ရောင်ခြည်ဦးအလုပ်သမားများအဖွဲ့( ဘန်ကောက်)

Saturday, 18 December 2010

Merry Christmas Saw!

hi5

	Merry Christmas Saw!

New Snowball Fight Prank Gift in the hi5 Store!
For a limited time, the Snowball Fight Prank Gift will be available in the hi5 Store. What better way to celebrate the season by starting a virtual snowball fight with your friends?! Surprise your friends today by covering their profile in snow!

Start Snowball Fight!

New Levels and In-Game Items for the Holidays
Cast new Christmas Spells and bring your Kingdom to life with holiday style in Fantasy Kingdoms! Decorate your farm with new holiday items in the Barn Buddy Store! Enjoy playing the new Christmas-themed level in Faunasphere! Check out all the great new levels, items, and gifts available for a limited time during the holiday season.

Play Now!

------------------------------------------------------
Copyright 2002-2010 hi5 Networks, Inc. All rights reserved.
55 Second Street, Suite 400, San Francisco, CA 94105
Privacy Policy | Unsubscribe | Terms of Service

အပြည့်အစုံသို့ >>

Friday, 10 December 2010

People you know on hi5...

Hi Saw,

We have found some hi5 members you may know, click on the link below or on their pictures to view your friend suggestions:

http://www.hi5.com/friend/displayFriendSuggestions.do

myit
Zin

Go to your hi5 page now!

Thanks for being a part of hi5!
The hi5 Team

If you do not wish to receive these emails, click the link below http://www.hi5.com/friend/account/optOutOfDigest.do

hi5 respects your privacy. If you have any concerns about your privacy, please view our privacy page. If you forget your password, you can reset it by clicking here.

အပြည့်အစုံသို့ >>

Sunday, 17 October 2010

စက်ရုံနှင့်အလုပ်သမားရုံးကို တရားစွဲဆိုမည်

.မြတ်ခိုင်ဦး / ၁၄ အောက်တိုဘာ ၂၀၁၀

ထိုင်းနိုင်ငံ အရှေ့မြောက်အရပ်ဒေသ ခွန်ခန်းခရိုင်ရှိ Dechapanich ငါးဖမ်းပိုက်ကွန်စက်ရုံမှ အလုပ်သမားအခွင့်အရေး တောင်းဆိုနေသော မြန်မာရွှေ့ပြောင်းအလုပ်သမားခေါင်းဆောင်များက စက်ရုံနှင့် ဒေသဆိုင်ရာ အလုပ်သမားရုံးကို တရားစွဲဆိုမည်ဟု ပြောကြားသည်။

ပြီးခဲ့သည့် စက်တင်ဘာလအတွင်း အဆိုပါစက်ရုံမှ အလုပ်ထွက်သည့် အလုပ်သမားအချို့၏ စာရွက်စာတမ်းများကို စက်ရုံတာဝန်ရှိသူများက မမှန်မကန်ပြုလုပ်မှုများရှိခဲ့၍ အလုပ်သမား (၉၄၈) ယောက်တို့က စက်တင်ဘာ(၇) ရက်နေ့မှ စတင်၍ တပတ်ကျော် အလုပ်မဆင်းဘဲ ဆန္ဒပြခဲ့ကြပြီး MAP ဖောင်ဒေးရှင်းနှင့် အလုပ်သမားအခွင့်အရေး ကာကွယ် စောင့်ရှောက်ရေးဌာနတို့၏ ကြားဝင်ကူညီပေးမှုကြောင့် သဘောတူညီချက်အချို့ရရှိကာ အလုပ်သမားများက (၁၅) ရက်နေ့တွင် အလုပ်ပြန်ဆင်းခဲ့ကြသည်။
.သို့ရာတွင် လုပ်ငန်းခွင်အတွင်း အဆင်မပြေမှုများ ရှိလာသည့်အတွက် စက်တင်ဘာလ (၂၅) ရက်နေ့မှ စတင်၍ ဆက်လက်မလုပ်ကိုင်တော့ဘဲ အလုပ်မှထွက်မည်ဟုဆိုကာ လူပေါင်း (၇၀၀) ခန့်က နုတ်ထွက်စာ တင်ခဲ့ကြသည်။ ထိုသူများအနက်မှ (၅၆၉) ဦးအား စက်ရုံမှူးက နုတ်ထွက်ခွင့်ပေးခဲ့သော်လည်း ၎င်းတို့၏ စက်တင်ဘာ လစာကို ထုတ်မပေးသည့်အပြင် အလုပ်သမား (၁၀၀) ကျော်၏ စာရွက်စာတမ်းများကို သိမ်းဆည်းထားခဲ့သဖြင့် အလုပ်သမားများက စက်ရုံဝင်းအတွင်း ဆန္ဒပြတောင်းဆိုနေကြခြင်းဖြစ်သည်။

