းစား၊ စက်ရုံမှာပဲ အလုပ်လုပ်၊ စက်ရုံမှာပဲ ရေချိုးဆိုတော့ ချက်ခြင်း ပုန်းရှောင်ရမယ်ဆိုတော့ အရမ်းကို ဒုက္ခရောက်တော့တာ။ ဒီနှစ်က အရမ်း ရာသီဥတုက ပူတယ်လေ။ အရမ်းပူတော့ ပိုပြီး ဒုက္ခရောက်ကြရတော့တာပေါ့ဗျာ” ရှင်ပြပါတယ်။


မဲဆောက်ရောက် မြန်မာအလုပ်သမားများရဲ့ ဘဝနဲ့ ပတ်သက်ပြီး အလုပ်သမားအရေး ဆောင်ရွက်နေသူတဦးကလည်း “ရွှေ့ပြောင်းအလုပ်သမားများရဲ့ ပြဿနာဟာ ဂျာအေး သူ့အမေရိုက်သလို ဖြစ်နေကြောင်း၊ ထိုင်းအလုပ်သမားဝန်ကြီးဌာန ဥပဒေက တမျိုး၊ မြန်မာစစ်အစိုးရ ဥပဒေကတမျိုး၊ ဒေသဆိုင်ရာအာဏာပိုင်တွေ့ရဲ့ အာဏာက တမျိုး ဖြစ်နေတဲ့အတွက် မြန်မာရွှေ့ပြောင်းအလုပ်သမားများရဲ့ ဘဝဟာ လုပ်အား ခေါင်းပုံဖြတ်ခံကြရတဲ့အပြင် လုံခြုံရေအရလည်း ကင်းမဲ့နေကြောင်း၊ မြန်မာပြည်ရဲ့ အခြေအနေလည်း ဆိုးရွားနေတဲ့အတွက် အလုပ်သမားများဟာ ဒီ အခြေအနေမှာ လုပ်ကိုင်စားသောက်ရုံအပြင် အခြား ရွေးချယ်စရာလမ်း မရှိကြကြောင်း” ပြောပြပါတယ်။


ထိုင်းနိုင်ငံတွင် အိမ်နီးချင်းနိုင်ငံများက လာရောက်နေထိုင်ကြတဲ့ ရွှေ့ပြောင်းအလုပ်သမား သန်းဂဏန်းနဲ့ ရှိပါတယ်။ ထိုသို့ လုပ်ကိုင်နေကြသူများအနေနဲ့ မှတ်ပုံတင်ဖို့၊ မြန်မာနိုင်ငံသားများဆိုရင် ယာယီနိုင်ငံကူးလက်မှတ် လျှောက်ထားဖို့ နှစ်နိုင်ငံအစိုးရများက တိုက်တွန်းထားခဲ့ကြပါတယ်။ အဲ့ဒီလို ဆောင်ရွက်ပေးမယ့်လည်း ထိုက်သင့်သလောက် အောင်မြင်ခြင်း မရှိခဲ့ပါဘူး။ ထိုနော် လွန်ခဲ့တဲ့တလခန့်က မှတ်ပုံတင်ခြင်း မပြုတဲ့ အလုပ်သမားများအား သက်ဆိုင်ရာနိုင်ငံကို ပြန်ပို့မယ့်အကြောင်း ထိုင်း အာဏာပိုင်တွေက ကြေညာခဲ့တယ်လို့ မဲဆောက် အလုပ်သမားများ သတင်းရပ်ကွက်က ပြောပါတယ်။


ကိုသံဒုတ်ကတော့ “ကမ္ဘာ့စီးပွားပျက်ကပ်က တိုက်ရိုက်ထိတယ် ဗျ။ အလုပ်သမားတွေက တစ်အချက် လုပ်အားခ ကျလာတယ်၊ အလုပ်ချိန်တွေ ပိုလာရတယ်။ နှစ်အချက် အလုပ်ချိန်က ပုံမှန်မရှိဘူးဗျ။ တချို့စက်ရုံကြီးတွေ ပိတ်ရတယ်။ အဲ့ဒီတော့ ပိုလျှံတဲ့အလုပ်သမားတွေ ပြန်ပို့ချင်တာနဲ့ အလုပ်သမားလက်မှတ် မရှိသူတွေ၊ အလုပ်သမားလက်မှတ်တင် မဟုတ်ဘဲနဲ့ ယာယီနိုင်ငံကူးလက်မှတ်နဲ့ အလုပ်မလုပ်တဲ့သူတွေကို ပြန်ပို့မယ်ဆိုပြီး စစ်ဆင်ရေးသဘောနဲ့ လုပ်တယ်နဲ့ထင်တယ်။ အခွန်လည်း ရချင်ပုံ ရပါတယ်။ အလုပ်သမားတယောက်ကို ဘတ် ၃၈၀၀ ဆိုရင် အလုပ်သမားတွေက တသန်းကျော်ရှိတော့ ဘီလျံနဲ့ချီ ရတာ။ မြန်မာအလုပ်သမားကတော့ ကြံဖက်လိုပါပဲ ဗျာ။ ဗမာပြည်ဘက်ကလည်း စုတ်လိုက်တော့ ဘယ်လိုမှ မခံနိုင်လို့ ဒီဘက်ကို ထွက်လာတယ်။ ဒီဘက်ရောက်တော့ ထိုင်း အရင်းရှင်ရော အစိုးရ စည်းမျည်းစည်းကမ်း ကြိုးနီစနစ်က ဝိုင်း စုတ်လိုက်တော့ ဘာမှ မကျန်တော့ဘူး။ စုတ်ပြတ်နေတော့တာပဲ” လို့ ထိုင်းမှာရှိတဲ့ မြန်မာရွှေ့ပြောင်းအလုပ်သမားတွေရဲ့ဘဝနဲ့ ပတ်သက်ပြီး ပြောပြပါတယ်။

အပြည့်အစုံသို့ >>

Thursday 13 May 2010

မဲဆောက်မြို့နေရာဒေသအသီးသီးရှိစက်ရုံများကို ထိုင်းရဲများဝင်ရောက်ဖမ်ဆီးပြီး ထောင်ချခံနေရ

ထိုင်း-မြန်မာနယ်စပ်



မဲဆောက်ဒေသတွင်း မြန်မာရွှေ့ပြောင်းအလုပ်သမားများ အလုပ်လုပ် ကိုင်နေသည့် စက်ရုံအလုပ်ရုံများကို ထိုင်းရဲများက မေလ ၈ရက်နေ့မှ ယ နေ့အထိ ၀င်ရောက် ဖမ်းဆီးခဲ့ရာ မြန်မာအလုပ်သမား (၆၀၀)ကျော်ဖမ်းဆီးခံခဲ့ရသည်။

ဖမ်းဆီးခံရသည့် အလုပ်သမား (၆၀၀)ကျော်ထဲမှ ထောင်ဒဏ်အပြစ်ကျခံရသူ၊ မြန်မာနိုင်ငံ ဘက်ခြမ်းသို့ ပြန်ပို့ခံရသူနှင့် လုပ်ငန်းရှင်က ထိုင်းအာဏာပိုင်ထံ ငွေပေးရွေးထုတ်နိုင်ခဲ့သည့် အလုပ်သမားများလည်းရှိကြောင်း စုံစမ်းသိရှိရသည်။

ပြီးခဲ့သည့် စနေနေ့က အဖမ်းခံခဲ့ရသည့် ဝေ့မုတ်ကျေးရွာရှိ နွားရုံဟု လူသိများသည့် တီကေဖိုးသိုးမွှေးစက်ရုံမှ မြန်မာရွှေ့ပြောင်းအလုပ်သမား (၁၉၂)ဦးကို တနင်္လာနေ့တွင် မဲဆောက်မြို့နယ်တရားရုံးက ထောင်ဒဏ် (၄၅)ရက်ချမှတ်လိုက်သည်။

အလားတူဘန်စန်ခွဲအရပ်ရှိ အိုမီဂါသိုးမွှေးစက်ရုံမှ မြန်မာရွှေ့ပြောင်းအလုပ်သမား (၁၂၀)ကို ထိုင်းရဲများက ပြီးခဲ့သည့်စနေနေ့တွင်ဖမ်းဆီးခဲ့သည်။ ထိုအဖမ်းဆီးခံ မြန်မာအလုပ်သမား (၁၂၀)ထဲမှ (၉၇)ဦးကို တနင်္ဂနွေနေ့တွင် ထိုင်းအာဏာပိုင်များက မြန်မာဘက်ခြမ်းသို့ ပြန်လည်ပို့ ဆောင်ခဲ့သည်။ ကျန် (၂၃)ဦး ထောင်ချခဲ့ပြီး အိုမီဂါစက်ရုံမန်နေဂျာကိုပါ ထိုင်း အာဏာပိုင်များက အရေးယူခဲ့သည်။

