ဖိနပ်ချုပ်စက်ရုံမှ ဆန္ဒပြ မြန်မာများ လုပ်ခတိုးရပြီ

.စိုင်းဇွမ်ဆိုင်း | သောကြာနေ့၊ ဇန်နဝါရီလ ၂၉ ရက် ၂၀၁၀ ခုနှစ် ၁၉ နာရီ ၁၆ မိနစ်


ချင်းမိုင် (မဇ္ဈိမ)။ ။ လုပ်အားခ နည်းသဖြင့် ရှမ်းပြည်အရှေ့ပိုင်း တာချီလိတ်မြို့ တဖက်ကမ်း ထိုင်းနိုင်ငံ မယ်ဆိုင်မြို့၌ မကြာသေးခင်က ဆန္ဒပြခဲ့သော မြန်မာ အလုပ်သမားများကို အလုပ်ရှင်က ယနေ့မှစ၍ တနေ့တာ လုပ်အားခကို ၄၇ ဘတ် အပိုဆောင်း ပေးလိုက်ပြီ ဖြစ်သည်။

မယ်ဆိုင်မြို့ Osaka စက်ရုံမှ မြန်မာအလုပ်သမားများကို ယခင်က တရက်လုပ်ခ အများဆုံး ၁၁ဝ ဘတ် အထိသာရသော်လည်း ယခုမူ ၁၅၇ ဘတ်အထိ တိုးမြှင့်ပေးလိုက်ခြင်းဖြစ်ကြောင်း အလုပ်သမားများနှင့် အခွင့်အရေး လှုပ်ရှားသူများထံမှ စုံစမ်းသိရှိရသည်။

ယင်းစက်ရုံရှိ ထိုင်း-မြန်မာ အလုပ်သမားအားလုံး တန်းတူရရှိခြင်းလည်း ဖြစ်သည်။

“နေ့လည် ၁ နာရီက စက်ရုံမှာ အစည်းအဝေးလုပ်တယ်။ ၁ နာရီခွဲလောက်ကျတော့ အလုပ်သမားတွေကို ပြောတယ်တဲ့။ အားလုံးကို ၁၅၇ ဘတ် အပြည့်ပေးမယ်။ ဒါပေမဲ့ သူ့မှာရှိတဲ့ စည်းကမ်းတွေကိုတော့ အတိအကျ လိုက်နာရမယ်” ဟု ရွှေ့ပြောင်း လုပ်သားများအရေး ဆောင်ရွက်နေသည့် ထိုင်းနိုင်ငံအခြေစိုက် MAP Foundation အဖွဲ့မှ တာဝန်ရှိသူ ကိုအေးက မဇ္ဈိမကို ပြောသည်။

.ထိုင်းအလုပ်သမားများနှင့် လုပ်ခတန်းတူ မရရှိသောကြောင့် လုပ်ခတိုးမြှင့်ပေးရန် စက်ရုံရှိ မြန်မာ အလုပ်သမား ၇၂ ဦးက ယခုလ ၂၃ ရက်နေ့၌ ဆန္ဒပြခဲ့ကြသည်။

ဆန္ဒပြကာလအတွင်း ဦးဆောင်သည့် မြန်မာအလုပ်သမားခေါင်းဆောင် ၄ ဦးကို အလုပ်ထုတ်ခဲ့သဖြင့် MAP Foundation အဖွဲ့ကို တိုင်ကြားခဲ့ရာ အဖွဲ့တာဝန်ရှိသူများ သွားရောက်ဖြေရှင်းခဲ့ရာမှ ယခုလို လုပ်ခ တိုးမြှင့်ရရှိခြင်း ဖြစ်သည်။

အလုပ်သမားခေါင်းဆောင် ၄ ဦးမှာမူ အလုပ်ပြန်လုပ်ခွင့် မရကြသဖြင့် ထိုင်းအလုပ်သမား ဥပဒေအရ ၎င်းတို့ ရသင့်ရထိုက်သော နစ်နာကြေးများအတွက် ချင်းရိုင်မြို့ရှိ အလုပ်သမား အခွင့်အရေးနှင့် ကာကွယ်ရေးရုံးမှ တဆင့် စက်ရုံပိုင်ရှင်ထံ တောင်းဆိုထားကြောင်း သိရသည်။

“ဖောင်တွေ အားလုံး ဖြည့်ပြီးသွားပြီ။ လာမယ့် (ဖေဖော်ဝါရီလ) ၃ ရက်နေ့ကျရင် အလုပ်သမားရုံးက သူတို့ သူဋ္ဌေးကို ခေါ်ပြီးတော့မှ ပြဿနာကို ဖြေရှင်းပေးခိုင်းမယ်” ဟု ကိုအေးက ရှင်းပြသည်။

အလုပ်မှထုတ်ပယ်လျှင် လျော်ကြေးအဖြစ် လုပ်ခ ၃ လစာ အပိုရရှိနိုင်သည်ဟု အလုပ်သမား-အလုပ်ရှင် သဘောတူခဲ့သော်လည်း ထိုလျော်ကြေးကို မပေးသည့်အပြင် ဆန္ဒပြခဲ့သဖြင့် စက်ရုံဝင်ငွေ ဘတ် ၁ သိန်း ၆ သောင်း နစ်နာသည်ဟုဆိုကာ ယခုလ ၂၆ ရက်နေ့တွင် အလုပ်ရှင်ဘက်က ဆန္ဒပြခေါင်းဆောင် ၄ ဦးထံမှ နစ်နာကြေးပေးရန် တုံ့ပြန်ပြောဆိုပြီးနောက် ထိုနေ့၌ပင် ၎င်းတို့ ၄ ဦး အလုပ်ထုတ်ခံရသည်။

အလုပ်ထုတ်ခံရသော အလုပ်သမားခေါင်းဆောင် ၄ ဦးမှ တဦးက “ကျမတို့အမှုအတွက် ချိန်းထားတာက ၂ လပိုင်း ၃ ရက်နေ့ပေါ့နော်။ အဲဒီနေ့မှာ သူတို့က လျော်ကြေးပေးမယ်၊ မပေးဘူးဆိုတာတော့ မသိရသေးဘူး။ တကယ်လို့ မပေးဘူးဆိုရင်လည်း ကျမတို့က ရှေ့ဆက်တက်မှာပဲ” ဟု မဇ္ဈိမ ကို ပြောသည်။

ခေါင်းဆောင် ၄ ဦးအတွက် အလုပ်သမား ကာကွယ်ရေးရုံးက နစ်နာကြေးပေးရန် အမိန့်ချ မပေးပါက သက်ဆိုင်ရာ တရားရုံးများမှတဆင့် ဥပဒေကြောင်းလမ်းအရ ဖြေရှင်းသွားနိုင်ရန် MAP Foundation မှ ကူညီသွားမည်ဟု သိရသည်။

“MAP မှာက ရှေ့နေတွေဘာတွေ ရှိပြီးသားပဲ။ တရားရုံးကနေ ဒီအမှု ပြီးဆုံးသည်အထိ တက်သွားမယ်” ဟု ကိုအေးက မဇ္ဈိမကို ပြောသည်။

အလုပ်သမား ကာကွယ်ရေးရုံးက နစ်နာကြေးပေးရန် အမိန့်ချမှတ်ပါက တဦးလျှင် အနည်းဆုံး ဘတ် ၄ သောင်းနှင့် အထက် ရရှိမည်။

တာချီလိတ် တဖက်ကမ်း မယ်ဆိုင်မြို့တွင် မြန်မာရွှေ့ပြောင်းလုပ်သား သိန်းနှင့်ချီ ရှိသော်လည်း အလုပ်သမား အခွင့်အရေး သင်တန်းများကို ပို့ချပေးမည့် အဖွဲ့အစည်းများ မရှိသေးကြောင်းလည်း သိရသည်။

မြန်မာများအနေဖြင့် လုပ်အားခ ၁၅၇ ဘတ် ရရှိလိုက်ခြင်းသည် မယ်ဆိုင်မြို့၌ ပထမဆုံးဖြစ်ကြောင်း မြန်မာလုပ်သားများက ပြောဆိုကြသည်။

(ကိုဝိုင်း တည်းဖြတ်သည်။)

အိမ်ဖော်အလုပ်သမား အခွင့်အရေး လမ်းညွှန်စာအုပ် ထုတ်ဝေ

.Thursday, 28 January 2010 19:41 ဘစောတင်

နိုင်ငံတကာ အလုပ်သမားအဖွဲ့ (ILO) မှ ထုတ်ဝေသည့် “တို့ အိမ်ဖော် အလုပ်သမား- တင့်တင့် တယ်တယ် လုပ်အားရှင်များ” အမည်ရှိ အိမ်ဖော် အလုပ်သမားများ အတွက် လမ်းညွှန်စာအုပ် ထုတ်ဝေမှု ရှင်းလင်းပွဲကို ယနေ့နံနက်ပိုင်းက ထိုင်းနိုင်ငံ ဘန်ကောက်မြို့ရှိ နိုင်ငံခြား သတင်းထောက်များ ကလပ် (FCCT) တွင် ကျင်းပ ခဲ့သည်။


ယနေ့ ရှင်းလင်း ပွဲတွင် ဦးဆောင် ပါဝင် ဆွေးနွေးသူ တဦးဖြစ်သည့် မြန်မာ ရွှေ့ပြောင်း အလုပ်သမားများ အရေး ကူညီဆောင်ရွက် နေသော MAP ဖောင်ဒေးရှင်းမှ Ms.Kanc- hna –Di-ut က ယခု စာအုပ်သည် အိမ်ဖော် အလုပ် သမားများ အတွက် အကျိုး သက်ရောက်မှု ရှိမည် ဖြစ်ကြောင်း ပြောဆိုသည်။

. “ဒီစာအုပ် ကလေးကို ဖတ်ရတဲ့ အိမ်ဖော် အလုပ်သမားတွေ အတွက် ကောင်းမွန်တဲ့ အကျိုး သက်ရောက်မှုတွေ တကယ်ရှိမယ် ဆိုတာ ကျမတို့ ယုံကြည်ပါတယ်၊ အိမ်အလုပ် လုပ်နေကြတဲ့ အမျိုးသမီး အမျိုးသား တွေဟာ ကိုယ်ရသင့်တဲ့ လူ့အခြေခံ ရပိုင်ခိုင်ခွင့်ကို မသိကြလို့ နစ်နာ နေကြရတာ တွေဟာ နေရာ အနှံ့မှာပါ၊ ဒါကို ILO က ဦးဆောင်ပြီး ကျမတို့ နဲ့ အတူ အခြားသော အဖွဲ့ အစည်းများ ကပါ ဒီစာအုပ်ကလေး ဖြစ်မြောက် လာအောင် လပေါင်းများစွာ အချိန်ယူပြီး ကြိုးစား လုပ်ဆောင် ခဲ့ကြပါတယ်” ဟု ဧရာဝတီသို့ ပြောသည်။

ထို စာအုပ်တွင် ထိုင်းနိုင်ငံအတွင်း အလုပ်လုပ်နေကြသော အိမ်ဖော် အလုပ်သမားများအတွက် ဆောင်ရန် ရှောင်ရန်နှင့် သိသင့် သိထိုက်၊ လိုက်နာသင့် လိုက်နာထိုက်သည်များကို ရှင်းရှင်းလင်းလင်း ရေးသားဖော်ပြ ထားသည်။

ယင်းစာအုပ်၏ တနေရာတွင်“ကျွန်ုပ်သည် အိမ်ဖော်အလုပ်သမား တယောက်ဖြစ်သည်။ ကျွန်ုပ်တွင် တာဝန် ၀တ္တရားများရှိသလို အခွင့်အရေးများလည်းရှိသည်။ ကျွန်ုပ်သည် တခြားအလုပ်သမားတွေလိုပဲ မျှမျှတတ ဆက်ဆံခွင့်ရရန် ထိုက်တန်ပါသည်။ ကျွန်ုပ်၏ ဂုဏ်သိက္ခာကို လေးစားရန် တောင်းဆိုသည်”ဟု ဖော်ပြထား သည်။

သူတပါးအိမ်တွင် အလုပ်လုပ်နေကြရသည့် ထောင်ပေါင်းများစွာသော အိမ်ဖော်အလုပ်လုပ်သူများတွင် အမျိုး သမီး များက များသောအားဖြင့် ထမင်းချက် ကလေးထိန်း သက်ကြီး ရွယ်အိုများကို ပြုစုခြင်း စသော အိမ် တွင်း မှု လုပ်ငန်းများ၌ လုပ်ကိုင်ကြသည်။ အမျိုးသားများက ကားမောင်း၊ ခြံသန့်ရှင်းရေး စသည့် အလုပ် များ ကို လုပ်လေ့ရှိကြသည်။ ၎င်းတို့သည် များသောအားဖြင့် နိုင်ငံတကာက ပြဌာန်းထားသော အခြေခံရပိုင်ခွင့် များကို သိရှိသူနည်းပါးကြောင်း သိရသည်။

မွန်ပြည်နယ် မုဒုံမြို့ နယ် ရခိုင်ကုန်းရွာမှ ထိုင်းနိုင်ငံတွင် အနှစ် (၂၀)နီးပါးခန့် အိမ်ဖော်အလုပ် လာရောက် လုပ်ကိုင်သူ မလွင်လွင် က အိမ်ဖော်ကို ကျေးကျွန်သဖွယ် ဆက်ဆံသောအလုပ်ရှင်မျိုးနှင့် တွေ့ ပါက များစွာ စိတ်ဆင်းရဲရကြောင်း ပြောဆိုသည်၊။

“ကောင်းတဲ့သူဌေး အိမ်ဆို ကိုယ့်အိမ်လိုပဲ။ သူတို့ သတ်မှတ်ပေးတဲ့ အလုပ်ကို တာဝန်ကျေအောင်လုပ်၊ ပြီးရင် ကိုယ့်ဘာသာ အကြိုက်နေလေ၊ တချို့အိမ်ကျတော့ အဲသလိုမဟုတ်ဘူး၊ အိမ်အလုပ်သမဆို တကယ် ခိုင်းတာ၊ တခါတခါ ထွက်ပြေးချင်စိတ်တွေ ပေါက်ပေါက်လာတယ်၊ ဒါပေမယ့် ကိုယ်က ပိုက်ဆံလိုချင်တော့ လည်း လုပ်ရတာပဲ၊ အခု နောက်ဆုံး လုပ်နေတဲ့ အလုပ်ရှင်ကလည်း မကောင်းဘူးရှင့်၊ ကျမတို့က မနက် ၄နာရီလောက်က စထရတာ တနေကုန် အိမ်မှုကိစ္စလုပ်ရတယ်၊ လစာကျတော့ ၅၀၀၀ ပဲပေးတယ်၊ ကျမတို့ ပြောင်းပြေးမှာစိုးလို့ အလုပ်သမား လက်မှတ်တွေလည်း သိမ်းထားတယ်၊ အိမ်ဖော်အလုပ်သမား အခွင့်အရေး ဆိုတာ ကျမလည်း မသိဘူး။ သူဌေးလည်း ကြားဖူးမယ်မထင်ပါဘူး”ဟု မလွင်လွင်ကဆိုသည်။

အလားတူ ယနေ့ပြုလုပ်သော စာအုပ်ရှင်းလင်းပွဲသို့ တက်ရောက်လာသော ကိုယ်တိုင် အိမ်ဖော်လုပ်နေသူ ရှမ်း အမျိုးသမီး မနန်းကလည်း“ ကျမ ဒီထိုင်းကိုရောက်ခါစ ၅နှစ်လောက် ထိုင်းသူဌေး အိမ်တွေမှာလုပ်ဖူး တယ်၊ နောက်ပိုင်း အခု အချိန်တွေမှာတော့ နိုင်ငံခြားသား အိမ်တွေမှာပဲ လုပ်တော့တယ်၊ ထိုင်းတွေနဲ့ စာရင် တော့ နိုင်ငံခြားသားတွေက အခွင့်အရေးပိုရတယ် ပြောရမယ်၊ သူတို့က စည်းနဲ့ကမ်းနဲ့ ခိုင်းတယ်၊ ပိုက်ဆံ မှန်တယ်၊ ပိုလည်းရတယ်၊ ထိုင်းတွေကတော့ လစာနည်းမယ်၊ အသေခိုင်းမယ်၊ ဥရောပကလူတွေက လူ့ အခွင့် အရေး ဘာညာတွေ သိနေတော့ သူတို့က သူတို့ သတ်မှတ်ထားတဲ့ အလုပ်ကို တာဝန်ကျေရင် ပြီးတာ များပါတယ်၊ တယောက်တလေတော့ ထိုင်းထက်ဆိုးတဲ့ နိုင်ငံခြားသားလည်း ကြုံဖူးတယ်”ဟု ဆိုသည်။

မြန်မာပြည် ဒီမိုကရေစီရရှိရေး ထိုင်းလှုပ်ရှားမှု ကော်မတီ (TACDB) မှ ဒါရိုက်တာ ဦးမြင့်ဝေက“ဒီစာအုပ်ထဲ မှာ ပါတဲ့အချက် အလက်တွေကို မြန်မာအလုပ်သမားတွေ သိဖို့အတွက် စာကြည့်တိုက်တွေမှာ ထား ပေးမယ်၊ စက်ရုံအလုပ်ရုံတွေမှာ ဖြန့်ပေးမယ်။ ဒီစာအုပ်မှာ ကိုယ် အခက်အခဲကြုံရင် ဘယ်လိုလူတွေကို ဆက်သွယ်ရ မယ်၊ အကူအညီတောင်းရမယ်ဆိုတဲ့ လမ်းညွှန်တွေ ဖုန်းနံပါတ် တွေဟာ သိပ်ကို အဖိုးတန်ပါတယ်၊ အရင်က မသိသေးတဲ့သူတွေအနေနဲ့ ဒီစာအုပ်ကို ဖတ်လို့သိသွားရင် ကိုယ့်အခွင့်အရေး မဆုံးရှုံးရအောင် ဘာလုပ်ရ မယ် ဆိုတာကို နားလည်သွားမယ်”ဟု ပြောဆိုသည်၊

ယနေ့ရှင်းလင်းသော အိမ်ဖော်အလုပ်သမားများအတွက် လမ်းညွှန်စာအုပ်ကို အင်္ဂလိပ်၊ မြန်မာ၊ ထိုင်း၊ လာအို၊ ရှမ်း၊ ပိုးကရင်၊ စကောကရင် ဟူသော ဘာသာစကား ၇မျိုးဖြင့် သီးခြားစီ ထုတ်ဝေသည်ကို တွေ့ ရသည်။

ထိုင်းနိုင်ငံတွင် မြန်မာနိုင်ငံသား စုစုပေါင်း ၂ သန်းမှ ၄ သန်းအထိ ရှိကြောင်း အလုပ်သမား အဖွဲ့များက ပြော သည်။

မယ်ဆိုင်မှ မြန်မာအလုပ်သမားများ တန်းတူအခွင့်အရေး တောင်းဆို

စိုးမိုး/ ၂၅ ဇန်န၀ါရီ ၂ဝ၁ဝ

ထိုင်းနိုင်ငံ မယ်ဆိုင်မြို့ရှိ အိုဆာကာ ဖိနပ်ချုပ်စက်ရုံမှ မြန်မာလုပ်သားများ ဒေသခံ ထိုင်းအလုပ်သမားများနှင့် အလုပ်သမား အခွင့်အရေး တန်းတူရရှိရန် တောင်းဆိုမှုများ ပြုလုပ်နေကြောင်း သိရသည်။ စက်ရုံတွင်း လုပ်ငန်းတူ၊ အလုပ်ချိန်တူ လုပ်ကိုင်နေကြသည့် အလုပ်သမားများကို လစာတိုးမြှင့်ပေးရာတွင် မြန်မာအလုပ်သမား များကို ချန်လှပ်ထားခြင်းကြောင့် တန်းတူတိုးမြှင့်ပေးရန် စနေနေ့က စက်ရုံတာဝန်ခံထံ မြန်မာအလုပ်သမား (၇၂) ယောက် စုပေါင်းတောင်းဆိုကြခြင်းဖြစ်သည်။
“ယိုးဒယားတွေကိုကျတော့ ၀င်ဝင်ချင်း တရက် ဘတ် (၁၀၀) ပေးတယ်။ အခုနှစ်ကုန်မှာ ဘတ် (၃၀) တိုးပေးတယ်။ ဗမာ လုပ်သားတွေကျတော့ ၀င်ဝင်ချင်း ဘတ် (၈၀) ပေးတယ်။ ကျမတို့ တိုးပြီးတောင်းထားတာကို သူတို့က တိုးမပေးဘူး။ ထွက်ချင်ထွက်ဆို ပြောတယ်” ဟု မြန်မာအလုပ်သမားတဦးက ပြောကြားသည်။

မြန်မာအလုပ်သမားများက ထိုင်းများနည်းတူ တဦးလျှင် ဘတ် (၃၀) မဟုတ်ဘဲ (၁၀) ဘတ်သာ တိုးပေးရန် တောင်းဆိုခဲ့ခြင်း ကိုပင် စက်ရုံတာဝန်ရှိသူများက မလိုက်လျောနိုင်ကြောင်း တုံ့ပြန်ခဲ့သည်ဟု ဆိုသည်။

ဖိနပ်စက်ရုံ အုပ်ချုပ်သူများက မြန်မာအလုပ်သမားများ၏ အလုပ်သမား မှတ်ပုံတင်များကို သိမ်းဆည်းထားကြောင်း၊ ယနေ့ လစာထုတ်ရက်တွင် လစာတိုးပေးမပေး၊ အလုပ်ထုတ်မထုတ် စောင့်ကြည့်ပြီး အလုပ်သမားအဖွဲ့များနှင့် ချိတ်ဆက်ကာ တရားဥပဒေအရ တောင်းဆိုမှုများ ဆက်လက်ပြုလုပ်မည်ဟု အလုပ်သမားများက ပြောသည်။

ပြီးခဲ့သည့် ဇန်န၀ါရီလ (၂၂ ) ရက် စနေနေ့က စတင်သည့် အခွင့်အရေး တန်းတူရရေး တောင်းဆိုမှုကြောင့် ခေါင်းဆောင်များ အလုပ်ထုတ်ခံရနိုင်ကြာင်း၊ ယင်းသို့ အလုပ်ထုတ်ပါက မြန်မာအလုပ်သမား (၇၂) ယောက်လုံး အလုပ်ထွက်ရန်ရှိကြောင်း သိရသည်။

အလုပ်သမား (၁၀၀) ကျော်နှင့် လည်ပတ်နေသည့် အဆိုပါစက်ရုံတွင် ထိုင်းအလုပ်သမား (၃၀) ကျော်နှင့် မြန်မာအလုပ်သမား (၇၂) ဦးတို့ဖြင့် လုပ်ငန်းလည်ပတ်နေခြင်းဖြစ်သည်။
အလုပ်သမားအဖွဲ့များ အကူအညီဖြင့် မယ်ဆိုင်အလုပ်သမားကြီးကြပ်ရေးရုံးသို့ တိုင်ကြားထားပြီး အခြားအလုပ်သမားအဖွဲ့များ ကိုလည်း အကြောင်းကြားထားကြောင်း သိရသည်။

“ကျနော် မယ်ဆိုင် အလုပ်သမားရုံးကို တိုင်ထားဖို့ အကြောင်းကြားထားပေးပါတယ်” ဟု ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ ဒုက္ခသည်နှင့် ရွှေ့ပြောင်းအလုပ်သမား တာဝန်ခံ ဦးသက်ခိုင်က ပြောသည်။

အဆိုပါ ဖိနပ်ချုပ်စက်ရုံ အုပ်ချုပ်သူများက မြန်မာအလုပ်သမားများကို နေ့စားခ တိုးမပေးသော်လည်း နေ့စဉ်လုပ်အားခကို ဘတ် (၃၀) တိုးမြှင့်ရရှိကြောင်း လက်မှတ်ထိုးခိုင်းသည်ဟု သိရသည်။

