ထိုင်းရောက် မြန်မာအလုပ်သမားတချို့ ပိတ်လှောင်စေခိုင်းခံရ

01 October 2009၊ VOA News

ပြည်တွင်းမှာ အဓမ္မလုပ်အား စေခိုင်းမှုတွေနဲ့ ကြုံနေရတဲ့ မြန်မာနိုင်ငံသားတွေဟာ ပြည်ပထွက် အလုပ်လုပ် ကိုင်ရာမှာလည်း ဒီလိုအခြေအနေတွေနဲ့ ကြုံနေရပါတယ်။ ထိုင်းနိုင်ငံ၊ မဟာချိုင်ဒေသက မြန်မာအလုပ်သမား တွေ ကြုံတွေ့နေရတဲ့ အခက်အခဲ၊ အခြေအနေတွေကို ဗွီအိုအေ ထိုင်းအခြေစိုက် သတင်းထောက်ကိုကျော်ထင် က တင်ပြပေးထားပါတယ်။

ပြီးခဲ့တဲ့ ဇူလိုင်လတွင်းမှာ ထိုင်းအာဏာပိုင်တွေနဲ့ မြန်မာအလုပ်သမားအရေး လှုပ်ရှားသူတွေ မဟာချိုင်ဒေသက ပုစွန်လုပ်ငန်းခွင်တခုကို ၀င်ရောက်စီးနင်းခဲ့ရာမှာ လှောင်ပိတ်စေခိုင်းခံနေရတဲ့ မြန်မာအလုပ်သမား ၅၀ ကျော် ကို ကယ်တင်နိုင်ခဲ့ပါတယ်။ သူတို့ဟာ တရက်ကို နာရီ ၂၀ အလုပ်လုပ်ရပြီး လုပ်ခ ဘတ် ၅၀ သာ ရတယ်လို့ မြန်မာနိုင်ငံ အလုပ်သမားသမဂ္ဂ (FTUB) က ပြောပါတယ်။

ကယ်တင်ခံရသူတွေထဲ ကလေးလုပ်သားတွေလည်း ပါတယ်လို့ FTUB ရွှေ့ပြောင်း အလုပ်သမားရေးရာ တာဝန် ခံ ဦးတင်ထွန်းအောင်က ပြောပါတယ်။

“ပြီးခဲ့တဲ့ ၂ လလောက်ကလည်း ထောင်လိုထားပြီး အလုပ်သမားတွေကို ခိုင်းနေတဲ့ စက်ရုံမျိုးလည်း ကျနော်တို့ ကယ်ခဲ့ဖူးတာ ရှိတယ်။ အဲဒီမှာလည်း အသက်မပြည့်တဲ့ ကလေးတွေ ပါတယ်လေ။ အဲဒါတွေက လက်ရှိဖြစ်နေတဲ့ အနေထားပေါ့နော်”

ခုလို စစ်ဆေးမှုတွေရှိပေမယ့် စက်ရုံပိုင်ရှင်အများစုဟာ ကြိုတင်သတင်းရထားတာကြောင့် တရားမ၀င် အလုပ် သမားတွေနဲ့ ကလေးလုပ်သားတွေကို ယာယီ ထုတ်ပယ်ထားကြတယ်လို့ အလုပ်သမားအရေး လုပ်သူတွေက ပြောကြပါတယ်။

မကြာခဏဆိုသလို အရေးယူခံရပေမဲ့လည်း ဥပဒေအရ ထိရောက်စွာ အရေးယူမှု မရှိသေးဘူးလို့ ဦးတင်ထွန်းအောင်က ဆက်ပြောပါတယ်။

“ဒီလို ကလေးအလုပ်သမားတွေ၊ မတရား အချိန်ကြာမြင့်စွာ ခိုင်းစေမှုတွေက မဟာချိုင် နယ်မြေဒေသမှာ မှုခင်း တော်တော်များများ ကျနော်တို့ ဖော်ထုတ်ခဲ့ဖူးတာ ရှိပါတယ်။ ဒါပေမဲ့ ကျနော်တို့မြင်တာက ထိုင်းအစိုးရ ကိုယ် တိုင်ကိုကလည်း ဒီဟာတွေကို သူတို့ ဖုံးဖိချင်တယ်။ နောက်ပြီး နယ်မြေမှာရှိတဲ့ စီးပွားရေး လုပ်ငန်းရှင်တွေ ကလည်း နယ်မြေခံ အာဏာပိုင်တွေနဲ့ ပူးပေါင်းမှုရှိတဲ့အတွက် အရေးယူ ဆောင်ရွက်မှုတွေဟာ ထိရောက်သင့်သ လောက် မထိရောက်ဘူး။ အထူးသဖြင့် ဒီစက်ရုံတွေကို ထိုင်းအာဏာပိုင်တွေရော၊ နိုင်ငံတကာကရော ၀င် ရောက်စစ်ဆေးပြီး ဖမ်းဆီးအရေးယူပေမဲ့ ကျနော်တို့မြင်တာ ဒီစက်ရုံသည် ဆက်ပြီး အလုပ်လုပ်ခွင့် ရှိနေတယ်၊ ဒီစက်ရုံက ပစ္စည်းတွေကို ဆက်ထုတ်နေတာ တွေ့ရတယ်။ အဲဒီလို ထိရောက်စွာ အရေးယူမှု မရှိတဲ့အတွက် ဒီလို မျိုး အလုပ်ရှင်တွေရဲ့ ချိုးဖောက်မှုတွေ ပိုပြီး ရှိလာတဲ့ အနေအထား တွေ့ရတယ်။”

