မှတ်ပုံတင်အသစ် ဖွင့်ပေးမှုကို အလုပ်သမားရေးအဖွဲ့များ ကြိုဆို

.မြတ်ခိုင်ဦး / ၀၁ အောက်တိုဘာ ၂၀၁၀

ထိုင်းနိုင်ငံအတွင်းရှိ တရားမဝင် ရွှေ့ပြောင်းအလုပ်သမားများအား ထိုင်းအစိုးရက တရားဝင် ထပ်မံမှတ်ပုံတင်ခွင့်ပြုမည့် အစီအစဉ်ကို အလုပ်သမားရေး လုပ်ဆောင်နေသော နိုင်ငံတကာနှင့် ဒေသဆိုင်ရာအဖွဲ့အစည်းများက ကြိုဆိုလိုက်သည်။

ယင်းသို့ကြိုဆိုလိုက်သည့်အပြင် အလုပ်သမားများအား မှီခိုနေထိုင်သူများ၏ အခွင့်အရေးများကိုလည်း အကာအကွယ်ပေးရန် တောင်းဆိုလိုက်သည်။

ရွှေ့ပြောင်းအလုပ်သမားအရေး လုပ်ဆောင်နေသော စုပေါင်းအဖွဲ့အစည်းများ၊ ထိုင်းအလုပ်သမားသမဂ္ဂများ၊ ကျန်းမာရေးပညာရေး လုပ်ဆောင်နေသော လူမှုအဖွဲ့အစည်းများက ယမန်နေ့၌ ကြေညာချက်ထုတ်ပြန်ကာ ထိုင်းအစိုးရအား တောင်းဆိုချက်များကို တောင်းဆိုခဲ့သည်။
.ကြေညာချက်တွင် ရွှေ့ပြောင်းအလုပ်သမားများအတွက် စီမံခန့်ခွဲရေး ထိုင်းအစိုးရက ရေရှည်မူဝါဒတခု ချမှတ်ဆောင်ရွက်ရန် အရေးတကြီးလိုအပ်နေကြောင်း၊ ရွှေ့ပြောင်းအလုပ်သမားများ၏ လူ့အခွင့်အရေးဆိုင်ရာ အကာအကွယ်ပေးမှုတွင် ဥပဒေအရ အမှန်ဖြစ်စေမည့် ဆောင်ရွက်မှုကို အကောင်အထည်ဖော်စေလိုကြောင်း၊ မူဝါဒဆိုင်ရာတိုးတက်မှု လုပ်ငန်းစဉ်တွင် အစိုးရမဟုတ်သော အဖွဲ့အစည်းများ၊ အလုပ်သမားရေးရာ အဖွဲ့အစည်းများနှင့် ရွှေ့ပြောင်းအလုပ်သမားများ စသည့်သူများ ပါဝင်သော ကျယ်ပြန့်စွာဆောင်ရွက်နိုင်မှု ရှိရန်လိုအပ်ကြောင်း တောင်းဆိုထားသည့်အပြင် ရွှေ့ပြောင်းအလုပ်သမားများ မှတ်ပုံတင်ခွင့်ပြုခြင်းကို အသစ်ပြန်လည် ဖွင့်လှစ်ပေးသည့်အတွက် ထောက်ခံကြိုဆိုကြောင်းလည်း ဖော်ပြထားသည်။

ထို့အပြင် အစိုးရအနေဖြင့် ရွှေ့ပြောင်းအလုပ်သမားများအရေးနှင့်ပတ်သက်၍ တိတိကျကျ ကိုင်တွယ်ဆောင်ရွက်နိုင်ရန် ဗဟိုအဖွဲ့အစည်းတခုကို ဖွဲ့စည်းဆောင်ရွက်သင့်ကြောင်း သို့မှသာ ဥပဒေ အသက်ဝင်လာနိုင်ပြီး ဖြစ်ပေါ်နေသည့် ရွှေ့ပြောင်း အလုပ်သမားများ၏ အခွင့်အရေး ချိုးဖောက်နေမှုများအား ကိုင်တွယ်သွားနိုင်မည်ဖြစ်ကြောင်း ထောက်ပြထားသည်။ ထိုသို့လုပ်ဆောင်ရာတွင် အလုပ်သမားရေး လုပ်ဆောင်နေသော အဖွဲ့အစည်းများ၏ ပူးပေါင်းပါဝင်မှုလည်းလိုကြောင်း ပါရှိသည်။

ယခင်အစဉ်အဆက် ပြုလုပ်လာခဲ့သော မှတ်ပုံတင်ခြင်းအစီအစဉ်များ၏ အားနည်းချက်များကို ထောက်ပြထားပြီး ယခုဖွင့်လှစ်မည့် အစီအစဉ်ကို (၆) လကြာ လုပ်ဆောင်ပေးရန်နှင့် အလုပ်သမားများအား အလုပ်ရှင် ရှိရှိ မရှိရှိ မှတ်ပုံတင်ခွင့်ပြုစေပြီး ထိုလုပ်သားများအား (၃) လအတွင်း အလုပ်ရှင် ရှာဖွေခွင့်ပြုရန်လည်း တိုက်တွန်းထားသည်။ ထိုင်းအစိုးရက ထိုင်းနိုင်ငံတွင်းရှိ ရွှေ့ပြောင်းအလုပ်သမားများအား တရားဝင်မှတ်ပုံတင်ခွင့် ပြုခဲ့သည်မှာ ၂၀၀၄ ခုနှစ်မှစ၍ ယမန်နှစ် သြဂုတ်လ အပါအ၀င် (၇) ကြိမ် ခွင့်ပြုခဲ့ပြီးဖြစ်သည်။

လူ့အခွင့်အရေးနှင့် ဖွံ့ဖြိုးတိုးတက်ရေးဖောင်ဒေးရှင်းမှ အတိုင်ပင်ခံအရာရှိ အန်ဒီဟောလ်က ထိုင်းအစိုးရသည် လက်မှတ်အသစ်ဖွင့်ပေးသည့် အစီအစဉ်ကောင်းကို မလွဲမသွေပြုလုပ်လိမ့်မည်ဟု ယူဆကြောင်း၊ သို့သော် ယခုအစီအစဉ်တွင် ယခင်က စနစ်မကျမှုများကြောင့် ဖြစ်ပေါ်ခဲ့ကာ တိုးပွားလာနေသည့် လူ့အခွင့်အရေး ချိုးဖောက်မှုများကို ရှောင်လွဲနိုင်မည့် ရေရှည်စီမံကိန်းတခုကို အကောင်အထည်ဖော်ရန် လိုအပ်ကြောင်း ပြောကြားသည်။

၎င်းက “တကယ်လို့ တုံ့ပြန်မှုမရခဲ့ရင်တော့ ထိုင်းစီးပွားရေး အကျိုးအမြတ်အတွက် ရွှေ့ပြောင်းအလုပ်သမားတွေက ဘယ်လိုပေးဆပ်နေတယ်ဆိုတာကို ပိုမိုအသိအမှတ်ပြုလာအောင် ဆောင်ရွက်ရပါမယ်။ ကုလသမဂ္ဂနဲ့ ILO တို့ရဲ့ နည်းစနစ်တွေကို အသုံးပြုပြီးတော့ လူ့အခွင့်အရေး ချိုးဖောက်မှုတွေကို ဖော်ထုတ်ဖွင့်ချရပါလိမ့်မယ်။ ဒီချိုးဖောက်မှုတွေကို တုံ့ပြန်ဖို့အတွက် အလုပ်သမားတွေဟာ စုစည်းပြီး သူတို့စွမ်းအားကို အသုံးချရပါလိမ့်မယ်။ ကျနော်တို့ ခွန်ခန်းမှာ မြင်တွေ့ခဲ့ရသလိုပေါ့” ဟု ပြောကြားသည်။