“ကျမက လုပ်သက် (၉) နှစ်၊ တရက်ကို ဘတ် (၁၂၀) ရတယ်။ ဒါက လုပ်သက်ကြောင့်တိုးပေးတာ။ လက်မှတ်ထိုးရတာက (၁၅၇) ဘတ် ရတယ်လို့ လက်မှတ်ထိုးရတယ်” ဟု ယင်းဖိနပ်ချုပ်စက်ရုံမှ မြန်မာအလုပ်သမားတဦးက ပြောသည်။

မဲဆောက် ဟန်ထိုင်းအထည်ချုပ်စက်ရုံ (၃) လပိတ်မှု အလုပ်သမားများ စုံစမ်း

ရဲရင့် / ၂၅ ဇန်န၀ါရီ ၂ဝ၁ဝ

မဲဆောက်ရှိ ဟန်ထိုင်း အထည်ချုပ်စက်ရုံတွင် မြန်မာအလုပ်သမား (၁,၅၀၀) ခန့်ကို အလုပ်ရှင်က ကြိုတင်အကြောင်းမကြားဘဲ စက်ရုံကို ယာယီ (၃) လ ပိတ်လိုက်သဖြင့် အခြေအနေအမှန် သိရှိနိုင်ရန်အတွက် အလုပ်သမားများက စုံစမ်းမှုများ ပြုလုပ်နေသည်။

ဟန်ထိုင်းစက်ရုံမှ အလုပ်သမား မောင်နိုင်က “ပြီးခဲ့တဲ့ (၂၀) ရက်နေ့ကပြီး စက်ရုံကို သူဌေးက (၃) လ ယာယီပိတ်တယ်ဆိုပြီး ပိတ်လိုက်တယ်။ အလုပ်သမားတွေကိုတော့ ဘာနစ်နာကြေးမှ မပေးဘူး။ ပိတ်တဲ့ကာလ အတွင်း တယောက်ကို ဟင်းဖိုး ဘတ် (၂၀) ပဲ ပေးတယ်။ ကျနော်တို့ စုံစမ်းနေတာက သူဌေးက နစ်နာကြေးမပေးဘဲ စက်ရုံပိတ်ချင်လို့ တဖက်လှည့်နဲ့ အလုပ်သမား တွေကို ထုတ်တာ ဟုတ်မဟုတ် သိချင်လို့ပါ။ ဘုမသိဘမသိ ဆန္ဒပြတာတွေတော့ လုပ်လို့မဖြစ် သေးဘူး” ဟု ပြောသည်။
အကယ်၍ အလုပ်ရှင်မှ သဘောရိုးဖြင့်မဟုတ်ဘဲ စက်ရုံပိတ်ခြင်းဖြစ်ပါက (၃) လ ပြည့်ချိန်ထိ စောင့်မည်မဟုတ်ဘဲ မိမိတို့၏ နစ်နာကြေးများ ရရှိနိုင်ရန် ထိုင်းအလုပ်သမားအခွင့်အရေး ကာကွယ်ရေးရုံးမှတဆင့် အရေးဆိုသွားမည်ဟုလည်း ပြောသည်။


အလုပ်သမား (၁,၅၀၀) အနက် အများစုမှာ မြန်မာပြည်ပြန်သွားကြသဖြင့် လက်ရှိစက်ရုံတွင် အလုပ်သမား (၁၀၀) ကျော်သာ ကျန်ရှိပြီး အဆိုပါအလုပ်သမား (၁,၅၀၀) တွင် ထိုင်း အလုပ်သမားမှတ်ပုံတင်ထားသူ အရေအတွက်မှာ (၁,၀၀၀) ခန့်ရှိသည်ဟု သိရသည်။

ထိုင်းအလုပ်သမားဝန်ကြီးဌာန၏ ပြဋ္ဌာန်းချက်အရ မဲဆောက်အပါအ၀င် တာ့ခ်ခရိုင်အတွင်း သတ်မှတ်ထားသည့် အနိမ့်ဆုံး လုပ်အားခမှာ တနေ့ (၁၅၃) ဘတ်ဖြစ်ပြီး မည်သည့်လုပ်ငန်းရှင်မဆို လုပ်ငန်းယာယီ ရပ်ဆိုင်းထားသည့် ကာလအတွင်း အလုပ်သမားတဦးအား တနေ့တာလုပ်အားခ၏ တ၀က် ပေးရမည်ဖြစ်သည်။

မဲဆောက်ဒေသတွင်းရှိ စက်ရုံအချို့တွင် စက်ရုံပိတ်လို၍ဖြစ်စေ၊ လုပ်ငန်းပြောင်းလဲလို၍ဖြစ်စေ ၎င်းတို့၏ အလုပ်သမားများကို မည်သည့်နစ်နာကြေးမှမပေးဘဲ တဖက်လှည့်ဖြင့် လုပ်ငန်းခွင်များမှ ထွက်ခွာစေခြင်းနည်းများကို အသုံးပြုမှုများ ရှိသည်ဟု အလုပ်သမားအရေးဆောင်ရွက်နေသည့် (JACBA) အဖွဲ့မှ ဦးမိုးကြိုးက ပြောသည်။

၎င်းက “စက်ရုံပိုင်ရှင်တွေက အလုပ်သမားတွေကို အလိုမရှိတော့ဘူးဆိုရင် နည်းမျိုးစုံနဲ့လုပ်တာတွေရှိတယ်။ အလုပ်သမားတွေ အနေနဲ့ သိရမှာက ဘယ်လိုနည်းနဲ့ပဲပိတ်ပိတ် အလုပ်သမားဥပဒေအရ အလုပ်သမားတွေဘက်က အလုပ်သမားအခွင့်အရေး ကာကွယ်ရေးရုံး(ဆ၀ဒီကန်) မှာ (၁၅) ရက်အတွင်း အကြောင်းကြားဖို့ လိုတယ်။ ဒါမှ တကယ်ပြဿနာဖြစ်လို့ ဖြေရှင်းတဲ့ အချိန်ကျရင် ကိုယ့်ဘက်က အလားအလာတွေ ကောင်းမယ်” ဟု ပြောသည်။

ထိုင်းအလုပ်သမားဥပဒေအရ အလုပ်ရှင်သည် ယာယီအလုပ်ရပ်ဆိုင်းလိုပါက သက်ဆိုင်ရာ အလုပ်သမား စစ်ဆေးရေးအရာရှိနှင့် အလုပ်သမားများကို တလကြိုတင်အကြောင်းကြားရမည်ဖြစ်ပြီး ကြိုတင်အကြောင်းမကြားဘဲ ယာယီ လုပ်ငန်းရပ်ဆိုင်းပါက အလုပ်သမားများကို နောက်ဆုံးတလစာ ပေးရမည်ဟုလည်း ပြောသည်။

အလုပ်သမ နန်းအေးက “လုပ်အားခအပြည့်မရပေမယ့် ဟန်ထိုင်းမှာ နှစ်ရှည်လူဟောင်းတွေက တလကို (၇) ထောင် (၈) ထောင် အထိ ရတာတွေရှိတော့ အခြေအနေကို စောင့်ကြည့်ချင်သေးတယ်၊ ကိုယ်ဘက်က အမှားမဖြစ်ရအောင်ပါ။ သူဌေး လိမ်တယ် ဆိုရင်တော့ နစ်နာကြေးတွေ တောင်းဖို့ကိစ္စ ကျမတို့အားလုံး သဘောတူထားတာ ရှိတယ်” ဟု ပြောသည်။

ထိုင်းနယ်စပ် မဲဆောက်ဒေသအတွင်း စက်ရုံအလုပ်ရုံပေါင်း (၂၀၀) ကျော်ရှိပြီး အလုပ်သမားဝန်ကြီးဌာန၏ တနေ့တာလုပ်အားခ (၁၅၃) ဘတ် ပေးသည့်အထည်ချုပ်စက်ရုံမှာ (၂) ရုံသာရှိကာ TK FASHION နှင့် TOP FORM စက်ရုံတို့ဖြစ်သည်။

ကြားခံ ကုမ္ပဏီစနစ် အလုပ်သမား မှတ်ပုံတင်ရေး အဆင်မပြေ

ကျော်သိင်္ခ ၊ သောကြာနေ့၊ ဇန်နဝါရီလ ၂၂ ရက် ၂၀၁၀ ခုနှစ် ၁၉ နာရီ ၁၉ မိနစ်

ချင်းမိုင် (မဇ္ဈိမ)။ ။ ထိုင်းအစိုးရက ရွှေ့ပြောင်းအလုပ်သမားများ မှတ်ပုံတင်ခွင့် သက်တမ်းကို နောက်ထပ် ၂ နှစ် တိုးပေးလိုက်သော်လည်း ကြားခံကုမ္ပဏီထားသည့်စနစ်က ငွေကုန်ကြေးကျများစေပြီး အလုပ်သမားများအတွက် အဆင်မပြေဟု ထိုင်းနိုင်ငံရှိ အလုပ်သမား အခွင့်အရေးဆိုင်ရာ အဖွဲ့အစည်းများက ပြောသည်။ 
ရောင်ခြည်ဦး အလုပ်သမားအဖွဲ့မှ အထွေထွေအတွင်းရေးမှူး ကိုမိုးဆွေက “အခုဟာက ပုံမှန် process (လုပ်ငန်းစဉ်) မဟုတ်ဘဲနဲ့ အေးဂျင့်တွေကနေ ဖောင်ဖြည့်၊ ဖောင်လက်ခံပြီးတော့ သူတို့ မြန်မာအစိုးရဆီကို တိုက်ရိုက်ပို့ပြီးတော့ လုပ်နေတာ။ အဲဒီ အေးဂျင့်တွေခံပြီး လုပ်နေရတော့ ငွေကုန်ကြေးကျများလို့ မလုပ်ကြတာလည်းပါတယ်” ဟု မဇ္ဈိမ ကို ပြောသည်။


ယာယီပတ်စ်ပို့ လုပ်ပေးသော ကာလကို မြန်မာနှင့် ထိုင်းအစိုးရ သဘောတူညီချက်အရ ၂ဝ၁ဝ ခုနှစ် ဖေဖော်ဝါရီလ ၂၈ ရက်နေ့အထိ သတ်မှတ်ထားရာမှ၊ ၂ဝ၁ဝ ခုနှစ် ဇန်နဝါရီလ ၁၉ ရက်နေ့တွင် ပြုလုပ်သော ထိုင်းအစိုးရ ဝန်ကြီးများ အစည်းအဝေးက ယင်းကာလကို နောက်ထပ် ၂ နှစ် သက်တမ်းတိုးရန် ဆုံးဖြတ်ခဲ့သည်။

မြန်မာ့ဒီမိုကရေစီ ရရှိရေး ထိုင်းလှုပ်ရှားမှုကော်မတီ (TACDB) မှ လက်ထောက် ညွှန်ကြားရေးမှူး ဦးမြင့်ဝေက “မြန်မာအစိုးရက ကုမ္ပဏီတွေကို ကြားထဲကဝင်လုပ်ခွင့်ရအောင် လုပ်တဲ့အတွက် အလုပ်သမားတွေ ပိုက်ဆံထပ်ကုန်တာ။ ဒီထိုင်းနိုင်ငံအတွင်းမှာ verification process ကို နှစ်နှစ်အတွင်းမှာ ပြီးအောင် လုပ်နိုင်ဖို့ကတော့ မြန်မာအစိုးရပေါ်မှာပဲ မူတည်တယ်။ မြန်မာစစ်တပ်ကသာ ပြည်သူအပေါ်မှာ ဆက်ဆံမှုတွေ၊ ပေါ်လစီတွေ ပြောင်းလဲခဲ့မယ်ဆိုရင် အဲဒီ process က ၂ နှစ်တောင် မကြာနိုင်ပါဘူး” ဟု မဇ္ဈိမကို ပြောသည်။

အလုပ်သမားများအနေနှင့် ပတ်စ်ပို့ လျှောက်ထားရာတွင် ပုံမှန်လမ်းကြောင်းအတိုင်း လျှောက်ထားပါက ဘတ်ငွေ ၃၈ဝဝ သာကုန်ကျပြီး၊ ယခုအခါ မြန်မာအစိုးရဘက်မှ အေးဂျင့်များကို အသုံးပြုနေသောကြောင့် အလုပ်သမားများအနေနှင့် ဘတ်ငွေ ၆ဝဝဝ မှ ၇ဝဝဝ အထိ ပေးရ၍ ထိုင်းအစိုးရက သက်တမ်း ၂ နှစ် တိုးသော်လည်း မလုပ်နိုင်ကြကြောင်း သိရသည်။

ရွှေ့ပြောင်းအလုပ်သမားများ ကူညီပေးရေးအဖွဲ့ (MAP Foundation) မှ အလုပ်သမား အခွင့်အရေး ကာကွယ်ရေး တာဝန်ခံ ကိုနစ်က “အေးဂျင့် တွေပေါ်လာတော့ နစ်နာတာက အလုပ်သမားတွေ။ ပိုက်ဆံတွေအများကြီး ပေးရတယ်” ဟု မဇ္ဈိမကို ပြောသည်။

ထိုင်းနိုင်ငံအတွင်း၌ လာရောက်အလုပ်လုပ်ကိုင်နေကြသော ရွှေ့ပြောင်းအလုပ်သမားများမှာ လာအို၊ မြန်မာနှင့် ကမ္ဘာဒီးယား နိုင်ငံတို့မှဖြစ်ပြီး လာအိုနှင့် ကမ္ဘောဒီးယား ရွှေ့ပြောင်းအလုပ်သမားများအတွက် သက်ဆိုင်ရာ အစိုးရများက ထိုင်းနိုင်ငံအတွင်းရှိ ၎င်းနိုင်ငံသားများ အလုပ်သမားအများစုရှိရာ နေရာများတွင် သွားရောက်၍ အလုပ်သမား မှတ်ပုံတင်ခြင်းကို ပြုလုပ်ပေးနေပြီး၊ မြန်မာရွှေ့ပြောင်း အလုပ်သမားများ အတွက်မူ နိုင်ငံသားဖြစ်ကြောင်း မှတ်ပုံတင်ရန် မြန်မာနိုင်ငံသို့ ပြန်လုပ်ကြရကြောင်း သိရသည်။

ကိုမိုးဆွေက “ မြန်မာအစိုးရကသာ ဒီဘက် (ထိုင်းဘက်) မှာ လာလုပ်ပေးမယ်ဆိုရင် အလုပ်သမားတွေ အတွက် ပိုပြီး လွယ်ကူတယ်။ ခုနကပြောတဲ့ စိုးရိမ်ကြောင့်ကြစရာတွေလည်း မရှိတော့ဘူး။ အခု ဖြစ်တာက အလုပ်သမားတွေအနေနဲ့ ပြန်သွားရင်၊ ဟို (မြန်မာပြည်) ဘက်ခြမ်းကို ရောက်သွားရင် ဖမ်းမလား၊ ဆီးမလား ဆိုတဲ့ စိုးရိမ်ကြောင့်ကြမှုတွေ ဖြစ်နေတာကိုး။ မြန်မာအစိုးရဘက်က ဘာဖြစ်လို့ ဒီဘက်ကို လာပြီး မလုပ်ပေးနိုင်လဲ ဆိုတာတော့ ကျနော်တို့လည်း မစဉ်းစားတတ်တော့ဘူး” ဟု ပြောသည်။

ယနေ့ထုတ် ဘန်ကောက်ပို့စ် သတင်းစာတွင် မြန်မာအစိုးရအနေနှင့် မိမိနိုင်ငံသား ရွှေ့ပြောင်း အလုပ်သမားများအတွက် နိုင်ငံသားဖြစ်မှု သက်သေအထောက်အထား (national verification) ကို ထိုင်းနိုင်ငံအတွင်းတွင် လာရောက်လုပ်ပေးရန် ငြင်းဆန်နေဆဲဖြစ်လျှင်၊ နိုင်ငံသားဖြစ်မှု သက်သေ အထောက်အထားအတွက် မြန်မာရွှေ့ပြောင်းအလုပ်သမားများ မိမိတို့နိုင်ငံသို့ ပြန်ရန် လိုအပ်သည်ဆိုလျှင် ထိုင်းအစိုးရ၏ နောက် ထပ်သက်တမ်း ၂ နှစ်တိုးခြင်းသည် ထိရောက်မှု ရှိမည်မဟုတ်ဟု ဖော်ပြထားသည်။

၂၀၀၉ ခုနှစ် ဇူလိုင်လ ၁၁ ရက်နေ့တွင် မြန်မာ ဒုတိယ နိုင်ငံခြားရေးဝန်ကြီးနှင့် ထိုင်း အလုပ်သမားဝန်ကြီးတို့ တွေ့ဆုံပြီးနောက် ၂၀၀၉ ခုနှစ် ဇူလိုင်လ ၁၅ ရက်နေ့မှစတင်၍ ထိုင်းနိုင်ငံအတွင်းရှိ မြန်မာရွှေ့ပြောင်း အလုပ်သမားများ တရားဝင်မှတ်ပုံတင်ရေးအတွက် နှစ်နိုင်ငံသဘော တူညီမှုရရှိခဲ့သည်။

ထိုင်းနိုင်ငံအတွင်းရှိ မြန်မာရွှေ့ပြောင်းအလုပ်သမား ၂ သန်းကျော် ၂၀၁၀ ခုနှစ် ဇန်နဝါရီလအထိ တရားဝင် မှတ်ပုံတင်ထားသော မြန်မာရွှေ့ပြောင်း အလုပ်သမားဦးရေမှာ ၁ သောင်းသာ ရှိသေးကြောင်း ထိုင်းနိုင်ငံ အခြေစိုက် မြန်မာရွှေ့ပြောင်း အလုပ်သမား အဖွဲ့အစည်းများက ပြောသည်။

ကားမှောက်၍ မြန်မာလုပ်သား ၁၄ ဦး ဒဏ်ရာရ

စိုင်းဇွမ်ဆိုင်း ၊ ကြာသပတေးနေ့၊ ဇန်နဝါရီလ ၂၁ ရက် ၂၀၁၀ ခုနှစ် ၁၉ နာရီ ၁၄ မိနစ်

ချင်းမိုင် (မဇ္ဈိမ)။ ။ မြန်မာလုပ်သားများ တင်ဆောင်လာသော ဆယ်ဘီးကားတစီးသည် ယနေ့နံနက် ၇ နာရီခန့်တွင် ထိုင်းနိုင်ငံ ဆန်ခလဘူရီမြို့၌ တိမ်းမှောက်ရာ ၁၄ ဦး ဒဏ်ရာရရှိသွားသည်။

အမျိုးသား ၁၇ ယောက်၊ အမျိုးသမီး ၁၀ ယောက်နှင့် ကလေး ၈ ယောက်တို့ကို သယ်ဆောင်ကာ ဘန်ကောက်မြို့ အနီး မဟာချိုင်မှ မြန်မာ နိုင်ငံနယ်စပ်သို့ မောင်းနှင်လာသောကားသည် ဆန်ခလဘူရီမြို့ အဝင်၌ တိမ်းမှောက်ခြင်း ဖြစ်သည်။
ထိုင်းလူဝင်မှု ကြီးကြပ်ရေး ဝန်ထမ်းများက ၎င်းတို့ကို နယ်စပ်သို့ ပို့ဆောင်သော လမ်းခရီးတွင် ဖြစ်ပွားခဲ့ခြင်းဖြစ်ပြီး ကားပေါ် လိုက်ပါလာသူများအနက် မွန်နှင့် ကရင်လုပ်သား အများစု ဖြစ်သည်။


ငါးဦးမှာ အပြင်းအထန် ဒဏ်ရာရသဖြင့် ကန်ချနဘူရီဆေးရုံတွင် ကုသမှု ခံယူနေရပြီး ကိုးဦးကတော့ ဆန်ခလဘူရီ ဆေးရုံတွင် အစောပိုင်းက ဆေးကုသမှု ခံနေရသည်။ သို့သော် ညနေဘက်တွင်မူ လူနာများ ပြောင်းရွှေ့ သွားရဟန် ရှိသည်။

“ကျနော် ဆေးရုံကို နေ့လည်က တခေါက်ရောက်တယ်။ အခုညနေတခေါက် ထပ်ရောက်တော့ ဘယ်သူမှ မရှိတော့ဘူး။ ဘယ်အချိန်တည်းက သူတို့ကို ခေါ်သွားလဲဆိုတာကို တခြားလူနာတွေတောင် မသိလိုက်ရဘူး” ဟု ဆေးရုံသို့ လူနာကြည့်ရန်သွားခဲ့သူ တဦးက ပြောသည်။
ယနေ့ မွန်းလွဲ တနာရီခန့်တွင် ဆန်ခလဘူရီမှအထွက် တမိုင်ခန့်တွင် ပီလောပီနံများနှင့် ကရင်လူမျိုး အလုပ်သမား ခြောက်ဦးကို တင်ဆောင်ထားသော တိုယိုတာ (ဖိုးဝှီး)ကား အမျိုးအစား ကားတစီးလည်း တိမ်းမှောက်ခဲ့ကြောင်းကို ဒေသခံ တဦးထံမှ သိရသည်။


(ကိုဝိုင်း တည်းဖြတ်သည်။)

ကြိုမပြောဘဲ အလုပ်ရပ်ဆိုင်းရာမှ အလုပ်သမားများ နစ်နာ

ခိုင်စု | တနင်္လာနေ့၊ ဇန်နဝါရီလ ၂၅ ရက် ၂၀၁၀ ခုနှစ် ၂၁ နာရီ ၀၁ မိနစ်

နယူးဒေလီ (မဇ္ဈိမ)။ ။ ထိုင်းနိုင်ငံ မဲဆောက်မြို့ရှိ Han Thai သိုးမွှေးစက်ရုံက ကြိုတင်၍ အကြောင်း မကြားဘဲ ယခုလ ၂ဝ ရက်နေ့တွင် လုပ်ငန်းကို ၃ လကြာ ရပ်ဆိုင်းခဲ့သော်လည်း နစ်နာကြေးမရသဖြင့် မြန်မာလုပ်သားများ အလုပ်သမားအခွင့်အရေး ဆုံးရှုံးနေကြရကြောင်း မဲဆောက် အလုပ်သမားအရေး လှုပ်ရှားသည့် ကော်မတီက ပြောသည်။
ကြိုတင်အသိမပေးဘဲ အလုပ်ရပ်ဆိုင်းပါက အလုပ်သမားများကို သတ်မှတ်ထားသော နစ်နာကြေးများ ပေးဆောင်ရန် ထိုင်းဥပဒေက ဆိုထားသော်လည်း ထိုအခွင့်အရေး မရရှိသဖြင့် ထိုင်းရှေ့နေများကောင်စီ ဥပဒေအထောက်အကူပြုဌာန၏ ကွန်ယက်တခုဖြစ်သော မြန်မာနိုင်ငံသားများအရေး ပူးတွဲလှုပ်ရှားမှု ကော်မတီက ယခုလို ပြောဆိုခြင်း ဖြစ်သည်။


“စက်ရုံက နှစ်သစ်ကူးကတည်းက အလုပ်မရှိတာ။ အလုပ်သမားတွေက အလုပ်ယာယီ ရပ်ဆိုင်းခံရရင် လက်ရှိ တနေ့ လုပ်အားခရဲ့ ထက်ဝက်ကို အလုပ် ရှိရှိ၊ မရှိရှိ ခံစားခွင့်ရှိတယ်။ ဒီလိုအခွင့်အရေးတွေ ဆုံးရှုံးရင် အလုပ်ရှင်ကို တိုင်လို့ရတယ်” ဟု ကော်မတီ ဥက္ကဋ္ဌ ဦးမိုးကြိုးက မဇ္ဈိမကို ပြောသည်။

မြန်မာဦးရေ ၁၅ဝဝ ခန့် အလုပ်လုပ်ကိုင်နေသည့် ယခုစက်ရုံသည် ပြီးခဲ့သည့် ဒီဇင်ဘာလကုန်မှ စတင်၍ လုပ်ငန်းလည်ပတ်မှု ရပ်ဆိုင်းခဲ့ပြီး ယခုလ ၂ဝ ရက်နေ့တွင်မူ အလုပ်လည်ပတ်မှု ယာယီရပ်ဆိုင်းကြောင်း စက်ရုံမန်နေဂျာက အလုပ်သမားများအား ခေါ်ယူအသိပေးခဲ့ခြင်း ဖြစ်သည်။
နေရပ်မပြန်ဘဲ စက်ရုံတွင် ကျန်ရှိနေသော အလုပ်သမားများကိုမူ တနေ့လျှင် ဟင်းဖိုး ၂ဝ ဘတ်နှင့် ထမင်းသာ ကျွေးထားသည်ဟု ဦးမိုးကြိုးက ဆိုသည်။

