မလေးရှားက နိုင်ငံခြားသားအလုပ်သမား လက်မခံတော့ဟုဆို

         မလေးရှား အစိုးရက မြန်မာနိုင်ငံသားများ အပါအ၀င် နိုင်ငံခြားသား အလုပ်သမားများကို ၂၀၀၉ ခုနှစ် ဇွန် လ (၁) ရက်နေ့မှ စတင်ကာ အလုပ်လုပ်ခွင့် မပြုဘဲ လိုက်လံဖမ်းဆီး လျှက်ရှိရာ ကွာလာလမ်ပူမြို့တော်ရှိ လူစည် ကားရာနေရာများ၌ အလုပ်သမား အများအပြား အဖမ်းခံရလျှက် ရှိကြောင်း သတင်းရရှိသည်။

          ယနေ့ နေ့လယ်က ရာနှင့်ချီသော မလေးရှား အာဏာပိုင်များနှင့် ရလာ (RALA)များက စစ်ထရပ်ကား သုံးစီး ဖြင့် မြို့ထဲတွင် လိုက်လံဖမ်းဆီးရာ လူနှစ်ရာခန့် အဖမ်းခံရသည်ဟု ကွာလာလမ်ပူ အခြေစိုက် ရခိုင်ဒီမိုကရေစီ အဖွဲ့ချုပ်မှ အလုပ်အမှုဆောင် ကိုဇင်ထူးက ပြောသည်။

         မလေးရှားအစိုးရက ထုတ်ပြန်ထားသည့် ကြေညာချက်တွင် နိုင်ငံခြားသား အလုပ်သမားများကို ဖမ်းမိပါက ထောင်ဒဏ်နှင့် ကြိမ်ဒဏ် ပေးမည်ဖြစ်ကြောင်း၊ ဆိုင်ရှင်များကိုလည်း ဒဏ်ငွေရိုက်ခြင်း၊ ဆိုင် လိုင်စင် သိမ်း ခြင်းတို့အပြင် ဆိုင်ကိုပါအသိမ်းခံရမည်ဟု ပါရှိကြောင်း၊ ထို့ကြောင့် ဆိုင်ရှင်များကလည်း အလုပ်သမားများကို အသုံးမပြုဝံ့ကြတော့ကြောင်း ၎င်းက ဆိုသည်။
         ယင်းသတင်းကို မလေးရှားနိုင်ငံ၏ ထင်ရှားသော သတင်းစာတစောင်ဖြစ်သည့် စတား (Star) သတင်းစာတွင် ဖေါ်ပြထားသည်။

 

မလေးရှားမှာလည်း မြန်မာအလုပ်သမားတွေ အဖမ်းခံရ

         မလေးရှား အာဏာပိုင်များက မြန်မာရွှေ့ပြောင်း အလုပ်သမား ၁၀၀ ကျော်ကို မကြာသေးမီက ဖမ်းဆီးလိုက်ကြောင်း ကြားသိရသည်။
         နောက်ဆုံးအကြိမ် နိုင်ငံခြားသား အလုပ်သမားများအား နှိမ်နင်းသည့်စီမံကိန်းတွင် မလေးရှား အာဏာပိုင် များက မွန်အမျိုးသား ၅၀ ကျော်အပါအဝင် မြန်မာအလုပ်သမားများကို ယခုကဲ့သို့ ဖမ်းဆီးလိုက်ခြင်း ဖြစ်ကြောင်း မွန်ဒုက္ခသည် အဖွဲ့အစည်း Roi Mon မှ တာဝန်ရှိသူတဦးက ပြောပြသည်။
         ထိုသို့ ဖမ်းဆီးခံရသူများထဲတွင် ကရင် အလုပ်သမား ၂၀ ပါဝင်သည်ဟုလည်း ကရင် ဒုက္ခသည်အဖွဲ့အစည်း၏ ဥက္ကဌ မန်းစိန်သန်းကဆိုသည်။
         တခြားသော ရာပေါင်းများစွာရှိသည့် မြန်မာရွှေ့ပြောင်းအလုပ်သမား များသည် အဖမ်းအဆီးခံခဲ့ရပြီးနောက် လွတ်မြောက်ခဲ့သော်လည်း နောက်တကြိ်မ် အဖမ်းခံရမည်ကို စိုးရိမ်သဖြင့် စိတ်လွတ်လပ်စွာ အလုပ်မလုပ် နိုင်သောကြောင့် အလုပ်လုပ်ချိန်များလျော့ပါးကာ ဝင်ငွေနည်းပါးသွားသည်ဟု ကြားသိရသည်။ နောက်ဆုံး အကြိမ် နှိမ်နင်းဖမ်းဆီးမှုမှာ ဇွန်လ ၁ ရက်နေ့တွင် စတင်ခဲ့သည်။
        မလေးရှားနိုင်ငံ၊ ကွာလာလမ်ပူမြို့၊ တရုတ်တန်းရှိရာ ပတ်တလင် လမ်းတလမ်းတည်းတွင်ပင် စားသောက်ဆိုင် များနှင့် တခြားသော စီးပွားရေးလုပ်ငန်းများ၌ အလုပ်လုပ်နေသည့် မြန်မာရွှေ့ပြောင်းအလုပ်သမားများ ၁၀၀၀ ကျော်ခန့်ရှိသည်ဟု သိရသည်။
       မလေးရှားအာဏာပိုင်များက ယင်းလမ်းထဲရှိ လုပ်ငန်းအသီးသီးကို နိုင်ငံခြားသား အလုပ်သမားများ မထားရှိရန် လာရောက် ခြိမ်းခြောက်ပြောဆိုသည်ဟု Roi Mon အဖွဲ့အစည်းက ဆိုသည်။
        "ကျမ သူငယ်ချင်းနှစ်ယောက်ဆို ပြီးခဲ့တဲ့အပတ်က အလုပ်ပြုတ်ပြီး ပြန်သွားရပြီ" ဟု မလေးရှားနိုင်ငံတွင် အလုပ်လုပ်နေသည့် မြန်မာအလုပ်သမား တဦးဖြစ်သူ မဝါယုက ပြောပြသည်။
          ကွာလာလမ်ပူအခြေစိုက် မြန်မာအလုပ်သမားအခွင့်အရေး ကာကွယ်စောင့်ရှောက်ရေးအသင်း၏ အဆိုအရ မလေးရှားနိုင်ငံတွင် အလုပ်လုပ်နေသည့် တရားဝင်နှင့် တရားမဝင် မြန်မာဦးရေ ၅ သိန်းခန့်ရှိသည်ဟု သိရသည်။
           မလေးရှားအစိုးရက နိုင်ငံခြားသားအလုပ်သမားများကို လုံးဝလက်မခံတော့ကြောင်း ယမန်နှစ် ဒီဇင်ဘာလက ကြေညာခဲ့သည်။