ပြီးခဲ့သည့်လအတွင်း၌ ခွန်ခန်းရှိ ငါးဖမ်းပိုက်စက်ရုံတွင် မြန်မာရွှေ့ပြောင်းအလုပ်သမားများ၏ ယာယီပတ်စပို့စ်နှင့် အလုပ်သမားကတ်များအား စက်ရုံတာဝန်ရှိသူများက အလွဲသုံးစားပြုခဲ့မှုအတွက် အလုပ်သမားများက တပတ်ကြာဆန္ဒပြခဲ့ရာ နောက်ဆုံးတွင် လုပ်ငန်းရှင်က အလုပ်သမားများ၏ တောင်းဆိုချက်များကို လိုက်လျောခဲ့ရသည်။

လက်မှတ်အသစ်ဖွင့်ပေးခြင်းကို ယခုနှစ်မကုန်ခင် ပြုလုပ်ပေးသွားမည်ဖြစ်ပြီး မြန်မာအာဏာပိုင်များကလည်း ယာယီနိုင်ငံကူးလက်မှတ် ထုတ်ပေးရေးအစီအစဉ်အတွက် ကျန်ရှိသော မြဝတီနှင့် တာချီလိတ်တို့မှ ရုံးများကို ထိုင်းဘက်အခြမ်းသို့ ပြောင်းရွှေ့ဖွင့်လှစ်ပေးရန် ဆန္ဒရှိကြောင်း ထိုင်းအလုပ်အကိုင်ခန့်ထားရေးဌာန ဒါရိုက်တာ ခွန်ဂျီရာဆက်က စက်တင်ဘာ (၂၈) ရက်၌ တရားဝင်ပြောဆိုခဲ့သည်။

လက်မှတ်အသစ် လုပ်ပေးမည်ဟု ဝန်ကြီးပြောဆို

.မြတ်ခိုင်ဦး / ၂၇ စက်တင်ဘာ ၂၀၁၀

အလုပ်သမားမှတ်ပုံတင် လက်မှတ်မရှိသေးသည့် ရွှေ့ပြောင်းအလုပ်သမားများအား မှတ်ပုံတင်လုပ်ပေးသွားမည်ဟု ထိုင်းအလုပ်သမားဝန်ကြီးက စက်တင်ဘာ (၂၃) ရက်တွင် ပြုလုပ်သည့် ထိုင်းအလုပ်သမားဝန်ကြီးဌာန အစည်းအဝေး၌ ပြောကြားကြောင်း ထိုင်းသတင်းများတွင် ဖော်ပြပါရှိသည်။

အဆိုပါ ပြောကြားချက်နှင့်ပတ်သက်၍ ရွှေ့ပြောင်း အလုပ်သမားအရေး လုပ်ဆောင်နေသော နိုင်ငံတကာအဖွဲ့အစည်းတခုမှ တာဝန်ရှိသူတဦးက “လုပ်မယ်ဆိုရင် နိုဝင်ဘာလ ကက်ဘိနက် အစည်းအဝေးမှာ တင်ပြရမှာပါ။ ဒီမတိုင်ခင်တော့ အလုပ်သမားဝန်ကြီးဌာန အထက်မှာရှိတဲ့ အလုပ်သမားစီမံခန့်ခွဲရေး ကော်မတီကို တင်ပြရပါမယ်။ ကော်မတီက သဘောတူခွင့်ပြုရင် ကက်ဘိနက်ကလည်း သဘောတူမှာပါ” ဟု ပြောဆိုသည်။
.အလုပ်သမားမှတ်ပုံတင် လက်မှတ်အသစ် ပြုလုပ်ပေးမည်ဆိုလျှင် ယခင်ဘတ်လက်မှတ်ကို သက်တမ်းဆက်ထားပြီး ယာယီနိုင်ငံကူးလက်မှတ် ရရှိရန် စောင့်ဆိုင်းနေရသူများကိုလည်း လာမည့်ဖေဖော်ဝါရီတွင် အလုပ်လုပ်ခွင့် ဘတ်လက်မှတ် သက်တမ်း ထပ်မံတိုးပေးရမည် ဖြစ်ကြောင်းလည်း အဆိုပါအရာရှိမှ ပြောကြားသည်။

ထိုင်းနိုင်ငံတွင်းတွင် ရွှေ့ပြောင်းအလုပ်သမားဦးရေ (၂) သန်းခန့်ရှိမည်ဟု အလုပ်သမားရေး လုပ်ဆောင်နေသော အဖွဲ့များက ခန့်မှန်းထားကြသည်။ သို့သော် ယခုနှစ် ဖေဖော်ဝါရီလကုန်တွင် အလုပ်သမားလက်မှတ် သက်တမ်းဆက်ထားသော ဦးရေမှာ မြန်မာ၊ လာအို၊ ကမ္ဘောဒီးယား (၃) နိုင်ငံလုံးမှ (၁,၀၄၂,၂၄၂) ဦးသာ ရှိပြီး ထိုအထဲတွင် မြန်မာရွှေ့ပြောင်းအလုပ်သမား (၈၃၃,၀၁၃) ဦး ပါဝင်သည်။

ထို (၃) နိုင်ငံလုံးမှ ဘတ်လက်မှတ် သက်တမ်းမဆက်သူပေါင်းမှာ (၂၇၃,၆၉၀) ဦးရှိသည့်အတွက် ထိုသူများအား ဇွန်လ (၂) ရက် ရက်စွဲဖြင့် ထုတ်ပြန်သော ထိုင်းဝန်ကြီးချုပ်အမိန့်ဖြင့် လိုက်လံဖမ်းဆီးနေမှုများလည်း နိုင်ငံတဝှမ်းလုံးတွင် ဖြစ်ပေါ်နေသည်။

စက်တင်ဘာ (၂၂) ရက်စွဲဖြင့် ထုတ်ပြန်သော ရွှေ့ပြောင်းနေထိုင်သူများဆိုင်ရာ နိုင်ငံတကာအဖွဲ့ (IOM) ၏ သတင်းထုတ် ပြန်ချက်တွင် မြန်မာရွှေ့ပြောင်း အလုပ်သမားများအား ယာယီပတ်စပို့ ထုတ်ပေးပြီးသည်မှာ ဇူလိုင်လ (၂၅) ရက်နေ့အထိ (၁၄၂,၃၃၈) ဦးသာရှိသေးကြောင်း သိရှိရသည်။ သို့အတွက် ဆက်လက်၍ စောင့်ဆိုင်းနေသူပေါင်းမှာ (၆၉၀,၆၇၅) ဦးရှိနေသေးသည်ဟု ပါရှိသည်။

နှစ်နိုင်ငံအစိုးရများမှ ယာယီပတ်စပို့ ထုတ်ပေးမှု လုပ်ငန်းစဉ်ကို၂၀၁၂ ခုနှစ်တွင် အပြီးသတ်စေရမည်ဟု မကြာသေးမီက တရားဝင် ပြောကြားခဲ့သေးသော်လည်း သတ်မှတ်ချိန်အတွင်း ပြီးစီးရန်မဖြစ်နိုင်ဟု အလုပ်သမားရေး လုပ်ဆောင်နေသော အဖွဲ့များမှ ယူဆနေကြသည်။