ထိုင်းအလုပ်သမား ဥပဒေအရ အလုပ်ရှင်များသည် ယာယီအလုပ်ရပ်ဆိုင်းလိုလျှင် အလုပ်သမားများနှင့် အလုပ်သမား စစ်ဆေးရေး အရာရှိကို တလကြိုတင်၍သော်လည်းကောင်း၊ အမြဲတမ်း ရပ်ဆိုင်းမည်ဆိုပါက ၂ လ ကြိုတင်၍သော်လည်းကောင်း အကြောင်းကြားရန် လိုအပ်သည်ဟု ပြဋ္ဌာန်းထားသည်။

ယာယီရပ်ဆိုင်းမှုမျိုးဖြစ်ပါက အလုပ်ရပ်ဆိုင်းနေမည့် ကာလတလျှောက် အလုပ်သမားက တခြားလုပ်ငန်းသို့ ပြောင်းရွှေ့လုပ်ကိုင်ခြင်း မရှိဘဲ အလုပ်ပြန်ဝင်ရန် လက်ရှိစက်ရုံ၌ပင် ဆက်လက်၍ စောင့်ဆိုင်းနေပါက နေ့စဉ် ပေးရသည့် လုပ်ခငွေ ထက်ဝက်ကို အလုပ်ရှင်ဘက်က ပေးနေရမည်ဖြစ်သည်။

မြန်မာအလုပ်သမားများသည် ယခုစက်ရုံတွင် တနေ့လျှင် လုပ်အားခအဖြစ် ၁၅၁ ဘတ် ရရှိခဲ့သူများ ဖြစ်သည်။

အလုပ်ရပ်ဆိုင်းမှုကြောင့် အလုပ်သမား အများအပြားသည် အခြားစက်ရုံများသို့ ပြောင်းရွှေ့သွားသလို၊ အချို့မှာ နေရပ်ရင်း မြန်မာနိုင်ငံသို့ပင် ပြန်သွားကြသည်များ ရှိသည်။

ယခုကဲ့သို့ အလုပ်သမားအခွင့်အရေး ချိုးနှိမ်ခံနေရသော်လည်း အများစုမှာ ၎င်းတို့ အခွင့်အရေးများကို မသိရှိခြင်းနှင့် သိသူအချို့မှာလည်း အလုပ်ရှင် ကျေးဇူးများကို ထောက်ရှု၍ တိုင်ကြားခြင်း မရှိကြောင်း ဦးမိုးကြိုးက ပြောသည်။

အလားတူ စက်ရုံရပ်ဆိုင်းမှု ဖြစ်ရပ်မျိုးကို ပြီးခဲ့သည့်နှစ် မေလခန့်က မဲဆောက်ရှိ PAN TONG သိုးမွှေးစက်ရုံမှ အလုပ်သမားများလည်း ကြုံတွေ့ခဲ့ကြရသေးသည်။

ကော်မတီ ဥက္ကဋ္ဌက “အဲဒီတုန်းကလည်း ဒီလိုပဲ ယာယီရပ်ဆိုင်းတယ်ဆိုပြီး အခုထိကို ပြန်မဖွင့်ဘူး။ ဘာလျော်ကြေး၊ နစ်နာကြေးမှ မရခဲ့ဘူး” ဟု သူက ဆိုသည်။ ထိုင်း-မြန်မာနယ်စပ် မဲဆောက်မြို့တွင် တရားဝင် မှတ်ပုံတင်ထားသော စက်ရုံပေါင်း ၂ဝဝ ကျော်နှင့် တရားမဝင် စက်ရုံပေါင်း ၄ဝဝ ကျော် တည်ရှိသည်။

မဲဆောက်တွင် မြန်မာလုပ်သား ၂ သိန်းခန့်ရှိပြီး အများစုမှာ စက်ရုံအလုပ်ရုံများတွင် ဝင်ရောက် လုပ်ကိုင်ကြပြီး ဆောက်လုပ်ရေး၊ စိုက်ပျိုးရေး၊ မွေးမြူရေး လုပ်ငန်းများတွင် ဝင်ရောက်လုပ်ကိုင်ကြသည်ဟု ဦးမိုးကြိုးက ပြောသည်။

အပြည်ပြည်ဆိုင်ရာအလုပ်သမားအဖွဲ့ လုပ်ပိုင်ခွင့် တနှစ်သက်တမ်းတိုး

.စိုးမိုး/ ၂၀ ဇန်န၀ါရီ ၂ဝ၁ဝ

မြန်မာနိုင်ငံတွင်း အဓမ္မခိုင်းစေမှု တိုင်ကြားချက်များ ဆောင်ရွက်နေသည့် အပြည်ပြည် ဆိုင်ရာ အလုပ်သမားအဖွဲ့ (အိုင်အယ်လ်အို) က နောက်ထပ် (၁) နှစ် သက်တမ်းတိုးလုပ်ဆောင်ရန် ယခုလ (၁၉) ရက်တွင် စစ်အစိုးရနှင့် နားလည်မှုစာချွန်လွှာ လက်မှတ်ရေးထိုးလိုက်သည်။

၂၀၀၇ ခုနှစ်မှစတင်၍ အိုင်အယ်လ်အိုက မြန်မာစစ်အစိုးရနှင့် နားလည်မှု စာချွန်လွှာရေးထိုးပြီး မြန်မာနိုင်ငံအတွင်း အဓမ္မ လုပ်အားပေးခိုင်းစေမှုနှင့် ကလေးစစ်သား စုဆောင်းမှုတို့အတွက် တိုင်ကြားချက်များကို လက်ခံဆောင်ရွက်နေပြီး ယခု နောက်ထပ်တနှစ် ထပ်မံလုပ်ဆောင်ရန် သဘောတူညီချက်ရရှိခြင်းဖြစ်သည်။

အိုင်အယ်လ်အိုရုံးမှ အမှုဆောင်ညွှန်ကြားရေးမှူးနှင့် စစ်အစိုးရ အလုပ်သမားရေးရာဝန်ကြီး ဦးအောင်ကြည်တို့ ယခုလ (၁၈) ရက် က တွေ့ဆုံဆွေးနွေးပြီးနောက် နားလည်မှုစာချွန်လွှာ ထွက်ပေါ်လာခြင်းဖြစ်သည်။

.“အိုင်အယ်လ်အိုနဲ့ နအဖ နားလည်မှုစာချွန်လွှာမှာ အိုင်အယ်လ်အိုက မြန်မာပြည်မှာ တရားဝင် ဆောင်ရွက်နိုင်တာ (၂) ချက်ပဲ ရှိတယ်။ အဓမ္မလုပ်အားပေးနဲ့ ကလေးစစ်သား။ ရသမျှ အခွင့်အရေး လေးနဲ့ သက်တမ်းတိုး တွယ်ကပ်နေရတာ။ အိုင်အယ်လ်အိုရဲ့ ဥပဒေအရ ဆောင်ရွက်နိုင်တဲ့ အပြည်ပြည် ဆိုင်ရာဥပဒေကို အကုန်ခွင့်မပြုဘူး။ လုပ်ပိုင်ခွင့် တိုးချဲ့ခွင့်ရအောင် ကြိုးစားသော် လည်း ခွင့်မပြုတာ” ဟု အလုပ်သမားအရေးဆောင်ရွက်နေသော လမ်းပြကြယ်အဖွဲ့မှ ရှေ့နေကြီး ဦးအေးမြင့်က ပြောကြားသည်။

စစ်အစိုးရ အလုပ်သမားဝန်ကြီးနှင့် တွေ့ဆုံခဲ့သည့် မြန်မာနိုင်ငံသို့ ရောက်ရှိနေသော အိုင်အယ်လ်အိုရုံး အမှုဆောင်ညွှန်ကြား ရေးမှူးက အလုပ်သမားအရေး ဆောင်ရွက်နေသူများနှင့် ယခုလ (၂၃) ရက်တွင် တွေ့ဆုံဆွေးနွေးသွားမည်ဖြစ်သည်။

အလုပ်သမားအရေး ဆောင်ရွက်နေသူများကမူ အိုင်အယ်လ်အိုကို ယခုကဲ့သို့ တနှစ်တခါ သက်တမ်း တိုး ဆောင်ရွက်နေရခြင်းမှ နိုင်ငံတကာဥပဒေ လုပ်ပိုင်ခွင့်များအတိုင်း အမြဲတမ်း ဆောင်ရွက်ခွင့် ပြု စေချင်ကြောင်း ပြောကြားကြသည်ဟု သိရသည်။

မြန်မာနိုင်ငံတွင် အိုင်အယ်လ်အိုကို လုပ်ပိုင်ခွင့်ပေးထားခြင်းမှာ အလုပ်သမားများ အကျိုးအတွက် မဟုတ်ဘဲ စစ်အစိုးရက နိုင်ငံတကာဖိအားများ လျော့ပါးစေရန်အတွက် ဟန်ပြလုပ်ဆောင် နေခြင်းဖြစ်ပြီး အိုင်အယ်လ်အိုကလည်း ရသမျှ အခွင့်အရေးနှင့်သာ အလုပ်သမားအရေးကို ဆောင်ရွက် ပေးနေခြင်းဖြစ်သည်ဟု အလုပ်သမားအရေး ဆောင်ရွက်သူများက ပြောဆိုသည်။

ရှေ့နေကြီး ဦးအေးမြင့်က “အလုပ်သမားတွေအတွက် အပြည်ပြည်ဆိုင်ရာ အခွင့်အရေးဥပဒေအရ ခံစားခွင့်မရတာတွေကို ကူညီဆောင်ရွက်ခွင့် ရစေချင်တယ်။ အိုင်အယ်လ်အိုဟာ နိုင်ငံရေးပါတီ မဟုတ်ဘူး။ ဘယ်တော့မှလည်း ပြည်တွင်းနိုင်ငံရေးကို ၀င်ရောက်စွက်ဖက်တဲ့မူဝါဒ မကျင့်သုံးတာ ကိုသိလျက်နဲ့ အခုလို အပြည်ပြည်ဆိုင်ရာ ဥပဒေအရ ဆောင်ရွက်နေတဲ့အဖွဲ့ကို ကန့်သတ် ဟန့်တားတာဟာ လူမျိုးနဲ့တိုင်းပြည်ဟာ ကမ္ဘာ့အလယ်မှာ မျက်နှာငယ်နေရတယ်” ဟု သုံးသပ်သည်။

လက်ရှိ မြန်မာနိုင်ငံတွင်း အလုပ်သမားများမှာ နိုင်ငံတကာစံနှုန်းနှင့်အညီ လုပ်ခမရသည်ကို နအဖစစ်အစိုးရအား တင်ပြတိုင်ကြား ခွင့်မရခြင်း၊ တောင်းဆိုခွင့်လည်း မရှိခြင်း၊ မြန်မာနိုင်ငံတွင်း အလုပ်သမားအရေးအတွက် ဖွဲ့စည်းထားသော အလုပ်သမားဝန်ကြီး ဌာနနှင့် လက်အောက်ခံ အလုပ်သမားအဖွဲ့စည်းများကို အားကိုးမရခြင်း၊ ပြည်တွင်းပြဋ္ဌာန်းထားသည့် အလုပ်သမား အခွင့်အရေး များ မရရှိခြင်းတို့ ရှိနေသည်ဟု ဦးအေးမြင့်က ပြောကြားသည်။

ယာယီပတ်စ်ပို့ ထုတ်ပေးမည့်ကာလ ၂ နှစ်ထပ်တိုး

.ဆလိုင်း ဟံသာစန်း | အင်္ဂါနေ့၊ ဇန်နဝါရီလ ၁၉ ရက် ၂၀၁၀ ခုနှစ် ၁၉ နာရီ ၁၈ မိနစ်


နယူးဒေလီ (မဇ္ဈိမ)။ ။ မြန်မာရွှေ့ပြောင်းလုပ်သားများကို ယာယီပတ်စ်ပို့ ထုတ်ပေးမည့် ကာလကို ထိုင်းအစိုးရက ၂ နှစ် ထပ်မံတိုးမြှင့်ပေးကြောင်း ထိုင်းနိုင်ငံအခြေစိုက် ရွှေ့ပြောင်းအလုပ်သမား ကူညီပေးရေး အဖွဲ့ MAP က ပြောသည်။

နှစ်နိုင်ငံ သဘောတူညီချက်အရ အလုပ်သမားများကို ယာယီပတ်စ်ပို့ ထုတ်ပေးချိန် နောက်ဆုံးရက်ကို ဖေဖော်ဝါရီလအထိ ၈ လ သတ်မှတ်ထားရာက ထိုင်းနိုင်ငံ နိုင်ငံခြားအလုပ်သမား ထိန်းချုပ်ရေး ကော်မတီ၏ အဆိုပြုချက်ကြောင့် ၂၀၁၂ ခုနှစ် ဖေဖော်ဝါရီလကို ပြောင်းလဲသတ်မှတ်လိုက်သည်။

“အရင်က သူတို့သတ်မှတ်ထားတဲ့ အချိန်အတွင်းမှာ သွားလုပ်တဲ့ အလုပ်သမားက လူဦးရေနည်း တော့ မဖြစ်နိုင်ဘူးဆိုပြီး၊ အလုပ်လုပ်ခွင့် ပါမစ်လုပ်ပေးတဲ့ဟာတွေကို ၂ နှစ်သက်တမ်း ထပ်တိုး ခွင့်ပြုတဲ့ အကြောင်း အစိုးရက ကြေညာလိုက်တာပါ” ဟု MAP မှ တာဝန်ရှိသူ တဦးဖြစ်သည့် ကိုနစ်က မဇ္ဈိမကို ပြောသည်။

.နိုင်ငံခြား အလုပ်သမား ထိန်းချုပ်ရေး ကော်မတီတွင် ထိုင်းနိုင်ငံ နိုင်ငံခြား အလုပ်သမား ကော်မတီ တွင် နိုင်ငံခြား လုံခြုံရေးဆိုင်ရာ အကြံပေးပုဂ္ဂိုလ်များ၊ အလုပ်သမား၊ ပြည်ထဲရေးနှင့် နိုင်ငံခြားရေး အစရှိသည့် ဝန်ကြီးဌာနများ၊ အမျိုးသား လုံခြုံရေးကောင်စီ အစရှိသည့် ဌာနများမှ အရာရှိများ ပါဝင်သည်။

ထိုင်းနိုင်ငံတွင် မြန်မာလုပ်သား တသန်းဝန်းကျင် မှတ်ပုံတင်ထားသော်လည်း ၆ လ အတွင်း ဦးရေ ၈၀၀၀ ကျော်သာ ယာယီပတ်စ်ပို့ ပြုလုပ်နိုင်ခဲ့ကြောင်း ထိုင်းနိုင်ငံတွင် အခြေစိုက်ထားသည့် မြန်မာ့ဒီမိုကရေစီ ရရှိရေး ထိုင်းလှုပ်ရှားမှု ကော်မတီ TACDB မှ လက်ထောက်ညွှန်ကြားရေးမှူး ဦးမြင့်ဝေက မဇ္ဈိမကို မကြာသေးခင်က ပြောခဲ့သည်။

ထိုင်းတွင် မြန်မာလုပ်သား အရေအတွက်နှင့် ပတ်သက်၍ ထိုင်းအလုပ်သမားဌာနက ၂ သန်းကျော်ဟု ခန့်မှန်း ထားသည်။

မြန်မာလုပ်သားများသည် ယာယီပတ်စ်ပို့ ပြုလုပ်ခြင်းဖြင့် ထိုင်းနိုင်ငံတွင် ၎င်းတို့ တရားမဝင် ရောက်ရှိ နေကြောင်း မြန်မာအာဏာပိုင်များ သိရှိသွားလျှင် နယ်စပ်ဖြတ်ကျော်မှု၊ ငွေကြေးများ တရားမဝင် လွှဲပြောင်းမှုများဖြင့် အရေးယူခံရမည့်အပေါ် စိုးရိမ်မှုများလည်း ရှိနေကြောင်း သိရသည်။

ယာယီပတ်စ်ပို့ကိစ္စအတွက် ဝန်ဆောင်မှုပေးရန် ကုမ္ပဏီ် ၁ဝ ခုကို ထိုင်းအစိုးရက လုပ်ကိုင်ခွင့် ပေးထားရာ ထိုကုမ္ပဏီများကို ဝန်ဆောင်ခ ထိုင်းဘတ် ၈ဝဝဝ ခန့် ပေးရခြင်း၊ ယာယီပတ်စ်ပို့ ရရှိပြီးပါက ဗီဇာကြေး၊ အလုပ်လုပ်ခွင့်ပါမစ်၊ ဆေးစစ်ခြင်းတို့အတွက် ကုန်ကျနိင်သည်။

ထိုင်းအလုပ်သမား ဝန်ကြီးဌာနက ကြားခံကုမ္ပဏီများ မထားရှိဘဲ ထိုင်း-မြန်မာနှစ်နိုင်ငံ သက်ဆိုင်ရာ ဌာနများ ချိတ်ဆက်၍ အလုပ်သမားများကို နယ်စပ်တွင် အလုပ်ရှင်များနှင့် တိုက်ရိုက် စာချုပ်ချုပ် နိုင်လျှင် အဆိုပါ အခက်အခဲများ ပြေလည်သွားနိုင်ကြောင်း ဦးမြင့်ဝေက ပြောသည်။

ယာယီ နိုင်ငံကူးလက်မှတ် (ပတ်စ်ပို့) ကိုင်သူများအနေဖြင့် ကိုယ်ပိုင်ဘဏ်စာရင်းဖွင့်ခွင့်၊ အလုပ်လုပ် ခွင့် လက်မှတ်ရှိသဖြင့် လုပ်ခန်းခွင် ဆုံးရှုံးနစ်နာမှုများ၊ အသက်အာမခံကြေးနှင့် လျော်ကြေးများကို သက်ဆိုင်သူ မိဘဆွေမျိုးများက တရားဝင် ထုတ်ယူနိုင်သည်။

နှစ်နိုင်ငံ သဘောတူညီချက်တွင် ထိုင်းအစိုးရက ယာယီပတ်စ်ပို့ ကိုင်ထားသူများကို ၂ နှစ် လုပ်ကိုင်ခွင့် ပေးပြီး လိုအပ်ပါက သက်တမ်း ၂ နှစ် ထပ်တိုးပေးမည်။ ထို့ပြင် အလုပ်သမားတဦးစီမှ တလလျှင် လစာ၏ ၁၅ ရာခိုင်နှုန်းကို စုကြေးငွေအဖြစ် စုဆောင်းရမည်ဖြစ်ပြီး၊ ထိုငွေများကို ၂ နှစ်သက်တမ်း ကုန်ဆုံး၍ နေရပ်ရင်းပြန်ပြီး နှစ်ပတ် အကြာတွင် ထုတ်ပေးမည်ဟု ပါရှိသည်။

(ရဲရင့်အောင် တည်းဖြတ်သည်။)

အလုပ်လုပ်ခွင့် သက်တမ်းတိုးပေးရန် ထိုင်းဝန်ကြီးချုပ်ထံ တောင်းဆို

.Monday, 18 January 2010 19:18 သန်းထိုက်ဦး

နိုင်ငံခြားသား အလုပ်သမား အခွင့်အရေး အတွက် အကြံပြုစာ တစောင်တွင် ထိုင်းနိုင်ငံ အခြေစိုက် အစိုးရ မဟုတ်သော အဖွဲ့ (NGO) ၃၆ ဖွဲ့က လက်မှတ် ရေးထိုးကာ ထိုင်းဝန်ကြီးချုပ် အဖိဆစ် ဝေ့ချာချီဝ ထံသို့ ယနေ့ ပေးပို့လိုက်ကြောင်း သိရသည်။ ထိုင်းနိုင်ငံ ဖူးခယ်မြို့ရှိ အလုပ်သမားရုံးတစ်ရုံးတွင် တွေ့ရသော နိုင်ငံခြား အလုပ်သမားများ(ဓါတ်ပုံ. thaivisa.com)


NGO အဖွဲ့များ ပေးပို့ လိုက်သည့် အိတ်ဖွင့် ပေးစာထဲ၌ ထိုင်းအစိုးရ အနေနှင့် နိုင်ငံခြားသား အလုပ်သမားများကို ထိုင်းနိုင်ငံမှ ပြန်လည် ထွက်ခွာစေမည် သို့မဟုတ် အလုပ် လုပ်ကိုင်ခွင့် လက်မှတ် သက်တမ်း ထပ်မံ တိုးပေးမည် ဆိုသည်ကို ကွဲကွဲပြားပြား သိလိုကြောင်း မေးခွန်း ထုတ်ထားသည်။

“ထိုင်း အစိုးရက ရွှေ့ပြောင်းအလုပ် သမားတွေကိုသူ့ နိုင်ငံက ထွက်ခွာ ခိုင်းပြီးမယ်၊ အလုပ် လုပ်ကိုင်ခွင့် ထပ်တိုး မပေးတော့ဘူး ဆိုတဲ့ မူဝါဒ အပြောင်းအလဲ ရှိမယ်ဆိုလို့ အရမ်း စိုးရိမ်နေ ပါတယ်” ဟု ၎င်း အိမ်ဖွင့် ပေးစာတွင် ရေးသားထားသည်။

. ထိုင်းနိုင်ငံ အတွင်း တရားမဝင် ရောက်ရှိ နေထိုင်နေသည့် ပြည်ပ အလုပ်သမား များအား မှတ်ပုံတင်ပြီး အလုပ်လုပ်ခွင့် ပေးသည့် အစီအစဉ်ကို ၁၉၉၂ ခုနှစ်တွင် စတင်ခဲ့သည်။

အဆိုပါ အလုပ်သမားမှတ်ပုံတင်ကို ပျမ်းမျှ တနှစ်တခါ သက်တမ်းတိုးပေးလျက် ရှိခဲ့သော်လည်း ယခုအခါ မြန်မာရွှေ့ပြောင်း အလုပ်သမားများ၏ အလုပ်လုပ်ကိုင်ခွင့် သက်တမ်း ထပ်တိုးပေးရေးနှင့် ပတ်သက်၍ ထိုင်းအစိုးရက ယခုချိန်အထိ ထုတ်ပြန် ကြေညာခြင်း မရှိသေးပေ။

ဘန်ကောက်အခြေစိုက် လူ့အခွင့်အရေးနှင့် ဖွံ့ဖြိုးရေး ဖောင်ဒေးရှင်းမှ ညွန်ကြားရေးမှူး အင်ဒီဟောလ်က “ထိုင်းအစိုးရ အနေနဲ့ သူ့နိုင်ငံရဲ့ စီးပွားရေး လိုအပ်ချက်အရကော၊ လူအခွင့်အရေးပေါ် အခြေခံတဲ့ ရွှေ့ပြောင်းအလုပ်သမားတွေရဲ့ လုံခြုံရေး အတွက်ပါ သူ့ရဲ့ အရင်မူဝါဒကို ထပ်တိုးသင့်တယ်” ဟု ဧရာဝတီသို့ ပြောသည်။

ရွှေ့ပြောင်း အလုပ်သမား ၆၁၅၄၃ ဦး၏ အလုပ်လုပ်ကိုင်ခွင့်မှာ ဇန်န၀ါရီလ ၂၀ ရက်နေ့တွင် ကုန်ဆုံးမည်ဖြစ်ပြီး ၁.၄ သန်းခန့် ရှိသော ရွှေ့ပြောင်း အလုပ်သမားများ၏ အလုပ်လုပ်ခွင့်သည် ဖေဖော်ဝါရီ ၂၈ ရက်နေ့တွင် ကုန်ဆုံးမည် ဖြစ်ကြောင်း သိရသည်။