အိုမီဂါ စက်ရုံမှ ကိုထွန်းထွန်းက ”စိတ်မကောင်းဘူးဗျာ။ သူတို့ တွေကို ဘယ်လို ကူညီရမလဲမသိဘူး။ သူဌေးကလည်း လွတ်မယ် လွတ်မယ်နဲ့ အခုတော့ ထောင်ကျကုန်ပြီ။”ဟု ပြောသည်။

တနင်္လာနေ့ညနေပိုင်းတွင် မယ်တောင်ကျေးရွာရှိ SR သိုးမွေးစက်ရုံမှ မြန်မာအလုပ်သမား (၂၅၀) အဖမ်းခံခဲ့ရသည်။ အဖမ်းခံရသည့်အလုပ်သမားများအခြေအနေကို အဆိုပါ စက်ရုံမှ ကိုမင်းနောင်က ”ကျနော်တို့ စက်ရုံက အဖမ်းခံရသူတွေကတော့ အခု အလုပ်ပြန်ဆင်းနေပြီ။ သူဌေးက ဘတ် ၇၀၀၀၀ နဲ့  ရွေးလိုက်တယ်” ဟုဆိုသည်။

ထိုင်းအစိုးရက ပြဌာန်းထားသော အလုပ်သမားဥပဒေအရ အလုပ်သမားလက်မှတ် မရှိသူများကို ဖမ်းဆီး ထောင်ချခြင်း။ မိခင်နိုင်ငံသို့ ပြန်ပို့ ခြင်းများ ကိုပြုလုပ်နိုင်သည်။ ထို့ အတူ တရားဝင် အလုပ်လုပ်ခွင့်မရှိသူကို အလုပ်ခန့် ထားသော အလုပ်ရှင်မှာ အလုပ်သမား ဥပဒေအရ အပြစ်ပေး အရေးယူခံရမည်ဟု ပြဌာန်းထားကြောင်း ရောင်ခြည်ဦးအလုပ်သမားအဖွဲ့တာဝန်ခံဖြစ်သူကိုမျိုးဇော်မှ ၂၀၀၈ ခုနှစ်က ထုတ်ပြန်တဲ့ အလုပ်သမားဥပဒေအရ ပုဒ်မ ၂၇မှာ လက်မှတ်မရှိတဲ့ အလုပ်သမားကိုမခန့်ရ၊ ခန့်ထားခဲ့ရင် ပုဒ်မ ၅၄ မှာ ပြဌာန်းထားတာက အလုပ်သမား တယောက်အတွက် ဒဏ်ငွေ ၁ သောင်းကနေ ၁ သိန်းအထီ ဒါဏ်ရိုက်ခံရမယ် ဒါက အလုပ်ရှင်အပိုင်း၊ အလုပ်သမားကျတော့ ပုဒ်မ ၅၁ အရ လက်မှတ်မရှိဘဲ မလုပ်ရ တွေ့ရှိရင် ဒါဏ်ငွေ ၂၀၀၀ ကနေ ၁သိန်းအထိဒါဏ်ရိုက်ခံရနိုင်တယ်၊ ၅နှစ်အထိ ထောင်ဒဏ် ချမှတ်ခံရနိုင်တယ် သို့သော် အလုပ်သမားကိုယ်တိုင်က နေရပ်ရင်းဒေသကပြန်ပါမယ်လို့ဝန်ခံထွက်ဆိုရင် ရက်ပေါင်း ၃၀ အထိထောင်ဒါဏ်ချခံရပြီးတော့ နယ်စပ်ပြန်လွှတ်နိုင်တယ် ဒါကတော့ တရားရုံးအပေါ်မှာ မူတည်တာပေါ့ဗျာ” ဟုပြောသည်။

ရဲဖမ်းမည်ကိုစိုး၍ တောထဲတွင် သွားရောက်ပုန်းရှောင်နေရာမှ ယခုအခါ အလုပ်ထဲကို ပြန်ရောက်လာသူ ရုံစိမ်းမှ ကိုဝင်းညွန့် ကလည်း ”သုံးရက်လောက် ပုလိပ်ပြေးလိုက်ရတယ်ဗျ။ အခုတော့ စက်ရုံက ပြန်လိုက်ခေါ်လို့ အလုပ်ပြန်ဆင်းနေကြပြီ” ဟုဆိုသည်။
မဲဆောက်မြို့ပါတ်ဝန်းကျင် စက်ရုံအချို့တော့အလုပ်ပြန်ဆင်းခိုင်းနေပြီး အချို့စက်ရုံတော် တော်များများ ကတော့ ယခုထိ ရှောင်ပုန်းနေကြတုန်းပဲဟုသိရှိရပါသည်။

ထိုင်းအစိုးရသည် ယာယီပတ်စ်ပို့ ပြုလုပ်ရန် နောက်ဆုံးသတ်မှတ်ရက်ကို မတ်လ ၂ ရက်နေ့ ကို သတ်မှတ်ခဲ့ပြီး ထိုရက်ကျော်လွန်ပါက မြန်မာအလုပ်သမားများကို ဖမ်းဆီးကာ မြန်မာဘက်ခြမ်းသို့  အလုံးအရင်းနှင့် ပြန်ပို့ မည်ဟု ကြေညာထားဖူးသည်။ ထိုကြေညာချက်ထွက်ပေါ်ပြီးနောက်မဲဆောက်မြို့ တွင် ယခုကဲ့သို့  အစုလိုက်အပြုံလိုက်ဖမ်းဆီးခြင်းသည် ထိုင်းနိုင်ငံအတွင်း အများဆုံး ဖမ်းဆီးခြင်းဖြစ်သည်။

ထိုင်းနိုင်ငံအတွင်းတွင် မြန်မာ ရွှေ့ ပြောင်းအလုပ်သမား ၂ သန်းခွဲနှင့် အထက်ရှိသည်ဟု အလုပ်သမားအဖွဲ့  အစည်းများက ခန့် မှန်းပြောဆိုကြသည်။
အပြည့်အစုံသို့ >>

Wednesday 12 May 2010

မဲဆောက်ရှိ မြန်မာ အလုပ်သမား ၆၀၀ ကျော် ဖမ်းဆီးခံရ

ဘစောတင် Tuesday, May 11, 2010 ဧရာဝတီ

ထိုင်း-မြန်မာ နယ်စပ် မဲဆောက် မြို့တွင် ၃ ရက် အတွင်း မြန်မာနိုင်ငံသား အလုပ်သမား ၆၀၀ ကျော် ဖမ်းဆီး ခံရကြောင်း သတင်း ရရှိသည်။
မဲဆောက်မြို့ရှိ စက်ရုံများမှ နေထိုင် အလုပ် လုပ်ခွင့် လက်မှတ်မရှိသော မြန်မာရွှေ့ပြောင်းလုပ်သားများကို ထိုင်းအာဏာပိုင်များက မေလ ၈ နေ့မှ ၁၀ ရက်နေ့များအတွင်း ဖမ်းဆီးပြီး ပြန်ပို့ခြင်း၊ ထောင်ဒဏ်ချမှတ်ခြင်းများ ပြုလုပ်ကြောင်း သိရသည်။“သုံးရက်အတွင်း ၆၀၀ ကျော် အဖမ်းခံရတယ်၊ မယ်တော် ကမ်းနားက အမိုးစိမ်းရုံ၊ အမိုးနီရုံ၊ စတီးလ်ရုံ၊ ချန်ပီယံ ရုံ၊ ဘတ် နှစ်ရာဘက် စက်ရုံကလူတွေ ပုလိပ်ဖမ်းမှာစိုးလို့ တောထဲ တောင်ထဲပြေးနေကြတယ်၊ ပုလိပ်ကြောက်လို့ ပြေးတာတော့ စက်ရုံအားလုံး လိုလိုပါပဲ”ဟု မြန်မာ အလုပ်သမား ကွန်ရက်မှ တာဝန်ခံ ကိုဝဏ္ဏက ဧရာဝတီသို့ ပြောသည်။

မဲဆောက်ရှိ မဲ့သောင်၊ ဘန့်နူယာ စသည့် နေရာ အမည်များကို မြန်မာများက မယ်တော်၊ ဘတ်နှစ်ရာ ဟု အသံထွက် ခေါ်ဝေါ်ကြခြင်းဖြစ်သည်။

မေလ ၈ ရက်နှင့် ၉ ရက် အတွင်း မယ်တော် ကမ်းနားရှိ နွားရုံခေါ် စုန်ဟွန် သိုးမွေးရုံမှ အလုပ်သမား ၂၀၀ နီးပါး၊ ကပ်ပီဘန်း ဘက်တွင် လမ်းသွားလမ်းလာ ၆၀ ခန့်နှင့် အိုမီဂါရုံမှ ၁၂၀ ခန့် အဖမ်းခံရပြီး ယမန်နေ့တွင် S.R သိုးမွေးစက်ရုံမှ ၂၅၀ ခန့် ဖမ်းဆီးခံရသည်ဟု ကိုဝဏ္ဏက ဆက်လက်ပြောပြသည်။