ထိုင်းနဲ့ ဘင်္ဂလားဒေ့ရ်ှတို့က ပုစွန်လုပ်ငန်းခွင်တွေမှာ အလုပ်ချိန်များများ လုပ်ရပေမယ့် လုပ်ခနည်းနည်းသာရပြီး ကလေးအလုပ်သမားတွေကိုလည်း သုံးနေဆဲလို့ အမေရိကန်အခြေစိုက် Solidarity Center ရဲ့ သုတေသန စာတမ်း တစောင်မှာ ဖော်ပြထားပါတယ်။ ထိုင်းဟာ ပုစွန်တင်ပို့တဲ့ ထိပ်တန်းနိုင်ငံဖြစ်ပြီး ပုစွန်ကုန်ချော တင်ပို့ ထုတ်လုပ်မှုရဲ့ ၄၀% ဟာ မဟာချိုင်ဒေသက ဖြစ်တယ်လို့လည်း သုတေသနစာတမ်းက ဆိုပါတယ်။ ဒီနှစ်ထဲ ရေချို၊ ရေငံ ငါးဖမ်းလုပ်ငန်းနဲ့ ရေထွက်ပစ္စည်း လုပ်ငန်းတွေမှာ မြန်မာနိုင်ငံသား ၃၈၀,၀၀၀ နီးပါး မှတ်ပုံတင် ခဲ့ကြတယ်လို့ ထိုင်းအလုပ်သမား ၀န်ကြီးဌာနရဲ့ စာရင်းအရ သိရပါတယ်။

မလေးရှား အကျဉ်းစခန်းရှိ မြန်မာများ ထပ်မံသေဆုံး

Friday, 25 September 2009 17:20 သန်းထိုက်ဦး

မလေးရှား နိုင်ငံတွင် အထိန်းသိမ်းခံနေရသူ မြန်မာအလုပ်သမား များသည် အဖျားရောဂါ တမျိုးကြောင့် သေဆုံး သူ စုစုပေါင်း (၈) ဦး ရှိပြီဖြစ်ကြောင်း ၎င်းစခန်းမှ ထိန်းသိမ်းခံရသူ တဦးက ပြောသည်။

အဆိုပါ သေဆုံးသည့် အလုပ်သမားများသည် ကွာလာလမ်ပူမြို့နိုင်ငံတကာ လေဆိပ်အနီးရှိ ထိန်းသိမ်းရေးစခန်း တရားမ၀င်နေထိုင်မှုများဖြင့် ထိန်းသိမ်းခံနေရသူများဖြစ်ပြီး ၎င်းတို့သည် ပူထရာဂျာရာ ဆေးရုံတွင် သေဆုံးခဲ့ ခြင်းဖြစ်သည်ဟု အထိန်းသိမ်းခံနေရသည့် ကိုကျော်စိုးက ဧရာဝတီသို့ပြောသည်။

“ခြေထောက်တွေလက်တွေဖော၊မျက်နှာတွေ ဖောပြီးတော့ ဆေးရုံရောက်တယ်၊တရက်ပဲခံတယ်၊ အဲဒီလို သေဆုံး သွားကြတာများတယ်၊ သေဆုံးသွားတဲ့လူတွေကို ထောင်အာဏာပိုင်တွေက ပြောပြလို့ သိရတယ်”ဟု ၎င်း ကိုကျော်စိုးက ဆိုသည်။

ယခု ရောဂါသည် အဖျားဝင်ပြီး ထမင်းစားချင်စိတ် မရှိခြင်း၊ ခန္ဓာကိုယ် ဖောယောင်လာခြင်း စသည့် လက္ခဏာ များ ဖြစ်ပေါ်လာကြောင်း ယင်းစခန်းအတွင်း အထိန်းသိမ်းခံနေရသူများက ပြောသည်။

သေဆုံးသူ၏ ရောဂါ အတိအကျကို မသိရှိရသေးသော်လည်း ထိန်းသိမ်းခံနေရသည့် မြန်မာ အလုပ်သမားအများ စုက ကြွက်နှင့် ပတ်သက်သည့် ရောဂါဖြစ်သည်ဟု ပြောဆိုနေကြသည်။

အလားတူပင် ယခုနှစ် ဇန်နဝါရီလက ထိန်းသိမ်းရေး စခန်းတခုတွင် ကိုပေါ နှင့် ကိုကျော်စွာ အမည်ရှိ မြန်မာ ပြည်သားအလုပ်သမား ၂ ဦး သေဆုံးခဲ့ပြီးနောက်ပိုင်း ယခုကဲ့သို့ သေဆုံးမှုများ ပေါ်ပေါက်ခဲ့ခြင်းဖြစ်သည်။

ထိုထိန်းသိမ်းရေး စခန်းတွင်းရှိသူများသည် မလေးရှားတွင် တရားဝင် စာရွက်စာတမ်း မရှိဘဲ နေထိုင်၊ အလုပ်လုပ် ကိုင်မှုဖြင့် ဖမ်းဆီးခံထား ရသူများဖြစ်သည်။ ၎င်းတို့အထဲတွင် မြန်မာပြည်သား အများစုပါဝင်နေကြောင်းလည်း သိရသည်။

အထိန်းသိမ်းခံထားရသူများ အတွက် နေရာ ထိုင်ခင်းလည်း အလုံ အလောက် မရှိဘဲ အထိန်းသိမ်းခံရစဉ် အနိုင် ကျင့် နှိပ်စက်မှုများရှိသည်ဟူသော သတင်းများလည်း မကြာခဏ ထွက်ပေါ်လျက် ရှိသည်။

မြန်မာသံရုံး၏ ပူးပေါင်းဆောင်ရွက်မှု အားနည်းသောကြောင့် ထိန်းသိမ်းခံနေရသော မြန်မာပြည်သားများကို နေ ရပ်ရင်းသို့ ပြန်လည် ပို့ဆောင်ရေး အစီအစဉ်မှာ ကြန့်ကြာနေရခြင်း ဖြစ်သည်ဟု သိရသည်။