ထို့အပြင် ထိုင်းအစိုးရက မြန်မာ ရွှေ့ပြောင်း အလုပ်သမားများ အားလုံး၏ နိုင်ငံသား စိစစ်ရေးကိစ္စကိုလည်း ယခုနှစ် ဖေဖော်ဝါရီ ၂၈ ရက်နေ့ နောက်ဆုံးထား ပြုလုပ်ရန် တိုက်တွန်းထားသည်။

ယာယီ နိုင်ငံကူးလက်မှတ် လျှောက်ထားရာတွင် အလုပ်သမားများက ထိုင်း အလုပ်ရှင်၏ ထောက်ခံချက်နှင့်အတူ သက်ဆိုင်ရာ ဒေသ အလုပ်သမားရုံးသို့ တင်သွင်းရသည်။ သို့သော် လျှောက်လွှာကို ထိုင်း အလုပ်သမား ရုံးမှတဆင့် ဘန်ကောက်ရှိ မြန်မာ သံရုံးသို့ ပေးပို့ကာ မြန်မာနိုင်ငံသို့ နိုင်ငံသားစိစစ်ရန် ထပ်မံပို့ဆောင်ရကြောင်း သိရသည်။

မြန်မာရွှေ့ပြောင်း အလုပ်သမားများသည် ၂ နှစ် သက်တမ်းရှိသော အဆိုပါ ယာယီနိုင်ငံကူး လက်မှတ်ဖြင့် ထိုင်းနိုင်ငံတွင် အလုပ် လုပ်ကိုင်ခွင့်ရမည် ဖြစ်ပြီး ၂ နှစ် ပြည့်ပါက သက်တမ်း ထပ်မံတိုးနိုင်သည်ဟု သိရသည်။

မြန်မာနိုင်ငံ အပါဝင်၊ လော၊ ကမ္ဘောဒီးယားနိုင်ငံတို့မှ တရားဝင် အလုပ်လုပ်ခွင့် လက်မှတ် ကိုင်ဆောင်ထားသူများကို ထိုင်းနိုင်ငံ အတွင်း ငါးဖမ်းလုပ်ငန်း၊ ပင်လယ် အစားသောက် ထုတ်လုပ်ရေးလုပ်ငန်း၊ လယ်ယာလုပ်ငန်း၊ မွေးမြူရေးလုပ်ငန်း၊ ဆောက်လုပ်ရေး လုပ်ငန်းနှင့် အိမ်တွင်းမှုလုပ်ငန်းများ၌ တရားဝင် အလုပ်လုပ်ရန် သတ်မှတ်ပေးထားသည်။

ထိုင်းနိုင်ငံ အနှံ့တွင် မြန်မာပြည်သား စုစုပေါင်း ၂ သန်းမှ ၄ သန်း အထိ ရှိသည်ဟု သိရပြီး အလုပ်သမား အများစုမှာ အလုပ်သမား မှတ်ပုံတင်ဖြင့် တရားဝင် အလုပ်လုပ်နိုင်မည့် အခွင့်အရေးကို စောင့်ဆိုင်းနေကြသည်။

အလုပ်သမားရပိုင်ခွင့် အလုပ်သမားသမဂ္ဂများကသာ မြှင့်တင်နိုင်မည်

.ဇင်လင်း
၁၈ ဇန်န၀ါရီ ၂၀၁၀

“စီးပွားရေးအခက်အခဲများသည် အလုပ်သမားဆန္ဒပြမှုဖြစ်ပွားရခြင်း၏ အကြောင်းရင်းတရပ်ဖြစ်ပါသည်။”
(၁၉၇၄ အလုပ်သမားဆန္ဒပြမှု စုံစမ်းရေးကော်မရှင် အစီရင်ခံစာ)

၂၀၁၀ ဇန်န၀ါရီ (၁) ရက်နေ့မှစ၍ အစိုးရဌာနများနှင့် အဖွဲ့အစည်းများ၏ ဖွဲ့စည်းပုံအရ ခွင့်ပြုထားသော ရာထူးများ၌ တာဝန်ထမ်းဆောင်နေကြသည့် (လစာနှုန်းထား ၁၅,၀၀၀ ကျပ် မှ ၁၉၀,၀၀၀ ကျပ် အကြား ရရှိကြသော) အရပ်ဘက် အစိုးရ၀န်ထမ်း အဆင့် (၁၂) ဆင့်၏ လစာနှုန်းထားများကို ရာထူးအဆင့်မခွဲခြားဘဲ တပြေးညီ (၂၀,၀၀၀) ကျပ် တိုးမြှင့်ပေးမည်ဟု နေပြည်တော် ဘဏ္ဍာရေးနှင့်အခွန်ဝန်ကြီးရုံး ၀န်ကြီး ဗိုလ်ချုပ်လှထွန်းက လက်မှတ်ရေးထိုး ထုတ်ပြန်ခဲ့သည်။ သို့သော် လူထုသို့ တရားဝင် သတင်းထုတ်ပြန်မှုမရှိ။ ကုန်ဈေးနှုန်း အဆမတန်တက်မှုကြောင့် လခစားဝန်ထမ်းများ ဒုက္ခရောက်နေချိန်တွင် ယခုကဲ့သို့ လစာတိုးလိုက်ခြင်းဖြစ်သည်။ ထို့ပြင် ၂၀၀၉ ဒီဇင်ဘာလအတွင်းမှာပင် ကုန်ဈေးနှုန်းဒဏ်မခံနိုင်၍ တပ်မ (၆၆) နှင့် (၇၇) တို့ အမိန့်မနာခံဘဲ ဆန္ဒပြမှုဖြစ်ခဲ့သေးသည်။ ထိုသို့ ပြဿနာပေါ်ပြီးနောက် လစာတိုးသည့် ဆောင်ရွက်ချက် ဖြစ်ပေါ်လာခြင်းဖြစ်သည်။

.၂၀၀၆ ခုနှစ် ဧပြီလတွင်လည်း အလားတူ စီးပွားရေးကျပ်တည်းမှုပြဿနာကြောင့် လစာတိုးပေးခဲ့ရသည်။ ထိုစဉ်က လစာငွေ မလောက်ငသည့်အကြားမှ ၀န်ထမ်းများအား အတင်းအဓမ္မ နေပြည်တော်သို့ ပြောင်းခိုင်းသဖြင့် မကျေမနပ်ဖြစ်မှုကို ငြိမ်သွားအောင် လစာတိုးပေးခဲ့ခြင်းဖြစ်သည်ဟု သုံးသပ်ပြောဆိုမှုများရှိခဲ့သည်။ သို့သော် ထိုစဉ်က စက်ရုံအလုပ်ရုံ အတော်များများတွင် အလုပ်သမားများ လုပ်ခလစာ နည်းလွန်းခြင်းကြောင့် မကျေနပ်မှုများ ပေါ်နေချိန်ဖြစ်သည်။ ထိုစဉ်က စက်ရုံများတွင် လုပ်ခတိုးတောင်းသည့် ပြဿနာများကို တိုးတိုးကျိတ်ကျိတ် ဖြေရှင်းခဲ့ရသည်။

ထိုစဉ်က (၂၀၀၆ မေလမှ သြဂုတ်လအတွင်း) ရရှိသည့် ပြည်တွင်းသတင်း အချက်အလက်အချို့အရ စက်မှုဇုန်များတွင် အလုပ်သမားမကျေနပ်မှုပြဿနာ အများအပြား ပေါ်ပေါက်ခဲ့သည်။ သတင်းများအရ အစိုးရ၀န်ထမ်းများနှင့် စစ်မှုထမ်းများအား လစာတိုးပေးခဲ့သော်လည်း စက်ရုံအလုပ်ရုံအလုပ်သမားများကိုမူ လုပ်ခတိုးမပေးခဲ့သဖြင့် အလုပ်သမားဆန္ဒပြမှု ပြဿနာ ပေါ်ခဲ့ရသည်ဟု သိရသည်။ ထိုစဉ်က လက်လှမ်းမီသမျှ သတင်းအချက်အလက်အချို့ကို အောက်ပါအတိုင်းတွေ့ရသည်။

♦ ၂၀၀၆ ခုနှစ် မေလ (၂) ရက် - ကိုရီးယားအလုပ်ရှင်ပိုင်သည့် Myanmar Hae Wae Co. Ltd. စက်ရုံတွင် အလုပ်သမား (၉၀၀) ကျော် လုပ်ခတိုးမြှင့်ရေး ဆန္ဒပြမှုဖြစ်ပွားသည်။

♦ ၂၀၀၆ ခုနှစ် မေလ (၉) ရက် - လှိုင်သာယာစက်မှုဇုန် (၂) တွင်းသင်းအတွင်းဝန် ဦးထွန်းညိုလမ်းရှိ Cho Cho Co.Ltd. စက်ရုံမှ အလုပ်သမား (၂၀၀) ကျော် လုပ်ခတိုးမြှင့်ရေး၊ အချိန်ပိုလုပ်ခရရှိရေး၊ စက်ရုံမှ ဆန်, ဆီ, အခြေခံစားကုန် ရောင်းချပေးရေးတို့အတွက် ဆန္ဒပြတောင်းဆိုသည်။

♦ မေလအတွင်းမှာပင် လှိုင်သာယာစက်မှုဇုန် (၂) ဦးရွှေအိုးလမ်း MP အထည်ချုပ်စက်ရုံတွင်လည်း လုပ်ခတိုးမြှင့်ရေး တောင်းဆိုမှု ဖြစ်ပွားခဲ့သည်။

♦ အလားတူ ၂၀၀၆ ခုနှစ် ဇွန်လ (၁) ရက်၊ ထောက်ကြံ့ရှိ ကိုရီးယားအလုပ်ရှင်ပိုင်သည့် SEGYE အထည်ချုပ်စက်ရုံတွင်လည်း လုပ်ခတိုးမြှင့်ရေး ဆန္ဒပြမှု ဖြစ်ပွားသည်။

♦ ၂၀၀၆ ခုနှစ် ဇွန်လ (၁) ရက်၊ SEGYE စက်ရုံအနီးရှိ၊ Daewoo Co.Ltd. ပိုင် အထည်ချုပ်စက်ရုံတွင်လည်း အလုပ်သမား (၂,၀၀၀) ကျော် ဆန္ဒပြမှု ဖြစ်ပွားသည်။ လုပ်ခတိုးမြှင့်ရေး၊ အလုပ်ချိန် (၈) နာရီသတ်မှတ်ရေး၊ အချိန်ပိုလုပ်ခရရှိရေး၊ နာမကျန်းခွင့်ရရှိရေးများ တောင်းဆိုသည်။

♦ ၂၀၀၆ ခုနှစ် ဇွန်လအတွင်း၊ လှိုင်သာယာစက်မှုဇုန်မှ စက်ရုံ (၁၄) ရုံ (အထည်ချုပ်စက်ရုံ ၈-ခု အပါအ၀င်) လုပ်ခတိုးမြှင့်ရေး ဆန္ဒပြမှု ဖြစ်ပွားသည်။

♦ အလားတူ လုပ်ခတိုးမြှင့်ရေးဆန္ဒပြမှု သာကေတစက်မှုဇုန် KSS စက်ရုံ၌ ဖြစ်ပွားသည်။

♦ ဦးတေဇပိုင်သည့် လျှပ်စစ်ပစ္စည်းထုတ်လုပ်သော စက်ရုံတွင်လည်း လုပ်ခတိုးမြှင့်ရေး ဆန္ဒပြမှု ပေါ်ပေါက်ခဲ့သည်။

♦ တောင်ဥက္ကလာ၊ မြင်သာ (၁၄) ရပ်ကွက် နှင်းဆီလမ်းရှိ မလေးရှားနှင့် ဖက်စပ်ကုမ္ပဏီ PW &GG ပိုင် ပရိဘောဂ စက်ရုံတွင်လည်း အလားတူ လုပ်ခတိုးမြှင့်ရရှိရေး ဆန္ဒပြမှုပေါ်ပေါက်ခဲ့သည်။

♦ အမှတ် (၁) စက်မှုဝန်ကြီးဌာနလက်အောက်ရှိ မြန်မာ့ဆေးဝါးထုတ်လုပ်ရေးစက်ရုံ၊ အမှတ် (၁) ပလတ်စတစ်စက်ရုံ (မြောက်ဥက္ကလာပ) နှင့် ပီနန်အိတ်ထုတ်လုပ်စက်ရုံများတွင်လည်း အလုပ်သမားများ အရေးဆိုမှုများရှိခဲ့သည်။

၂၀၀၆ ခုနှစ် ဧပြီလတွင် အစိုးရ၀န်ထမ်းများနှင့် စစ်မှုထမ်းများအား လစာတိုးပေးခဲ့သော်လည်း စက်ရုံအလုပ်ရုံ အလုပ်သမားများအား လုပ်ခတိုးမပေးခဲ့။ ထို့ပြင် ကုန်ကြမ်းဈေးမြင့်တက်၊ ဈေးကွက်တောင်းဆိုမှု ကျဆင်းသဖြင့် စက်ရုံများတွင် အလုပ်သမားလျှော့ချလိုခြင်းများ ရှိလာသည်။ စက်ရုံက အလုပ်သမားကို အလုပ်ဖြုတ်လိုလျှင် (၃) လစာ ပေးရမည်ဖြစ်၍ အလုပ်မဖြုတ်။ အချိန်ပိုမလုပ်ရသဖြင့် အခြေခံလစာသက်သက်ဖြင့် အလုပ်သမားမှာ မလောက်င။ နောက်ဆုံး အခြေအနေ ဆိုးလာသောအခါ အလုပ်သမားများ ကိုယ့်သဘောနှင့်ကိုယ် အလုပ်ထွက်ကြရသည်။

စစ်အစိုးရသည် ၁၉၉၀ လောက်မှစ၍ ဈေးကွက်စီးပွားရေးဟု ကြွေးကြော်သော်လည်း အလုပ်သမားအခွင့်အရေးကို အကာအကွယ်ပေးခြင်းမရှိသည့်အပြင် အလုပ်သမား ပြဿနာပေါ်တိုင်း အလုပ်ရှင်ဘက်မှသာရပ်ခဲ့သည်။ အလုပ်ရှင်များအား အကာအကွယ် ပေးခဲ့သည်။ စစ်အစိုးရက အလုပ်ရှင်များကိုယ်စားပြု ‘စက်မှုလက်မှုလုပ်ငန်းရှင်များ အသင်း’၊ ‘ကုန်ထုတ်လုပ်သူများအသင်း’၊ ‘ဆန်စက်ပိုင်ရှင်များအသင်း’ အစရှိသော အလုပ်ရှင်အကျိုးစီးပွား အကာအကွယ်ပေးသည့် အသင်းအဖွဲ့များ ဖွဲ့ခွင့်ပြုသော်လည်း အလုပ်သမားသမဂ္ဂများကိုမူ ဖွဲ့စည်းခွင့်မပေးချေ။ ထို့ပြင် အလုပ်ရှင်နှင့် အလုပ်သမား ပဋိပက္ခများ ဖြေရှင်းရေးတွင် လိုက်နာကျင့်သုံးရန် ဥပဒေစည်းမျဉ်း၊ မူဝါဒ စသည်ဖြင့် တိတိကျကျ ပြဋ္ဌာန်းထားခြင်းမရှိပေ။ အလုပ်ရှင်များက ငွေကြေးအင်အားဖြင့် အာဏာပိုင်တို့ကို လာဘ်ထိုးကာ အလုပ်သမားတို့၏ ရပိုင်ခွင့်များကို ပိတ်ပင် အနိုင်ယူလေ့ရှိသည်။ ထို့ကြောင့် အလုပ်သမားအခွင့်အရေးများ ဆုံးရှုံးနေကြရသည်။ အလုပ်ရှင်များကမူ အာဏာပိုင်အဆင့်ဆင့်နှင့်ပေါင်းကာ အလုပ်သမားများကို ဖိနှိပ်၍ သူတို့အကျိုးအမြတ် တိုးပွားအောင်လုပ်နေကြသည်။

‘စက်မှုဇုန် စောင့်ကြည့်ကြီးကြပ်ရေးကော်မတီ’ များ ဖွဲ့ထားသော်လည်း မှန်မှန်ကန်ကန် တာဝန်ထမ်းခြင်းမရှိ။ ကော်မတီဝင်များက ထုံးစံအတိုင်း လာဘ်စားကာ တကယ့်ပြဿနာများကို ဖုံးဖိထားကြသဖြင့် အလုပ်ရှင်များအား စည်းမျဉ်းစည်းကမ်း ချိုးဖောက်ခွင့်၊ ထင်သလိုခြယ်လှယ်ခွင့် ပေးထားသကဲ့သို့ ဖြစ်နေသည်။ စစ်အာဏာပိုင်များက အလုပ်သမားသမဂ္ဂများ ဖွဲ့စည်းခွင့် ပိတ်ပင်ထားသဖြင့် အလုပ်သမားများ မိမိတို့အခွင့်အရေး နစ်နာဆုံးရှုံးချက်များကို စနစ်တကျ တောင်းဆိုနိုင်ခြင်းမရှိသည်မှာ လက်ရှိအချိန်အထိဖြစ်သည်။

လက်လှမ်းမှီသမျှ ပြည်တွင်း စက်ရုံအလုပ်ရုံ အလုပ်သမားဆန္ဒပြမှုပေါင်း (၄၀) ခန့်မှ တောင်းဆိုချက်များအား အကြမ်းဖျင်းလေ့လာရာတွင် ယေဘုယျတူညီချက်များကို အောက်ပါအတိုင်းတွေ့ရသည်။

- တရက် ပုံမှန်အလုပ်ချိန် (၈)နာရီဖြစ်သော်လည်း နေ့စဉ် နာရီစုစုပေါင်း (၁၀) မှ (၁၂) နာရီ အလုပ်လုပ်ရခြင်း။

- နေ့ကြီးရက်ကြီးများ အပါအ၀င် နားရက်လုံးဝမရှိ အလုပ်လုပ်ရသော်လည်း အချိန်ပိုလုပ်ခ အပြည့်မရရှိကြခြင်း။

- ညလုံးပေါက် အချိန်ပိုဆင်းပေးရပြီး နောက်တနေ့ နားရက်မရဘဲ အလုပ်ဆက်ဆင်းရခြင်း။

- ဖျားနာလျှင် ခွင့်မရသည့်အပြင် ပျက်ရက်အတွက် လစာမှ ဖြတ်တောက်ခြင်း။

- ဖျားနာလျက်နှင့် အလုပ်ဆင်းရသဖြင့် အလုပ်ခွင် မတော်တဆထိခိုက်မှုများ ဖြစ်သောအခါ ဆေးဝါးကုသမပေးခြင်း။

- အလုပ်သမားများ ဘေးအန္တရာယ်ကင်းရှင်းလုံခြုံရေးအတွက် အစိုးရတာဝန်ရှိသူများက စက်ရုံအလုပ်ရုံများကို ပုံမှန်စစ်ဆေးမှုမရှိခြင်း။

- စက်ရုံက စစ်ဆေးမည့်သူများအား လာဘ်ပေးထားသဖြင့် စစ်ဆေးမှုမရှိ၍ အလုပ်ခွင် ဘေးကင်းလုံခြုံမှုမရှိခြင်း။

- အလုပ်ကြပ်များနှင့် လုံခြုံရေးဝန်ထမ်းများအား အထူးအခွင့်အရေးပေးကာ အလုပ်သမားကို အကျဉ်းသားများသဖွယ် စည်းကမ်းတင်းကျပ်ထားခြင်း။

- အလုပ်ရုံကြီးကြပ်သူများ၏ ခွင့်ပြုချက်မရဘဲ အပြင်ထွက်ခွင့် အိမ်ပြန်ခွင့်မပြုခြင်း၊ အလုပ်ရုံအတွင်း အစာစားခြင်း၊ စကားပြောခြင်း၊ လူမှုရေးအရ အကူအညီပေးခြင်းများ မလုပ်ရ၊ လုပ်ပါက ပြစ်ဒဏ်သတ်မှတ် လုပ်ခဖြတ်တောက်ခံရခြင်း။

- ထို့ကြောင့် အလုပ်ကြပ်များနှင့် လုံခြုံရေးဝန်ထမ်းများ၏ အပြစ်ရှာဖိနှိပ်မှုများခံရခြင်း၊ မိမိတို့ ပြစ်ဒဏ်မလုပ်ဘဲ လုပ်သည်ဟု ရေးမှတ်ကာ လုပ်ခအဖြတ်ခံရခြင်း။

- သတ်မှတ်ထားသည့် ကုန်ထုတ်လုပ်မှုစံချိန်ပြည့်မီလျှင် အလုပ်သမားများအား ဆုကြေးအပိုဆောင်းငွေ ပေးမည်ဟု မက်လုံးပေးထားပြီး လက်တွေ့တွင် ကုန်ထုတ်စံချိန် ပြည့်မီသော်လည်း ယင်းအပိုဆောင်းငွေကို မပေးခြင်း။

- သာရေး၊ နာရေး၊ လူမှုရေးကိစ္စအတွက် တနင်္ဂနွေနေ့ အလုပ်အနားယူပါက ရသင့်ရထိုက်သည့် (Bonus) အပိုဆုကြေးငွေ မပေးခြင်း။ … စသည်ဖြင့် တွေ့ရသည်။

ထိုစက်ရုံအလုပ်ရုံ ဆန္ဒပြတောင်းဆိုကြရာတွင် ယေဘုယျတောင်းဆိုချက်များကို အောက်ပါအတိုင်း တွေ့ရသည်။

- အလုပ်ချိန် တနေ့ (၈) နာရီ သတ်မှတ်ရေး။

- ကုန်ဈေးနှုန်းနှင့် ဆီလျော်စွာ လုပ်ခတိုးမြှင့်ပေးရေး။

- အချိန်ပိုလုပ်ခ အပြည့်အ၀ရရှိရေး။

- အချိန်ပိုဆင်း အလုပ်သမားများအား ကြိုပို့ယာဉ် (Ferry Bus) စီစဉ်ပေးရေး။

- ညလုံးပေါက် အချိန်ပိုဆင်းပေးရလျှင် နောက်နေ့ အနားပေးရေး။

- တရားဝင် အစိုးရရုံးပိတ်ရက်များတွင် အလုပ်နားရက်အဖြစ် သတ်မှတ်ပေးရေး။

- တနင်္ဂနွေနေ့ကို အလုပ်နားရက် သတ်မှတ်ပေးရေး (သို့မဟုတ်) သီတင်းတပတ်လျှင် (၁) ရက် နားခွင့်ပေးရေး။

- ဖျားနာခွင့်ပေးရေးနှင့် ဆေးဝါးကုသမှု တာဝန်ယူရေး။

- ဖျားနာ၍ အလုပ်မဆင်းနိုင်သူ ရသင့်ရထိုက်သည့် (Bonus) အပိုဆုကြေးငွေ မဖြတ်တောက်ရေး။

- အလုပ်ခွင်မတော်တဆမှုကြောင့် အနာတရဖြစ်လျှင် ဆေးဝါးကုသမှု တာဝန်ယူရေး။

- အလုပ်ခွင်မတော်တဆမှုကြောင့် ကိုယ်အင်္ဂါချို့ယွင်းထိခိုက်လျှင် လျော်ကြေးရရှိရေး။

- အလုပ်သမားများ ဘေးအန္တရာယ်ကင်းရှင်းလုံခြုံရေးအတွက် အစီအမံများ ထားရှိရေး။

- အလုပ်ရုံစက်ရုံကြီးကြပ်သူများ၊ လုံခြုံရေးဝန်ထမ်းများက အလုပ်သမားများအား ရိုင်းပျစွာဆက်ဆံမှု၊ ကိုယ်ထိလက်ရောက် စော်ကားမှုများ မပြုရေး။ … စသည်ဖြင့် အကြမ်းဖျင်းတွေ့ရှိရပါသည်။