အိုမီဂါ စက်ရုံမှ အဖမ်းခံရသော အလုပ်သမားများအနက် ၁၀၀ ခန့်ကို ယမန်နေ့ က မြန်မာဘက်သို့ ပြန်ပို့ လိုက်သည်ဟု သိရသည်။

သို့ သော် စုန်ဟွန် သိုးမွေးစက်ရုံ (နွားရုံ) မှ အလုပ်သမားများကိုမူ တရားရုံးက အမိန့်ချမှတ်ပြီး ထောင်သို့
ပို့လိုက်သည်ဟု တရားခွင်သို့ သွားရောက်ခဲ့သော ယင်းစက်ရုံမှ အလုပ်သမားတဦးဖြစ်သူ ကိုကျော်ညွန့်က ပြောသည်။

ကိုကျော်ညွန့် သည် မြ၀တီမှ မဲဆောက်သို့နေ့စဉ် လာရောက် အလုပ်လုပ်သူဖြစ်သည်။ ယင်းသိုးမွှေး စက်ရုံ သည် မြ၀တီမြို့နှင့် မျက်နှာချင်းဆိုင်ရှိ မဲဆောက်မြို့နယ်အတွင်း မဲ့သောင်ရွာတွင် ရှိသည်။ 

“ကျနော်တို့ နွားရုံက လူတွေကတော့ အားလုံး ထောင်ထဲပို့ လိုက်ပြီဗျာ၊ ကျနော် ပြန်လာခါနီးမှာ အားလုံး ဆံပင်တွေ ညှပ်လိုက်ပြီ၊ ဘယ်လောက် အမိန့်ချလိုက်တယ်တော့ ကျနော် မသိဘူး၊ သူတို့ အားလုံးကို ထောင်ချလိုက်ပြီ ဆိုတာပဲ သိရတယ်”ဟု ကိုကျော်ညွန့်က ဆိုသည်။

ရဲဖမ်းမည်စိုး၍ တိမ်းရှောင်နေသူ တဦးဖြစ်သော ကပ်ဘီဘန်းရွာရှိ ပေါင်မုန့်စက်ရုံမှ ကိုမျိုးကလည်း “ကျနော် တို့ တွေ တောထဲ တောင်ထဲမှာ အများကြီးပဲ၊ ပုလိပ် ဖမ်းမှာစိုးလို့ ပြေးနေတာ၊ မနက်ကတည်းက စက်ရုံက လူတွေ ပြေးနေကြ ရတယ်၊ ကျနော်တို့ မှာ လက်မှတ်မရှိတော့ ရဲဖမ်းမှာကို ကြောက်လို့”ဟုပြောသည်။

အလုပ်သမားများမှာ အခက်အခဲ ကြုံတွေ့နေရကြောင်း ရခိုင်အလုပ်သမား သမဂ္ဂမှ ဥက္ကဋ္ဌ ကိုလှမင်းက “တမြို့လုံးက စက်ရုံတွေ ပိတ်ထားရသလောက်ပဲ၊ အလုပ်သမား အများစုကလည်း လက်မှတ်မရှိကြတော့ ပြေးနေကြတယ်၊ ဒီတခါ ဖမ်းတာတော့ ဒီနှစ်အတွက် အဆိုးဆုံးပဲ”ဟုပြောသည်။
မြန်မာအလုပ်သမားများ အဖမ်းခံရသည့်အခါ ထိုင်းရဲများက အလုပ်သမားများကို ပြစ်ဒဏ်ချမှတ်ခြင်း၊ မြန်မာ ဘက်ကမ်းသို့ ပြန်ပို့ခြင်း၊ ဒဏ်ငွေရိုက်ခြင်းများ ရှိသော်လည်း ထိုင်းအလုပ်ရှင်များကိုမူ အရေးယူခြင်း မရှိဟု အလုပ်သမား သွေးစည်းညီညွတ်ရေးအဖွဲ့ (မြန်မာနိုင်ငံ)မှ တာဝန်ခံ ကိုသံဒုတ်က ပြောသည်။

“ထိုင်းအစိုးရနဲ့ အလုပ်ရှင်တွေက ဒီအလုပ်သမားတွေ အလုပ်လုပ်လို့ အဆင်ပြေနိုင်လောက်တဲ့ ဥပဒေကို ချမှတ်သင့်တယ်ဗျာ၊ အလုပ်ရှင်တွေကလည်း ယာယီပတ်စ်ပို့ ဆိုလည်း ယာယီပတ်စ်ပို့ ပေါ့၊လက်မှတ်ဆို လည်း လက်မှတ်ပေါ့၊ သူတို့ က ကူညီလုပ်ပေးသင့်တာပေါ့၊ အခုတော့ ဖမ်းရင် အလုပ်သမားတွေသာခံ၊ အလုပ်ရှင်တွေကတော့ ဘာမှမဖြစ်ဘူး၊ ခံစရာရှိ ကျနော်တို့ အလုပ်သမားတွေက ခံဘက်ကချည်းပဲ”ဟု ကိုသံဒုတ်က ဆိုသည်။

မဲဆောက်မြို့တွင် စက်ရုံပေါင်း ၃၀၀ နီးပါးရှိပြီး မြန်မာအလုပ်သမား သိန်းနှင့်ချီရှိသည်။ မဲဆောက်မြို့မှအလုပ် သမားများ အများစုသည် အလုပ်သမား လက်မှတ်လုပ်ခ မတတ်နိုင်၍ လက်မှတ်လုပ်သူ ရာနှုန်း အနည်းငယ် သာ ရှိသည်ဟု သိရသည်။

ထိုင်းနိုင်ငံအတွင်းတွင် မြန်မာရွှေ့ ပြောင်းအလုပ်သမား ၂ သန်းခွဲနှင့် အထက်ရှိသည်ဟု အလုပ်သမားအရေး လေ့လာသူများက ခန့်မှန်းပြောဆိုကြသည်။
အပြည့်အစုံသို့ >>

Sunday 9 May 2010

မလေးရှိ နိုင်ငံခြားသား အလုပ်သမားများအား သက်တမ်း တိုးပေးတော့မည်မဟုတ်

မြတ်ခိုင်ဦး/ ၇ မေ ၂ဝ၁ဝ ခေတ်ပြိုင် 

မလေးရှားနိုင်ငံရှိ လုပ်သက် (၅) နှစ် ပြည့်သွားသော မြန်မာအပါအ၀င် နိုင်ငံခြားသား ရွှေ့ ပြောင်းအလုပ်သမားများအား မလေးရှားအစိုးရက အလုပ်လုပ်ခွင့်သက်တမ်းများ ထပ်တိုးမပေးတော့ဟု သိရသည်။ လူဦးရေ (၂၅) သန်းရှိသော မလေးရှားနိုင်ငံတွင် (၂.၂) သန်းရှိနေသော နိုင်ငံခြားသား ရွှေ့ ပြောင်းအလုပ်သမားများအား (၁.၅) သန်းအထိ လျှော့ချရန် ရည်ရွယ်၍ မလေးရှားအစိုးရက သက်တမ်းတိုးခွင့် ရပ်ဆိုင်းလိုက်ခြင်းဖြစ်သည်။ ယင်းသို့ ပြုလုပ်မည့်အကြောင်းကို ယခုနှစ်ဦးပိုင်းတွင် အလုပ်သမားဝန်ကြီးနှင့် ပြည်ထဲရေးဝန်ကြီးတို့က တရားဝင် ပြောကြားခဲ့သော်လည်း ယခုရက်ပိုင်းမှစ၍ သက်တမ်းတိုးပေးမှုများကို စတင်ရပ်ဆိုင်းလာခြင်းဖြစ်သည်။