နှစ်နိုင်ငံ သဘောထူစာချွန်လွှာအရ မြန်မာရွှေ့ပြောင်း အလုပ်သမားများကို နယ်စပ်ဒေသများမှသာ ယာယီပတ်စပို့ဖြင့် တရားဝင်ခေါ်ယူမည်ဟုဆိုကာ ယမန်နှစ်မှစ၍ နိုင်ငံသားစိစစ်မှုလုပ်ငန်းကို တာချီလိတ်၊ မြဝတီ၊ ကော့သောင်းမြို့တို့တွင် ပတ်စပို့ထုတ်ပေးရေးရုံးများ ဖွင့်လှစ်ကာ ပြုလုပ်လာခဲ့သည်။ ထို့အပြင် မိုးရာသီတွင် သွားလာရေးအဆင်ပြေရန်ဟု ဆိုကာ မြန်မာဘက်ခြမ်းရှိ ရုံးကို ထိုင်းနိုင်ငံဘက်အခြမ်းရှိ ရနောင်းမြို့သို့ ယခုနှစ် ဇူလိုင်လဆန်းမှစ၍ ပြောင်းရွှေ့ဖွင့်လှစ် လုပ်ကိုင်ပေးခဲ့သည်။

ဤအတောအတွင်း အဆိုပါ ရနောင်းမြို့ရှိ ယာယီပတ်စပို့စ် ထုတ်ပေးရေးရုံးကိုလည်း စက်တင်ဘာလကုန်တွင် ပိတ်သိမ်းကာ အောက်တိုဘာလဆန်းမှစတင်၍ မြန်မာနိုင်ငံဘက်အခြမ်း၊ ကော့သောင်မြို့သို့ ပြန်လည်ပြောင်းရွှေ့ဖွင့်လှစ်မည် ဆိုသည့် အတည်မပြုနိုင်သော ကောလာဟလများ ထွက်ပေါ်နေသည်။

ယာယီပတ်စပို့လုပ်ငန်း လုပ်ဆောင်နေသူ နေလကမ္ဘာ (SUN MOON WORLD) ကုမ္ပဏီမှ တာဝန်ခံတဦးကမူ “သူတို့သက်တမ်း ဆက်တိုးပေးထားတယ်လို့ စနေနေ့က ကျနော်တို့သွားတော့ ပြောတယ်” ဟု ဆိုသည်။

၎င်းက “ကျနော်တို့ (၃) လပိုင်းကတည်းက စလုပ်လာတာ (၄၀၀) ကျော် ပြီးစီးခဲ့ပါပြီ။ ဒီဘက်မှာ လုပ်တာ တနေ့ လူ (၈၀၀-၉၀၀) လောက်ပြီးတယ်။ ဟိုဘက်ရွှေ့သွားရင် တနေ့ကို (၃၀၀) လောက်ပဲ ပြီးမယ်ထင်တယ်” ဟု ဆိုသည်။

သို့သော် ရနောင်းပတ်စပို့ရုံးတွင် အလုပ်လုပ်ကိုင်နေသော ဝန်ထမ်းတဦးက အတည်ပြု ပြောကြားရာတွင် “မပိတ်သေးဘူး၊ (၁၀) လပိုင်းကုန်လောက်မှ ပိတ်မယ်လို့ပြောတယ်။ ကျနော်တောင် (၂၈) ရက်နေ့ ထပ်သွားရမယ်။ ဒီအပတ်ဆို လုပ်ပေးတာ (၄,၀၀၀) ပြည့်တော့မယ်” ဟု ဆိုသည်။

ထိုင်း ငါးဖမ်းပိုက်ကွန် စက်ရုံ အလုပ်သမားများ ဆန္ဒပြ

.ဘစောတင် Friday, October 08, 2010
မြောက်ပိုင်း လာအိုနယ်စပ် Khong Kean မြို့ရှိ Dechapanich ငါးဖမ်း ပိုက်ကွန် စက်ရုံတွင် မြန်မာ အလုပ် သမား ၉၀၀ ကျော်နှင့် အလုပ်ရှင်အကြား လုပ်ခလစာ အပါအ၀င် ရပိုင်ခွင့်များနှင့် ပတ်သက်ပြီး ပြဿနာ ဖြစ်၍ အလုပ်သမား ဆန္ဒပြမှု ဖြစ်ပွားလျက် ရှိကြောင်း သိရသည်။
.အဆိုပါစက်ရုံမှ တာဝန်ရှိသူများက အလုပ်သမား ၆ ဦး၏ အလုပ်လုပ်ခွင့် ကတ်ပြား(Work Parmit)ရှိ ဓာတ်ပုံ များကို ပြောင်းလဲပစ်ခြင်း၊ ယာယီနိုင်ငံကူး လက်မှတ်၌ ပါရှိသော ဗီဇာ စာရွက်တွင် CANCEL ဟူသော စာကို ရေးသား ထား ခြင်းကြောင့် မကျေမနပ်ဖြစ်မှုမှ စတင်ကာ အလုပ်သမားများက စက်တင်ဘာလ ၇ ရက်နေ့မှ ၁၄ ရက်နေ့ အထိ တောင်းဆို ဆန္ဒပြမှု ပြုလုပ်ခဲ့ကြောင်း အလုပ်သမား ကိုယ်စားလှယ် တဦးက ပြောပြသည်။

တာဝန်ရှိသူများနှင့် ညှိနှိုင်း ဆွေးနွေးပြီးနောက် အလုပ်သမားများ၏ တောင်းဆိုချက်များကို လိုက်လျောရန် အလုပ်ရှင် က ကတိပြုခဲ့သော်လည်း လုပ်ခလစာနှင့် စာရွက်စာတမ်းများကို စက်ရုံတွင် ထုတ်ပေးခြင်းမရှိဘဲ ထိုင်း လူဝင်မှု ကြီး ကြပ်ရေးရုံးတွင် ထုတ်ယူရန် အောက်တိုဘာလ ၆ ရက်နေ့က ကြေညာချက် ထုတ်ရာမှ ဆန္ဒပြမှု ပြန်လည်ဖြစ်ပွားခဲ့ ကြောင်း အလုပ်သမားများ အရေး ဆောင်ရွက်ပေးနေသော MAP Foundation မှ မမိုင်က ပြောသည်။

“အလုပ်ရှင်က အလုပ်သမား ၅၆၉ ယောက်ကို အလုပ်ထွက်ခိုင်းနေတယ်။ ဒါပေမယ့် အလုပ်သမားတွေရမယ့် လုပ်ခ ကိုလည်း မရှင်းပေးတော့ အလုပ်သမားတွေက ထွက်လို့မဖြစ်ဘူး။ နောက်တခုက လုပ်ခကို လ၀က ရုံးမှာ သွားယူ ရမယ် လို့ စာကပ်တယ်။ ဒါကတော့ ထိုင်း အလုပ်သမား ဥပဒေနဲ့ မညီဘူးလေ။ ဥပဒေ အရက လုပ်ခလစာကို ကိုယ် လုပ်တဲ့ အလုပ်ရုံမှာ ထုတ်ရမှာ။ ဒါကြောင့် အခြေအနေက တင်းမာနေတယ်”ဟု ပြောသည်။

ထို့အပြင် အလုပ်ရှင်ဘက်မှ လုပ်ခလစာများ ထုတ်ပေးခြင်းမရှိဘဲ အလုပ်မသားများကို အောက်တိုဘာလ ၇ ရက်နေ့ နောက်ဆုံးထားပြီး စက်ရုံမှ ထွက်ခွာရန်၊ မထွက်ခွာလျှင် ဥပဒေ အရ အရေးယူမည်ဖြစ်ကြောင်း နှစ်ကြိမ် စာကပ် သည် ဟုလည်း သိရသည်။