ယခုလည်း အရပ်ဘက်အစိုးရ၀န်ထမ်း အဆင့် (၁၂) ဆင့်၏ လစာနှုန်းထားများကို ရာထူးအဆင့်မခွဲခြားဘဲ တပြေးညီ (၂၀,၀၀၀) ကျပ်စီ တိုးမြှင့်ပေးမည်ဟု သတင်းထွက်ပေါ်လာပြီးနောက် ကုန်ဈေးနှုန်းတက်လာသည်ကို တွေ့ရသည်။ ‘လစာတိုးပေးခြင်း’ သည် ‘ဆေးမြီးတို’ မျှသာဖြစ်၍ ငွေကြေးဖောင်းပွမှုဒဏ်ကို ဆက်လက်ခံကြရတော့မည်။ အကျိုးဆက်အဖြစ် ရန်ကုန်မြို့ လှိုင်သာယာစက်မှုဇုန် (၂) ရှိ ပုစွန်အအေးခန်းစက်ရုံတရုံမှ အလုပ်သမား (၁၀၀) ခန့်သည် ဇန်န၀ါရီ (၇) ရက်နေ့က ‘လုပ်ခလစာတိုးရေး’ ဆန္ဒပြတောင်းဆိုခဲ့ကြောင်း သတင်းများအရ သိရသည်။ အဆိုပါစက်ရုံတွင် ထိုနေ့ နံနက် (၈) နာရီခန့်က အမျိုးသမီး (၁၀၀) ခန့် ဦးဆောင်၍ အချက် (၁၀) ချက်ပါသော အလုပ်သမားအခွင့်အရေးများကို ဆန္ဒပြတောင်းဆိုခဲ့ကြသည်။ အမျိုးသမီးများက ဆန္ဒပြတောင်းဆိုနေချိန်၌ အလုပ်သမားဝန်ကြီးဌာန ဒုတိယညွှန်ကြားရေးမှူး ဦးဝင်းရှိန်နှင့်အတူ ရဲတပ်ဖွဲ့ဝင်များ ရောက်ရှိလာကာ လုံခြုံရေးတင်းကျပ်ထားခဲ့သည်။ ဆန္ဒပြရသည့် အဓိကအကြောင်းရင်းမှာ လစာငွေနည်းပါး၍ စားဝတ်နေရေး ခက်ခဲကျပ်တည်းမှုကြောင့်ဖြစ်သည်။

အလားတူ ယခုလမှာပင် ရန်ကုန်မြို့ လှိုင်သာယာစက်မှုဇုန် (၃) ရှိ မလေးရှားအလုပ်ရှင်ပိုင် Wong Houng Hand အထည်ချုပ်စက်ရုံတွင်လည်း အလုပ်သမား (၁,၃၀၀) ကျော် ဆန္ဒပြမှုဖြစ်ခဲ့သည်။ အခြေခံအလုပ်သမားအခွင့်အရေး တောင်းဆိုချက် (၁၂) ချက် တောင်းထားသော်လည်း အခြေအနေမှာ မထူးခြားသေး စောင့်ကြည့်နေဆဲဟု အလုပ်သမားများက ဆိုသည်။ မြန်မာနိုင်ငံတွင် စက်ရုံအလုပ်သမားတဦးလျှင် အခြေခံလစာငွေ ကျပ် (၂) သောင်းမှ အမြင့်ဆုံး (၄) သောင်းအထိသာ ရရှိရာ အလုပ်သမားများအနေဖြင့် စားဝတ်နေရေးခက်ခဲမှုရှိသောကြောင့် အိုဗာတိုင်ကြေးရရန် အချိန်ပိုဆင်းကြရသည်။

ထို့အပြင် ဥပဒေ၏ ကာကွယ်စောင့်ရှောက်မှု မရရှိကြသော အလုပ်သမားများသည် အလုပ်ရှင်များ၏ အလွယ်တကူ အလုပ်ထုတ်ခံကြရမှုများရှိသည်။ အလုပ်သမားများကို အလုပ်ထုတ်လိုက်သော်လည်း ထိုက်သင့်သည့် လျော်ကြေးငွေပေးခြင်းမရှိသည်က များသည်။

တည်ဆဲ အလုပ်သမားဥပဒေများအရ တနေ့လျှင် အလုပ်ချိန် (၈) နာရီ၊ တပတ်လျှင် (၄၄) နာရီထက် ပိုပါက ထိုအချိန်ပိုကို အခြေခံလစာလုပ်ခ၏ (၂) ဆ တွက်ချက်ပေးရမည်ဖြစ်သည်။ ဤအခွင့်အရေးသည် ၁၉၂၃ ခုနှစ် အလုပ်သမားလျော်ကြေး ဥပဒေနှင့် ၁၉၅၁ ခွင့်ရက်နှင့် အားလပ်ရက်များ ဥပဒေတွင် ပြဋ္ဌာန်းအကာကွယ်ပေးထားခြင်းဖြစ်သည်။ သို့သော် မြန်မာနိုင်ငံတွင် အလုပ်ရုံစက်ရုံများသည် အဆိုပါဥပဒေများကို လိုက်နာခြင်းမရှိကြပေ။

လက်ရှိအခြေအနေများအောက်တွင် အလုပ်ရှင်-အလုပ်သမား အငြင်းပွားမှုများသည် ပို၍ တိုးများလာဖွယ်ရှိနေသည်ဟု အလုပ်သမားအရေး အကဲခတ်များက ထင်မြင်ယူဆကြသည်။ ‘၁၉၅၁ ခုနှစ် မြန်မာနိုင်ငံ အလုပ်သမားအက်ဥပဒေ’ ပြင်ဆင်ချက်အရ တဆက်တည်း လုပ်သက် (၁၂) လရှိသော အလုပ်သမားတိုင်းသည် ပျမ်းမျှလစာလုပ်ခဖြင့် လုပ်သက်ခွင့် (၁ဝ) ရက်၊ ရှောင်တခင်ခွင့် (၆) ရက်၊ ဆေးခွင့် (၃၀) ရက် ခံစားခွင့်ရှိကြောင်းနှင့် အလုပ်ရှင်က ခွင့်ပြုရမည်ဖြစ်သည်ဟု ပြဋ္ဌာန်းထားသည်။ ဥပဒေမှာ ပြဋ္ဌာန်းထားသော်လည်း များသောအားဖြင့် ထိုခွင့်ရက်များကို အလုပ်သမားများ မခံစားကြရဟု လှိုင်သာယာစက်မှုဇုန်မှ အလုပ်သမားတို့က ဆိုသည်။

သို့ဖြစ်၍ မြန်မာနိုင်ငံအလုပ်သမားများ၏ လတ်တလောအခြေအနေကိုကြည့်လျှင် တိုးတက်ကောင်းမွန်လာသည်ကို မတွေ့ရှိရ။ ဤသို့ဖြစ်ရသည်မှာ အလုပ်သမားထုအတွင်း အလုပ်သမားအခွင့်အရေးများကို ကာကွယ်ပေးနိုင်သည့် တရားဝင် အလုပ်သမားသမဂ္ဂများ မရှိသောကြောင့် ဖြစ်သည်။ စစ်အာဏာရှင်စနစ်က တရားဝင် အလုပ်သမားသမဂ္ဂဖွဲ့ခွင့် မပေးချေ။ နအဖ၏ ၂၀၀၈ ဖွဲ့စည်းပုံ ပုဒ်မ ၃၅၄ (ဂ) တွင်လည်း ̏ နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရားအလို့ငှာ ပြဋ္ဌာန်းထားသည့် ဥပဒေများနှင့် မဆန့်ကျင်လျှင် အသင်းအဖွဲ့ ဖွဲ့စည်းဆောင်ရွက်ခွင့်ရှိသည်˝ ဟု ဆိုသည်။ သို့သော် ထိုဥပဒေတို့ကို စစ်ဗိုလ်များကသာ အနက်ဖွင့်ဆိုမည်ဖြစ်၍ အလုပ်သမားသမဂ္ဂဖွဲ့ခွင့် မရနိုင်ချေ။ ၂၀၁၀ ရွေးကောက်ပွဲကလည်း အလုပ်သမားရပိုင်ခွင့်ကို အာမခံမည်မဟုတ်ပေ။
ထို့ကြောင့် အလုပ်သမားအခွင့်အရေးကို အလုပ်သမားတို့ကိုယ်တိုင်သာ ကာကွယ်ဖို့ ကြိုးစားကြရ ပါလိမ့်မည်။ အလုပ်သမားအခွင့်အရေးဆိုင်ရာ ပြဿနာများကို အလုပ်သမားကိုယ်စားလှယ်များ ကိုယ်တိုင် ပါဝင်ဖြေရှင်းခွင့် မရသရွေ့ အလုပ်သမားတိုက်ပွဲများကား ဆက်လက်ဖြစ်ပွားနေပေမည်။ သို့ဆိုလျှင် တိုက်ပွဲရည်မှန်းချက်အောင်မြင်ရေးအတွက် ကျယ်ပြန့်သော အလုပ်သမား သမဂ္ဂ ကွန်ရက်များ ရှိဖို့လိုပါသည်။ အလုပ်သမားများကိုယ်တိုင် စနစ်ကျနသော မြေအောက်အလုပ်သမား သမဂ္ဂများ ဖွဲ့စည်းနိုင်ရန် ပြင်ဆင်ကြရပါလိမ့်မည်။ အလုပ်သမားအခွင့်အရေးများကို အလုပ်သမား သမဂ္ဂများကသာ အမှန်တကယ် မြှင့်တင်ပေးနိုင်မည်ဖြစ်သည်။ ။

ပတ်စ်ပို့ မလုပ်လျှင် အလုပ် လုပ်ခွင့်သက်တမ်း တိုးပေးမည်မဟုတ်

.ကျော်ခ | ကြာသပတေးနေ့၊ ဇန်နဝါရီလ ၁၄ ရက် ၂၀၁၀ ခုနှစ် ၂၀ နာရီ ၀၅ မိနစ်

ချင်းမိုင် (မဇ္ဈိမ) ။ ။ ထိုင်းနိုင်ငံရှိ ရွှေ့ပြောင်းမြန်မာလုပ်သားများအနေဖြင့် ယာယီနိုင်ငံကူးလက်မှတ် ပတ်စ်ပို့ ပြုလုပ်ရန် လိုအပ်သည့်ပုံစံများ ဖြည့်စွက်တင်သွင်းခြင်း မရှိပါက အလုပ်လုပ်ခွင့် သက်တမ်း တိုးပေးမည် မဟုတ်ကြောင်း သိရသည်။

ယာယီနိုင်ငံကူးလက်မှတ် ပြုလုပ်ရန် ပထမအဆင့်အနေဖြင့် ထိုင်းအစိုးရက ထုတ်ပေးသည့် ပုံစံများကို ဖြည့်စွက်၍ သက်ဆိုင်ရာ ထိုင်းမြို့နယ်ရုံးများတွင် လာမည့်လ ၂၈ ရက်နေ့ နောက်ဆုံးထားကာ တင်သွင်းရန် လိုအပ်သည်ဟု သိရသည်။

သတ်မှတ်ရက်အတွင်း ပုံစံတင်ထားသူများကိုသာ ထိုင်းနိုင်ငံအတွင်း ထော်ရော် ၃၈/၁ (နေထိုင်ခွင့်) နှင့် အလုပ်လုပ်ခွင့် လက်မှတ် (ဘတ်) သက်တမ်းတိုးပေးမည်ဟု ထိုင်းအလုပ်သမားရေးရာ ဝန်ကြီးဌာန အတွင်းရေးမှူးချုပ် Mr. Somchai Chumrat က ပြီးခဲ့တဲ့လ ၂၉ ရက်နေ့က စာထုတ်၍ အလုပ်သမားရေးရာ အဖွဲ့အစည်းများသို့ အကြောင်းကြားခဲ့ခြင်းဖြစ်သည်။

.“ဖောင်မတင်ရင် (၁) အလုပ်သမားဝန်ကြီးဌာနမှာ ရှိပြီးသားစာရင်းအရ သက်တမ်းတိုးပေးတဲ့အခါ စာရင်းပါလာမှာ မဟုတ်တော့ဘူး။ (၂) အလုပ်ပြုတ်မယ်။ (၃) အဖမ်းခံရပြီး ပြန်ပို့ခံရမယ်။ အချိန် စောင့်ရတာကတပိုင်း ဖောင် (ပုံစံ) တင်ထားတာနဲ့ သက်တမ်းတိုးပေးမှာ” ဟု အဝေးရောက် ညွှန်ပေါင်းအစိုးရ NCGUB မှ ရွှေ့ပြောင်း အလုပ်သမားရေးရာ ဌာန တာဝန်ခံ ကိုသက်ခိုင်က မဇ္ဈိမကို ပြောသည်။

မြန်မာအလုပ်သမား ပုံစံဖြည့်စွက်တင်ထားသူ ဦးရေ ၈ သောင်းခန့်ရှိပြီး မြန်မာအစိုးရမှတဆင့် နိုင်ငံသားအဖြစ် ထောက်ခံပြီး ပြန်ပို့်လာသူ ဦးရေမှာ ၆ ထောင်ခန့်သာရှိကြောင်း ထိုင်းသတင်းဌာနများက ဖော်ပြထားသည်။

တနင်္သာရီတိုင်း ကော့သောင်းမြို့ ယာယီနိုင်ငံကူးလက်မှတ် ထုတ်ပေးရေးရုံးက ယနေ့ထိ ၄၄၈၂ ဦးကို ထုတ်ပေးပြီးဖြစ်ကြောင်း ယင်းရုံးမှ တာဝန်ရှိသူတဦးက မဇ္ဈိမကို ပြောသည်။

မြဝတီနှင့် တာချီလိတ်မြို့တို့မှ ယာယီနိုင်ငံကူးလက်မှတ် ထုတ်ပေးရေးရုံးများကို ဆက်သွယ် မေးမြန်းခဲ့သော်လည်း ပြန်လည်ဖြေကြားခြင်း မရှိပါ။ သို့သော် ယင်း ၃ နေရာလုံးတွင် လက်မှတ်လုပ်ပြီးသူ ၈ဝဝဝ ဦး ကျော်ပြီဖြစ်ကြောင်း ကော့သောင်းရုံးက ပြီးခဲ့သည့်လ ၂၇ ရက်နေ့တွင် မဇ္ဈိမကို ဖြေကြားခဲ့သည်။

ယာယီနိုင်ငံကူးလက်မှတ်လုပ်ရန် ပုံစံများကို ထိုင်းနိုင်ငံတွင်း သက်ဆိုင်ရာမြို့နယ် အလုပ်သမားရုံးများနှင့် ကိုယ်စားလှယ် (Agent) ရုံးများတွင် သွားရောက်ဖြည့်စွက်နိုင်ကြပြီး ကိုယ်တိုင် သို့မဟုတ် အလုပ်ရှင်မှ တဆင့်လည်း ဖြည့်စွက် တင်သွင်းနိုင်သည်။

ဖြည့်စွက်ပြီးသော ပုံစံများကို သက်ဆိုင်ရာမြို့နယ် အလုပ်သမားရုံးမှ ထိုင်းအလုပ်သမားဝန်ကြီးဌာန၊ မြန်မာသံရုံးနှင့် ထိုမှတဆင့် မြန်မာအစိုးရသို့ ရောက်ရှိမည်ဖြစ်ပြီး နိုင်ငံသားဟုတ်မဟုတ် စစ်ဆေးပြီးမှ ယာယီပတ်စ်ပို့ ပြုလုပ်နိုင်သည့် လူစာရင်းကို ထိုင်းနိုင်ငံသို့ ပြန်ပို့မည်ဖြစ်သည်။

၂ဝဝ၈ ခုနှစ် ဒီဇင်ဘာလ ၁၈ ရက်နေ့တွင် ထိုင်းဝန်ကြီးများ အစည်းအဝေး၏ ဆုံးဖြတ်ချက်အရ ၂ဝဝ၉ ခုနှစ် ဇန်နဝါရီလ၊ ဖေဖေါ်ဝါရီလနှင့် မတ်လ သို့မဟုတ် ဇွန်လတွင် အလုပ်လုပ်ခွင့်သက်တမ်း ကုန်ဆုံးသော ရွှေ့ပြောင်းအလုပ်သမားများအတွက် အလုပ်လုပ်ခွင့်သက်တမ်း တိုးမြှင့်ခြင်းကို ယခုနှစ် ဖေဖော်ဝါရီလ ၂၈ ရက်နေ့အထိ ခွင့်ပြုခဲ့ခြင်း ဖြစ်သည်။

ထိုင်းနိုင်ငံအတွင်းရှိ တရားမဝင်နှင့် တရားဝင် ရွှေ့ပြောင်းမြန်မာအလုပ်သမားဦးရေ ၂ သန်းခန့်ရှိကြောင်း မြန်မာ အလုပ်သမားရေးရာ အဖွဲ့များက ခန့်မှန်းကြသည်။

(ကိုဝိုင်း တည်းဖြတ်သည်။)

ထိုင်းတောင်ပိုင်းတွင် မြန်မာနိုင်ငံသားများ ဖမ်းဆီးခံရ

. Thursday, 14 January 2010 14:01 သန်းထိုက်ဦး ထိုင်းနိုင်ငံ တောင်ပိုင်း၌ တရားမ၀င် ရောက်ရှိလာသော မြန်မာနိုင်ငံသား ၄၃ ဦးကို ယခုလအတွင်း ဖမ်းဆီးရမိ ခဲ့သည်ဟု ထိုင်း သတင်းများ ဖော်ပြချက်အရ သိရသည်။

ယမန်နေ့က ထိုင်းနိုင်ငံ တောင်ပိုင်း ချုံဖော် ခရိုင်မှ တဆင့် တခြား အရပ်သို့ သွားရောက်မည့် မြန်မာ နိုင်ငံသား ၁၃ ဦးကို ခြံဝန်း တခုတွင် ထိုင်းအာဏာ ပိုင်များက စစ်ဆေး ဖမ်းဆီး ခဲ့ကြောင်း၊ ပြီးခဲ့သည့် ရက်ပိုင်းအတွင်း ကလည်း အမျိုးသား ၁၆ ဦးနှင့် အမျိုးသမီး ၁၄ ဦး တို့ကို ဖမ်းဆီးခဲ့ သေးကြောင်း ဒေသခံ အလုပ်သမားများက ပြောသည်။

ချုံဖော်ရှိ အမည် မဖော်လိုသူ အလုပ်သမား တဦးက “လူပွဲစားတွေရဲ့ ခြံတွေမှာ အိမ်တွေ ဆောက်ထား ကြတယ်၊ အဲဒီမှာ လူတွေကို ထားကြတယ်၊ မနာလိုတဲ့ ပွဲစားတွေက တိုင်တယ်၊ ဒီမှာ လူ ဘယ်နှစ်ယောက် ရှိတယ် ဘာတယ် ဆိုတော့ စစ်သားတွေက ၀င်ဖမ်းတယ်၊ ပွဲစား အချင်းချင်း မတည့်တာပါ” ဟု ဧရာဝတီသို့ ပြောသည်။

ထိုဒေသတွင် စစ်တပ်နှင့် ရဲ စစ်ဆေးရေး ဂိတ်များရှိပြီး လူကုန်ကူး သူများက ရဲဂိတ်ကို ငွေကြေးဖြင့် ဖြေရှင်း ကြကြောင်း၊ စစ်တပ်က လက်မခံဘဲ ယခုကဲ့သို့ လိုက်လံ ဖမ်းဆီးခြင်း ဖြစ်ကြောင်းလည်း ၎င်းက ပြောဆိုသည်။

.ယမန်နေ့ကပင် ထိုင်း အာဏာပိုင်များက ယင်း ချုံဖော်ဒေသရှိ ဧက ၁၀၀ ခန့် ကျယ်ဝန်းသော ခြံတခြံကို ၀င်ရောက် စစ်ဆေးခဲ့ရာ ခြံထဲတွင် မြန်မာနိုင်ငံသား အမျိုးသား ၇ ဦးနှင့် အမျိုးသမီး ၆ ဦး တို့ကို ခရီးဆောင် အိတ်များနှင့် အတူ တွေ့ရှိရ သောကြောင့် စစ်ဆေး ဖမ်းဆီး ခဲ့ကြောင်း ထိုင်းဘာသာဖြင့် ရေးသား ထားသော မန်နေဂျာ အွန်လိုင်း (Manager Online) အင်တာနက် စာမျက်နှာ တွင်လည်း ဖော်ပြထားသည်။

ယင်း လူကုန်ကူးမှုတွင် ထိုင်း နယ်မြေခံရဲ တာဝန်ရှိသူများနှင့် မြန်မာ နိုင်ငံသား တဦးတို့ ပါဝင်နေသည် ဟုလည်း အဆိုပါ မန်နေဂျာ သတင်း၌ ရေးသား ထားသည်။

ယခု ဖမ်းဆီးမှုနှင့် ပတ်သက်ပြီး နယ်မြေခံ ရဲစခန်းသို့ စုံစမ်းမေးမြန်းခဲ့ရာ တာဝန်ကျ ရဲတဦးက ဖမ်းဆီးမှု သတင်းကို ကြားသိရကြောင်း၊ ဖမ်းမိသည့် မြန်မာ အလုပ်သမားများကို ချုံဖော် ခရိုင် အချုပ်သို့ ပို့ဆောင်လေ့ ရှိကြောင်း ပြောဆိုသည်။

ဖမ်းဆီးထား သူများကို တရားဥပဒေ အရ အရေးယူ ဆောင်ရွက် သွားမည် ဖြစ်ပြီး လူကုန်ကူးသူ များကိုလည်း ဆက်လက် နှိမ်နင်း သွားမည် ဖြစ်ကြောင်း သိရသည်။

လွန်ခဲ့သည့် ၂၀၀၉ ခုနှစ် ဧပြီ လလယ်တွင် ထိုင်းနှင့် မြန်မာ လူကုန်ကူးမှု ပူးပေါင်း တိုက်ဖျက်ရေး နားလည်မှု စာချွန်လွှာကို နှစ်နိုင်ငံ တာဝန်ရှိ သူများက လက်မှတ် ရေးထိုး ခဲ့သည်။

ယင်း လက်မှတ် ရေးထိုးပွဲသို့ မြန်မာ ဘက်က လူကုန်ကူးမှု တားဆီး ကာကွယ်ရေး ဗဟိုအဖွဲ့ ဥက္ကဌ ပြည်ထဲရေး ၀န်ကြီးဌာန ၀န်ကြီး ဗိုလ်ချုပ် မောင်ဦး တက်ရောက်၍ ထိုင်းနိုင်ငံ လူမှု ဝန်ထမ်းနှင့် လူမှုဖွံ့ဖြိုးရေး ဝန်ကြီးဌာန ဝန်ကြီး Mr. Issara Somchai တို့ တက်ရောက် ခဲ့ကြောင်း သိရသည်။

ထိုင်းနိုင်ငံ တောင်ပိုင်းရှိ ဖန်ငခရိုင် နှင့် တခြားခရိုင်များတွင် မြန်မာပြည်သား အလုပ်သမား တသန်းခန့် အလုပ် လုပ်ကိုင်လျက်ရှိ သည်ဟု အလုပ်သမား အရေး ဆောင်ရွက် နေသော အဖွဲ့များက ပြောသည်။

ဂျော်ဒန်ရှိ ဆန္ဒပြမြန်မာများ လုပ်ငန်းခွင် ပြန်ဝင်

.မြင့်မောင် | သောကြာနေ့၊ ဇန်နဝါရီလ ၁၅ ရက် ၂၀၁၀ ခုနှစ် ၁၉ နာရီ ၅၃ မိနစ်

နယူးဒေလီ (မဇ္ဈိမ)။ ။ အလုပ်သမား အခွင့်အရေးအတွက် ၉ ရက်ကြာ တောင်းဆိုဆန္ဒပြခဲ့သည့် ဂျော်ဒန်နိုင်ငံ အထည်ချုပ် စက်ရုံတရုံရှိ မြန်မာအလုပ်သမ ၆၀၀ နီးပါး ကိစ္စတွင် မြန်မာသံအမတ်က ကြားဝင် ဖြေရှင်းပေးမှုဖြင့် ယမန်နေ့က လုပ်ငန်းခွင်သို့ ပြန်လည် ဝင်ရောက်လာကြပြီ ဖြစ်သည်။