မလေးရှားမှ သက်တမ်းတိုးရန် ငြင်းပယ်ခံရသူတဦးက “ကျနော့်နာမည် စောလှမြင့်ပါ၊ ဧရာဝတီတိုင်းက ကရင်လူမျိုးပါ၊ ဒီမှာ စတီးဂဟေဆော်တဲ့ အလုပ်လုပ်ပါတယ်။ လုပ်ငန်းကျွမ်းကျင်လို့ တနေ့ကို (၅၀) ရင်းဂစ်ရပါတယ်။ အိုဗာတိုင်ရှိရင် တနေ့ကို ပျမ်းမျှ (၇၅) ရင်းဂစ်လောက်ရပါတယ်။ သက်ဆိုင်ရာ လ၀ကကို အရင်အပတ်က သူဌေးကသွားတယ်။ လ၀က က သက်တမ်းတိုးလို့မရပါ၊ (၅) နှစ်ပြည့်သွားပြီ၊ ပြန်ပို့ဖို့အတွက် စီစဉ်ပါလို့ ပြောတယ်လို့သိရတယ်။ ကျနော့်သက်တမ်းက (၆) လပိုင်းဆိုရင် ကုန်ပြီ။ သူဌေးကတော့ ပြောပါတယ်၊ နေရဲရင် အလုပ်ဆက်ခန့်မယ်လို့ ပြောတယ်။ ပြန်သွားရင် စုဆောင်းထားတာ မရှိတော့ ပြန်လာဖို့မလွယ်ဘူး။ ရွာမှာလည်း အလုပ်အကိုင်တွေ အဆင်မပြေတော့ မိသားစုကလည်း နေလို့ရသလောက်နေပါလို့ ပြောနေတော့ မပြန်ဘဲ အိုဖို့ဆုံးဖြတ်လိုက်တာပါ။ ကံမကောင်းလို့ ရဲအဖမ်းခံရမှပဲ ပြန်တော့မယ်ဗျာ” ဟုဆိုသည်။
သက်တမ်းဆက်တိုးမပေးတော့သော်လည်း မြန်မာပြည်သားအများစုသည် နေရပ်ရင်းသို့ မပြန်လိုသူများထဲတွင် ထိပ်ဆုံးမှ ရှိနေပြီး ဒုက္ခသည်အဖြစ် ဒုက္ခသည်များဆိုင်ရာမဟာမင်းကြီးရုံး (UNHCR) သို့ လျှောက်ထားမည့်သူ များလာနေသည်ဟု သိရသည်။
မလေးရှားနိုင်သို့ လာရောက် အလုပ်လုပ်ကိုင်သူများသည် (၃) နှစ် စာချုပ်ဖြင့် ပထမဦးစွာ အလုပ်လုပ်ရပြီး အလုပ်ရှင်က နှစ်သက်ပါက ထပ်မံ၍ (၂) နှစ်ဆက်လက် လုပ်ကိုင်ခွင့်ရှိသည်။ ထို့နောက် လုပ်ငန်းရှင်မှ ထပ်မံခန့်ထားလိုပါက လုပ်ငန်းကျွမ်းကျင် လက်မှတ်လျှောက်ရပြီး ရခဲ့လျှင် ထပ်မံ၍ (၅) နှစ် နေခွင့်ရှိပြီး စုစုပေါင်း (၁၀) နှစ် နေထိုင် လုပ်ကိုင်နိုင်ခွင့်ရှိသည်။
ယခုအခါတွင် အိုဗာစတေးဖြင့် နေထိုင်သော အလုပ်သမားများအား မလေးအစိုးရကလည်း နေ့စဉ်ရက်ဆက် ဆိုသလို ဖမ်းဆီးမှုများ ပြုလုပ်လျက်ရှိသည်။
မလေးရှားတွင် လူဝင်မှုကြီးကြပ်ရေး ထိန်းသိန်းရေးစခန်း (၁၃) ခုရှိပြီး တခုလျှင် အနည်းဆုံးလူဦးရေ (၁,၀၀၀) ခန့်ကို ဖမ်းဆီးထိန်းသိမ်းထားကာ ထိုသူများထဲတွင် မြန်မာနိုင်ငံသား (၃,၀၀၀) မှ (၅,၀၀၀) အထိ အထိန်းသိမ်းခံနေရသည်။
မလေးရှားနိုင်ငံအတွင်း အလုပ်သမားအရေး လုပ်ကိုင်ဆောင်ရွက်နေသော Burma Campaign Malaysia မှ ကိုထွန်းထွန်းက “အခုကိစ္စနဲ့ပတ်သက်ပြီး မလေးအစိုးရအနေနဲ့ မှားယွင်းတဲ့ ပေါ်လစီလို့မြင်တယ်။ ဘာကြောင့်လဲဆိုတော့ လက်ရှိလုပ်ငန်း ကျွမ်းကျင်သူတွေကို ပြန်ပို့ပြီး အသစ်တွေကို ခေါ်ယူခွင့်ပေးထားတော့ လုပ်ငန်းရှင်တွေအနေနဲ့နစ်နာတယ်။ တဖက်ကလည်း ပို့ကုန်လုပ်ငန်းတွေကို ထိခိုက်နိုင်တယ်။ ဒါကြောင့် အလုပ်ရှင် အလုပ်သမား နှစ်ဖက်နစ်နာမှုတွေ ဖြစ်စေတယ်။ အကျိုးအမြတ် ရသူတွေကတော့ အလုပ်သမား ခေါ်ယူပေးတဲ့ ပွဲစား (အေးဂျင့်) တွေပဲ ဖြစ်တယ်” ဟု ဆိုသည်။
မလေးရှားနိုင်ငံတွင် မြန်မာရွှေ့ ပြောင်း အလုပ်သမား (၇) သိန်းခန့်ရှိမည်ဟု ခန့်မှန်းထားကြပြီး သံပန်းသံတခါး လုပ်ငန်း၊ အထည်ချုပ်လုပ်ငန်း၊ ဆောက်လုပ်ရေးလုပ်ငန်း၊ ပလတ်စတစ်လုပ်ငန်း၊ အီလက်ထရောနစ် အပိုပစ္စည်း ထုတ်လုပ်ရေးလုပ်ငန်း စသည်တို့တွင် မြန်မာအလုပ်သမားအများစု လုပ်ကိုင်လေ့ရှိကာ ယခင်က တနေ့လျှင် (၁၈.၅) ရင်းဂစ်အနည်းဆုံး ရရှိကြပြီး ယခုနောက်ပိုင်း ဝင်ရောက်လာသူများသည် လ၀က၏ အနိမ့်ဆုံးလစာ သတ်မှတ်ချက်ကြောင့် တနေ့လျှင် (၂၁) ရင်းဂစ် ရရှိကြသည်။
အပြည့်အစုံသို့ >>

လူကုန်ကူးခံရသူများအား ယာယီနေထိုင်ခွင့်နှင့် အလုပ်လုပ်ခွင့်ပြုမည်

မြတ်ခိုင်ဦး/ ၆ မေ ၂ဝ၁ဝ ခေတ်ပြိုင်


ထိုင်းနိုင်ငံတွင် ထိန်းသိမ်းထားသော လူကုန်ကူးခံရသူများအား ယာယီနေထိုင်ခွင့်ပေးပြီး အလုပ်လုပ်ကိုင်ခွင့်ပြုရန် ထိုင်းအစိုးရက မေ (၄) ရက်တွင် ညွှန်ကြားချက် ထုတ်ပြန်လိုက်သည်။
အဆိုပါညွှန်ကြားချက်ကို မေ (၄) ရက်တွင်ပြုလုပ်သည့် ထိုင်းအစိုးရ၀န်ကြီးများအစည်းအဝေးတွင် အတည်ပြုကာ ထိုင်းပြည်ထဲရေးဝန်ကြီးဌာနမှ တာဝန်ယူဆောင်ရွက်သွားရန် သဘောတူခဲ့ခြင်းဖြစ်သည်။

