နစ်နာကြေးအတွက် တောင်ကုတ်တွင် အလုပ်သမားများ ဆန္ဒပြ
မင်းဆက်ခိုင်(နိရဉ္စရာ) ရခိုင်ပြည်နယ် တောင်ကုတ်မြို့တွင် အလုပ်သမားများက သူတို့ အလုပ်ရုံ အပိတ်ခံသဖြင့် နစ်နာကြေး ရရှိရန် ဆန္ဒပြ တောင်းဆိုခဲ့သည်။ တောင်ကုတ်တွင် တည်ရှိသော တရုတ် အမျိုးသားပိုင် “လင်းရောင်” ငါး၊ ပုစွန် လုပ်ငန်း ကုမ္ပဏီ သည် အရှုံးပေါ်သောကြောင့် ကုမ္ပဏီ၏ လုပ်ငန်းကို ရပ်ဆိုင်းတော့မည် ဖြစ်ကြောင်း ကျေညာရာ အလုပ်သမားများက နစ်နာကြေး တောင်းခံခဲ့ကြောင်း ၊ မေလ ၁၆ ရက်နေ့တွင် စက်ရုံမှူးက နစ်နာကြေး အပြည့်ပေးရန် ငြင်းဆိုရာမှ အလုပ်သမားများက ဆန္ဒပြ တောင်းဆို ခဲ့ကြခြင်းဖြစ်ကြောင်း တောင်ကုတ် မြို့ခံ တဦးက ပြောသည်။
“စက်ရုံမှူး ဦးတိုးအောင်ဌေးက ဒီလ ၁၈ရက်နေ့က စပီး စက်ရုံကို လုံးဝ ပိတ်လိုက် တော့မယ်။ ဒီအတွက် လစာ လ၀က်စာကို ယူပြီးတော့ ပြန်ကြတော့လို့ အလုပ်သမားတွေကို ပြောပါတယ်။ အလုပ်သမားတွေက နစ်နာ ကြေး ၃လစာ တောင်းပါတယ်။ ဒါကို စက်ရုံတာဝန်ရှိသူတွေက ငြင်းတယ်။ ဒီတော့ အလုပ်သမား ၂၀၀ လောက် က အော်ဟစ်ပြီး ဆန္ဒပြတောင်းဆိုကြပါတယ်။ ဒေသ အာဏာပိုင်တွေက ရောက်လာပြီး ဖြေရှင်းပေးတဲ့ အတွက် နောက်ပိုင်းမှာ ပြေလည် သွားခဲ့ပါတယ်။” ဟုပြောသည်။
အလုပ်သမားများက အော်ဟစ် ဆန္ဒပြတောင်းဆိုသောကြောင့် တောင်ကုတ် မယက ဥက္ကဌ နှင့် ဒေသ တာဝန်ရှိ သူများက စက်ရုံသို့လာရောက်ပြီး အလုပ်ရှင်နှင့် အလုပ်သမားများ အကြား ညှိနှိုင်း ပေးသဖြင့် မေ ၁၆ရက်နေ့ ညနေပိုင်းတွင် ပြေလည် သွားပြီး ပိုင်ရှင်များက စက်ရုံမှ အလုပ်သမားများ တောင်းဆို ချက်ကို လိုက်လျော့ပေးခဲ့သည်။
“အလုပ်သမားတွေကို နစ်နာကြေးပေးတာက လုပ်သက် ၃ လ အောက် လုပ်သားတွေဆိုရင် ၂ လစာ၊ လုပ်သက် ၃လ အထက်ရှိသူတွေကို ကျရင် ၄လစာပေးပြီး လုပ်သက် ၁ နှစ် အထက် ရှိသူတွေကို ၅ လစာပေးတယ်လို့ သိရပါတယ်” ဟု သူကဆက်ပြောသည်။
၎င်း ကုမ္ပဏီ စက်ရုံတွင် အလုပ် လုပ်သူ အများစုမှာ နယ်ကျေးရွာများမှ လာရောက် အလုပ် လုပ်ကိုင်သူများ ဖြစ်ကြောင်း သိရသည်။
မနက်ပိုင်းအစီအစဉ်
Audio
0 comments:
ကက က်က Post a Comment