“ကျနော်တို့ ဦးဆောင်သူ (၅) ယောက်က အားလုံးကိုယ်စား အဓိကထားပြီး တရားစွဲဆိုမှာပါ” ဟု ကိုမြင့်ကြည်က ပြောသည်။ အဆိုပါ ဦးဆောင်သူ (၅) ဦးမှာ ကိုထွန်းထွန်းလွင်၊ ကိုမြင့်မောင်၊ ကိုမြင့်ကြည်၊ မနန်းအေးလွင်နှင့် ကိုဇော်မင်းနိုင်တို့ ဖြစ်ကြသည်။

ထိုင်းနိုင်ငံ၏ သတ်မှတ်ချက်ဖြစ်သော အနိမ့်ဆုံးလုပ်အားခ မပေးခြင်း၊ လုပ်ငန်းခွင်အတွင်း ညှဉ်းပန်းနှိပ်စက်ခဲ့မှုများ၊ ခြိမ်းခြောက် သေနတ်ဖောက် ခြောက်လှန့်ခဲ့မှုများအတွက် အဆိုပါစက်ရုံအား တရားစွဲဆိုမည်ဖြစ်ပြီး အလုပ်သမားများ၏ အလုပ်လုပ်ခွင့်အား ပယ်ဖျက်ခဲ့သော အလုပ်သမားရုံးကိုလည်း မိမိတို့အား အမည်ပျက်အလုပ်သမားစာရင်း ရောက်စေရန် လုပ်ခဲ့သည့်အတွက် တရားစွဲဆိုမည်ဖြစ်ကြောင်း သိရသည်။

အကယ်၍ အဆိုပါအလုပ်သမားရုံးက အလုပ်သမားများ၏ အလုပ်လုပ်ခွင့်ကို ပယ်ဖျက်ခဲ့ခြင်းမရှိပါက အလုပ်သမားများသည် ထိုင်းနိုင်ငံ၏ အခြားအရပ်ဒေသများတွင် အလုပ်အကိုင်ရှာဖွေ ရပ်တည်ခွင့် ရနိုင်သေးသည်ဟု သိရသည်။

ယနေ့နံနက် ညှိနှိုင်းမှုအရ အလုပ်သမားများ စက်ရုံဝင်းအတွင်းမှ ထွက်ခွာပေးမှသာ လုပ်အားခငွေကို ပေးနိုင်မည်ဟု ပြောဆိုသောကြောင့် အလုပ်သမား (၇၀၀) ဦးခန့်မှာ စက်ရုံနှင့် မလှမ်းမကမ်းရှိ ကာနန်းဘုန်းတော်ကြီးကျောင်းတွင် ခွင့်တောင်း၍ ပြောင်းရွှေ့နေထိုင်ကြသည်။

ညနေ (၅) နာရီအချိန်တွင် သက်ဆိုင်ရာအဖွဲ့အစည်းများရှေ့မှောက်၌ လုပ်သားများ၏ လုပ်အားခများကို ပေးအပ်ပြီးနောက် အလုပ်ရှင်က အလုပ်သမားများအား ပြန်လည်အလုပ်လုပ်နိုင်ကြောင်း ပြောဆိုသော်လည်း အလုပ်သမားများက လက်မခံကြသဖြင့် စာရွက်စာတမ်း မရသေးသည့် ကျန်အလုပ်သမားများ၏ စာရွက်စာတမ်းများကို ပြန်လည်ပေးအပ်ခဲ့ကြောင်း အလုပ်သမတဦးက ပြောသည်။