ယာယီထိန်းသိမ်းရေးစခန်းများတွင် ထိန်းသိမ်းထားသည့် လူကုန်ကူးခံရသူများအား အမှုရင်ဆိုင်နေရစဉ်အတွင်း အမှုအတွက် အကျိုးရှိစေရန်၊ ဆေးဝါးကုသခွင့်ရရှိနိုင်စေရန်၊ ပြန်လည်ထူထောင်ရေး လုပ်ဆောင်နိုင်စေရန်နှင့် မိမိတို့အခွင့်အရေးများ တောင်းဆိုနိုင်စေရန် ရည်ရွယ်၍ အထူးသတ်မှတ်ချက်အနေဖြင့် ထိုင်းနိုင်ငံတွင် ယာယီနေထိုင်ခွင့်နှင့် အလုပ်လုပ်ခွင့် အခွင့်အရေးပေးအပ်ရန် ထိုင်းအစိုးရက ဆုံးဖြတ်ခဲ့ခြင်းဖြစ်သည်။
အဆိုပါလူကုန်ကူးခံရသူများအား ထိုင်းနိုင်ငံအတွင်း ယာယီနေထိုင်ခွင့်ပြုခြင်းနှင့် ဥပဒေနှင့်အညီ အလုပ်လုပ်ကိုင်ခွင့်ပြုရန် ပြည်ထဲရေးဝန်ကြီးဌာန၊ လူမှုဖွံ့ဖြိုးတိုးတက်ရေးဌာနနှင့် လုံခြုံရေးဌာန၊ အလုပ်သမားဝန်ကြီးဌာနတို့ ပူးပေါင်း၍ စည်းမျဉ်းစည်းကမ်း၊ လုပ်ထုံးလုပ်နည်းများကို ရေးဆွဲအတည်ပြုရန်အတွက်လည်း အခွင့်အာဏာ အပ်နှင်းကြောင်း ထိုင်းအစိုးရအဖွဲ့က သတင်းထုတ်ပြန်ထားသည်။
အဆိုပါသတင်းနှင့်ပတ်သက်၍ ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ ဒုက္ခသည်နှင့် ရွှေ့ပြောင်းအလုပ်သမား ရေးရာ ဌာနတာဝန်ခံ ဦးသက်ခိုင်က “အခုလို ခွင့်ပြုတယ်ဆိုတာ အလွန်ကို ၀မ်းသာစရာပါ။ မဟုတ်ရင် သူတို့ဟာ အချိန်အတော်ကြာ စခန်းထဲမှာ အမှုပြီးတဲ့အထိ အဓိပ္ပာယ်မဲ့နေထိုင်ရမှာဖြစ်ပါတယ်။ ဒီအမှု မဖြစ်ခင်ကတည်းကိုက လူကုန်ကူးမှုသားကောင်အဖြစ် ခံခဲ့ရတဲ့ သူတို့ရဲ့ ခါးသည်းတဲ့ အတွေ့အကြုံတွေအတွက် ဒါဟာ ဆေးကောင်းတလက် ဖြစ်နိုင်ပါတယ်။ လိုအပ်တဲ့ အသေးစိတ် ဥပဒေ၊ စည်းမျဉ်းစည်းကမ်းတွေကိုတော့ ကျနော်တို့ စောင့်ရဦးမှာပေါ့ဗျာ” ဟု ဆိုသည်။
အိမ်နီးချင်းနိုင်ငံများဖြစ်သော မြန်မာ၊ လာအို၊ ကမ္ဘောဒီးယား နိုင်ငံသားတို့သည် လူမှောင်ခိုဂိုဏ်းများ၊ မာဖီးယားဆန်သော လူမိုက်အုပ်စုများနှင့် အချို့သော ဒေသဆိုင်ရာ အာဏာပိုင်များကြောင့် နေ့စဉ်နှင့်အမျှ ထိုင်းနိုင်ငံအတွင်းသို့ လူကုန်ကူးခံကြရပြီး အချို့ဖြစ်စဉ်များတွင် လူကုန်ကူးခံရသူများသည် သတ်ဖြတ်ညှဉ်းဆဲခံကြရသည်။
၂၀၀၈ ခုနှစ် ဧပြီလအတွင်း လူမှောင်ခိုကူးဂိုဏ်းများ၏ သယ်ဆောင်လာမှုကြောင့် မြန်မာအလုပ်သမား (၅၄) ဦးသည် အလုံပိတ် ငါးသယ်သည့် အအေးခန်းကားအတွင်း အောက်စီဂျင် မလုံလောက်မှုကြောင့် သေဆုံးခဲ့ရပြီး ယခုနှစ်ဦးပိုင်း ဇန်န၀ါရီလ အတွင်းကလည်း မြန်မာအလုပ်သမား (၉) ဦးသည် တောင်းဆိုသော ငွေကြေးမပေးနိုင်သောကြောင့် မဲဆောက်မြို့တောင်ဘက် ဖုတ်ဖရာဒေသရှိ တောနက်တနေရာတွင် ဒေသဆိုင်ရာ အာဏာပိုင်ရဲအရာရှိ၏ သတ်ဖြတ်ခြင်းခံခဲ့ကြရသည်။
အပြည့်အစုံသို့ >>

Saturday 8 May 2010

ထိုင်းနိုင်ငံသို့ တရားမ၀င် ၀င်ရောက်သော မြန်မာ (၁၀၃) ဦး ဖမ်းမိ

မြတ်ခိုင်ဦး/ ၅ မေ ၂ဝ၁ဝ ခေတ်ပြိုင် 

ရွှေ့ပြောင်းအလုပ်သမားများအား ထိုင်းနိုင်ငံတွင်း အလုပ်လုပ်ကိုင်ခွင့်လက်မှတ်အသစ် ထုတ်ပေးတော့မည်မဟုတ်ဟု ထိုင်းအစိုးရဘက်မှ ပြောဆိုနေသော်လည်း ထိုင်းနိုင်ငံအတွင်းသို့ မြန်မာနိုင်ငံသားများ တရားမ၀င် ဝင်ရောက်နေဆဲဖြစ်ပြီး ယခုလ (၃) ရက်တွင် မြန်မာပြည်သား (၁၀၃) ဦးအား ထိုင်းဒေသဆိုင်ရာ စစ်တပ်နှင့်နယ်ခြားစောင့်တပ်တို့က ဖမ်းဆီးရမိသည်။


မေ (၃) ရက် ညနေ (၄) နာရီနှင့် (၇) နာရီအချိန်တွင် ဘုရားသုံးဆူနယ်စပ်မှ ထိုင်းနိုင်ငံအတွင်းသို့ တရားမ၀င် ဝင်ရောက်လာသော မြန်မာပြည်သား (၁၀၃) ဦးအား ကန်ချနဘူရီခရိုင်၊ စံခရဘူရီမြို့နယ်အတွင်းရှိ ဘူရားသုံးဆူလမ်းခွဲအနီး ထိုင်းကရင်လူမျိုးများနေထိုင်ရာ စနီဖောင်းကျေးရွာအ၀င်တွင် ထိုင်းအာဏာပိုင်များက ဖမ်းဆီးရမိခြင်းဖြစ်သည်။ အဖမ်းခံရသူများသည် အသက် (၁၅) နှစ်မှ (၄၅) နှစ်အရွယ် အလုပ်လုပ်ကိုင်နိုင်သော အရွယ်များဖြစ်ကြသည်။
“လူအုပ်တွေ့တယ်ဆိုတဲ့ သတင်းရလို့ အာဏာပိုင်တွေက သွားရောက်ဖမ်းဆီးတာမှာ မေလ (၃) ရက် ညနေ (၄) နာရီမှာ ကျား (၉) ယောက် မ (၁၄) ယောက်၊ ပေါင်း (၂၃) ယောက်နဲ့ ညနေ (၇) နာရီမှာ ကျား (၃၁) မ (၄၉) ယောက်၊ ပေါင်း (၈၀) အားလုံးစုစုပေါင်း (၁၀၃) ယောက်ကို ဖမ်းမိတယ်” ဟု ထိုင်းအာဏာပိုင်သတင်းရပ်ကွက်နှင့် နီးစပ်သူတဦးက အတည်ပြု ပြောကြားသည်။
ယင်းသို့ဖမ်းမိရာတွင် ထိုသူများကို ခေါ်ဆောင်လာသော ပွဲစားကို မသိရဘဲ အဆိုပါပွဲစားသည် လူအုပ်အတွင်း ရောနှောသွားဖွယ် ရှိသည်ဟု ၎င်းက ပြောသည်။
ထိုင်းနိုင်ငံအတွင်း ပွဲစားနှင့်ဝင်ရောက်လာသူတို့သည် အဖမ်းခံရပါက (၃) ကြိမ်တိုင်တိုင် ပြန်လည်ပို့ဆောင်ပေးမည်ဟု အာမခံချက်ရှိသဖြင့် ပွဲစားအား ငွေထပ်မံပေးရခြင်း မရှိပေ။
အဖမ်းခံရသူများသည် မော်လမြိုင်၊ မုဒုံ၊ သံဖြူဇရပ်၊ ကျိုက်မရော မြို့နယ်တို့မှ ထိုင်းနိုင်ငံအတွင်းသို့ အလုပ်လုပ်ကိုင်ရန် လာရောက်ကြခြင်းဖြစ်ပြီး ထိုသို့လာရောက်ရန်အတွက် တဦးလျှင် မြန်မာငွေ ကျပ် (၅) သိန်းစီ ပွဲစားအား ပေးအပ်ခဲ့ရကြောင်း၊ ၎င်းတို့အား လာရောက်ခေါ်ဆောင်မည့် ကားအလာကို စောင့်ဆိုင်းနေစဉ် ဖမ်းဆီးခံရခြင်းဖြစ်ကြောင်း၊ ယမန်နေ့ နံနက်တွင် အဖမ်းခံရသူများအား ဘုရားသုံးဆူနယ်စပ်သို့ ပြန်လည်လွှတ်ပေးလိုက်ကြောင်း အဆိုပါ ထိုင်းအာဏာပိုင်နှင့် နီးစပ်သူက ပြောသည်။
မြန်မာနိုင်ငံအတွင်း စားဝတ်နေရေး ကျပ်တည်းကာ အလုပ်အကိုင်ရှားပါးမှုတို့ကြောင့် အရွယ်ကောင်းပြီး အလုပ်လုပ်ကိုင်နိုင်သော မြန်မာပြည်သားများသည် ထိုင်း၊ မလေးရှား စသောနိုင်ငံများသို့ အလုပ်လုပ်ကိုင်ရန် နည်းလမ်းပေါင်းစုံဖြင့် နယ်စပ်ဒေသအသီးသီးမှ ၀င်ရောက်လျက်ရှိသည်။
ထိုင်းနိုင်ငံတွင် မှတ်ပုံတင်ထားသော မြန်မာရွှေ့ ပြောင်း အလုပ်သမား (၁,၀၇၉,၉၉၁) ဦးရှိပြီး၊ တရားဝင်နှင့် တရားမ၀င် စုစုပေါင်း (၂) သန်းခန့်ရှိမည်ဟု အလုပ်သမားအရေး ဆောင်ရွက်နေသော အဖွဲ့အစည်းများက ခန့်မှန်းသည်။
ထိုင်းအစိုးရအနေဖြင့် ထပ်မံ၍ အလုပ်လုပ်ကိုင်ခွင့် လက်မှတ်အသစ် ထုတ်ပေးတော့မည့် အစီအစဉ်မရှိကြောင်း ဧပြီလအတွင်းက အလုပ်အကိုင် ခန့်ထားရေးဌာန ညွှန်ကြားရေးမှူးက အခိုင်အမာ ပြောဆိုခဲ့ပြီးဖြစ်သည်။
သို့သော် ထိုင်းနိုင်ငံတွင်းသို့ တရားမ၀င် ၀င်ရောက်မှုများ ရှိနေဆဲဖြစ်ပြီး ပြီးခဲ့သည့်လများအတွင်း ထိုင်း-မြန်မာနယ်စပ် တောင်ဘက်စွန်း ကော့သောင်း၊ ရနောင်းဒေသဘက်တွင် တရားမ၀င် ၀င်ရောက်လာသည့် မြန်မာနိုင်ငံသားများအား ဖမ်းဆီးပြန်လည်ပို့ဆောင်မှုများ ရှိခဲ့သည်။
အပြည့်အစုံသို့ >>