“စက်ရုံက ကျနော်တို့ကို အမျိုးမျိုး ခြိမ်းခြောက်တာပဲ။ ဒါပေမယ့် ကျနော်တို့လစာတွေ ကျနော်တို့ ယာယီပတ်စ်ပို့ အပါ အ၀င် လိုအပ်တဲ့ စာရွက်စာတမ်းတွေ ရပိုင်ခွင့်တွေကို မရသရွေ့ ကျနော်တို့ အားလုံး ဒီစက်ရုံက မခွာဖို့ ဆုံးဖြတ်ထား ပါတယ်”ဟု အလုပ်သမား ကိုယ်စားလှယ် ကိုမြင့်မောင်က ပြောသည်။

“လ၀က ရုံးမှာ ကျနော်တို့ စာရွက်စာတမ်းတွေ လခတွေကို သွားထုတ်ပါဆိုတာက ကျနော်တို့ကို တပတ်လှည့်နဲ့ လုပ်တာလို့ ကျနော်တို့ ယူဆတယ်။ ရုံးကိုရောက်တာနဲ့  လ၀ကက ကျနော်တို့ကို အဆင့်သင့်ဖမ်းမယ်ဆိုရင် ဖမ်းနိုင်တယ်”ဟု ၎င်းက ပြောဆိုသည်။

အလုပ်ရှင်ဘက်မှ ယာယီနိုင်ငံကူးလက်မှတ်များကို လူစေ့မထုတ်ပေးခြင်း။ လုပ်ခများကို ပြည့်ပြည့်၀၀ မပေးခြင်းတို့ ကြောင့် ယာယီ နိုင်ငံကူး လက်မှတ် ပြန်လည်ရရှိထားသူ အလုပ်သမား ၅၆၉ ဦးက စက်တင်ဘာလ ၂၅ ရက်နေ့တွင် အလုပ် ထွက်စာတင်ခဲ့ကြသည်ဟုလည် ကိုမြင့်မောင်က ဆိုသည်။

ယင်းစက်ရုံတွင် ယာယီ နိုင်ငံကူးလက်မှတ်ရှိသူ မြန်မာအလုပ်သမား ၉၃၈ ဦးရှိပြီး ၃၆၉ ဦးမှာ ယာယီ နိုင်ငံကူး လက် မှတ် ပြန်ရခြင်း မရှိသေးကြောင်း သိရသည်။

အလုပ်သမားများမှာ စက်တင်ဘာလဆန်းက ဆန္ဒမပြမီအထိ နေ့စဉ် နံနက် ရှစ်နာရီမှ ည ရှစ်နာရီအထိ အလုပ်ဆင်းရ ကာ တရက် လုပ်အားခ ၁၇၀ ဘတ်ရရှိခဲ့ကြောင်း၊ ဆန္ဒပြပြီးနောက် နံနက် ၈နာရီမှ အလုပ်စ၀င်ကာ ညနေ ၅ နာရီတွင် အလုပ်ပြီးဆုံးပြီး တရက် လျှင် ၁၅၇ ဘတ်ရရှိကြောင်း၊ ယခု ဆန္ဒပြ အလုပ်သမားများသည် အလုပ်ရှင်ထံမှ ပျမ်းမျှ တဦး လျှင် ဘတ် ၄၀၀၀ ခန့်ရရှိရန် ကျန်နေသေးကြောင်း ကိုမြင့်မောင်က ပြောဆိုသည်။

ရောင်ခြည်ဦး အလုပ်သမားအဖွဲ့ တာဝန်ခံ ကိုမိုးဆွေက“အခု လက်ရှိအနေအထားကတော့ အလုပ်ရှင်က ပတ်စ်ပို့ စာအုပ် ပြန်ထုတ်ပေးတာမှာ အိမ်ထောင်ရှင်တွေ ပါတယ် လေ။ တချို့ မိသားစုမှာ ယောက်ျားတွေက ရပြီ။ မိန်းမက မရဘူး။ မိန်းမက ရတယ်။ ယောက်ျားက မရသေးဘူး ဆိုတာ မျိုး ဖြစ်နေတယ်။ ဒါကြောင့် ပတ်စ်ပို့ အကုန်လုံးကို ထုတ်ပေးဖို့နဲ့ လစာကို ပြည့်ပြည့်၀၀ ဒီစက်ရုံထဲမှာပဲ ထုတ်ပေးဖို့ တောင်းဆိုနေကြတယ်။ စိုးရိမ်စရာ တချက်ရှိတာက တော့ အလုပ်ရှင်က အလုပ်သမားရုံးမှာ ဒီ အလုပ်သမားတွေကို အလုပ်ထုတ်ထားပြီးပြီဆိုတာ ကြိုတင်တိုင်ထားပြီး ၇ ရက် မြောက်သွားရင် အလုပ်ရှင်မဲ့ အလုပ်သမားတွေအဖြစ် ဖမ်းလို့ ရတဲ့ ဥပဒေ တခုရှိတယ်”ဟု ပြောသည်။

ထိုင်းနိုင်ငံအတွင်း လာရောက် အလုပ်လုပ်နေကြသော မြန်မာနိုင်ငံသား အလုပ်သမား အနည်းဆုံး ၂ သန်းခွဲမှ ၄ သန်း အထိ ရှိနိုင်ကြောင်း အလုပ်သမားအဖွဲ့ များ၏ အဆိုအရ သိရသည်။

အလုပ်ရှင်က အလုပ်သမားများလခကို တောမောင်းရုံးတွင်ထုတ်ခိုင်းပြီး သေနတ်ပစ်ခတ်ခြိမ်းခြောက်မှုများ ပြုလုပ်နေ

.

သတင်း | October 7th, 2010 | စာရေးသူ - ရိုးမ ၃

ထိုင်း-လာအိုနယ်စပ်၊ ထိုင်းဘက်ကမ်း ခွန်ကယ်မြို့ရှိ DECHAPANIC (ဒီချာပဲန်နင်) ပိုက်စက်ရုံမှ အလုပ်ထွက်စာတင်ထားသည့် မြန်မာအလုပ်သမားများ လုပ်အားခနှင့် ပတ်စ်ပို့စ် စာရွက်စာတမ်းများကို တောမောင်းရုံးတွင် သွားထုတ်ယူရန် စက်ရုံမှူးက ကြေညာချက်ထုတ်ပြန်လိုက်ပြီး ခြိမ်းခြောက်မှုမျိုးစုံ ခံနေရသည်။

အလုပ်ထွက်စာတင်ထာသည့် မြန်မာအလုပ်သမား (၅၆၉) ဦးအား သေနတ်များဖြင့် ချိန်ရွယ်မှုများပြုလုပ်နေကြောင်း အလုပ်သမားတဦးက ပြောသည်။

“မနေ့ကတုန်းက စာကပ်ထားတယ်၊ အလုပ်ထွက်စာတင်ထားတဲ့ ၅၆၉ ယောက်ကို တောမောင်းရုံးမှာ လခ သွားထုတ်ရမယ်၊ ပြီးရင် စက်ရုံကနေထွက်သွားဖို့ စာထုတ်တာ ညသုံးနာရီလောက်မှာ သေနတ်နဲ့ ချိန်တယ်၊ မိုးပေါ်ပစ်ဖောက်တာ အဲဒါနဲ့ ကျနော်တို့က ဘုရားဆောင်မှာ တက်နေရတယ်” ဟု ပြောသည်။