၂ဝဝ၅ ခုနှစ်မှ စတင်ပြီး မလေးရှားအစိုးရက RELA တပ်ဖွဲ့ဝင်များအား (လဝက) အချုပ်ခန်းများကို ကွပ်ကဲရန်၊
တရားမဝင် နိုင်ငံခြားသား အလုပ်သမားများကို ဖမ်းဆီးရန် တရားဝင် လုပ်ပိုင်ခွင့်ပေးထားကြောင်း သတင်းများ ဖော်ပြချက်အရ သိရှိရသည်။

မလေးရှားနိုင်ငံတွင် ရွှေ့ပြောင်း အလုပ်သမားများအတွက် လူ့အခွင့်အရေး စံချိန်မှာ နိမ့်ကျနေကြောင်း၊ နိုင်ငံခြား သားမုန်းတီးမှုလည်း အလွန်များကြောင်း၊ထိုသို့ မုန်းတီးမှုကြောင့် ပြဿနာများစွာ ဖြစ်ပေါ်နေကြောင်း ကြားသိရ သည်။

မြန်မာနိုင်ငံတွင် စီးပွားရေး အဆင်မပြေသဖြင့် အိမ်နီးချင်း နိုင်ငံများသို့ သွားရောက် အလုပ် လုပ်ကိုင်သူပေါင်း သန်းနှင့်ချီပြီး ရှိနေသည်။ အထူးသဖြင့် မလေးရှား နှင့် ထိုင်းနိုင်ငံသို့ သွားရောက်လေ့ရှိသည်။

အသတ်ခံရသည့် မြန်မာများအတွက် နစ်နာကြေးရရေး မိသားစုများကို ထိုင်းလူ့အခွင့်အရေးအဖွဲ့ကူညီ

ရဲရင့် / ၂၃ စက်တင်ဘာ ၂၀၀၉
စိုက်ပျိုးရေးလုပ်ငန်းခွင်အတွင်း ပြောင်းဖူးခိုးသည်ဟုစွပ်စွဲပြီး ထိုင်းအလုပ်ရှင်က သတ်ဖြတ်လိုက်သည့် မြန်မာ (၄) ဦးအတွက် နစ်နာကြေးရရှိရန် ၎င်းတို့၏ ကျန်ရစ်သူမိသားစုဝင်များက ထိုင်းတရားရုံးတွင် လျှောက်ထားခဲ့သည်။

ပြီးခဲ့သည့် ၂၀၀၇ ခု နှစ်ကုန်ပိုင်းတွင် မဲဆောက်မြို့မှ ကီလိုမီတာ (၃၀) အကွာရှိ ကျေဒီခို့ရွာ စိုက်ပျိုးရေးခွင်ရှိပြောင်းခြံတွင် မိသားစုဝင်များနှင့် အလုပ်လုပ်ကိုင်နေသည့် ကိုသန်းထွန်း (အထွန်း)၊ ဦးကုလားကြီး၊ ကိုနိုင်လင်း၊ ကိုပေါ်ဦး (အပေါ်) တို့ကို ထိုင်းအလုပ်ရှင်နှင့်အဖွဲ့က ပြောင်းဖူးအိပ်များ ခိုးယူသည်ဟုစွပ်စွဲပြီး သတ်ဖြတ်လိုက်ခြင်းဖြစ်သည်။

နို့စို့အရွယ် ကလေးငယ်အပါအ၀င် ကလေး (၅) ဦးနှင့်အတူ ကျန်ရစ်သူ ကိုသန်းထွန်း၏ဇနီးဖြစ်သူ မကြည်အေးက “အကြောင်းမဲ့ အပြစ်မရှိဘဲ အသတ်ခံရတာပါ။ ကလေးတွေနဲ့ဒုက္ခရောက်ပြီး အားကိုးမရှိတော့လို့ အခုလို နစ်နာကြေးရရှိဖို့ လျှောက်ထားတာပါ” ဟု ပြောသည်။

ထိုင်းတရားရုံးတော်သို့ သေဆုံးသူများ၏ ကျန်ရစ်သူ မိသားစုဝင်များက နစ်နာကြေးရရှိရန် လျှောက်ထားမှုကို ထိုင်း လူ့အခွင့်အရေးအဖွဲ့တခုဖြစ်သည့် Human Right and Development Foundation က ကူညီဆောင်ရွက်ပေးလျက်ရှိသည်ဟု အဖွဲ့၏၀န်ထမ်းတဦးဖြစ်သူ နိုင်ကျန်ပီက ပြောသည်။

ဘန်ကောက်အခြေစိုက် အဆိုပါအဖွဲ့သည် မြန်မာအလုပ်သမားအရေးကို ကူညီနိုင်ရန်အတွက် ၎င်းတို့၏ရုံးခွဲကို မဲဆောက်မြို့တွင် Labor law Clinic (LLC) အမည်ဖြင့် ဖွင့်လှစ်ထားပြီး ဒေသတွင်းရှိ မြန်မာအလုပ်သမားများ၏ အခွင့်အရေး ကာကွယ်စောင့်ရှောက်မှုများနှင့် အလုပ်သမားဥပဒေဆိုင်ရာ ဆွေးနွေးအကြံပြုမှုများကို ကူညီဆောင်ရွက်ပေးလျက်ရှိသည်။

မဲဆောက်ရုံးခွဲမှ ၀န်ထမ်းဖြစ်သူ နိုင်ကျန်ပီက “ဒီနစ်နာကြေးရရှိမှုအတွက် အဖွဲ့ကနေ ကူညီဆောင်ရွက်ပေးနေပါတယ်။ ဒီကိစ္စဟာ ဒေသတွင်းမှာ ပထမဆုံး ထိုင်းတရားရုံးတော်ကို လျှောက်တဲ့အမှုပါ။ အရင်ကလည်း အခုလို မြန်မာတွေ အစုလိုက်အသတ်ခံရတာတွေ ရှိခဲ့ပေမယ့် ဘာနစ်နာကြေးမှ တောင်းဆိုတာတွေမရှိခဲ့ဘူး” ဟု ပြောသည်။