ILO အဓမ္မလုပ်အားပေး ပညာပေးစာစောင် ဖြန့်ချီမည်

ခိုင်စု | အင်္ဂါနေ့၊ မေလ ၀၄ ရက် ၂၀၁၀ ခုနှစ် ၁၉ နာရီ ၁၅ မိနစ်

နယူးဒေလီ (မဇ္ဈိမ)။      ။ ရန်ကုန်ရှိ ကမ္ဘာ့အလုပ်သမားအဖွဲ့ချုပ် ILO နှင့် စစ်အစိုးရ အလုပ်သမား ဝန်ကြီးဌာနတို့ ပူးပေါင်း၍ အဓမ္မလုပ်အားပေးဆိုင်ရာ ပညာပေး လက်ကမ်းစာစောင်များအား ပထမဆုံးအကြိမ်အဖြစ် ယခုလကုန်တွင် နိုင်ငံတဝှန်း ဖြန့်ဝေမည်ဟု သိရသည်။ ပြီးခဲ့သည့်လ ၃ဝ ရက်နေ့တွင် နေပြည်တော်၌ ILO ဆက်သွယ်ညှိနှိုင်းရေးအရာရှိ မစ္စတာ စတိမာရှယ် ဦးဆောင်သော အဇွဲ့နှင့် အလုပ်သမားဝန်ကြီးဌာနမှ ဒုဝန်ကြီး ဗိုလ်မှူးချုပ် တင်ထွန်းအောင်တို့ အစည်းအဝေးက အဆိုပါ လက်ကမ်းစာစောင်များ ပူးတွဲဖြန့်ဝေရန် သဘောတူညီခဲ့ခြင်း ဖြစ်သည်။
“စာသားတွေ အားလုံးက အတည်ပြုချက်ရပါပြီ။ ရှေ့အပတ်မှာ ဒီဇိုင်းတွေ ချရိုက်လို့ပြီးရင် ဖြန့်နိုင်ပါပြီ” ဟု ILO နှင့် နီးစပ်သူ တဦးက မဇ္ဈိမကို ပြောသည်။

“လက်ကမ်းစာစောင်မှာ အဓမ္မလုပ်အားပေး ခိုင်းစေမှုဆိုတာ ဘာလဲ၊ အဓမ္မလုပ်အားပေး ခိုင်းစေမှု မဟုတ်တာက ဘာလဲ၊ အဓမ္မလုပ်အားပေး အခိုင်းခံရရင် တိုင်လို့ရတဲ့အကြောင်း၊ ဘယ်လိုနေရာတွေမှာ တိုင်တန်းနိုင်လဲ၊ တိုင်ရင် လုံခြုံမှု ရှိမရှိ ဆိုတာတွေ ရှင်းပြထားပါတယ်” ဟု သူက ဆက်ပြောသည်။

၆ မျက်နှာပါရှိမည့် စာစောင်၏ ရှေ့ဆုံးမျက်နှာစာ၏ ဘယ်ဘက်ထိပ်တွင် အလုပ်သမားဝန်ကြီးဌာန တံဆိပ်နှင့် ညာဘက်ထိပ်တွင် ILO တံဆိပ် ပါရှိမည်ဖြစ်ကာ အင်္ဂလိပ်-မြန်မာ နှစ်ဘာသာဖြင့် ပုံနှိပ်သွားမည်။

အဓမ္မလုပ်အားပေး ခိုင်းစေမှုအကြောင်းကို မြို့ပြသာမက ကျေးလက်များအထိပါ ကျယ်ပြန့်စွာ ရောက်ရှိရန် NGO အဖွဲ့များ၊ အစိုးရရုံးဌာနများမှတဆင့် ဖြန့်ဝေသွားမည်။ စာစောင်ကုန်ကျစရိတ်ကိုမူ ILO ကပင် ကျခံသွားမည်။

အဓမ္မလုပ်အားပေး ခိုင်းစေမှုဆိုင်ရာ ပညာပေးစာစောင် ဖြန့်ဝေမည့်ကိစ္စကို ပြည်ပအခြေစိုက် အလုပ်သမား သမဂ္ဂများအဖွဲ့ချုပ် FTUB က ကြိုဆိုသော်လည်း မလုံလောက်ဟု ပြောသည်။

''အစိုးရက အဓမ္မလုပ်အားပေးခိုင်းစေမှုနဲ့ပတ်သက်ပြီး လိုက်လျောလာတာဟာ ဆင့်ပါးစပ် နှမ်းပက်သလောက်ပဲ ရှိတယ်။ ဘာလို့ လုပ်တာလဲဆိုတော့ လာမယ့် ဇူလိုင်လ ILO ရဲ့ ညီလာခံမှာ သူတို့ လုပ်အားပေးခိုင်းစေမှုနဲ့ ပတ်သက်လို့ အကြီးအကျယ် ရင်ဆိုင်ဖြေရှင်းရမှာ။ အဲဒါကြောင့် လိုက်လျောမှုတွေရှိတဲ့အကြောင်း နိုင်ငံတကာကို မျက်လှည့်ပြချင်တဲ့ သဘောပေါ့ဗျာ'' ဟု FTUB တွဲဖက်အထွေထွေအတွင်းရေးမှူး ဒေါက်တာဇော်ဝင်းအောင်က ပြောသည်။

သူက ဆက်ပြီး ''လက်ကမ်းစာစောင် ရိုက်ဝေရုံနဲ့ မလုံလောက်ပါဘူး။ သတင်းစာ၊ ရေဒီယို၊ TV တွေကနေ ကြေညာရမှာပါ။ ဘယ်လောက်ကျယ်ကျယ်ပြန့်ပြန့် ဖြစ်လာမလဲဆိုတာ မေးခွန်းတခုပါ။ … အပေါ်ယံပဲ ရှပ်လုပ်တယ်ဆိုရင်တော့ သိပ်အကျိုးရှိမယ်လို့ မမြင်ပါဘူး။ လုပ်အားပေးခိုင်းစေမှုတွေကို ထိထိရောက်ရောက် ကိုင်တွယ်နိုင်အောင် ဥပဒေတွေ ပြဋ္ဌာန်းဖို့ လိုအပ်ပါတယ်။ ဥပဒေအတိုင်း တိတိကျကျ လိုက်နာဖို့လည်း လိုပါတယ်။ အဓမ္မခိုင်းစေမှု ကျူးလွန်တဲ့ သူတွေကိုလည်း ဥပဒေနဲ့ အရေးယူအပြစ်ပေးဖို့ လိုအပ်ပါတယ်။ ခိုင်းစေခံရတယ်လို့ တိုင်ရင် တိုင်တဲ့လူကို ဖမ်းနေတာ ဥပဒေက ပြောင်းပြန် ဖြစ်နေပါတယ်'' ဟု ပြောသည်။

ဧပြီလ ၃ဝ ရက်နေ့ နေပြည်တော် အစည်းအဝေး၌ အလုပ်သမားဝန်ကြီးဌာနနှင့် ILO ပူးပေါင်း၍ အဓမ္မလုပ်အားပေးမှု အသိပညာပေး ဟာပြောပွဲတရပ်အား အဓမ္မလုပ်အားပေး ခိုင်းစေမှုနှင့်ပတ်သက်၍ တိုင်တန်းမှု အများဆုံးဖြစ်သည့် ပဲခူးမြို့၌ ယခုလထဲတွင် ပြုလုပ်ရန် သဘောတူခဲ့သေးသည်။

မြစ်ကြီးနား ၊ ဘားအံ ၊ လားရှိုး ၊ စစ်တွေ ၊ မုံရွာ နှင့် မကွေးမြို့ များတွင် ဟောပြောပွဲများ ပြုလုပ်ပြီး ဒေသဆိုင်ရာ အာဏာပိုင်များကို ပညာပေးခြင်း ဖြစ်သည်။
အပြည့်အစုံသို့ >>