တရားစွဲဆိုရန်အတွက် လက်မှတ်ရေးထိုးထားသော စာရွက်စာတမ်းများကို ထိုင်းရှေ့နေများကောင်စီမှ ဆက်လက်တာဝန်ယူ ဆောင်ရွက်သွားပေးမည်ဖြစ်ကြောင်း အဆိုပါအရေးအခင်းအတွက် သွားရောက်ကူညီနေသူ ဘန်ကောက်အခြေစိုက် မြန်မာနိုင်ငံသားများအသင်းမှ ဒေါ်သက်သက်ဦးက ပြောဆိုသည်။

အပြည့်အစုံသို့ >>

ဆန္ဒပြ မြန်မာအလုပ်သမား ၃၀၀ ကျော် မဲဆောက်သို့ ရောက်

.ဘစောတင် Saturday, October 16, 2010
ထိုင်း-လာအိုနယ်စပ် Khong Kean မြို့ရှိ Dechapanich ငါးဖမ်း ပိုက်ကွန် စက်ရုံတွင် အလုပ်ရှင်၏ မတရားမှုကို မကျေနပ်သဖြင့် ၁ လကျော် ဆန္ဒပြနေ ခဲ့ကြသော မြန်မာ အလုပ်သမားထဲမှ ၃၆၉ ဦးသည် ယနေ့ နံနက်ပိုင်းက ထိုင်း-မြန်မာ နယ်စပ် မဲဆောက်မြို့သို့ ရောက်ရှိလာကြကြောင်း သတင်းရရှိသည်။

မိမိတို့၏ လုပ်ခများနှင့် ယာယီနိုင်ငံကူးလက်မှတ် အပါအ၀င် စာရွက်စာတမ်းများ ပြန်လည်ရရှိရေးအတွက် စက်တင်ဘာလ ၇ ရက်နေ့မှ စတင်၍ အလုပ်သမား ၉၀၀ ကျော် ဆန္ဒပြခဲ့ကြသည်။
.ရောင်ခြည်ဦး အလုပ်သမားအဖွဲ့ တာဝန်ခံ ကိုမိုးဆွေက “သူတို့ကို အလုပ်ရှင်က ယာယီနိုင်ငံကူးလက်မှတ်တွေ၊ ဘာတွေတော့ ပြန်ထုတ်ပေးတယ်။ ဒါပေမယ့် အလုပ်ထွက်စာတို့ ဘာတို့တော့ မပေးဘူး။ ပြီးတော့ အလုပ်ရှင်က အလုပ်သမားရုံးမှာ ဒီအလုပ်သမားတွေကို အလုပ်ထုတ်ပစ်လိုက်ပြီဆိုပြီး ပြောလိုက်ပြီ။ ဒါကြောင့် ဒီအလုပ်သမားတွေမှာ အလုပ်ရှင်သူဌေးမရှိဘဲ ဖြစ်သွားပြီ။ ဒါကြောင့် အလုပ်သစ်ရှာဖို့ မဲဆောက်ကို ပြန်ဆင်းလာကြတယ်။ ဒီကနေ အလုပ်သစ် ပြန်ရှာကြမယ်ပေါ့” ဟု ပြောသည်။

အဆိုပါ အလုပ်သမားများသည် ယနေ့နံနက်ပိုင်းတွင် မဲဆောက်မြို့ မယ်တော်ရွာရှိ ဘုန်းကြီးကျောင်းတွင် ခေတ္တတည်းခိုကြပြီးနောက် ယခုအခါ ထိုင်းနယ်ခြားစောင့်တပ်များက ခေါ်ယူထားသည်ဟု သိရသည်။

အလုပ်သမား ကိုယ်စားလှယ် တဦးဖြစ်သူ ကိုအောင်တင့်က “ကျနော်တို့အားလုံး အခု မယ်တော်ဘုန်းကြီးကျောင်းထဲကနေ နယ်ခြားစောင့်တပ်ဝင်းထဲကို ပြောင်းသွားကြပြီ။ ဒီနေရာက ကျနော်တို့ အတွက် ပိုလုံခြုံမှု ရှိတယ်လို့ပြောပါတယ်။ အခုထိတော့ အေးဆေးပါပဲ” ဟု ဆိုသည်။