ပြီးခဲ့သည့် ၂၀၀၃ ခုနှစ် မေလ၌ မဲဆောက်အနီးရှိ မယ်ပအရပ်တွင် ထိုစဉ်က ရပ်ကွက်လူကြီးနှင့်အပေါင်းပါများက မြန်မာအလုပ်သမား (၆) ဦးကို သူခိုးများဟု စွပ်စွဲကာ အုပ်စုလိုက်သတ်ဖြတ်မီးရှို့မှု အပါအ၀င် အခြားတဦးစနှစ်ဦးစ သတ်ဖြတ်ခံရမှုများ ရှိခဲ့သော်လည်း ယခုအမှုကဲ့သို့ နစ်နာမှုများရရှိရန်အတွက် တောင်းဆိုမှုများမရှိခဲ့သည်မှာ လူ့အခွင့်အရေး အကာအကွယ်ပေးသည့်အဖွဲ့များနှင့် အဆက်အစပ်မရှိခဲ့ခြင်းကြောင့် ဖြစ်သည်ဟု နိုင်ကျန်ပီက ပြောသည်။

မြန်မာအလုပ်သမား ကိုသန်းထွန်း၊ ဦးကုလားကြီး၊ ကိုနိုင်လင်း၊ ကိုပေါ်ဦးတို့ (၄) ဦးကို သတ်ဖြတ်ခဲ့သည့် အလုပ်ရှင် နိုင်ပရွန်းကာဝိလာဒေ့နှင့် အပေါင်းပါတဦးဖြစ်သူ နိုင်ဖရုမ်းပင်အင်တို့ကို ယမန်နေ့က မဲဆောက်မြို့နယ် တရားရုံးက သေဒဏ်အမိန့်ချမှတ်လိုက်သည်။

သို့သော်လည်း ပြစ်မှုကျူးလွန်ကြောင်း ၀န်ခံခဲ့ကြသည့် ၎င်းတို့ (၂) ဦးကို ထိုင်းတရားရုံးတော်က သက်ညှာသောအားဖြင့် မူလသေဒဏ်မှ တသက်တကျွန်းပြစ်ဒဏ်သို့ ပြောင်းလဲချမှတ်ခဲ့သည်။

သတ်ဖြတ်ခြင်းခံရသည့် မြန်မာအလုပ်သမား (၄) ဦး၏ ကျန်ရစ်သူမိသားစုဝင်များကို မြန်မာနိုင်ငံ အလုပ်သမားအရေး ဆောင်ရွက်နေသည့် အဖွဲ့အစည်းတခုက လက်ခံကူညီစောင့်ရှောက်ထားသည်။

သတ်ဖြတ်မည့်ည၌ ထိုင်းအလုပ်ရှင်က အလုပ်သမား (၅) ဦးအား ပြောင်းခင်းမှတောင်ခြေသို့ ကားဖြင့်ခေါ်ဆောင်ပြီး သေနတ်ဖြင့်ပစ်သတ်ခဲ့သော်လည်း မြန်မာအလုပ်သမား (၁) ဦးဖြစ်သူ ဦးသိန်းအောင်မှာ အသက်မသေဘဲ ဒဏ်ရာများဖြင့် ထွက်ပြေးလွတ်မြောက်ခဲ့သည်။

မြန်မာရွှေ့ပြောင်း ကလေးငယ်များအတွက် ထိုင်းအစိုးရ အသိအမှတ်ပြု ကျောင်းဖွင့်

ရဲရင့် / ၁၄ စက်တင်ဘာ ၂၀၀၉

ထိုင်းနိုင်ငံတွင် တရားဝင်ပထမဆုံး အစိုးရအသိအမှတ်ပြု မြန်မာရွှေ့ပြောင်းကျောင်းဖွင့်ပွဲကို ထိုင်းအာဏာပိုင်များက ယနေ့မွန်းလွဲပိုင်းတွင် ဖွင့်လှစ်လိုက်သည်။

မဲဆောက်ရှိ မြန်မာကလေးငယ် (၂၂၇) ဦး ပညာသင်ကြားနေသည့် SAN TA WA SUEK SA SCHOOL ကို ယနေ့မှစတင်ကာ ထိုင်းပညာရေးဝန်ကြီးဌာနမှ တရားဝင် ပုဂ္ဂလိကကျောင်းအဖြစ် အသိအမှတ်ပြုဖွင့်လှစ်ပေးခြင်းဖြစ်သည်။

ကျောင်းဖွင့်ပွဲတက်ရောက်ခဲ့သည့် မဲဆောက်မြို့ပိုင် နိုင်ကိတိဆတ်တိုမွန်ဆတ်က “ဒီကလေးတွေ ပညာရေးထူးချွန်မယ်ဆိုရင်၊ ဘွဲ့ရပြီးရင် သူတို့အနာဂတ်အတွက် ထိုင်းအစိုးရဆီကနေ အခွင့်အရေး တစုံတရာ ရရှိလာမှာဖြစ်တယ်” ဟု ဒေသခံသတင်းထောက်များအား ပြောသည်။

မြန်မာ့ရွှေ့ပြောင်းအလုပ်သမားပညာရေးကော်မတီ (BMWEC) ၏ စစ်တမ်းများအရ မဲဆောက်အပါအ၀င် တာ့ခ်ခရိုင်အတွင်း မြန်မာရွှေ့ပြောင်းစာသင်ကျောင်း (၆၂) ကျောင်းရှိကြောင်း သိရှိရပြီး မြန်မာကလေးငယ် (၁၁,၀၀၀) ခန့် ပညာသင်ကြားလျက် ရှိသောကျောင်းများမှ အဆိုပါကျောင်းကို ယခုကဲ့သို့ ထိုင်းအစိုးရက တရားဝင်အသိအမှတ်ပြုခဲ့ခြင်းဖြစ်သည်။