ယင်းကဲ့သို့ ထိုင်းစက်ရုံ လုံခြုံရေးအဖွဲ့က ပြုလုပ်နေစဉ် မြန်မာအလုပ်သမား အုပ်ချုပ်ရေးအဖွဲ့မှ လူကြီး (၂) ဦး ရှိသော်လည်း တစုံတရာ တားမြစ်ခြင်းမရှိကြောင်း ၎င်းကဆက်ပြောသည်။
.“ကျနော်တို့ မထွက်သေးဘူး၊ ဘာဖြစ်လို့လဲဆိုတော့ ကျနော်တို့ စာရွက်စာတမ်းတွေ၊ လက်မှတ်တွေ၊ လုပ်အားခတွေ ကျနော်တို့ကို မပေးသေးဘူး၊ အဲဒါကြောင့် ကျနော်တို့မသွားတာပါ၊ အဲဒါတွေမရှိဘဲ ဘယ်မှသွားအလုပ်လုပ်လို့လဲ မရဘူး၊ သူဌေးကိုယ်စားလှယ်က တော်တော်ကောက်ကျစ်တယ်” ဟု ပြောသည်။

ပြီးခဲ့သည့်လအတွင်းက ပတ်စ်ပို့စ်များ ပြန်ထုတ်ပေးရန် ဆန္ဒပြတောင်းဆိုခဲ့သော်လည်း လက်ရှိအလုပ်သမား ၂၀၀ ကျော်မှာ ပြန်မရသေးဘဲရှိကြောင်း ၎င်းက ဆက်ပြောသည်။

စက်ရုံတွင် ကပ်ထားသည့် ကြေညာစာတွင် စက်ရုံမှ အကြောင်းပြန်ထားသော အလုပ်သမားများအား ၂၇ ရက်၊ ၉ လ၊ ၂၀၁၀ မှ ၃ ရက်၊ ၁၀ လ၊ ၂၀၁၀ အထိ အလုပ်ထွက်စာကို အလုပ်သမား ဝန်ကြီးဌာနသို့ အကြောင်းကြားထားကြောင်း၊ ၇ ရက်၊ ၁၀ လ၊ ၂၀၁၀ နေ့ နံနက် (၉) နာရီတွင် စက်ရုံမှ ထွက်ပေးရန်၊ ၇ ရက်၊ ၁၀ လ၊ ၂၀၁၀ နံနက် (၉) နာရီတွင် အကြောင်းပြန်ထားသော အလုပ်သမား (၅၆၉) ဦးတို့သည် တောမောင်းရုံးသို့ သွားရန် တဦးတယောက်မျှ ရောက်လာခြင်းမရှိကြောင်းနှင့် အကြောင်းပြန်ထားသော အလုပ်သမားများသည် စက်ရုံမှ အလုပ်သမားများ မဟုတ်တော့သည့်အတွက် ၇ ရက်၊ ၁၀ လ၊ ၂၀၁၀ နေ့လည် (၁၄) နာရီတွင် စက်ရုံမှ ထွက်ပေးကြရန် ရေးသားထားကြောင်း ၎င်းအလုပ်သမားက ဆက်ပြောသည်။

စက်ရုံတာဝန်ရှိသူများက နောက်ထပ် စာရေးသားပြီး ညနေ (၅) နာရီတွင် စက်ရုံမှ ထွက်ပေးရန် ကြေညာထားကြောင်းလည်း သိရသည်၊

ပြီးခဲ့သည့်လအတွင်း အဆိုပါစက်ရုံရှိ မြန်မာအလုပ်သမားများက ပတ်စပို့စ်များ ပြန်ရရေးအတွက် ဆန္ဒပြတောင်းဆိုစဉ်ကလည်း စက်ရုံအာဏာပိုင်များက တောမောင်းများခေါ်ကာ ဖမ်းဆီးခိုင်းမည်ဟု ခြိမ်းခြောက်ခဲ့ပြီး ယခုတကြိမ်တွင် သေနတ်းဖြင့်ပါ ခြိမ်းခြောက်လာခြင်းကြောင့် သက်ဆိုင်ရာ အလုပ်သမားရေးတာဝန်ရှိသူများ၏ အကူအညီလိုအပ်နေကြောင်း မြန်မာအလုပ်သမားများက ပြောသည်။

အထူးရဲ ဖမ်းဆီးမှုကြောင့် မြန်မာအလုပ်သမားထောင်ချီထွက်ပြေးနေရ

သတင်းနှင့်မီဒီယာကွန်ယက်။ အားမီ။ စက်တင်ဘာလ ၃ ရက်၊ ၂၀၁၀ ခုနှစ်။

ထိုင်း-မြန်မာနယ်စပ် မဲဆောက်မြို့တွင် အထူးစီမံကိန်းအနေဖြင့် ဘန်ကောက်မှ အထူးရဲ တပ်ဖွဲ့များလာရောက်၍ တရားမဝင်ရွှေ့ပြောင်း အလုပ်သမားများကို ယနေ့မနက်မှ စတင်ဖမ်းဆီးရာ မြန်မာအလုပ်သမားထောင်နှင့်ချီ ထွက်ပြေးပုန်းရှောင်နေရသည်။

ဘန်ကောက်အထူးရဲတပ်ဖွဲ့ အယောက် ၃၀၀ ခန့် မဲဆောက်မြို့တွင် တရားမ၀င်အလုပ် သမားများကို စစ်ဆေး ဖမ်းဆီးရာ ယနေ့နံနက်ပိုင်းတွင် အဖမ်းခံရသူ အယောက် ၁၀၀ ကျော်သည်ဟု အလုပ်သမားများက ပြောသည်။ မဲဆောက်မြို့တွင် အလုပ်လုပ်နေသော အလုပ်သမားအများစုမှာ အလုပ်သမားလက်မှတ် မရှိသောကြောင့် အ လုပ်ရုံများပိတ်ပြီး အလုပ်ရှင်က တိမ်းရှောင်ရန် ပြောသည်ဟု စက်ရုံတွင် လုပ်ကိုင်နေသည့် အလုပ်သမား တစ်ဦး က ပြောသည်။

"သုံးရက်ပိတ်ထားတယ်။စက်ရုံတွေက သုံးရက်ပိတ်ထားတယ်။အလုပ်သမားတွေကတော့ လက်ရှိလော လောဆယ် ကျနော်သိရသလောက်ဆိုလို့ရှိရင်တော့ တစ်ရာကျော်ရှိတဲ့ နေရာရှိသလို သုံး၊ လေး၊ ငါးရာ ရှိတာလည်းရှိတာပေါ့။ ဒါပေမယ့် လက်မှတ်မရှိတဲ့သူကတော့ လက်မှတ်ရှိတဲ့သူထက်စာရင်တော့ နှစ်ဆ လောက်ပိုများတာပေါ့။ အဲ့ဒါကြောင့် လက်ရှိ လောလောဆယ်ရှောင်ခိုင်းထားတယ်လေ။"

မဲဆောက်မှ ခရစ်ယာန်ဘာသာရေးဆရာတစ်ဦးက ယင်းဖမ်းဆီးမှုကြောင့် ယခုအချိန်တွင် မဲဆောက်မြို့တစ်မြို့ လုံးနီးပါးငြိမ်သက်လျှက်ရှိပြီး အလုပ်သမားအများစုမှာ ထွက်ပြေးနေ ကြရသည် ဟု ပြောသည်။

"အားလုံးဘယ်သူမှမနေကြဘူး၊ အားလုံး လယ်တော၊ ခြံ၊ ယာတောတွေမှာ ထွက်ပြေးသွား ကုန်ကြပြီ။ တချို့ကလည်း ပြေးမယ့်နေရာမရှိ်တော့ ဟိုဖက်ကမ်းကိုဒီတိုင်းပဲ အောက်လမ်း ကနေကူး ပြေးကြ တယ်လေ။"