Ar Ramtha မြို့ရှိ Century Miracle Ltd. ကုမ္ပဏီသို့ အစ္စရေးလ် နိုင်ငံဆိုင်ရာ မြန်မာသံအမတ် ဦးမြင့်ဆွေ ရောက်ရှိလာပြီး ကုမ္ပဏီနှင့် အလုပ်သမများအကြား ညှိနှိုင်း ဆောင်ရွက်ပေးခဲ့ခြင်းကြောင့် အခွင့်အရေးတချို့ ရရှိသဖြင့် မြန်မာအလုပ်သမများ အလုပ်သို့ ပြန်လည် ဝင်ရောက်လာခဲ့ကြောင်း ကုမ္ပဏီ ပြောခွင့်ရ ပုဂ္ဂိုလ်က မဇ္ဈိမကို ပြောဆိုခြင်း ဖြစ်သည်။

.“အလုပ်သမားတွေဘက်ကနေ အစ္စရေးလ်ဆိုင်ရာ သံအမတ် ရောက်လာတယ်။ သူက မြန်မာအလုပ်သမားတွေနဲ့ ကျနော်တို့အကြား ပြေလည်အောင် ကြားဝင်ဆောင်ရွက်ပေးတယ်။ အခု အလုပ်သမားတွေအနေနဲ့ လုပ်ငန်းခွင် ပြန်ဆင်းနေပါပြီ။ ပျက်ရက်တွေနဲ့ ပတ်သက်လို့ ကျနော်တို့အနေနဲ့ အရေးမယူဘဲ ပုံမှန်လစာပေးဖို့ ဆုံဖြတ်ထားတယ်” ဟု ကုမ္ပဏီ ပြောခွင့်ရ မစ္စတာ Obeidat က ပြောသည်။

သူက ဆက်ပြီး “နိုင်ငံ၂ နိုင်ငံက အလုပ်သမားအချင်းချင်း ပြဿနာဖြစ်တယ်ဆိုတော့ ကျနော်တို့အနေနဲ့ ဘာမှ လုပ်ပေးစရာ မလိုဘူး။ နောက်တခါ ဒီလိုပြဿနာ ဖြစ်လာရင် ဂျော်ဒန် အလုပ်သမား ဥပဒေအရ အရေးယူ ဆောက်ရွက်သွားမယ်။ အလုပ်သမားတွေနဲ့ ပတ်သက်ပြီးတော့ လေဘာ အေဂျင်စီက အရိုက်ခံရသူတွေကို လျော်ကြေးပေးတယ်။ ဘယ်လောက်ဆိုတာတော့ မသိရဘူး” ဟု ပြောသည်။

ယခုလ ၅ ရက်နေ့တွင် မြန်မာ အလုပ်သမတဦးနှင့် ဘင်္ဂလားဒေ့ခ်ျ အလုပ်သမားတဦးတို့ ခိုက်ရန်ဖြစ်ပွားခဲ့ပြီး အသက် အာမခံကြေး အပါအဝင် လုပ်ငန်းခွင် လုံခြုံရေးအတွက် မြန်မာများက ယခုလ ၁၃ ရက်နေ့အထိ အလုပ်မဆင်းဘဲ ဆန္ဒပြခဲ့ရာ၊ ၁၄ ရက်နေ့တွင် ပြေလည်မှု ရရှိသဖြင့် အလုပ်ပြန်ဆင်းခြင်း ဖြစ်သည်။

Century Miracle Ltd. စက်ရုံ တာဝန်ရှိသူက လုပ်ငန်းခွင် လုံခြုံရေးအတွက် သဘောတူခဲ့သလို၊ နှစ်ဖက် ခိုက်ရန်ဖြစ်ပွားမှုအတွင်း မြန်မာအမျိုးသမီး ၂၀ ခန့် ထိခိုက်ဒဏ်ရာရရှိခဲ့ရာ ၎င်းတို့အားလုံးကိုလည်း လျော်ကြေး ပေးခဲ့သည်။ ဂျော်ဒန်တွင် မြန်မာသံရုံးမရှိသဖြင့် အစ္စရေးလ်နိုင်ငံဆိုင်ရာ မြန်မာသံအမတ်က လာရောက်ဖြေရှင်းခြင်း ဖြစ်သည်။

“ကျမတို့ တောင်းဆိုချက်တွေရလို့ အလုပ်ပြန်ဆင်းတာ ဖြစ်တယ်။ စက်ရုံ Seal တံဆိပ်ပါတဲ့ စာရွက်ပေါ်မှာ စက်ရုံလူကြီးတွေနဲ့ ကျမတို့ဘက်က လူကြီးတွေက ကျမတို့ ရှေ့မှာ လက်မှတ်ထိုးတဲ့ စာရွက်တွေ ပေးတယ်။ နောက်နောင် ဒီလိုကိစ္စမျိုး ဖြစ်လာလို့ရှိရင် ဂျော်ဒန် ဥပဒေအရ အရေးယူပေးမယ်ဆိုတဲ့ ကတိဝန်ခံချက် စာချုပ်ကို ကျမတို့ကို ပေးတယ်” ဟု အမည်မဖော်လိုသူ မြန်မာအလုပ်သမတဦးက မဇ္ဈိမကို ပြောသည်။

သူက ဆက်ပြီး “ဒီစာချုပ်က စက်ရုံတခုထဲပဲ သက်ဆိုင်တာ မဟုတ်ဘဲ ဂျော်ဒန်နိုင်ငံအတွင်း နေရာအကုန်လုံးနဲ့ သက်ဆိုင်တယ်လို့ စက်ရုံတာဝန်ရှိသူတွေက အာမခံ ပြောဆိုတယ်။ ထိခိုက်ဒဏ်ရာရတဲ့ သူတွေအတွက်လည်း လျော်ကြေးပေးတယ်။ အဲဒီလျော်ကြေးကိုတော့ စည်းစိမ်သစ် ကုမ္ပဏီ (အလုပ်ရှာဖွေရေး လုပ်ကိုင်ပေးသည့် မြန်မာကုမ္ပဏီ) က ပေးတာ ဖြစ်တယ်။ ဘယ်လောက် ပေးတယ်ဆိုတာကိုတော့ မသိရဘူး။ စာအိတ်နဲ့ပိတ်ပြီး ပေးတာ ဖြစ်တယ်” ဟု ပြောသည်။

မြန်မာအလုပ်သမ မအေးမြစန္ဒာနှင့် ဘင်္ဂလားဒေ့ခ်ျ အလုပ်သမားကို ကုမ္ပဏီအနေဖြင့် အပြစ်ပေး အရေးယူခြင်း မရှိကြောင်း သိရသည်။

ဂျော်ဒန်နိုင်ငံသို့ အလုပ်လုပ်ရန်အတွက် Century Miracle Ltd. ကုမ္ပဏီကိုယ်တိုင် မြန်မာနိုင်ငံသို့ လာရောက်၍ လူတွေစစ်ဆေးခြင်း၊ လက်တွေ့အားဖြင့် အထည်ချုပ်ခိုင်းခြင်းများ ပြုလုပ်ပြီး ရွေးချယ်ခေါ်ယူခဲ့ခြင်းဖြစ်ကာ၊ မြန်မာအလုပ်သမ တဦးလျှင် တလအတွက် လုပ်ခ ၁၁၅ ဒေါ်လာဖြင့် ၃ နှစ် သက်တမ်း စာချုပ်ချုပ်ဆိုရကြောင်း သိရသည်။

ဂျော်ဒန်တွင် အလုပ်လုပ်ကိုင်နေသူ မြန်မာအမျိုးသမီးပေါင်း ၆၀၀ ကျော် ရှိနေကြောင်း မြန်မာအလုပ်သမများက ခန့်မှန်းပြောဆိုကြသည်။

မလေးရောက် ကရင်နီ ၅ ဦး ပွဲစားလက်မှ လွတ်မြောက်

.ကို(၂) / ဇန်န၀ါရီ ၁၄၊ ၂၀၁၀

မလေးရှားနိုင်ငံရောက် ကရင်နီအမျိုးသား ၅ ဦး အလုပ်အကိုင် လိုက်လံရှာဖွေပေးသော ပွဲစားတို့၏ လိမ်လည်လှည့်ဖျားမှု လက်အောက်မှ လွတ်မြောက်ခဲ့ကြသည်ဟု ကရင်နီလူမှုစောင့်ရှောက်ရေး အသင်းက ပြောသည်။

အလုပ်ပွဲစားမှ အဆိုပါ ကရင်နီ ၅ ဦးအား တဦးလျှင် မလေးရင်းဂစ် ၁၀၀ (ဘတ် ၉၅၀ ခန့်) ကောက်ခံကာ တယ်လီဖုန်းရုံးတွင် အလုပ် ရှာပေးမည်ဟု ပြောဆိုထားပြီး ပြီးခဲ့သည့် ၁၂ ရက်နေ့က ကားဖြင့် ခေါ်ဆောင်သွားခဲ့သော်လည်း အလုပ်ရုံ မဟုတ်သည့် ကားလမ်းမကြီး တနေရာတွင် ပစ်ထားခဲ့ခြင်း ဖြစ်သည်။

.“ကယားကလေး ၅ ယောက် ကားနဲ့ သယ်သွားတယ်။ အလုပ်ကိစ္စနဲ့တဲ့။ ဖုန်းဆက်လာတယ်။ မြန်မာအလုပ်သမား အေဂျင်စီကို ကျနော် ဆက်လိုက်တယ်။ ကျနာ့်လူတွေကို ဘယ်ကို ထည့်ပေးလိုက်တာလဲလို့ မေးတယ်။ သူတို့ ပို့ပေးလိုက်တာ သူတို့ ဘယ်သွားလဲတော့ မသိဘူးလို့ ပြောတယ်။ နောက်ရဲကို ဆက်လိုက်တယ်။ အကျိုးအကြောင်းကို ပြောပြတော့ ရဲက သူတို့ နောက်ကို လိုက်သွားတော့တာပေါ့။ အဲ့ဒါနဲ့ ပြန်လွတ်လာကြတာ” ဟု မလေးရှားနိုင်ငံ ကွာလာလမ်ပူမြို့ အခြေစိုက် ကရင်နီလူမှုကူညီစောင့်ရှောက်ရေးအသင်း ဥက္ကဌ ပက်ထရစ် ဂျိမ်းစ် (Patrick James)က ပြောပါသည်။

ယခင်နှစ်များတွင်လည်း ယခုလို အဖြစ်မျိုးနှင့် ကြုံတွေ့ခဲ့ဖူးသည်မှာ ၅ ကြိမ်လောက် ရှိခဲ့ဖူးသည်ဟု ပက်ထရစ်ဂျိမ်းစ်က ဆက်ပြောသည်။

အလုပ်ပွဲစားတို့၏ လိမ်လည်မှု လက်ထဲမှ လွတ်မြောက်လာသော ကရင်နီအမျိုးသား ၅ ဦးထဲမှ တဦးက “ဒီဗမာ တယောက်လည်း ဖုန်းဆိုင်မှာ အလုပ်သွားလုပ်မယ် ပြောတယ်။ နောက်ပြီးမှ သူက ဘင်္ဂလား တယောက်ဆီကို ဆက်တယ်။ ကားနဲ့ လာကြိုတယ်။ အလုပ် ရှာပေးမယ်ပေါ့။ သွားရင်လည်း ဖြောင့်ဖြောင့်မသွားဘူး။ ဟိုချောင်းမှာ နားလိုက်၊ ခြုံထူတဲ့ နေရာတွေမှာ နားလိုက် လုပ်နေတယ်လေ။ နောက်ဆုံးတော့ ရဲက သူ့ကို လိုက်တယ် ထင်တယ်။ ကျနော်တို့ကို တောင်ကုန်းတနေရာမှာ ချန်ထားလိုက်တယ်။ ဒီမနက်မှ ပြန်လာရတာ” ဟု ပြောသည်။

ပွဲစားလက်မှ လွတ်မြောက်လာသော ကရင်နီအမျိုးသား ၅ ဦးသည် မလေးရောက် ကရင်နီဒုက္ခသည်များ ဖြစ်ကြပြီး ယခုလောလော ဆယ်၌ ကရင်နီလူမှုကူညီစောင့်ရှောက် ရေးအသင်းရုံးတွင် ခေတ္တနေထိုင်ကြသည်။

မလေးရှားနိုင်ငံတွင် ယူအဲန်အိတ်ခ်ျစီအာမှ မှတ်ပုံထားသည့် ကရင်နီဒုက္ခသည်ပေါင်း ၇၀၀ ကျော်ရှိပြီး မှတ်ပုံတင်မထားသေးသည့် လူဦးရေ အပါအ၀င် ၁၀၀၀ ကျော်ခန့် ရှိသည်ဟု သိရသည်။

မဲဆောက်ကမ်းနားတွင် သေနတ်ပစ်မှု တခုဖြစ်ပွား

ထိုင်းနိုင်ငံ မဲဆောက်မြို့နယ်စပ် ကမ်းနားဖူးတွင်

ဇန်န၀ါရီလ ၉ရက်နေ့ကကမ်းနားစင်္ကြံ တွင် သားကြီး(အမိုးနီ စက်ရုံ တွင် အလုပ် လုပ်ခဲ့
ဘူးသူ) ထိုင်နေစဉ် အမည်မသိ အရပ်ဝတ် ၂ဦး က အတင်း ၀င်ရောက်ဖမ်းချူပ်ထိုးကြိတ်
ခဲ့ ရာ သားကြီး က အတင်း ရုန်းထွက်ပြီး အနီးအနားရှိ လူများအား အကူအညီ တောင်းရာ
လူအချို့ ရောက် လာစဉ် လူ၂ဦး ထဲမှ တယောက်က သေနတ်ထုတ် ၍ အနားကပ်ရင်ပစ်
မယ် ဟု ခြိမ်းခြောက် သဖြင့် မည်သူမှ မ၀င်ရောက် ရဲဘဲ ရှိစဉ် သားကြီးက ချုပ်ထားသူ
လက်မှ ရုန်းထွက်ပြီး လူအုပ်ကြား ထဲ ပြေးဝင် သဖြင့် နောက်မှ သေနတ် ဖြင့် ၂ချက်ပစ်
လိုက်ရာ ၁ချက်မှာနောက်ကျောယာဘက်သို့ထိမှန်သွားပြီးလဲကြ သွားသဖြင့် အနီးရှိ
ကုန်ထမ်း သမား ကလေးတဦးက သူ ယခင်က အလုပ်လုပ် ခဲ့ဘူးသောစက်ရုံ သို့သွား၍
အကြောင်းကြား ပေးခဲ့ ပါသည်။

စက်ရုံ မှ အလုပ်သမားများရောက်လာပြီး ဆေးရုံသို့ ပို့ပေးခဲ့ ရပါသည်၊ ဆေးရုံရောက်ပြီး
၃း၃၀ ခန့်တွင် ခွဲစိတ်ခန်းသို့ဝင်ပြီး ၆း၃၀ ခန့်တွင် အရေးပေါ်သို့ ပြန်ရောက်ခဲ့ ပါသည်။
ဆေးရုံက ၅၀ရာခိုင်နှန်းကောင်းသွား ပြီဟု ပြောသော်လည်း ၇း၃၀ ခန့် တွင် သေဆုံး
သွားပါ သည်။
မည်သည့် အကြောင်းဟု သေချာစွာ မပြောနှိုင်သေးပါ။

ဂျော်ဒန်တွင် မြန်မာလုပ်သားများ သပိတ်မှောက်

.ဆလိုင်းပီပီ | အင်္ဂါနေ့၊ ဇန်နဝါရီလ ၁၂ ရက် ၂၀၁၀ ခုနှစ် ၁၂ နာရီ ၅၇ မိနစ်
နယူးဒေလီ (မဇ္ဈိမ)။ ။ ဘင်္ဂလားဒေ့ခ်ျ လုပ်သားများနှင့် ခိုက်ရန် ဖြစ်ပွါးပြီးနောက် ဂျော်ဒန်နိုင်ငံရှိ တရုတ် အထည်အလိပ် ကုမ္ပဏီတွင် အလုပ် လုပ်ကိုင်နေကြသော မြန်မာအလုပ်သမ ငါးရာကျော်သည် ကုမ္ပဏီထံမှ အသက်အာမခံ တောင်းဆိုနေကာ ၆ ရက်မြောက်ဆက်တိုက် အလုပ် မဆင်းဘဲ နေကြသည်။

ဇန်နဝါရီလ ၅ ရက်နေ့က မြန်မာအလုပ်သမတဦးနှင့် ဘင်္ဂလားဒေ့ခ်ျ အလုပ်သမား တဦးတို့ ခိုက်ရန် ဖြစ်ပွါးခဲ့ပြီးနောက် သူတို့အနေနှင့် မလုံခြုံကြောင်း၊ သူတို့ အသက် အာမခံအတွက် တောင်းဆိုထားကြောင်း Ar Ramtha ရှိ Century Miracle Ltd. စက်ရုံမှ မြန်မာလုပ်သားများက ပြောသည်။

.
မြန်မာအလုပ်သမ အေးမြစန္ဒာသည် ဘင်္ဂလားဒေ့ခ်ျ အလုပ်သမားတဦး၏ ကိုယ်ထိလက်ရောက် ရိုက်နှက်ခြင်းကို ခံရကြောင်း မြန်မာ အလုပ်သမားများက ပြောဆိုကြပြီး ကုမ္ပဏီကမူ အဆိုပါ ပြောကြားချက်ကို မဟုတ်မှန်ကြောင်း ငြင်းဆိုထားသည်။

ဤသို့ စန္ဒာကို တိုက်ခိုက်ပြီးနောက် အခြား ဘင်္ဂလားဒေ့ခ်ျ အလုပ်သမားများကလည်း ကျန် အလုပ်သမားများကို ဆက်လက် ရိုက်နှက်ခဲ့ကြကြောင်း၊ ထို့ကြောင့် အနည်းဆုံး ၂၀ ခန့် ဒဏ်ရာရရှိခဲ့ကြကြောင်း မြန်မာ အလုပ်သမားများက ပြောသည်။

သို့သော် ကုမ္ပဏီ အုပ်ချုပ်ရေး မန်နေဂျာ Nayef Obeidat က မဇ္ဈိမသို့ တနင်္လာနေ့က ပြောကြားရာတွင်မူ စန္ဒာကသာ ယခုပြဿနာကို စတင်ခဲ့ခြင်းဖြစ်ပြီး ဘင်္ဂလားဒေ့ခ်ျ အလုပ်သမားကို စတင် တိုက်ခိုက်ခဲ့ခြင်း ဖြစ်သည်ဟု ဆိုသည်။

`ကျနော်တို့ တခြားနိုင်ငံသား အလုပ်သမား မျက်မြင်သက်သေတွေဆီက ထွက်ချက်တွေ ယူထားပါပြီ။ ကျနော်တို့ဆီမှာ တရုတ်၊ သီရိလင်္ကာ နဲ့ဂျော်ဒန် နိုင်ငံသား အလုပ်သမားတွေ ရှိပါတယ်။ သူတို့ပြောတာ ကြားရတာကတော့ မြန်မာမိန်းကလေးက ပြဿနာကို စတင်တယ်လို့ ဆိုပါတယ်။ သူက ဘင်္ဂါလီ အလုပ်သမားကို ပစ္စည်းတွေနဲ့ ပေါက်တာ၊ ဒါနဲ့ ဘင်္ဂါလီက ပြန်လုပ်တာ´ ဟု Nayef Obeidat ကပြောသည်။

`နောက်တော့ မြန်မာ အလုပ်သမားတွေက ကပ်ကျေးတွေ တခြားရရာပစ္စည်းတွေနဲ့ ဘင်္ဂလား အလုပ်သမားတွေကို ပေါက်တော့တာဘဲ။ ဒါနဲ့ ဘင်္ဂါလီတွေက စပြီး ပြန်လုပ်တော့တာပါ´ ဟု သူက ရှင်းပြသည်။

မြန်မာ အလုပ်သမား အချို့ ဒဏ်ရာ အနည်းငယ်စီ ရရှိကြောင်း သူတို့ကို ဆေးဝါးကုသပေးနေကြောင်း၊ ဘင်္ဂါလီ လူမျိုး အလုပ်သမား ၅ ဦးလည်း ဒဏ်ရာ အနည်းငယ်စီ ရသွားကြောင်းလည်း သူက ဆက်လက် ပြောဆိုသည်။

ကုမ္ပဏီ စီမံခန့်ခွဲရေး ဘုတ်အဖွဲ့က ဘင်္ဂါလီနှင့် မြန်မာ အလုပ်သမားများကို သက်ဆိုင်ရာ နိုင်ငံများသို့ ပြန်လည် စေလွှတ်ရန် စဉ်းစားနေပြီး၊ ပြဿနာ ပြေလည်ရေးအတွက် ဆွေးနွေး ညှိနှိုင်းမှုများကိုမူ ဆက်လက် လုပ်ဆောင်နေသည်ဟု Obeidat က ပြောသည်။

`ကျနော်တို့က ပြဿနာကို ငြိမ်းငြိမ်းချမ်းချမ်း သိမ်သိမ်မွေ့မွေ့ ဖြေရှင်းဘို့ကြိုးစားနေပါတယ်´ ဟု သူကပြောသည်။

သို့သော် အမည်မဖော်လိုသူ မြန်မာအလုပ်သမ တဦးက မဇ္ဈိမသို့ ပြောကြားရာတွင်မူ ကုမ္ပဏီ၏ ပြောဆိုချက်သည် မမှန်ကန်သော ထွက်ဆိုချက်များပေါ်တွင်အခြေခံထားခြင်းသာဖြစ်ပြီး ဘင်္ဂါလီ အလုပ်သမားများက ထပ်မံ တိုက်ခိုက်မည်ကို စိုးရိမ်ရသည့်အတွက် သူတို့အနေဖြင့် အလုပ်ခွင်သို့ ပြန်မသွားရဲကြကြောင်း ပြောသည်။

သူမ၏အပြောအရ စန္ဒာသည် ဇန်နဝါရီလ ၅ ရက်နေ့က ဘင်္ဂါလီ အလုပ်သမားများကြားတွင် အလုပ် မလုပ်လိုကြောင်း ပြောကြားခဲ့သည့်အတွက် အတူ အလုပ်လုပ်ကိုင်သူ ဘင်္ဂါလီ အလုပ်သမားက ပါး ၃ ခါ ရိုက်သည်ကို ခံခဲ့ရသည်ဟု ဆိုသည်။

ထိုသို့ ပြဿနာ စဖြစ်ပြီးနောက် အခြားအလုပ်သမားများက အခင်းဖြစ်ပွါးရာသို့ အပြေးသွားကြရာ အခြားဘင်္ဂါလီ လုပ်သားများ၏ ထပ်မံ တိုက်ခိုက်ခြင်းကို ခံခဲ့ရသည်ဟု ဆိုပါသည်။

`ဘင်္ဂါလီ အလုပ်သမားက အေးမြတ်စန္ဒာကို ပါးရိုက်လို့ ပြဿနာစဖြစ်တာပါ။ သူက ဘင်္ဂါလီ အလုပ်သမားတွေ ကြားထဲမှာ အလုပ်မလုပ်ချင်ဘူး။ မြန်မာ အလုပ်သမားတွေလုပ်တဲ့ လိုင်းမှာဘဲ အတူတူ အလုပ် လုပ်ချင်တယ်ပြောလို့ ပါးရိုက်ခံရတာပါ´ ဟု မြန်မာ အလုပ်သမ တဦးက ပြောသည်။

`တရုတ်နဲ့ ဂျော်ဒန် အလုပ်သမားတွေသာ ဝင်မဖျင်ရင် ကျမထင်တယ်၊ ကျနော်တို့အားလုံး သေကြမှာဘဲ´ ဟု မြန်မာ အလုပ်သမတဦးက ပြောသည်။ သူတို့ကို ဘင်္ဂါလီ အလုပ်သမား တရာကျော်က ခါးပတ်များ၊ ချည်ရစ်လုံးများ၊ ကုလားထိုင်များ၊ မီးချောင်းအကွဲများဖြင့် ဝိုင်းဝန်း တိုက်ခိုက်ခဲ့ကြသည်ဟုလည်း သူမက ဆက်ပြောသည်။