အဆိုပါကျောင်းတွင် တက်ရောက်ပညာသင်ကြားနေသည့် ကလေးငယ်များသည် ထိုင်းနိုင်ငံသားမဟုတ်သော်လည်း ထိုင်းနိုင်ငံသားကဲ့သို့ ဘွဲ့ရရှိသည်အထိ ပညာသင်ကြားခွင့် ရရှိမည်ဖြစ်သည်။

သူငယ်တန်းမှခြောက်တန်းအထိရှိသည့် အဆိုပါကျောင်းတွင် သင်ရိုးညွှန်းတမ်းများကို ထိုင်းဘာသာဖြင့်ပြဋ္ဌာန်းထားပြီး မြန်မာစာကို သီးသန့်သင်ကြားပေးသည်။

(၆) တန်းကျောင်းသား မောင်သန်းစိုးဝင်းက “သားဘွဲ့ရပြီးလို့ အခွင့်အရေးရခဲ့မယ်ဆိုရင် ထိုင်းရဲတပ်ဖွဲ့ထဲဝင်ပြီး လူတွေကို ကူညီစောင့်ရှောက်မယ်” ဟု ပြောသည်။

ကျောင်းဖွင့်ပွဲတက်ရောက်သူ ထိုင်းကျောင်းဆရာတဦးက “မြန်မာကလေးတွေအတွက် မျှော်လင့်ချက်နဲ့အခွင့်အရေးပဲ။ ကလေးတွေ ကြိုးစားဖို့ပဲ လိုတယ်။ မိဘတွေကလည်း ကလေးတွေ ကိုယ့်ဘ၀မျိုးမဖြစ်ရအောင် ကလေးတွေရဲ့ ပညာရေးကို အားပေးဖို့လိုတယ်” ဟု ပြောသည်။

BMWEC ၏ စစ်တမ်းများအရ မဲဆောက်အပါအ၀င် တာ့ခရိုင်အတွင်း ပညာသင်ကြားရန် အရွယ်ရောက်သော်လည်း သင်ကြားနိုင်ခွင့်မရှိသည့် မြန်မာကလေးငယ် (၃၀,၀၀၀) ခန့်ရှိသည်ဟု သိရသည်။

မလေးရှားတွင် မြန်မာအလုပ်သမများ အဓမ္မပြုကျင့်ခံရ

မင်းနိုင်သူ၊၁၄၊ စက်တာဘာ ၊ ၂၀၀၉
မလေးရှားနိုင်ငံ ဂျိုဟိုးပြည်နယ် ဆီရီပူတြာရပ်ကွက် ပလတ်စတစ်စက်ရုံတွင် အလုပ်လုပ်ကိုင်နေသော မြန်မာ အမျိုးသမီးအလုပ်သမား (၄) ဦးတို့ အဓမ္မပြုကျင့်ခံခဲ့ရပြီးနောက် ပျောက်ဆုံးနေကြောင်း မြန်မာနိုင်ငံသားများအရေး ကူညီဖြေရှင်းပေးနေသော အန်အယ်လ်ဒီ လွတ်မြောက်နယ်မြေ (မလေးရှား) မှ ဥက္ကဋ္ဌ ကိုကျော်ကျော်က ပြောသည်။

“သူတို့က ပလတ်စတစ်စက်ရုံတရုံမှာ လုပ်ကိုင်နေကြတဲ့ မြန်မာအမျိုးသမီးတွေပါ။ အဲဒီစက်ရုံမှာ မြန်မာအမျိုးသမီး (၁၀) ဦးရှိပါ တယ်။ သူတို့ထဲက (၄) ဦးကို မလေးရှားနိုင်ငံသားတွေက အဓမ္မပြုကျင့်သွားကြပြီး နောက်တရက်မှာပဲ မြန်မာသံရုံးက ခေါ်သွားတယ်။ အဲဒီနောက် မြန်မာသံရုံးက သူတို့ကို အလုပ်ရှာပေးခဲ့တဲ့ အေးဂျင့်လက်ကို အပ်လိုက်တယ်လို့ သတင်းရတယ်။ အဲနောက် သူတို့ကို အခုထိ ဆက်သွယ်လို့မရသေးဘူး။ တကယ်တမ်းဆိုရင် သံရုံးကိုယ်တိုင်က ကိုင်တွယ်ဖြေရှင်းသင့်တဲ့ကိစ္စကို သံရုံးက အခုလို ဖျောက်ဖျက်ချင်နေတာ ဘာသဘောလဲဆိုတာ ကျနော်တို့ မသိနိုင်ဘူး” ဟု ၎င်းက ပြောသည်။

ဆီရီပူတြာရပ်ကွက်ရှိ ပလတ်စတစ်စက်ရုံတွင် အလုပ်လုပ်ကြသော မြန်မာအမျိုးသမီး (၁၀) ဦးနေထိုင်ရာအိမ်သို့ သြဂုတ် (၂၈) ရက်တွင် မလေးရှားနိုင်ငံသား (၄) ဦး ၀င်ရောက်လာကာ အမျိုးသမီးများထံမှ လက်ဝတ်လက်စားနှင့်ငွေများ တောင်းယူခဲ့ သည့်အပြင် အမျိုးသမီး (၄) ဦးကို သီးခြားခွဲထုတ်ကာ အဓမ္မပြုကျင့်ခဲ့ခြင်းဖြစ်ကြောင်း ကိုကျော်ကျော်က ပြောသည်။

