မူဆယ်တွင် နိုင်ငံကူးစာအုပ် ထုတ်ပေး

ဇူလိုင် ၉၊ ၂၀၀၉

နိုင်ငံကူး ပတ်စ်ပို့စ် စာအုပ်များကို ရှမ်းပြည်မြောက်ပိုင်း၊ မူဆယ်မြို့တွင် မကြာသေးမီ ရက်ပိုင်းကစ၍ စတင် လုပ်ပေးနေသည်ဟု သိရသည်။ နိုင်ငံကူးလက်မှတ် ပတ်စ်ပို့စ် စာအုပ်တအုပ်အတွက် ကျပ် တစ်သိန်း ပေးဆောင်ရသည်ဟု မူဆယ်ဒေသခံ တဦး က ပြောသည်။ “ချက်ချင်းတော့ စာအုပ်မပေးဘူး။ ငွေ တသိန်းပေးထားရတယ်။ မှတ်ပုံတင်၊ ပုံစံတဆယ်တို့ ဘာတို့ပေါ့ မိတ္တူတင် ထားရတယ်။ နောက်မှ လာပေးမှာ ထင်တာပေါ့။ အခုတော့ ထုတ် မပေးဘူး။ စာရင်းသွင်း လိုက်တဲ့ သဘောပေါ့။” မူဆယ်မြို့၊ အထူးစုံစမ်းစစ်ဆေးရေးရုံးတွင် နိုင်ငံကူးပတ်စ်ပို့စ်စာအုပ်များ ပြုလုပ်ပေးရာ ဗုဒ္ဓဂါယာဘုရားဖူး ထွက် လိုသူများလည်း သွားရောက်လုပ်နေကြသဖြင့် စည်ကားနေသည် ဟု မူဆယ်ဒေသခံတဦးက ပြောသည်။ “လာလုပ်တဲ့လူတွေ အက်စ်ဘီရုံးမှာ အတော်များတယ်။ ကားတွေ၊ ဆိုင်ကယ်တွေ အမြဲရှိ တယ်။ အဲ ဒီမှာ။ လုပ်တာ ရက်ပိုင်းဘဲ ရှိသေးတယ်။ အင်တော့ မဖြစ်နိုင်ဘူးလေ။ အက်စ်ဘီ ရုံးမှာ လုပ်တာ၊ ကျန် တဲ့ ဌာနဆိုင်ရာတွေလည်း ရှိတယ်ဆိုတော့ စီမံချက်ရှိလို့ နေမှာပေါ့။” နိုင်ငံကူးပတ်ပို့စ်စာအုပ်များကို ရန်ကုန်တွင်သာ ထုတ်ပေးနေရာမှ ယခုလို နယ်စပ်မြို့ ဖြစ်သည့် မူဆယ်တွင် လာ ရောက် လုပ်ပေးနေခြင်းမှာ ပထမဆုံးအကြိမ်ဖြစ်သည်။ အဆိုပါ ပတ်စ်ပို့စာအုပ်များအသုံးပြုပြီး နယ်စပ်များမှ ဖြတ်ကျော်သွားလာခွင့် မရှိသည့် အတွက် ယခုလို တရုတ် နယ်စပ် မူဆယ်မြို့တွင် လာရောက်လုပ်ပေးနေသည်မှာ ထူးဆန်း နေသည်ဟု ဒေသခံများက ပြောသည်။ သတင်းနှင့်မီဒီယာကွန်ယက်

ထိုင်းနယ်စပ်တွင် တရားမ၀င်အလုပ်သမားများ ရာနှင့်ချီ အဖမ်းဆီးခံရ

ခွန်အောင်မြတ်၊ ဇူလိုင် ၁၅၊ ၂၀၀၉
ထိုင်းမြန်မာနယ်စပ် ဖုတ်ဖရမြို့နယ်ရှိ စိုက်ပျိုးရေး လုပ်ကိုင်နေကြသည့် မြန်မာနိုင်ငံသား များကို ထိုင်းနယ်ခြား စောင့်တပ်က ယနေ့နံနက် ၀င်ရောက်ဖမ်းဆီးရာ ကျောင်းသား ၁၀၀ ကျော် အပါအ၀င် တရားမ၀င်အလုပ်သမား ၃၀၀ ခန့် ဖမ်းဆီးခံခဲ့ရသည်။

အလုပ်သမားများ စုစည်းနေထိုင်ရာ နေအိမ်များကို ထိုင်းနယ်ခြားစောင့်တပ်က ယနေ့နံနက် သုံးနာရီခွဲအချိန်တွင် ရှောင်တခင် ၀င်ရောက်ဖမ်းဆီးခြင်းဖြစ်သည်ဟု ယင်း ဒေသရှိ မြန်မာကျောင်းဆရာတဦးက ပြောသည်။