မြန်မာ အလုပ်သမားများက ကုမ္ပဏီက သူတို့ တောင်းဆိုချက်များကို မလိုက်လျောမချင်း အလုပ်ပြန် မဆင်းရန် ဆုံးဖြတ်ခဲ့ကြသည်။ သူတို့က ကုမ္ပဏီကို အသက်အာမခံထားပေးရန်၊ စော်ကားခံရသူ မြန်မာမိန်းကလေးကို လျော်ကြေးပေးရန်၊ လွန်ခဲ့သော ၆ ရက်လုံးလုံး အလုပ်မဆင်းသည့် မြန်မာ အလုပ်သမားများအား ဒဏ်ငွေ ပေးခိုင်းခြင်းတို့ကို ပြန်လည် ရုပ်သိမ်းစေရန်တို့ကို တောင်းဆိုထားခဲ့ကြသည်။

`ကျမတို့က အလုပ်ပြန်မဆင်းရဲဘူး။ အသက် အာမခံပေးဘို့နဲ့ ကုမ္ပဏီက လုံခြုံရေးအတွက် အစီအစဉ်တွေ လုပ်ပေးစေချင်တယ်´ ဟု သူမကပြောသည်။

သို့သော် Obeidat ကမူ ` ကျနော်တို့ စက်ရုံမှာ အသက်အာမခံဆိုတာ မရှိဘူး၊ စက်ရုံက အလုပ်သမားတွေ အတွက် မတော်တဆ ထိခိုက်မှု အာမခံဘဲရှိတယ်´ ဟု ပြောသည်။

သူတို့အနေဖြင့် အလုပ်သမား ကိုယ်စားလှယ်များနှင့် တွေ့ဆုံ ဆွေးနွေးနေကြောင်း၊ ဂျော်ဒန် အလုပ်သမား ဝန်ကြီးဌာနနှင့်လည်း ဆွေးနွေးလျက်ရှိကြောင်း သူက ပြောသည်။ မြန်မာ အလုပ်သမားများ၏ လုံခြုံရေးအတွက် မြန်မာအလုပ်သမားများကို အာမခံချက် ပေးထားကြောင်း Obeidat က ဆက်လက် ပြောကြားသည်။

CM Textile Company တွင် အလုပ် လုပ်ကိုင်နေသော မြန်မာ အလုပ်သမပေါင်း ၅၈၀ ရှိပြီး သူတို့ကို ရန်ကုန်မြို့ရှိ စည်းစိမ်သစ် အလုပ်သမား အေဂျင်စီကတဆင့် အလုပ်ရရှိခဲ့ခြင်း ဖြစ်ကြသည်။

ဂျော်ဒန် နိုင်ငံတွင် ဖြစ်ပေါ်လျက်ရှိသော မြန်မာနှင့် ဘင်္ဂါလီ အလုပ်သမားများအကြား ဖြစ်ပေါ်နေသော ပြဿနာကို သူတို့ သိရှိပါကြောင်းနှင့် ဤကိစ္စအတွက် ဆွေးနွေး ညှိနှိုင်းမှုများ လုပ်ဆောင်လျက်ရှိကြောင်း စည်းစိမ်သစ် မှ တာဝန်ရှိသူ တဦးက ပြောသည်။

ဤခိုက်ရန်ဖြစ်ပွါးမှုကို တနင်္လာနေ့ညနေတွင် ဆွေးနွေးရန် စီစဉ်ထားကြောင်း၊ ဆွေးနွေးရာတွင် မြန်မာ အလုပ်သမားများ၊ အလုပ်သမား အေးဂျင့်များနှင့် ဂျော်ဒန် အလုပ်သမား ဝန်ကြီးဌာနတို့ပါဝင် သည်ဟု ကုမ္ပဏီက ပြောသည်။

(မုံပီး တည်းဖြတ်သည်။)

လှိုင်းတိုပညာပေးရေဒီယို အစီအစဉ် မြန်မာကျောင်းသားများ အားပေး

.ရဲရင့် / ၁၂ ဇန်န၀ါရီ ၂၀၁၀
ရွှေ့ပြောင်းမြန်မာကျောင်းများရှိ ကျောင်းသူကျောင်းသားများအတွက် လူငယ်ပညာပေးဆိုင်ရာ အထွေထွေဗဟုသုတများ ပါရှိသည့် FM 99.75 လှိုင်းတို ရေဒီယိုလှိုင်းကို ရွှေ့ပြောင်းမြန်မာကျောင်းသားများ အထူးနှစ်သက်ကြကြောင်းသိရသည်။

အဆိုပါ ပညာပေးရေဒီယိုအစီအစဉ်ကို ထိုင်း-မြန်မာနယ်စပ် မဲဆောက်ဒေသအတွင်းရှိ မြန်မာရွှေ့ပြောင်း အထက်တန်းကျောင်းများမှ အောင်မြင်သွားသည့် မြန်မာကျောင်းသားလူငယ်များဖြင့် ယခုလဆန်း (၅) ရက်နေ့က စတင်ထုတ်လွှင့်ခဲ့ခြင်းဖြစ်သည်။

.
မဲဆောက်ရှိ ဆာသူးလေအထက်တန်းကျောင်းမှ ကျောင်းသူ မသင်းသင်းက “ဒီလိုင်းက မြန်မာ၊ ထိုင်း၊ ကရင်၊ ဘာသာတွေနဲ့ လွှင့်တော့ ကျောင်းသားတွေ အတော်ကြိုက်ကြတယ်။ လွှင့်ချိန်ကလည်း နေ့လယ် (၁၂) နာရီကနေ (၁) နာရီဆိုတော့ ထမင်းစားချိန်ဆိုတော့ နားထောင်ရတာ အဆင်ပြေတယ်။ အဓိကအထွေထွေဗဟုသုတ ပညာပေးကဏ္ဍပါလို့ဖြစ်တယ်”ဟု ပြောသည်။

စီဒီစီကျောင်းမှ အထက်တန်းကျောင်းသားတဦးဖြစ်သူ မောင်နိုင်က “ဒီလှိုင်းမှာ လွှင့်တာတွေက ကလေးအခွင့်အရေး၊ ပညာရေး၊ ကလေးအလုပ်သမားဆိုင်ရာတွေနဲ့ အခြေခံကျန်းမာရေး၊ ပညာရေး အစီအစဉ်တွေအပြင် ဖျော်ဖြေရေးကဏ္ဍတွေမှာလည်း တိုက်ရိုက်သီချင်းတောင်းဆိုနိုင်တဲ့ အစီအစဉ်တွေပါတယ်။ ဒါမျိုးက အရင်က တခါမှမရှိခဲ့ဘူး။ ဒါကြောင့် အားပေးမှု ရရှိတာဖြစ်တယ် ”ဟု ပြောသည်။

FM 99.75 လှိုင်းကို မဲဆောက်မြို့တွင် အခြေချ၍ မြို့ကိုဗဟိုပြု၍ ကီလိုမီတာ (၁၀၀) ပတ်လည်တွင် ဖမ်းယူရရှိနိုင်ပြီး မြန်မာဘက်ခြမ်း မြ၀တီမှ ကော့ကရိတ်မြို့အနီးထိ ဖမ်းယူရရှိနိုင်သည်ဟု ဒေသခံများက ပြောသည်။

အဆိုပါ FM လှိုင်း၏ စီမံခန့်ခွဲမှု မန်နေဂျာ နော်ချောင်ခူးက “ဒီအသံလွှင့်အစီအစဉ်ကို မြန်မာရွှေ့ပြောင်းကျောင်းတွေက အောင်မြင်သွားတဲ့ ကလေးငယ်တွေကို သင်တန်းစေလွှတ်ပြီး ဒီအသံလွှင့်လုပ်ငန်းမှာ သူတို့ကို လက်တွေ့ပြန်အသုံးချခိုင်းတာ ဖြစ်ပါတယ်။ အသံလွှင့်အစီအစဉ်ကိုလည်း ဆက်လက်တိုးချဲ့ဖို့ ရှိပါတယ်” ဟု ခေတ်ပြိုင်သို့ပြောသည်။

တပတ်လျှင် (၆) ရက်နှုန်းဖြင့် တနင်္လာ၊ အင်္ဂါ၊ ဗုဒ္ဓဟူးနေ့တို့တွင် မြန်မာဘာသာ၊ ကြာသပတေး၊ သောကြာတွင် ကရင်ဘာသာ ဖြစ်ပြီး စနေနေ့တွင် ထိုင်းဘာသာဖြင့် နေစဉ်အသံလွှင့်လျက်ရှိပြီး အပတ်စဉ်ထုတ်လွှင့်မှုအစီအစဉ်များကို ဘာသာသုံးမျိုးဖြင့် တင်ဆက်ခြင်းဖြစ်သည်။

မဲဆောက်မြို့တွင် ယခုလဆန်းအတွင်း မြန်မာရွှေ့ပြောင်းအလုပ်သမားများနှင့် ကျောင်းသားလူငယ်များအတွက် FM ရေဒီယို အသံလွှင့်ရုံ (၂) ခု စတင်ထုတ်လွှင့်လျက်ရှိသည်။ ပထမဦးဆုံးဖွင့်လှစ်သည့်လိုင်းမှာ MAP ဖောင်ဒေးရှင်းအဖွဲ့၏ FM 102.5 Mhz ဖြစ်ပြီး ဒုတိယလိုင်းမှာ မဲခေါင်လူငယ်ကွန်ရက်မှတင်ဆက်သည့် FM 99.75 လိုင်းများဖြစ်သည်။

ရွှေ့ပြောင်းမြန်မာအလုပ်သမားများနှင့် ကလေးငယ်များအတွက် မဲဆောက်မြို့တွင် ယခုနှစ်အတွင်း သဘာဝပတ်ဝန်းကျင် ထိန်းသိမ်းရေးအဖွဲ့အစည်းတခုမှလည်း မြန်မာဘာသာဖြင့် FM လှိုင်းတိုထုတ်လွှင့်မှုတခုကို ထုတ်လွှင့်ရန်ရှိသည်ဟု သိရသည်။

ဂျော်ဒန်နိုင်ငံရှိ မြန်မာအလုပ်သမများ စိုးရိမ်ဖွယ်ရာအခြေအနေနှင့်ကြုံနေရ

.Saturday, 09 January 2010 20:12 ဘစောတင်

ဂျော်ဒန် နိုင်ငံ မြို့တော် အမ္မန်မြို့အနီးရှိ Century Miracle Co.Ltd အထည်ချုပ်စက်ရုံတွင် ဘင်္ဂလားဒေ့ရှ် အလုပ်သမားများ၏ စတင်ရန်ရှာမှုနှင့်ပတ်သက်ပြီး ပဋိပက္ခဖြစ်ပွားရာမှ ဆန္ဒပြခဲ့သည့် မြန်မာ အလုပ်သမ ၆၀၀ ကျော်သည် ဖိအားပေးအကျပ်ကိုင်မှုများ၊ စိုးရိမ်ဖွယ်ရာအခြေအနေများနှင့် ရင်ဆိုင်နေရကြောင်း သတင်း ရရှိသည်။

ထိုစက်ရုံမှ ဘင်္ဂလားဒေ့ရှ် အလုပ်သမားများသည် မြန်မာအလုပ်သမ များကို တွေ့သည့်နေရာ၌ ရန်မူနေ သဖြင့် အလွန်တရာ စိုးရိမ်နေရကြောင်း မြန်မာအလုပ်သမ တဦးဖြစ်သူ မအိအိခင်က ဧရာဝတီသို့ ယနေ့ တွင် ပြောသည်။

.“အခု ကျမတို့ကို လူကြီးတွေက အလုပ်ဆင်းဖို့ ခေါ်ခိုင်းနေတယ်၊ အဓိကကျတဲ့ လူကြီး လေးယောက်ကို ပြော ခိုင်းထားတယ်၊ အခု သူတို့ လေးယောက်မရှိဘူး။ ရှောင်နေကြတယ်၊ လူကြီးတွေ ဘာပြောမလဲဆိုတာကို ကျမတို့စောင့်နေတယ်။ ကျမတို့ဘက်ကတော့ ပြောစရာဘာမှမရှိတော့ဘူး၊ ပြန်မယ်ဘဲပြောထားတယ်၊ အလုပ်ရှင်ကတော့ အတင်းစည်းရုံးနေတယ်။ ရန်ကုန်က အေးဂျင့် ကလည်း ဘာမှမဆက်သွယ်လာဘူး၊ ရန်ကုန်ကမိဘတွေ ဖုန်းဆက်လာတာကတော့ စည်းစိမ်သစ်က ဦးအေးမြင့် ဂျော်ဒန်ကိုလာနေတယ်လို့ ပြော တယ်၊ ခုအချိန်ထိတော့ ဘယ်သူမှ ရောက်မလာသေးဘူး၊ ဖြစ်နိုင်ရင် အမြန်ဆုံးလာပေးကြပါ၊ ဒီမှာ မိုးလင်း ရင် ရေမီးအကုန်ပိတ်ပစ်တယ်။ အ ပြင်လည်းမထွက်ရဲဘူး ရဲကလည်းကြောက်ရတယ်။ ဘင်္ဂလား တွေက လည်း ဗမာတွေကိုတွေ့ ရင် လုပ်မယ်ဆိုတာချည်းပဲ၊ ဂျော်ဒန်မှာ မြန်မာအလုပ်သမားရှိတဲ့ စက်ရုံနှစ်ရုံ ရှိတယ်၊ ကျမတို့ စက်ရုံက အာမခံပေးမယ့်လူမရှိဘူး” ဟု ၎င်းက ပြောပြသည်။

အဆိုပါစက်ရုံတွင် မြန်မာအလုပ်သမ ၆၀၀ ကျော်ထဲမှ အလုပ်သမားကြီးကြပ်ရေးမှူး (စူပါ) အဆင့်ရှိ သူ လေး ဦး ရှိကြောင်း၊ ယင်းစူပါလေးယောက်ကို အလုပ်သမားများအား အလုပ်ပြန်ဆင်းရန် အတင်းအဓမ္မ ဖိအားပေး စေခိုင်းနေသော်လည်း အလုပ်သမများက မဆင်းဟု တင်းခံနေသဖြင့် စူပါ လေးဦးမှာ ရှောင် တိမ်းနေသည် ဟုလည်း ဆိုသည်။

ပြီးခဲ့သည့် ဇန်န၀ါရီလ ၅ ရက်နေ့က ဘင်္ဂလားဒေ့ရှ် အလုပ်သမားက မြန်မာအလုပ်သမ မအေးမြတ်စန္ဒာ ဆို သူကို ရန်ရှာ ရိုက်နှက်မှုနှင့် ပတ်သက်ပြီး ၆ ရက်နေ့တွင် ယင်း ဘင်္ဂလားဒေ့ရ်ှအလုပ်သမားကို အရေးယူပေး ရန် မြန်မာ အလုပ်သမများက အလုပ်မဆင်းဘဲ ဆန္ဒပြတောင်းဆိုခဲ့ကြခြင်းဖြစ်ကြောင်း၊ သို့သော် အလုပ်ရှင် က မည်သို့မျှ အရေးမယူဘဲ မြန်မာအလုပ်သမများကိုသာ အလုပ်ဆင်းရန် ဖိအားပေးလျှက်ရှိကြောင်း သိရ သည်။

စက်ရုံအလုပ်သမ တဦးဖြစ်သူ မနှင်းနှင်းဝေက“အစက ကျမတို့ မြန်မာအလုပ်သမတွေဟာ ကိုယ်လူမျိုး အချင်းချင်း တလိုင်းတည်းလုပ်ကြတယ်။ ဟိုတလောက အလုပ်အရေးကြီး တယ်ဆိုပြီး လူတွေကို ရောပစ် တယ်၊ ကျမတို့က ဘင်္ဂလားဒေ့ရှ်၊ သီရိ လင်္ကာတွေနဲ့ အတူတူ ကျတယ်။ သူတို့ က ယောက်ျားလေးတွေ ဆိုတော့ ကျမတို့ က မလုပ်ချင်ဘူး၊ ပြီးရင် ကိုယ့်လူမျိုး အချင်းချင်း ပြန်လုပ်မယ်လို့ ပြောနေကြတာကို ဒီကုလားတွေက နားညီး တယ် ဘာညာနဲ့ပြောရာက စဖြစ် တာ၊ အေးမြတ်စန္ဒာ ကို ကုလားက ပါးသုံးချက် ဆင့်ရိုက်ပစ်တာ အခုထက်ထိ ပူထူပြီး ခံနေရတုန်းပဲ။ ဒါကြောင့် ကျမတို့ ဗမာတွေကို ဒီ ဘင်္ဂလားဒေ့ရ်ှတွေ က မတရားချတယ်ဆိုပြီး မကျေနပ်လို့ စက်ရုံက လူကြီးတွေကို သွားပြောတယ်၊ အဲဒါကို ကုလား တွေက ခါးပတ်တွေနဲ့ရိုက်တယ်။ ကပ်ကြေးနဲ့ ပစ်တယ်။ ချည်လုံးတွေနဲ့ရော စုံနေတာပဲ၊ စန်းသီတာဆိုရင် ခါးပတ်နဲ့ အရိုက်ခံရလို့ ခေါင်းမှာ နှစ်ချက်ချုပ်လိုက်ရတယ်၊ အခြား လက်တွေ ခြေထောက်တွေ နာတဲ့လူတွေလည်း အများကြီးပဲ” ဟု ပြောပြသည်၊

မအေးမြတ်စန္ဒနှင့် မစန်းသီတာတို့ ၂ ဦးလုံး မြန်မာနိုင်ငံ ရန်ကုန်မြို့မှ ဂျော်ဒန်နိုင်ငံတွင် လာရောက် အလုပ်လုပ် နေသူများ ဖြစ်သည်ဟုလည်း ဆိုသည်။

မနှင်းနှင်းဝေ၏ မိခင် ဒေါ်တင်တင်အုန်းကလည်း“ကျမအရမ်းကို စိုးရိမ်မိတယ်၊ ကျမသမီးလေးတို့ ဟာ အရမ်း ဒုက္ခရောက်နေတာကို ဖုန်းဆက်ပြောပြလို့ ကျမအိပ်လို့လည်းမရဘူး၊ အဲဒီမှာက မိန်းကလေးတွေချည်းပဲ ဆိုတော့ နိုင်စားတဲ့ လူတွေကလည်း အနိုင်ကျင့်ချင်ကြတာပေါ့လေ၊ မိန်းကလေးတယောက်ကို ယောက်ျား ကြီး တွေက ပါးရိုက်တာ။ အားကိုးရာမဲ့ ကလေးမတွေကို ဆက်လက်အနိုင်ကျင့်နေတာကတော့ တစက်မှ မတရားပါဘူး၊ ကျမတို့ သမီးလေးတွေကို ကယ်ကြပါလို့ပဲ ပြောပါရစေ”ဟု ပြောသည်။

ဒေါ်တင်တင်အုန်းသည် ထိုင်းနိုင်ငံ မဲဆောက်မြို့ အထည်ချုပ်စက်ရုံ တရုံတွင် အလုပ်လုပ်ကိုင်နေသူဖြစ် သည်။

ဆန္ဒပြသည့်နေ့မှစ၍ ရေဖြတ်၊ မီးဖြတ်၊ ချက်ပြုတ် သုံးစွဲရန် ဂက်စ်ဖြတ်ခြင်းတို့ကို ခံထားရသဖြင့် မြန်မာ အလုပ် သမများသည် စားရေးသောက်ရေးအလွန်ခက်ခဲလျှက်ရှိသည့်အပြင် ဘင်္ဂလားဒေ့ရှ် အလုပ်သမား၏ အန္တရာယ်ကိုလည်း စိုးရိမ် နေရကြောင်း သိရသည်။

ယခုကိစ္စနှင့်ပတ်သက်၍ မြန်မာအလုပ်သမများကို ဂျော်ဒန်နိုင်ငံသို့ ပို့ဆောင်ပေးခဲ့သော ရန်ကုန်မြို့ရှိ စည်းစိမ်သစ် ပြည်ပအလုပ်အကိုင်ရှာဖွေရေး ကုမ္ပဏီသို့ဆက်သွယ်မေးမြန်းခဲ့ရာ တာဝန်ရှိသူ တဦးက “ဂျော်ဒန်မှာရှိတဲ့ မြန်မာအလုပ်သမတွေကို အတင်းအဓမ္မ ပြန်ခိုင်းနေတာ မဟုတ်ပါဘူး ခင်ဗျား မဟုတ်ပါ ဘူး”ဟုသာ ပြန်လည် ဖြေကြားသည်။

အဆိုပါ Century Miracle Co.Ltd အထည်ချုပ်စက်ရုံတွင် မြန်မာ နိုင်ငံမှ လာရောက် အလုပ်လုပ်သော အမျိုးသားတဦးမျှမရှိဘဲ မြန်မာ အမျိုးသမီးများသာရှိကြောင်း သိရသည်။

လှိုင်သာယာ စက်မှုဇုန်တွင် အလုပ်သမားများ ဆန္ဒပြ

.Friday, 08 January 2010 15:46 သန်းထိုက်ဦး

ရန်ကုန်မြို့လှိုင်သာယာ စက်မှုဇုန် ၂ ရှိ ပုစွန် အအေးခန်း စက်ရုံတရုံမှ အလုပ်သမား ၁၀၀ ခန့်သည် ယမန်နေ့က ၎င်းတို့ ရပိုင်ခွင့် များကို ဆန္ဒပြတောင်းဆိုခဲ့ကြောင်း သိရသည်။

အဆိုပါ စက်ရုံတွင် ယမန်နေ့ နံနက် ၈ နာရီခန့်က အမျိုးသမီး ၁၀၀ခန့် ဦးဆောင်၍ အချက် ၁၀ ချက် ပါသော အလုပ်သမား အခွင့်အရေးများကို ဆန္ဒပြတောင်းဆိုခဲ့ကြသည်ဟု စက်ရုံ အလုပ်သမားများ နှင့် နီးစပ်သူ တဦးက ဧရာဝတီသို့ ပြောသည်။

ယင်း စက်ရုံတွင် အလုပ်သမား စုစုပေါင်း ၂၃၀ ခန့်ရှိပြီး အမျိုးသမီးအများစု ဖြစ်ကြောင်း သိရသည်။

.ထိုသို့ အလုပ်သမား တောင်းဆို ဆန္ဒပြမှုနှင့် ပတ်သက်ပြီး ဧရာဝတီ သတင်းဌာနမှ တယ်လီဖုန်းဖြင့် ဆက်သွယ်မေးမြန်းခဲ့ရာ ယင်း စက်ရုံမှ ရုံးဝန်မှ တာဝန်ရှိသူတဦးက အသေးစိတ်ကို မဖြေကြားခဲ့သော်လည်း ဆန္ဒပြခြင်းသည် မှန်ကန်ကြောင်း အတည်ပြုပြောဆို သည်။

ရန်ကုန်မြို့ရှိ အမည်မဖော်လိုသည့် သတင်းထောက်တဦးက “အဓိက ကတော့ လစာကိစ္စလို့ ပြောနေကြတယ်”ဟု ဆိုသည်။

အမျိုးသမီးများက ဆန္ဒပြ တောင်းဆိုနေချိန်၌ အလုပ်သမားဝန်ကြီးဌာန ဒုတိယ ညွန်ကြားရေးမှူး ဦးဝင်းရှိန် ရောက်ရှိလာခဲ့ပြီး ၎င်း နှင့် အတူ ရဲ တပ်ဖွဲ့ဝင်များ ရောက်ရှိလာကာ လုံခြုံရေးတင်ကျပ်ထားခဲ့ ကြောင်းလည်း သိရသည်။

မြန်မာနိုင်ငံတွင် စက်ရုံ အလုပ်သမား တဦးလျှင် အခြေခံလစာငွေ ကျပ် ၂ သောင်းမှ အမြင့်ဆုံး ၄ သောင်းအထိသာရရှိရာ အလုပ် သမားများအနေနှင့် စားဝတ်နေရေး ခက်ခဲမှုရှိသောကြောင့် အိုဗာတိုင် ကြေးရရန် အချိန်ပို ဆင်းကြရကြောင်း အထက်ပါ အလုပ် သမားများနှင့် နီးစပ်သူက ဆိုသည်။