လူကုန်ကူးသူများ နာဂစ်ဒေသကို ပစ်မှတ်ထား

ဧရာဝတီ Monday, May 03, 2010 
 
နာဂစ် မုန်တိုင်းဒဏ် ခံခဲ့ရသည့် ဧရာဝတီ မြစ်ဝကျွန်းပေါ် ဒေသသည် လူကုန်ကူးသူများ သားကောင် ရှာဖွေသည့် အဓိက ပစ်မှတ် ဖြစ်လာကြောင်း အကူအညီ ပေးရေး အဖွဲ့များထံမှ သိရသည်။
မုန်တိုင်း အလွန် ၂ နှစ်တာ ကာလ အတွင်း အကူအညီ လုံလောက်စွာ မရရှိသဖြင့် ထိုဒေသမှ မိသားစု ထောင်ပေါင်း များစွာ အလုပ် လက်မဲ့ ဖြစ်ပြီး စားဝတ် နေရေး ခက်ခဲနေ ခြင်းသည် လူကုန်ကူးသူများ အတွက် အခွင့်အရေး ဖြစ်နေသည်ဟု NGO များက ပြောသည်။ “ဒေသခံတွေ ကိုယ်တိုင်က စားဝတ် နေရေး ကျပ်တည်းတော့ နေရာသစ် တွေဆီ ပြောင်းရွှေ့ ချင်ကြတယ်” ဟု ရန်ကုန် အခြေစိုက် ကရင် အမျိုးသမီး ဖွံ့ဖြိုး တိုးတက်ရေး အဖွဲ့ (Karen Women Action Group) မှ လုပ်အားပေး ၀န်ထမ်း တဦးက ဆိုသည်။

မိသားစုဝင်များ၊ စီးပွားဥစ္စာများ ဆုံးရှုံးသွားခြင်း အပါအ၀င် အခြေအနေ ဆိုးများကြောင့် ထိုဒေသမှ  အမျိုးသမီး အများအပြားသည် မြန်မာနိုင်ငံ မြို့ပြဒေသများနှင့် အိမ်နီးချင်းနိုင်ငံများသို့ ပုံစံ အမျိုးမျိုးဖြင့် လူကုန်ကူးခံနေရကြောင်း ဆွစ်ဇာလန်နိုင်ငံ အကူအညီပေးရေး အဖွဲ့တဖွဲ့ထံမှ သိရသည်။ ထိုအမျိုးသမီးများထဲတွင် ဆယ်ကျော်သက်များလည်း ပါဝင်သည်ဟု ဆိုသည်။

“ရန်ကုန်၊ မန္တလေးနဲ့ မြို့ကြီးတွေမှာ ရှိတဲ့ အနှိပ်ခန်း၊ ကာရာအိုကေ အပါအ၀င် လိင်ဖျော်ဖြေရေး လုပ်ငန်းတွေနဲ့ ဆက်နွယ်တဲ့ အလုပ်တွေကို စိတ်မပါဘဲ အတင်းအကျပ် ရောင်းစားခံရပြီး ရောက်သွားတဲ့ မိန်းကလေးတွေလည်း အများကြီး ရှိတယ်” ဟု ရန်ကုန်ရှိ AFXB အဖွဲ့မှ လူကုန် ကူးမှု တိုက်ဖျက်ရေး သင်တန်းနည်းပြ တဦးက ဆိုသည်။

တချို့က မြို့ကြီးများတွင် လစာနည်း အိမ်ဖော်အလုပ်သမားများအဖြစ် လုပ်ကိုင်နေကြသည်ဟု ဆိုသည်။

အမျိုးသမီးတချို့သည် အိမ်နီးချင်း နိုင်ငံများသို့ ရောက်ရှိသွားပြီး ပြည့်တန်ဆာလုပ်ငန်းများတွင် ရောင်းချခံရသည်။ တချို့က တရုတ်နိုင်ငံတွင် ဇနီးမယားအဖြစ် ရောင်းစားခံနေရသည်။

“သူတို့ရဲ့ မိဘဆွေမျိုးတွေကလည်း ပညာမတတ်တော့ ဘယ်သူက ဘယ်လို လာခေါ် သွားတယ် ဆိုတာလည်း မပြောနိုင်ကြဘူး။သတင်း အစအန တခုတောင် ရဖို့ တော်တော် ခက်ခဲတဲ့ အခြေအနေကို ဖြစ်နေတာ” ဟု ပြည်တွင်း NGO တခုမှ လူငယ် ၀န်ထမ်း တဦးက ပြောကြားသည်။

လူကုန်ကူးသူများက ဘ၀ ရပ်တည်ရေး အတွက် ပုံမှန်ဝင်ငွေ ရရှိနိုင်သော အလုပ်အကိုင် ဖန်တီးပေးမည်ဟု လိမ်လည်လှည့်ဖြား တတ်ကြကြောင်း သိရသည်။

“ဆင်းရဲလွန်းလို့ ထွက်ပေါက် ရှာချင်ကြတဲ့ မိန်းကလေးတွေကို ရန်ကုန်မှာ အလုပ်ရမယ်။ တလကို ပိုပိုလျှံလျှံ သုံးနိုင်တဲ့ အပြင် မိဘဆွေမျိုးတွေကို ထောက်ပံ့နိုင်တဲ့လစာငွေကြေးရ မယ် ဆိုပြီး လိမ်ခေါ်သွားတာတွေကများတယ်” ဟု NGO  တခုမှ လူကုန်ကူး တိုက်ဖျက်ရေး သင်တန်းနည်းပြ တဦးက ပြောသည်။

မုန်တိုင်းသင့်ဒေသမှ ကလေးငယ် အများ အပြားလည်း လူကုန်ကူးခံနေရသည်။ ၎င်းတို့အနက် အများစုမှာ မြို့ပြဒေသကြီးများတွင် လုပ်ခ လစာ အနည်းငယ်ဖြင့် ပင်ပန်းစွာ ရုန်းကန်နေရကြောင်း သိရသည်။

“ဆိုင်တွေ၊ ဈေးတွေနဲ့ စက်ရုံ၊ အလုပ်ရုံတွေကို တော်တော်များ ရောက်လာကြတာတွေ့ရတယ်။ ကလေးတွေကို မေးကြည့်လိုက်ရင် မြစ်ဝကျွန်းပေါ်က ကလေးတွေ ဖြစ်နေတာ များတယ်။ ဒီကလေးတွေက လုပ်ခ လစာစာနည်းနည်းနဲ့ လူမဆန်အောင် အလုပ်လုပ်တွေ လုပ်နေရတယ်” ဟု သတင်းထောက်တဦးက ပြောသည်။

၂၀၀၉ ခုနှစ်အတွင်း ဖော်ထုတ်နိုင်ခဲ့သော လူကုန်ကူးမှု ၃၀၂ မှု ရှိကြောင်း၊ ထိုအထဲတွင် ၂၀ ရာခိုင်နှုန်းမှာ  ကလေးများ လူကုန်ကူးခံရမှုဖြစ်ကြောင်း နိုင်ငံဖြတ်ကျော်မှုခင်းဌာန၏ ဒုတိယရဲမှူးကြီး ရာလျန်မုန်းက ပြောသည်ဟု ရန်ကုန်အခြေစိုက် မော်ဒန်သတင်းဂျာနယ်တွင် ဖော်ပြထားသည်။

အစိုးရ၏ လူကုန်ကူးမှု တိုက်ဖျက်ရေးမှာ အားနည်းလွန်းသည်ဟု NGO အသိုင်းအ၀ိုင်းက ဆိုသည်။

“အရေးယူမှု အပိုင်းရော၊ ပညာပေးမှုအပိုင်းမှာပါ အများကြီး လုပ်ရဦးမှာ။ ပြီးတော့ ရဲတွေ ကိုယ်တိုင်လည်း လူကုန်ကူးမှုတွေမှာ ပါဝင်တာတွေ ရှိတယ်။ ဝေးလံ ခေါင်သီတဲ့ နယ်မြို့တွေမှာ ဖြစ်တဲ့ လူကုန်ကူးမှုတွေမှာ ဒေသခံ အာဏာပိုင်တွေ ပါဝင် ပတ်သက်မှုတွေ ရှိတယ်” ဟု NGO ကြီးတခုမှ တာဝန်ရှိသူ တဦးက ပြောသည်။

မြန်မာနိုင်ငံ ရဲတပ်ဖွဲ့သည် လူကုန်ကူးမှု တိုက်ဖျက်ရေးထက် အတိုက်အခံ နိုင်ငံရေးသမားများနှင့် လူထု ဆန္ဒပြမှုများကို နှိမ်နင်းရေး လုပ်ငန်းများကိုသာ အာရုံစိုက် လုပ်ဆောင်လျက်ရှိသည်ဟု ရန်ကုန်မြို့ခံတချို့က သုံးသပ်နေကြသည်။