၎င်းက ဆက်လက်ပြီး “သူတို့ကို မလေးရှားနိုင်ငံသားတွေက မဖွယ်မရာတွေ လာလာလုပ်ပြနေကြတာတော့ ကြာပြီတဲ့။ အဲဒီနေ့ကတော့ အခန်းထဲထိဝင်လာပြီး မိန်းကလေးတွေကို ကြိုးတုပ်ဖမ်းတယ်။ သူတို့ (၁၀) ယောက်ထဲက (၄) ယောက်ကို မုဒိမ်းကျင့်သွားတယ်။ မုဒိမ်းအကျင့်ခံရတဲ့အထဲမှာ (၁) ယောက်က အိမ်ထောင်သည်၊ ကျန်တဲ့ (၃) ဦးကတော့ အပျိုလေးတွေ။ သူတို့အုပ်စုမှာ အသက်အကြီးဆုံးက (၂၈) နှစ်ပဲရှိတယ်” ဟု ကိုကျော်ကျော်က ပြောသည်။

အဆိုပါ မြန်မာမိန်းကလေးအလုပ်သမား (၁၀) ဦးမှာ ရန်ကုန်မြို့ (၃၈) လမ်းရှိ အလုပ်အကိုင်ရှာဖွေရေး အေဂျင်စီထံမှတဆင့် မလေးရှားတွင် အလုပ်လုပ်ရန် ထွက်ခွာလာကြသည့် တရားဝင်အလုပ်သမားများဖြစ်ကြောင်း သိရသည်။

မိန်းကလေးများအနေဖြင့် နံနက် (၉) နာရီမှ ည (၈) နာရီအထိ အလုပ်လုပ်ကိုင်ကြရပြီး တရက်လျှင် (၁၈) ရင်းဂစ် ရရှိသော အလုပ်သမများဖြစ်ပြီး သျှိင်းအမည်ရှိ အလုပ်သမားရှာဖွေရေး အေဂျင်စီမှတဆင့် မလေးရှားသို့ ရောက်ရှိလာကြသည်ဟု စုံစမ်းသိရှိထားကြောင်း ကိုကျော်ကျော်က ပြောသည်။

“အဲဒီကုမ္ပဏီကလည်း ငွေကြေးအရှုပ်အရှင်းတွေကြောင့် ပြီးခဲ့တဲ့နှစ်ကတည်းက ပိတ်ထားရတယ်လို့ကြားတယ်။ အဲဒီက ထွက်လာတဲ့ကောင်မလေးတွေက အခုဒီမှာ ဒီလိုဖြစ်တော့ သူတို့ဘာမှမလုပ်တတ်ဘူး။ မလုပ်တတ်တော့ ဖြစ်ဖြစ်ချင်း အေးဂျင့်ကို ဖုန်းဆက်တယ်။ နောက်ပြီး သံရုံးကို ဖုန်းဆက်တယ်။ ဖြစ်ပြီးနောက်ရက်မှာ သံရုံးက သူတို့ကို လာခေါ်တယ်။ လာခေါ်ပြီးနောက် (၂) ရက်လောက်ကြာတော့ သူတို့အေဂျင့် ကိုဝေယံလင်းနဲ့ ထည့်လိုက်တယ်လို့ ကျနော်တုို့ သတင်းရထားတယ်” ဟု ကိုကျော်ကျော်က ပြောသည်။

မြန်မာမိန်းကလေးများ အဓမ္မပြုကျင့်ခံရမှုသည် ယနေ့အချိန်ထိ အမှုဖွင့်တရားစွဲဆိုနိုင်ခြင်းမရှိသေးကြောင်း၊ မြန်မာသံရုံးအနေဖြင့် ယခုကဲ့သို့ လူမျိုးနှင့် နိုင်ငံဂုဏ်သိက္ခာကျဆင်းစေသည့်အမှုကို ထိထိရောက်ရောက်ကိုင်တွယ် ဖြေရှင်းသင့်ကြောင်း ကိုကျော်ကျော်က ထောက်ပြပြောဆိုသည်။

အဆိုပါအမှုကိစ္စအပေါ် မလေးရှားမြန်မာသံရုံးမှ ကိုင်တွယ်ဆောင်ရွက်နေမှုနှင့်စပ်လျဉ်း၍ သိရှိနိုင်ရန် ဆက်သွယ်ခဲ့သော်လည်း ဆက်သွယ်၍ မရပေ။

မလေးရှားထိန်းသိမ်းရေးစခန်းတွင် မြန်မာများသေဆုံးနေဆဲ

မင်းနိုင်သူ / ၁၁ စက်တင်ဘာ ၂၀၀၉

မြန်မာရွှေ့ပြောင်းအလုပ်သမားများအား ဖမ်းဆီးထိန်းသိမ်းထားသည့် မလေးရှားနိုင်ငံ (KLIA) စခန်းမှ မြန်မာအလုပ်သမားတဦး ပြီးခဲ့သည့်အင်္ဂါနေ့တွင် ထပ်မံသေဆုံးသွားကြောင်းသိရသည်။

“ပြီးခဲ့တဲ့ အင်္ဂါနေ့က ကိုမင်းခိုင်ဆိုတဲ့လူ ထပ်ဆုံးသွားပြီ။ ဘာရောဂါဆိုတာလည်း အတိအကျမပြောကြဘူး။ ကျနော်တို့ကို ဘာမှ အသိမပေးဘူး။ စခန်းက အသိမပေးသလို မြန်မာသံရုံးကလည်း အသိမပေးဘူး။ အပြင်က မြန်မာအချင်းချင်း လှမ်းပြောကြလို့ သိကြရတာ” ဟု အဆိုပါ ထိန်းသိမ်းရေးစခန်းမှ မြန်မာအလုပ်သမားတဦးက ပြောသည်။

မလေးရှားကွာလာလမ်ပူ လေဆိပ်အနီးရှိ အဆိုပါ ထိန်းသိမ်းရေးစခန်းတွင် ပြီးခဲ့သည့် လမှစတင်ကာ ကူးစက်ရောဂါတမျိုး ဖြစ်ပွားလာသဖြင့် မြန်မာအလုပ်သမားအချို့ သေဆုံးခဲ့သည်။