အလုပ်ရှင်က စက်ရုံမှ ထွက်ခွာကြမှသာ ယာယီနိုင်ငံကူးလက်မှတ်များနှင့် လုပ်ခငွေများကို ပေးမည်ဟု ပြောသဖြင့် အောက်တိုဘာလ ၁၃ ရက်နေ့တွင် အလုပ်သမား ၅၀၀ ကျော် စက်ရုံမှ ထွက်ခွာကာ Khong Kean မြို့ရှိ ဘုန်းကြီးကျောင်းတကျောင်းတွင် တည နေခဲ့ကြကြောင်း သိရသည်။

အောက်တိုဘာလ ၁၄ ရက်နေ့တွင် ဘဏ်ကတ်မှတဆင့် အလုပ်ရှင်က အလုပ်သမားများသို့ ငွေလွှဲပေးသော်လည်း အပြည့်အဝ မရရှိကြောင်း အလုပ်သမားအရေးတွင် ကူညီဆောင်ရွက်ပေးနေသူ MAP ဖောင်ဒေးရှင်းမှ မမိုင်က ပြောသည်။

“အစက သူဌေးက လစာငွေတွေကို တဦးချင်းစီ စာအိတ်နဲ့ ဝေပေးမယ်လို့ ပြောလို့ စောင့်ကြတယ်။ နောက်တော့ စာအိတ်နဲ့ မဝေတော့ဘူး။ ဘဏ်ကတ်ထဲကိုပဲ လွှဲပေးမယ်လို့ ဖြစ်ပြန်ရော။ ဘဏ်ကတ်ကို စစ်ကြည့်တော့ တချို့မှာ ၁ ထောင်လောက် ကွာနေတယ်။ တချို့ မှာ ၅၀၀ လောက် ကွာနေတာကို တွေ့ရတယ်။ အလုပ်သမားတွေ အနေနဲ့လည်း ဒီမှာဆက်နေရင် ပိုပြီး အခက်အခဲတွေနဲ့ တိုးမှာကိုမြင်လို့  မဲဆောက်ကို ဆင်းခဲ့ကြတယ်။ တချို့လည်း ကိုယ့်အဆက်အသွယ်နဲ့ကိုယ် မဟာချိုင်တို့ ဘာတို့ကို သွားကြတာရှိတယ်” ဟု ဆိုသည်။

ဆန္ဒပြ အလုပ်သမားများအနက် တချို့က အဆက်အသွယ်ရှာ၍ အလုပ်ပြောင်းသွားကြကြောင်း၊ ယခု အလုပ်သမားများ မဲဆောက်သို့ ပြန်လာနိုင်ရန် MAP ဖောင်ဒေးရှင်းမှ ကူညီဆောင်ရွက်ပေးကြောင်းဟု သိရသည်။

ယခု အလုပ်သမားများ ဆန္ဒပြတောင်းဆိုရာတွင် NGO များ ပါဝင်လာသဖြင့် ပိုမိုရှုပ်ထွေးလာခြင်းဖြစ်သည်ဟု အလုပ်ရှင်က စွပ်စွဲကြောင်း၊ ထို့ကြောင့် အောက်တိုဘာ ၁၃ ရက်နေ့က အလုပ်သမားများနှင့် အလုပ်ရှင်တို့ ညှိနှိုင်းဖြေရှင်းရန် ကြိုးစားသောအခါ အလုပ်ရှင်က မည်သည့် NGO အဖွဲ့ဝင်ကိုမှ စက်ရုံတွင်းသို့ ၀င်ခွင့်မပေးနိုင်ဟု ပြောကြောင်း သိရသည်။

အလုပ်သမားများသည် စက်တင်ဘာလ ၂၅ ရက်နေ့မှ စတင်ကာ အလုပ်မဆင်းဘဲ ဆန္ဒပြခဲ့ကြသဖြင့် ၀င်ငွေမရှိခြင်းကြောင့် စားဝတ်နေရေး ခက်ခဲလာခြင်း၊ အလုပ်ရှင်က ထုတ်ပစ်လိုက်ပြီဖြစ်သဖြင့် ရဲက ဖမ်းကာ အန္တရာယ်ပေးနိုင်ခြင်းအပြင် သူဌေးလူယုံများဖြစ်သော မြန်မာလုံခြုံရေးများ၏ ရန်ကိုပါ စိုးရိမ်သဖြင့် မဲဆောက်ကို ဆင်းလာကြခြင်းဖြစ်သည်ဟု သိရသည်။