(Thursday, 11 June 2009 ရက်နေ့မှ သတင်းကို ဖော်ပြလိုက်ပါသည်.)(ဧရာဝတီ)

မဲဆောက် ဆန္ဒပြ အလုပ်သမားများ သပိတ်လှန်

(6 May 2009 ) မှ သတင်းကို ပြန်လည်ဖော်ပြလိုက်သည်။)

ထိုင်း မြန်မာနယ်စပ် မဲဆောက်မြို့ရှိ မြန်မာ အလုပ်သမား ၂ဝဝ ခန့်သည် လုပ်အားခ နှင့် အလုပ်သမား အခွင့်အရေး ရရှိရန် ယနေ့ ဆန္ဒပြ တောင်းဆိုကြရာ အလုပ်ရှင်က တောင်းဆိုချက်များ ပေးမည်ဟု သဘောတူလိုက်သောကြောင့် သပိတ်လှန်လိုက်ကြောင်း သိရသည်။

ဆန္ဒပြနေသော အလုပ်သမားများ (ဓာတ်ပုံ – ရောင်ခြည်ဦး)

အလုပ်သမားများသည် TK အသေးလေး သိုးမွေးစက်ရုံဟု လူသိများသည့် Panthong Manufacturing ကုမ္ပဏီ လီမိတက်က ပိုင်ဆိုင်သည့် စက်ရုံမှ ဖြစ်သည်။

မဲဆောက်မြို့ရှိ အလုပ်သမား ကာကွယ်ရေးရုံးရှေ့တွင် မနက် ၈ နာရီကျော်မှ နေ့လယ် ၂ နာရီခွဲ အထိ ဆန္ဒပြခဲ့သည်ဟု အလုပ်သမား ကိုယ်စားလှယ်တဦးက ပြောသည်။

“တောင်းဆိုတဲ့ အချက် ၃ချက်က ထိုင်းနိုင်ငံမှာ သတ်မှတ်ထားတဲ့ ဥပဒေ အတိုင်း အလုပ်သမား လုပ်အားခ ရချင်တယ်၊ ကျန်းမာရေး စောင့်ရှောက်ခွင့် ရဖို့ နဲ့ သောက်ရေ သုံးရေ လုံလောက်စွာ ရရှိဖို့ ဖြစ်တယ်။ ရေရဖို့ ဆိုတာက ည ၁ဝ နာရီမှာ အချိန်ပို အလုပ် ဆင်းရင် ည ၁၁ နာရီ ဆိုရင် ချိုးရေ မရှိတော့ဘူး။ ချိုးရတဲ့သူ ချိုးရသလို၊ မချိုးရတဲ့သူလည်း ရှိတယ်၊ ဒီအချက်တွေကို တောင်းဆိုခဲ့ကြပါတယ်” ဟု အဆိုပါ အလုပ်သမားက ပြောသည်။