“သုံးနာရီခွဲကနေစပြီးဖမ်းတာ မနက်မိုးလင်းတဲ့အချိန်တိပဲ။ အခြေအနေကတော့ဗျာ တော်တော်ဆိုး တယ်ဗျ။ တချို့မိဘတွေထွက်ပြေးတာတောင် ကလေးလေးတွေကအိပ်ပြီးကျန်နေခဲ့တယ်။အဲဒီ ကလေး တွေကိုပါ အကုန်သိမ်းခေါ်သွားတယ်။”

ထိုသို့ဝင်ရောက်ဖမ်းဆီးရာတွင် ကိုယ်ပိုင်ပစည်းများဖြစ်သော ရုပ်မြင်သံကြားစက်များ၊ လက်ကိုင်ဖုန်းများပါ ယူ ဆောင် သိမ်းဆည်းသွားသည်ဟု အဆိုပါ ဆရာက ပြောသည်။

"အဖမ်းခံတဲ့ကလေးတွေထဲမှာ ကျနော်တို့ ကျောင်းသူကျောင်းသားတွေပါသွားတယ်။ကျနော့် ကျောင်း ကဆိုလို့ရှိရင် ကလေး ၁၂၀ ကျော်က ဒီမနက် နှစ်ယောက်ပဲလာတက်တယ်။ ၄၈ ကီလိုမီတာက ကျောင်းသားတွေလည်း အကုန်ပါသွားတယ်ပေါ့ဗျာ။ "

အဖမ်းခံရသည့်အထဲတွင် လသားနှင့် ရက်သား ရင်ခွင်ပိုက်ကလေးငယ် ၁၅ဦးထက် မနည်း ပါသွားသွားသည်ဟု ၎င်းက ပြောသည်။

ယခုဖမ်းဆီးမှုလုပ်သည့် အချိန်မှာ ထိုင်းနိုင်ငံတွင် နိုင်ငံခြားသားအလုပ်သမားများအား လက်မှတ်သစ်များ လုပ် ပေးချိန်နှင့် တိုက်ဆိုင်နေသည်။

ဖုတ်ဖရမြို့နယ်အတွင်းရှိ မြန်မာအလုပ်သမားများကို လက်မှတ်ပြုလုပ်ကြရန် တိုက်တွန်းပြောဆိုရာ မလုပ်နိုင်ကြ သဖြင့် ဖမ်းဆီးခြင်းဖြစ်သည်ဟု ဖုတ်ဖရမြို့နယ်မှ အလုပ်သမား ထိုက်သူအောင်က ပြောသည်။

"ကျနော်တို့ ရွှေ့ပြောင်းအလုပ်သမားတွေကို ဖမ်းမယ်။ သတ်ရင်လည်းသေရမှာ၊ ထားရင်လည်း နေရ မှာ၊ ဖမ်းရင်လည်း ခံရမယ့် ကျနော်တို့ ဘ၀မျိုးတွေ ငွေလည်းမရှိဘူး၊ တနေ့လုပ်စာ တနေ့လုပ်အား ခနဲ့ပဲ အလျှင်မီ အောင် သုံးစွဲနေရတာ အခြေအနေမျိုးမှာ အလုပ်သမားတွေကို ဖိအားမပေးသင့်ဘူး လို့ ကျနော်တို့ မြင်တယ်ပေါ့နော်။"

မြန်မာနိုင်ငံသား အများစု ရှိသည့် တာ့ခ်ခရိုင်အတွင်းရှိ အလုပ်သမားအများစုသည် အလုပ်ရှင်၏ အာမခံပေးခြင်း မရှိခြင်းနှင့် အလုပ်သမားလက်မှတ်ပြုလုပ်ရန် ကုန်ကျမည့် စရိတ်ကို ကြိုတင်ထုတ်မပေးသည့်အတွက် အလုပ် သမားအသစ်များ ထပ်မံပြုလုပ် နိုင်ခြင်းမရှိဟု အလုပ်သမားအရေး ဆောင်ရွက်နေသည့် အဖွဲ့များက ပြောသည်။
- သတင်းနှင့်မီဒီယာကွန်ယက်