အလုပ်သမား ခေါင်းဆောင်တဦးဖြစ်သူ ကိုထွန်းဦးက “ဒီမှာ မြန်မာပြည်သားအချင်းချင်း နှိပ်ကွပ်ဖို့ခန့်ထားတဲ့ လုံခြုံရေးတွေ ရှိတယ်။ သူတို့က ကိုယ့်နိုင်ငံသားအချင်းချင်း ခဏခဏ ဒုက္ခပေးတယ်။ သူတို့ အရိုက်ခံရလို့ ခေါင်းကွဲတာ၊ ကျိုးတာပဲ့တာ မနည်းတော့ဘူး။ သတ်ပစ်ဖို့ဆိုပြီး အလုပ်ခံရတဲ့ လူတယောက် ရှိဖူးတယ်။ သူ့နာမည်က စိုးပိုင်။ သူက မသေဘဲ လွတ်သွားတယ်” ဟု ပြောသည်။

အလုပ်ရှင်သူဌေး၏ လူယုံ လုံခြုံရေးအဖွဲ့ ခေါင်းဆောင်သည် မွန်ပြည်နယ် သထုံသားဟု ကိုထွန်းဦးက ဆိုသည်။

ထိုင်းအစိုးရက ရွှေ့ပြောင်းအလုပ်သမားများကို ယာယီ နိုင်ငံသားလက်မှတ် ပြုလုပ်ရန် စီစဉ်ပေးပြီးနောက် ထိုင်းအလုပ်ရှင်နှင့် မြန်မာ အလုပ်သမားများအကြား ယခု ပြဿနာမှာ အကြီးဆုံး ဖြစ်ကြောင်း သိရသည်။

ထိုင်းနိုင်ငံအတွင်း လာရောက် အလုပ်လုပ်နေကြသော မြန်မာနိုင်ငံသား အလုပ်သမား အနည်းဆုံး ၂ သန်းခွဲမှ ၄ သန်း အထိ ရှိနိုင်ကြောင်း အလုပ်သမားအဖွဲ့ များ၏ အဆိုအရ သိရသည်။

အပြည့်အစုံသို့ >>

Saturday, 9 October 2010

ယာယီပတ်စပို့လုပ်ပြီး ပြန်လာသူများ ကားမှောက် ဒဏ်ရာရ

.မြတ်ခိုင်ဦး / ၀၇ အောက်တိုဘာ ၂၀၁၀

ယနေ့နံနက်(၈) နာရီ၌ ရနောင်းမှ ယာယီနိုင်ငံကူးလက်မှတ် လုပ်၍ပြန်လာသော မြန်မာရွှေ့ပြောင်း အလုပ်သမားများအား တင်ဆောင်လာသည့် မှန်လုံကား (၁) စီး တိမ်းမှောက်ခဲ့ရာ အလုပ်သမားများ ထိခိုက်ဒဏ်ရာ ရရှိသွားကြသည်။

ယမန်နေ့ည (၁၀) နာရီခန့်က အလုပ်သမားများအား တင်ဆောင်၍ ရနောင်းမြို့မှ ထွက်ခွာလာသော အဆိုပါ မှန်လုံကားသည် မဟာချိုင်အနီးရှိ မဲ့ဂလောင်ဒေသတွင် ကားဘီးပေါက်၍ တိမ်းမှောက်သွားခြင်းဖြစ်သည်။