စခန်းတွင်းရှိ မြန်မာအလုပ်သမားများအရေး စောင့်ကြည့်နေသော အန်အယ်လ်ဒီလွတ်မြောက်နယ်မြေ (မလေးရှား) မှ ကိုကျော်ကျော်က “ဘာရောဂါဖြစ်တယ်ဆို အတိအကျမသိရဘူး။ ဆေးရုံကလည်း မဖော်နိုင်သေးဘူး။ ရောဂါလက္ခဏာကတော့ အနီကွက်တွေထတယ်၊ ဖျားတယ်၊ အကြောဆွဲတယ်၊ အဲလိုတွေဖြစ်တယ်။ စခန်းထဲမှာတော့ ကျန်းမာရေးအခြေအနေက တော်တော်ဆိုးဝါးနေတယ်။ UNHCR လည်း ၀င်မရ။ မလေးရှားဆရာဝန်များ အသင်းလည်း ၀င်မရဖြစ်နေတာ။ ဟိုတခါမြန်မာ (၂၈) ယောက် ထွက်ပြေးပြီးကတည်းက မလေးအာဏာပိုင်တွေက တော်တော်တင်းကျပ်လိုက်တာ။ အခုနောက်ပိုင်း သူတို့ကို တနေ့ ဆေး (၃) လုံး ပေးနေတယ်လို့တော့ သိထားရတယ်” ဟု ပြောသည်။

ထိန်းသိမ်းခံမြန်မာအလုပ်သမားများအား စခန်းအနီးရှိ ပူထရာဂျာရာဆေးရုံသို့ ပို့ဆောင်ကုသစေသော်လည်း ယနေ့အထိ သေဆုံးခဲ့သည့် မြန်မာအလုပ်သမားများမှာ (၆) ဦးရှိပြီဖြစ်သည်။

ယခင်လနှောင်းပိုင်းက ကိုစိုးသိန်းဆိုသူ မြန်မာအလုပ်သမားတဦး ဆုံးပါးခဲ့ပြီးနောက် အမည်မသိရသေးသည့် ရောဂါဖြင့် ကိုထက်၊ ရွှေငယ်၊ မင်းနိုင်၊ စံခူးလ်လွန်း၊ မင်းခိုင်တို့ ထပ်မံသေဆုံးခဲ့သည်။

ထိုသို့မလေးရှားရောက် မြန်မာအလုပ်သမားများ သေဆုံးမှုကို မြန်မာအစိုးရသတင်းစာက သတင်းမှောင်ချထားပြီး ပြန်ခေါ်နေသည့် သတင်းများကိုသာ ဖော်ပြနေကြောင်း အထိန်းသိမ်းခံတဦးက ပြောသည်။

မြန်မာနိုင်ငံသို့ပြန်ခေါ်နေသော်လည်း ရင်းဂစ် (၁,၈၀၀) ပေးရသည့်အပြင် ကိုယ်ရေးအချက်အလက်နှင့် သန်းခေါင်စာရင်း ပေးအပ်ရမှုများကြောင့် မြန်မာအလုပ်သမားအများစုအကြား တွေဝေမှုများ ရှိနေရသည်ဟုလည်း ၎င်းကပြောသည်။

“မြန်မာအစိုးရက သိတဲ့အတိုင်းပဲလေ။ ဒီမှာကတည်းက အချက်အလက်အကုန်တောင်းတယ်။ နောက်ပြီး အိမ်အထိ လိုက်တယ်။ ဟိုရောက်တယ်ဆိုတာနဲ့ သတင်းတပ်ဖွဲ့က အချက်အလက်အကုန်မှတ်တယ်ပြောတယ်။ ဆိုတော့ ပြန်ရမှာလည်း ကြောက်ကြတယ်ဗျာ။ အတော်များများကတော့ ယူအန်ကိုပဲ မျှော်ကြတာပေါ့။ ပြီးခဲ့တဲ့လပိုင်းတုန်းကတော့ ယူအန်လာတယ်။ ဒါပေမယ့် တိုင်းရင်းသားတွေကိုပဲ ခေါ်သွားတယ်။ ကျနော်တို့ မြန်မာတွေက ကျန်ခဲ့တယ်” ဟု အထိန်းသိမ်းခံက ပြောသည်။

မလေးရှားမြန်မာသံရုံးမှ မြန်မာနိုင်ငံ ပြန်လိုသူများအား မှတ်ပုံတင်၊ သန်းခေါင်စာရင်း မိတ္တူနှင့် ရင်းဂစ် (၁,၈၀၀) တောင်းခံနေသည့်အပြင် မြန်မာနိုင်ငံရှိ အလုပ်သမား၏ နေအိမ်မှလည်း ကျပ်ငွေ (၂) သိန်းတောင်းယူမှုများ ရှိနေသည်ဟု ကြားသိရကြောင်း မလေးရှားအန်အယ်လ်ဒီမှ ကိုကျော်ကျော်က ပြောသည်။

“ပြန်ခေါ်တဲ့ သတင်းတွေ ထုတ်အပြီး နှစ်သုတ်ပြန်ခေါ်တာတွေ့တယ်။ ပထမအသုတ်က လူ (၅၀) လောက်နဲ့ ဒုတိယ (၃၈) ယောက်ပါတယ်။ အခုစခန်းထဲမှာ လူ (၃၀၀) နီးပါးလောက်ကျန်သေးတယ်” ဟု ကိုကျော်ကျော်က ပြောသည်။

အလုပ်လုပ်ခွင့်လက်မှတ်ရရန် ယာယီနိုင်ငံကူးလက်မှတ်ပြုလုပ်သူများရှိနေ

စက်တင်ဘာ၊ ၁၁၊ ၂၀၀၉


ထိုင်းနိုင်ငံအတွင်း အလုပ်လုပ်နေကြသည့် မြန်မာရွှေ့ပြောင်းအလုပ်သမားများအနေဖြင့် ယာယီနိုင်ငံကူးလက်မှတ်ပြုလုပ်ပြီးမှ အလုပ်လုပ်ခွင့်လက်မှတ် ထုတ်ပေးမည်ဖြစ်သည့်အတွက် အလုပ်သမားများ နယ်စပ်မြို့များသို့ သွားရောက်ကာ နိုင်ငံကူးလက်မှတ်များပြုလုပ်နေလျှက်ရှိသည်။