အလုပ်သမားများအတွက် ပတ်စ်ပို့ရုံးဖွင့်ပေးမယ့် လာလုပ်သူမရှိသေး

နော်နိုရင်း ၁၅ ဇူလိုင် ၂ဝဝ၉
-ထိုင်းနိုင်ငံမှာ လာရောက်အလုပ်လုပ်ကိုင်နေတဲ့ ရွှေပြောင်း မြန်မာ အလုပ်သမားတွေအတွက် နိုင်ငံကူးလက်မှတ်တွေကို ထိုင်း-မြန်မာ နယ်စပ်òမိ့တွေဖြစ်တဲ့ ကော့သောင်းနဲ့ တာချီလိတ်òမိ့တွေမှာ ထုတ်ပေးနေတယ်လို့ သိရပါတယ်။ ထိုင်းနိုင်ငံမှာ တရားဝင် နေထိုင်လုပ်ကိုင်နိုင်ရေးအတွက် နိုင်ငံကူး လက်မှတ်တွေ ထုတ်ပေးဖို့ နယ်စပ်òမိ့တွေဖြစ်တဲ့ ကော့သောင်းနဲ့ တာချီလိတ်òမိ့မှာ ဒီနေ့ စတင် ±ုံးဖွင့်ပေးထားပါတယ်။ ဒါပေမယ့် တာချီလိတ်òမိ့မှာတော့ ဒီနေ့ပတ်စပို့ ±ုံးဖွင့် ပေးပေမယ့် ရဲနဲ့ သတင်းတပ်ဖွဲ့ဝင်တွေသာ လာပြီး ပတ်စပို့လုပ်သူ တယောက်မှမရှိဘူးလို့ တာချီလိတ်òမိခံ တဦးက ပြောပါတယ်။ “အလုပ်သမားတယောက်ဟာ နိုင်ငံသားစီစစ်ရေးမှတ်ပုံတင်၊ (စီပုံစံ ၆၆/၆) အိမ်ထောင်စုဇယား၊ ထိုင်းနိုင်ငံ လေဘာ±ုံးက ဖောင်ဖြည့်ပြီးသားစာရွက်အပြည့်အစုံ တစုံ၊ အလုပ်ရှင်ရဲ့ ထောက်ခံချက် လိုမယ်။ အဲ့ဒါတွေ အချက်အလက် ပြည့်စုံမှသာ တာချီလိတ်ပတ်စပို့စ်±ုံးက လုပ်ပေးလို့ရမယ်။ အားလုံးစုံဖို့ဆိုတာက ခရီးစရိတ်တွေကုန်၊ အချိန်တွေကြာနဲ့ သိပ်စိတ်ဝင်စားသူ မရှိဘူးပေါ့။” နိုင်ငံကူးလက်မှတ်တွေလုပ်ဖို့ ±ုံးဖွင့်ပေးတာ ဒါ ဒုတိယအကြိမ် ဖြစ်ပြီး ပထမ အကြိမ်တုန်းက မအောင်မြင်ခဲ့သလို အခုတကြိမ်လည်း အောင်မြင်မှာမဟုတ်ဘူးလို့ အဲဒီòမိ့ခံကပဲ ပြောပါတယ်။ “မယ်ဆိုင်မှာ အခု အလုပ်သမားကဒ်တွေ လုပ်ပေးဖို့ ဖေါင်တွေ ဖြည့်နေကြတယ်။ တရက်ကို လူ ၄ဝ၊ ၅ဝ ရှိတယ်။ ဒီကနေ သွားပြီးတော့ ဖေါင်တွေ ဖြည့်တယ်။ အလုပ်ရှင်တွေက ထောက်ခံပြီးရင် ချင်း±ိုင် ခ±ိုင်မှာ အလုပ်သမားကဒ်တွေ ထုတ်ပေးမယ်။ ဒီလက်မှတ်ရှိနေရင် ကြိုက်သလို သွားလာလို့ အဆင်ပြေနေတာပဲ။ ကျန်းမာရေး မကောင်းဘူးဆိုရင်လည်း ဘတ် ၃ဝ ဆယ်နဲ့ ဆေးဝါးကုသမှု ခံယူလို့ရတယ်။” မြန်မာနိုင်ငံတောင်ဘက်ပိုင်းက နယ်စပ်òမိ့ဖြစ်တဲ့ ကော့သောင်းòမိ့မှာ လူဦးရေ စာရင်း ၂ ထောင်လောက် ရောက်ရှိပေမယ့် လာလုပ်တဲ့သူ မရှိသေးဘူးလို့ ကော့သောင်း လူဝန်မှုကြီကြပ်ရေးဌာနမှ ဝန်ထမ်းတဦးက ပြောပါတယ်။ “ထိုင်းနိုင်ငံကနေ မြန်မာသံ±ုံးကို မြန်မာနိုင်ငံသားတွေပါဆိုပြီး အကြောင်း ကြားထားတဲ့ လူတွေ၊ အလုပ်ရှင်ကနေ တင်ပေးထားတဲ့လူတွေ အဲ့ဒါတွေကို ကျနော်တို့က ထိုင်းလေဘာကတဆင့် ထိုင်းနိုင်ငံခြားရေးဝန်ကြီးဌာနကို ပို့တယ်။ ပို့ပြီးတော့ ထိုင်းနိုင်ငံခြားရေးဝန်ကြီးကနေ မြန်မာနိုင်ငံသံ±ုံးကို ပို့ပေးတယ်။ မြန်မာနိုင်ငံသံ±ုံးက မြန်မာနိုင်ငံခြားရေးဝန်ကြီးဌာနကို ပို့တယ်။ မြန်မာနိုင်ငံခြားရေးဌာနက သက်ဆိုင်ရာ လူဝန်မှုကြီးကြပ်ရေးဌာနကို ပို့ပေးတယ်။ ပို့ပေးပြီးတော့ အဲဒီလူတွေ အကုန်လုံးကို မြန်မာနိုင်ငံသား ဟုတ်မဟုတ် စုံစမ်းပြီးတော့မှ ဟုတ်တယ်လို့ အကြောင်းကြားတဲ့လူတွေ အားလုံးကို ဒီကနေ ပတ်စ်ပို့လုပ်ခွင့်ြုပထားတယ်။ အခု ကျနော်တို့ဆီ ရောက်လာတာ နာမည်စာရင်းပါတဲ့လူ ၂ဝဝဝ ကျော်လောက် ရောက်နေပြီ။” ဒီနိုင်ငံကူးလက်မှတ်ရဖို့အတွက် ကိုယ်ရေးမှတ်တမ်း ပုံစံ ၂ ရွက်၊ ကွန်ပျူတာ လျှောက်လွှာပုံစံ ၈ ရွက်၊ ပြည်ပအလုပ်အကိုင် သက်သေခံလက်မှတ် လျှောက်လွှာ ၁ ရွက်၊ ကတ်ပြား ပလပ်စတစ်လောင်းခ၊ ပတ်စပို့ ဓာတ်ပုံ ၆ ပုံနဲ့ ကျပ်ငွေ ၁၂ဝဝ၊ အားလုံးပေါင်း ကျပ် ၃ဝဝဝ ကုန်ကျမယ်လို့ အဲဒီ လဝက ဝန်ထမ်းက ပြောပါတယ်။ နိုင်ငံကူးလက်မှတ်ရရှိပြီးရင် ထိုင်းဘက်က ဗီဇာပေးမှာဖြစ်ပါတယ်။ လာမယ့်သူတွေအတွက် ဘယ်လို ဗီဇာပေးမလဲဆိုတာ မသိရသေးပါဘူး။ နိုင်ငံကူးလက်မှတ်ဟာ ထိုင်းနိုင်ငံကို ရောက်နေတဲ့ မြန်မာနိုင်ငံသားတွေအတွက် အကျိုးရှိမှာ မဟုတ်ဘူးလို့ အခြေခံ လူအခွင့်အရေး ပညာပေးဌာနရဲ့ အမှုဆောင်တာ±ိုက်တာ ဦးထူးချစ်က သုံးသပ်ပါတယ်။ “ထိုင်းအစိုးရ ဘယ်လောက်ပဲ ဖိအားပေးပေး၊ ဗမာပြည်မှာ သွားလုပ်ခိုင်းတယ်ဆိုရင်တော့ ဗမာအလုပ်သမားတွေအနေနဲ့ သွားလုပ်မှာ မဟုတ်ဘူး။ တကယ်လုပ်မယ့် လူတွေကလည်း ဗမာပြည်ထဲက လူကိုယ်တိုင် စစ်အစိုးရနဲ့ ပတ်သက်တဲ့ ကုမ္ပဏီကနေတဆင့် လုပ်တဲ့လူတွေ လောက်ပဲ ရှိတယ်။ ဒီဖက်ကနေ သွားလုပ်တဲ့လူ မရှိသလောက်ပဲ။ “အဓိကတချက်က သူတို့ရဲ့ပုံစံမှာ ဖြည့်ရတာက သွားလုပ်တဲ့လူတွေရဲ့ နေရပ်လိပ်စာအပြည့်အစုံ၊ ညီအစ်ကိုမောင်နှမ ဆိုတော့ ရွှေ့ပြောင်း အလုပ်သမားတွေ အနေနဲ့ လုံးဝ လုပ်နိုင်မယ့်ကိစ္စ မဟုတ်ဘူး။ သွားလုပ်ပြီး ထိုင်းနိုင်ငံကို ပြန်လာ အလုပ်လုပ်မယ်ဆိုရင် သူတို့မိသားစု လုံòခံရေးကို သူတို့ စိုးရိမ်တယ်။” ထိုင်းနိုင်ငံမှာ တရားမဝင် အလုပ်လုပ်နေတဲ့ မြန်မာအလုပ်သမားတွေ တရားဝင်ဖြစ်ရေးအတွက် မြန်မာနိုင်ငံသားဖြစ်မှုဆိုင်ရာ စစ်ဆေးမြှုပလုပ်ဖို့ ပြီးခဲ့တဲ့ ၂ဝဝ၃ ခုနှစ်ကတည်းက ထိုင်းနဲ့ မြန်မာ ဆွေးနွေးခဲ့ကြပါတယ်။ ၂ဝဝ၈ ခုနှစ်က နယ်စပ်òမိ့တွေဖြစ်တဲ့ ကောင့်သောင်း၊ မြဝတီနဲ့ တာချီလိတ်òမိ့တွေမှာ ဒီစစ်ဆေးမြှုပလုပ်ဖို့ မြန်မာဘက်က သဘောတူခဲ့ပါတယ်။ ဒါပေမယ့် ပြီးခဲ့နှစ်ကတည်းက အကောင်အထည်မဖော်နိုင်ခဲ့လို့ အခု နောက်တကြိမ် အကောင်အထည်ဖော်နေတာ ဖြစ်ပါတယ်။
http://burmese.dvb.no

