ဘန်ကောက်မြို့လုမ္ဗနီ နိုက်ဘဇားညဈေးအတွင်း မြန်မာအလုပ်သမားတစ်ဦးကို အုပ်စုဖွဲ့ရိုက်နှက်

6 may 2009 ၇က် ညက ဘန်ကောက်မြို့ လုမ္ဗနီ နိုက်ဘဇားညဈေးတွင် ဈေးရောင်းအလုပ်သမား မြန်မာတစ်ဦးအား ဈေးဆိုင်ပိုင်ရှင် မြန်မာတစ်ဦးနှင့် အပေါင်းပါများက ဈေးအတွင်းအုပ်စုဖွဲ့ ရိုက်နှက်ခဲ့ကြောင်း သိရသည်။ရိုက်နှက်ခံရသူ ကိုချစ်ထူးအား မေလ(၅)ရက်နေ့ကတစ်ကြိမ် ထိုင်းပုလိပ်ကို ဖမ်းခိုင်းပြီး ရိုက်နှက်ခဲ့ခြင်းဖြစ်သည်။ ကိုချစ်ထူးက ကျေနပ်မှုမရှိ၍ ရိုက်နှက်ရန်စေခိုင်းသူ မြန်မာဈေးဆိုင်ပိုင်ရှင် မချို၏ဆိုင်အား ဓါတ်ပုံရိုက်ယူခဲ့သည်။ ဓါတ်ပုံရိုက်ယူမှုကို မချို ကသိရှိသွားသဖြင့် မချို၏ ခင်ပွန်းအပါအ၀င် လူ(၇)ဦးက လာရောက်၍ ယမန်နေ့က ဒုတိယအကြိမ် အကြမ်းဖက် ၀ိုင်းဝန်း ရိုက်နှက် ကြခြင်းဖြစ်သည်။ရိုက်နှက်ခြင်းခံရသူ ကိုချစ်ထူးက “ကျနော် မချိုရဲ့ လူငှါးတွေနဲ့ သိတယ်။ သူတို့တွေနဲ့ စကားပြောတာကို မချိုက မကျေနပ်ဘူး။ မချိုက ဒီဈေးအတွင်းမှာ မြန်မာတွေဆိုင်လာဖွင့်လို့ဖြစ်ဖြစ်၊ အလုပ်လာလုပ်တာဖြစ်ဖြစ် နယ်မြေခံရဲတွေကို ဖမ်းခိုင်းတယ်။ ဒီလိုပဲလုပ်စားနေတာ။ ပထမနေ့က ပုလိပ်တွေရောက်လာပြီး ကျနော့်ကို လက်ထိပ်ခတ်တယ်။ ခြိမ်းခြောက်တယ်။ ငွေတောင်းတယ်။ ကျနော် အရင်(၂)ပတ်က ပုလိပ်ဖမ်းလို့ ဘတ် (၆၀၀၀)ပေးထားပြီးပြီ၊ ကျနော့်မှာ အလုပ်သမားဘတ်တွေရှိတယ်။ ဈေးမရောင်းရဘူး ဘာညာပြောလို့ ကျနော်ငွေပေးပြီး ကျေအေးခဲ့တာ။ အဲဒါကို ဒီညတခါ ကျနော် ဈေးရောင်းနေတဲ့ ဆိုင်ရှေ့ကို ကားနဲ့ရောက်လာပြီး ၀ိုင်းရိုက်ကြတယ်။ ကျနော်လည်း ပြန်ထိုးတာပဲ၊ ရဲစခန်းကို ကျနော့်ကို ဖမ်းသွားခဲ့တယ်။ ကျနော် အာမခံနဲ့ အခုလွတ်လာပြီ” ဟုပြောသည်။

ဘန်ကောက်မြို့လယ်ခေါင် နိုင်ငံခြားသားများ စုဝေးဈေးဝယ်ထွက်ရာ လူစည်ကားသည့် ယခုလိုနေရာမျိုးတွင် တရားဝင် နေထိုင်အလုပ်လုပ်ကိုင်ခွင့်(ဘတ်)ရှိသော မြန်မာအလုပ်သမားတစ်ယောက်ကို ဤကဲ့သို့ ဈေးရောင်းချိန်တွင် တရားလက်လွတ် ၀ိုင်းဝန်းအကြမ်းဖက် ရိုက်နှက်ကြသဖြင့် ထိုင်းနိုင်ငံတရားဥပဒေနှင့် လူများ၏ လုံခြုံရေးမှာ အာမခံချက်မရှိသလိုဖြစ်နေကြောင်း ရိုက်နှက်ခံရသူ ကိုချစ်ထူးက ဆက်လက်ပြောပြသည်။ကိုချစ်ထူးသည် မြန်မာဒီမိုကရေစီရေး လှုပ်ရှားတက်ကြွသူဖြစ်ပြီး ထိုင်းမြန်မာ ကျောင်းသားများနှင့် ပူးတွဲလှုပ်ရှားနေသူတစ်ဦးလည်း ဖြစ်သည်။အခင်းဖြစ်ပွားရာဆိုင်ဘေးမှ ကိုကိုဝင်းက “မချိုရဲ့လူတွေက ၀ိုင်းထိုးကြတယ်။ ကိုချစ်ထူးကလည်း ပြန်ထိုးတယ်။ တစ်ယောက်နဲ့ အများဆိုတော့ ကိုချစ်ထူးနည်းည်းနာသွားတယ်။ မျက်နှာမှာ ဖူးယောင် ပွန်းပဲ့သွားတယ်။ ဒီမိန်းမက ဈေးထဲမှာ ဈေးရောင်းအလုပ်သမားတွေ ဘယ်ဆိုင်မှာ ဘယ်သူ၊ ဘတ်မရှိလဲ၊ ဘယ်ဗမာက ဈေးဆိုင်လာဖွင့်လဲ စုံစမ်းပြီးတော့ လစဉ်ကြေး တစ်ယောက်ကို (၂၀၀၀)ဘတ်စီ ပုလိပ်နဲ့ ပေါင်းပြီးကောက်တယ်။ တော်တော်ဆိုးတယ်ဗျာ။ မြန်မာအချင်းချင်း မလုပ်ကောင်းဘူး’’ဟု ပြောသည်။

အဆိုပါ နိုက်ဘဇားဈေးအတွင်း ဈေးရောင်းမြန်မာအလုပ်သမားများသည် အင်္ဂလိပ်နှင့် ထိုင်းဘာသာစကားကို ကျွမ်းကျင်သူမှ အလုပ်အကိုင်ရရှိနိုင်သည်။ ဈေးအတွင်း မြန်မာအလုပ်သမားရာချီရှိကြောင်း အလုပ်သမားများ ပြောကြားချက်အရ သိရှိရသည်။