ယနေ့နံနက် ၄ နာရီမှ စတင်၍ ဖမ်းဆီးရာ မြန်မာရွှေ့ပြောင်းအလုပ်သမားများ အလုပ်လုပ် သော စက်ရုံ အလုပ် ရုံများ၊ လမ်းများ၊ ဈေးများနှင့် ရပ်ကွက်များတွင် ဝင်ရောက်ဖမ်းဆီး နေဟု မဲဆောက်ရှိ မြန်မာအလုပ်သမား တစ်ဦးက ယခုလိုပြောသည်။

"အဖမ်းအဆီးကစနေပြီ၊ မနက် ၄ နာရီ၊ ၄ နာခွဲလောက်ကတည်းနေဖမ်းနေပြီလေ။စက်ရုံတွေ ဆောက် လုပ်ရေးဆိုက်တွေ အားလုံးပဲဝင်ဖမ်းနေတာလေ။ လမ်းတွေပေါ်မှာ လည်းတအားဖမ်းနေတယ်ဗျ။ အား လုံးထွက်ပြေးနေကြတယ် လောလောဆယ်ကတော့။ ကိုယ့်အိမ်ကိုယ်ပြန်တဲ့သူတွေလည်းရှိတယ်။ လမ်း မှာလည်းဖမ်းခံရတဲ့သူတွေရှိတယ်။"

ယခုဖမ်းဆီးမှုမှာ ဇွန်လအတွင်း ထိုင်းဝန်ကြီးချုပ်ကိုယ်တိုင် လက်မှတ်ရေးထိုးခဲ့သော ယာယီနိုင်ငံကူးလက်မှတ် စာရင်းမတင်သွင်းထားသူများ ဖမ်းဆီးပြန်ပို့ရေး အထူးအစီစဉ် ကြောင့်ဖြစ်သည်ဟု ရောင်ခြည်ဦး အလုပ်သမား အဖွဲ့၏ အထွေထွေအတွင်းရေးမှူး ဦးမိုးဆွေက ယခုလိုပြောသည်။

"ကျနော်တို့ယူဆတာကတော့ ထိုင်းဝန်ကြီးချုပ်ပြီးခဲ့တဲ့ ဇွန်လတုန်းကလက်မှတ်ထိုးထားတဲ့ ဒီတရားမ ဝင် အလုပ်သမားပေါ့နော်၊ အထူးသဖြင့်တော့ နိုင်ငံရေးစီစစ်ရေးလက်မှတ်မလုပ်တဲ့ အလုပ်သမားအား လုံးပေါင်း သူတို့ရဲ့အစီအစဉ်ထဲမှာ မပါတဲ့ အလုပ်သမားတွေကိုဖမ်းဖို့ပေါ့၊ သုံးသိန်းထိဖမ်းဖို့ပေါ့ အဲ့ဒီ အစဉ်အစီပဲလို့ ကျနော်တို့ယူဆတယ်။"

ယာယီနိုင်ငံကူးလက်မှတ်များလုပ်ပေးသော်လည်း မြန်မာရွှေ့ပြောင်းအလုပ်သမားအများစု စာရင်းမတင်သွင်းရ ခြင်းနှင့်ပတ်သက်၍လည်း ဦးမိုးဆွေက အခုလို သုံးသပ်ပြောဆိုသည်။

"ဒီနှစ်နိုင်ငံသဘောတူညီချက်နဲ့ လုပ်နေတဲ့အစီစဉ်ကို အလုပ်သမားအများစုက မြန်မာအစိုးရ ကိုမယုံ ကြည်တဲ့အတွက် ဒီစီမံကိန်းကမအောင်မြင်ဘူး၊ မအောင်မြင်တဲ့ အတွက်ကြောင့် နောက်ဆက်တွဲ အ ကျိုးဆက်အနေနဲ့ ဒါတွေကဖြစ်လာတယ်လို့ ကျနော်ကတော့မြင်တယ်။"

မဲဆောက်မြို့တွင် အလုပ်ရုံ၊ စက်ရုံပေါင်း ၇၀ ကျော်ရှိပြီး မြန်မာရွှေ့ပြောင်းအလုပ်သမား တစ်သိန်းကျော် လုပ် ကိုင်နေကြသည်။

ထိုင်းအစိုးရက တရားမဝင်အလုပ်သမား သုံးသိန်းကို ဇွန်လ မှ အောက်တိုဘာလကုန်ထိ အထူးစီမံကိန်းအနေနှင့် ဖမ်းဆီး၍နေရပ်သို့ပြန်ပို့မည်ဟု တရားဝင်ကြေညာထားသည်။

ထိုင်းနိုင်ငံအတွင်းတွင် မြန်မာပြည်မှရွှေ့ပြောင်းအလုပ်သမား ခန့်မှန်းခြေ နှစ်သန်းကျော် ရှိသော်လည်း တရားဝင် လုပ်သမား တစ်သန်း နှစ်သိန်းကျော်ရှိပြီး ယာယီနိုင်ငံကူး လက်မှတ် ပြုလုပ်ရန် စာရင်းတင်သွင်းသူပေါင်း ကိုးသိန်းကျော်သာရှိသည်။ ကျန် အလုပ်သမားများမှာ တရားမဝင်အလုပ်သမားများဖြစ်သည်ဟု ထိုင်းအလုပ် သမား ၀န်ကြီးဌာန၏ ထုတ်ပြန်ချက်အရ သိရသည်။

ရွှေ့ပြောင်းလုပ်သားများ ခေါ်ယူခွင့်ပြု

မြတ်ခိုင်ဦး / ၀၃ စက်တင်ဘာ ၂၀၁၀

နှစ်နိုင်ငံသဘောတူ စာချွန်လွှာအရ ရွှေ့ပြောင်းအလုပ်သမားများ ခေါ်ယူခွင့်ကို မြန်မာအစိုးရက သဘောတူလိုက်သဖြင့် မြန်မာရွှေ့ပြောင်း အလုပ်သမား (၁၁,၇၅၉) ဦးအား ထိုင်းကုမ္ပဏီများက မကြာခင် ခေါ်ယူတော့မည်ဖြစ်သည်။

ထိုသို့ခေါ်ယူမည့် ထိုင်းကုမ္ပဏီများမှာ ခရိုင်အသီးသီးမှ ကုမ္ပဏီ (၈၅) ခုဖြစ်ပြီး မြန်မာရွှေ့ပြောင်းအလုပ်သမား အမျိုးသား (၄,၆၄၉) ဦးနှင့် အမျိုးသမီး (၇,၁၁၀) ဦး စုစုပေါင်း (၁၁,၇၅၉) ဦးကို ခေါ်ယူမည်ဖြစ်သည်။ ဒေသအားဖြင့် မြဝတီမှ (၄,၇၃၈) ဦး၊ ကော့သောင်းမှ (၃,၆၁၅) ဦးနှင့် တာချီလိတ်မှ (၃,၄၀၆) ဦး ပါဝင်မည်ဖြစ်သည်။ ထိုင်းနိုင်ငံ အလုပ်အကိုင်ရှာဖွေရေးဌာနမှ ဘန်ကောက်ရှိ အလုပ်သမားရုံး (၁၀) ရုံးအပါအဝင် ခရိုင်ရုံးအသီးသီးသို့ ညွှန်ကြားလွှာပေးပို့ပြီး သက်ဆိုင်ရာကုမ္ပဏီများအား အဆိုပါ အလုပ်သမားများကို လျှောက်ထားခွင့်ပြုခဲ့ခြင်းဖြစ်သည်။

