ဆန္ဒပြမြန်မာအလုပ်သမားများကို ထိုင်းအလုပ်ရှင်ကနေရပ်ပြန်ပို့

2010-03-31 - RFA

ထိုင်နိုင်ငံ အရှေ့မြောက်ပိုင်း ကွမ်းကမ်မြို့က ငါးလုပ်ငန်းစက်ရုံမှာ အလုပ်လုပ်နေတဲ့ မြန်မာအလုပ်သမားတွေက အပြင်သွားလာခွင့်နဲ့ အချိန်ပိုကြေး၊ လုပ်အားခ တိုးတောင်းပြီး ဆန္ဒပြတဲ့အတွက် ထိုင်းအလုပ်ရှင်တွေက ရဲတွေကိုခေါ်ကာ စက်ရုံကို ဝိုင်းထားခိုင်းပြီး မြန်မာအလုပ်သမားတွေကို ချက်ချင်းနေရပ်ပြန်ပို့ဖို့ စီစဉ်နေတယ်လို့ သိရပါတယ်။
မနေ့က အလုပ်သမားတဦး လုပ်ငန်းခွင်းတွင်း ပစ္စည်းအတင်အချ လုပ်ရာကနေ ခါးနာသွားတာကို အလုပ်နားခွင့်မပေးပဲ အလုပ်ဖြုတ်ဖို့ စီစဉ်တဲ့အတွက် ကျန်တဲ့ မြန်မာအလုပ်သမားတွေက ဝိုင်းဝန်းတောင်းဆိုရာကနေ ချိုးဖောက်ခံနေရတဲ့ အလုပ်သမား အခွင့်အရေးတွေကိုပါ တဆက်တည်း တောင်းဆိုဆန္ဒပြဖို့ အလုပ်သမားတွေက တညီတညွတ်တည်း ဆုံးဖြတ်ပြီး မတ်လ ၃၁ ရက် ဒီကနေ့ အလုပ်မဆင်းပဲ ဆန္ဒပြခဲ့ကြတာလို့ အလုပ်သမားတဦးက RFA ကို ပြောပြပါတယ်။
 
“ကျွန်တော်တို့အားလုံးပဲ ညှိလိုက်ကြတယ် လက်ရှိ လူအားလုံး နှစ်ရာကျော်ရှိတယ် ညှိလိုက်ပြီးတော့ ငါတို့ ဈေးနည်းနည်း ပိုတောင်းမယ်၊ အိုတီကြေး ပိုတောင်းမယ်၊ အပြင်သွားလာခွင့် တောင်းမယ်ပေါ့၊ သူတို့က လုံးဝ ခွင့်မပေးဘူး၊ လုံးဝ ဘူးခံထားတယ်၊ နင်တို့ကို အကုန်ပြန်ပို့မယ်ဆိုတော့ ကျွန်တော်တို့တွေလည်း အကုန်ပြန်မယ်လို့ ဖြစ်သွားတာပဲ။”
 
ဒီအလုပ်သမားတွေအားလုံးဟာ ယာယီနိုင်ငံကူးလက်မှတ် ပတ်စပို့တွေ ကိုင်ဆောင်ပြီး တရားဝင် အလုပ်လုပ်နေသူတွေ ဖြစ်ပါတယ်၊ RFA က မွန်းလွဲပိုင်း တပ်မံ ဆက်သွယ်တဲ့ အချိန်မှာ ပြန်ပို့ဖို့ကားပေါ်ကို တက်ခိုင်းနေပြီး ဖြစ်ကြောင်း အလုပ်သမားတွေက ခုလိုပြောပါတယ်။

“အခု ပိုက်ဆံထုတ်ပြီးတော့ ကားပေါ်တက်နေပြီ။ ကားခလည်း ငါးရာယူထားတယ်။ တချက်နော် ခနလေးနော်။ ဟုတ်ကဲ့၊ အခု တသုတ်တင် ထားတယ် နောက်အသုတ်က ကားမလာသေးလို့။ အခုက အကုန်နှစ်ရာလုံး ပို့နေပြီလားရှင်။ ဟုတ်တယ်၊ အခု သူတို့ဖာသာသူတို့ ပို့ပြီးတော့ ကားခကို အခု တခါတည်း ဖြတ်နေတယ်။ တခါတည်း ငါးရာတခါတည်း ဖြတ်နေတယ်။ ပိုက်ဆံရှင်းတော့ ငါးရာတခါတည်း ဖြတ်နေတယ် အခု။”

အလုပ်သမားတွေရဲ့ တောင်းဆိုချက်ကို အလုပ်ရှင်ဖက်က လုံးဝ မလိုက်လျောပဲ လုပ်ပြီးတဲ့ လုပ်အားခတွေကို အဖွဲအလိုက် ရှင်းပေးပြီး နေ့မဆိုင်းပဲ နှင်ထုတ်ဖို့ စီစဉ်နေတဲ့အတွက် အလုပ်သမားတွေမှာ
အထုတ်အပိုးတွေနဲ့ ကားပေါ်ကို ဆွဲတင်ခံနေရတာ ဖြစ်ပါတယ်။ သူတို့ကိုတာဝန်ခံ အလုပ်ရှာသွင်းပေးသူရှိရာ မဲဆောက့်မြို့ကို ပြန်ပို့မှာ ဖြစ်တယ်လို့ သိရပါတယ်။