ကားပေါ်ပါလာသူ အလုပ်သမား (၄၀) ခန့်မှ လူ (၁၃) ဦးခန့်သည် ယခုအခါတွင် မဲ့ဂလောင်ရှိ မူဆမ်ခမ် ဆေးရုံတွင် ဆေးဝါးကုသနေရကြောင်း ဒဏ်ရာရရှိသူ မဟာချိုင် အနုဆောင် အအေးခန်းလုပ်သား ကိုအောင်နိုင်ဝင်း (၂၇) နှစ်၏ အစ်ကိုဖြစ်သူ ကိုအောင်လှိုင်ဝင်းက ခေတ်ပြိုင်သို့ ပြောကြားသည်။
.၎င်းက “ကျနော့်ညီက ကားဘယ်ဘက်အခြမ်းမှာ ထိုင်လာတာ၊ ကားက ဒုန်းခနဲဆို ဘီးပေါက်ပြီး မှောက်တာတဲ့၊ သူ့ညာဘက်လက်က သွေးကြောတွေ ထိသွားလို့ (၁၀) ချက် ချုပ်လိုက်ရတယ်။ ပြီးတော့ မျက်နှာတွေ၊ ခေါင်းတွေ ဟိုနည်းနည်း ဒီနည်းနည်း ထိသွားတယ်။ ကျနော်က မဟာချိုင်ကနေ လာပြီး သူ့ကို ဆေးရုံပြောင်းတင်မယ် ပြောတော့ ဆရာမတွေက ပြောတယ်။ ဒဏ်ရာပြင်းသေးတယ် မခေါ်နဲ့ဦး၊ ဟိုကြရင် ကိုယ်ပဲပိုက်ဆံ ပေးရမယ်။ အခုက ကားသမားဆီက ပိုက်ဆံတောင်းမယ်လို့ ပြောတော့ မခေါ်ဖြစ်တော့ဘူး” ဟု ဆိုသည်။

ကိုအောင်နိုင်ဝင်းကဲ့သို့ ဒဏ်ရာပြင်းထန်သူ (၁၃) ဦးခန့် ရှိကြောင်းလည်း ဆရာမများက ပြောဆိုသည်ဟု ၎င်းက ပြောသည်။

ကားပေါ်တွင်ပါလာသည့် မြန်မာရွှေ့ပြောင်းအလုပ်သမားများမှာ မဟာချိုင်ဒေသရှိ လုပ်ငန်းမျိုးစုံတွင် ဝင်ရောက်အလုပ်လုပ်ကိုင်နေသူများဖြစ်ပြီး ရနောင်းမြို့တွင် ရုံးခန်းဖွင့်လှစ်ထားကာ ယာယီပတ်စပို့တာဝန်ယူ လုပ်ကိုင်သော (NITIPON) နိတိပွန်ကုမ္ပဏီ၏ ကြားခံပွဲစားများအစီအစဉ်ဖြင့် ယာယီပတ်စပို့ သွားရောက် လုပ်ကိုင်လာသူများ ဖြစ်ကြသည်။

ရနောင်းမြို့ရှိ နိတိပွန်ကုမ္ပဏီမှ တာဝန်ခံတဦးဖြစ်သူ ဖိကေ့စ်က “မဟာချိုင်နား မရောက်ခင် စမုတ်စွန်ကရာန်မှာ ဖြစ်တာပါ။ ဒဏ်ရာရတဲ့ သူကတော့ ဆေးရုံမေးကြည့်မှ ရပါမယ်။ ကျနော်တို့ အသေးစိတ် မသိလို့ပါ။ ကားမှာက ပကန် (အာမခံ) ရှိတဲ့ အတွက် သူတို့ အားလုံးတာဝန်ယူပါမယ်” ဟု ခေတ်ပြိုင်သို့ ပြောဆိုသည်။

အပြည့်အစုံသို့ >>

.မြတ်ခိုင်ဦး / ၀၁ အောက်တိုဘာ ၂၀၁၀

ထိုင်းနိုင်ငံအတွင်းရှိ တရားမဝင် ရွှေ့ပြောင်းအလုပ်သမားများအား ထိုင်းအစိုးရက တရားဝင် ထပ်မံမှတ်ပုံတင်ခွင့်ပြုမည့် အစီအစဉ်ကို အလုပ်သမားရေး လုပ်ဆောင်နေသော နိုင်ငံတကာနှင့် ဒေသဆိုင်ရာအဖွဲ့အစည်းများက ကြိုဆိုလိုက်သည်။

ယင်းသို့ကြိုဆိုလိုက်သည့်အပြင် အလုပ်သမားများအား မှီခိုနေထိုင်သူများ၏ အခွင့်အရေးများကိုလည်း အကာအကွယ်ပေးရန် တောင်းဆိုလိုက်သည်။