ယခုခေါ်ယူခွင့်ပြုမည့် ရွှေ့ပြောင်းအလုပ်သမားများသည် နှစ်နိုင်ငံနယ်စပ်မြို့များဖြစ်သော မြဝတီ၊ တာချီလိတ်၊ ကော့သောင်းမြို့တို့မှတဆင့် လိုအပ်သော ကျန်းမာရေးစစ်ဆေးမှုခံယူကာ ယာယီပတ်စပို့စ်များဖြင့် ထိုင်းနိုင်ငံအတွင်းသို့ ဝင်ရောက်အလုပ်လုပ်ကိုင်နိုင်မည်ဖြစ်သည်။

ထိုင်းနိုင်ငံ အလုပ်အကိုင်ရှာဖွေရေးဌာနမှ ညွှန်ကြားလွှာအရ အချို့အလုပ်အကိုင်များသည် နေ့စားဖြစ်ပြီး အချို့မှာ လခစားဖြစ်သည်။

ချိုင်းယာဖွန်ခရိုင်ရှိ အထည်ချုပ်ကုမ္ပဏီတခုမှ ပေးသည့် အနိမ့်ဆုံးလစာငွေသည် တလလျှင် (၃,၉၅၂) ဘတ်မှ တရက်လုပ်အားခ (၁၅၂) ဘတ်ဟု သတ်မှတ်ပါရှိသည်။ သို့ရာတွင် အဆိုပါခရိုင်၏ အနိမ့်ဆုံးလစာငွေသည် တရက်လျှင် လုပ်အားခ (၁၅၆) ဘတ် ရှိရမည်ဖြစ်သည်။ ယခုတင်သွင်းထားသော နှုန်းထားကို ပြင်ဆင်မှု ပြုလုပ်မည် မပြုလုပ်မည်ကို မသိရှိရသေးပေ။

အမြင့်ဆုံးလစာသည် ချွန်ဘူရီခရိုင်မှ လူပုဂ္ဂိုလ်တဦးမှခေါ်ယူသည့် အထွေထွေ ဆောက်လုပ်ရေးလုပ်ငန်း အလုပ်သမားဖြစ်ပြီး လစာ (၇,၀၀၀) ဘတ်ဖြစ်သည်။ အရေအတွက်အားဖြင့် အမျိုးသား (၇၀)၊ အမျိုးသမီး (၂၂)၊ စုစုပေါင်း (၉၂) ဦးဖြစ်သည်။

ထိုင်းနိုင်ငံအတွင်းရှိ ခရိုင်အသီးသီးတွင် အနိမ့်ဆုံး လုပ်အားခအဖြစ် သက်ဆိုင်ရာခရိုင်အလိုက် ထိုင်းအစိုးရမှ သတ်မှတ်ထားသည်။ အနိမ့်ဆုံးလုပ်အားခမှာ တနေ့လျှင် အလုပ်ချိန် (၈) နာရီရှိပြီး တရက်လျှင် (၁၅၁) ဘတ်ရရှိမည့် ဇယာအို၊ ပီချစ်၊ ဖရေးနှင့် မဲဟောင်ဆောင် ခရိုင်တို့ဖြစ်ကြသည်။ အဆိုပါတွက်ချက်မှုတွင် အချိန်ပိုကြေး မပါဝင်ပေ။ အမြင့်ဆုံး တရက်လုပ်အားခမှာ (၂၀၆) ဘတ်ဖြစ်ပြီး ဘန်ကောက်နှင့် စမုတ်ပရာကန်ခရိုင်တို့တွင်ဖြစ်သည်။

လုပ်အားလိုအပ်သော ကုမ္ပဏီများမှ လုပ်သားခေါ်ယူနေခြင်းကြောင့် ကြားခံပွဲစားများ၊ လူကုန်ကူး ရောင်းသူများ၏ လိမ်လည်လှည့်ဖျားမှုမခံရရေး အလုပ်သမားများ အထူးသတိထားရန်လိုကြောင်း အလုပ်သမားအရေး လုပ်ဆောင်နေသော အန်စီဂျီယူဘီမှ ကိုသက်ခိုင်က ပြောကြားသည်။

“အလုပ်သမားတွေ အလုပ်လုပ်ဖို့လာပြီဆိုရင် ကိုယ်က ဘယ်စက်ရုံ၊ ဘယ်ကုမ္ပဏီမှာ လုပ်ရမယ်ဆိုတာ သေချာသိအောင် လုပ်စေချင်တယ်။ အနိမ့်ဆုံးအဆင့် ကိုယ်လုပ်ရမယ့် လုပ်ငန်း၊ စက်ရုံအမည်၊ တည်ရှိရာခရိုင်တွေပေါ့” ဟု ၎င်းက ဆိုသည်။

ထိုသို့ အလုပ်သမားကိုယ်တိုင် မိမိလုပ်ကိုင်ရမည့် နေရာဒေသ လုပ်ငန်းအမျိုးအစားကိုသိမှ လိုအပ်သည့် အကြံပေးမှုမျိုးကို ထိထိရောက်ရောက် လုပ်ကိုင်ကူညီပေးနိုင်မည်ဖြစ်ကြောင်း၊ သို့မှသာ မိမိကို ခေါ်ဆောင်သော လုပ်ငန်း၊ ကုမ္ပဏီသည် အမှန်တကယ် ရှိမရှိကိုလည်း လိုအပ်လျှင် စုံစမ်းပေးနိုင်မည်ဖြစ်ပြီး လူကုန်ကူးခံရမှုများမှ ကာကွယ်နိုင်မည်ဖြစ်ကြောင်း ၎င်းက ဆက်လက်ပြောကြားသည်။

ထိုင်းနိုင်ငံအတွင်းရှိ မြန်မာရွှေ့ပြောင်းအလုပ်သမားများအား ယမန်နှစ်မှ စတင်၍ နိုင်ငံသားစိစစ်မှုပြုကာ ယာယီနိုင်ငံကူး လက်မှတ်ဖြင့်သာ အလုပ်လုပ်ကိုင်ခွင့် ပြုတော့မည်ဟု နှစ်နိုင်ငံအစိုးရများမှ သဘောတူ လုပ်ဆောင်ခဲ့ကြခြင်းဖြစ်သည်။

တရားမ၀င် အလုပ်သမား ဖမ်းဆီးမှု စစ်ဆင်ရေးစ

ရဲရင့် / ၀၃ စက်တင်ဘာ ၂၀၁၀

တရားမ၀င် အလုပ်သမား (၃) သိန်းခွဲခန့်ရှိသည့် တာ့ခ်ခရိုင်တွင် ယနေ့မှ စတင်ကာ တရားမ၀င် အလုပ်သမားဖမ်းဆီးမည့် အထူးစစ်ဆင်ရေးကြောင့် ဒေသအတွင်းရှိ မြန်မာအလုပ်သမားများ လုပ်ငန်းခွင်များမှ ရှောင်တိမ်းနေကြသည်။

အဆိုပါစစ်ဆင်ရေးကြောင့် မဲဆောက်ရှိ မြန်မာအလုပ်သမား (၅) ထောင်ခန့်သည် မြန်မာနိုင်ငံ မြ၀တီမြို့သို့ သွားရောက်တိမ်းရှောင်နေကြပြီး ကျန်သိန်းချီသည့်အလုပ်သမားများမှာ လက်လှမ်းသင့်ရာနေရာတို့တွင် ခိုလှုံနေကြကြောင်း သိရသည်။