ဆန္ဒပြသည့် နေရာသို့ ထိုင်းရဲများ ရောက်ရှိလာသော်လည်း ဖမ်းဆီးခြင်း မရှိဟု သိရသည်။

ယင်း တောင်းဆိုချက်များကို ပြီးခဲ့သည့်လက အလုပ်သမား ကာကွယ်ရေး ရုံးသို့ စာရေးသား ပေးပို့ပြီး တောင်းဆိုခဲ့သော်လည်း ထူးခြားမှု မရှိသည့် အတွက် ယခုကဲ့သို့ ဆန္ဒပြခဲ့ခြင်း ဖြစ်သည်ဟု ဆိုသည်။

၎င်းတို့၏ စက်ရုံတွင် မြန်မာ အလုပ်သမားပေါင်း ၃ဝဝ ကျော် ရှိပြီး တရက်လျှင် အလုပ်ချိန် ၉ နာရီ ရှိကြောင်း၊ အချိန်ပို လုပ်အားခ အဖြစ် ငါးဘတ်တန် ခေါက်ဆွဲထုပ် တထုပ် ရရှိခဲ့ကြောင်း၊ ယခု အချိန်တွင် ထိုခေါက်ဆွဲ တထုပ်ပင် မရတော့ကြောင်းလည်း ၎င်းအလုပ်သမားက ရှင်းပြသည်။

အလုပ်သမား နှင့် အလုပ်ရှင်အကြား ညှိနှိုင်းပြီး သဘောတူညီချက်များ ရခဲ့ကြသည်ဟု ရောင်ခြည်ဦး အလုပ်သမား အဖွဲ့မှ တာဝန်ခံ ဦးမိုးဆွေက ပြောသည်။

“လာမယ့် ၂၁ ရက်နေ့မှ လစာ ထုတ်ပေးမယ်၊ ဒီကြားရက်တွေမှာ အလုပ်ရှင်က ထမင်း ၃ နပ် ကျွေးမယ် ဆိုပြီး သဘောတူညီမှု ရတယ်၊ လောလောဆယ် သူတို့အနေနဲ့ ငွေကြေး အခက်အခဲ တွေ့နေလို့ သည်းခံစောင့်ပေးပါလို့ အလုပ်ရှင် ကိုယ်စားလှယ်က အလုပ်သမားရုံးမှာ လာဖြေရှင်းသွားပါတယ်” ဟု ဦးမိုးဆွေက ပြောသည်။

ဤအမှု ပြေလည်စေရေး အတွက် မဲဆောက်အခြေစိုက် အလုပ်သမား ရေးရာအဖွဲ့များ ဖြစ်သည့် ရွှေ့ပြောင်း အလုပ်သမား ကူညီ စောင့်ရှောက်ရေး အဖွဲ့ (MAP) နှင့် ရောင်ခြည်ဦးတို့က ကူညီဆောင်ရွက်ပေးခဲ့သည်။

မဲဆောက်မြို့တွင် မြန်မာပြည်သား အများအပြားသည် စက်ရုံအလုပ်ရုံများ၊ စိုက်ပျိုးရေးလုပ်ငန်းများ၊ ဈေးဆိုင်များ၊ အိမ်များတွင် ဝင်ရောက် လုပ်ကိုင်လျက်ရှိသည်။

၂ဝဝ၂ ခုနှစ်မှ ယခုအချိန်အထိ အလုပ်သမားများက အလုပ်ရှင်ကို လစာ ရရှိရေးအတွက် တရားစွဲသည့် အမှုပေါင်း ၁၃၈ မှု ရှိခဲ့သည်၊ အမှု အားလုံးတွင် ထိုင်းတရားရုံးက မြန်မာပြည်သား အလုပ်သမားများကို အနိုင်ပေးခဲ့သည့် အတွက် လစာ နှင့် လျော်ကြေးငွေများ ရရှိကြသည်ဟု ရောင်ခြည်ဦး အလုပ်သမားအဖွဲ့၏ ပြောဆိုချက်အရ သိရသည်။

“အခုလို အလုပ်ပါးတဲ့ အချိန်မှာဆိုရင် တလမှ အများဆုံး ဘတ်၂ထောင် ရတယ် ခင်ဗျ။ တခါတလေ ဆိုရင် ဘတ် ၃ဝဝ လောက်ပဲ ရတယ်။ စားဖို့ သောက်ဖို့ ဒုက္ခ ရောက်ရပါတယ်” ဟု TK စက်ရုံမှ အလုပ်သမား တဦးက ပြောသည်။

ထိုင်း ဥပဒေအရ မဲဆောက်ဒေသရှိ အလုပ်သမားတဦး အနည်းဆုံး ရရှိမည့် တနေ့ လုပ်အားခမှာ ၁၅၁ ဘတ် (၄ ဒေါ်လာခန့်) ဖြစ်သည်။

By oothandarWednesday, 06 May 2009 19:42 အေးလဲ့