သို့သော်ထို အလုပ်သမားများသည် အလုပ်ရှင်များ၏ အလွယ်တကူအလုပ်ထုတ်ခံကြရမှုများ ရှိကြောင်း သိရသည်။ အလုပ် သမားများကို အလုပ်ထုတ်လိုက်သော်လည်း ထိုက်သင့်သည့် လျော်ကြေးငွေပေး ခြင်းမရှိကြောင်း အလုပ်ပြုတ်ခဲ့သူများက ပြောဆိုကြသည်။

မြန်မာနိုင်ငံ စက်ရုံ လုပ်ငန်းများတွင် ၀င်ရောက်လုပ်ကိုင်လျက်ရှိသော အလုပ်သမားများ၏ ၈၀ ရာခိုင်နှုန်း ကျော်သည် အခြေခံ လူတန်းစားများ ဖြစ်ကြပြီး အများစုမှာ နေ့စား အလုပ်သမားများသာ ဖြစ်ကြကြောင်း မှတ်တမ်းများအရ သိရသည်။

ယဇ်ပူဇော်မည် ဆိုသောကြောင့် မြန်မာအလုပ်သမားတို့ အလုပ် မဆင်းရဲ

.Friday, 08 January 2010 20:01 သန်းထိုက်ဦး

ထိုင်းနိုင်ငံ တောင်ပိုင်း ဖန်ငမြို့တွင် တည်ဆောက်ဆဲ တံတားတခုအတွက် လူ ဦးခေါင်း ၁၀၀ ကို ဖြတ်၍ ယဇ်ပူဇော်မည် ဟူသော ကောလာဟလကြောင့် လုပ်ငန်းခွင်သို့ သွားရောက်ရန် စိုးရွံ့နေကြသည်ဟု ထိုဒေသရှိ မြန်မာအလုပ်သမားများက ပြောသည်။

ထိုသို့ ယုံကြည်နေကြခြင်းမှာ မှားယွင်းနေကြောင်း၊ သို့သော်လည်း ထိုဒေသရှိ မြန်မာ နှင့် ထိုင်း အလုပ်သမားများ အတွက် လုံခြုံရေး ယူပေးမည်ဖြစ်ကြောင်း ဖန်ငခရိုင် ရဲတပ်ဖွဲ့မှ ရဲမှူးကြီးတဦးက ထိုင်းနိုင်ငံ အမှတ် ၇ ရုပ်မြင်သံကြားဌာနသို့ ပြောသည်။

.ဖန်ငဒေသမှ ဆာရာစင် တံတား ဆောက်လုပ်ရေး စီမံကိန်းအတွက် ဦးခေါင်း ၁၀၀ စတေးမည်ဟူသော ကောလာဟလကြောင့် ထိုဒေသမှ အလုပ်သမားအများအပြား စိုးရိမ်နေကြသည်ဟု ဆိုသည်။ (ဓာတ်ပုံ - www.thairath.co.th)
“ဒီ သတင်းတွေနဲ့ ပတ်သက်ပြီး ကျနော်တို့ စုံစမ်းနေပါတယ်၊ ဒါပေမယ့် ခေါင်းဖြတ်ခံရတဲ့ လူတွေကို မတွေ့ပါဘူး၊ အလုပ်သမားတွေကို အလုပ် ပုံမှန် ပြန်လုပ်ကြပါလို့ တိုက်တွန်းထားတယ်” ဟု အဆိုပါ ရဲမှူးကြီးက ရှင်းပြသည်။

လွန်ခဲ့သည့် ၁၀ ရက်ခန့်မှ စတင်ပြီး မြန်မာအလုပ်သမားများသာမက ထိုဒေသရှိ ထိုင်းလူမျိုးများကလည်း တံတားနှင့် ပတ်သက်သည့် သတင်းအမှားများကို ယုံကြည်နေကြသည်ဟု အလုပ်သမားအရေး လုပ်ကိုင်နေသူများက ပြောသည်။

ဖူးကက်မြို့ နှင့် ဖန်ငမြို့ကြား ဆက်သွယ်သည့် ထိုတံတားသည် ဆာရာစင် ဟု အမည်ရပြီး တံတားဟောင်း တခုကို ဖျက်၍ အသစ်ဆောက်နေခြင်း ဖြစ်သည်။

ကောလာဟလ ထွက်ပေါ်လာပြီး နောက်ပိုင်း နေ့ခင်းဘက်တွင် အလုပ် လုပ်ကိုင်ကြသူများ ရှိသော်လည်း ညဘက်တွင် လုပ်ငန်းခွင်ဝင်ရန် မဝံ့ရဲကြကြောင်း သိရသည်။

“ညဘက် အလုပ်ဆင်းရင် ခေါင်းလိုက်ဖြတ်တယ်ဆိုတဲ့ သတင်းကို အလုပ်လိုချင်တဲ့သူတွေက ဖြန့်တာ ဖြစ်ဖို့ များတယ်။ ရော်ဘာစေးခြစ်တဲ့အလုပ်သမားက ကြောက်ပြီး အလုပ်မဆင်းရင် အလုပ်ရှင်က လူသစ်ခေါ်ပြီး ခန့်လိုက်တာပဲ။ စကားက တဖြည်းဖြည်းနဲ့ ကားသွားတာ ဖြစ်ပါလိမ့်မယ်” ဟု ထိုဒေသမှ အလုပ်သမားအရေး ဆောင်ရွက်နေသူတဦးက ပြောသည်။

“လူသတ်မှုတွေကလည်း ရော်ဘာခြံတွေမှာ ရံဖန်ရံခါ ဖြစ်နေတော့ တချို့ကလည်း ရော်ဘာ မခြစ်ရဲကြဘဲ စိုးရိမ်နေကြတယ်” ဟု ထိုဒေသတွင် အခြေစိုက်ပြီး အလုပ်သမားအရေး လုပ်ကိုင်နေသော GHRE အဖွဲ့ ဒါရိုက်တာ ဦးထူးချစ်က ဧရာဝတီသို့ ပြောသည်။

တံတား ဆောက်ရန် အတွက် ယဇ်ပူဇော်ရမည် ဟူသော အယူအဆမှာ ယခုခေတ်ကြီး၌ မရှိတော့သဖြင့် မကြောက်ကြရန်၊ လုပ်ငန်းခွင်သို့ ဝင်ရန် လိုက်လံ တိုက်တွန်းနေရသည်ဟု ဦးထူးချစ်က ရှင်းပြသည်။
ထိုင်းနိုင်ငံတောင်ပိုင်းရှိ ဖန်ငခရိုင် နှင့် တခြားခရိုင်များတွင် မြန်မာပြည်သား အလုပ်သမား တသန်းခန့် အလုပ် လုပ်ကိုင်လျက်ရှိသည်ဟု သိရသည်။

ဘင်္ဂလားတွင် တရားမဝင် မြန်မာများ ဖမ်းဆီး

.ငြိမ်းချမ်း | ကြာသပတေးနေ့၊ ဇန်နဝါရီလ ၀၇ ရက် ၂၀၁၀ ခုနှစ် ၁၅ နာရီ ၃၂ မိနစ် ဒါကာ (မဇ္ဈိမ) ။ ။ ဘင်္ဂလားဒေ့ခ်ျ-မြန်မာ နယ်စပ်မြို့ဖြစ်တဲ့ ကော့စ်ဘာဇာတွင် တရားမဝင် နေထိုင်လျက်ရှိသော မြန်မာ နိုင်ငံသားများကို ဒေသ အာဏာပိုင်များက ဖမ်းဆီးလာသည်။

ယခုလ ၂ ရက်နေ့မှ စတင်ခဲ့သော ယင်းစီမံချက်ကြောင့် ဘင်္ဂလားဒေ့ခ်ျနိုင်ငံ ကော့စ်ဘာဇာတွင် မြန်မာနိုင်ငံသား အနည်းဆုံး ၃၀ ဦး အဖမ်းခံခဲ့ရသည်။

“ဖမ်းမိတဲ့ မြန်မာနိုင်ငံသားတွေကို ကော့စ်ဘာဇာ အကျဉ်းထောင်ကို ပိုိ့လိုက်ပါပြီ။ သူတို့ကို တရားမဝင် နယ်စပ် ဖြတ်ကျော်မှု ပုဒ်မနဲ့ တရားစွဲထားပါတယ်” ဟု ကော့စ်ဘာဇာ ရဲစခန်းမှ ရဲတပ်သား မူဟာမက် အာဘူကာလန် (MD, Arbu Kalam) က ပြောသည်။

.ဘင်္ဂလားဒေ့ခ်ျရှိ ရိုဟင်ဂျာ ဒုက္ခသည် ၉၀၀၀ ကို မြန်မာဘက်မှ ပြန်လည် လက်ခံမည်ဟု သဘောတူညီမှု ရရှိပြီးနောက် ဖမ်းဆီးမှု ပေါ်ထွက်လာခြင်း ဖြစ်သည်။

ယခင်က ဘန်တရိုဘန်ခရိုင်တွင်း မြို့နယ်များနှင့် တက္ကာနာမြို့နယ်အတွင်းမှ ကျေးရွာများတွင် တရားမဝင် နေထိုင်သော မြန်မာ နိုင်ငံသားများကို ဖမ်းဆီးရမိသောအခါ ဘင်္ဂလားဒေ့ခ်ျ နယ်ခြားစောင့်တပ် (BDR) လက်သို့ လွှဲအပ်ကာ နယ်စပ်လမ်းများမှ တဆင့် မြန်မာနိုင်ငံသို့ ပြန်လည် ပို့ဆောင်ပေးခဲ့သော်လည်း ယခုတကြိမ်တွင်မူ တရားစွဲဆိုမှု ပြုလုပ်လာခဲ့သည်။

“မနေ့က ရဲတွေက ဆိုက္ကားနင်းသွားတဲ့ လူတယောက်ကို မေးမြန်းပြီး စစ်တယ်။ အထောက်အထား မပြနိုင်တော့ လူရော၊ ဆိုက္ကားကိုပါ တပါတည်း ဖမ်းသွားတယ်” ဟု ကော့စ်ဘာဇာမြို့နေ မြင်တွေ့ရသူတဦးက ပြောသည်။

ဘင်္ဂလားဒေ့ခ်ျ နိုင်ငံအတွင်း အကျဉ်းချခံလိုက်ရသော အကျဉ်းသားများအနေဖြင့် ထောင်ကျရက် ကုန်ဆုံးသွားသော်လည်း မြန်မာနိုင်ငံသား ဟုတ်မဟုတ်နှင့် မြန်မာနိုင်ငံအတွင်း အမှန်တကယ် နေထိုင်ခြင်း ရှိမရှိကို စစ်ဆေးပြီးမှ ပြန်လည် ခေါ်ယူလေ့ရှိသည်။

မြန်မာအလုပ်သမား (၁၀၀) ခန့် ပြန်ပို့ခံရ

.Wednesday, 06 January 2010 13:24 ရိုးမ ၃

အလုပ်ကိုင်ရှာဖွေရေး အေးဂျင့်၏ လိမ်လည်မှုကြောင့် မြန်မာအလုပ်သမား (၁၀၀) နီးပါး စင်္ကာပူနိုင်ငံမှ ပြန်ပို့ခံရသည်။

ပြီးခဲ့သည့် ဒီဇင်ဘာ ၃၀ ရက်နေ့က အလုပ်လုပ်ခွင့် သက်တမ်း (၆) လပြည့်သည့် အချိန်တွင် စင်္ကာပူနိုင်ငံတွင် အလုပ်လုပ်ကိုင်နေသည့် မြန်မာအလုပ်သမားများကို ပြန်ပို့လိုက်ခြင်းဖြစ်ကြောင်း ကာယကံရှင်တဦးက ပြောသည်။

.“သူတို့က ကျနော်တို့မသွားခင် အရင်ဆုံး (၁) နှစ်စာလို့ဘဲပြောတယ်၊ ပြီးရင်နောက်တနှစ် ထပ်ပေးမယ်ပေါ့၊ အဲဒီလိုနဲ့စာချုပ်ချုပ်တာ တကယ်တမ်းသွားတော့ (၆) လဖြစ်သွားတာ၊ (၆) လနဲ့ ပြန်လွှတ်လိုက်တာ၊ တကယ်တမ်း ဟိုဘက်က ခေါ်တာက (၆) လဘဲခေါ်တာ၊ ဒါပေမဲ့ ဒီဘက်ကုမ္ပဏီက ကျနော်တို့ကိုလိမ်လိုက်တာ” ဟု ၎င်းကဆက်ပြောသည်။

ယင်းကဲ့သို့ သွားရောက်ရန် ဝန်ဆောင်မှုပေးသည့်ကုမ္ပဏီမှာ ကောင်းဆက်ကုမ္ပဏီဖြစ်ပြီး စင်္ကာပူနိုင်ငံတွင်လည်း ငွေဇင်ယော်အမည်ဖြင့် ကုမ္ပဏီရုံးခွဲဖွင့်လှစ်ထားပြီး အဆိုပါကိစ္စနှင့်ပတ်သက်၍ တစုံတရာ ဆောင်ရွက်ပေးခြင်းမရှိကြောင်း ကာယကံရှင်က ဆက်ပြောသည်။

“ကျနော်တို့ မသွားခင်မှာ သင်တန်းတက်တာရော အကုန်ဝန်ဆောင်ကြေး သိန်း ၃၀ လောက်ရှိတယ်၊ အရင်းမကြေပါဘူး၊ ဘာကြောင့်လည်းဆိုရင် ဟိုကိုရောက်ခါစက သူ့နိုင်ငံမှာနေရင် လုပ်ရမဲ့ စည်းမျဉ်းစည်းကမ်း စာမေးပွဲ လေးတွေဖြေတဲ့ စရိတ်တွေရှိတယ်၊ ခရီးသွားလာခွင့်ကဒ်တွေလုပ်တဲ့ ကုန်ကျစရိတ် ရှိတယ်၊ တကယ်တမ်းကျတော့ လခက ၄၅၀ နှုန်းဘဲရတယ်၊ အရင်ကလည်း အဲဒီကုမဏီက နှစ်နှစ်စာ အကျိုးဆောင်ခ တောင်းထားတာ သိန်း ၄၀ လောက်ရှိတယ်၊ အဲဒီလူတွေကလည်း တနှစ်လောက်ဘဲလုပ်ရတယ်၊ ကျနော်တို့က နှစ်ဆ နှစ်ဆပေးပြီး သူ့အတွက်လုပ်ပေးနေရပြီး ကိုယ့်အရင်းပါ ပျောက်သွားသလိုဖြစ်တာ” ဟု ၎င်းက ပြောသည်။

စင်္ကာပူတွင် အလုပ်လုပ်စဉ် အတွင်းမှာလည်း ခွဲခြားဆက်ဆံခံရခြင်းများရှိပြီး လုပ်အားခ အနိမ့်ဆုံးလခကိုသာ ရရှိကာ အခြားဖိလစ်ပိုင်၊ ထိုင်း၊ အိန္ဒိယအလုပ်သမားများမှာ လုပ်အားခ ၉၀၀ နီးပါရရှိကြောင်း ၎င်းက ပြောသည်။

“အဲဒီ အေးဂျင့်က ကျနော်တို့ကို သက်သက်ကို အနိုင်ကျင့်လိုက်တာ၊ သူတို့ ရုံးခွဲလည်း ရှိတာဘဲ၊ ကျနော်တို့က အဲလိုဖြစ်တာကို အကြောင်းကြားတော့ ရှောင်နေတယ်၊ ဘာမှ တစုံတရာ လိုက်ဖြေရှင်းပေးတာ မရှိဘူး” ဟု ကာယကံရှင်က ဆက်ပြောသည်။

အဆိုပါ ပြန်ပို့ခံရသူများမှာ ၂၀၀၉ ခုနှစ် မတ်လက သွားရောက်အလုပ်လုပ်ကိုင်ကြသူများဖြစ်ပြီး ဝန်ဆောင်မှု ကုမ္ပဏီက ၂ နှစ်ဗီဇာရမည်ဖြစ်ကြောင်း ပြောဆိုထားခဲ့သည်ဟု ပြောသည်။

ကောင်းဆက်ကုမ္ပဏီ တာဝန်ရှိသူတဦးက “ကျနော်တို့အလုပ်ကြော်ငြာထဲမှာကိုက Work ပါမစ်နဲ့ တနှစ်ဆို တနှစ် ပြည့်မှဘဲ ပြန်လွှတ်တာပါ၊ အဲဒါကို ပြန်လာတဲ့သူတွေက ပြောတယ်ဆိုရင်လည်း ကျနော်တို့ ကောင်းဆက်က မဖြစ်နိုင်ပါဘူး၊ ဘာဖြစ်လို့လည်းဆိုတော့ ကျနော်တို့ စင်္ကာပူမှာလည်း ကုမဏီခွဲရှိတဲ့အတွက် အလုပ်သမားတွေနဲ့လည်း အချိတ်အဆက်ရှိတယ်၊ တနှစ်စာချုပ်ချုပ်ထားရင် တနှစ်အပြည့်ဘဲ လုပ်ရပါတယ်၊ (၆) လနဲ့ ပြန်လွှတ်တာတို့ ဘာတို့တော့ မရှိပါဘူး” ဟု ပြန်လည်ဖြေကြားခဲ့သည်။

အဆိုပါ ကောင်းဆက်ကုမ္ပဏီကို ဒေါ်ဌေးဌေးယုစံက တာဝန်ယူပြီး စင်္ကာပူမှ ငွေဇင်ယော်ကုမ္ပဏီကို ဦးဇော်ညွှန့်က ဦးစီးလုပ်ကိုင်နေလျှက်ရှိကာ မြန်မာနိုင်ငံမှ အလုပ်သမားများကို စင်္ကာပူ၊ ကာတာ၊ ဒူဘိုင်း၊ မလေးရှား အစရှိသည့် နိုင်ငံများသို့ ပို့ဆောင်ပေးနေသည်ဟု အဆိုပါ တာဝန်ရှိသူက ဆက်ပြောသည်။

မြန်မာရွှေ့ပြောင်းအလုပ်သမားများအတွက် အဆင့်မြင့်ပညာသင်ကျောင်းဖွင့်ပြီ

.သတင်းနှင့်မီဒီယာ ကွန်ယက်။ ဇော်ကြီး။
ဇန္န၀ါရီလ ၄ ရက်၊ ၂၀၁၀ ခုနှစ်။

ထိုင်းနိုင်ငံမြောက်ပိုင်း ချင်းမိုင်မြို့တွင် မြန်မာနိုင်ငံသား ရွှေ့ပြောင်းအလုပ်သမားများ အဆင့်မြင့်ပညာသင်ကြားနိုင် ရန် Bridging Educational Access to Migrants (BEAM) ကျောင်းသစ်တစ်ခု ယနေ့စတင်ဖွင့်လှစ်လိုက်သည်။

ယင်းသင်တန်းကျောင်း၌ နိုင်ငံတကာတက္ကသိုလ်အဆင့်အထိ ဆက်လက်ပညာသင်ကြား ခွင့်ရနိုင်ရန် ပြင်ဆင် ပေးခြင်းနှင့် အဆင့်မြင့် အသက်မွေးဝမ်းကျောင်းပညာသင်တန်းဟု အဆင့် ၂ ဆင့်သတ်မှတ်ထားသည်ဟု အ သက်မွေးဝမ်းကျောင်းပညာသင်တန်း လုပ်ငန်း တာဝန်ခံ ကိုကျော်ဝင်းက ယခုလိုပြောသည်။

.“အဓိကကတော့ တက္ကသိုလ်ကိုဝင်နိုင်အောင် ကျနော်တို့ ပြင်ဆင်ပေးမှာပါ။ဘယ်လို တက္ကသိုလ်မျိုးတွေ လည်းဆိုတော့ နိုင်ငံတကာတက္ကသိုလ်မျိုးတွေကို ဆက်ပြီးတော့ ပညာဆည်းပူးနိုင်အောင် ကျနော်တို့ လုပ်ပေးမှာပါ။ သူတို့ကိုယ်တိုင် ကျိုးစားဖို့တော့ လိုတယ်။ ဆိုတော့ ဟိုဖက်က တက္ကသိုလ်ဆက်တက်ဖို့ ကိုတော့ လိုအပ်တဲ့ အဖွဲ့အစည်းတွေနဲ့ ကျနော်တို့က ဆက်သွယ်ပေးမယ်။ အဓိကကတော့ စကောလား ရှစ်နဲ့ပတ်သက်တဲ့ အဖွဲ့အစည်းတွေကို ကျနော်တို့က ကူညီပြီးတော့ ရှာဖွေပေးမယ်။”

တက္ကသိုလ်ဝင်တန်းအဆင့် သင်တန်းသို့တက်ရောက်နိုင်ရန်အတွက် အနိမ့်ဆုံး မြန်မာပြည် တွင် ၁၀ တန်းအထိ ပညာသင်ကြားထားသူများကို အဓိက ရွေးချယ်မည်ဖြစ်ပြီး သင်တန်းကာလ ၂နှစ် သတ်မှတ်ထားသည်။ ပထမ နှစ်တွင် ၁၀ တန်းအဆင့်အား ပြန်လည်မွန်းမံသင်ကြားပေးပြီး ဒုတိယနှစ်တွင် တက္ကသိုလ်အဆင့် တက်ရောက် နိုင်ရန် သင်ကြားပေးမည်ဖြစ်သည်။

ထိုသင်တန်း၌ အင်္ဂလိပ်၊ သချာင်္၊ သိပ္ပံနှင့် လူမှုရေးဘာသာရပ် တို့ကို အဓိကသင်ကြား ပေးမည်ဖြစ်ပြီး ပထမ နှစ်တွင် မြန်မာဘာသာဖြင့် သင်ကြားပြီး ဒုတိယနှစ်တွင် အင်္ဂလိပ် ဘာသာဖြင့် သင်ကြားမည်ဖြစ်သည်။ တနှစ် လျှင် ကျောင်းသား ၄၀ဦးသာ တက်ရောက်နိုင် သည်။

အသက်မွေးဝမ်းကျောင်းပညာ၌ ကွန်ပြုတာ၊ ၀က်ဆိုဒ်ဒီဇိုင်းတည်ဆောက်ခြင်း၊ ပုံနှိပ် လုပ်ငန်း၊ စက်ချုပ်ပညာ များအား မြန်မာ၊ ရှမ်း၊ ထိုင်းဘာသာတို့ဖြင့် သင်ကြားပြီး ယင်းပညာများကို သင်ယူရာတွင် အသက်အရွယ် ကန့်သတ်ထားခြင်းမရှိပေ။

သင်တန်းချိန်များမှာ တနင်္လာနေ့မှ သောကြာနေ့အထိ တစ်ပါတ်လျှင် ၅ ရက် သတ်မှတ်ပြီး၊ နံနက်ပိုင်း ၈နာရီမှ နေ့လည်၁၁ နာရီအထိ၊ ညနေပိုင်း ၅ နာရီခွဲမှ ည ၈နာရီခွဲ အထိ တစ်ရက်လျှင် နှစ်ချိန် သတ်မှတ်ထားသည်။

ယခုသင်တန်းကျောင်းကို တက်ရောက်သင်ယူခွင့် ရသည်မှာ အခွင့်ကောင်းတရပ်ဟု သင်တန်းသားအသစ် ဖြစ် သူ မခိုင်က ယခုလိုပြောသည်။

“ဒါကကိုယ့်နိုင်ငံထဲမှာ မရနိုင်တဲ့ အခွင့်အရေးလေ။ နောက်ပြီး ကျောင်းတပိုင်းတစနဲ့ စီးပွားရေး ကြောင့်ဒီကိုရောက်လာတဲ့ကလေးတွေက များတယ်ဆိုတော့ သူတို့အတွက် အခွင့်အရေးအများ ကြီးရှိ ပါတယ်။ ကျမတို့လိုလူတွေအတွက်ကတော့ အသက်မွေး ၀မ်းကျောင်းအလုပ်အတွက် ကောင်းတဲ့ အ ခွင့်အရေးပါပဲ။”

အဆိုပါကျောင်းသည် အမေရိကန်နိုင်ငံ ကယ်လီဖိုးနီးယားပြည်နယ်တွင် အခြေစိုက်သည့် Burmese Migrants Education Program အဖွဲ့၏ ကူညီထောက်ပံ့မှုဖြင့် ဖွင့်လှစ်ထားခြင်းဖြစ်သည်။