မြန်မာအလုပ်သမားများ နိုင်ငံသားအဖြစ်စိစစ်ရန် မဖြစ်နိုင်ကြောင်း ရောင်ခြည်ဦးအလုပ်သမားအဖွဲ့ပြော

NEJ / ၁၀ ဇူလိုင် ၂၀၀၉

ထိုင်းနိုင်ငံတွင် တရားဝင် ပြန်လည်လုပ်ကိုင်နိုင်ရန်အတွက် သက်တမ်းကုန် အလုပ်သမားများသည် သက်ဆိုင်ရာနေရင်း နိုင်ငံများသို့ နိုင်ငံသားအဖြစ် ပြန်လည်စိစစ်ခံရမည်ဖြစ်သဖြင့် သန်းနှင့်ချီသည့် မြန်မာအလုပ်သမားများအတွက် ဖြစ်နိုင်ခြေ မရှိသည့် လုပ်ငန်းစဉ်ဖြစ်ကြောင်း ထိုင်းအခြေစိုက် ရောင်ခြည်ဦးအလုပ်သမားအဖွဲ့က ပြောသည်။

ယခုလဆန်း (၁) ရက်မှစ၍ ထိုင်းနိုင်ငံတွင် နိုင်ငံခြားသား အလုပ်သမားများအား အလုပ်လုပ်ပိုင်ခွင့် လက်မှတ်ပြုလုပ်ပေးရာတွင် လက်မှတ်သက်တမ်းမှာ ၂၀၁၀ ခု၊ ဖေဖော်ဝါရီ (၂၉) ရက်အထိသာ ဖြစ်သည်။

ရောင်ခြည်ဦးအလုပ်သမားအဖွဲ့၏တာဝန်ခံ ကိုမိုးဆွေက “၂၀၁၀ ခုနှစ် ဖေဖော်ဝါရီလကျရင် ထိုင်းမှာရှိတဲ့ မြန်မာအလုပ်သမား တွေဟာ နယ်စပ်မြို့တွေဖြစ်တဲ့ မြ၀တီ၊ ကော့သောင်း၊ တာချီလိတ်မြို့တွေမှာ နိုင်ငံသားဟုတ်မဟုတ်သွားပြီး အစစ်ဆေးခံရ မှာဖြစ်တယ်။ ဒီကိစ္စ ဖြစ်နိုင်ခြေအလွန်နည်းပါတယ်။ ထိုင်းရောက် မြန်မာအလုပ်သမား (၂) သန်းကျော်ဟာ မှတ်ပုံတင်ရှိတဲ့ လူတွေက (၃) ပုံမှာ (၂) ပုံပဲရှိတယ်။ လနဲ့ချီပြီးကြာမယ့်အပြင် မလိုလားအပ်တဲ့ ပြဿနာတွေလည်းရှိတဲ့အတွက် ဒီကိစ္စကို စိတ်မ၀င်စားကြဘူး” ဟု ပြောသည်။

မြန်မာနိုင်ငံတွင် ရှမ်း၊ ကရင်၊ မွန် နယ်စပ်များကို အမဲရောင်နယ်မြေဟု သတ်မှတ်ထားသဖြင့် အဆိုပါဒေသများမှ ထိုင်းနိုင်ငံ ရောက်အလုပ်သမားများသည် နိုင်ငံသားမှတ်ပုံတင်မရှိကြကြောင်း မြန်မာ့အလုပ်သမားအရေး ဆောင်ရွက်နေသည့် အစိုးရမဟုတ်သော အဖွဲ့အစည်းများ၏ စစ်တမ်းများတွင် ဖော်ပြသည်။

ယင်းအနေအထားများကြောင့် ကိုမိုးဆွေက “အလုပ်သမားတွေအားလုံး မြန်မာနိုင်ငံပြန်ပြီး နိုင်ငံသားဟုတ်မဟုတ် အတည်ပြုချက်ရယူရမယ်ဆိုရင် ဒီကိစ္စဟာ မြန်မာနိုင်ငံမှာရှိတဲ့ အကျင့်ပျက် မြန်မာဝန်ထမ်းတွေနဲ့ ထိုင်းမှာရှိတဲ့ ပွဲစားတွေအတွက် စားပေါက်တခုဖြစ်လာပြီး အလုပ်သမားတွေကတော့ နစ်နာဆုံးရှုံးမှုတွေ ဆိုးဆိုးရွားရွား ခံစားလာရမှာဖြစ်တယ်” ဟု ပြောသည်။