မြန်မာနိုင်ငံတွင် လူကုန်ကူးမှု တိုက်ဖျက်ရေး ဌာနခွဲ ၂၂ ခု ရှိပြီး နိုင်ငံတ၀န်း ၁၉ နေရာတွင် လူကုန်ကူးမှု နှိမ်နင်းရေး အဖွဲ့များ ထားရှိသည်ဟု အစိုးရက ပြောသည်။

သို့သော်လည်း ပြည်ထဲရေးဝန်ကြီးဌာနမှ အရာရှိတဦးကမူ ထိုဌာနတွင် ရဲတပ်ဖွဲ့ဝင် အရေအတွက် အလွန် နည်းပါးသည်ဟု ဆိုသည်။

“လူကုန်ကူးမှု နှိမ်နင်းရေးအဖွဲ့ ဆိုတာကလည်း ကြီးကြီး မားမား မဟုတ်ဘူး။ တဖွဲ့မှာ ရဲ ၂ ယောက်လောက်နဲ့  ဖွဲ့ထားတာပါ” ဟု ထိုအရာရှိက ရှင်းပြသည်။

လူကုန်ကူးမှု ကျူးလွန်လျှင် အနည်းဆုံး  ထောင်ဒဏ် ၃ နှစ်၊ အများဆုံးတသက်တကျွန်း နှင့် သေဒဏ်အထိ ချမှတ်နိုင်ကြောင်း အစိုးရက ဥပဒေ ထုတ်ပြန်ထားသည်။
အပြည့်အစုံသို့ >>

မြန်မာရွှေ့ ပြောင်း အလုပ်သမား (၈) သိန်းကျော် နိုင်ငံသားစိစစ်ရေးလျှောက်လွှာ တင်သွင်းပြီး

မြတ်ခိုင်ဦး/ ၃ မေ ၂ဝ၁ဝ ခေတ်ပြိုင်

နိုင်ငံသားစိစစ်မှုပြုရေးလျှောက်လွှာ တင်သွင်းပြီးသော မြန်မာအလုပ်သမား အရေအတွက်မှာ ဧပြီ (၂၇) ရက်နေ့အထိ (၈၂၂,၀၉၃) ဦး ရှိပြီး ယာယီနိုင်ငံကူးလက်မှတ် ကိုင်ဆောင်ခွင့် ရရှိထားသူ အရေအတွက်မှာ (၇၁,၃၉၀) ဦး ရှိပြီဖြစ်ကြောင်း ရွှေ့ပြောင်းနေထိုင်သူများဆိုင်ရာ နိုင်ငံတကာအဖွဲ့ (IOM) က ထုတ်ပြန်ပြောဆိုသည်။  


ဧပြီ (၃၀) ရက်တွင် ထုတ်ပြန်သည့် အဆိုပါထုတ်ပြန်ချက်တွင် အချက် (၈) ချက်ပါရှိပြီး အဓိကအချက်မှာ အလုပ်သမားတဦးလျှင် ဧဂျင့်များက ဘတ်ငွေ (၅,၀၀၀) ထက်ပို ကောက်ခံခွင့်မပြုကြောင်း၊ အကယ်၍ ပိုမိုကောက်ခံပါက မြန်မာအစိုးရထံသို့ အသိပေးအကြောင်းကြားပြီး ခွင့်ပြုချက်ကို ရုပ်သိမ်းမည်ဖြစ်ကြောင်း ပါရှိသည်။
အဆိုပါ ထုတ်ပြန်ချက်ကို နိုင်ငံသားစိစစ်ရေးပြုမှု လုပ်ငန်းစဉ် လုပ်ကိုင်ဆောင်ရွက်ခွင့်ရသည့် ဧဂျင့် (၁၂) ဖွဲ့အား ထိုင်းအစိုးရက ပြီးခဲ့သည့် ဖေဖော်ဝါရီလအတွင်း ခေါ်ယူတွေ့ဆုံခဲ့ပြီးသည့်နောက် ထုတ်ပြန်ခဲ့ခြင်းဖြစ်သည်။
ထိုင်းအလုပ်အကိုင်ခန့်ထားရေးဌာန ညွန်ကြားရေးမှူးက နိုင်ငံသားစိစစ်မှုလျှောက်လွှာ တင်သွင်းရမည့် နောက်ဆုံးရက်ဖြစ်သော မတ်လ (၂) ရက်နေ့၌ နိုင်ငံတော်ရဲချုပ်သို့ လက်မှတ်မဲ့နှင့် သက်တမ်း မဆက်ထားသော အလုပ်သမားများအား ဖမ်းဆီးခွင့်စာကို ပေးအပ်ထားပြီးဖြစ်ကြောင်း၊ သို့ရာတွင် အလုပ်သမားများမှ ငွေသွင်းပြေစာနှင့် သက်တမ်းဆက်ခွင့် လျှောက်လွှာ တင်သွင်းထားသော မိတ္တူကို ပြနိုင်ပါက အဖမ်းအဆီးမှ ကင်းလွတ်မည်ဖြစ်ကြောင်းလည်း အဆိုပါ ထုတ်ပြန်ချက်တွင် ပါရှိသည်။
ထို့အပြင် ယခုဖြစ်ပွားနေသော အင်္ကျီအနီဝတ်များ၏ ဆန္ဒပြပွဲများတွင် ရွှေ့ပြောင်း အလုပ်သမားများအနေဖြင့် ရည်ရွယ်ချက်မဲ့ ပါဝင်လာမှုကို ကာကွယ်သောအားဖြင့် နယ်စပ်သို့ ယာယီနိုင်ငံကူးလက်မှတ် သွားရောက်ထုတ်ယူရန်အတွက် ခွင့်ပြုမိန့်ကို တတ်နိုင်သမျှ ဆိုင်းငံ့ထားရန် ညွှန်ကြားထားကြောင်းလည်း ထည့်သွင်းဖော်ပြထားသည်။
နိုင်ငံသားစိစစ်ရေးပြုရန် လျှောက်လွှာတင်သွင်းခြင်း မရှိသော အလုပ်သမားများအရေးနှင့်ပတ်သက်၍ အလုပ်အကိုင် ခန့်ထားရေးဌာနမှ စစ်တမ်းတင်သွင်းချက်ကိုမူတည်၍ လိုအပ်လျှင် အချိန်ပိုမိုတိုးချဲ့ပေးသွားရန် စဉ်းစားမည်ဟု ဖော်ပြပါရှိသော်လည်း ထိုင်းအလုပ်အကိုင်ခန့်ထားရေးဌာန ဒါရိုက်တာကမူ အလုပ်လုပ်ကိုင်ခွင့် မှတ်ပုံတင်ခြင်းလုပ်ငန်းအား အသစ်ထပ်မံ ဖွင့်လှစ်ပေးမည်မဟုတ်ကြောင်း ပြီးခဲ့သည့်ဧပြီလအတွင်းက အခိုင်အမာပြောကြားခဲ့သည်၊
အလုပ်သမားအရေး ဆောင်ရွက်နေသော အဖွဲ့အစည်းများ၏ ခန့်မှန်းချက်အရ ထိုင်းနိုင်ငံတွင် မြန်မာရွှေ့ ပြောင်း အလုပ်သမား (၂) သန်းခန့်ရှိသည့်အနက် ယခုလောလောဆယ်တွင် မြန်မာယာယီနိုင်ငံကူးလက်မှတ် ကိုင်ဆောင်ထားသူပေါင်းမှာ (၇၁,၃၉၀) ဦးသာ ရှိသေးသည်။
အပြည့်အစုံသို့ >>
Related Posts with Thumbnails
ဘဝတူ အလုပ်သမားအချင်းချင်း ယိုင်းပင်းကူညီကြ.... မိမိအခွင့်အရေးအတွက် မိမိကိုယ်တိုင် ရုန်းထတိုက်ပွဲဝင်ကြ...

ထိုင်းနိုင်ငံရောက် ရွှေပြောင်းမြန်မာ အလုပ်သမား တွေရဲ့ ဘဝကို ပေါ်လွှင်စေတဲ့ ကဗျာဆရာ ကောင်းကင်ကို ရဲ့ "ကျွန်" ကဗျာ ရွက်သံ

Get this widget | Track details | eSnips Social DNA

လာလည်ကြသည့် ဧည့်သည်တော်များ
widgeo.net

မြန်မာပြက္ခဒိန်

ဖိတ်ခေါ်အပ်ပါသည်

ရောင်ခြည်ဦး ဘလော်အတွက် အလုပ်သမားများနှင့် ပတ်သတ်သော သတင်း၊ ဓာတ်ပုံ၊ ဆောင်ပါး၊ ကဗျာ၊ ဝတ္တုတိုများ နှင့် ရင်ဖွင့်စာများ ပေးပို့ပါရန် ဖိတ်ခေါ်အပ်ပါသည်။
Email:; sawjack007@;gmail,com

  © Blogger templates ProBlogger Template by Ourblogtemplates.com 2008

Back to TOP