ထိုင်း - မြန်မာအစိုးရ၏ နှစ်နိုင်ငံသဘောတူညီချက်အရ နယ်စပ်မြို့များဖြစ်သော မြ၀တီ၊ တာချီလိတ်နှင့် ကော့သောင်းမြို့ ၃ မြို့တွင် အလုပ်သမားလက်မှတ်ရှိသော ရွှေ့ပြောင်းမြန်မာအလုပ်သမားများကို ယာယီနိုင်ငံကူးလက်မှတ်များပြုလုပ်ပေးနေခြင်းဖြစ်ကြောင်း တာချီလိတ်တွင် ယာယီနိုင်ငံကူးလက်မှတ် သွားရောက်ပြုလုပ်ခဲ့သူ မခိုင်က ပြောသည်။

“ သွားလုပ်မယ် ဆိုရင် ထိုင်းဘက်မှာ အရင်ဆုံးလျှောက်လွှာခက ဘတ် ၂၅၀၊ ကားခအသွားအပြန်ခ ဘတ် ၁၆၀၀ ၊ မြန်မာနိုင်ငံသားစီစစ်ရေးရုံးမှာ ဘတ်၁၅၀၀၊ ဗီဇာခ ဘတ် ၂၀၀၀နဲ့ မြန်မာအစိုးရ ကိုတော့ မြန်မာနိုင်ငံသားမှတ်ပုံတင် မပါသွားရင် ဘတ် ၃၀၀ ၊ စာအုပ်ဖိုးက ဘတ် ၇၀၀ ကျပ်ပေးရတယ်၊ အားလုံး ဘတ် ၇၀၀၀ လောက်ကုန်တယ်” ဟု ပြောသည်၊၊

ယာယီန်ိုင်ငံကူးလက်မှတ် သွားရောက်ပြုလုပ်ပြီးပါက အလုပ်လုပ်ခွင့် လက်မှတ်များကို ဆက်လက်သက်တမ်းတိုးပေးမည်ဖြစ်ပြီး ယာယီနိုင်ငံကူးလက်မှတ်နှင့် အလုပ်လုပ်ခွင့် လက်မှတ်ကို ပူးတွဲကိုင်ဆောင်ရမည်ဖြစ်ကာ အလုပ်လုပ်ခွင့်နှင့် ထိုင်းတနိုင်ငံလုံးတွင် သွားလာခွင့်ရရှိ၍ နေထိုင်ခွင့် (၂) နှစ်ရရှိမည်ဖြစ်သည်၊၊

ဘန်ကောက်၊ စက်ချုပ်ရုံတွင် အလုပ်လုပ်ကိုင်နေသူ မနွယ်ကလည်း “ အလုပ်ကလည်း ဒီမှာ အဆင်မပြေရတဲ့ အထဲ၊ ယာယီနိုင်ငံကူး လက်မှတ်လုပ်ရင် ဘတ် ၈၀၀၀ လောက် ကုန်အုံးမယ်၊ ပြီးရင် အလုပ် သမား လက်မှတ် ပြန်လုပ်ရင် ၄၀၀၀ လောက်ကုန်အုံးမယ် ဆိုတော မလုပ်နိုင်ပါဘူး၊ ဖမ်းမ်ိမယ်ဆိုရင်လည်း ပြန်ရုံပါဘဲ ” ဟုပြောသည်။

အဆိုပါ ယာယီနိုင်ငံကူးလက်မှတ်များကို လွန်ခဲ့သည့် နှစ်လခန့်က စတင်ပြုလုပ်ပေးနေခြင်းဖြစ်ပြီး လက်ရှိထိုင်းနိုင်ငံတွင် မှတ်ပုံတင်ထားသူ မြန်မာအလုပ်သမား (၇) သိန်းကျော်ရှိသော်လည်း ယာယီနိုင်ငံကူးလက်မှတ် သွားရောက်ထုတ်ယူသူ (၂၀၀) ခန့်သာရှိသည်။

အဆိုပါအခြေအနေများနှင့်ပတ်သက်၍ ရောင်ခြည်ဦးအလုပ်သမားများအဖွဲ့မှ ဥပဒေရေးရာတာဝန်ခံ ကိုထွေးနိုင်က “ အလုပ်သမားတွေကို ထိုင်းတနိုင်ငံလုံးသွားလာခွင့် ရမယ်ဆိုရင် ထိုင်းလုပ်ငန်း ရှင်တွေက ကန့်ကွက်မှာသေချာတယ်၊ ဘာကြောင်းလဲဆိုတော့ လွတ်လပ်စွာ သွားလာခွင့် ၊ အလုပ်ပြောင်းလွှဲခွင့်ရမယ်ဆိုရင် သူတို့ရဲ့လုပ်ငန်းတွေကို ထိခိုက်လာနိုင်တာကြောင့်ပါ “ ဟုပြောသည်၊၊

၂၀၁၀ ခုနှစ် ဖေဖော်ဝါရီလ နောက်ပိုင်း တရားမ၀င်နေထိုင်သည့် ရွှေပြောင်းအလုပ်သမားများကို လိုက်လံဖမ်းဆီးပြီး နေရင်းနိုင်ငံများသို့ ပြန်ပို့မည်ဟု ထိုင်းအာဏာပိုင်များဘက်မှ ကြေညာထားပြီး ထိုင်းနိုင်ငံတွင် မြန်မာရွှေ့ပြောင်းအလုပ်သမား နှစ်သန်းခန့် အလုပ်လုပ်ကိုင်နေလျှက်ရှိသည်။

အယ်ကဟော်