မြန်မာနိုင်ငံ၏ တင်းကျပ်သည့် ဥပဒေနှင့်ကန့်သတ်ချက်များကြောင့် မြန်မာအလုပ်သမားအများစုက မြန်မာပြည်ပြန်၍ နိုင်ငံသားစိစစ်မှုခံယူရန် စိတ်မ၀င်စားကြပေ။

လောနှင့်ကမ္ဘောဒီးယားနိုင်ငံများနည်းတူ နိုင်ငံသားအဖြစ် အတည်ပြုပေးမည့် လုပ်ငန်းစဉ်ကို မြန်မာအာဏာပိုင်များက ထိုင်းနိုင်ငံအတွင်း လာရောက်လုပ်ဆောင်စေလိုကြောင်း မြန်မာအလုပ်သမားများက ပြောသည်။

လွန်ခဲ့သည့် (၃) နှစ်ခန့်က ကရင်ပြည်နယ်မှ မြန်မာအလုပ်သမားများ ထိုင်းနိုင်ငံတွင် တရားဝင် လုပ်ကိုင်ခွင့်နှင့် မြန်မာနိုင်ငံမှ ထုတ်ပေးမည့် ယာယီနိုင်ငံကူးလက်မှတ်ရရှိရေးအတွက် ထိုင်းအလုပ်ရှင်၏အစီအစဉ်ဖြင့် အလုပ်သမား (၄၀) ကျော်၏ နေရပ်လိပ်စာနှင့် ကိုယ်ရေးရာဇ၀င်များကို ထိုင်းအလုပ်သမားဝန်ကြီးဌာနသို့ ပေးပို့ခဲ့သည်။

ထိုကိုယ်ရေးအချက်အလက်များကို ထိုင်းအစိုးရက ထိုင်းနိုင်ငံဆိုင်ရာ မြန်မာသံရုံးသို့ ပေးပို့ပြီး သံရုံးမှတဆင့် မြန်မာနိုင်ငံ ပြည်ထဲရေးဝန်ကြီးဌာနသို့ ဆက်လက်ပေးပို့ခဲ့သည်။ ပြည်ထဲရေးမှ သက်ဆိုင်ရာမြို့နယ်နှင့် ကျေးရွာများသို့ စုံစမ်းစစ်ဆေးမှုများ ပြုလုပ်ကာ မြန်မာအလုပ်သမားများ၏ မိဘဆွေမျိုးများကို ဖမ်းဆီးချုပ်နှောင်၍ တဖက်နိုင်ငံသို့ တရားမ၀င်သွားရောက်သည် ဟုဆိုကာ တဦးလျှင် မြန်မာငွေ (၆) သိန်းမှ (၁၀) သိန်းအထိ ဒေသခံရဲစခန်းများတွင် ပေးခဲ့ရသည်ဟု လှိုင်းဘွဲ့မြို့နယ်မှ မြန်မာအလုပ်သမားတဦးက ခေတ်ပြိုင်သို့ ပြောသည်။

ယမန်နှစ်သြဂုတ် (၂၀) ရက်၌ ဘန်ကောက်မြို့တွင် မြန်မာဒုတိယနိုင်ငံခြားရေးဝန်ကြီး ဦးမောင်မြင့်နှင့် ထိုင်းနိုင်ငံအလုပ်သမား ၀န်ကြီး မစ်အူလိုင်ဝမ်ထီးယန်းထောင်းတို့ တွေ့ဆုံကာ ကနဦးသဘောတူညီမှုအရ မြန်မာအလုပ်သမား (၁) သောင်းကို တရာဝင်အလုပ်သမားများအဖြစ် ထိုင်းနိုင်ငံသို့ စေလွှတ်ရေးအတွက် သဘောတူညီထားသည့်ကိစ္စမှာ ယနေ့အထိ အကောင်အထည်ဖော်နိုင်ခြင်း မရှိသေးကြောင်း သိရသည်။

လူ (၁) သောင်းကိစ္စပင် နှစ်ချီကြာခဲ့ပြီး အလုပ်မဖြစ်သည့်အတွက် အလုပ်သမား (၂) သန်းကိစ္စဆိုလျှင် ဖြစ်နိုင်ခြေ အလွန်နည်း သည်ဟု ရောင်ခြည်ဦးအလုပ်သမားအဖွဲ့က ပြောသည်။
မြ၀တီမြို့တွင် ပြီးခဲ့သည့် မေ (၂၆) ရက်၌ မြန်မာရွှေ့ပြောင်းအလုပ်သမားများအတွက် ဖွင့်လှစ်ပေးထားသည့် နိုင်ငံသား ဟုတ်မဟုတ် စစ်ဆေးအတည်ပြုမည့်ရုံးတွင် မြန်မာအလုပ်သမားများ ယနေ့ထိ သွားရောက်ဆက်သွယ်ခြင်းမရှိသေးကြောင်း မြ၀တီမြို့ခံဝန်ထမ်းတဦးက ပြောသည်။