ရွှေ့ပြောင်းအလုပ်သမားအရေး လုပ်ဆောင်နေသော စုပေါင်းအဖွဲ့အစည်းများ၊ ထိုင်းအလုပ်သမားသမဂ္ဂများ၊ ကျန်းမာရေးပညာရေး လုပ်ဆောင်နေသော လူမှုအဖွဲ့အစည်းများက ယမန်နေ့၌ ကြေညာချက်ထုတ်ပြန်ကာ ထိုင်းအစိုးရအား တောင်းဆိုချက်များကို တောင်းဆိုခဲ့သည်။
.ကြေညာချက်တွင် ရွှေ့ပြောင်းအလုပ်သမားများအတွက် စီမံခန့်ခွဲရေး ထိုင်းအစိုးရက ရေရှည်မူဝါဒတခု ချမှတ်ဆောင်ရွက်ရန် အရေးတကြီးလိုအပ်နေကြောင်း၊ ရွှေ့ပြောင်းအလုပ်သမားများ၏ လူ့အခွင့်အရေးဆိုင်ရာ အကာအကွယ်ပေးမှုတွင် ဥပဒေအရ အမှန်ဖြစ်စေမည့် ဆောင်ရွက်မှုကို အကောင်အထည်ဖော်စေလိုကြောင်း၊ မူဝါဒဆိုင်ရာတိုးတက်မှု လုပ်ငန်းစဉ်တွင် အစိုးရမဟုတ်သော အဖွဲ့အစည်းများ၊ အလုပ်သမားရေးရာ အဖွဲ့အစည်းများနှင့် ရွှေ့ပြောင်းအလုပ်သမားများ စသည့်သူများ ပါဝင်သော ကျယ်ပြန့်စွာဆောင်ရွက်နိုင်မှု ရှိရန်လိုအပ်ကြောင်း တောင်းဆိုထားသည့်အပြင် ရွှေ့ပြောင်းအလုပ်သမားများ မှတ်ပုံတင်ခွင့်ပြုခြင်းကို အသစ်ပြန်လည် ဖွင့်လှစ်ပေးသည့်အတွက် ထောက်ခံကြိုဆိုကြောင်းလည်း ဖော်ပြထားသည်။

ထို့အပြင် အစိုးရအနေဖြင့် ရွှေ့ပြောင်းအလုပ်သမားများအရေးနှင့်ပတ်သက်၍ တိတိကျကျ ကိုင်တွယ်ဆောင်ရွက်နိုင်ရန် ဗဟိုအဖွဲ့အစည်းတခုကို ဖွဲ့စည်းဆောင်ရွက်သင့်ကြောင်း သို့မှသာ ဥပဒေ အသက်ဝင်လာနိုင်ပြီး ဖြစ်ပေါ်နေသည့် ရွှေ့ပြောင်း အလုပ်သမားများ၏ အခွင့်အရေး ချိုးဖောက်နေမှုများအား ကိုင်တွယ်သွားနိုင်မည်ဖြစ်ကြောင်း ထောက်ပြထားသည်။ ထိုသို့လုပ်ဆောင်ရာတွင် အလုပ်သမားရေး လုပ်ဆောင်နေသော အဖွဲ့အစည်းများ၏ ပူးပေါင်းပါဝင်မှုလည်းလိုကြောင်း ပါရှိသည်။

ယခင်အစဉ်အဆက် ပြုလုပ်လာခဲ့သော မှတ်ပုံတင်ခြင်းအစီအစဉ်များ၏ အားနည်းချက်များကို ထောက်ပြထားပြီး ယခုဖွင့်လှစ်မည့် အစီအစဉ်ကို (၆) လကြာ လုပ်ဆောင်ပေးရန်နှင့် အလုပ်သမားများအား အလုပ်ရှင် ရှိရှိ မရှိရှိ မှတ်ပုံတင်ခွင့်ပြုစေပြီး ထိုလုပ်သားများအား (၃) လအတွင်း အလုပ်ရှင် ရှာဖွေခွင့်ပြုရန်လည်း တိုက်တွန်းထားသည်။ ထိုင်းအစိုးရက ထိုင်းနိုင်ငံတွင်းရှိ ရွှေ့ပြောင်းအလုပ်သမားများအား တရားဝင်မှတ်ပုံတင်ခွင့် ပြုခဲ့သည်မှာ ၂၀၀၄ ခုနှစ်မှစ၍ ယမန်နှစ် သြဂုတ်လ အပါအ၀င် (၇) ကြိမ် ခွင့်ပြုခဲ့ပြီးဖြစ်သည်။