ယနေ့မှ စက်တင်ဘာ (၅) ရက်နေ့အထိ ဖမ်းဆီးမည့်စစ်ဆင်ရေးကြောင့် မဲဆောက်ဒေသရှိ စက်ရုံအလုပ်ရုံနှင့် စိုက်ပျိုးရေးခွင်များတွင် လုပ်ကိုင်နေသည့် အလုပ်သမားများအား အလုပ်ရှင်များက ယမန်နေ့မှ စတင်ကာ တိမ်းရှောင်စေခြင်း ဖြစ်သည်။ အလုပ်သမတဦးဖြစ်သူ မငယ်ငယ်က “ကျမတို့က မဲဆောက်ကမ်းနားစက်ရုံကပါ။ အလုပ်သမား (၂) ထောင်ရှိတယ်။ သူဌေးက ပြောတယ်။ မနေ့ကစပြီး ဘန်ကောက်က အထူးရဲတပ်ဖွဲ့ (၂၀၀) ကျော်ရောက်နေတယ်။ မိရင် တရားရုံးတင်မယ်၊ ထောင်ကျမယ်လို့ ပြောတယ်။ အကုန်လုံးရှောင်ကြဆိုပြီး စက်ရုံပါ ပိတ်ထားတယ်” ဟု ပြောသည်။

မဲဆောက်နှင့်မြ၀တီ နယ်ခြားသောင်ရင်းမြစ်တွင် စက်လှေမောင်းသည့် ကိုကုလားကြီးက “အဖမ်းအဆီးရှိလို့ မနေ့ကစပြီး ထိုင်းဘက်စက်ရုံက လူတွေ မြ၀တီဘက်ကို ပြန်ကူးလာကြတယ်။ စက်လှေခ တယောက် ကျပ် (၅၀၀) အထိယူတယ်။ အလုပ်သမားတွေက ဘုန်းကြီးကျောင်းနဲ့ ဓမ္မာရုံတွေ၊ အသိတွေဆီမှာ တည်းကြတာများတယ်” ဟု ပြောသည်။

မဲဆောက်ဘန့်စောင်ခွဲ အထည်ချုပ်စက်ရုံမှ မညိုညိုက “ဒီရပ်ကွက်မှာ စက်ရုံအကြီးအသေး (၈) ရုံရှိတယ်။ အလုပ်သမား (၂,၅၀၀) ကျော်ရှိတယ်။ အလုပ်ရှင်တွေက လုံးဝတာဝန်မယူဘူးဆိုတော့ အားလုံး မြ၀တီဘက် သွားရှောင်နေရတယ်” ဟု ဆိုသည်။

(၃) ရက်တာကြာမြင့်မည့် ဖမ်းဆီးမှုစစ်ဆင်ရေးအပြီးတွင် အလုပ်သမားများ လုပ်ငန်းခွင်သို့ ပြန်လည်ဝင်ရောက်နိုင်ကြောင်း အလုပ်ရှင်များက မှာကြားထားသည်ဟုလည်း အလုပ်သမားများက ပြောသည်။

မြ၀တီဘက်ကူးရန် အခြေအနေမပေးသည့် အလုပ်သမားများမှာ ထိုင်းဘက်ခြမ်းရှိ တောထဲနှင့် အခြားအဆင်ပြေမည့် နေရာဒေသများတွင် တိမ်းရှောင်လျက်ရှိသည်ဟု မြန်မာအလုပ်သမားအရေး ဆောင်ရွက်နေသည့် အဖွဲ့များက ပြောသည်။

မဲဆောက်မြို့တွင်းရှိ အလုပ်ရုံစက်ရုံများ အားလုံးနီးပါးပိတ်ထားပြီး အလုပ်သမားလက်မှတ်ရှိသူအချို့နှင့် ထိုင်းအလုပ်သမားအချို့သာ စက်ရုံများတွင် ကျန်ရှိပြီး မဲဆောက်ဈေး အနောက်ဘက်ရှိ မြန်မာအလုပ်သမား (၁၀၀) ခန့် လုပ်ကိုင်နေသည့် အထည်ချုပ်စက်ရုံ၌ အလုပ်သမား (၆) ဦးသာ ကျန်ရှိသောကြောင့် စက်ရုံကုန်ထုတ်လုပ်မှု ရပ်တန့်သွားသည်ဟု အလုပ်ရှင်က ပြောသည်။

ထိုင်း-မြန်မာနယ်စပ် မဲဆောက်အပါအ၀င် တာ့ခ်ခရိုင်တွင် မြန်မာအလုပ်သမား (၄) သိန်းခန့် လုပ်ငန်းခွင်အသီးသီးတွင် အလုပ်လုပ်ကိုင်လျက်ရှိရာ တရားဝင် အလုပ်သမားမှတ်ပုံတင်ထားသူမှာ (၆) သောင်းခန့်သာရှိပြီး မဲဆောက်ဒေသအတွင်း
အလုပ်ရုံစက်ရုံ (၂၈၀) ခန့်တွင် မြန်မာအလုပ်သမား (၂) သိန်းခန့် ရှိသည့်အနက် အလုပ်သမားမှတ်ပုံတင်ထားသူ (၄) သောင်းခန့်သာရှိသည်ဟု တာ့ခ်ခရိုင် အလုပ်သမားရုံး မှတ်တမ်းများအရ သိရသည်။

ယနေ့စတင်သော စစ်ဆင်ရေးသည် ပြီးခဲ့သည့် ဇွန်လ၌ စတင်သည့် ထိုင်းဝန်ကြီးချုပ်၏ တရားမ၀င်နိုင်ငံခြားသား အလုပ်သမားများ ဖမ်းဆီးအရေးယူကာ နေရပ်ပြန်ပို့မည့် စီမံချက်၏ နောက်ဆက်တွဲ ဖြစ်သည်ဟု မြန်မာအလုပ်သမားအရေးဆောင်ရွက်နေသည့် (ဂျေအေစီဘီအေ) အဖွဲ့၏ ဥက္ကဋ္ဌ ဦးမိုးကြိုးက ခေတ်ပြိုင်သို့ပြောသည်။

၎င်းက “၀န်ကြီးချုပ် ပြောပြီးတဲ့နောက်မှာ ပထမဆုံး အရေးယူခြင်းပဲ။ ဒီအလုပ်သမားတွေကို ဖမ်းပြီးပြန်ပို့လိုက်ရင် ထိုင်းနိုင်ငံရဲ့ ကုန်ထုတ်လုပ်ငန်းအချို့ ရပ်ဆိုင်းသွားမှာ သေချာတယ်။ လုပ်ငန်းခွင်အသီးသီးမှာ မြန်မာအလုပ်သမားတွေကို ဈေးပေါပေါနဲ့ ရနေတာဖြစ်တယ်။ စက်ရုံအလုပ်ရုံတွေမှာ တနေ့ဘတ် (၅၀-၆၀) လောက်ပဲရတဲ့လူတွေရှိတယ်။ ထိုင်းနိုင်ငံမှာ ခက်ခဲကြမ်းတမ်းတဲ့ အလုပ်တွေ၊ အန္တရာယ်ရှိတဲ့ အလုပ်တွေ၊ ညစ်ပတ်ပေရေတဲ့အလုပ်တွေ ထိုင်းတွေမလုပ်နိုင်ဘူး။ သိန်းချီတဲ့ အလုပ်သမားတွေကို ဖမ်းပြီးပြန်ပို့ရင် အရင်ဆုံး အစိုးရကို ကန့်ကွက်မှာကတော့ ထိုင်းလုပ်ငန်းရှင်တွေပဲ ဖြစ်တယ်” ဟု ပြောသည်။

ယနေ့နံနက်ပိုင်းတွင် မဲဆောက်၌ အဖမ်းခံရသည့် မြန်မာအလုပ်သမား (၂၀၀) ကျော်ခန့် ရှိသည်ဟု မြန်မာအလုပ်သမားအရေး ဆောင်ရွက်နေသည့်အဖွဲ့များက ပြောသည်။