မြန်မာနိုင်ငံမှထုတ်ပေးသည့် အလုပ်လုပ်ကိုင်ခွင့် ယာယီနိုင်ငံကူးလက်မှတ်ရရှိရန် ထိုင်းနိုင်ငံအလုပ်သမားဝန်ကြီးဌာနတွင် မှတ်ပုံတင်ပြီးသူများသာ အကျုံးဝင်သည်ဟု သိရှိရသည်။

ထိုင်းနိုင်ငံအခြေစိုက် မြန်မာအလုပ်သမားအရေးဆောင်ရွက်နေကြသည့် အစိုးရမဟုတ်သောအဖွဲ့အစည်းများ၏ အဆိုအရ ထိုင်းနိုင်ငံ (၇၆) ခရိုင်တွင် မြန်မာအလုပ်သမား (၂) သန်းခွဲခန့် အလုပ်လုပ်ကိုင်လျက်ရှိသည်ဟု သိရသည်။

စစ်အစိုးရ၏ အလုပ်သမားကာကွယ်ရေးဖွဲ့စည်းမှု နောက်ကျ

မင်းနိုင်သူ ၁၅၊ဇူလှိုင် ၂၀၀၉

မြန်မာနိုင်ငံသားအများအပြား ထိုင်းနိုင်ငံသို့ လာရောက်အလုပ်လုပ်ကိုင်နေကြရသည်မှာ နှစ် (၂၀) ကျော်ရှိနေခဲ့ရာ ယခုမှ မြန်မာစစ်အစိုးရက အလုပ်သမားရေး တာဝန်ယူဖြေရှင်းရန် အားထုတ်ခြင်းမှာ နောက်ကျနေပြီဖြစ်ကြောင်း ရောင်ခြည်ဦး အလုပ်သမားအဖွဲ့တာဝန်ခံ ကိုမိုးဆွေက ပြောသည်။

ယနေ့ထုတ် စစ်အစိုးရသတင်းစာပါ ထိုင်းနိုင်ငံရောက် မြန်မာအလုပ်သမားများ ကာကွယ်စောင့်ရှောက်ရေးအဖွဲ့ကို ဖွဲ့စည်းသွားမည့် သတင်းနှင့်စပ်လျဉ်း၍ ပြောဆိုခြင်းဖြစ်သည်။

၎င်းက “ပြီးခဲ့တဲ့ အတွေ့အကြုံတွေအရ ပြောရမယ်ဆိုရင်လည်း တရားဝင်မြန်မာအလုပ်သမားတွေ မတရားအလုပ်ဖြုတ်ခံရတာတို့၊ မတရားအလုပ်ခံရတာတို့ရှိလို့ မြန်မာသံရုံးကို အကြောင်းကြားရင် တာဝန်ယူဖြေရှင်းပေးတာမရှိဘူး။ (၁) မှု (၂) မှုပေါ့နော် ကျနော်မှတ်မိသလောက်။ မြန်မာ အိမ်ဖော်အမျိုးသမီး မီးရှို့အသတ်ခံရတုန်းကတော့ သူတို့ တခေါက်လာဖူးတယ်။ (၉၅) ရာခိုင်နှုန်းကတော့ ဖြေရှင်းပေးတာမျိုး မရှိခဲ့ပါဘူး” ဟု ပြောသည်။

မြန်မာအလုပ်သမားများ အများဆုံးကြုံတွေ့ကြရပြီး အလုပ်သမားအဖွဲ့အစည်းများက အများဆုံးဖြေရှင်းပေးနေကြရသည်မှာ လုပ်အားခနှိမ်ပေးခြင်းနှင့် လစာလုံးလုံးမပေးဘဲ အလုပ်ဖြုတ်ပစ်ခြင်းတို့ ဖြစ်ကြောင်း ကိုမိုးဆွေက ပြောသည်။

ထိုင်းနိုင်ငံရောက် မြန်မာအလုပ်သမားများ ကာကွယ်စောင့်ရှောက်ရေးအဖွဲ့ကို ထိုင်းနိုင်ငံဆိုင်ရာ မြန်မာသံအမတ်ကြီးက နာယကအဖြစ် တာဝန်ယူကာ သံရုံးဝန်ထမ်းများအပြင် စီးပွားရေးလုပ်ငန်းရှင်များ၊ အခြားသင့်လျော်သူများဖြင့် ဖွဲ့စည်းသွားမည်ဟု သိရသည်။

ထိုကဲ့သို့ မြန်မာသံရုံးဝန်ထမ်းများဖြင့် ဖွဲ့စည်းဆောင်ရွက်ပါက ကြိုးနီစနစ်ကျင့်သားရနေသူများဖြစ်သည့်အတွက် လုပ်ငန်းများ ဆောင်ရွက်ရာတွင် နှောင့်နှေးမှုများရှိနေမည်ဟု ကိုမိုးဆွေက ပြောသည်။