လူ့အခွင့်အရေးနှင့် ဖွံ့ဖြိုးတိုးတက်ရေးဖောင်ဒေးရှင်းမှ အတိုင်ပင်ခံအရာရှိ အန်ဒီဟောလ်က ထိုင်းအစိုးရသည် လက်မှတ်အသစ်ဖွင့်ပေးသည့် အစီအစဉ်ကောင်းကို မလွဲမသွေပြုလုပ်လိမ့်မည်ဟု ယူဆကြောင်း၊ သို့သော် ယခုအစီအစဉ်တွင် ယခင်က စနစ်မကျမှုများကြောင့် ဖြစ်ပေါ်ခဲ့ကာ တိုးပွားလာနေသည့် လူ့အခွင့်အရေး ချိုးဖောက်မှုများကို ရှောင်လွဲနိုင်မည့် ရေရှည်စီမံကိန်းတခုကို အကောင်အထည်ဖော်ရန် လိုအပ်ကြောင်း ပြောကြားသည်။

၎င်းက “တကယ်လို့ တုံ့ပြန်မှုမရခဲ့ရင်တော့ ထိုင်းစီးပွားရေး အကျိုးအမြတ်အတွက် ရွှေ့ပြောင်းအလုပ်သမားတွေက ဘယ်လိုပေးဆပ်နေတယ်ဆိုတာကို ပိုမိုအသိအမှတ်ပြုလာအောင် ဆောင်ရွက်ရပါမယ်။ ကုလသမဂ္ဂနဲ့ ILO တို့ရဲ့ နည်းစနစ်တွေကို အသုံးပြုပြီးတော့ လူ့အခွင့်အရေး ချိုးဖောက်မှုတွေကို ဖော်ထုတ်ဖွင့်ချရပါလိမ့်မယ်။ ဒီချိုးဖောက်မှုတွေကို တုံ့ပြန်ဖို့အတွက် အလုပ်သမားတွေဟာ စုစည်းပြီး သူတို့စွမ်းအားကို အသုံးချရပါလိမ့်မယ်။ ကျနော်တို့ ခွန်ခန်းမှာ မြင်တွေ့ခဲ့ရသလိုပေါ့” ဟု ပြောကြားသည်။

ပြီးခဲ့သည့်လအတွင်း၌ ခွန်ခန်းရှိ ငါးဖမ်းပိုက်စက်ရုံတွင် မြန်မာရွှေ့ပြောင်းအလုပ်သမားများ၏ ယာယီပတ်စပို့စ်နှင့် အလုပ်သမားကတ်များအား စက်ရုံတာဝန်ရှိသူများက အလွဲသုံးစားပြုခဲ့မှုအတွက် အလုပ်သမားများက တပတ်ကြာဆန္ဒပြခဲ့ရာ နောက်ဆုံးတွင် လုပ်ငန်းရှင်က အလုပ်သမားများ၏ တောင်းဆိုချက်များကို လိုက်လျောခဲ့ရသည်။

လက်မှတ်အသစ်ဖွင့်ပေးခြင်းကို ယခုနှစ်မကုန်ခင် ပြုလုပ်ပေးသွားမည်ဖြစ်ပြီး မြန်မာအာဏာပိုင်များကလည်း ယာယီနိုင်ငံကူးလက်မှတ် ထုတ်ပေးရေးအစီအစဉ်အတွက် ကျန်ရှိသော မြဝတီနှင့် တာချီလိတ်တို့မှ ရုံးများကို ထိုင်းဘက်အခြမ်းသို့ ပြောင်းရွှေ့ဖွင့်လှစ်ပေးရန် ဆန္ဒရှိကြောင်း ထိုင်းအလုပ်အကိုင်ခန့်ထားရေးဌာန ဒါရိုက်တာ ခွန်ဂျီရာဆက်က စက်တင်ဘာ (၂၈) ရက်၌ တရားဝင်ပြောဆိုခဲ့သည်။

အပြည့်အစုံသို့ >>