မြန်မာအလုပ်သမားရေးကိစ္စအတွက် ထိုင်းနိုင်ငံ ရနောင်းမြို့၌ ဇူလိုင် (၁၀) ရက်တွင် ကျင်းပသော နိုင်ငံသားစိစစ်ရေးနှင့် မြန်မာလုပ်သားထပ်မံ ခေါ်ယူရေးဆွေးနွေးပွဲသို့ မြန်မာနိုင်ငံခြားရေးဒု-၀န်ကြီး ဦးမောင်မြင့် တက်ရောက်ခဲ့ပြီး ဖူးခက်မြို့သို့လည်း သွားရောက်ခဲ့သည်။

ဖူးခက်ရှိ မြန်မာအလုပ်သမားများကို နိုင်ငံသားစိစစ်မှုခံယူကြရန် ဒု-၀န်ကြီးက တိုက်တွန်းခဲ့ကြောင်း မြန်မာအလုပ်သမားတဦးက ပြောသည်။

မြန်မာအလုပ်သမားအများစုမှာ မှတ်ပုံတင်လက်ဝယ်မရှိသူများဖြစ်သည့်အပြင် လက်ရှိအလုပ်လုပ်နေရာ လုပ်ငန်းခွင်မှ နယ်စပ်ပြန်၍ နိုင်ငံသားစိစစ်ရေးခံယူရန်မှာ မလွယ်ကူကြောင်း ကိုမိုးဆွေက ပြောသည်။

“တိုင်းရင်းသားတချို့မှာ နိုင်ငံသားစိစစ်ရေးကတ်ကိုမရှိဘူး။ မရှိလို့ ပြန်သွားလုပ်ပြန်ရင် သူတို့က တရက်တည်းနဲ့ အပြီးလုပ်ပေး မှာလား။ နောက်တခုက အဲလိုနယ်စပ်မြို့တွေကို ပြန်လုပ်တဲ့အခါ အပြန်လမ်းမှာပဲ ထိုင်းရဲအဖမ်းဆီးခံရမယ့် ပြဿနာတွေ ရှိမယ်။ ရက်ကြာကြာ အလုပ်အကိုင်ပျက်လို့ လုပ်ငန်းရှင် မကြည်ဖြူမယ့် ပြဿနာတွေရှိတယ်။ မြန်မာအစိုးရလုပ်သင့်တာက ထိုင်းနိုင်ငံကို လာပြီး Mobile ပုံစံနဲ့ နိုင်ငံသားစိစစ်ရေးကိစ္စကို လုပ်သင့်တယ်” ဟု ၎င်းက ပြောသည်။

ထိုင်းနိုင်ငံသို့ လာရောက်အလုပ်လုပ်သော မြန်မာနိုင်ငံသားများအား တရားဝင်ဗီဇာထုတ်ပေးခြင်းနှင့် အလုပ်လုပ်ခွင့် မှတ်ပုံတင်ခြင်းတို့ကို ဇူလိုင် (၁) ရက်နေ့မှ စတင်လုပ်ပေးနေပြီဖြစ်သော်လည်း မည်မျှကြာသည်အထိ ပြုလုပ်ပေးမည်ကို မသိရှိရသေးပေ။

နယ်စပ်မြို့မှ နိုင်ငံသားစိစစ်ရေးခံယူကာ ၀င်ရောက်လာသော မြန်မာအလုပ်သမားများအနေဖြင့် ဌာနဆိုင်ရာဝန်ထမ်းများနှင့် လူပွဲစားများအား ဘတ်ငွေ သုံးထောင်ပေးဆောင်နေကြရကြောင်း ဖူးခက်မြို့မှ မြန်မာအလုပ်သမားတဦးက ပြောသည်။

ယခုအလုပ်သမားမှတ်ပုံတင်ပြီးသူများအနေဖြင့် ၂၀၁၀ ဖေဖော်ဝါရီ (၂၉) ရက်အထိ ထိုင်းနိုင်ငံအတွင်း တရားဝင်နေထိုင် လုပ်ကိုင်နိုင်ကြမည်ဟု သိရသော်လည်း အသေးစိတ်အချက်အလက်များကို နှစ်နိုင်ငံဝန်ကြီးဌာနများက ထုတ်ပြန်ခြင်းမရှိသေးဟု ရောင်ခြည်ဦးအလုပ်သမားအဖွဲ့တာဝန်ခံက ပြောသည်။

အစိုးရမဟုတ်သော အဖွဲ့အစည်းများ၏ စာရင်းများအရ ထိုင်းနိုင်ငံတွင် အလုပ်လုပ်ကိုင်နေသော မြန်မာအလုပ်သမား (၂) သန်း ကျော်ရှိကြောင်း သိရသည်။

ခေတ်ပြိုင်